صباح النصر .. تسلم يا جيش بلادى

[أبو محمد]

• تسلم الأيادى .. تسلم يا جيش بلادى

• تسلم ياللى اتظلمت وحسبوها عليك حرب يوم 5 يونية 67

تسلم ياللى بعدها بأقل من شهر بينت لهم العين الحمرا فى راس العش وبينت للشامتين أن مصر فيها جنود ثبتوا فى موقعهم أمام دبابات العدو

تسلم ياللى أسودك من القناصة أجبروا العدو على خفض رأسه شرق القناة بعد أن دنسوا مياه القناة فى صيف 67 الملتهب وهم يسبحون فيها وكأنهم ملكوها

تسلم ياللى بعدها بأربع شهور قمت بأول عملية فى العالم لإغراق مدمرة بحرية بزورق صواريخ .. ومازالت عملية ليس لها ثان حتى الآن على مستوى جيوش العالم

تسلم ياللى أبطال البحرية بتوعك ضربوا ميناء إيلات أكثر من مرة رايحين جايين وكأنهم بيضربوا بولطة عالكورنيش ضربوا الرصيف واغرقوا مدمرتين

تسلم ياللى أبطال البحرية بتوعك دمروا حفار قبل دخوله البحر الاحمر كان جاى يحفر ويبحث عن بترول فى مياهنا .. اشتعلت نيرانه وكأنها ألعاب نارية فى أبيدجان احتفالا باستقبال رواد الفضاء فى ذلك اليوم واشتعلت النيران فى قلوب الأعداء فى تل أبيب

تسلم ياللى أشعلت حرب الاستنزاف التى بدأت باستشهاد "الفريق" الذهبى نجم المدفعية المصرية عبد المنعم رياض .. فكان أول جنرال فى العالم يستشهد فى خندق بين جنوده على الخط الأول المواجه للعدو على قناة السويس

تسلم ياللى ابنك ابراهيم الرفاعى ظل يعمل فى سيناء 5 سنوات خلف خطوط العدو تحت اسم منظمة مقاومة شعبية اسمها "منظمة سيناء العربية" فكان أسدا ينشب مخالبه وأنيابة فى ظهورهم النجسة حتى أدماها قصاصا عادلا لغدرهم بأطفال بحر البقر وعمال مصنع ابو زعبل

تسلم ياللى اختلطت دماء جنودك "المصريين" بدماء إخوانهم المدنيين "المصريين" من أبناء شركات المقاولات وهم يبنون دشم حائط الصواريخ بينما السماء تمطر عليهم قنابل وصواريخ حتى كان اليوم المشهود يوم 30 يونية 1970 (يا جمال 30 يونية فى تاريخنا) وهو يوم اتمام بناء السد العالى الثانى على ضفاف القناة ليمنع عربدة طائرات العدو فى العمق المصرى ويكون 30 يونية عيدا تحتفل به قوات الدفاع الجوى كل سنة

تسلم يا جيش بلادى .. تسلم يا جيش المفاجآت .. تسلم يوم أن فوجئ العالم بجحافلك تقتحم أصعب مانع مائى وتجتاح أقوى خط دفاعى عرفه تاريخ العسكرية

تسلم الأيادى تسلم يا جيش بلادى ياللى حميت شعبك "اللى انت منه وهو منك" وأنتما معا حاصلان على أعلى شهادة فى مفاجأة وإبهار العالم .. من يوم 30 يونية 1970 إلى يوم 30 يونية 2013 مرورا بيوم النصر العظيم فى 6 أكتوبر 1973

مصر بهرت عيون وعقول العالم بشعبها و"جيشه"

تسلم الأيادى .. تسلم يا جيش بلادى

لأنك جيش أمة عظيمة لا جيش عائلة

لأنك جيش شعب عبقري لا جيش قبيلة

لأنك جيش "شعب مصر" لا جيش جماعة ولا جيش مذهب

لأن جنودك هم خير أجناد الأرض رغم أنف الحقد الإسرائيلي و"إخوانه" هنا وهناك

• تسلم الأيادى .. تسلم يا جيش بلادى .. والله أكبر .. وتحيا مصر

[tarek hassan]

صباح الفل على المصريين
صباح الـ .....( لامؤاخذة ) على أعداء الوطن

[Salwa]

إنسحبوا .. كان اللاسلكي بعيد والعسكري مسمعش
إنسحبوا .. شوفوا العجب يا ولاد العسكري مرجعش
إنسحبوا .. أطرش ده ولا صنم إرجع يا جندي بيادة
دخل العدو العريش إرجع خلاص بزيادة
العسكري سامع .. لكنه واد مجدع
شال آربيجيهه وضحك إشمعنى أنا اللي أرجع ؟
وقف الزمن مذهول ساعتين بيشاهد
الجندي قام كبر المدفع إتشاهد
الدبابات ظهرت " إرجع يا جندي نظام "
ده كان كلام القيادة .. و ده بردو وقت كلام ؟
وقف الولد ددبان .. يا سادة يا سامعين
صادهم كما الدبان .. محروس يا واد من العين
الدبابات صفين .. إتفاجأوا وإفترقوا
على كتفه كان مدفع .. وعلى الجبين عرقه
غطى العفار النار ولا حد عاد شايف
والدبابات بتهل وده بردو مش خايف
الضحكة على وشه .. ما تقولش بيصيف
ولسه الزمن واقف مبسوط ومتكيف
الدبابات كترت والكترة غلابة
والقلب لو مؤمن ولا ألف دبابة
هتقولوا مات الولد أنا أقولكم لأ .. عاش
ما الجنة ولا فيها موت ولا تتدخل .. ببلاش
هشام الجخ

[tarek hassan]

أرى أننا مجبرين من باب العدل الحق الإنصاف إلى تقديم التحية للواء طيار : محمد حسني مبارك قائد القوات الجوية في حرب أكتوبر وصاحب أول طلعة جوية ... كثيرا ما هاجمناه وشاركنا في المطالبة بتنحيه لكننا لا نجحد وطنيته التي ظهرت في العديد من المواقف ... وعلى رأي المثل الدارج :

متعرفش قيمة أمك إلا لما تشوف مرأة أبوك

[tarek hassan]

الإخوان مركزين من الصبح على الفريق الشاذلي فقط .... يمكن ظنا منهم إنه كان منشق عن الجيش

[أبو محمد]

أرى أننا مجبرين من باب العدل الحق الإنصاف إلى تقديم التحية للواء طيار : محمد حسني مبارك قائد القوات الجوية في حرب أكتوبر وصاحب أول طلعة جوية ... كثيرا ما هاجمناه وشاركنا في المطالبة بتنحيه لكننا لا نجحد وطنيته التي ظهرت في العديد من المواقف ... وعلى رأي المثل الدارج :

متعرفش قيمة أمك إلا لما تشوف مرأة أبوك

كونه بطل من أبطال أكتوبر ، فهذه حقيقة تاريخية لا يمكن انكارها أوتغييرها

وليس من العدل خلط أخطائه وخطاياه كرئيس ورأس نظام

مع انجازه كعازف أساسى فى أوركسترا سيمفونية النصر العظيم

يَا أَيُّهَا الَّذِينَ آمَنُواْ كُونُواْ قَوَّامِينَ لِلّهِ شُهَدَاء بِالْقِسْطِ

وَلاَ يَجْرِمَنَّكُمْ شَنَآنُ قَوْمٍ عَلَى أَلاَّ تَعْدِلُواْ

اعْدِلُواْ هُوَ أَقْرَبُ لِلتَّقْوَى

وَاتَّقُواْ اللّهَ إِنَّ اللّهَ خَبِيرٌ بِمَا تَعْمَلُونَ

[tarek hassan]

كونه بطل من أبطال أكتوبر ، فهذه حقيقة تاريخية لا يمكن انكارها أوتغييرها

وليس من العدل خلط أخطائه وخطاياه كرئيس ورأس نظام

مع انجازه كعازف أساسى فى أوركسترا سيمفونية النصر العظيم

يَا أَيُّهَا الَّذِينَ آمَنُواْ كُونُواْ قَوَّامِينَ لِلّهِ شُهَدَاء بِالْقِسْطِ

وَلاَ يَجْرِمَنَّكُمْ شَنَآنُ قَوْمٍ عَلَى أَلاَّ تَعْدِلُواْ

اعْدِلُواْ هُوَ أَقْرَبُ لِلتَّقْوَى

وَاتَّقُواْ اللّهَ إِنَّ اللّهَ خَبِيرٌ بِمَا تَعْمَلُونَ

كم أنت رائع يا أبا محمد

تم تعديل October 6, 2013 بواسطة tarek hassan

[أبو محمد]

الإخوان مركزين من الصبح على الفريق الشاذلي فقط .... يمكن ظنا منهم إنه كان منشق عن الجيش

بطل آخر من أبطال العمل العبقرى

ستظل مكانته وسهمه النافذ فى الإعداد ليوم النصر

ظاهرين مشكورين مقدرين

برغم تصميمه على موقف مخالف لقرار باقى القيادة العسكرية

وقرار القيادةالسياسية

أما النفاثات فى العقد فقد ارتد سحرهم عليهم

وبات الطفل الصغير فاهما للموقف بسؤاله البدائى

وابتدا قلبى الصغير يدوَّر

عن جواب لسؤال يحير

إحنا مين ؟

فى بلدنا ؟

ولا فين؟

من ذا الذى يحقد على جيش بلادى إلى جانب العدو الصهيونى ؟

ويجد قلب الطفل الصغير الإجابة على السؤال

إن من يصطف إلى جانب عدوى فى الحقد على جيش بلادى

لابد أن يكون عدوى

[أبو محمد]

الاحتفال هذا العام له طعم خاص

بدأت يومى باستقبال 6 وردات

طرق حارس العمارة الباب وقدمهم لى قائلا : "من ابن اختك" !!

اتصلت به لأشكره

فقال لى أنا باوزع ورد على أبطال الجيش اللى فى الشارع

تذكرتك يا خالى وأرسلت لك 6 وردات

وردة لكل سنة قضيتها فى الجيش

إحسب بقى كام مليون وردة لازم تتوزع على أبطالنا اللى اشتركوا فى نصر اكتوبر

[أبو محمد]

[Alshiekh]

http://youtu.be/f8lBWQkj5DE

[Scorpion]

[Salwa]

الاحتفال هذا العام له طعم خاص

بدأت يومى باستقبال 6 وردات

طرق حارس العمارة الباب وقدمهم لى قائلا : "من ابن اختك" !!

اتصلت به لأشكره

فقال لى أنا باوزع ورد على أبطال الجيش اللى فى الشارع

تذكرتك يا خالى وأرسلت لك 6 وردات

وردة لكل سنة قضيتها فى الجيش

إحسب بقى كام مليون وردة لازم تتوزع على أبطالنا اللى اشتركوا فى نصر اكتوبر

[mraam]

اولا صباح الخير صباح النصر والف تهنئه لخير اجناد الارض بعيد النصر وانا عضوة جديدة بالتسجيل انما كنت دائما زائرة لهذا المنتدى المحترم واتمنى ان اكون عضوة فعالة فيه ومرة ثاانية تهنئة من الاعماق لجيش بلدى العظيم

[tarek hassan]

الاحتفال هذا العام له طعم خاص

بدأت يومى باستقبال 6 وردات

طرق حارس العمارة الباب وقدمهم لى قائلا : "من ابن اختك" !!

اتصلت به لأشكره

فقال لى أنا باوزع ورد على أبطال الجيش اللى فى الشارع

تذكرتك يا خالى وأرسلت لك 6 وردات

وردة لكل سنة قضيتها فى الجيش

إحسب بقى كام مليون وردة لازم تتوزع على أبطالنا اللى اشتركوا فى نصر اكتوبر

:flr1: :flr1: :flr1: :flr1: :flr1: :flr1:

.... ما شاء الله .... ست سنوات ....

الاحتفالات السنة دي لها بهجة وكأننا نحتفل بهذا اليوم لأول مرة ... خاصة إنها جاية بعد المعجنة اللي كانت السنة اللي فاتت

تم تعديل October 7, 2013 بواسطة tarek hassan