اذهب إلى المحتوى
محاورات المصريين

أحاسيس متنوعة للتحاور


 مشاركة

Recommended Posts

سؤال معلشي و ابقوا كبوا عليا مية و امشوا

هو كل "الطيور" بتعرف تكتب شعر و كدهوت

يعني ما شاء الله أستاذنا "أثر الطائر"

و استاذنا "طائر الليل"

ما شاء الله لا قوة الا بالله

اومال انا مسمية نفسي فراشة الاحساس بقي و بتاع :Head:

و آديلي زمن مكتبتش حاجة

ايه ده....انا خايفة أكون صديت :blink:

يسعدنى ويشرفنى للمرتان فى يومٌ واحد

ان ارد لحضرتك على مداخله ...

أثر : شاب يصوغ احساس جيله ومشاعرهم

والطائر : عجوز يسوق الخبره / ويصوغ التجربه

وحضرتك : فراشه تحط على الروضه التى تُحسها

واعتذر بشأن الترتيب والـ / Ladies First

الترتيب بحسب ما ذكرتِه / حضرتك

كل الشكر / كامل الاحترام

رابط هذا التعليق
شارك

لماضة

رضوى

دريم

عنبو

حسام

ذهبية

مغتربة

الساري

تيمور الاولاني

الباشمهندس ياسر

بدون ترتيب

و كل من شاركني

في أي موضوع

الأسماء دي تحديدا

بأحس انهم شلتي كده

عايزة أعيش في الدور اني صغيرة

:blush2:

و اوعى حد يزعل لو نسيت اسمه

عنبو باشا

دلوقتي اقدر أقولك

حقك عليا

وما تزعلش مني

انت أخ عزيز جدا

و اذا كنت زعلت مني قبل كده

فا أنا آسفة

شكرا

انكم هنا

بأحس اني قاعدة في وسط اخواتي

و ولاد و بنات خالتي

في لمة حلوة كده

و سهرانين

نتكلم مع بعض

في ليالي الصيف الجميلة

و عمالين نكتم في صوتنا و ضحكنا

لاحسن بابا يصحى

بجد انتوا ماليين عليا حياتي

و معاكم مش حاسة اني متغربة

افضلوا دايما كده

اخواتي

حبيبتي الغالية

اولاً ميرسي جداً اني من ضمن الاسماء اللي بتحسي ناحيتهم بالاحساس الرائع دة

لو حد فينا في يوم فقد الاحساس الجميل دة في المحاورات .......... يبقي اكيد اكيد مش في المحاورات

يمكن انا بحس فعلاً بالاحساس الجميل الدافي دة جوة المحاورات ( دافي ايه بس ياريا احنا في عز الحر )

تعرفي ياجميلة ( شكلي هغير موضوع التوبيك وهاخد كارت اصفر ) تعرفي ان المحاورات علي الرغم من انه عالم افتراضي الا اني لقيت فيه ناس بجد اصبحوا جزء لايتجزأ من حياتي اليومية

ربنا يديم المعروف

ويجعله عامر

( اما الحق اجري قبل ماالادارة تيجي ويحدفوني في قهوة الشراقوة بتاعتي اقامة جبرية )

رابط هذا التعليق
شارك

سؤال معلشي و ابقوا كبوا عليا مية و امشوا

هو كل "الطيور" بتعرف تكتب شعر و كدهوت

يعني ما شاء الله أستاذنا "أثر الطائر"

و استاذنا "طائر الليل"

ما شاء الله لا قوة الا بالله

اومال انا مسمية نفسي فراشة الاحساس بقي و بتاع :Head:

و آديلي زمن مكتبتش حاجة

ايه ده....انا خايفة أكون صديت :blink:

هو على حسب أدونيس يا لماضه "الماء ليس جوابا للعطش" :)

ولذلك مش هأكب ميه..

أنا هأدعي حكمة وأحاول أرشها برضه

متهيألي إن الواحد عشان يكتب محتاج حاجات كتير أوي

أولها إنه يكتب :)

العائق القوي أمام الكتابة عادة بيكون المستوى الذي يحلم به الإنسان لكتابته

أعرف بعض الناس علقوا حياتهم كلها بنص خيالي حلموا بكتابته

وربما ينقضي العمر دون أن يأتي النص بالمواصفات المطلوبة

فينقضي العمر بلا كتابه..ودي خسارة حقيقيه للإنسان..

باختصار..رأيي إنك تقمعي الناقد المتشدد اللي جواكي

(وهو ناقد معروف مصري صميم دمه خفيف قارس السخرية يملأ المنتدى بكتابته)

وتبتدي تكتبي على طول وبدون حسابات

ومش مهم تكون كتابتك في البداية مرضية بالنسبه لك

أعتمدي أكثر على رأي الناس

وبعد وقت - وده مؤكد - هتوصلي للمستوى اللي يرضيك شخصيا

كده خلصت حكمه..

نتكلم بقى في الحقيقة..

الحقيقه إن الأستاذ الرقيق الجميل عميق الإحساس والفهم والثقافة : طائر الليل

يكتب بتمكن من يملك الخريطة الكاملة للطريق الذي يسلكه

يكتب بمقدرة من يمكنه أن يضع أول نقطة على السطر وفي نفس الوقت

يضع نقطة الختام على آخر السطر

وهذا هو سحر الرؤى العميقة

ما شاء الله..رؤية مكتملة..متسعة..وشاملة..وإنسانية

أما أنا..وده تصور واجتهاد بس..فربما أكتب بنية تجسيد الشعور وكمان اكتشافه وتحسس أبعاده ومعرفته واختباره..

دي تقريبا لذة الكتابة عندي..

.

.

أنا واثق إن كلنا ننتظر بأمل كتابه لماضيه..أو كتابه لمضه..أو كتابه ذات لماضه..قرررريب

رابط هذا التعليق
شارك

[quote nameblink:

هو على حسب أدونيس يا لماضه "الماء ليس جوابا للعطش" :)

ولذلك مش هأكب ميه..

أنا هأدعي حكمة وأحاول أرشها برضه

متهيألي إن الواحد عشان يكتب محتاج حاجات كتير أوي

أولها إنه يكتب :)

العائق القوي أمام الكتابة عادة بيكون المستوى الذي يحلم به الإنسان لكتابته

أعرف بعض الناس علقوا حياتهم كلها بنص خيالي حلموا بكتابته

وربما ينقضي العمر دون أن يأتي النص بالمواصفات المطلوبة

فينقضي العمر بلا كتابه..ودي خسارة حقيقيه للإنسان..

باختصار..رأيي إنك تقمعي الناقد المتشدد اللي جواكي

(وهو ناقد معروف مصري صميم دمه خفيف قارس السخرية يملأ المنتدى بكتابته)

وتبتدي تكتبي على طول وبدون حسابات

ومش مهم تكون كتابتك في البداية مرضية بالنسبه لك

أعتمدي أكثر على رأي الناس

وبعد وقت - وده مؤكد - هتوصلي للمستوى اللي يرضيك شخصيا

كده خلصت حكمه..

نتكلم بقى في الحقيقة..

الحقيقه إن الأستاذ الرقيق الجميل عميق الإحساس والفهم والثقافة : طائر الليل

يكتب بتمكن من يملك الخريطة الكاملة للطريق الذي يسلكه

يكتب بمقدرة من يمكنه أن يضع أول نقطة على السطر وفي نفس الوقت

يضع نقطة الختام على آخر السطر

وهذا هو سحر الرؤى العميقة

ما شاء الله..رؤية مكتملة..متسعة..وشاملة..وإنسانية

أما أنا..وده تصور واجتهاد بس..فربما أكتب بنية تجسيد الشعور وكمان اكتشافه وتحسس أبعاده ومعرفته واختباره..

دي تقريبا لذة الكتابة عندي..

.

.

أنا واثق إن كلنا ننتظر بأمل كتابه لماضيه..أو كتابه لمضه..أو كتابه ذات لماضه..قرررريب

السلام عليكم و رحمة الله و بركاته

هو لو اعرف يا استاذي ان سؤالي هيخلي حضرتك "تمطر" كدهوت

انا كنت سالته من قيمة عشرين سنة ضوئية فاتوا

اشكر لحضرتك تشجيعي و لو انك مقولتليش اكتب في ايه

الكتابة بالنسبة ليا....حالة "وجع" لا بقدر احكيها لاقرب الناس و لا بقدر اغمض عيني عنها و اسيبها تناكف فيا جوه مني

كنت بكتب عن مشاعر حلوة كتير

بس خفت

في وقت لما كنت بخاف من الناس

و من الاحساس

و لما قويت

نسيت انا كنت بكتب عن ايه

فبكتب دلوقتي

لاني في حالة غضب

ايوة

مش حضرتك قولتلي "غضب أبيض"

انا بكتب

علشان انا راكبة حصان غاضب جدا

و عمال يجري بيا

و بحاول اروضه

بحس اني لما اكتب هلاقي اللجام

و احطه في بوق الحصان و هقدر اسيسه

و هقدر احبه

علشان يجري بيا

غاضبة

جدا

فوق ما تتصور

بعبر عن ده بالضحك

جدا

بعبر عنه بالكتابة

يجوز

بس بكبت علشان

انا كائن غاضب عمال يجري و بيحاول يروض غضبه من غير ما يعور حد

و برجع اقرا اللي بكبته يوم و را التاني علشان يمكن الحروف يكون فيها اللجام اللي هيساعدني اني استعيد هدوئي تاني

او اتصالح مع الحصان البري اللي عمال يجري مني

التوبيك هنا

بيختزل احساس في كلمة

و نسينا ان حتي لو اختصرنا في كلمة فيه تحتيها جبل كلمات اعمق بكتير من اللي ممكن تشيله كلمة واحدة

بس اهي محاول ان احنا نكتب

و نطلع احساسنا ده ع السطح....يمكن نقدر نفهم...نتصالح....نروض حاجة فينا

رابط هذا التعليق
شارك

يطول الطريق

11272910.jpg

ويقصر معاكِ

وتبعد ويفضل

فى قلبى هواكِ

ياضى الشموع

يالمس الحنان

ياهمس الشفايف

يا نبض اللى خايف

تتمد ايده ...

وتمسح دموع الدموع

( فرقة الحب والسلام )

دي فرقة مصرية طيب

لغتها حلوة اوي

زي فرقة وسط البلد كده؟؟؟

رابط هذا التعليق
شارك

يطول الطريق

11272910.jpg

ويقصر معاكِ

وتبعد ويفضل

فى قلبى هواكِ

ياضى الشموع

يالمس الحنان

ياهمس الشفايف

يا نبض اللى خايف

تتمد ايده ...

وتمسح دموع الدموع

( فرقة الحب والسلام )

دي فرقة مصرية طيب

لغتها حلوة اوي

زي فرقة وسط البلد كده؟؟؟

اهلا بحضرتك : يافندم

رغم ان هناك شئ ما يؤلمنى

لكن / كدائما يسعدنى الإجابه على اسئلة حضرتكِ

الفرقه دى لمجموعة شباب مصرى اسكندرانى

وكنت بأسمعها فى اواخر السبعينيات

وقتها كنت طالب فى الجامعه

كمان كنت بسمع لـ / Michael Jackson

ولـ / Julio Ajlacejus

وكل الغربي اللى كان على ايامى

لكن كلِمات الفرقه دى فضلت معايا

ومحفوره فى ذاكرتى / ليه مش عارف ؟!

يمكن علشان بحب العربى / بحس بكلماته

بستمتع بالموسيقى الافرنجى

لكن الكلمات ما بحسهاش / بحس بارده .

اكيد بأنه سرنى الحديث إليكِ

رابط هذا التعليق
شارك

وأعود أعود لطاولتي

لا شيء معي

لا شيء معي

إلا ... كلمات

http://www.youtube.com/watch?v=-2pkIPZ4Ccw&feature=related

شكرا سيدتى : الجميله

على اهدائك لنا هذا الصوت الملائكى

كما يسرنى لو تفضلت على

بقبول اهداء ناظريكِ هذه المشاهد المفعمه بالحياة .

هلا تفضلت / مليكتى

تم تعديل بواسطة طائر الليل الحزين
رابط هذا التعليق
شارك

خوف وتوجس فالرؤيه ضبابيه

بعد الضباب

هينزل مطر

المحنة

هتبقي

منحة

هنقوي

هنقوي

هنقوي

و هنكمل

مش علشان بنعاند و خلاص

علشان

الحلم نفسه صح

و مشروع جدا

من حقنا نحلم

رابط هذا التعليق
شارك

  • 2 weeks later...

العزيزه لماضه مصريه

ليت لى بعضا من تفاؤلك ..

ولكنى ايضا ليست يائسه من رحمته

حاشا لله .. واملى ان تنقشع عنا

الغمه قريبا وتهطل الأمطار لتزيح

السحابه السوداء التى تغطى سماءنا

وكل سنه وانت بخير ورمضان مبارك

السلام عليكم و رحمة الله و بركاته

طب انتي كنتي ماشية كويس و فكرتيني بالمطرة و الاغنية الشهيرة يا مطرة رخي رخي

و هووووووووووب

روحتي جبتي سيرته باللون الاحمر

ده اسمه كلام

ارجوكي متخليهاش يبسطها اكتر من كده....(وش عبد السلام النابلسي قبل ما يتكب عليه حلة الملوخية)

مساكي.....يقين.....ان البركة لسه جاية

بس عايزة تشمير دراعات

رابط هذا التعليق
شارك

قررت ...

ان ادرس لغه جديده

قانونها كله عن الإحساس

وليس فى قاموسها إى إلتباس

طب ما تعلمهالنا كلنا استاذي

كلنا محتاجين

نتعلم مفردات جديدة

ندرب قلوبنا عليها

نحسها و احنا بننطقها

محتاجين نمسك القلم

و نقول

نقطة و من اول السطر

مساك استاذي......أبجدية محبة....في كتاب الحياة اللي لسه بنتعلم منه في كل صفحة

رابط هذا التعليق
شارك

مصر ضاعت

:sad: :sad: :sad:

مستحييييييييييييييييل

مصر اللي ربنا حفظها 7000 سنة

عمرها ما تضيع

راجعة و بقوة و أحسن من الأول بكتييييييييير

أكثر لحظات الليل سوادا هي اللحظة التي تسبق الفجر مباشرة

رابط هذا التعليق
شارك

ليه فجأة الدموع بتهاجم عيوني

و مش بيبقى عندي القدرة اني اوقفها

الروح بتحتاج تتنفس

و كل روح ليها طريقتها

مش يمكن قلبك كان عايز يغسل روحه بالدموع

لو بتريحك و بتطهر روحك

ابكي

لو بترجع بيكي لكل اللي فات

اقتليها بايمانك و بصلاتك و بيقينك ان ما منعك الا ليعطيك

كوني

انتي...بروحك و انسانيتك الجميلة

رابط هذا التعليق
شارك

خــــواطر ...

بـلادنا حماها الله ..تعبانه يا ولداااه

فقرانه مــرضانه...منهوبه عــرض وجــاه

اقباط ومسلمين ...من بعض بقو شايلين

اخوان وسلفين ...عالحكم متنازعين

حتى النيل اشتكى ...والله ده لو بشر لا كان زمانه بكــى

ليه كل مصنع يتبنى ميكونش ليا انا

انا المــصرى الاصيل ...بصلبى اربــى جيل وجيل ..عايش فى بلدى عويل

يــا أمى أشهدى ،،، ده انا لو اخدت من ايوب صبره ...وعليه اكوام من الصابرين

هستحمل مين ولا مين ...قوليلى رايحين فين

ليه كل ليله انام همومى بالكوم ....لي يبقى رمــزك نيــل وقمــح واعيش انا محــروم

كل شيئ منهوب حكمونــا شويه عتاوله .....عايشين عشان مصالحهم وبقينا خلاص مقاوله

امتى اشــــوفك فى شموخك يا قويه واقول دى مصــر دوووله

بــس ازاااى وولادك تعبانين ....؟؟

متبهدلين على طول ...للكوته طافحين ...لكن بعون الله صابرين

فى المساجد والكنــايس موحدين بالله ومصلين متعبدين ...

عايز اشوف فيكى اخلاق ....تعبت خلاص م الظلم والنفــاق ..

يمكن يكوون قدر وابتلاء ...لكن واثــق فى ربى

واثــق من ..عــداله السمـــآآآآء ..

آيــات

:clappingrose::clappingrose:

برافو

يا آيات

مفرداتك ثرية و احساسك عالي

ابن الوزعوام

;)

رابط هذا التعليق
شارك

حاسة بالغباء الشديد

حماااااااااااارة

هو ممكن الواحد يكون مبيفهمش اوي كده؟؟

:)

طيب هو فى الناس حد بيفهم أوي لدرجة إنه يعتبر نفسه حمار؟!

:)

فكرتيني يا أستاذة عبير بحمار الحكيم توما، لما قال :

متى ينصف الزمان فأركب

فأنا جاهل بسيط أما صاحبي فجاهل مركب!!

فلما سئل عن الفرق بين الجاهل البسيط والجاهل المركب قال:

فأما أني جاهل بسيط لأني جاهل وأعرف أني جاهل

وأما أن صاحبي جاهل مركب فلأنه جاهل ولا يعرف أنه جاهل

:)

رابط هذا التعليق
شارك

يعني حتى ما حصلتش حمارة؟؟؟!!!

طيب

حاسة اني انساااااااااااااااااااانة اوي

ينفع كده؟؟

رابط هذا التعليق
شارك

يعني حتى ما حصلتش حمارة؟؟؟!!!

طيب

حاسة اني انساااااااااااااااااااانة اوي

ينفع كده؟؟

يا ساتر..إنسااااااااااانه..وأوي كمان..ليه بتجلدي في ذاتك بالطريقة القاسية دي؟ :)

رابط هذا التعليق
شارك

  • 2 weeks later...

اللهم أرحمنى بالقرءان واجعله لى إماما ونورا وهدى ورحمة اللهم ذكرنى منه ما نسيت وعلمنى منه ما جهلت وارزقنى تلاوته آناء الليل وأطراف النهار وأجعله لى حجة يارب العالمين.

اثابك المولى على الشهر

واعزك مدى الدهر

ورزقك ليلة القدر

وجملك بالسكينه والصبر

وحفظك فى البر والبحر

واسعدك وابعد عنك الشر

وهدى عنك يوم النحر

أمين

رابط هذا التعليق
شارك

اللهم أرحمنى بالقرءان واجعله لى إماما ونورا وهدى ورحمة اللهم ذكرنى منه ما نسيت وعلمنى منه ما جهلت وارزقنى تلاوته آناء الليل وأطراف النهار وأجعله لى حجة يارب العالمين.

اثابك المولى على الشهر

واعزك مدى الدهر

ورزقك ليلة القدر

وجملك بالسكينه والصبر

وحفظك فى البر والبحر

واسعدك وابعد عنك الشر

وهدى عنك يوم النحر

أمين

جزاك الله خيرا أستاذي الفاضل

وأسأل الله لكم خيرا مما سألتموه لي

أمين

رابط هذا التعليق
شارك

...إنّي

أحبُّكَ في بداياتِ السَّنةْ..

وأنا أحِبُّكَ في نهاياتِ

الّسَّنةْ..

فالُحبُّ أكبرُ من جميع الأزمنَةْ

والُحبُّ أرحبُ من جميع

الأمكِنَةْ

ماذا أريدُ إذا أتى العامُ الجديدْ..؟

كم أنت طفلٌ في

سؤالِكَ..

كيف تجهلُ ، ياحبيبي، ماأريدْ؟

إني أريدُكَ أنتَ

وحدَكَ..

أيُّها المربوطُ في حَبْلِ الوريدْ

ياسيَّدي:

ياأيُّها المخبوءُ من عشرينَ عاماً..

في الوريدْ

مادُمْتُ لاجئةً لصدركَ..

ماالذي من هذه الدُّنيا

أُريدْ؟

مادُمْتَ موجوداً معي..

فالعامُ أسْعَدُ مِنْ سعيد...♥



:give_rose::give_rose:

رابط هذا التعليق
شارك

انشئ حساب جديد او قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة

  • المتواجدون الآن   0 أعضاء متواجدين الان

    • لايوجد أعضاء مسجلون يتصفحون هذه الصفحة

  • كتابات مشابهه

    • 106
      تغرد الأطيار تحط على الأزهار تستنشق الرحيق تغدو في انتشاء تروح في انتصار بيد أنها ترى بوح الحبيبة عار؟! و إن لم تبح شكوها وملّوها و نادوها بزقزقةٍ تلتاع لها القلوب قلوبهم ترق تذوب و رغم ذلك يريدون البوح لهم فقط و تغريدهم لكل الفراشات و الأزهار!! طيور أنيقة تعيش في حرية تشدو بكل أريحية تمجد الجمال تذوب في الرحيق تصبغ على الحبيبة كل اللمعان و البريق بيد أن صوتها عورة كلها عورة حتما و لابد أن تختبيء في خمار لأنهم مهما تحرروا لا يزال في أعماقهم أن كل أنثى عار!
    • 218
      أخيرا عثروا على الرجل الوطواط! :)
    • 6
      إذا كانت هذه هي صورة البرلمان المصري عند الجزيزة فما هي صورة البرلمان القطري ؟ وما صورته في ذهن من يستمد ثقافته عن إعلام معادي لبلده 
    • 10
      طوال عمري كان عندي انطباع لا شعوري ان سن الستين شئ بعيد جدا و عندما اقرا عن سن السبعين تاتي على خاطري عبارة " ارذل العمر " ما سبق كان استهلالا لابد منه اذكر في الثانوي كانوا يسلمونا مع الكتب الدراسية في اول العام كتاب اسمه " المنخب من ادب العرب " و اذكر انه من عدة اجزاء و لا اذكر اننا كنا مطالبين بحفظ او استذكار اى من محتوى الكتاب. و لكن المؤكد انني و كثير من زملائي على اختلاف مشاربهم كنا نقرا الكتاب من الجلدة للجلدة و ليس مرة واحدة و لكن مرات عديدة. حتى لا اجنح في الموضوع. كانت هناك
    • 14
      انقل لكم قصيدة جميلة للشاعر عمر بهاء الدين الإميري والقصيدة من ديوان (أب ) وقال العقاد في إحدى ندواته: لو كان للأدب العالمي ديوان في جزء واحد لكانت هذه القصيدة في طليعته : أين الضجيج العذب والشغبُ***أين التدارس شابه اللعبُ أين التَّباكي والتَّضاحُـكُ، فـي***وقتٍ معًا، والحُزْنُ والطَّـربُ؟ أين التسابق فـي مجاورتـي***شغفًا، إذا أكلوا وإن شربـوا؟ يتزاحمـون علـى مُجالَستـي***والقرب منِّي حيثمـا انقلبـوا فنشيدهـم "بابـا" إذا فرحـوا***ووعيدهم "بابـا" إذا غضبـوا وهتا
×
×
  • أضف...