إزاى أعرف إذا كانت الورقة الصفرا مزوّرة أو سليمة ؟

[مدام حسام]

السلام عليكم ورحمة الله وبركاته

إخوانى الأفاضل ,,

زوجى الغالى لجأ للحل الأخير .. وهو عمل استقدام ليا عن طريق معقب

لإن مهنته غير متطابقة لمؤهله .. للأسف

وبعد بحث متعب عن معقب أتعابه هيّنة

قررنا تسليمه الأوراق

طبعاً هو فى الأول طلب المبلغ كله مقدم .. مع تسليمنا وصل أمانة

لكن زوجى رفض

واستقروا فى النهاية

على إن زوجى هيدفع مبلغ الـ 2000 ريال فى البنك

وهيدى للمعقب 1000 ريال ربط كلام

وفعلاً

الورق دلوقتى عند المعقب بقاله 10 أيام

وهو كان واعدنا من 15 إلى 20 يوم

ويخلص المعاملة .

سؤالى بقى \ بعد القصص اللى بنسمعها عن المعقبين ونصبهم

إزاى أتأكد من الورقة الصفرا

وأطمن

وأرتاح ؟

إيه الحاجة اللى تأكدلى إن شاء الله إنى سليمة 100 %

وتخلينى أسلم المعقب باقى المبلغ بكل اطمئنان ورضا ؟

أرجوكم ردوا عليا يا أفاضل

علشان والله أنا موسوسة وخايفة أوى تعبنا يروح هدر

تم تعديل 25 سبتمبر 2013 بواسطة مدام حسام

[خالد شحاته]

الاخت الفاضله

اهم شي ان زوجك هو الا يدفع الالفين ريال من حسابه علي موقع الاستقدام ده اهم شي لما زوج حضرتك يتاكد ان الفلوس اتسحبت كدا اقولك مبروك الاستقدام تمام ومفيش فيه اي تزوير انما يقول لزوجك ادفع انا اعرفي ان الموضوع فيه لعب

[مدام حسام]

استاذ خالد شحاتة

فعلاً زوجى هو اللى دفع الـ 2000 ريال عن طريق ماكينة الصرف

وللأمانة المعقب مطلبش خالص إن هو اللى يدفعهم

لكن ياريت توضحلى إزاى جوزى يعرف إنهم اتسحبوا ؟

حضرتك تقصد إن رصيده فى الحساب يقل يعنى ؟؟

[خالد شحاته]

يدخل علي موقع وزارة الدخليه السعودية

الإستعلام العام عن رصيد مدفوعات الخدمات المتبقي

تم تعديل 25 سبتمبر 2013 بواسطة خالد شحاته

[مدام حسام]

شيّكت

لقيت كله أصفار يا أستاذ خالد

معنى كده ايه بقى ؟

[خالد شحاته]

التاشيره كدا تكون ظلعت او ارسلي رقم اقامة زوجك علي الخاص وانا اتاكد لكي من مكتب الاستقدام

[مدام حسام]

أرسلتلك الرقم على الخاص يا أستاذ خالد

وربنا يستر بقى

[حمودى]

أرسلتلك الرقم على الخاص يا أستاذ خالد

وربنا يستر بقى

ممكن ترسلى رقم المعقب لوسمحتى وإتكلفت كام الإستقدام

[مدام حسام]

بالنسبة للأخوة اللى كتبوا هنا وراسلونى على الخاص

والله أنا مش هتردد لحظة أرسلكم الرقم .. بس مستنية المعاملة تتم

وأطمن

علشان بس لو كان مقلب .. محدش يقع فيه بسببى

وياريت الأستاذ خالد شحاتة يكمل جميله معانا .. ويأكدلنا صدق المعقب من نصبه

وبالنسبة للأتعاب

هو طلب واتفق مع جوزى على 10 الاف

ده طبعاً بعد محايلات من صاحب جوزى لإنه هو اللى متوسطلنا عنده

[خالد شحاته]

انا ارسلت رقم الاقامه ومنتظر الرد

[مدام حسام]

يارب خير ان شاء الله يا أستاذ خالد