اذهب إلى المحتوى
محاورات المصريين

أخبار متفرقة عن أهل الذمة


Scorpion

Recommended Posts

بعد ان تم فضح بابا النصاري اثناء القيام بفعلته الشنعاء و الموثقة بالصور التي تثبت بلا ادني شك انه ادلي بصوته .. قام شباب حركة "مصر بلا نستو" بتتبعه اثناء هروبه و تم اكتشافه مرة أخري اثناء دخوله خلسة الي .... كنيسة !!!

و سنوافيكم بالصور لاحقآ ....

كل اللي حيلتي زمزمية أمل... و إزاي تكفيني لباب القبر


"صلاح جاهين"


رابط هذا التعليق
شارك

  • الردود 95
  • البداية
  • اخر رد

أكثر المشاركين في هذا الموضوع

أكثر المشاركين في هذا الموضوع

الصور المنشورة

مشاركات اللأخ الكريم "الفنان" والتي أضافها (بذكاء) في هذا الموضوع ، الغرض منها -حسبما أتصوّر- بيان الصورة الحقيقة للتعايش السلمي والوحدة الوطنيّة بين المسلمين والأقباط بما فيها ممارستهم لكافة حقوقهم السياسية ، وتسليط الضوء أيضاً على تجاوزات فوق العادة من بعض الرهبان في حق أملاك الدولة، مما ينفي به مزاعم الاضطهاد والانتقاص ، وأوهام الفتنة الطائفية التي يسعى البعض إلى إشعالها كفزّاعة من المشروع الاسلامي .

بارك الله فيك و جزاك الله كل خير

لم يجانبك الصواب فيما قلت و اضيف عليه انهم ايضا يوجهون من الكنائس بالحشد لقول لا حتى لا تقوم دولة اسلامية بالصوت و الصورة ....علشان بس لا يقولوا ان الكنيسة لا تلعب دور سياسي

http://www.youtube.com/watch?v=9_cC-DtqWFA

http://www.youtube.com/watch?v=QuKTcpZ8_CM

<p class='bbc_center'><img src='http://sphotos-b.ak.fbcdn.net/hphotos-ak-prn1/46400_454926914564608_821956776_n.png' alt='صورة' class='bbc_img' /></p><br /><span style='color: #0000FF'><strong class='bbc'><span style='font-size: 36px;'><p class='bbc_center'><span style='color: #008000'><span style='color: #2E8B57'>نـعـم للدسـتـور</span></span></p></span></strong></span>

رابط هذا التعليق
شارك

اضحك الله سن ال ... أذكياء ..

و كأن الأقباط في حاجة لتوجيهات من الكنيسة ليصوتوا ب لا

طيب ...

كل اللي حيلتي زمزمية أمل... و إزاي تكفيني لباب القبر


"صلاح جاهين"


رابط هذا التعليق
شارك

  • بعد 1 شهر...

السلام عليكم ورحمة الله وبركاته

الاخوة الافاضل

احد اخبار اهل الذمة مبروك رجوع الحق الى اصحابه

الدعوة السلفية: نجحنا فى إعادة أرض مغتصبة لأسرة مسيحية بالإسكندرية

الأربعاء، 13 فبراير 2013 - 15:52

s2201313155042.jpg

الشيخ شريف الهوارى عضو مجلس إدارة الدعوة السلفية

كتب رامى نوار وكامل كامل

أعلنت الدعوة السلفية، تمكنها من إعادة قطعة أرض مغتصبة، بعد الثورة، من إحدى الأسر المسيحية بالهانوفيل بالإسكندرية إلى أصحابها، بعد اتصال الدكتور إيهاب رمزى والدكتورة سوزى ناشد بالشيخ شريف الهوارى عضو مجلس إدارة الدعوة السلفية للتدخل لإنهاء المشكلة وإعادة حق المسيحيين المغتصب منذ عامين، بعد فشلهم فى استردادها عن طريق القضاء والحاكم العسكرى.

وأوضح الشيخ شريف الهوارى، فى تصريحات صحفية له مساء اليوم الأربعاء، أنه بعد اتصال الدكتور إيهاب رمزى والدكتورة سوزى ناشد لمطالبته بالتدخل لحل المشكلة حضر إليه أصحاب الأرض المغتصبة والمقيمين فى أسيوط وشرحوا له الأمر، فذهب إلى المنطقة للجلوس مع الأطراف المتعدية على الأرض، وقام بإقناعهم بضرورة رد الحق إلى أصحابه وبيان أن هؤلاء تظلموا من الاعتداء على حقهم.

وأضاف: بتوفيق من الله تم رد الحق إلى أصحابه الذين قرروا بيع الأرض بحريتهم بسعرها الحالى دون أن يأخذ منهم أحد أى رسوم أو عمولة، وقدموا الشكر إلى أبناء الدعوة السلفية على هذا الموقف الذى يدل على أن الأقباط يأخذون حقوقهم كاملة.

وقال الشيخ شريف الهوارى: إننا كمسلمين أوجب علينا الشرع نصرة المظلوم أيا كانت عقيدته وهذا دين نتدين به لله تبارك وتعالى، مشيرا إلى أن هذه ليست المرة الأولى التى يتدخل فيها السلفيون لحل مشاكل الأقباط، كما أن أقباط أهل المنطقة وغيرها من المناطق يشهدون بدور الدعوة السلفية فى رد الحقوق والمظالم لأهلها أيا كانت عقيدتهم.

ومن جانبه قال الدكتور إيهاب رمزى إنهم لجأوا إلى الدعوة السلفية لحل المشكلة لأن الشيخ شريف الهوارى يتمتع بمهابة لدى العرب بالمنطقة، مشيرا إلى أن الشيخ شريف قام بعقد جلسة عرفية وألزم من استولوا على الأرض بردها.

اليوم السابع

تحياتى

بدأ الاسلام غريبا وسيعود غريبا كما بدأ فطوبى للغرباء

" اللهم انى اشكو اليك ضعف قوتى و قلة حيلتى و هوانى على الناس انت رب المستضعفين و انت ربى الى من تكلنى؟ الى بعيد يتجهمنى ؟ ام الى عدو ملكته امرى؟! ان لم يكن بك على غضب فلا ابالى اعوذ بنور وجهك الذى اضاءت له الظلمات و صلح عليه امر الدنيا و الاخرة من ان تنزل بى غضبك او يحل على سخطك لك العتبى حتى ترضى و لا حول ولا قوة الا بك"

قادم قادم يا إسلام حاكم حاكم يا قرآن

رابط هذا التعليق
شارك

  • بعد 9 شهور...

وفي موضوعك هذا وددت أن تستبدل عبارة أهل الذمة بتعبير الأقباط المصريين فأنا أراكم مواطنين لا ذميين

سأبدأ هنا من حيث انتهى الأستاذ الفاضل : عادل أبو زيد ...

وأؤيده تماما ...

حيث تبين خطأ وصف أهل الكتاب بأهل الذمة ....

ولست أدري لم عنون الأستاذ : سكربيون موضوعه هكذا ؟ ...

وهل يسمون أنفسهم بذلك آو أنهم سلموا بذلك لمن سماهم بها مجبرين ؟

هل يمكن أن أكتب كلاما مثاليا 

أو أن اصل لمثالية كلامي 

ولا يوجد كلام مثالي 

ولا مثالية لمتكلم

 

رابط هذا التعليق
شارك

الحقيقه ان الاغلبيه المسلمه على مدى الزمن بهدلت أم الأقليات و منها المسيحيه بالطبع.....و من اول الفتح الاسلامي

و ده ممكن تفهموه جليا من قصة ابن عمرو بن العاص مع الولد القبطي و ما قام به عليه من تعدي و تعالي ووو

طبعا عمر بن الخطاب رد له اعتباره

لكن بالتأكيد عمر مش فاضي يرد اعتبار الجميع

و ده يدل على نفسية صاحب الأكثريه تجاه الأقليه

و طبعا ده لا يمكن البوح به جهارا...بل يجب نفيه نفيا تاما و اظهار عكسه على طول الخط

بل و التركيز على تصرف عمر بن الخطاب العادل و غض البصر عن الخطأ نفسه و امكانية تكراره بصور كثيره و في ظروف مختلفه

زي بالضبط ماكان زكي بدر وزير الداخليه القاسي السابق بيوصف حسن معاملته و معاملة الداخلية للمعتقلين :)

بس للحق و للأمانه ...معظم الأكثريات بتعامل الأقليات كده في الدول المتخلفه

تحياتي

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك

  • بعد 1 سنة...

المفروض اننا بقينا في عصر جديد .. المفروض ان اسلوب معالجة امور مماثلة يتغير تمامآ .. المفروض انه يبقي فيه فرق يدل اانا بقينا نعيش في دولة قانون ..

استنيت كتير قبل ما ارجع للموضوع ده و اتكلم عن حوادث مستمرة تمس اقباط مصر .. استنيت لأسباب كتيرة اولها اننا في فترة انتقالية مليانة اوليات .. بدايتها كانت مشجعة .. رمزية التصرفات كانت تشي بأن مصر حترجع أخيرآ زي ما كانت زمان .. لكن ريما رجعت لعادتها القديمة و انيل .. حادثة هنا علي حادثة هناك لحد ما وصلنا للي بيحدث في قرية الجلاء مركز سمالوط .. سمعتوا او قريتوا حاجة عن اللي بيحصل .. لو لأ .. احكيلكم انا ؟

اقباط عايزين يهدموا الكنيسة الآيلة للسقوط ويبنوا واحدة تانية مكانها .. عملوا كل الإجراءات القانونية لبناء دور عبادتهم وعلى مساحة 400 متر .. تمليك الأرض تصاريح البناء موافقة الداخلية والمحافظة والمرافق ولو كان مطلوب موافقة وزارة الزراعة والتموين وأمن السواحل كانوا عملوها.... المهم قانونيا وإداريا وإجرائيا كله تمام ...

ولكن تعمل ايه في الحقد والبغض والعصبية والتعصب والعزة المريضة والذات الأمارة بالسوء لبؤر التطرف والإرهاب ما قدرتش تكظم غيظها فراحت تبخ نار وتعترض على أي قرار أو قانون ما يحترمش مشاعرهم الدينية المريضة باعتبارهم الجهة السيادية الأولى اللي لازم مراعاة خاطرها ...

جم ابناء ابو جهل دول و بكل بلطجة قالوا للهيئة المختصة بالتشريع : لا ... وللدولة : طز ... وللمحافظ : اجري يا شاطر ... وللداخلية : الدواخل لنا وإلينا يرجع الأمر .. واسألوا أهل الذكر ولو ما كنتوش تعرفوا يا كفرة ...

هوبا و حصلت مناوشات وتهديدات ومظاهرات ضد الدولة .. ولكن الدولة غايبة والأقباط هما اللي حاضرين ..

أضرب يا جدع .. ومولد مولد .. طوبه للعيل ... ملوتوف للمتنيل .. ظلطه في زجاج يتكسر .. نار في محل .. زبالة في أحواش النصارى الكفار .. .. كله جهاد في سبيل الله ونصرة للدين فالعزة لنا وهم الصاغرين ... فما دام النداء للجهاد .. يبقي ييجي من كل بلد مجاورة أحدب العقل و المصاب بداء الجهل .. و انا و ابن عمي عالغريب .. و تنتهي الجولة الأولى بجلسة عرفية خبيثة تطالب بالشروط دي :

1- يتم بناء الكنيسة على مساحة 400 متر وبدون منارة أو صليب أو أجراس أو أي مظاهر تدل على أنها كنيسة ... (حتى لا تشكل جرح لمشاعر المؤمن المسلم فيتأذى المسكين ..أو للحفاظ على الطابع الإسلامي لدولة الإسلام .. باقية باقية باقية ..)

2- يكون ارتفاع الكنيسة من دور واحد فقط .. (ليستشعروا الذلة والدونية و"الوطيان" لعلهم يحتمون بعزة الإسلام)

3- يكون مدخل الكنيسة من حارة جانبية ... ويمنع منعا باتا فتح باب على الشارع الرئيسي .. (لا باب في شارع رئيسي منذ أيام العثمنلي باشا لماخور وبائع خمور وكنيسة )

4- تشكل لجنة من المسلمين (صحيحي الإسلام طبعا) تكون حاضرة وقت حفر الأساسات للتأكد أنها لا تتحمل أكثر من دور واحد فقط (الله واحد .. ألا تكبرون ؟!!)

5- إذا هدمت الكنيسة أو حرقت (وهذا وارد – عيل لا يمثل الإسلام الصحيح من خارج القرية يبني له قصرا في الجنة بزجاجة ملوتوف جهنمية .. وقضاء وقدر... وهي حوادث فرديه ) ففي مثل هذه الأحوال يمنع منع باتا أعادة البناء ولا حتى تجديدها (حسب الوثيقة العمرية ومعاملة بناء الكنائس القائمة بالفعل وقت دخول الإسلام صلحا في بلدة)

6- يتم تسجيل الشروط السابقة في الشهر العقاري حتى تكون ملزمة للأقباط وغير قابلة للتغير .. ( هذا هو مفهوم الدولة المدنية –العقارية– ذات المرجعية الدينية لو أردنا شرح معناها ) ..

ملحوظة : ما بين الأقواس هو لشرح المعاني في قصيدة اللي بنى مصر كان في الأصل حلواني .. قبل ما يبقى بياع مِش وفسيخ ..

هما دول يا اسيادنا الشروط الستة لأقامة كنيسة في دولة هيبتها عامله تفليسة ..

بس المرة دي وهي من النوادر اللي تُحسب للكنيسة .. ولآن القضية قضية كنيسة ومش مصالح الأقباط وكرامتهم .. رفضت الكنيسة شروطهم ..

يا ويلكم يا سواد ليلكم يا اقباط سمالوط .. مظاهرات وتحرشات وصلت لحد "قلة الأدب" في صعيد كان محترم .. تحرش بببنات الأقباط و تزقيهم بالطوب ... و الحكاية كبرت و بقت عركة ... و علي صرخة وا اسلاماه يتوافد العون مددآ من القري اللي جنبيهم و الحصيلة الأولانية 9 أصابات .. هنا اخيرآ ظهرت الشرطة و قبضت على 35 شخص مسلمين وأقباط كالعادة ..

و اللي اتقرا تاني يوم في الجرانين كان الخبر ده .

"قررت نيابة سمالوط برئاسة المستشار عبد الرحيم عبد المالك المحامى الأول العام لنيابات المنيا، استمرار حبس 35 المتهمين متورطين في أحداث العنف التى شهدتها قرية الجلاء، 15 يوماً على ذمة التحقيقات يذكر أن قرية الجلاء بمركز سمالوط في المنيا، قد شهدت اشتباكات بين مسلمين وأقباط بسبب قيام مجهولين برشق سيارة تستقلها طالبات أقباط بالطوب والحجارة، ووقعت اشتباكات بين الأهالى من الطرفين أسفرت عن وقوع 9 مصابين، وتحطم عدد من النوافذ تم تحرير المحضر اللازم عن الواقعة، وأخطرت النيابة العامة لتباشر التحقيقات" .. اخبار اليوم 9-4-2015م ..

طبعا تحفظت وكالات الأنباء الرسمية لدواعي أمنية حسب تصورها للأمن من ذكر عدد الأقباط وعددالمسلمين اللي تم احتجازهم .. واللي اتعرف بعدين بعد ما افرجوا عن الكل ... عدد الأقباط 21 من أصل 31 بعد أن تم الإفراج عن أربعة في الأول ..

لعبة قديمة اتكررت بقت بطعم الخل ... لعبة خبيثة اسمها : كشف الملعوب في عقلية الأمن المعيوب ..


تحصل مصيبة ضد الأقباط او حتي منهم .. بعد الضرب و الأذية كالعادة حيعملوا جلسة عرفية ... نتابعها من بعيد .. نجحت الحمد لله فلتنا منها ما نجحتش نو بروبليم .. برضه نتابعها من بعيد .. و نستني لما الأقباط يروحوا يعيطوا للكنيسة .. اللي بدورها تتصل بمأمور القسم علشان تتطمن علي عيالها .. فيرد كل احترام احنا محتاجين يا ابونا شوية وقت نهدي بيها الناس علشان نقدر نقنعهم بوجهة نظركم .. اللي و الله العظيم أؤيدها وبشدة .. مش بس كده ده أنتم تستحقوا أكتر من كده بكتير .. ده لو احنا حولنا المحافظة كلها لا القرية .. مش بس القرية المدينة كلها لى مطرانية عمرنا ما حنوفيكم حقكم ....

و مافيش مانع من شوية كلام شيك .. و ذكريات المأمور الأمور عن صاحبه النصراني اللي كان بيعتبره اكتر من اخوه .. و مدرس الكيميا اللي كان في المدرسة الثانوية و اللي بالرغم من انه كان مسيحي لكن سبحان الله كان محبوب و محترم ...يقوم ابونا ربنا يباركلنا في طيبته يرد السلام باحسن منه و يتكلم عن طيبة شيخ القرية اللي عمر قدسه ما حط رجله فيها .. لكن برضه سيماهم علي وجوههم و الصيت و الا الغني ....

خلونا نحط التهريج ومضيعة الوقت وقلة القيمة دي كلها علي جنب و ننتقل للمرحلة التانية من اللعبة .. بعد أن يمر وقت كافي علشان يحصل شغب حيحصل لا محالة .. اسطمبة واحدة بتكرر و نتفاجأ بيها كل مرة ..
تقوم مجموعة من مسلمين القرية بأحداث شغب وتحرش بالأقباط في تجارتهم في الشارع حول مكان الخلاف المشهود ... المرة دي نضيف بالنسبة لقرية الجلاء التحرش بالنساء... و دي حقيقي جديدة و عمرهم ما وصلوا لكده زمان .. و لكنها خطوة تصعيديه في هبوطها الأخلاقي ..

الأهالي تتصل بالشرطة .. عادة بيكونوا الأقباط اللي ما لهومش حامي غير الدولة المنضبطة .. و ما يمنعش من اتصال تاني من مسلمين من عهد ما قبل الوهابية المعممة بحمرة الأزهر أو ببياض الطاقية الباكستانية السادة أو الماليزية المطرزة ...
يتأخر الأمن في التدخل الوقت الكافي علشان يكون فيه إصابات أكبر و اكتر .. والتخريب أعم .. و يبقي الموضوع متعقد و مختلط .. و ربنا يزيد و يبارك .. و بكده اي حاجة حيعملها بعد كده حتبقي مبررة .. و اللي اولها القبض على أكبر عدد ممكن وطبعا لابد وأن يكون المقبوض عليهم عدد كبير من الأقباط علشان يلعب بيها كورقة ضغط للمرحة الأخيرة من المسرحية الفاشلة .. يتعرض الجميع على النيابة ونظرا للإصابات والتخريب والخسائر المادية .. يتم حجز الجميع على ذمة التحقيق الخربانه ..

هنا تتحرك الجهات الأمنية و تعقد جلسة عرفية جديدة وإنهاء الأزمة والإفراج عن الجميع بعقد صلح .. بضغط من أهالي الأقباط المحتجزين وعددهم غير هين وحفاظا على السلم الشكلي العام .. والحمد لله ربنا قدر ولطف يا أختي .. يتم الصلح ويتنازل الجميع عن حقه .. وإلا فالعواقب قد تكون وخيمة تخينة ..

تمام نعود لسبب الخلاف .. الكنيسة .. حلو الكلام ..

بلاش شارع واحد جانبي خليها اتنين بس مش على شارع رئيسي .. بلاش اعتذار رسمي من كاهن الأقباط عن خطأ النصارى في تحديهم للمسلمين في جريدة رسمية حسب أخر مجلس .. يكفي أن يعتذر أمام أهل القرية كلهم مسلمين ومسيحيين في اجتماع عام ...
طيب والدور الواحد ؟؟ ماشي .. سيبك من الرسومات الهندسية القديمة وموافقات المحافظة والمحافظ والمكتب الهندسي والكلام الفارغ ده .. وأعملوا حاجة كدة ممكن الارتفاع يكون 12 متر حد أقصى .. ومن غير منارة ولا اجراس بس ممكن تعملوا قباب ... ماشي حلوه القباب في القرية .. حاجة الافرانكا و مودرن خالص .. خليها علينا .. عشان متقلوش علينا متعصبين بس ..

مبسوطين !! ... ياللا بوسوا بعض ... أمووووه .. أموووه ..

حد له كيف في حاجه ..

كل اللي حيلتي زمزمية أمل... و إزاي تكفيني لباب القبر


"صلاح جاهين"


رابط هذا التعليق
شارك

post-47141-0-38175400-1429533524_thumb.j

الفاضل سكور

حضرتك شايف المسلمين مهللين !

مع بعضهم البعض !!

كل الحروب ياللي في المنطقه المنكوبه

ضد المسيحيين !

ولا مسلمين ومسلمين

دول ضد دول وشعب الدوله الواحده ضد

نفس شعب الدوله بذات نفسها !

قتل وحرق وتدمير وتشريد وتهجير !

احمد ربنا انك مسيحي دول جهنم وبئس المصير ...

وده مش معناه اني بهدر حقك

او بصادر علي رأيك لكن

حابب بس الفت نظرك

ان القضيه اكبر من كده بكتيير

وكالريح لا يركن إلي جهه

إلا وهيأ لأخري راحله ...

 

رابط هذا التعليق
شارك

الفاضل باهي ..

سبب كثيرآ من المصائب التي نعاني منها هي كلمة احمد ربك انك مش زي .. كذا ..

جهل كثيرآ من المسلمين في قري مصر يجعل منها بؤر للتطرف .. تطرف ينهش في جسد بلدنا ...

جهل كثيرآ من الأقباط في قري مصر يجعلهم يشعرون بالغبن العظيم و يمنعهم من ان يكونوا جزءآ اصيلآ في تقدم هذا الوطن الذي لا ينصفهم ..

صدي ما يحدث هذا يؤثر بدوره بصورة كبيرة علي بقية اقباط مصر و الذين يمثلون نسبة لا بأس بها تستطيع ان تكون بدوره ترسآ اساسيآ في الة هذا البلد ... تلك النسبة التي انتظرت طويلآ ان يتم معاملتها كمواطنين .. و بالرغم من رمزية بعض الأمور الأيجابية .. و لكن الفعل ما زال هو هو .. و الأهم رد الفعل مازال كما هو بدون ذرة تغيير ..

ما زلنا نلجأ للجلسات العرفية .. ما زالت دولة القانون بعيدة سنوات ضوئية عن قري و نجوع ...

الفترة الأولية انتهت ... اتمني من كل قلبي ان ينتهي عصر الأيدي المرتعشة في هذا الشأن ...

كل اللي حيلتي زمزمية أمل... و إزاي تكفيني لباب القبر


"صلاح جاهين"


رابط هذا التعليق
شارك

تأكد يا أستاذ : باهي إن المشكلة واحدة

attachicon.gifIMG_2361623852199.jpeg

الفاضل سكور

حضرتك شايف المسلمين مهللين !

مع بعضهم البعض !!

كل الحروب ياللي في المنطقه المنكوبه

ضد المسيحيين !

ولا مسلمين ومسلمين

دول ضد دول وشعب الدوله الواحده ضد

نفس شعب الدوله بذات نفسها !

قتل وحرق وتدمير وتشريد وتهجير !

احمد ربنا انك مسيحي دول جهنم وبئس المصير ...

وده مش معناه اني بهدر حقك

او بصادر علي رأيك لكن

حابب بس الفت نظرك

ان القضيه اكبر من كده بكتيير

ومن أعمالكم سلط عليكم

إحنا صحيح بندفع التمن ونستحقه

أنتم تكفرون أهل الكتاب طيب جالكم اللي هيكفركم وهيقتلكم بعد تكفيركم ...

مع كل ما يترتب عليه تكفيرهم من تسلط واعتداء وتضييق وحرق لدور العبادة وتفجيرها على من فيها

على اعتقاد أنهم لا يذكرون الله فيها

وأصحاب دين سماوي وأهل كتاب سماوي

اللي يكفر أهل الإنجيل أكيد هيكفر أهل القرآن لأن الإنجيل والقرآن كلاهما كتاب سماوي

ياريت نتخلص من الجهل

ياريت ثقافة جديدة صحيحة

كيف نعتبر أنه من الدين منع بناء كنيسة ؟

كيف أجعل التحكم في عقيدة الغير من ديني أو من الدين ؟

كيف يتسلط الإنسان على أخيه الإنسان ؟

كيف تمنعني أن أتصرف في ملكي ؟

كيف تجعل من شأنك ما هو ليس شأنك ؟

إلى متى ؟

تم تعديل بواسطة tarek hassan

هل يمكن أن أكتب كلاما مثاليا 

أو أن اصل لمثالية كلامي 

ولا يوجد كلام مثالي 

ولا مثالية لمتكلم

 

رابط هذا التعليق
شارك

عزيزي سكور

التطرف والجهل كما اقريت

من الجهتين مسلمين ومسيحيين

حديث حضرتك جميل وشيق

اقدره جدا واشكرك عليه لكن

في صعيد مصر العصبيه والقبليه والجاهليه

هي السائده والمتحكمه بالرؤوس والألباب

وهذا بسبب تغييبه عن مشهد التنميه والأهتمام

من حكومات متتاليه عن عمد او عن غيره

فألأمور في الصعيد لا تحسم عن طريق الحزم

وتطبيق القانون بقوه ، فالمردود عندها سيكون

حرب اهليه لا مجال للنقاش في هذا

الكل يمتلك السلاح والرجال والقناعات ...

لا تقل لي ان عشرة ملايين قطعة سلاح

دخلت مصر بعد مجيده لم يكن لأخوالنا

الأقباط نصيب منها ...

خليها ماشيه زي ماهي ماشيه

علي الأقل دلوقتي

لحد ما احنا نخلص علي بعض

بعدين ياللي يفضل منا هتعرفوا تتكلموا معاه

من منطلقات اخري ...

ودي واحترامي

وكالريح لا يركن إلي جهه

إلا وهيأ لأخري راحله ...

 

رابط هذا التعليق
شارك

الفاضل باهي ..

سبب كثيرآ من المصائب التي نعاني منها هي كلمة احمد ربك انك مش زي .. كذا ..

جهل كثيرآ من المسلمين في قري مصر يجعل منها بؤر للتطرف .. تطرف ينهش في جسد بلدنا ...

جهل كثيرآ من الأقباط في قري مصر يجعلهم يشعرون بالغبن العظيم و يمنعهم من ان يكونوا جزءآ اصيلآ في تقدم هذا الوطن الذي لا ينصفهم ..

صدي ما يحدث هذا يؤثر بدوره بصورة كبيرة علي بقية اقباط مصر و الذين يمثلون نسبة لا بأس بها تستطيع ان تكون بدوره ترسآ اساسيآ في الة هذا البلد ... تلك النسبة التي انتظرت طويلآ ان يتم معاملتها كمواطنين .. و بالرغم من رمزيو بعض الأمور الأيجابية .. و لكن الفعل ما زال هو هو .. و الهم رد الفعل مازال كما هو بدون ذرة تغيير ..

ما زلنا نلجأ للجلسات العرفية .. ما زالت دولة القانون بعيدة سنوات ضوئية عن قري و نجوع ...

الفترة الأولية انتهت ... اتمني من كل قلبي ان ينتهي عصر الأيدي المرتعشة في هذا الشأن ...

المشكلة يا أستاذ : سكربيون

أبدا أبدا لن تحل بجلسة عرفية لأن اللي في القلب في القلب ...

ولأنك قعدت معايا أصلا في أمر يخصك مع الدولة ومع المؤسسات التابعة لها

أقولك إن العملية كلها مظاهر خداعة ومن غير ما أقولك أمثلة

بس الخلاصة فيه حاجات كتير عايزه تتصلح وأولها اعتقادنا في بعضنا

ودعك من التهاني والقبلات والإحضان

الموضوع لازم يحسم من الأساس

هل يمكن أن أكتب كلاما مثاليا 

أو أن اصل لمثالية كلامي 

ولا يوجد كلام مثالي 

ولا مثالية لمتكلم

 

رابط هذا التعليق
شارك

ومن أعمالكم سلط عليكم

إحنا صحيح بندفع التمن ونستحقه

أنتم تكفرون أهل الكتاب طيب جالكم اللي هيكفركم وهيقتلكم بعد تكفيركم ...

مع كل ما يترتب عليه تكفيرهم من تسلط واعتداء وتضييق وحرق لدور العبادة وتفجيرها على من فيها

على اعتقاد أنهم لا يذكرون الله فيها

وأصحاب دين سماوي وأهل كتاب سماوي

اللي يكفر أهل الإنجيل أكيد هيكفر أهل القرآن لأن الإنجيل والقرآن كلاهما كتاب سماوي

ياريت نتخلص من الجهل

ياريت ثقافة جديدة صحيحة

كيف نعتبر أنه من الدين منع بناء كنيسة ؟

كيف أجعل التحكم في عقيدة الغير من ديني أو من الدين ؟

كيف يتسلط الإنسان على أخيه الإنسان ؟

كيف تمنعني أن أتصرف في ملكي ؟

كيف تجعل من شأنك ما هو ليس شأنك ؟

إلى متى ؟

صديقي اللدود طارق بك

الدهاشنه مخلوش حاجه إلا وفجروها

كنايس ومساجد ومتاحف ومكتبات وآثار

مهلكة ال سلول بينهم وبين الإنسانيه طار ...

الحل في المواطنه ونبذ الطائفيه وعدم

التدخل بين المرء وربه في سلوكه ومعتقده

التعايش بإنسانيه من اجل الوصول الي السلميه

وان ندع الخلق للخالق ...

وكالريح لا يركن إلي جهه

إلا وهيأ لأخري راحله ...

 

رابط هذا التعليق
شارك

..

في صعيد مصر العصبيه والقبليه والجاهليه

هي السائده والمتحكمه بالرؤوس والألباب

وهذا بسبب تغييبه عن مشهد التنميه والأهتمام

من حكومات متتاليه عن عمد او عن غيره

فألأمور في الصعيد لا تحسم عن طريق الحزم

وتطبيق القانون بقوه ، فالمردود عندها سيكون

حرب اهليه لا مجال للنقاش في هذا

الكل يمتلك السلاح والرجال والقناعات ...

لا تقل لي ان عشرة ملايين قطعة سلاح

دخلت مصر بعد مجيده لم يكن لأخوالنا

الأقباط نصيب منها ...

خليها ماشيه زي ماهي ماشيه

علي الأقل دلوقتي

لحد ما احنا نخلص علي بعض

بعدين ياللي يفضل منا هتعرفوا تتكلموا معاه

من منطلقات اخري ...

ودي واحترامي

السلام عليكم

احسنت اخى باهى بالوصول مباشره للب الموضوع

على الرغم من بعض التباينات فى الرؤى فى مجمل ما تفضلت به إلا انى اوافقك تماما

فى تعمد تغييب الصعيد عن التنميه و التطوير فحدث ما وصلنا إليه من جهل و تخلف و ضعف دوله القانون هناك

تخيل يا مؤمن ان خام الحديد يتم نقله من محاجره فى اسوان و نقله إلى القاهره

ليتم تصنيعه فى حلوان التى كانت يوما ما المشفى و المنتجع الصحى العالمى المشهور بالعيون الكبريتيه هناك

ماذا كانت النتيجه ..إفتقر الصعيد أكثر و خسرنا حلوان ايضا .

الفضلاء جميعا

قديما قالوا ..من أمن العقوبه أساء الأدب

.

يسقط يسقط حكم العسكر اللى عمل كده فى اقباط مصر و زعل سكوربيون .

<strong class='bbc'><strong class='bbc'>وَلَا تَحْسَبَنَّ اللَّهَ غَافِلاً عَمَّا</strong></strong><br /><br /><strong class='bbc'><span style='font-family: arial'>يَعْمَلُ </span></strong><br /><br /><strong class='bbc'><span style='font-family: arial'><strong class='bbc'>الظَّالِمُونَ</strong></span></strong><br /><br /><strong class='bbc'><span style='font-family: arial'>إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ</span></strong><br /><br /><br /><br /><br /><br /><p class='bbc_center'><span style='font-size: 18px;'><strong class='bbc'>(24) إبراهيم </strong></span></p>

رابط هذا التعليق
شارك

السلام عليكم

احسنت اخى باهى بالوصول مباشره للب الموضوع

على الرغم من بعض التباينات فى الرؤى فى مجمل ما تفضلت به إلا انى اوافقك تماما

فى تعمد تغييب الصعيد عن التنميه و التطوير فحدث ما وصلنا إليه من جهل و تخلف و ضعف دوله القانون هناك

تخيل يا مؤمن ان خام الحديد يتم نقله من محاجره فى اسوان و نقله إلى القاهره

ليتم تصنيعه فى حلوان التى كانت يوما ما المشفى و المنتجع الصحى العالمى المشهور بالعيون الكبريتيه هناك

ماذا كانت النتيجه ..إفتقر الصعيد أكثر و خسرنا حلوان ايضا .

الفضلاء جميعا

قديما قالوا ..من أمن العقوبه أساء الأدب

.

يسقط يسقط حكم العسكر اللى عمل كده فى اقباط مصر و زعل سكوربيون .

عزيزي ابا عمر

سأخاطبك بما كان بيننا من ود

فلا ترهق نفسك وتأخذ حديثي

علي محامل الجد ...

حينما قرأت اسمك في الحاضرين

حسبتك ستعلق علي جزئية كلامي

سيبونا نخلص علي بعض !

طبعا حديثك اكثر من رائع الي حد

العسكر !

لا تتركون فرصه إلا واظهرتم مودتكم !

ع فكره

ياللي زور تاريخ العسكر هما ال سلول

نفسهم ياللي بيدعموا العسكر دلوقتي !!

تم تعديل بواسطة باهى الطائر الحزين

وكالريح لا يركن إلي جهه

إلا وهيأ لأخري راحله ...

 

رابط هذا التعليق
شارك

اخى الفاضل باهى

و بكل احترام و تقدير اسألك

اى تزوير هذا فى تاريخ العسكر

امامنا اخى الفاضل تاريخ موثق منذ 1952 و حتى اليوم

قارن بين مصر يوم 23/7/1952 و اليوم

و عندما نقول العسكر لا ينصرف ذهنك الى الجيش فشتان ما بينهما

ناصر و السادات و حتى الانقلابى القاتل السيسي ليس الجيش

هم فعلوا فينا الافاعليل حتى صرنا دون خط الانسانيه و يريدون توصيلنا

الى ما تفضلت به

سيبونا نخلص علي بعض !

اخيرا قل لى اين التزوير و لك كل الفضل .

<strong class='bbc'><strong class='bbc'>وَلَا تَحْسَبَنَّ اللَّهَ غَافِلاً عَمَّا</strong></strong><br /><br /><strong class='bbc'><span style='font-family: arial'>يَعْمَلُ </span></strong><br /><br /><strong class='bbc'><span style='font-family: arial'><strong class='bbc'>الظَّالِمُونَ</strong></span></strong><br /><br /><strong class='bbc'><span style='font-family: arial'>إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ</span></strong><br /><br /><br /><br /><br /><br /><p class='bbc_center'><span style='font-size: 18px;'><strong class='bbc'>(24) إبراهيم </strong></span></p>

رابط هذا التعليق
شارك

يسقط يسقط حكم العسكر اللى عمل كده فى اقباط مصر و زعل سكوربيون .

و عندما نقول العسكر لا ينصرف ذهنك الى الجيش فشتان ما بينهما

واضح يا أبا عمر

نحن لا نخلط ولكن

العسكر كلمة يحدث لها مد وجزر

فهي في أوقات ومواقف تنحصر في المجلس العسكري ومبارك والسيسي مثلا

ولكنها في أوقات كثيرة أو في الواقع الفعلي الملموس والمحسوس وعند الخوارج الجدد تمتد لكل جندي وضابط في الشرطة أو الجيش حتى وصلت لأي طالب ينوي أن يكون ضابطا

هل يمكن أن أكتب كلاما مثاليا 

أو أن اصل لمثالية كلامي 

ولا يوجد كلام مثالي 

ولا مثالية لمتكلم

 

رابط هذا التعليق
شارك

سكوربيون وأنت وأنا ، إما أهل ذمة أو أقباط

كلنا أقباط .. يعنى كلنا مصريون

وكلنا فى ذمة الله القائل "لا إكراه فى الدين"

وفى ذمة رسوله القائل بوحى من الله "لكم دينكم ولى دين"

ولسنا فى ذمة من لايريدوننا فى مصر

لمجرد أننا لسنا منهم .. ولأننا لا نفهم الدين بفهمهم

بيقولوا باليرمو تشبه اسكندرية

لو صحيح .. دور لى على شقة جنبك

لأنى ناوى أعمل بنصيحة أخويا الشيخ وجدى

وصديقى الشيخ صفوت

وعزيزى الشيخ يعقوب

ومولانا المرشد مهدى عاكف

عزيزى سكوربيون

بلاش "احمد ربنا انك مش زى فلان وعلان وترتان"

وبلاش "من شاف بلوة غيره هانت عليه بلوته"

ينفع أقولك "لا تعايرنى ولا اعايرك الهم طايلنى وطايلك" ؟

ينفع نقول "إننا فى نفس المركب" اللى مهاجرة فى البحر وبنحاول نرجعها للشاطئ ؟

:)

إنت مش ملاحظ انى مش بجيبلك سيرة شقة باليرمو ؟

واحدة واحدة يا سنيور .. اللى بيتهد فى أربعين يوم بيتبنى فى اربع سنين

فما بالك باللى بيتهد بقاله أربعين سنة بعد ما طلع له قرار الهدم من 87 سنة ؟

نحن فى حالة حرب لم يخض جيشنا مثلها من قبل
فى الحروب السابقة كانت الجبهة الداخلية مصطفة
تساند جيشها
الآن الجيش يحارب الإرهاب وهناك من يطعنه فى ظهره
فى الحروب لا توجد معارضة .. يوجد خونة

تحيا مصر
*********************************
إقرأ فى غير خضـوع
وفكر فى غير غـرور
واقتنع فى غير تعصب
وحين تكون لك كلمة ، واجه الدنيا بكلمتك

رابط هذا التعليق
شارك

الفاضل سكوربيون...

كلامك فيه تحامل غير عادى عالمسلمين... يعنى لما توصف مجموعة من المسلمين بإنهم ابناء ابوجهل, ده غير اوصاف تانية كتير موجودة فى مشاركتك الطويلة العريضة دى...

المفارقة الظريفة انى لما اشوف كمية الغل و السواد اللى فى مشاركتك ده اتجاه اخوانى المسلمين, المفروض انى احس ناحيتك بإيه؟ او حد يطلع يتكلم و يدافع و يقول مواويل...

ولا المفروض انى احبك و اقول انك مؤمن, و انت نازل شتيمة فى اخوانى المسلمين و توصفهم بأوصاف لا تليق... و اللى أكيد أكيد ان هى دى نظرتك ليا و لأغلب المسلمين... مهما حاولت تمارس التقية او تتكلم كلام شعارات.

بس خلينى اسألك... تقبل انى اوصف مجموعة من المسيحيين الرهبان اللى ضربوا بعض بالمطاوى و السنج فى الدير بتاع الفيوم - و كإنهم مجموعة من البلطجية الصيع عديمى الرباية - بأوصاف لا تليق؟ تقبل ده؟

عموما انا شايف ان المسيحيين عندهم مشكلة نفسية جامدة جدا... و المسيحيين طول ما هما مش مدركين انهم أقلية فى مصر, هتفضل المشكلة دى و هتستمر.

و مفيش تضارب بين كونهم اقلية و انهم "جزء" من اصحاب البلد... لإن المسلمين برضه اصحاب البلد + عدد المسلمين اكتر منهم...

هما المسلمين دول مين اصلا؟ مسيحيين اسلموا ولا عرب استوطنوا؟ لو جاوبنا عالسؤال ده هنفهم.

طيب و الحل؟ المسيحيين يختاروا حد يتكلم بالنيابة عنهم, و يقول كل المشاكل و الاوصاف و المشاعر السلبية اللى حاسين بيها ناحية المسلمين...

لازم المسيحيين يطلعوا كل المشاعر اللى جواهم - و اللى ظهرت بوضوح فى كلام سكوربيون....

و بعد ما يقولوا كل اللى عندهم... نبدأ نفهمهم ان ده من حقك و ده مش من حقك.

لإن المسيحيين علشان هما فاكرين نفسهم مظلومين, بالتالى فيه حاجات بيفتكروا انها من حقهم... او الادعاء الباطل بتاع انهم هما بس اصحاب البلد, و ده ادعاء مضحك و باطل طبعا بيفطسنى من الضحك اول ما اسمعه.

أيوة مش من حقك تبنى كنيسة بمزاجك, و ده شىء موجود فى كل الدنيا...و شوفوا الاقليات المسلمة اللى بتتعب جدا عشان تقدر تبنى مسجد فى امريكا او كندا او اى بلد... يعنى المسألة دى متنظمة...

و حتى المساجد اللى اتبنت فى كل دول العالم, المساجد دى احنا دفعنا دمنا عشان نبنيها... دم اجدادنا اللى كافحوا و جاهدوا فى سبيل الله و نشروا الاسلام فى مشارق الارض و مغاربها بفضل الله...

يعنى المساجد دى اتبنت بالدم الغالى.... دم المؤمنين.... و اللى مش فاهم او مستوعب, يروح يقرا التاريخ و يشوف.

وَإِذَا قِيلَ لَهُمْ تَعَالَوْا إِلَىٰ مَا أَنزَلَ اللَّهُ وَإِلَى الرَّسُولِ رَأَيْتَ الْمُنَافِقِينَ يَصُدُّونَ عَنكَ صُدُودًا (61)


فَكَيْفَ إِذَا أَصَابَتْهُم مُّصِيبَةٌ بِمَا قَدَّمَتْ أَيْدِيهِمْ ثُمَّ جَاءُوكَ يَحْلِفُونَ بِاللَّهِ إِنْ أَرَدْنَا إِلَّا إِحْسَانًا وَتَوْفِيقًا (62)

أُولَٰئِكَ الَّذِينَ يَعْلَمُ اللَّهُ مَا فِي قُلُوبِهِمْ فَأَعْرِضْ عَنْهُمْ وَعِظْهُمْ وَقُل لَّهُمْ فِي أَنفُسِهِمْ قَوْلًا بَلِيغًا (63)


صدق الله العظيم



مَّن يُطِعِ الرَّسُولَ فَقَدْ أَطَاعَ اللَّهَ ۖ وَمَن تَوَلَّىٰ فَمَا أَرْسَلْنَاكَ عَلَيْهِمْ حَفِيظًا (80)



وَيَقُولُونَ طَاعَةٌ فَإِذَا بَرَزُوا مِنْ عِندِكَ بَيَّتَ طَائِفَةٌ مِّنْهُمْ غَيْرَ الَّذِي تَقُولُ ۖ وَاللَّهُ يَكْتُبُ مَا يُبَيِّتُونَ ۖ فَأَعْرِضْ عَنْهُمْ وَتَوَكَّلْ عَلَى اللَّهِ ۚ وَكَفَىٰ بِاللَّهِ وَكِيلًا (81)


صدق الله العظيم



رابط هذا التعليق
شارك

فعلآ اللي بيعمل و يقول الكلام ده .. هما اخوانك ...

كل اللي حيلتي زمزمية أمل... و إزاي تكفيني لباب القبر


"صلاح جاهين"


رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • 0
      زار المهندس عبدالصادق الشوربجى رئيس الهيئة الوطنية للصحافة جامعة الأهرام الكندية وأكاديمية أخبار اليوم بمدينعرض الصفحة
    • 0
      بهذا العنوان انتهى فى شهر رمضان عام 2021 الجزء الأول من مسلسل هجمة مرتدة مع إشارة إلى الجزء الثانى والمأخوذعرض المقال كاملاً
    • 227
      عاجبك كدة يادكتور هوبا اللي حصل في السودان !!! والله فضيحة ما بعدها فضيحة - كنا المفروض نتغلب 6 أو 7 على الأقل !! اللعيبة بالكامل شايلة أكياس رمل في رجلها - مفيش لعيب بيضغط على أي لاعب سوداني علشان ياخد الكورة - لعيبة بتترقص في نص سنتي !!! الأستاذ تامر عبدالوهاب كتر خيره خلص على الفرقة بدري بدري . حسيت إن الزمالك بيلاعب منتخب العالم مش الهلال السوداني !!! كدة نبصم بالعشرة إنهم خارج البطولة لو استمروا على ماهم فيه !!! 90 دقيقة الزمالك لم يلمس فيها الكورة على الإطلاق وكأنهم خشب مسندة في
    • 3
      مؤخرآ استلم علي الواتس من العزيز الأستاذ عادل ابو زيد نسخ الكترونية من بعض الصحف المصرية ... و هو شيء حتي زمن قريب لم اكن اتخيل ان نصل اليه بل و عند بداية عصر المعلومات الديجيتال تكون داخلي شعور بعدم تقبل الفكرة نفسها كرد فعل أولي  ... فالتعود البشري علي شيء ما يجعل من تقبل شيئآ أخر مختلف يشوبه بعض المقاومة و الرفض في البداية ..   فجيلنا هو اخر جيل تعود علي "لمس" الحروف اثناء قرائتها او كتابتها ... ملمس الصحف في ايدينا ... رائحة الورق ... تقليب صفحات كتاب و عيوننا تقفز بين السطور ... فتح خط
×
×
  • أضف...