خايف حياتي تروح مني

[المحتار]

السلام عليكم

انا اول مره اكتب موضوع بس انا متابع المحاورات من سنين واعرفكم واحترمكم كتير جداا

انا محتاج احكي ليكم ﻻني حاسس اني هتجنن

انا عمري 29 سنه سودا وملخبطه خطبت من فتره قصيره حبيت خطيبني جداا وهيه كمان جداا جدااا وكل الناس بيحسدونا علي سعادتنا وعلي توافقنا مع بعض والضحكه ما بتفارقناش من يوم ما عرفنا بعض

انا اتعلقت بيها جدااا وبدات اكون انسان جديد

انا كان ليه علاقات سيئه جداا قبل ما اعرفها بس لما عرفتها اتغيرت

قطعت كل علاقاتي وبقيت مؤدب ومحترم وبغض بصري كمان وما بفكرش اﻻ فيها

حتي هزاري مع اصحابي وطريقة تفكيري وبدات ابقي انسان رزين وتبت لله توبه نصوحه ان شاء الله

هيه بتعاملني من اﻻساس علي اني محترم وكويس حتي ما سالتنيش اذا كان ليه ماضي او لأ بس هيه قالت ان عمرها ما توافق انها ترتبط باي حد له اي علاقات حرام قبل الجواز اطلاقا وﻻ حتي تبص في وشه

حبيت افهمها موضوع التوبه وان اﻻنسان ممكن يتغير رفضت الفكره تماما واصرت علي رايها

كان الكلام طبعا علي اساس انه علي واحد تاني

انا حاسس ان ربنا هيعاقبني ويحرمني منها

انا شبه متاكد ان ده هيحصل

انا حاسس ان ربنا بيوريني بس النعمه اللي كنت هبقي فيها لو ماشي بالحلال وبعدين يحرمني منها

انا خايف ﻻ اتصدم صدمة العمر وحاسس اني هتدمر بعديها وبدل ما بقيت محترم وبصلي الحمد لله وناوي افضل اتحسن ان شاء الله لعند ما ابقي جدير بيها خايف ابقي اسوأ من اﻻول زائد اني ابقي متحطم ومن غير امل

انا عارف اني عمري ما هقولها حتي لو حد فيكم اقنعني اني اقولها

انا حتي بقيت خايف من خوفي ﻻ تروح مني بالشكل ده

[خالد شحاته]

احسن شي خالي الماضي يموت ومدورش فيها لا انتي ولا هيا وعيش ايامك معها علي خير وافتح بيتك وحافظ عليه بما يرضي الله

[المحتار]

احسن شي خالي الماضي يموت ومدورش فيها لا انتي ولا هيا وعيش ايامك معها علي خير وافتح بيتك وحافظ عليه بما يرضي الله

ان شاء الله

[غريب الخبر]

تاكد اخى تماما انك اذا راعيت الله فيها واكملت عهدك مع الله فى توبتك النصوح فان الله لا يخزيك ابدا . فكل منا له ماضيه المخزى والمخيب .

بارك الله لكما ووفقك الى الخير