اذهب الي المحتوي
Scorpion

أخبار متفرقة عن أهل الذمة

Recommended Posts

هذا بوست لمصرى اسمه فيليب جوزيف سليمان .. مسيحى مهاجر لكندا
لا أعرفه .. ولكنه صديق لأحد أصدقائى .. اسكندرانى خريج سان مارك
أنا دخلت صفحته وتعرفت من كتاباته على فكره
وهو على مسافة بعيدة من فكرى الشخصى
البوست فيه ما هو صادم وما هو واقعى ولكنه - على أية حال - يستحق القراءة
وصفحته Public وهذا هو
رابط البوست

أعتقد إنه كاتبه ردا على دعوة مجدى خليل لوقفة احتجاجية ضد السيسى متزامنه مع زيارته لأمريكا

اقتباس

حرية التعبير مكفولة للكل، لكن أرجوكم أي حد بيتعامل على أساس تمييز ديني يمتنع عن مناقشتي والدخول على صفحتي! لو فاكر نفسك حر بٌص وراك! شوف تاريخك! أول ما سيادتك جيت الدنيا إختاروا بالنيابة عنك، إسمك ودينك وحتى التفكير مش من حقك كحامل للقب قاصر! أجبروك تاكل وتربرب أو تجوع وتتشرد! دخلوك في الخلافات اللي بينهم وعيشوك مشاكلهم، أو واحد منهم ما كنش له وجود والتاني مشغول عنك بأكل العيش، وممكن كمان تكون طلعت مالقتش من يحنو عليك... أو عشت الدلع والمنجهة بشرط تسمع الكلام أو حتى ما تسمعهوش وطلعت أناني أو كريم أو.... أو....! الأخلاق بيئة ووراثة والإتنين مالكش فيهم يد أول ما تتولد لكن لما توصل لمرحلة الفهم أرجوك ما تفضلش عيل!!! الإختيارات قليلة فحت في حياتك! حط نفسك مكان اللي جاله ظروف تانية غيرك وقيس على كدة كل ردود أفعالك!
كل ده دار في دماغي وأنا بأسمع واحد بيقول أنا لازم أعمل وقفة إحتجاجية في كندا علشان هم فاكرين المسلمين مساكين!!! سؤال عمرك شفت واحد من الهنود الحمر عامل وقفة إحتجاجية في إسكندرية مثلاً بسبب إضطهاده في بلده!!؟ لأ طبعاً...! التاريخ والطبيعة علموه إن ده تضييع وقت!! ٢مليون و٣٤٥ الف و١٢٤ يهودي ماتوا قبل أمريكا ما تتخذ موقف من ألمانيا وتعلن الحرب بسبب بيرل هاربر اللي مات فيها 0.1% من العدد السابق لكن كانوا أمريكان ولهم حق الإنتخاب! إدارة دول المهجر الإستعمارية بالبلدي عبارة عن بلطجية بيدافعوا بس عن أولاد حارتهم اللي بيدفعوا الإتاوة!! حتى لو سعادتك إنضميت للحارة فإنت أقلية بيكرموك على قد فلوسك! وساعة أما بيتدخلوا بيكون في الغالب لأن أولاد الحارة فلسوا ولازم يطلعوا ينصبوا لهم نصباية أو يسرقوا سريقة من دول ضعيفة مفككة البلطجي اللي فيها ما يعرفش يتشطر غير على الغلابة! فيدخلوا من السكة دي للغلبان الأهبل ويقوموه على أخوه أو حتى على البلطجي اللي ماسكه لو مش ماشي على هواهم علشان يحققوا مكاسبهم الشخصية والسياسية!
عندك علم إن ال8 اللي ماتوا دول ما يجوش نصف متوسط العدد اللي بيموت أسبوعياً في سينا من ساعة ما العين إتحطت عليها كوطن قومي لإخواتنا الفلسطينيين بعد سرقة أرضهم!!؟ عندك علم إن اللي قتلهم عمل كدة مخصوص علشان رد فعلك الأهبل ده!!؟ والبلبلة اللي إنت عاملها بعد سكوتك على مقتل إخواتك من الطوائف الأخرى في نفس المكان ولنفس الهدف!!
يعني سعادتك بتطبق المخطط تبعه بحذافيره! بتقول إن التعاليم الإسلامية وكتب التراث هي السبب!! ما فكرتش إن كتب التراث دي هي نفسها اللي علمت أخوك الصلاة والصوم وإكرامك كصاحب ديانة أخرى أو حتى تركك حر إن لم يكن لك معتقد! اللي عايز يطلع حاجة حلوة بيطلعها واللي عايز يدفن دماغه في رمل الجهل وتحليل القتل والنهب والتعدي برضه بيلاقي اللي يخدمه في كل النصوص الدينية! ولو زعلان من التعاليم علشان الناس بتتعامل معاها بحرفية أحب أقول لك مفيش كلمة في التعاليم الدينية دي لم ترد بالفعل في التوراة... العهد القديم... حتى الأمثلة والقصص اللي بتشوفها غير منطقية هتلاقي حاجات شبهها في كتبك! يعني ما جابتش جديد غير في شخصياتها!!! التركيز من الطرفين فقط على الجانب العنيف والميتافيزيقي عند الأخر هو اللي جعلها خطر على الكل!
سعادتك زعلان من البابا علشان ما بيتدخلش! هو مش سيادتك كنت زعلان من فكرة الدولة الدينية، عايز تدخل رجل دين في شهداء وطن لييييه!!ّ؟
وبعدين تعالى هنا قول لي، هو مش برضه تتميز عقيدة سعادتك عن كل العقائد إنها حذرتك من الأول إنك هتتعذب وممكن تموت وأكيد مش هتلاقي حتة تسند حتى فيها رأسك بسبب إعتناقك لأفكارها اللي بيعتبرها البعض سلبية!!! زعلان ليه بقى و بتحاول تقنعني إنك بدفاعك عن أبناء طائفتك تبقى أكثر تديناً مني وإن أنا الكافر، المحابي، المنافق إلخ إلخ من قاموس إن إنت بس المؤمن والمختلف معاك ومع فكر قطيع الغيبيات يستاهل!!
أحب أقول لك: وقفة ما باقفش!! لأني واقف بالفعل، أنا نفسي أمشي، نفسي أجري، نفسي أطير وأبص على الصورة الكبيرة وأخدك معايا تتفرج!! الوحدة اللي اتكلم عليها البابا إنضربت في مقتل مش بسبب الإرهابيين الأنجاس اللي قتلوا! لأن دي طبيعتهم وده مخططهم والتصدي له مر لكن ضروري! لكن المقتل الحقيقي في رد فعل جنابك! شهداء مصر ما ماتوش علشان دين ولا تعصب دول ماتوا علشان رفضوا يسيبوا تراب بلدهم لتجار الوطن وكونهم قرايبك أو من نفس دينك دي حكمة علشان تتعلم من الألم اللي أصابك وتحط نفسك مكان إخواتك من الطوائف التانية وتدافع عن مصابهم لأنك جربت الوجع! ما تبقاش فريسي خليك إنسان، إعرف واجبك! قاوم المفروض عليك، عيش حريتك! إنت مش قاصر ولا معاق دينياً علشان الناس تبص على فقيدك على إنه من طينة تانية غير اللي ماتوا! دافع عن الكل وحب الكل! خليك شمولي في إحساسك وديمقراطي في سياستك وإبعد عنها النزعة التعصبية! البقاء لله وبقية رسالة الشهداء واجب علينا كأحياء وأبناء وطن واحد نكمل مسيرتهم ونفشل خطط قاتليهم!

 

شارك هذه المشاركه


رابط المشاركه
شارك
في 25/2/2017 at 20:34, أبو محمد said:

58b1dc02a7fc7_mastersvoice.jpg.fc07a35a0bf7586b054424dbaf889274.jpg
58b1dc2fad2e8_.thumb.jpg.94794eafce5a1bad217bb4b3fb7d9fc9.jpg

رفضت الأسر القبطية من أبناء مدينة العريش بمدينة المستقبل بالإسماعيلية، استقبال جورج إسحاق عضو مجلس حقوق الإنسان، الذى توجه لزيارتهم ضمن وفد ضم 5 من أعضاء المجلس، مرددين هتافات مناوئة ضده وطردوه.

اقتباس

المسيحيين واخدين بالهم يا ابو محمد لما ذكرته .. لم و لن يكونوا ابدآ الحلقة الضعيفة في سلسلة حب الوطن بالرغم من الثمن الأكبر و الأقسي الذي يدفعونه دائمآ ... لذا اجد انه من العدل قليلآ ان يتم طمأنتهم بأفعال و اجراءات حقيقية و ليس بمجرد اقوال و زيارات رمزية إن تلك التضحيات لم و لن تذهب هباء

.

 

شارك هذه المشاركه


رابط المشاركه
شارك
منذ ساعة, Scorpion said:

رفضت الأسر القبطية من أبناء مدينة العريش بمدينة المستقبل بالإسماعيلية، استقبال جورج إسحاق عضو مجلس حقوق الإنسان، الذى توجه لزيارتهم ضمن وفد ضم 5 من أعضاء المجلس، مرددين هتافات مناوئة ضده وطردوه

المواقف الواعية والوطنية في ظل المحنة الشديدة تفرض احترامها وتعاطفها 

إننا نعيش في أزهي العصور الوطنية والتضحية رغم المصاب لشركاء الوطن 

أنا والله ما رأيت مثل مصاب وثبات السيدة : نبيلة فوزي حنا التي قتل ولدها وزوجها وحرقا أمامها وشاهدتها في أكثر من لقاء تليفزيوني 

يالمصابها ويالصبرها 

مهما قلنا مش هنقدر نعوضها شيء ولا نوفيها أجرها

 

ربنا يعوضها خير في الدنيا والآخرة 

ويتقبل ابنها وزوجها كشهيدين في الجنة 

شارك هذه المشاركه


رابط المشاركه
شارك

أهل الذمة هو مصطلح فقهي إسلامي يقصد به كلا من النصارى واليهود أهل الكتاب وأصحاب الديانات الأخرى الذين يعيشون تحت الحكم الإسلامي ، هذا هو تعريف مصطلح أهل الذمة كما ترى حضرتك هو إصطلاح ذو خلفية دينية و في نظري أن إستخدام هذا المصطلح هو أقرب إلى المجاملة لأننا نعيش في دولة مدنية على الأقل منذ مائتي سنة.

المسيحيين في مصر  مواطنين  بالثلث أكرر مواطنين و حقوقهم وواجباتهم ينظمها الدستور و القانون  ...... 

أنتم يا سيدي مواطنون  مواطنون بالفم المليان و الذي يقول غير ذلك  يشرب من البحر  و إذا ظهر تحت أي ظرف قصور في القانون في حقوق أي فصيل من المواطنين  فدستوريا  يسقط هذا القانون.

لستم مطالبون تأدبا  بإستخدام  صفة أو إسم أهل الذمة  أنتم من أصحاب هذا الوطن   .. كما نحن جميعا أصحاب لهذا الوطن بلا تمييز.

المسلمين في مصر ليسوا أصحاب الدولة و لكنهم مواطنين مثل كل المصريين بلا تمييز   

تتساقط دموعي عندما  أتذكر  مقولة  يحرقوا الكنايس حنصلي في الجوامع       ....... بوركت يا شعب مصر   بوركت يا شعب مصر  بوركت يا شعب مصر

شارك هذه المشاركه


رابط المشاركه
شارك
6 ساعات مضت, Advisor said:

أهل الذمة هو مصطلح فقهي إسلامي يقصد به كلا من النصارى واليهود أهل الكتاب وأصحاب الديانات الأخرى الذين يعيشون تحت الحكم الإسلامي ، هذا هو تعريف مصطلح أهل الذمة كما ترى حضرتك هو إصطلاح ذو خلفية دينية و في نظري أن إستخدام هذا المصطلح هو أقرب إلى المجاملة لأننا نعيش في دولة مدنية على الأقل منذ مائتي سنة.

المسيحيين في مصر  مواطنين  بالثلث أكرر مواطنين و حقوقهم وواجباتهم ينظمها الدستور و القانون  ...... 

أنتم يا سيدي مواطنون  مواطنون بالفم المليان و الذي يقول غير ذلك  يشرب من البحر  و إذا ظهر تحت أي ظرف قصور في القانون في حقوق أي فصيل من المواطنين  فدستوريا  يسقط هذا القانون.

لستم مطالبون تأدبا  بإستخدام  صفة أو إسم أهل الذمة  أنتم من أصحاب هذا الوطن   .. كما نحن جميعا أصحاب لهذا الوطن بلا تمييز.

المسلمين في مصر ليسوا أصحاب الدولة و لكنهم مواطنين مثل كل المصريين بلا تمييز   

تتساقط دموعي عندما  أتذكر  مقولة  يحرقوا الكنايس حنصلي في الجوامع       ....... بوركت يا شعب مصر   بوركت يا شعب مصر  بوركت يا شعب مصر

هذه التسمية خطأ شائع لأنها بنيت على حديث لا يصح عقلا  وقد بينت في موضوع مستقل ..... هم والمسلمون أهل كتاب هم والمسلمون مصريون ...

لعن الله من ظلم مصري أو استحله أو تعدى عليه بسبب دينه أو بسبب عمالة وتنفيذ لمخططات خارجية 

اقترح تغيير اكلمة أهل الذمة لأننا مش إحنا اللي هنسمي هم لهم اسمهم ووصفهم 

شارك هذه المشاركه


رابط المشاركه
شارك
في 2/27/2017 at 15:45, Scorpion said:

المسيحيين واخدين بالهم يا ابو محمد لما ذكرته .. لم و لن يكونوا ابدآ الحلقة الضعيفة في سلسلة حب الوطن بالرغم من الثمن الأكبر و الأقسي الذي يدفعونه دائمآ ... لذا اجد انه من العدل قليلآ ان يتم طمأنتهم بأفعال و اجراءات حقيقية و ليس بمجرد اقوال و زيارات رمزية إن تلك التضحيات لم و لن تذهب هباء .

أنا متأكد من هذا برغم المحاولات المستميتة من الإرهابيين وخُدَّامهم فى الداخل والخارج
أعرف هذا من  كلامى مع من أعرفهم يا سكوب .. وأنت منهم يا عزيزى
ولكن كل مجتمع فيه وفيه زى ما انت عارف
وخبر رفض مقابلة جورج اسحق .. برَّد نارى
وكان بمثابة القفا اللى طرقع للإرهاب وخدامين الإرهاب

نفسى نطلع بره الصورة شوية عشان نعرف نشوفها كويس
من سموا أنفسهم "أنصار بيت المقدس" .. كانت وجهتهم مصر وقفاهم لبيت المقدس
هؤلاء الإرهابيون الذين ظهروا فى سيناء أعلنوا الحرب فى نفس يوم عزل الجاسوس الخائن
وشكلوا مجلس حرب .. لمحاربة جيش الانقلاب المصرى الخائن
وطالبوا الجيش والشرطة بالرحيل عن شمال سيناء
وبدأوا فعلا أعمالهم الإرهابية التى كانت قد توقفت لمدة عام حكموا فيه مصر
وأعلن احد قادتهم من ميدان رابعة أن هذا الذى يحدث فى سيناء
يتوقف فى اللحظة التى يعود فيها ممثلهم الجاسوس إلى راس السلطة مرة أخرى

ثم .. غيروا اسمهم من "أنصار بيت المقدس" إلى "ولاية سيناء"
وذلك بعد مبايعتهم لأمير المؤمنين .. الخليفة البغدادى
وهذه المبايعة وهذا التغيير فى الاسم ليسا اعتباطا
ولكن لأسباب يوضحها هذا الفيديو


فهل نمكنهم ؟
كل الشواهد ابتداء من حادث البطرسية إلى ذبح المسيحى فى شارع خالد بن الوليد بالاسكندرية
وقبلها الدعوة والتحضير إلى "ثورة الجياع" فى 11/11
كل ذلك تحطم على صخرة الوحدة الوطنية التى تجلت يوم 6 يناير فى زيارة السيسى للكاتدرائية
وكل ما نتوحد أكتر .. كل ما قفاهم يحمر أكتر

شارك هذه المشاركه


رابط المشاركه
شارك

كلمة قوية .. دقيقة .. مؤثرة

اقتباس

نص كلمة البابا تواضروس الثاني فى استقبال المستشارة الألمانية
"سيادة المستشارة الألمانية أنجيلا ميركل والسادة أعضاء الوفد الألمانى وكل الحضور الكرام، نرحب بكم على أرض مصر التى تباركت بزيارة العائلة المقدسة فى بداية القرن الأول الميلادى، وكان السيد المسيح أول لاجئ فى التاريخ".
وأضاف: "لقد عاشت العائلة المقدسة فى بلادنا أكثر من 3 سنوات وفى مواضع كثيرة شرقًا وغربًا شمالًا وجنوبًا، فصارت مصر بلاد مقدسة".
وزاد: "نرحب بكم فى الكنيسة القبطية الأرثوذكسية التى تأسست فى منتصف القرن الأول الميلادى على يد القديس مارمرقس الإنجيلى فى مدينة الإسكندرية على ساحل البحر الأبيض المتوسط، ومن مصر نشأت مدارس التعليم اللاهوتي المسيحى، ومن مصر ظهرت الرهبنة وكان الراهب الأول مصريًّا وهو القديس الأنبا أنطونيوس الكبير، وفى مصر كانت عصور الاستشهاد المتتالية، كما نقرأ عنها في التاريخ، لقد عاشت الكنيسة المصرية امتدادًا للحضارة الفرعونية قبل المسيح وامتدت إلى سبعة قرون؛ حيث دخل الإسلام مصر فى القرن السابع الميلادى لتعيش الحضارات الفرعونية والمسيحية والإسلامية فى تمازج مدهش"...
وأكد: "أننا نعيش مسيحيين ومسلمين فى مودة ومحبة وعلاقات اجتماعية مشتركة، ولنا تاريخ مشترك من التفاهم والتعاون من الفرح والألم، من السعادة والضيق، نعيش حول نهر النيل الذى هو أبو المصريين ونعيش على الأرض حوله، والأرض هى أمنا ومن نهر النيل نشرب المياه ونتعلم الطبيعة الهادئة واللطيفة والمسالمة".
وأكد: "ولكن تحدث بين الوقت والآخر بعض المشكلات بسبب الفقر أو الجهل أو التعصب أو الازدحام، وتحاول الكنيسة مع الدولة أن تحل هذه المشكلات فى إطار الأسرة المصرية الواحدة".
وأشار بطريرك الكرازة المرقسية إلى أنه "ومع ثورة 30 يونيو 2013 التى قام بها الشعب المصرى مسلمين ومسيحيين، وحماها الجيش المصرى، ومع وجود دستور جديد، وانتخاب الرئيس عبدالفتاح السيسي، وتأسيس البرلمان الجديد، وانطلاق مصر نحو المستقبل بخطوات ثابتة ومشروعات عملاقة، ظهرت ملامح جيدة على تحسن الوضع المسيحى المصرى مثل: إقرار أول قانون لبناء الكنائس فى مصر، وانتخاب 39 عضوًا مسيحيًّا بالبرلمان مقارنة بعضو واحد سابقًا... ومثل زيارات السيد الرئيس فى الكاتدرائية ليلة الكريسماس حسب التقويم الشرقى... ومثل اهتمام الدولة بتعمير وإصلاح الكنائس التى أحرقت ودمرت فى أحداث أغسطس 2013م.
وما زال فى الطريق خطوات أخرى تعبر عن المواطنة الكاملة وعدم التمييز والمساواة.
إننا جميعًا كمصريين مسلمين ومسيحيين نعمل على بناء مصر الحديثة.. ومصر المستقبل..
حقًا إننا نعانى جميعًا من هجمات الإرهاب والعنف والتي تعرقل مسيرتنا، ولكنها لا توقف تقدمنا.. وإصرارنا على أن نحيا بمصر فى أفضل صورة..
نحن واثقون فى الله الذى يبارك بلادنا.. واثقون فى قدرة القيادات السياسية والاجتماعية والتشريعية فى بلادنا.. واثقون فى علاقات المحبة التى تجمعنا كمصريين، واثقون أن مساندة بلادكم العظيمة ألمانيا فى كافة المجالات الاقتصادية والثقافية والتعليمية والاجتماعية والفنية سوف تساعد على مزيد من الاستقرار فى منطقة الشرق الأوسط وحوض البحر الأبيض المتوسط.
إن لألمانيا تاريخ طويل فى التعاون مع مصر تقديرًا لأهمية دورها فى التاريخ الإنسانى، وعلى سبيل المثال التعاون فى المجال التعليمى والثقافى، نذكر بفرح أول مدرسة ألمانية فى مصر 1873م.. وكذلك معهد جوته بالقاهرة والإسكندرية، والجامعة الألمانية، والمعهد الألمانى للآثار 1907م.. والبعثات التعليمية وغيرها.
وقد ساهم هذا التعاون التعليمى والثقافى فى بناء المجتمع المصرى بصورة عصرية ونحن نتطلع إلى المزيد.
وننتهز زيارتكم الطيبة لنشكركم على احتضان الكنائس المصرية فى بلادكم بكل ترحاب ومودة.. ونشكركم على إيفاد السيد فولكر كاودر للتعزية فى شهدائنا.. كما أن استقبالكم للآلاف من اللاجئين القادمين من الشرق الأوسط هو عمل إنسانى بالمقام الأول خاصة بعد الدمار الذى شهدته بعض الدول بسبب بعض السياسات الغربية الخاطئة فى فهم العقلية العربية وطبيعة المنطقة وتقاليدها...
زيارتكم وتعاونكم واهتمامكم يحيى أمالًا عريقة فى مستقبل مشرق وعالم تسوده القيم الإنسانية الرفيعة..
مرحبًا بكم وشكرًا لزيارتكم الكريمة ونرجو لكم إقامة طيبة فى مصر وأهلا بكم... شكرًا جزيلا.

 

شارك هذه المشاركه


رابط المشاركه
شارك

 

قل غياب الحق والعدل والقانون والاخلاق والإنسانية ....  ولا تقل فتنة طائفية في المنيا.
‏لقد أمسى تعبير عفن يثير غثيان كل من لديه بقايا ضمير أو منطق

 

L'immagine può contenere: 2 persone, persone che sorridono

شارك هذه المشاركه


رابط المشاركه
شارك

الفاضل سكوربيون  أرجو ألا يكون تطرق فكرك بأي درجة إلى هذه السلوكيات يرضاها عموم المصريين و كلي ثقة أن تفهم ما أعنيه بتعبير عموم المصريين ، لقد أبتلينا سيدي الفاضل بوباء الإسلام السياسي و هو تعبير أجوف لا يعني شيئا سوى الدماء و الدماء و رفض نمط حياة عموم المصريين ..... و سالت الدماء في كل مكان

أذكر أني كنت أتصفح موقع تويتر إبان الهجوم و قتل و سحل مجموعة مسلمين شيعة في الجيزة ، و كان هناك من يصف ما يجري  كما لوكان مذيع تليفزيون بصف مباراة رديئة و ما كان يحدث كان بشعا ، و هؤلاء كانوا مسلمين ... إلتقيت بكثير من الشيعة سواء في مصر أو خارج مصر و لم أرى منهم ما يشوب علاقاتنا للإنسانية

قرأت من أيام ما يفيد - رسميا - رفض أسلوب المجالس العرفية و أن ما حدث في قرية دمشاو سيتم التعامل معه بالقانون.

لا أعرف سببا للتردد في إستخدام القانون بصرامة .... هل عند المسئولين تبرير لذلك ؟

شارك هذه المشاركه


رابط المشاركه
شارك
في ١١‏/٩‏/٢٠١٨ at 16:59, عادل أبوزيد said:

لا أعرف سببا للتردد في إستخدام القانون بصرامة .... هل عند المسئولين تبرير لذلك ؟

أستاذي الغالي عادل .. لقد ذكرت انه غياب للحق والعدل والقانون والاخلاق والإنسانية ...أوافقك تمامآ علي ان  استخدام القانون بسرعة و صرامة مطلوب بقوة .. نعم مطلوب.. و لكن الصعيد ليس في حاجة لمزيد من السيطرة الأمنية  أكثر من احتياجه  للتخلص ممن ينشرون سيطرتهم الدينية على أهله دون رادع أو رقيب ... الصعيد في حاجة  من ينشر الدين الإسلامى الحقيقي بين الشباب المتحمس ... الصعيد في حاجة الي  أن تذهب الدولة إليه سريعاً قبل أن يذهب هو  بالدولة نفسها ...

شارك هذه المشاركه


رابط المشاركه
شارك

توتة توتة خلصت الحدوتة ... قصدي خلصت حلقة  أخري من المسلسل اللا نهائي ..
تم إخلاء سبيل ال٢١ متهما الذين اعتدوا علي اقباط قرية دمشاو هاشم بالمنيا علي البيوت والناس والكنيسة .
وايه كمان !
الخمسة اللي اتقبض عليهم في الهجوم علي كنيسة انبا كاراس عزبة سلطان باشا بالمنيا تم إخلاء سبيلهم بكفالة ...
مش عارف ليه مش مندهش ..

نهاية طبيعية مش كده  ؟؟ 

رحمة الله علي دولة القانون و العدالة الناجزة في جانب واحد ..

شارك هذه المشاركه


رابط المشاركه
شارك
42 دقائق مضت, Scorpion said:

رحمة الله علي دولة القانون و العدالة الناجزة في جانب واحد ..

ترسخت أمور ما تمس العدالة  تمس العدالة و ليس العدالة الناجزة   عندما يصبح هناك مقهى باقرب من المحكمة في الإسكندرية إسمه "إستراحة  شهود الزور"  و هذا الإسم على لافتة المقهى   و عندما  تباع وثائق على بياض تفيد مرض شخص ما في تاريخ معين تتيح له الغياب عن جلسة محكمة و هذه الوثيقة ثمنها 20 جنيه و تم عرضها في أحد برامج التليفزيون....... و عندما يستقر الأمر على أن التجمهر يؤدي إلى أن الجريمة حدثت على الشيوع  يعنى إختلط الحابل بالنابل ........  يا ضيعة بلد تضيع فيها الحقوق ... بالقانون !

شارك هذه المشاركه


رابط المشاركه
شارك

عمر ما يكون عندنا حلول حقيقية لهذه المشكلة المزمنة لأسباب

-        يمكن بسبب إننا مش مقتنعين إن فيه مشكلة أصلا وإن بعض المعتدين معاهم حق وفقا للموروثات الخاطئة

-        أو يمكن بسبب إننا خايفين نعاقب المخطئ فنزيد البله طين وتكون العواقب وخيمة ومقدمة لتعصب كبير وانفلات أخطر

كنت قد تحدثت في موضوع عن أهل الكتاب ( السماوي ) بحقائق إيجابية كانت غريبة على مسامع الناس ولكنها أثرت فيهم ونالت استحسانهم

وفي ندوة لاحقة نصحني البعض بألا أتحدث في هذا الموضوع وإن أقول كلام عايم وخوفني من ردود الفعل

ليه نقول كلام عايم

- إما لأننا مش مقتنعين

-        وإما إننا خايفين نجاهر بالصح

وعمرنا ما هنحل مشكلة واقعة إلا عندما تحل المشكلة الفكرية 

نحن نقع في تناقضات كبرى منها

الاعتقاد الخاطيء بأن  الآخر كافر وإن عندنا من الموروثات الكثيرة المتناقضة والغير منضبطة في التعامل السلبي معاه وفي نفس الوقت بنقول إننا يجب أن نتعامل بالحسنى والقسط

أنا مع إنفاذ القانون مع المحرض الجاهل قبل هؤلاء الغوغائيين المنفلتين

طيب ما الحل مع اللي مش فاهم واللي فاهم غلط

الحق عايز قوة بالتأكيد كفاية خوف

شارك هذه المشاركه


رابط المشاركه
شارك

يجب ان يتم الموافقه علي هذا المحتوي قبل نشره.

زوار
انت تقوم بالتعليق كزائر. اذا كنت تمتلك حساب فقم بتسجيل الدخول تسجيل دخول.
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×