اذهب إلى المحتوى
محاورات المصريين

شعنونة في سوق الخضار!!


Recommended Posts

البواقي.........

ااااااااااخخخخخخخخخ من البواقي

كتييييير جدا يتبقى عندي حاجات مش باية ولا حاجا

انما مثلا نص كيلوا تفاح احمر وانا جبت الجديد اخضر ف ما يتباعش ويفضل ل حد ما يبوظ

شوية كوسة قربوا يبوظوا

طب و الحل.....؟؟؟؟؟

فكرة قوية جاتلي.. B)

عند بابا تلاجة قديييييييييمة وكبيرة بس راكنها عشان بتعمل صوت فظيييييييييييييع ولا الدبابة ومش بتسقع اوي يعني بس ماشي حالها

رحت جبتها

واشتريت 100 طبق فلين ب 3 جنيه مقاسات مختلفة

وبقى الخضار اللي يقرب يترمي ( مش باااااااااااااااايظ المهم) اروح مقطعاه ومنضفاه و اعمله طبق خضار مشكل زي بتاع السوبر ماركت واحطه في التلاجة

واضحي بوااااااااااحد بس احطه على وش قفص مهم ( طماطم مثلا عشان تكون عليها حركة كتييييييييييير)

تقوم الست تشوفه ;)

ايه دا انتوا بتنضفوا خضار...

- اتصدمت من السؤال انما قلت..

طبعااااااااااااااا

- طب هوا جاهز والا بالطلب..

- زيييييييييييييي ما تحبيييييييييييييييييييييييييي..

همممممممممم

ممكن طبق خضار بس غير دا لو سمحتي..

طلعتلها واحد من التلاجة امور كدا وكنت حاطا على عودين كرفس ومتدلع ع الأخخخررررررررررررررررررررر ;)

عجبها

بكام ؟

- يادي الخيييييييييييييييبة :rolleyes: نسيت احسب سعره..

وبسرعة حسبتها في راسي وقلتلها 3 ونص

وخدته

حسبتهاازاي

بيتباع في المحلات ب5 جنيه

يبقى لازم اكسب الزبون واكسب ان البواقي ما تترميييييييييييييييش يعني

ومش مهم تعبي

ما انا كدا كدا قاعدا في المحل

ورايا ايييييييييييه يعني؟

اديني بسلي نفسي... :rolleyes:

ف بقيت كل يوم اشكل في شكل الطبق اللي احطه برا

يعني مثلا

كوسة كببببببببببيرة قد دراعي اقطعه قطع مدورة ثم اقطع الحلقات الى انصاص وارصها في الطبق مع شوية جزر وبطاطس وكدا اعمل شوربة خضار

شوية توم ها ينشفوا اقشرهم واحطهم في طبق في التلاجة..

وهكذا

وانا من البلد ديييييييييييي

رابط هذا التعليق
شارك

مش ها اقولكم ان الطلب عليه كان بالهببببببببببببل

دا انا خدت وقت طوييييييييييييييل اووووووووووووووي على ما ابتدت الناس تطلبه بكمية كويسة...

في مرة كان عندي تفاح وبواقي فاكهة ضرب جنب منها

يعني نص التفاحة باظ و التاني سليم...

" ملحوظة خضار البيييييييييت كله كان من عندي طبعا ف لما حاجا كانت تقرب تبوظ كنت اوديها البيت ف مرة اخويا هزقني......... الله يهدددددددددددددك هوا كل حاجا بايظة تجيبيهالنا.. قرفتييييييييييييييييييينا :rolleyes: "

بيني وبينكم يومها صعبوا عليا

ف مسكت الفاكهة وقعدت اقطع فيها واعملها فروت سلاط في سلطانية كببببببببببببببيرة عشان اوديها البيت

دخلت عليا بنت البواب

اللللللللللللللللله ايه دا يا طنط..

- سلطة فواكه..

- ها تبيعيها؟ دي شكلها لذيييييييييييذ اوي :rolleyes:

B) ابيعها؟؟؟؟؟؟؟؟؟؟؟؟

هممممممممممممممممم

ليه لالالالالالالالالالالالالالالاء

ف بقيت ابيع السلطانية اللي عاملة زي سلطانية الزبادي ب جنيه ونص للعيال

بصراحا نفعوووووووووووووني جداااااااااااا

وما بقاش فيه فاكهة بايظة عندي خااااااااااااااااالص ;)

تم تعديل بواسطة بنت شعنونة

وانا من البلد ديييييييييييي

رابط هذا التعليق
شارك

شاااااااااااااااااااااااااااااانااااااااااااااااااااااااااااااااااااااااا!!!!

عاش مين شافك!!!

الحلقات دي معادة!! انا شفتها علي الفضائية!! مش مسلس لن اعيش في جلباب ابي!!! B) ;)

كملي ياحجة ام سمر!!!

ها وبعديييييييييييييين!! :rolleyes: :rolleyes:

إلي كل المصريين:

لا يستطيع أحدٌ ركوب ظهرك .. إلا إذا كنتَ منحنياً.

رابط هذا التعليق
شارك

مع الوقت الناس ابتدت تعرفني وتطلب مني الخضار لتاني يوم

وكنت بجيبلهم اكني بجيب لبيتي

احسسسسسسسسن حاجا

فا كانت ست البيت بتبقى مريحة بالها خااااااااااااااااالص

التلفون كان ضروووووووووووووري اووووووووي

بس للأسف ماكانش عندي

كان الأوردر يجي ع الموبايل

ودا خنق ناس كتيرمني.. بعد وقت

يعني كان صاحب البيت يتصل عاوز كذا وكذاوكذا كيلوا.. اقوله عنيا..

دا انا عندي عنب يششششششششششرح مش عاوز؟

يقولي هاااااااااااااتي

وحسب الطلب يعني

يعني لو طالب خضار اقوله عندي كرنب هااااااااااااااايل

لو طالب فاكهة اقوله عندي بطيخ تحففففففففففة

كدا يعني... ;)

واوقات مع الزبون المستديم كنت ابعتله مثلا منجايا هدية ع الطلبات

وابقى عارفا ان المنجا دي سسسسسسسسسسسسسسسسكر

تاني يوم الاقيه جاي بنفسسسسسسسسسسه يدور ع المنجايا :D

ويشتري منها وهوا سعيد وراضي

;)

لو كان عندي تلفون كان فرق معايا اوي...

وجود بنت متعلمة في المحل ومن اهل الحي فرق كتير مع ستات البيوت في التعامل

كان فيه اطمئنان وثقة كبااااااااااار عملوا معايا انا شغل كبير وعلاقات اجتماعية وشخصية اكبر...

نقطة 6-

المعاملة الذوق و البضاعة الكويسة = مكسب اكييييييييد لزبون مستديم حتى لو السعر اغلى شوية عن برا

مرة دخل عليا شاب خليجي ساكن في اخر الشارع

دخل متحرج جدا وقالي

انا اسف

ممكن اخد تفاحايا؟ :rolleyes:

:rolleyes: ؟؟؟؟؟؟؟

واحدا؟

ايوا.. اصل انا متعود على مترو ب اخد واحدا من كل نوع وامشي بس انا تعباناوي النهاردا ومش قادر انزل وما عنديش اكل..

صعب عليا B)

قلتله اتفضل خد راحتك

راح واخد عنقود عنب واحد

تفاحايا

كمترايا

2 برتقانا

!!!!!!!!!!!!!!!!

بيني وبينكم احتسسسسسسسسسسسست احسبها ازاي؟

انما عملتها نسبة وتناسب..

ومشي مبسوط

وبقى زبون مستديم عندي بالطلب ع الموبايل :D

وانا من البلد ديييييييييييي

رابط هذا التعليق
شارك

منماااااااااااااااااااااااااان

عاش من شافني انا برضضضضضضضضضضضضضضضضضضضه :rolleyes:

واحشششششششششششششششششننننننننننننننننني ياااااااااااااا راااااااااااااااجل B)

وبعدين معلش بقى

دش يوميات الحاجا ام سممممممممممممممر في سوووووووووق الخضضضضضضضضضضضضضر ;)

دي حلقات "فرررررررررررررررررش" لسسسسسسسسسا :rolleyes:

وانا من البلد ديييييييييييي

رابط هذا التعليق
شارك

المحل عندي زي الوكالة تماااااااااااام

في وقت ذروة وفيه وقت موووووووووووووت

من الساعا 7-12 دا الذروة

موووووووووووووووووووت بقى لحد الساعا 8 كدا لما يبتدي البيع تاني لحد 10

يجوز عشان الشارع عندي كله بيوت بس وشارع هادي!

مش عارفا بجد

بس كانت بتبقى فترة ممييييييييييييييييتة من 12 الضهر لحد ما نقفل 10 بالليل يعني كل فيييييييييين وفين لما يعدي عليك حد يشتري كيلو من اي حاجا ويمشي!!!

مرة اشتريت صندوق بلح رطب مع اني ما بحبوووووووووووووووووش اصصصصصصصصصصصصلالالالالالالالالالالالالالالالالا B) بس ناس كانت بتسال عليه ف جبته...

وفضل قاااااااااااااااااااعد عندي وماحدش راضي يهوب ناحيته!!!!!

مع اني دقت واحدا منه وكان طعمها حلوووووو الصراحا :rolleyes:

عجبني.........

هممممممممممم

طب اعمل ايه .. اعمل ايه؟؟؟؟؟؟؟

رحت جايبا شوية بلح وغسلتهم وقعدت اكل منه بنهم على طوبة قدام باب المحل......

ليييييييييييه عملت كدا...........

جارتي اللي في وشي في الدور الارضي ست سسسسسسسسسسسسكر خالص وفنجرية وتحب الشرا كانت واقفا في الشباك بتاعها

قلت لما تشوفني برا المحل ها تكلمني لآنه ها تعرف انه ماعنديش شغل

وهيا تعز الرغي اوووووووي

وحصل

ف نادتني عشان ارغى معاها

هيا في الشباك وانا في الشارع تحت الشباك

وهيا بتكلمني وانا باكل..

وانا طبيعي صوتي عااااااااااااااااالي اصصصصصصصصصصصصصلا :rolleyes:

ف وهيا بتكلمني عزمت عليها ب بلحايا

- اتفضلي

- ايه دا؟

- رطبببببببببب تحففففففففففة طعمه حلوووووووووووو خاااااااااااااالص جبته النهاردا بس عاجبني مع اني مش باكله؟

قلت الكلمتين دول بصوت اعلى من صوتي العالي كمان

( خلو بالكم الشارع عندي سكني وهادي يعني صوتي سمع 3..4 عمارات مثلا :D )

خدتها وداقتها وعجبها

طلبت 1 ك

لا خليهم 2 عشان جوزي جاي وهوا بيحبه

مافيش دقييييييييييييقة

والله دقيقة زي ما بقولكم

مسافة ما وزنتلها الطلب وبديهلها من الشباك

لقيت مرات لواء في نفس العمارة الدور 4 بتبص من البلكونة

- ازاييييييييييك يا طنط

- اهلا يا شانا ( ب شوية عوجان.. مراة لواء)

شنشن..

- نحم

انتي عندك رطب

ااااااه يا طنط وطعمه يجنننننننننننن...تدوقي؟

- لا يا حبيبي... هاتيلي 4 كيلوا و 1ك على جنب

:D

فاكرين غيرة الستات اللي كنت قلتلكم عليها؟ ;) :D

استعملتها هنا :D

وفعلا في اليوم دا الصندوق خلص

وبقيت كل ما اعوز ابيع حاجا واخلص منها

اطلع اكل منها برا المحل

لحد ما تخنت 10 كيلو في 4 شهوووووووووووووووووووووور ;) ;)

وانا من البلد ديييييييييييي

رابط هذا التعليق
شارك

شوفي يا شنشون ، ح أديكي خلاصة خبراتي كزبون في سوق الخضار.. خلاصة مستفزة شوية..

1-فيه جنب بيتنا - مش جنبه قوي - سوق .. وفي السوق فيه فلسفة عجيبة ، فيه أول السوق ، وسط السوق ، آخر السوق..

أول السوق بيتباع فيه الحاجة الغالية الأعلى جودة ، ودي ليها زبونها .. وفي النص له زبونه ، وفي الآخر له زبونه..

دي أهمية إن الواحد يبقى عنده مزيج متعدد وموزون من منتجات متباينة الجودة والسعر..

2-الابتكار حلو في تنقية مكان مغلق لبيع الخضار بشكل عام ، ودة بيحصل عندنا في المنصورة على نطاق محدود وفي سوبر ماركت ضخم زي الوكالة أو مترو ..لكن دة حيحط عبء عليكي في حاجة واحدة فقطططططططططط.. إزاي تقنعي الناس بشكل عام إن السعر هو هو بس الحاجة في مكان مغلق .. لأن الناس متعودة إن الخضار لما يتباع في مكان مقفول بيبقى أربع مرات على الأقل ضعف السعر العادي..

وبعدين سبتي اسكندرية امتى؟.. احكي لنا بالتفصييييييل.. :D

خلص الكلام

Sherief El Ghandour<br /><br />a furious Egyptian

رابط هذا التعليق
شارك

و الله يا دكتورة شانا ما شاء الله عليكي

جراءة و اقتحام للمجهول منقطعة النظير

و تفكير عملي غريب ممتاز مع عدم التقيد بالمظهرية اللي هيا من سمات المجتمع الشرقي عامة.

بس عندي سؤال

على قد ما فهمت انك قاعدة في المحل على طول

سبتي الدكترة يعني?

انا طول عمري باؤمن ان من اهم انواع الاستثمار هو الاستثمار في الدراسة

و انتي طلع عينك زي حالاتي 7 سنين دراسة و لسه المشوار طويل.

فخلي بالك برضه من الشغلانة الاساسية لانك استثمرتي فيها كتير قوي.

انا بصراحة برفعلك القبعة.

وش واحد بيرفع القبعة

تم تعديل بواسطة drhusseinali
رابط هذا التعليق
شارك

والله عنده حق سقراط يكتب 10 مواضيع عشان شعنونة ترجع مش موضوعين بس

"واخيرا نجح سقراط فى ارجاع شعنونة ارض الوكالة قصدى ارض المحاورات"

بس انتى ما قلتلناش ممكن الواحد يبتدى برأس مال كام الحد الأدنى يعنى

وهل كان بسهوله تفتحى المحل وايه اخبار الرخصة والتموين والتأمينات وكل الكلاكيع التانية دى

ومن لا يحب صعود الجبال يعش أبد الدهر بين الحفر
رابط هذا التعليق
شارك

شرييييييييييييييييف الشغل دا من سنتييييييييييين واكتر

انا لسا في اسكندريييييييييييييية :angry:

دكتر حسين..

والله وانا بكتب الموضوع حضرتك في بالي عشان عارفة شغف حضرتك بالمشاريع

بس انا مش بحب الطب قد كدا يعني

لكن

المشروع دا كان من حوالي سنتين وسبته :D

اشكر لك اطرائك :excl:

mb14

ربنا يخليك ياااااااااااارب

والله سقراط وماما سلوى وابو تمام وسكوب وهشام الجنيدي و استاذ عادل

كلهم سبب رجوعي

وانا اصلا بحب هنا اوي

مش عارفة لييييييييييييييييييييييييييييييييييييه

مكمل بقى

المشروع ابتدى ب راس مال 5000 جنيه

1500 ايجار شهرين

1500 اول دفعة خضار للمحل

1000 جنيه لوحة العرض وكهربا ومراوح

50 جنيه فلايرز

300 جنيه استاندات

200 ج اقفاص عرض

300 ج عود النور للأفتتاح

200 قاطع الألوميتال..

السجل التجاري استعملت سجل والدي وخلاص..

بس ما بلغتش عن افتتاح محل

استنيت لما هما يكتشفوا لوحدهم بدل ما افتح على نفسي فاتوحة

ودا اللي حصل

بعد شهرين من الشغل عدا عليا واحد معاه دفتر كدا

وسألني عن طفاية حريق!! :angry:

قلتله ما عنديش

وسالني عن اظن سجل ضريبي او حاجا كدا

حاجا تثبت اني بلغت اني فتحت محل و الرخصة

قلتله مافيش؟

قالي لازم تيجي المصلحة وتسجلي عشان يحاسبوني ع الضرايب :D

قلتله طيب وطنشته بعد ما ادالي وصل ازرق كدا وكتب اسمي في دفتره؟

بابا قالي لو كنتي اديتله 10 ج كان مشي ولا اكنه شافك!

وانا من البلد ديييييييييييي

رابط هذا التعليق
شارك

رد فعل الناس عند معرفتهم اني دكتورة و ببيع خضار كان غلس في الأول

لكنه كان مضحك في اوقات كتير :D

بعد كدا بقوا ناس ودودييييييين جدا

حتى المعترض منهم :excl:

البيييييييييييييييع شطارة...

كنت بعامل الناس على اني مشترية ومش بياعه

فكنت بخسسسسسسسر كتيييييييير

يعني مثلا..

لما اجي اعبي خضار لحد او فاكهة.. مانجة مثلا

انقي احسسسسسسسسن ما عندي وابيعه

ف كان مثلا يبقى فيه منجايا طرية شوية تقوم تفضل عندي لحد ما تضرب وتعفن!!!!!! :D

فكان لازم اتشطر وابيع للزبون حبة كدا وحبة كدا

شوية عليا و شوية عليه يعني بقى

و اول ما اتشطرت اتشطرت على زبونة مستدييييييييييمة عندي

بتعدي عليا كل يوم الصبح وهيا رايحا الشغل تقولي عاوزة كذا وكذا

اجهزه لها لحد ما ترجع الضهرية تاخده تطبخه

بعتلها مرة جوافة وفيها 3..4 جوافيات طرية شوية

بعد يومين جاتلي واحرجتني بذوقها وقالتلي بالحرف

انا زعلانة منك..بس عشان خاطرك انتي كلتهم...

اعتذرتلها جداااااااا وطبعا لبست التهمة في محمد واديتها نص ك كويس تعويض

نقطة رقم 7..

اوعى تخسر زبوووووووووون بحركة زي دي

والرزق على الله...

وانا من البلد ديييييييييييي

رابط هذا التعليق
شارك

نرجع للوكالة تاني..

الشيال بياخد في النقلة الواحدا من 3 الى 5 ج

يعني لو شايل شوال بطاطس بس ياخد 3ج

لو شايل حاجات كتير يبقى 5

ولو العربية بعيد يبقى 7 او 10 :D

كتير عليا

ف كنت اخد العديّة ( القفص) واشيلة للللللللحححححححححححد العربية لما يتقطع نفسي وارجع تاني

وهكذا ادخل واخرج ميت مرة

من فوائد دا

كنت اصعب على المحصل اللي ع البوابة ف ما يدفعنيش ضريبة الخضار على اساس اني واخدا حاجا واحدا بس

وكنت اوفر ال 5 ج

لما محمد كان بيبقى معايا كنا بنشيل مع بعض

فيماعدا الشولة الكبييييرة كان لازززززززززم شيال...

بعد اسبوعين اتعرفت في الوكالة لآني البنت الوحيدة اللي شكلها بنننننننننننننت

الباقي كله معلمات شبه الرجالة كدا :D

مرة واحد من اللي بتعامل معاهم قالي..

انتي "فااااااااااااااارشة " فين يا ام سمر

!!!!!!!!!!!!!!!!!!!!!!!!!

فارشة؟

ايوا يعني فرشششششششششتك فين؟

همممممممم

قلت اقوله منطقة غلبانة واعمل فيها امينة رزق في فيلم اربي اولادي :excl:

طلعت فكرة في الجون

صعبت عليه وبقى يديني بسعر اقل

مرة تانية واحد سالني انتي بتبيعي فين

ف قلتله على مكان المحل الفعلي

غلى عليا السعر من بعدها الندللللللللللللللللللللل

وبطلت اخد منه اصلالالالالالالالالالالالالا :angry:

نقطة 8

اتمسسسسسسسسسكن عشان تتمكن

للبناااااااااات بس :angry:

وانا من البلد ديييييييييييي

رابط هذا التعليق
شارك

اكتشفت اكتشااااااااااااف هايل في الوكالة

انه في افرااااااد بيشتروا من هناك :D

ناس عادية مش بياعين ولا حاجا

ولما سألته ليه

فهمت فكرة خبيييييييييييثة موت

الراجل دا ساكن في عمارة اتفق اهلها انهم يشتروا كللللللللهم الخضار من الوكالة

يعني العمارة كلها تشتري مثل قفصين طماطم و قفص خيار وشوال فاصوليا وهكذا

مرة كل اسبوع

معنى كدا ان تموين الأسبوع بيكون فيه توفير ما يقارب نصف المصروف المفروض واكتر كمان

يعني مثلا

20 ك طماطم ب 5 جنيه يبقى ال 1ك ب 25 قرش!!

وهوا بيتباع في السوق ب 75 قرش او جنيه او اكتر حسب السوق

واحسسسسسسسسب على كدا بقى باقي الطلبات وشوف ها توفر قد ايه في مصروف اكل اسبوووووووع كامل

فكرة قووووووووووووووووية جداااااااااااااااااااا :D

بس مش كل حد يعرفها..

وانا من البلد ديييييييييييي

رابط هذا التعليق
شارك

شااااااناااا

مش معقووول حمد الله على السلامة

نورتى الدنيا كلها

ايوه كده امتعينا بكتاباتك الحلوه

بالرغم من انشغالى الشديد هذه الايام لان مناقشة الرسالة بتاعتى يوم 31/5 الا انى مقدرتش اقاوم و قرات كل اللى كتبتيه

حمد الله على السلامة مرة تانية

و استمرى احنا معاكى

رابط هذا التعليق
شارك

نوصل لأهم جزء

الربح... :D

دخل المحل في اليوم كان يتراوح ما بين 500-700 جنيه يوم ما نبقى نااااااااااااار

واكرر دا دخل وليس صافي ربح.. يعني محصلة بيع يوم

ويوم ما نبقى صفر يكون البيع يادوبك 200 جنيه-150 جنيه..

انما عمرنا ما زدنا عن 700 او قلينا عن 150

كنت كل يوم اصرف بضاعة بحوالي 200 جنيه تقريبا.. ممكن تزيد وممكن تقل حسب الحركة الشرائية في المحل... <_<

قعدت في المشروع دا 3 شهور وقفلته للأسباب التالي..

1- وهوا الأساس الايجار الخيالي للمحل 750 ج في الشهر خرب بيتي الصراحا

2- موضوع اني انام 11 واصحى 3 الفجر بوظلي مخييييييييييي وخلاني كتييييير جدا اقفل في نص النهار عشان اروح انام ودا اعطى سمعة للمحل انه مش على طول فاتح :angry:

3- محمد اللي كان بيشتغل معايا كان بياخد يومية 10 ج وكان غير منتظم في العمل مما ادى الى اجهاد زيادة عليا

كان مفروض انه بيشتغل من 7-7 او من 7-5 المهم يديني وقت كافي انام فيه

وعدم انتظامه معايا خلاني ما اعرفش انام...!

4 واخيرا انه بعد شهر مننجاحي المنقطع النظير فتح جنب مني على طوووووووووووووول محل خضار تاني بس هوااقوى مني في طريقة العرض وفي موقع المحل وارتفاعه عن الأرض فكان البيع عنده اسرع من عندي

رغم ان اسعاره اغلى :angry:

كل دا اضطرني اني لازم اقفل

الشهر الاول طلعت منه ربحانا حوالي 200 -300 ج

الشهر التاني متعادلة

الشهر التالت خسرانة

فكانت النهاية اني خسرت الفلوس اللي دفعتها بنسبة 20% تقريبا

بينما سددت الباقى لوالدي

ودي كانت نــــــــــهـــــــــــــــــــايــــــــــــة ام ســــــــــــــمــــــــــــر

اراكم في المشروع اللي بعده....

Dj Lue

مكتب اقامة الأفراح

:angry:

وانا من البلد ديييييييييييي

رابط هذا التعليق
شارك

مدام ابو تمام

ربنا يخليييييييييكي يارب

ويوفقك في امتحاناتك

ربنا معاااااااااااااااااااااااااكي <_<

وانا من البلد ديييييييييييي

رابط هذا التعليق
شارك

  • بعد 2 شهور...

بنت شعنونة و لا يا دكتورة مش مهم المهم هو أنك فعلا عندك جرأة في أقتحام منطقة مش موجودة عند كتير من الشباب و هي العمل الحر بس يمكن من كتاباتك واضح أن والدك شغال في التجارة يعني الموضوع بالوراثة ولا إيه

أن تأتي متأخراً خيراً من أن لا تأتي أبداً

Better Late Than Never

رابط هذا التعليق
شارك

  • بعد 2 شهور...

:wub:

الكرنب اه من الكرنب ب 3 جنيه بس :wub:

انا بشتريه ب 6 دولار :wub:

وموضوعك زي العسل وربنا يباركلك في مشاريعك

تم تعديل بواسطة NOOR
رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
  • الموضوعات المشابهه

    • 0
      هل تعلم ان الله سبحانه وتعالى لم يخلق اشكال الخضار والفواكه عبثا . الجزر :يشبـه عدسة العين ..فعلاً أثبتت الأبحاث أن الجزر مفيد جداً للنظر. . 2. الطماطم :لها أربع حجرات والقلب لونه أحمر وبه أربع حجرات:البطينين والأذينين..وكل الأبحاث الحديثة تؤكد أن الطماطم طعام القلب والــــدم. ....... 3. العنب :يشبه الشكل الخارجي للقلب..وكل حبة عنب تشبه خلية دموية...!! ولقد أظهرت الأبحاث الآن أن العنب مفيد للقلب والدم أيضاً. . 4. الجوز :يشبه جدا شكل الدماغ (المخ) بفصيه الأيمن والأيسر..حتى التلافيف
    • 11
      كل سنة و حضراتكم طيبين و عمر مديد مليء بالطاعات ناش بنت شعنونة الفاضل طه الباشمهندس ياسر و ابننا بودا ( عبد الرحمن) أصغر محاوراتي
    • 23
      ما عرفتش اكتب الموضوع دا فين فقلت اكتبه هنا وخلالالالالالاص بقىىى هتلاقوه جد على هزار :) نبتدي الحكاية كنت قاعدا لا بيه ولا عليه عندي نص نبطشية استقبال وكان قبلي زميله ليا المهم انا رحت استلم النبطشية لفقيتها في منتهى السعادة وطلعت تجري؟! :blink: قلت ماعلينا البنت فرحانا وخلاص بقى اتاااري كان فيه جثة واحد مشنووووووووووووووق جايا وهيا لازم تعاينها وتقول انه ميت عشان يروح المشرحة واذ بي فجأة الاقي الممرضات كلهم جايين عليا جري ويالله يا دكتورة الحالة جت؟؟ حالة ايه يا ولاد؟؟ المشنووووووق ي
    • 2
      بكل الود اختي الفاضلة .. دكتورة بنت شعنونة كل سنة و حضرتك طيبة :rolleyes:
    • 52
      بما اني قاعدا في البيت بقالي فترة وبما ان زوجي بيحب الأكل وبما ان اقرب طريق " لقلب" الراجل معدته ( قلبه = يخليه يقوم ينام :sad: ) ف انا احترفت الطبيخ والحمدلله بيقولوا اكلي حلو ولذلك قررت اعزمكم على مطعمممممممممممممي :D يعني ها احط طريقة اكلات اتعلمتها سواء من النت او التلفزيون او كتابي بتاع الطبخ او اتعلمتها وخلاص وها اعملها في شكل عزايم وقولولي رايكم.... عزومة رقم 1 الطبق الرئيسي فراخ مشوية ع الفحم او على شواية البوتاجاز... سلطات مكرونة اسباجيتي و الحلو سينابون ( عشان غالي جدا
×
×
  • أضف...