اذهب الي المحتوي
ماجد

شكل العالم بعد 500 سنه

قيم هذا الموضوع:

Recommended Posts

بعد 500 سنه لن نكون هنا ...... هذا اكيد

و حتمى .....

لكن ......

هذا لا يمنع أن نحلم و نتخيل

كيف سيكون شكل العالم بعد 500 سنه

الرسول أمرنا بأنه اذا قامت الساعه و فى يد أحدنا فسيله فليزرعها ....

فلنزرع الفسيله الآن .....

فمعظم الأختراعات كانت وليدة الأمانى ..... أو التخيل .

و اقرأوا جول فيرن

هيا ..... دعوا القريحه تعمل

تم تعديل بواسطة ماجد

شارك هذه المشاركه


رابط المشاركه
شارك

أخوانى الأعزاء

سوف ابدأ بفكره اغرب من الخيال

" الأنسان الأخضر "

و الفكرة ببساطه و بايجاز شديد هى تحويل تغذية الأنسان عن طريق الهضم و الأمتصاص الى كائن يتغذى على اشعة الشمس مثله مثل النبات

كيف ......

و الفكرة تقوم على دمج خلايا الجلد البشريه بخلايا نباتيه من الموجودة باوراق النبات و المحتويه على مادة الكلوروفيل " اليخضور حسب تعريب مجمع اللغة العربيه " بحيث تقوم هذه الخلايا بتحويل الضوء الى مواد غذائيه تضخ فى الدم كالجلوكوز و بذا تتم عمليه التمثيل الغذائى مباشره بدون المرور على الجهاز الهضمى .

B)

:o :o

:o :o :o

فكره مجنونه .... اليس كذلك

و لكن هكذا قالوا عن فكرة الطائره و الهبوط على سطح القمر

الفكرة علميه نعم تماما و بنسبة 100 %

الفكرة قابله للبحث .... نعم و تجرى ابحاث حاليا على دمج خلايا من الباذنجان ببعض الحيوانات

لكن تخيلوا لو نجحت كيف ستحل هذه الفكره مشاكل الغذاء فى العالم كله

انت جائع ...حسنا فلنمشى فى الشمس قليلا

ثم همسه صغيره

من علامات الساعه وفره الغذاء و رعى الذئب مع الغنم و الطفل يلعب مع الحيه

الا يمكن حدوث نوع من التحولات الغذائيه منعت الشهيه لاكل اللحوم حيث الكل فى الضياء شبعان

و الى فكرة أخرى

شارك هذه المشاركه


رابط المشاركه
شارك

بدأت فى تخيل الفكرة

ولكن اول ما خطر على بالى هو

ما موقف البشر الذين يقطنون بلادا لاترى الشمس؟؟؟؟

ثم كانت الفكرة الثانية التى اعرضها وقد تتحقق

بعد 500 سنة

اذا تم التوصل للانسان الاخضر كما شرح ماجد

فقد يمكن التوصل لطريقه لتخزين الاشعه الشمسية بكافة

مكوناتها لاستخدامها فى فترات عدم سطوع الشمس

وللناس الذين اشرنا اليهم

B)

شارك هذه المشاركه


رابط المشاركه
شارك

من الأمور اللتى سوف تحدث طفرة هى إندماج التكنوزلجيا فى حياة البشر هى الBio-computing

الذى يبحث فى إستخدام الجوريثمات (algorithms ) فى الprograming تعتمد فيها على قوانين الجينات والوراثة

من المعروف ان وضع اى algorithm يستلزم من المبرمج أن يكون على دراية تامة بحل المشكلة مسبقا ثم يتم تحويلة إلى برنامج يمكن تنفيذة من خلال الحاسب بسرعة فائقة , هذة السرعة الفائقة تجعل الحاسب قادر على تنفيذ ملايين العمليات الحسابية فى زمن وجيز جدا

ولكن فى النهاية فالحاسب غير مبدع لأنة لايستطيع تطوير الalogorithm اللذى تم وضضعة عن طريق المبرمج حتى بعد آلاف السنين

فى الbio-compoluting يعتمد الalgorithm على قواعد مأخوذة من الطريقة اللتى تعمل بها الجينات يوصل الى الحل - الميزة هنا انة ليس من الضرورى ان تكون طريقو الحل معروفة مسبقا

دة معناه أن برنامج الحاسب يمكن أن يفكر ويصل الى أمور جديدة - كالعقل البشر كما أنة يستفيد من الخبرات السابقة

فإذا وضعنا فى الأعتبار السرعة الفائقة اللتى تتميز بها الحاسبات اليوم ومعدل الزيادة الرهيبة فى هذة القدرة - هل يمكن تخيل ماذا سيكون لدينا بعد 50 عام

كيف يمكن تخيل كيف ستكون تطبيقات مثا الRoberts ستئول الى ؟-

ما هو المستقبل الذى ينتظر مجال تخليق الأنسجة والإستنساخ بعد 50 عاما وماذا لو تم دمجها بالcomputing technology ماذا سيكون لدينا !!!!

دائما الخيال البشرى كان بيكون سابق بكثير الأدوات المتاحة لكن أنا حاسس ان التطور التكنولوجى بدأ يسبق - بمعنى ان المبدعين والأدباء غير مدركين للتطور الرهيب الذى يحدث وسوف يحدث فى التكنولجيا

شارك هذه المشاركه


رابط المشاركه
شارك

اصدقائى الأفاضل

اسمحوا لى ان اواصل معكم بعض افكارى المجنونه

اذ ربما قادتنا الى منتدى عظماء التخيل امثال ليوناردو دافنشى و جول فيرن.

أو الى مستشفى المجانين .....

و الفكره هى عن كيفية الأنتقال من مكان لاخر

فماذا عن جهاز يفكك الذرات مثلا من مكان لينقلها عبر خط مثل التليفون لجهاز أخر فى المكان المطلوب يعيد تجميعها ثانية .....

ما رأيكم

اسمع الضحكات من الآن

jmb-) jmb-) jmb-)

و لكن انتظروا ما بعد

نجح العلماء فى نقل قطعة معدنيه عبر الفراغ لمسافة 90 سم و فشلت التجربه حتى الأن مع كائنات عضويه

و التجربه حديثه جدا

و ربما كانت قديمه جدا

(قَالَ عِفْرِيتٌ مِنَ الْجِنِّ أَنَا آتِيكَ بِهِ قَبْلَ أَنْ تَقُومَ مِنْ مَقَامِكَ وَإِنِّي عَلَيْهِ لَقَوِيٌّ أَمِينٌ) (النمل:39)

(قَالَ الَّذِي عِنْدَهُ عِلْمٌ مِنَ الْكِتَابِ أَنَا آتِيكَ بِهِ قَبْلَ أَنْ يَرْتَدَّ إِلَيْكَ طَرْفُكَ فَلَمَّا رَآهُ مُسْتَقِرّاً عِنْدَهُ قَالَ هَذَا مِنْ فَضْلِ رَبِّي لِيَبْلُوَنِي أَأَشْكُرُ أَمْ أَكْفُرُ وَمَنْ شَكَرَ فَإِنَّمَا يَشْكُرُ لِنَفْسِهِ وَمَنْ كَفَرَ فَإِنَّ رَبِّي غَنِيٌّ كَرِيمٌ) (النمل:40)

و الى خاطرة اخرى

شارك هذه المشاركه


رابط المشاركه
شارك

بجد يا استاذ ماجد افكار مجنونة فعلا

هههههههههههههههههههههههههههههه

انا مش متخيلة الانسان الاخضر دة ابدااااااااااااااا

بالنسبة لمشكلة الغذاء

متهيالى بعد 500 سنة ممكن الواحد ياخد وجبة الاكل على

هيئة كبسولة مثلا

وتبقى كبسولة 3 مرات يوميا على راى الاطباء

واحدة للفطار وواحدة للغدااا وواحدة للعشاء

لكن الكاءن الاخضر مستحييييل

طب قوللى كلنا هنبقى خضر يعنى البنات والولاد

طيب الميلانين اللى بيلون البشرة هتبقى وظيفتة اية ؟هيروح فين؟

وف الشتا هنمووت من الجوع صح

يا رب اموت قبل ما اخضر jmb-)

شارك هذه المشاركه


رابط المشاركه
شارك

أخى bibo

شوفت الأفكار بتجيب بعضها ازاى ....

تعليب اشعة الشمس فى زجاجات ....

و تبقى سن آب .....

اممممممم ........و الله فكره نميسه

أخى felfel

ده بعد 50 سنه لكن تصوراتك ايه بعد 500 سنه

مستنى آرائك ...

أختى سهيلة

ماتخافيش أوى كده .... ربنا يديلك طولة العمر بس ماعتقدش حتلحقيها cl:

بالتاكيد ان اول هذا الجيل من الخضر سوف يلاقى صعوبات فى التواصل مع باقى افراد مجتمعه خاصة فى المجتمعات المتخلفة حضاريا مثلما يقابل افراد من اصحاب الاعاقات هذه الصعوبات فى مثل هذه المجتمعات او مثلما يقابل الفئه المعروفه " البينو " او " عدو الشمس " او ذوى البشره الشاحبه هذه الصعوبات فى التكيف على الرغم من انهم لا يعانون الا من نقص فى مادة الميلاتونين فى الخلايا و الأمل كبير ان يتولى علم الهندسه الوراثيه حل هذا المرض من خلال اصلاح الخلل فى الجين المسبب لهذا الخلل .

بالتالى سيواجه الافراد الأول هذه الصعوبات بدرجات مختلفه و لكن مع تزايد اعدادهم و تناقص الفئات الأخرى سيصبح هؤلاء هم الفئه العاديه و ربما اطلق المجتمع على البشر العاديين وقتها صفة الرميين مثلا و هو وصف ربما كان قبيحا لكنه فى نفس الوقت صحيح و للأسف

يوجد الأنسان الأبيض و الأصفر و الأحمر و الأسود و كلها الوان خلقها الله فلماذا لا يوجد الأخضر

jmb-) jmb-) jmb-)

تم تعديل بواسطة ماجد

شارك هذه المشاركه


رابط المشاركه
شارك
Guest النسر المصري

أنا شايف في مشكلة في موضوع الإنسان الأخضر دة .. إن عملية البناء الضوئي محتاجة شمس +ماء+ هواء +كلوروفيل ..... ودة يعني ان ممكن الانسان في وقت مايلقيش مياه أو ضوء أو هواء ... لذلك فهي طريق فاشلة

ومعلش اسمحلي أقول إنها فاشلة... لذلك أنا حسب تخيلاتي وأبحاثي المجنونة بتقول إن ممكن نعيش بطاقة فانية لان مستحيل هنفضل بعد 500 سنة قاعدين على الأرض وأكيد هنستعمر المريخ والقمر وزحل ويمكن درب التبانة بالكامل...

وهيبقى مقدمناش أي مادة حوالينا نحصل منها على الطاقة

... إلا الحركة.. ..أو بمعنى أصح ..الفراغ

ودة عن طريق آلة ميكانكية تعمل بنظام التوليد الذاتي بالحركة الداخلية

حد فهم حاجه...لع

jmb-)

اقول تاني : الفكرة ببساطة هي أربع عجلات مثبتة على ثمانية قبضان حرة الحركة إلى مركز الكرة الداخلية بحيث العجلة تلف لما الكرة الأولى توصل لمركز الحركة وتشقلب الكرة اللي بعديها وهاكذا تفضل الحركة مستمرة إلى مالانهاية.. وإديها يامعلم

يعني محناش محتاجين لا هواء ولا ماء ولا شمس

يعني طاقة فانية

وبكدة إحنا ممكن نولد الطاقة الكهربائية من الحركة

بل وهنولد الضوء والهواء

وبعد كدة نولد الخلايا النشطة الحية ذات السيتوبلازم والذرات النقية العالية الجودة

وعمرها الافتراضي مائة سنة مثلاً

بحيث نركبها في خلايا جسم الإنسان كبطارية تتغير كل مائة سنة

بل ممكن نشحنها بس مش أكثر من المولد البشري الذاتي الحركة

وأما المواصلات فاعتقد إن الموضوع دة سهل جداً

مين يقولي أقرب طريق من النقطة أ إلى النقطة ب

كلكم طبعا هتقولوا خط مستقيم

وطبعا الحل القديم والأمثل هو إن احنا نطابق النقطتين على بعض ونمر من خلالهم في نفس الوقت

ودي اللي بسيموها التطابق الزمني أو الدوامة الفراغية

بحيث ان احنا نولد طاقة من المولد الذاتي يملاء الفراغ بين النقطتين المحددتين الإحداثيات الكونية

وربطهما ببعض ومن ثم المرور من خلالهما...مش بطريقة بتفكيك الذرات

وبكدة هننتقل في لحظة واحدة للمكان المراد الوصول إليه ودة معناة وقتها بس اللي هنقدر نحتل باقي الكواكب.. لان النقل لاي مسافة بقى سهل

والحركة بقى باضعاف سرعة الضوء

كل دة والاستعمار والتطور الرهيب دة هيكون عن توليد الطاقة الفراغية

لان مفيش أكثر من الفراغ في العالم

ياسلااام على العيشة ياجماعة لا زحمة ولا مواصلات ولاطوابير عيش ولاجمعيات

الأكل عبارة عن بطارية كل مية سنة تتغير

المواصلات بدون عربية ولا اتوبيس ولا الزفت الميكروباص

العلم نحطة كله في كرت صغير قد النملة نحطة في مركز المخ سعته واحد ويجا (الويجا عبارة عن تيريليون زيجا والزيجا تيريليون شيجا والشيجا تيريليون طيجا والطيجا تيريليون ...... إلخ)

وكل الناس هتبقى بتفهم ولهم شبعانين وهنتحكم في السلوك وفي الصورة وهنسجل ذكريات و العروسة والعريس ورقصني ياجدع .. واديلو ادي وها وهي وحبة فوق وحبة تحت......

بس بقى أحب أوضح حاجة بقى .. وقتها الناس هتبقى مملة

كلهم آلة ... وكلهم واحد.. وكلهم شبه بعض

..كل البنات هيبقوا حلوين قوي... ومراتك ممكن تغير في شكلها زي مانت عايز في لحظه وهتزهق

والرجاله هيبقوا على مزاج البنات واللي هيزهقوا منهم بردوا

بل والناس من كتر التطور مش عارفين يتسلوا ازاي... مش عارفين يملوا فراغهم ازاي

مع انهم استغلوا نفس الفراغ في عمل طاقة فانية

مش هم قدروا يحققوا نجاح غير مسبوق

لكن أديهم مش مستمتعين

وفي يوم وفي لحظة وفي وقت مباغت بينما الناس بتدور على ابشع انواع الحرام للاستمتاع بملذات الدنيا الفانية،... وبينما هم زهقانين من كل حاجة رغم محاولة الاستمتاع الفاشلة

هيجدوا يد الله العظيمه تمحو كل شيء في ثانية

كما محت امبراطورية أطلنطس وفرعون وقوم نوح وغيرهم

وهيجدوا نفسهم غير مصدقين كيف .. لقد طورنا طاقة فانية .. لقد انشئنا طاقة من الفراغ..

إزاي كل ده يتمسح في ثانية... مستحيل ... مش ممكن...

عارفين ليه

لانهم نسيوا ان ربنا هو القادر وهو الخالق وهو القوي وهو العظيم الجبار المتكبر

نسيوا ان الفاني الباقي المتعالي الوحيد هو الله سبحانة .. هو الأحد هو الواحد هو الباقي

وتموت الدنيا وتقوم القيامه ويجي الإنسان بما أتى في دينه ودنياه

ويتحاسب ... ويجد نفسه لم يفعل شيء.... أخ ضيع على نفسة الفرصة واهتم بالدنيا من غير دين .. ودخل جهنم ...

اللهم الطف بنا يالله

اللهم ارحمنا

سبحانك الله وبحمدك .. نشهد ألا إله إلا أنت .. نستغفرك ونتوب إليك

تم تعديل بواسطة النسر المصري

شارك هذه المشاركه


رابط المشاركه
شارك

انا لى رأى مختلف قليلا..

فالعالم الان يجرى بخطى واسعه باتجاه حرب عالميه اخرى!!!!!!!

فمن وجهه نظرى ان العالم بعد 500 سنه من الان لن يختلف كثيرا عن العصر الحجرى اذ ان اى حرب شامله كما الحربين العالميتين لن تؤدى الا الى فناء البشريه والحضاره كما نعرفها.

فبعد 500 سنه سيجتمع العلماء ليكرموا احدهم بعد نجاحه فى اختراع العجله .........

والله اعلم

شارك هذه المشاركه


رابط المشاركه
شارك

أعتقد أن معطيات العلم بعد 500 سنة ستكون مختلفة شكلاً وموضوعاً عما لدينا الآن من حقائق و من أحلام أيضاً !!

يكفى أن نقارن ما كان لديهم من 500 سنة و ما لدينا الآن !!

شارك هذه المشاركه


رابط المشاركه
شارك

أخونا النسر المصرى

بالراحه علينا شويه ... واحده واحده

ده انت قلت كومة اختراعات فى كام سطر ....

هاقعد كمان شويه امزمز فيهم ...

أخونا Tafshan

فال الله ولا فالك ....

خليك متفائئئئئئئئئئئئئئئئئئئئئئئئئئئئئئئئئئئئل

أخونا ابن مصر

هناك مقوله لألبرت اينشتاين تقول :

" لا أعرف ماهى اسلحة الحرب العالمية الثالثه و لكنى أعرف اسلحة الحرب العالمية الرابعه : الهراوات و الحجاره "

أخونا ابو يوسف

خلينا نشزف ياعمنا أيه هو آخر حدود خيالنا

شارك هذه المشاركه


رابط المشاركه
شارك
Guest النسر المصري

أستاذ ماجد

طبعاً أنا بقول الاختراعات دي من نسيج الخيال لكن لو حصلت يبقى زنا أكيد هحب زمني أكتر

وعجبتني كلمة أبرت أنيشتاين وأشكرك

شارك هذه المشاركه


رابط المشاركه
شارك

أتخيل أن يتم زرع شريحة فى معصم كل انسان تحتوى على بياناته بحيث لا يحتاج أى بطاقات هوية أو أن يحمل معه أية نقود. طبعا أنا متأثر بالأفلام الأخيرة ولكن أعتقد أننا نسير فى هذا الأتجاه وبخاصة التخلى عن النقود وكذلك الكروت البلاستيكية من كريديت أو ديبيت وكذلك جوازات السفر. تخيل أن الهيئة التى تعمل بها تودع لك راتبك فى البنك وان تذهب للتسوق وكل ما تفعله هو أن تضع معصمك أمام ال scanner فيتم خصم المبالغ من حسابك. تخيل أنك فى المطار وكل المطلوب منك أن تمر من البوابة والجهاز يقوم بكل شئ.

طبعا ساعتها مش هنحتاج أى تأشيرات دخول لاننا جميعا سنكون من مواطنى الولايات المتحدة العالمية

شارك هذه المشاركه


رابط المشاركه
شارك

موضوع جميل..

أنا مثلا عايز أتخيل..

بعد خمسمائة عام.. كيف ستكون بلدنا مصر.. ؟ من سيكون حاكمها.. ؟ هل هيكون حسني مبارك لسة عايش.. وبيقول: أهم حاجة الاستقرار ومفيش تعديل للدستور.. ؟

هل سيكون نهر النيل جف ولم يعد يأتي لأرض الكنانة.. ؟ هل ستكون دولة عظمى.. ؟ أم سيكون الشعب لسة واقف على طوابير العيش.. ؟.. وهيكون كبرى 6 أكتوبر زحمة.. ؟ وهيكون كيلوا اللحمة بـ 80 جنيه.. ؟

ويا تري هيكون أحمد عز ساعتها بيبيع طن الحديد بكام..؟

كم سيكون عدد سكان المحروسة.. ؟ هل ستكون قد خاضت حروب مع دول أخرى.. ؟ أم سيحدث انفجار وتعود الدولة لما قبل ظهور مينا موحد القطرين.. ؟

ويا ترى هل بعد 500 عام..

أحفادنا المصريين سيقرؤون كلامنا هذا.. ؟ أم سيكون الانترنت اختفى وأصبح في المتحف كذكرى .. وأصبح لديهم وسائل اتصال غير التي لدينا الآن.. ؟

ياريت يقرؤوه ويدعولنا بالرحمة..

معلش اهي شوية تخاريف ع الماشي wst::

شارك هذه المشاركه


رابط المشاركه
شارك

موضوع جميل..

أنا مثلا عايز أتخيل..

بعد خمسمائة عام.. كيف ستكون بلدنا مصر.. ؟ من سيكون حاكمها.. ؟ هل هيكون حسني مبارك لسة عايش.. وبيقول: أهم حاجة الاستقرار ومفيش تعديل للدستور.. ؟

هل سيكون نهر النيل جف ولم يعد يأتي لأرض الكنانة.. ؟ هل ستكون دولة عظمى.. ؟ أم سيكون الشعب لسة واقف على طوابير العيش.. ؟.. وهيكون كبرى 6 أكتوبر زحمة.. ؟ وهيكون كيلوا اللحمة بـ 80 جنيه.. ؟

ويا تري هيكون أحمد عز ساعتها بيبيع طن الحديد بكام..؟

كم سيكون عدد سكان المحروسة.. ؟ هل ستكون قد خاضت حروب مع دول أخرى.. ؟ أم سيحدث انفجار وتعود الدولة لما قبل ظهور مينا موحد القطرين.. ؟

ويا ترى هل بعد 500 عام..

أحفادنا المصريين سيقرؤون كلامنا هذا.. ؟ أم سيكون الانترنت اختفى وأصبح في المتحف كذكرى .. وأصبح لديهم وسائل اتصال غير التي لدينا الآن.. ؟

ياريت يقرؤوه ويدعولنا بالرحمة..

معلش اهي شوية تخاريف ع الماشي :blink:

احمد محمد مصطفى السيد عبد الرحمن حمزة جمال حسني مبارك ( يتقلد التاج الملكي و يعتلي عرش المملكة المصرية (جمهورية مصر العربية سابقا)

و كمان مش حيكون فيه طوابير عيش عشان مش حيكون فيه عيش اساسا

شارك هذه المشاركه


رابط المشاركه
شارك

×
×
  • اضف...