اذهب إلى المحتوى
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

أحمد فؤاد نجم .. وداعآ ..


Recommended Posts

1371812935.jpg

هناك بشرآ ياتون الي الدنيا و يغادرونها دون ان يشعر بهم احدآ .. و مقياس الشعور هذا ليس ما جناه هؤلاْ أثناء حياتهم بل هو مدي تأثيرهم علي من هم حولهم ..

أحمد فؤاد نجم .. انسان مصري صميم .. عاش فقيرآ باختياره .. و قضي كثيرآ من سنوات عمره خلف القضبان لتمسكه بكلمة الحق .. بسبب اشعاره و كلماته التي كانت تخرج كالرصاص في صدور كل حاكم مستبد ..

قد يختلف عليه البعض .. علي اسلوبه .. و لكنه اسلوب المصري البسيط الذي لا يعرف النفاق .. و الذي لا جدال كان دائمآ معبرآ عما يجول في خواطر المصريين .. كان السفير المتوج لحال المهمشين و الفقراء .. كلمات مثل كلماته لن تعرف أبدآ طريق النسيان او الموت .. لأنها تعيش داخل كل حارة .. كل منزل متداع .. كل مقهي شعبي و سطح عمارة قديمة ..

الفكرة لا تموت ..

وداعآ عم نجم .. و أبلغ سلامنا الي الشيخ إمام ..

وداعآ يا ضمير المصري الأصيل ..

رابط المشاركة
شارك

http://youtu.be/J2Uy5o_rn_o

يسبق كلامنا سلامنا يطوف ع السامعين معنا

عصفور محندق يزقزق كلام موزون و له معنى

عن الارض سمرا و قمرا و ضفه و نهر و مراكب

و رفاق مسيرة عسيرة و صورة حشد و مواكب

ف عيون صبية بهية عليها الكلمة و المعنى

مصر يا امّة يا بهية يام طرحة و جلابية

الزمن شاب و انتي شابة هو رايح و انتي جاية

جايه فوق الصعب ماشية فات عليكي ليل و مية

و احتمالك هو هو و ابتسامتك هي هي تضحكي للصبح يصبح

بعد ليلة و مغربية تطلع الشمس تلاقيكي معجبانية و صبية

يا بهية الليل جزاير جزاير

يمد البحر يفنيها و الفجر شعلة ح تعلا و عمر الموج ما يطويها و الشط باين مداين

عليها الشمس طوافة ايدك في ايدنا

ساعدنا دي مهما الموجة تتعافى

بالعزم ساعة جماعة و بالأنصاف نخطيها

مصر يا امّة يا سفينة مهما كان البحر عاتي

فلاحينيك ملاحينيك يزعقوا للريح يواتي

اللي ع الدفة صنايعي و اللي ع المجداف زناتي

و اللي فوق الصاري كاتب كل ماضي و كل آتي

عقدتين و التالته تابتة تركبي الموجة العفية

توصلي بر السلامة معجبانية و صبية.. يا بهية

و يعود كلامنا في سلامنا يطوف ع الصحبة حلواني عصفور محني يغني

على الأفراح ومن تاني يرمي الغناوي تقاوي

تبوس الأرض تتحنى تفرح و تطرح و تسرح

و ترجع تاني تتغنى اللي بنى مصر كان في الأصل حلواني

nyjm.jpg

رابط المشاركة
شارك

رحمه الله وغفر له ....سمعته مرة يقول : أنا مش هموت إلا لما أشوف فلسطين متحررة .... ولكنه عاش لما شاف ما هو أكبر من ذلك ... وهو تحرير مصر وشاف جمال عبد الناصر اللي بيحبه مرة أخرى


رابط المشاركة
شارك

انا الاديب اما اتكلم ما بخليشى ...


لانى جاهل و فاجومى و مخى مفيشى ...


و اى تغيير فى حياتى ما يتعبنيشى ...


و انا اللى قولى على نولى مش من بره ...


الله الله يا بدوى مش من بره ..

.
ابدأ كلامى عن الاشعار و اللى زانوها

...
بيرم و خيرى و كل الناس اللى صانوها .

..
اما الكلاب عند الجواسيس و اللى خانوها .

..
فدول كلاب و ما ينذكروش هنا بالمره .

..
يا عم بيرم و حياتك و اللى اماتك

...
و خلا ناس مأبين عايشين على مقالاتك .

..
و واد مباحث يتطاول على مقاماتك .

..
لأجعل من الشعرا الاندال مسخه و عبره .

..
الله الله يا بدوى مسخه و عبره

....
فى كل مولد يا مباحث لفلفت حزام .

..
و رقصت تبع المزيكا و كنست مقام .

..
و صاحبت كل الالاتيه و مشيت خدام .

..
لكل عالمه و شبشبها حسب الاجره ..

.
الله الله على شبشبها حسب الاجره

...
حربايه يا ابن الحراميه ميه الميه .

..
على كل لون جاهز تركب ع التسقيه .

..
اما انت مالح و مزبط و ابن غبيه

...
وحصانك اللى راهنت عليه يخسر بكره .

..
الله الله لازم يخسر بكره ..

.
الطبل غير الشعر يا واد ما تهبلشى .

..
و اى شخص يكون شاعر م يطبشى .

..
يا تقول كلامك من جواك يا متقبلشى ..

.
ملعون ابوك فاتح قافل شاعر أوكره .

..
الله الله يا بدوى ده شاعر أوكره ... شاعر أوكره

من اجمل ما كتب نجم...


و انا اللى قولى على نولى مش من بره

رحمه الله رحمة واسعة.


رابط المشاركة
شارك

رحم الله أحمد فؤاد نجم


وداعا شخصية متمردة لا تأبه بالممنوعات

ممنوع من السفر
ممنوع من الغنا
ممنوع من الكلام
ممنوع من إلاشتياق
ممنوع من إلاستياء
ممنوع من إلابتسام
وكل يوم فى حبك
تزيد الممنوعات
وكل يوم باحبك
أكتر من اللى فات
حبيبتي يا سفينه
متشوقه وسجينه
مخبر فى كل عقده
عسكر فى كل مينا
يمنعني لو أغير
عليكي أو أطير
إليكي واستجير
بحضنك
أو أنام
فى حجرك الوسيع
وقلبك الربيع
أعود كما الرضيع
بحرقه الفطام
حبيبتي يا مدينه
متزوقه وحزينه
فى كل حاره حسره
وف كل قصر زينه
ممنوع من إني أصبح
بعشقك .. أو أبات
ممنوع من المناقشه
ممنوع من السكات
وكل يوم فى حبك
تزيد الممنوعات
وكل يوم باحبك
أكتر من اللى فات


القاهرة 1976

رابط المشاركة
شارك

وهذه درة اخرى من درر نجم....كلمات من القلب يقولها بلا أى تذويق .

وصدقت ياكامل ..

فيه ناس بتعيش وتترك بصمات وناس بتعيش ( وتموت ) ومحدش بيحس بيها .,ولا هم بيحسوا بحد .

عاش انسان ....بكل ما فى الانسان من لخبطة ..

الله يرحمك يانجم...

ستظل نجما فى قلوب الناس البسيطة الطيبة ...المصرية قوى .

وليغفر لك الله ..
ليغفر لك الله ويرحمك برحمته الواسعة التى تسع كل شئ ..
-
-----------------------------

.انا الر خيص قوى عندكم وغالى عند اللى خلقنى ..
فيوم ما افارق ارضكم موضوع لايمكن يضايقني..
انا اللي جيبتولي الامراض.. انا اللي بيا منكم فاض
انا اللي قولت ياباشا كتير.. و اكتر كمان اتقاللي انا ياض
انا المهدد انا المجند انا اللي دايما بعيا ويرقد..
انا المراكبي والصياد انا المواطن يا رؤساء...
انا اللي متكحرت في بولاق..
وانا اللي بتلملم اشلاء مركب وقطر وعبارة..
الموت لأمثالي إعارة.. والموت بقى ليكوا تجارة..
الموت في اشكالكوا خسارة عيشوا حياتكم ..
اخرها هنا.. ماهتسلكوش مع ربنا.. عنده هيتجاب حقنا..
ولسة اللي عايشين بعدنا.. شوكة في زوركم.. في نحوركم..
هيردوا كل اللي خانقني عرفتوا ليه انامطمن..
وحتي موتي ولا قالقني..
انا بصحي في عروق الثوار..
بعد اما روحي تفارقني.

رابط المشاركة
شارك

انشئ حساب جديد او قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    لايوجد أعضاء مسجلون يتصفحون هذه الصفحة

  • محاورات مشابهه

    • وداعآ طبيب الغلابة

      برنامج قلبي اطمأن - الموسم الثالث - طبيب الغلابة رفض أي مساعدة.mp4   وداعآ يا من بذلت عمرك و خبرتك و علمك في سبيل البسطاء ... جاهدت الجهاد الحسن فلك الجنة ان شاء الله ... وداعآ دكتور محمد مشالي ...  عسي ان تكون مثلآ لملائكة رحمة اخرين يسيرون علي دربك ...    

      في التكافل الأجتماعى

    • البابا شنودة ... وداعآ

      أعلن الأنبا بيشوي سكرتير المجمع المقدس اليوم السبت، وفاة البابا شنودة الثالث، بابا الإسكندرية وبطريرك الكرازة المرقسية، عن عمر يناهز 89 عاما. وأضاف في بيان رسمى: "المجمع المقدس للكنيسة القبطية الأرثوذكسية يودع لأحضان القديسين معلم الأجيال قداسة البابا شنودة الثالث بابا الإسكندرية وبطريرك الكرازة المرقسية، نياحا لروحه والعزاء للجميع". يذكر أن البابا شنودة من مواليد 3 أغسطس 1923. الرب أعطي .. الرب أخذ ... فليكن اسم الرب مباركآ .... البابا شنودة .. ستظل دائمآ رمزآ من رموز المصريين الرائعة ...

      في موضوعات جادة

    • وداعآ Homer

      سبقنا العزيز Homer لمقابلة وجه الرب الكريم.. مر علينا مرور ريشة خفيفة علي القلب.. و ترك لنا تراثآ رائعآ من كلماته و أشعاره.. قلبي مثقل بالحزن..و لساني لا يجد الكلام.. من رباعياته كان ما جعلني اشعر به الحب كان والوطن شاهد على جولى والغربة كانت كفن فيه الحنين ملفوف واللى انجضى من عمرى مين يجيبهولى وداعآيا أستاذي العزيز .. وداعآ ..... أسبغ عليك الله برحمته.. و الهم أهلك الصبر علي هذا الفراق

      في باب الإجتماعيات

×
×
  • أضف...