عاوز اشترى سيارة فى السعودية

[انسان مخنوق]

باختصار عبد اللطيف جميل منزل عرض على سيارات تويوتا كورولا

الفل اوبشن ب 57000

الستاندارد ب 51000

بفكر اشترى السيارة الستاندارد و بعد 3-5 سنين انزلها مصر

ايه رأيكم فى الفكرة دى ؟؟

انا كنت الاول مقتنع بالمستعمل .... اخد مستعمل سنتين تلاتة و ابيعها و اشترى غيرها ..... بس حاسس انها نفس الخسارة المادية يبقى الواحد يركب حاجة نضيفة و يضمن انها تقعد معاه كام سنة من غير ما حد يحط ايديه فيها

[AbuZeyad]

طيب ما تشتري الفل اوبشن طالما الفرق في حدود 6000 ريال فقط؟

انا شخصياً مش من مقتنع بفكرة شحن السيارة بعد استعمالها لمصر لانك بتكون واخد معاك سيارة مستهلكة

فيه فكرة مرة واحد قالهالي انك تستعمل السيارة في السعودية وبعدين تبيعها في مصر علشان تجيب لك فلوس احسن وبعدين تشتري سيارة جديدة من مصر

ايه رايك في الفكرة دي؟

[انسان مخنوق]

تسلم يابو زياد على الرد

الصراحة انا استخدامى فى السيارة ضعيف جدا

لانى ساكن فوق شغلى مباشرة

الفكرة ان عرض التويوتا عجبنى و خاصة ان الجديدة هاتنزل الشهر الجاى حوالى 75 - 80 الف ريال

يعنى فرق حوالى 20 الف ريال

و كده كده هاحتاج عربية فى مصر و الكورولا لها اسمها و وزنها بردوا

طبعا فيه فكرة تانية بتقول انى اشترى اى سيارة مستعملة حالتها كويسة و اقضى بيها رحلتى فى السعودية و خلاص و فى النهاية خسارتى فيها مش هاتبقى زى الخسارة فى السيارة الجديدة

الصراحة انا محتار ولازم اخد قرار دلوقتى لان العرض هاينتهى بعد اسبوعين باالظبط

[herohero]

عربية مصر اجيبها من مصر لان ده مرتبط بالوكيل اللي بيقدم الخدمة والصيانة وده مش ثابت يعني العربية الي صيانتها كويسة ف مصر ممكن يتغير الوكيل ومن ثم تبقى صيانتها سيئة

اما لو مضطر تشتري سيارة جديدة لظبيعة عملك انك هتستخدم العربية كثير ومش عاوز تدخل ف قرف التصليح بتاع المستعمل يبقى هات جديدة واستخدمها وانت نازل خدها معاك مصر
غير كده هتبقى العملية مش مستاهلة وموضوع اصل العربية هنا مواصفاتها احسن انا جربت ماحسيتش بفرق

[انسان مخنوق]

امامى سيارة مستعملة

ياريس 2008 حالتها نضيفة ب 20 الف ريال

و لكن احد اصدقائى اقترح عليا اشترى جديد و رجحلى كام نوع و ياريت لو حد يعرف اسعارهم حاليا فى السعودية ( جديد طبعا )

رينو لوجان

كيا ريو

سيات ابيزا

بيجو 206

و طبعا عاوز ارائكم ... و هل اخد جديد ولا اخد الياريس المستعملة دى

[سهران]

امامى سيارة مستعملة

ياريس 2008 حالتها نضيفة ب 20 الف ريال

و لكن احد اصدقائى اقترح عليا اشترى جديد و رجحلى كام نوع و ياريت لو حد يعرف اسعارهم حاليا فى السعودية ( جديد طبعا )

رينو لوجان

كيا ريو

سيات ابيزا

بيجو 206

و طبعا عاوز ارائكم ... و هل اخد جديد ولا اخد الياريس المستعملة دى

فكّر في ( كيا كارينز ) كان عليها عرض من كام شهر الـ (فول اوبشن) بـــ 68000 ... منتشرة في مصر جدا و أظن سهل تلاقيلها مشتري لو نزلتها مصر ... ضمان الوكيل هنا 60 الف كيلو ... و خمس سنوات ... و العربية أظن ممتازة خاصة لو مش هاتهلكها مشاوير زي ما حضرتك قولت ... بالتوفيق .

تم تعديل 18 سبتمبر 2013 بواسطة سهران

[Nileman]

امامى سيارة مستعملة

ياريس 2008 حالتها نضيفة ب 20 الف ريال

و لكن احد اصدقائى اقترح عليا اشترى جديد و رجحلى كام نوع و ياريت لو حد يعرف اسعارهم حاليا فى السعودية ( جديد طبعا )

رينو لوجان

كيا ريو

سيات ابيزا

بيجو 206

و طبعا عاوز ارائكم ... و هل اخد جديد ولا اخد الياريس المستعملة دى

البيجو 301 موديل 2014 لسه نازلة عند الحاج حسين علي رضا فل أوتماتيك ب 50 ألف كاش