اذهب الي المحتوي
eslam elmasre

ما هو رأيك في قانون التظاهر الجديد

  

10 اصوات

  1. 1. ما هو رأيك في قانون التظاهر الجديد

    • موافق عليه
    • غير موافق
    • لي رأي اخر سأوضحه


Recommended Posts

أصدرت الحكومة المصرية مؤخرا قانون لتقنين التظاهر مما احدث جدل بين جميع فئات الشعب فمنهم من يرى انه ليس لتنظيم المظاهرات ولكن لمنعها ومنهم من يرى ان الوطن كان بحاجة لمثل هذا القانون لان المظاهرات اوقفت حال الكثيرين

فهل انت مع اوضد

شارك هذه المشاركه


رابط المشاركه
شارك

لو كنت رأيت ما يطلق عليه مسيرات سلمية في الاسابيع القليلة الماضية لكنت من أول من ينادي بهذا القانون و دعمه

ما سبق كان إستهلالا لابد منه

بكل صدق كانت المسيرات عبثية أكرر عبثية و بلا محتوى و أقرب ما تكون لمشاغبات الطلبة " الفاقدين " في المدارس و رائحة الاموال القذرة تفوح منها

شارك هذه المشاركه


رابط المشاركه
شارك

ماحدث بالأمس وما يحدث ممن يسمون ٍأنفسهم "قوى" ثورية


هو العبث بعينه .. وليس فوق مستوى الشبهات


ولا يخدم إلا مخططات خارجية موضوعة ومعلن عنها منذ زمن


ولن تنجح شراذم "الصبيان" فى هدم ما توافق عليه عشرات الملايين


التى أطاحت فى 30 يونية ب "اسطواتهم" من عملاء ومقاولى التنفيذ


بعد ان استمروا فى عملهم المشبوه لمدة سنة

شارك هذه المشاركه


رابط المشاركه
شارك

ماحدث في 30 يونيو لم يكن ليحدث لو كان هناك قانون للتظاهر !!!! هل معنى كده ان خلاص حاكم مصر سيأتي ولن يجد من يتظاهر ضده !!!! انا مع هذا الامر ان ندعه يكمل فترته الرئاسية ونكون بنطبق القانون

لكن ياترى كنتوا هتوافقوا ع قانون التظاهر قبل 30 يونيو !!!! هل البلاك بلوك لم يكونوا عبثيين !!!

شارك هذه المشاركه


رابط المشاركه
شارك

يا أستاذ هيرو خلينا نكون صرحاء



مصر لم تعرف في تاريخها الحديث معنى الدولة المدنية



و جيلي و أجيال أخرى سبقتني لم نعرف سوى الدولة العسكرية



طبيعي جدا ألا يناسبنا الحكم الديني



و طبيعي أن نلفظه



و حضرتك تعرف ان مرسي جاء بالصندوق بنسبة 51%



و أغلب النسبة دي كمان ناس كان عندهم أمل يتخلصوا من حكم العسكر


و انتخبوه لعدم رغبتهم في فوز أحمد شفيق لأنه من نظام مبارك



يعني لا هو جاي برغبة شعبية



و لا بديموقراطية أغلب الشعب لا يعرف معناها و انتخب الاخوان أملا أو خوفا أو مخدوعين أنهم لن يسرقوا لأنهم متدينيون و يعرفون الحلال و الحرام و أنهم سيتقوا الله فينا



تمام زي ما واحدة توافق على زوج متدين عشان يتقي ربنا فيها من غير ما تعرف ايه طباعه و لا أخلاقه ظنا أن الدين يطغى عليها



فالكلام عن الشرعية في نظري مضحك بل وسخيف كمان




شرعية ايه ؟ حا نضحك على بعض؟؟




طول ما في اسرائيل و مامتها امريكا حا نفضل عالم ثالث



لأنهم لن يسمحوا لنا لا بعلم و لا بتفكير اضافة للزرع الدائم للفتن و التناحر



لن ينصلح الحال إلا بفقع الدمل



و غير كده مسكنات و أوهام بالشفاء



و لهذا وحتى يقضي الله بأمرٍ كان مفعولا


أختار المسكن اللي يحقق لي الأمان ألا تنتهك بلدي و يعيد لها هيبتها




تحياتي


شارك هذه المشاركه


رابط المشاركه
شارك

يا استاذتي انا كلامي واضح !!! التظاهر هو اللي جاء ب30 يونيو والتظاهر هو من جاء ب25 يناير ، حضرتك انا عاوز بديل لتدوال الحكم

الا اذا حضرتك شايفه اصلا اننا لانصلح لمثل هذا المفهوم

اما عن الهيبة !!! اي هيبة حضرتك تتخدثين عنها ؟؟ الكارثة ان حضرتك وكثيرين بنوقل مصر اللي علمت العرب تمام وصحيح لكن ده لانها كانت مفتح وسط عمي ظروفهم كانت تعبانة

انما تعالي مثلا دبي امبارح هتنظم EXPO 2020 ياترى احنا موقعنا ايه من الاعراب

اي هيبة حضرتك مستوى التعليم ف النازل جداااااااااااااا وتفوقت علينا دولة زي الاردن واللي ف السوق الخليجي شايف الوضع ان الاردنيين كعبهم بقى عالي علينا

اي هيبة تتحدثين عنها انا موافق لو بقينا ف حكم ديكتاتوري وظالم كمان بس ننجح اقتصاديا ،انما للاسف هو ممكن يبقى ديكتاتوري لكن فاشل

اتمنى نكون ف قمع الصين ونجاحه اقتصاديا

عموما نلغي التظاهر ونلغي اصلا الانتخابات وانا موافق بنظام عسكري بحت الوزراء وكلهم يبقوا عسكريين ولما نشوف اذا كان اصلا فشل زمااااااااااااان فكرك هينجح دلوقت

ومازلت مصر ان القانون ده لو ظهر ايام مرسي كنت حضرتك وكثيرين هتعترضوا !!! ع اساس ان البلاك بلوك وغيرهم عادي انهم يتظاهروا اما من يرفع بلالين يحاكم ب11 سنة سجن ومن يقبض عليها مع كويتين سكرانين بتعمل وحده عربية واللي معاها كوكايين عادي بتدعم اقتصاد الكوكاكييني

انا مع القانون من زمااااااااااااااااااااااااان لكن التوقيت

تم تعديل بواسطة herohero

شارك هذه المشاركه


رابط المشاركه
شارك

يا فندم 30 يونيو رجعتنا للمربع صفر :)



اصلا 25 يناير كانت غلط



مش لأني كنت عايزة مبارك و لا أني ضده



انا ماكانش فارق معايا بصراحة



لكن لا انكر ان كان نفسي في دولة مدنية وحريات و ازدهار و نمو



لكن ما أراه اننا انضحك علينا من تنظيم الاخوان



اللي اتأخروا ليوم 28



و خلونا بخبث شديد نقول زي ما احنا عايزين انهم ركبوا على الثورة



و همة اصلا اصحاب الليلة



كانت ثورة على أمن الدولة و لتهريب المساجين و كوادر حماس و كل الناس بتوعهم



و رموا لنا احلام متنوعة كل فصيل فينا اختار الحلم اللي يناسبه



اللي حلم زي حالاتي بالدولة المدنية و اللي حلم بعودة الناصرية و اللي حلم بتطبيق الشريعة



و سابونا نخبط في بعض لحد ما يكمل مخطط سوريا و يجي دورنا واحنا مش حاسين



لكن الشعب فاق و قال مش لاعب



بوظنا مخططاتهم في اخر لحظة



30 يونيو كانت تصحيح في نظري



و ربنا رحمنا بيها من الاخطار الخارجية المحدقة بنا و اللي انكارها اعتبره تجاهل للحقائق



العسكر مش ملايكة



لكن هو خيار من خيارين عبارة عن زفت وطين



فصيلي اختار اللي يخليه يرجع يشوف حاله واكل عيشه



و يودع حلمه و ينفض رأسه ليتساقط ما بقي من الحلم



لنعود لما نحن معتادون عليه



قلتها منذ البداية ولازلت اقولها و سأظل أقولها



الثورة تأتي من الداخل للخارج



و هي ليست فكرة تُطرح و تجمع أتباع



يللا نعمل ثورة :)



التغيير يبدأ من الداخل أخي الفاضل



هل تغيرنا حتى يغير الله تعالى ما نحن فيه ؟؟؟!!



كفاية لحد كده و خلونا نشوف احوالنا بقى



و اللي نفسه في التغيير



يغيّر نفسه الأول




و لما يبقى ينجح



يتوسع و يحاول يغير فيمن حوله




ملحوظة هامة



هيبة الدولة التي اقصدها ليست امام الدول



هيبتها امامنا نحن كمصريين اولا



فلا هيبة امام الاخرين و نحن بيننا من سقطت هيبة بلده في عينيه



و مع احترامي لكل دول الجوار



ما يهمني الان هو مصر فقط في الداخل



و لما تعلى تاني مصر في عينينا احنا



نبقى ندور على منظرنا قدام الناس

شارك هذه المشاركه


رابط المشاركه
شارك

العجيب ان غالبية الاعضاء هنا طفشانين من نظام الحكم المصري الرائع ف الخليج او ف كندا وامريكا ، طب مادام هو ممتاز كده سيبنا مصر ليه ؟؟؟؟؟؟
طبعا ده حرية شخصية بس اكيد لو كان ناجح وممتاز مكنش حد طلع بالكم ده
ايا كان انا مع تنظيم التظاهر ولكن لست مع توقيت اصدار القانون اللي مش جديد لان ده كان ايام مرسي ونفس وزير الداخلية اللي سبحان الله دلوقت بقى زي الفل وشمعة منورة وايام مرسي كان وحش ووزير الكهرباء ووزير البترول |


عموما 25 يناير راحت باي باي يا استاذتي خلينا ف 30 يونيو وادينا ف ناتظار الانجازات مش فاهم كاننا قبل 25 يناير كنا بنافس ماليزيا ولا سنغافورة مش فاهم بجد دول بدات معانا وسيقتنا والقصه معروفة السلم بيتكنس من فوق لازم يبقى عندي ادارة واعية ولها رؤية مفيش شعب بيتغير لوحده والنماذج كثيرة


تركيا كانت تحت حاليا ارتفعت وتغيرت هو نفس الشعب والصين والبرازيل والهند وحتى الخليج يعني اللي اقصده الشعوب ثابتة بس الافراد ف الادارة بيتغيروا
واكبر دليل مدينة دبي مع تغير الادارة اتغيرت اما الشعب هو هو

شارك هذه المشاركه


رابط المشاركه
شارك

أم سلافة


أنت ممن يتحرى ضبط المصطلحات


هناك فرق يا سيدتى بين أن يكون الحاكم ذا خلفية عسكرية


وأن يكون نظام الحكم نظاما عسكريا



لو كان الحاكم ذا خلفية هندسية هل نقول إن نظام حكمه هندسى ؟


أو لو كان طبيبا فهل نقول إن نظام حكمه طبى ؟



انا عرفت نظام الحكم العسكرى فى النصف الأول من الخمسينيات


أيام محمد نجيب وجمال عبد الناصر


الغريب أن الناصريين هم من ضمن "هتيفة" يسقط يسقط حكم العسكر


شوفتى خلط بل وغباء أكثر من هذا ؟



ومن ضمن الخلط أيضا ذلك الخلط بين المظاهرة والثورة


هل كانت 30 يونية مظاهرة ؟ .. فى الحقيقة لا أريد أن أعلق


شارك هذه المشاركه


رابط المشاركه
شارك

انا غير موافق على سن قانون التظاهر الان لسبب مهم جدا وهو ان مصر مازالت في حالة ثورية الا ا ذا ا عتبرنا ا ن الثورة انتهت فقد وعدنا بعدة و عود ولم تنفذ حتى تاريخه ولم تستقر الدولة ولم ينتخب رئيس جمهورية ولم يسن دستور ولم يقام مجلس شعب وكلها امور تعد في اطار الوعود طالما لم تنفذ

فماذا نحن فاعلون اذا لم تنفذ تلك الوعود

الامر الثاني هو ا ن جهاز ا لشرطة مازال جهاز معوق ولم يسترد عافيته ولم تعا لج اخطاءه التي ترسبت في عقيدته وهذا امر يحتاج لوقت لان ما زالت ا لشرطة تنظر نظرة انتقامية ومتعالية في الكثير من ا لا حيان

فكيف لنا نكبت ولم تتحقق امور هي ا ساسات الدولة ومازلنا منتظرين

شارك هذه المشاركه


رابط المشاركه
شارك

أم سلافة

أنت ممن يتحرى ضبط المصطلحات

هناك فرق يا سيدتى بين أن يكون الحاكم ذا خلفية عسكرية

وأن يكون نظام الحكم نظاما عسكريا

لو كان الحاكم ذا خلفية هندسية هل نقول إن نظام حكمه هندسى ؟

أو لو كان طبيبا فهل نقول إن نظام حكمه طبى ؟

انا عرفت نظام الحكم العسكرى فى النصف الأول من الخمسينيات

أيام محمد نجيب وجمال عبد الناصر

الغريب أن الناصريين هم من ضمن "هتيفة" يسقط يسقط حكم العسكر

شوفتى خلط بل وغباء أكثر من هذا ؟

ومن ضمن الخلط أيضا ذلك الخلط بين المظاهرة والثورة

هل كانت 30 يونية مظاهرة ؟ .. فى الحقيقة لا أريد أن أعلق

لا ثواني علق يا استاذ ابو محمد هي 30 يونيو كانت ايه ؟؟؟ يعني حضرتك لو فيه قانون للتظاهر لا طبق عليها ؟؟؟ ولا كان يطبق ع 25 يناير ؟؟؟ هقولك انا كان كرنفال كان حفل غنائي

ايا كان انا عاوز قانون التظاهر يطبق بس الالية والتوقيت وعموما هي مش فارقه راينا نفس نكتة الدستور محسسني ان لو اترفض هيتسمع كلام الناس والله فلوس ووقت بيضيع ع الفاضي

استاذ ابو محمد هو ليه بتقولوا قانون التظاهر الجديد !!!! ياترى ايه الفرق بينه وبين القديم الليس كان ف نفس الوزير

تم تعديل بواسطة herohero

شارك هذه المشاركه


رابط المشاركه
شارك

انا غير موافق على سن قانون التظاهر الان لسبب مهم جدا وهو ان مصر مازالت في حالة ثورية الا ا ذا ا عتبرنا ا ن الثورة انتهت فقد وعدنا بعدة و عود ولم تنفذ حتى تاريخه ولم تستقر الدولة ولم ينتخب رئيس جمهورية ولم يسن دستور ولم يقام مجلس شعب وكلها امور تعد في اطار الوعود طالما لم تنفذ

فماذا نحن فاعلون اذا لم تنفذ تلك الوعود

الامر الثاني هو ا ن جهاز ا لشرطة مازال جهاز معوق ولم يسترد عافيته ولم تعا لج اخطاءه التي ترسبت في عقيدته وهذا امر يحتاج لوقت لان ما زالت ا لشرطة تنظر نظرة انتقامية ومتعالية في الكثير من ا لا حيان

فكيف لنا نكبت ولم تتحقق امور هي ا ساسات الدولة ومازلنا منتظرين

اه ده كلام الطابور الخامس ولا السادس كده غلط حضرتك مش عاوز استقرار للدولة وثورة ايه ده كانت نكسة فين ايان 2010 كنا رقم 6 اقتصاديا منك لله يامرسي ومنك لله يا 25 يناير ضيعت مننا تنظيم كاس العالم

شارك هذه المشاركه


رابط المشاركه
شارك

العجيب ان غالبية الاعضاء هنا طفشانين من نظام الحكم المصري الرائع ف الخليج او ف كندا وامريكا ، طب مادام هو ممتاز كده سيبنا مصر ليه ؟؟؟؟؟؟

طبعا ده حرية شخصية بس اكيد لو كان ناجح وممتاز مكنش حد طلع بالكم ده

لا مش شرط خالص ان النظام لو ناجح الناس ما تطلعش برة

كل واحد له أسبابه في السفر و الاغتراب

عن نفسي كمغتربة بعيد عن مصر مش من ضمن أسبابي خالص اني مكنتش راضية عن النظام

و عن نفسي لم اتعرض لأي ايذاء أنا وعائلتي كلها

لا من أمن دولة و لا شرطة و لا حزب وطني

مليش ثار مع مبارك يعني

مع احترامي لكل من هم ضد نظامه و سبق وقلت اني ما كانش فارق معايا

ايا كان انا مع تنظيم التظاهر ولكن لست مع توقيت اصدار القانون اللي مش جديد لان ده كان ايام مرسي ونفس وزير الداخلية اللي سبحان الله دلوقت بقى زي الفل وشمعة منورة وايام مرسي كان وحش ووزير الكهرباء ووزير البترول |

يافندم هو مش واضح لحد دلوقت اني مكنتش مع مرسي ؟؟ :)

انا واحدة من الناس لم انتخبه و لم انتخب خصمه

كنت ممن قاطعوا الانتخابات

لأني مستحيل كنت انتخب الاخوان

و كان لسه عايش جوايا حلم في رئيس مدني ليس ذا خلفية عسكرية كالفريق أحمد شفيق

يعني طبعا لو كان اصدر قانون زي ده مكنش عجبني

لأنه هو شخصيا ما كانش عاجبني

مع اني كنت من الناس اللي صابرة عليه و باديله فرصة ..يمكن..

حضرتك بتناقش في ايه اصلا

احنا ( أقصد فصيلي ) لا محايدين و لا ديموقراطيين و لا بنحترم صندوق و انتخابات

مفيش حاجة اصلا اسمها صندوق وانتخابات لناس انتخبوا عشان يخلصوا و خلاص من غير لا توعية و لا عرض برامج انتخابية

و اللي من ساعة تم انتخابهم لحد ما غاروا في ستين داهية ما شفنالهمش لا مشاريع و لا خطط ولا أي حاجة

كان عامل زي التلميذ الخيبان اللي لا مذاكر و لا حافظ و كل ما نقول له سمّع يقعد يتلكك و يعيط و يقول مش عارف اركز طفوا التلفزيون ..اصل في اصوات في الشارع و .. و..

ياااااااااااااااه هو انا باحكي في ايه بس ..

الحمد لله وكفى

و سلام على عباده الذين اصطفى

و اخر دعوانا ان الحمد لله رب العالمين

و الصلاة والسلام على أشرف الأنبياء و المرسلين سيدنا و حبيبنا محمد وعلى آله الطيبين الطاهرين

شارك هذه المشاركه


رابط المشاركه
شارك

لا مش شرط خالص ان النظام لو ناجح الناس ما تطلعش برة

كل واحد له أسبابه في السفر و الاغتراب

عن نفسي كمغتربة بعيد عن مصر مش من ضمن أسبابي خالص اني مكنتش راضية عن النظام

و عن نفسي لم اتعرض لأي ايذاء أنا وعائلتي كلها

لا من أمن دولة و لا شرطة و لا حزب وطني

مليش ثار مع مبارك يعني

مع احترامي لكل من هم ضد نظامه و سبق وقلت اني ما كانش فارق معايا

يافندم هو مش واضح لحد دلوقت اني مكنتش مع مرسي ؟؟ :)

انا واحدة من الناس لم انتخبه و لم انتخب خصمه

كنت ممن قاطعوا الانتخابات

لأني مستحيل كنت انتخب الاخوان

و كان لسه عايش جوايا حلم في رئيس مدني ليس ذا خلفية عسكرية كالفريق أحمد شفيق

يعني طبعا لو كان اصدر قانون زي ده مكنش عجبني

لأنه هو شخصيا ما كانش عاجبني

مع اني كنت من الناس اللي صابرة عليه و باديله فرصة ..يمكن..

حضرتك بتناقش في ايه اصلا

احنا ( أقصد فصيلي ) لا محايدين و لا ديموقراطيين و لا بنحترم صندوق و انتخابات

مفيش حاجة اصلا اسمها صندوق وانتخابات لناس انتخبوا عشان يخلصوا و خلاص من غير لا توعية و لا عرض برامج انتخابية

و اللي من ساعة تم انتخابهم لحد ما غاروا في ستين داهية ما شفنالهمش لا مشاريع و لا خطط ولا أي حاجة

كان عامل زي التلميذ الخيبان اللي لا مذاكر و لا حافظ و كل ما نقول له سمّع يقعد يتلكك و يعيط و يقول مش عارف اركز طفوا التلفزيون ..اصل في اصوات في الشارع و .. و..

ياااااااااااااااه هو انا باحكي في ايه بس ..

الحمد لله وكفى

و سلام على عباده الذين اصطفى

و اخر دعوانا ان الحمد لله رب العالمين

و الصلاة والسلام على أشرف الأنبياء و المرسلين سيدنا و حبيبنا محمد وعلى آله الطيبين الطاهرين

اه يعني حضرتك سيبت مصر عشان تشوفي الدول المتخلفة الاخري عايشة ازاي ؟؟؟؟ غريبة اول مرة اشوف حد راضي عن نظام بلد اقتصاديا واجتماعيا وسياسيا يسيبه

ايا كان ده مش موضوعنا برده انما انا كلامي كان واضح وبكرره التوقيت ليس مناسب لمثل هذا قانون ده لو انا هدفي خير

اما لو هدفي ان هعمل حاجات هيعترض عليها ناس فأقوم منزل القانون قبلها وبالتالي اضمن عدم اعتراضهم واعاقبهم بالقانون يبقى ده توقيت مناسب

ومازلت بقول ان القانون ده وقت مرسي كان وحش وقليل الادب وان البلاك بلوك والالتراس مكنوش بيتظاهروا ولا بيعطلوا شئ ده كانوا بيقضوا وقت لذيذ واللي حرق المجمع العلمي برده كان بيدفي الجو انما اللي شالوا بلالين ولا اللي بيعمل شعار باربع صوابع يبقى عمل جريمة

وان اعظم اختراع وتم تكريم المخترع هو اختراع شعار ثالثة

اوك هي وجهات نظر ولكل منا وجهة نظره

اما حضرتك بتحكي ف ايه فأنا قولتها قبل كده من هم اكثر من 33 سنة يكتفوا بالحديث والفرجه فقط لانهم فشلوا وانا من الجيل 33 سنة واعتبر ان احنا جيل بيمشي جوا الحيطة اخرنا نتكلم فنسيب اللي اصغر مننا يحطوا مستقبلهم بايدينا اما الجيل اللي ابوه اتغرب وهو برده اتغرب فده مش من حقه يتكلم لانه من الاول هرب وريح دماغه

ممكن نتكلم طق حنك بس انما احنا مش ع ارض الواقع الدولارات والدراهم والدنانير والرايالات شغاله فاحنا كلامنا كلام مخملي "طق حنك "

فبقانون تظاهر او غيره مش بنتظاهر ولا بننزل ف الحر احنا ف التكييف فنسيب الناس اللي بتنزل هي اللي تقول رايها

انا بتكلم عن الي سابوا مصر من اجل حياة افضل ماديا او علميا وانا مش شايف سبب اخر ان اسيب بلدي وهي متقدمة الا لو بعمل عمل تطوعي وخيري ف دول اخرى

شارك هذه المشاركه


رابط المشاركه
شارك

اه يعني حضرتك سيبت مصر عشان تشوفي الدول المتخلفة الاخري عايشة ازاي ؟؟؟؟ غريبة اول مرة اشوف حد راضي عن نظام بلد اقتصاديا واجتماعيا وسياسيا يسيبه

هو طبعا ميخصش اي حد انا متغربة ليه :)

بس شامة ريحة تريقة كده في كلام حضرتك تقريبا ؟؟!!!

للمرة الثالثة

ما كانش فارق معايا نظام الحكم يا عزيزي

و دي معناه اني لا كنت راضية و لا كنت ساخطة

يعني I didn't mind it :)

يارب أكون قدرت اوصل وجهة نظري

يهمني مصر الوطن و الشعب اللي فيه اهلي و اصحابي و بس

و متفرقش معايا اي حكومة

مادام الناس في أمن وأمان

اما حتة الفقر والجهل و المرض

فمعلش يعني الحكومات ممكن توفر كل الامكانيات و يظل هناك فقر وجهل ومرض

لأن الناس مش عايزة تتحرك

و بص حضرتك للاماكانيات في دول الخليج

و قول لي ليه مع الامكانيات دي مبقتش من مصاف الدول المتقدمة ؟؟!!!

تنمية الشعب و تغيير افكاره مش واجب الحكومات

اما واجب مين ... فده يلزمه طرح آخر

شارك هذه المشاركه


رابط المشاركه
شارك

أم سلافة

أنت ممن يتحرى ضبط المصطلحات

هناك فرق يا سيدتى بين أن يكون الحاكم ذا خلفية عسكرية

وأن يكون نظام الحكم نظاما عسكريا

لو كان الحاكم ذا خلفية هندسية هل نقول إن نظام حكمه هندسى ؟

أو لو كان طبيبا فهل نقول إن نظام حكمه طبى ؟

انا عرفت نظام الحكم العسكرى فى النصف الأول من الخمسينيات

أيام محمد نجيب وجمال عبد الناصر

الغريب أن الناصريين هم من ضمن "هتيفة" يسقط يسقط حكم العسكر

شوفتى خلط بل وغباء أكثر من هذا ؟

ومن ضمن الخلط أيضا ذلك الخلط بين المظاهرة والثورة

هل كانت 30 يونية مظاهرة ؟ .. فى الحقيقة لا أريد أن أعلق

تمام يا أستاذي

ما أعنيه اني ما يفرقش معايا حاكم ذا خلفية عسكرية

أو نظام حكم عسكري متكامل

المهم هو الخلاص من سرطان المتأسلمين

و الناس ترجع تحس بأمان

بأمن الدولة

و ماله

انا شخصيا واحدة بأمشي صح و مليش زلات.. أخاف ليه من أمن الدولة ؟؟؟

مش كل الشرطة وحشين يعني

كل من تعاملت معهم و انا في مصر من ضباط شرطة كانوا في قمة التهذيب و التعاون

ده ما يمنعش ان في فاسدين

زي أي مجال فيه الكويس و فيه الوحش

اما 30 يونيو

فسبق و قلت في موضوع كان هنا في المحاورات بهذا الخصوص

انها خطوة تصحيحية ضرورية

انقذتنا من هلاك محقق

و ده طبعا هو رأيي الشخصي

اللي مريحني لغة و اصطلاحا :)

تحياتي يا أستاذي

و وحشتني صولات حضرتك وجولاتك في اللغة بعيدا عن السياسة

:)

شارك هذه المشاركه


رابط المشاركه
شارك

استاذتي الفاضلة انا مش قاصد لا تريقة ولا حاجه بس كلامي واضح لو مصر ناجحه مكنش حد سافر وسابها واسباب الغتراب معروفة واظن ان مغتربين الخليج وغيرهم اغتربوا لفشل المنظومة ف مصر وبرجع واقول ده شئ لا يخصني وكل لنا حقه ف اختيار المكان المناسب

اما موضوع دول الخليج هو حضرتك عمرها اد ايه ؟؟؟؟؟؟؟ دول الخليج كدول مستقلة ظهرت ف 70 هل ده عمر دولة وعموما ابشرك دبي عندها EXPO 2020 وشوفي تقارير التنمية البشرية !!! واتفرجي كمان شويتني لما المبتعثين السعوديين يرجعوا وانا بتعامل مع بنات وشباب سعوديين ف مجال الاي تي ORACLE -CISCO-HP -MICROSOFT نماذج ممتازة

التطور بيحصل بس مش بيتحس او فيه مصريين مصرين اننا بس اللي بنفهم ايا كان مش موضوعنا

اما موضوع النهضة والتغيير واجب مين ؟؟؟؟؟؟ فعندك كل الدول اللي اتغيرت تقدري تقولي ليا اتغيرت ازاي ؟؟؟ تركيا "الاتراك اتغيروا ازاي قاموا من النوم اتغيروا اصلا انا شايفهم ما اتغيروش هم تم اعاده توجيهم بس " وماليزيا ؟؟ وسنغافورة والهند والصين والبرازيل

انا بجيب دول زينا بالضبط عموما انا عارف ان ده مش تشبيه مناسب بس ممكن يكون قريب قوي هو ربنا بيبعث الرسل والانبياء ليه ؟؟؟؟ ما الناس تعرف طريق التوحيد لوحدها محتاجه ليه حد يرشدهم

عموما قصه " امم تصنع حكام ام حكام تصنع أمم " قصه جدلية

وبكرر اعتذاري لو فهمت من كلامي تريقة لكن اعذريني فأنا احب اكون واقعي النظام المصري فااااااااااااااااااااااشل ، وانا لم اعتقل ولم اعاني من ملاحقات أمنية وليس لي ثأر مع النظام لكن انا بقيمه وده راي انه فاشل ولم ينجح ف عمل قيمة وهيبة لابنه ومش حكاية فقر وغنى لان لبنان مش غنيه وعامله قيمة لابنها والفلبين

وتحياتي ، ودمت بود

شارك هذه المشاركه


رابط المشاركه
شارك

انا غير موافق على سن قانون التظاهر الان لسبب مهم جدا وهو ان مصر مازالت في حالة ثورية الا ا ذا ا عتبرنا ا ن الثورة انتهت فقد وعدنا بعدة و عود ولم تنفذ حتى تاريخه ولم تستقر الدولة ولم ينتخب رئيس جمهورية ولم يسن دستور ولم يقام مجلس شعب وكلها امور تعد في اطار الوعود طالما لم تنفذ

فماذا نحن فاعلون اذا لم تنفذ تلك الوعود

الامر الثاني هو ا ن جهاز ا لشرطة مازال جهاز معوق ولم يسترد عافيته ولم تعا لج اخطاءه التي ترسبت في عقيدته وهذا امر يحتاج لوقت لان ما زالت ا لشرطة تنظر نظرة انتقامية ومتعالية في الكثير من ا لا حيان

فكيف لنا نكبت ولم تتحقق امور هي ا ساسات الدولة ومازلنا منتظرين

أستاذ إسلام

ماذا تعنى ب "قانون التظاهر" ؟

هل هو قانون لمنع التظاهر ؟

هل هو قانون لفرض عقوبات على التظاهر ؟

هل هو قانون لتنظيم حق التظاهر ؟

كل ما سبق يمكن تسميته قانون التظاهر

فماذا تقصد بالضبط

وماذا تسمى "القرار بقانون" الذى أصدره عدلى منصور وأثار تلك الزوبعة ؟

شارك هذه المشاركه


رابط المشاركه
شارك

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • محاورات مشابهه

    • حقيقة العلاج الجديد للسرطان Vitrakvi الذي وافقت عليه ال FDA

      "بوابة الأهرام " تستطلع آراء الأطباء  في علاج الأورام السرطانية للتعرف على حقيقة فعالية العقار الجديد Vitrakvi الذي وافقت عليه هيئة الغذاء والدواء الأمريكية Fda. قالت الدكتورة إيناس عبد الحليم، عضو لجنة الصحة في مجلس النواب وأستاذ طب الاورام، إن العقار Vitrakvi الذي وافقت عليه هيئة الغذاء والدواء الأمريكية Fda لعلاج مرضى السرطان من الأطفال والكبار يعتمد على الطفرات الوراثية ولابد أن يتوفر مستقبل جيني محدد، وأن تكلفة العقار تبلغ 32 ألف دولار شهريًا. وأضافت النائبة إيناس عبد الحليم، أن ه

      في  فى الثقافة و العلم

    • تحديث جديد لبرمجيات محاورات المصريين .. التحديث الجديد يعطينا قفزة جديدة في الأداء

      البرمجيات الجديدة تعد بسرعة عالية جدا في تحميل الصفحات  مما يجعلنا نقارب سرعة و كفاءة مواقع مثل الفيسبوك و التويتر  تم أمس تحديث البرمجيات نفسها في محاورات المصريين. التجربة ودها ستبين لنا  هل هي قفزة نوعية في الأداء  ...  في هذه المرة قدمت شركة البرمجيات آلية سهلة جدا لتحديث البرمجيات  ..... دعونا نجرب البرمجيات الجديدة

      في عالم الكومبيوتر والأنترنت

    • المتحف المصري الجديد ( عبقرية هندسية )

      حدث وإنجاز طالما انتظرناه في مصر من فترة طويلة وهو افتتاح أكبر متحف أثري في العالم ( المتحف المصري الكبير ) الذي يقع على بعد أميال قليلة من غرب القاهرة بالقرب من أهرام الجيزة. وضع تصميم هذا المبنى العملاق شركة إيرلنديةوكنت اتمنى ان يصممه مهندسين مصريين لنستحق أن نكون أحفاد الفراعنة العباقرة بحق .  تم تصميم واجهة المتحف على شكل مثلثات كل منها تنقسم إلى مثلثات أصغر منها  في إطار رمزي للأهرام، وذلك طبقا لنظرية رياضية لعالم بولندي تتحدث عن التقسيم اللانهائي لشكل المثلث.    

      في تاريخ مصر

    • تعرف على نص تعديل قانون الضريبة العقارية المقدم من الحكومة للبرلمان

      تستعد لجنة الخطة والموازنة بمجلس النواب، خلال الفترة المقبلة، لمناقشة مشروع القانون المقدم من الحكومة بشأن تعديل بعض أحكام القانون رقم 196 لسنة 2008 بإصدار قانون الضريبة على العقارات المبنية، وهو تعديل بسيط يتعلق بمد فترة تحصيل قيمة الضريبة العقارية الحالية عامين، لتستمر حتى 2020 بدلاً من انتهائها فى 2018.     وينص التعديل، فى المادة الأولى على يستبدل بنص البند (1) من المادة التاسعة من القانون رقم 196 لسنة 2008 بإصدار قانون الضريبة على العقارات المبنية، النص الآتى:

      في مختارات من الصحف

    • شيخوخة القوانين - قانون الإيجارات القديمة

      لا أعلم سبب التباطوء في حل مشكلة ( قانون الايجارات القديمة )  المجحف لملاك العقارات  وورثتهم الذين بُح صوتهم مطالبين مرارا وتكرارا بانصافهم .. فمن غير المعقول  ولا العدل في زمن قد يبلغ ايجار شقة في حي الزمالك - كمثال -   اكثر من عشرين ألف جنيه ( ايجار جديد ) بينما في عمارة مجاورة لها  ايجار الشقة  لا يتعدى عشرون جنيها لانها مؤجرة  حسب قانون (  الايجار القديم ) ليس هذا فقط وانما يحق للمالك ان يستعيد شقته من المؤجر في الوقت الذي يحدده في العقد في الحالة الاولى و هذا هو الصواب و المعمول به في كل بل

      في الملتقى العام لزوار محاورات المصريين

×
×
  • اضف...