اذهب إلى المحتوى
محاورات المصريين

هل يضيفك ابنك على الفيسبوك ؟؟


Salwa

Recommended Posts

تحية طيبة ..

هذا الموضوع ايضا من ضمن المواضيع الضائعة ..

وسوف ادرج هنا وصلة محفوظة من جوجل ..( ايضا )..

http://webcache.googleusercontent.com/search?q=cache:iwkGG0_pdnEJ:www.egyptiantalks.org/invb/index.php%3Fshowtopic%3D139308+

واول مداخلة كانت ..

--------------

مساء الرضا عليكم جميعا ..

طبعا يعلم الله وحده ما فى القلب ...لكن؟؟

الحياة تسير بكل ما فيها ...

ورغم كل ما يمر بنا ( لانزعم اننا نمتنع عن الطعام او الشراب ) ..لانستطيع الانزواء او الابتعاد عن من نتعايش معهم ..

ولهذا..

اردت لكم ان تشاركونى ما حدث معى فعلا ..

بداية ....

ازاااى الحال مع اولادكم ؟؟.......كله كويس ؟؟

سؤال هام جدااا .............ومش تريقة والله ولا انا فايقة للتريقة والهزار .

عندى مشكلة صعبة شوية وعاوزة حل ..

انا عندى فعلا فيسبوك ........بس مفيش على الفيسبوك ده الا ولادى ...

أدخل بس على الفيسبوك الخاص بيهم او مدوناتهم.....بس.

وانا مليش طولة بال لكل القصص دى ....يعنى حتى مع اخواتى بكتب ايميل او اكلمهم وخلاص .

أنا بس بدخل عند ولادى لأن اوقات كتير ابنى او بنتى بيضعوا آخر الأخبار أو اخبار متفرقة وكدة يعنى ..

ومرة ....مرة واحدة بسسسسسسسسسس..امبارح.....وبالصدفة ..دخلت المدونة بتاعة ابنى ولقيته كاتب خاطرة يعنى عن (( أمه )) وبيقول ........

-----------

.لو أنت مش أمى مش حاتفهم أنا اقصد ايه؟؟

وكان بيحكى على أن أمه غاوية تشيل كل حاجة خاصة بيه وبأخواته ...وبيقول علشان كدة اليكم آخر حديث صحفى سوف اضع هنا الوصلة لكنى سوف اعطى أمى السى .دى. .تحتفظ به كعادتها

على أمل انى ف يوم لما اكبر حارجع له ....وده مش حايحصل ....واللى عاوز اقوله ان العمر لايستحق اننا نفضل نشيل ف ذكريات ..

----------

(( ابنى صحفى وربنا يخللى لكم اولادكم ))

وبيشتغل ف بلد تانية ..بس ان شاء الله راجع قريب جداا.

طيب...

لحد كدة حلو ؟؟؟

لالالالالالالالالالا............مش حلو .

مش حلو ابداااااااااا..

أنا ....حضرتى يعنى ..

فضلت أقرأ باقى الموضوع ....(( وكأى أم مصرية عاطفية )) أخدتنى الحماسة بقى وقررت أكتب له كلمة حلوة وقلت له ..(( أكيد أمك من اسرة كلها حلوانية علشان قطعة جاتوه زيك مش أى حد يقدر يعملها ))

هههههههههه

قلب الأم بقى ...

طبعاااااااااا...........قامت الدنيا ولم تقعد ...((( لسا واقفين لى بالمنجانيق وغطيان الحلل ...تعبير عن الاعتراض .ومعتصمين فى البلكونة )))..

وفورا...........البنات بلغوا فرار (( لا مش دى )) قصدى بلغوا أخوهم...الحق ألحق أمك كتبت لك ايه؟؟؟

وف لمح البصر.حتى مكانش الحبر بتاع الجملة الحلوة لحق ينشف ......فوجئت ان كله بقى (( بح )) ..

عملت نفسى مش فاهمة ...

و(( خفت اتصل بالجدع والا قيه لسا بيطلع شرار وياخد له جنب منى ../ما هو البنات ...شحنوه بقى ونصحوه ميخليش امه تكتب له تعليقات الا بتنسى نفسها ))...

رحت كاتبة له ايميل ...كله بقى حنية وأدب ودعوات صالحات ...وقلت له يابنى يانور عينى ..

((( مجيبتش سيرة على الكلمة اللى كتبتها ولالالالا كأنى عملت حاجة ابداا )))

أنا يابنى مش بقدر أدخل آخد وأدى معاك على الفيسبوك بتاعك...ما تعمل لى اضافة وندردش سوا يعنى .....واشوفك زى ما بنعمل على ال سكايب واقولك واوريك طريقة عمل البابا غنوج اللى بتحبه .يعنى انا ابقى ف المطبخ انا واللاب توب ..وانت برضه كذلك..

فوجئت ياجماعة بالرد..

طيب والله ده مش هزااااار...

ده بسسسسسسسس............بعت لى وصلة أغنية ..

أغنية ..واحدة بتطلب من ابنها يضيفها على الفيسبوك .......والولد بيرفض..

واصحابه بيتريقوا عليه ...

وامه بتهدده انها حاتقول للناس كلها هو سايب اوضته ازاااى ..وبتفرجهم حتى شكل شراباته ..

وابوه؟؟

بيقول له .ضيف أمك ...دى أمك ..

أنا بس حبيت انكم تشوفوا ...آخرة تربيتى وكفاحى .

والشاب اللى تعبت ف تربيته ....مش عاوز يضيفنى على الفيسبوك ...الا بحدود .

وبعت لى ايه..

بس علشان تعرفوا آخرتها ...آدى جيل الآى باد .

ولسااااااا..

احنا شفنا حاجة ...

http://www.youtube.com/watch?v=Zc5w3-4PtVk&feature=player_embedded

(وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً)

[النساء : 93]

رابط هذا التعليق
شارك

السلام عليكم ورحمة الله...

فكرة هايلة مدام سلوى...

الموضوع كله ظهر من خلال الرابط ...ياريت باقى الاخوة يعملوا كده فى موضوعاتهم..

طبعا شىءمحزن اننا نفقد موضوعات تعب عليها الاخوة ، لكن الجانب المشرق فى الموضوع كما قال استاذ عادل، اننا كلنا مع بعض من جديد..

والبركة فى اقلامكم وتعاونكم .

اسعد الله صباحك

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك

السلام عليكم ورحمة الله...

طبعا شىءمحزن اننا نفقد موضوعات تعب عليها الاخوة ، لكن الجانب المشرق فى الموضوع كما قال استاذ عادل، اننا كلنا مع بعض من جديد..

والبركة فى اقلامكم وتعاونكم .

اسعد الله صباحك

ويا بخت من بات مظلوم ولا باتش ظالم

وهنيالك با فاعل الخير والثواب

وفعلاً أهم حاجه إننا مع بعض ومدفيين بعض في عز شهر أيلول الأسود

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

ويا بخت من بات مظلوم ولا باتش ظالم

وهنيالك با فاعل الخير والثواب

وفعلاً أهم حاجه إننا مع بعض ومدفيين بعض في عز شهر أيلول الأسود

انت جيييت ياررمضاان :)

أنا شامة ريحة تريقة فى كلامك...

بس علشان أنت سنسن أخر العنقود ، مش حأزعل منك :)

أنا مش بأشحت طبعا ، ولكن كنت صادقة جدا فى ما كتبته..ومش بأتسول مشاعر أكيد..

لانى ماكتبتش الدنيا كانت مضلمة من غيركم..ولا كتبت انى عشت ايام عصيبة وظلمت واتظلمت والناس كلها ضدى وعايزين يخربوا على وافاعى وتعابين وأفلام هابطة من النوع التقيل ده..

أنا كنت باتكلم صدقا..ان لما يكون هناك شىء من المحبة والوفاء والانتماء..الناس بتفرح اما يتجمعوا تانى....الفكرة الاساسية مش فى المكان ، ولكن فى الصحبة...واذا الصحبةكانت فى مكان بتحبه..يبقى غاية المراد من رب العباد.

فلما اكتب انا واقول ان الناس وحشونى..فهم وحشونى حقا وصدقا لانى بحب اتابع اقلامهم

ولما أكتب ان الجانب المشرق فى هذا الظلام اللى حل علينا ، اننا مع بعض..فأنا اقول هذا حقا وصدقا ومش مجاملة ولا نفاق..واظنك تعرفنى جيدا ولا ماتعرفنيش؟:) قول بس علشان اعرفك بنفسى...:)

ولكل من يقرأ كلماتى اليوم وكل يوم...أنا بحبكم كلكم وباعتبركم جزءمن حياتى..ولما اسعد بانى اتجمعت معاكم تانى..فأنا صادقة فى التعبير عن مشاعرى..ومش باتسول مشاعر ولا باضحك على الناس ...

بس فور يو ياسنسن...انا لم اسعد بمداخلتك closedeyes.gif

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك

مدام فولانة

أشكرك .. أشعرتينى ان الدنيا لسه بخير

مدام سلوى

بمناسبة إضافة الأولاد للآباء على الفيسبوك

أولادى مع باقى أولاد العيلة فاتحين صفحة على الفيسبوك للعائلة

حاطين فيها حاجات جميلة جدا .. يعنى صور الأجداد والجدات مع صور الأحفاد

فكرة جميلة .. والكلام ده له أكتر من سنة

أنا ما دخلتش على الصفحة ولا عملت أكونت على الفيس بوك

إلا لما ابنى ومراته (اللى هى حفيدة أختى الكبيرة) جولى البيت وعملولى أكونت بدون علمى

وقالولى اتفضل .. عاوزينك تشرفنا

من يومها وانا يوميا بادخل الصفحة باعرف اخبار كل العيلة

اللى فى مصر واللى بره مصر .. حتى الأحفاد اللى بيتكلموا عربى مكسر

باكلمهم وبيكلمونى ..

وكل واحد عامل لنفسه صفحة مستقلة

لما دخلت على الفيسبوك .. إنفتحت لى نافذة على العالم

أجمل ما وجدته هو موقع لزملاء الدراسة عن هندسة اسكندرية فى الستينيات

ما تتصوريش سعادتى لما أدخل أكلم أصحابى اللى فى جميع بقاع الأرض

بنتكلم عن أحداث اليوم .. إلى جانب أحداث 50 سنة فاتت

قبلاتى إلى أبنائى اللى دخـَّلونى العالم بتاعهم .. ورجـَّعولى العالم بتاعى

حاسس بناس بتحبنى .. مع ان بينى وبينهم صحارى وبحار ومحيطات وليس بيننا أى "مصالح"

حاسس بدفء إن الواحد يكون منتمى لأسرة ، لمجتمع ، لمجموعة "ما"

مجموعة قادرة على الحب وقادرة على نزع تلك المضغة السوداء من القلب

أو على الأقل إخفائها عمن يحبونهم

خصوصا عند "المصائب" حيث يحتاج أفراد ذلك "المجتمع" إلى أن يربت كل منهم على الآخر

بدلا من استعراض فنون السخرية على بعض

وأنا أكتب هذه المداخلة تداعى إلى خاطرى أبيات من الشعر

ذكرتنى أبيات بأن الكمال لله وحده .. وأن على الانسان أن يحفظ لسانه خصوصا فى "المصائب"

لكل شـيء إذا مـا تـمّ نـقصــــان ... فلا يـغرّ بطيب العـيش إنســـان

هي الأمور كما شـاهدتهـــا دول ... من سـرّه زمـن ساءته أزمــــان

احـفـظ لـسـانـك أيهـا الإنســــان ... لـيـلــذغــنــك انــــه ثـــعـــبــــــان

كم في المقابـر من قتيل لسانـــه ... كانـت تـهاب لـقـاءه الشـجعــــان

وعن الاغترار واعتقاد أن الغير لا يملكون نفس السلاح

الذى ربما يكون أمضى من السلاح الذى يجرح به "الزميل" فى مجتمع ما "زميله"

خصوصا عندما يكون المصاب "مصاب الجميع"

فعلينا أن نعرف أن من نؤذيه يستطيع أن يرد الأذى بأكبر منه

ولكن .. كرم الأخلاق هو ما يمنع الزميل من مبادلة زميله "الطعنات"

لا يغرنك أني لين المــــس ... فحزمي إذا انتضيت حســــــام

أنا كالورد فيه راحة قـــوم ... ثم فـيـه لـلآخـريـن زكـــــــــام

نحن فى حالة حرب لم يخض جيشنا مثلها من قبل
فى الحروب السابقة كانت الجبهة الداخلية مصطفة
تساند جيشها
الآن الجيش يحارب الإرهاب وهناك من يطعنه فى ظهره
فى الحروب لا توجد معارضة .. يوجد خونة

تحيا مصر
*********************************
إقرأ فى غير خضـوع
وفكر فى غير غـرور
واقتنع فى غير تعصب
وحين تكون لك كلمة ، واجه الدنيا بكلمتك

رابط هذا التعليق
شارك

مدام فولانة

أشكرك .. أشعرتينى ان الدنيا لسه بخير

:

:

:

فعلينا أن نعرف أن من نؤذيه يستطيع أن يرد الأذى بأكبر منه

ولكن .. كرم الأخلاق هو ما يمنع الزميل من مبادلة زميله "الطعنات"

السلام عليكم ورحمة الله...

والله لك وحشة اخى العزيز ابو محمد...لا حرمنا الله من رؤية حروفك ..

الدنيا بخير طبعا الحمدلله..وستظل بخير طول مافيها ناس نواياهم سليمة وقلوبهم طيبة...

ستظل بخير طول مافيها ناس أخلاقها راقية ويعف لسانها وقلمها عن أذى مشاعر الناس ، والسخرية من كلماتهم تحت بند خفة الدم

ستظل بخير طول ما الناس بتحاسب نفسها قبل ماتحاسب غيرها

ستظل بخير اذا امتنع البعض عن الخوض فى نوايا الاخر بخيالهم المريض وتوهم ان هذا يكيد له وذاك يفتش اسراره وهؤلاء يتربصوا به ، ومن ثم يكيل لهم الاتهامات والكلام المرسل الذى ان دل على شىء فانما يدل على مرض يستعصى الشفاء منه..

ستظل بخير اذا كل انسان علم نفسه الأدب قبل ماينتقد اخلاق غيره ، يعنى تلاقي واحد ولا واحدة من سن اولادنا بيقول ايه الاخلاق دى...فلا تملك الا أن تبتسم لاسباب كتير :).

وزى ماحضرتك بتقول ...كل واحد يملك من الكلمات مايستطيع ان يحطم بمعانيها أعتى الصروح ،بس خلاص بقي لقد هرمنا :) وماينفعش نستخدم هذا الاسلوب حتى مع من يسمح لنفسه باستخدامه..ويكفينا فخرا اننا فاهمين بس مش بنرد ..

وستظل بخير..طول مافيها ناس زى حضرتك كده...

مودتى واحترامى

clappingrose.gif

متأسفة يامدام سلوى والله...غيرنا مجرى الحوار

لى عودة لاتحدث عن الفيسبوك فى حياتى ..:)

clappingrose.gifclappingrose.gifclappingrose.gif

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
  • الموضوعات المشابهه

    • 0
      عرض الصفحة
    • 0
      منذ شهر تقريبا أصبح الحديث عن التغيير ضمن أولويات النقاش على وسائل التواصل الاجتماعى وارتكز على التنبؤ أوعرض المقال كاملاً
    • 5
      الزوجة صاحبة القصة  سيدة في منتصف الأربعينات من عمرها و تشغل منصبا مهما في الموارد البشرية .... فوجئت في صباح أحد الأيام  أن زوجها - زوجها لمدة عشرين سنة و والد طفلين ١٨ و ١٢ سنة و إبن أكبر من زواج سابق في السنة الأخيرة في الجامعة. القصة تبدو كما لو كانت قصة فيلم هندي إستيقظت السيدة في الصباح  وجدت أن زوجها حزم حقيبته و إختفى من المنزل تاركا رسالة مقتضية  باللغة الإنجليزية أنه سيختفي من حياة أسرته فقط لماذا ؟؟  لا أحد يدري أدق خصوصيات تلك الأسرة يتداولها الناس على الفيسب
    • 0
      لم تتوقف ولن تتوقف الاتهامات الموجهة لفيسبوك.. والسوشيال ميديا بوجه عام بأنها كانت وما زالت لها الدور الأكبر ف عرض الصفحة
    • 0
      الفيسبوك تحول فعلا إلى قنبلة موقوتة   و إنفجرت فعلا في أكبر و أقوى دولة في العالم في أمريكا حيث تم تسخين ملايين من متابعي الرئيس المنتهية ولايته دونالد ترامب و دعوتهم  دعوة متابعي الرئيس ترامب على الفيسبوك و عددهم _ حسب وسائل الإعلام _ ٧٥ مليون جزء كبير منهم أصبح ليس فقط متابعا و لكنه مؤمنا بالكامل بشخص الرئيس ترامب و إستجابوا لدعوته للزحف إلى الكونجرس لإستعادة الوطن من أعداءه أمريكا الآن في حالة تخبط شديد ما الذي يجري و يجب أن يجري ؟ تم وقف حساب ترامب نهائيا من المنصات الإجتماعي......
×
×
  • أضف...