اذهب إلى المحتوى
محاورات المصريين

من وجهة نظرك .. ماذا حدث في إنتخابات الجولة الاولى ليصل الحال إلى هذا المشهد ؟


Recommended Posts

كابوس مش كده ؟

ونتيجة كنا كلنا شايفين مقدماتها بأعيننا لكن كنا بندفن راسنا في الرمال وسايبين النار تشتعل تحت الرماد

نار إيه ؟

نار تهديدات لمصير مصريين معانا في مصر وهما كتيررررررررررررررررر وصلت لهم رسائل دمار شامل

وقولنا فيها إن البناء لن يقوم الا بعد تدمير هؤلاء

وأبتدينا نسمع كلام من هنا وهناك عن الأقلية المسيحية وعن الجزية وتطبيق الحدود وأوعى تفتح بؤك يا وغد .. ولو مش عاجبك .. اهي سفارة كندا موجودة

وأبتدينا نشوف مش نسمع بس احكام وقوانين لألغاء الفن والسياحة و و و و و

وغيرها كتير من هطرشة بدون أساس .... وبدون أفعال تؤيد ذلك

ويشهد الله إننا كتبنا وحذرنا وقولنا كده غلط ومش هو ده الإسلام

والحمد لله .. ذكرنا بالنص مثالي ماليزيا وتركيا

تركيا وحتى الان فيها بلاوي .. وعيني عينك ... ولو مسكنا الجانب الاخلاقي اللي مبهدلنا وشايلين همه كأننا شعب منحل وداير على حل شعره .. هانشوف بعنينا ازاي في ثواني عالجوا بعض تلك المشاكل ومنها الدعارة وذكرت لكم ازاي أردوغان بدأ بأنهاءها تماماً بين الاتراك .. يعني ما فيش ست تُركية تشتغل في المجال القذر ده .. ودبر لهم بديل يكسبوا منه احسن 100 مرة من اللجوء لهذا ... وذكرت لكم أزاي

وحتى في مجال مقاومة العسكر المتجبرين .. شوفنا إزاي بكل سلاسة قضى على نفوذهم بل واعتقلهم كلهم ....

لكن إحنا عملنا زي الراجل المريض اللي بقى له 30 سنة نايم في السرير ومش نافع . ولما ربنا من عليه بالشفاء وبدل ما يقضي فترة إستشفاء يلم فيها جراحة وياخد نفسه .. لأ عمل فيها محارب وقام يتشقلب وعاوز يخلع هدومه وينزل الشارع يشبح ويضرب البشر كلهم عشان يثبت إنه فتوة

الموضوع ما فيهوش تهريج ولا هو فرد دراع

إما ان تفكر وتمشي صح

أو تعمل فيها بطل على الفاضي وممكن تمشي لك خطوتين تلاته وتتغر وتحسب إن أنت مافيش غيرك .. لكنك سرعان ما ستقع لا محالة .. لأنك كنت فقاعة

لكن مازال الامل موجود .. ومازلنا نحمل لقب " إنسان " وهو كائن يتعلم من أخطاءه ..

وإذا لم يتعلم .. يبقى لا مؤخذه تخلى عن هذا اللقب وبقى .. حاجه مش ظريفة

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

انا على فكرة محضر اللكمية .. وأي حد هايكلمني تاني عن برنامج او فريق رئاسي .. هاديله بالبوكس في مناخيرة

عُمركم شوفتوا مرشح بدون برنامج وبيقول فريقي الرئاسي هو خبرتي وللأسف الثورة قامت وإن معركة الجمل هي مجرد تهجيص ومع ذلك ياخد كل تلك الأصوات ؟

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

ايه يااستاذنا العزيز ..هناك (خيالات ) مرعبة وهنا (كوابيس )

يعني ماطبقت نصيحتي شكلك ماتعوذت من عمر سليمان وتعوذت من الاخوان طلعت لك كوابيس ..(امزح ) لاتغضب

احسست بخوفك وقلقك هنا وقبل ذلك حبك لبلدك وطنيتك ناطقة يا ابو عمر

من وجهة نظري ان سبب كل التخبطات التي حصلت اثناء الانتخابات هو الاعلام

الاعلام كان غير صادق وتزييف الحقائق من ابشع جرائم البشرية لانها لاتخدع افراد بل تخدع شعوب

عندي لك تطمينة بسيطة يمكن الخوف الذي بداخلك يتراجع قليلا

قل لنفسك كل ماجاءت تلك الكوابيس ...دي كلها (اربع سنوات فقط ) اربع فقط .

.يا يايثبتون ان مصر ومصلحتها في اعلى اهتمامامتهم..والا فان الشعب سياتي بخير منهم

وستمر الاربع سنوات كلمح البصر ...كن بخير ومصر ستقود العالم من جديد ..(يعني انا اللي هاعلمك التفاؤل )

6f77e2f685875263402c6c971910d25a.gif

رابط هذا التعليق
شارك

كابووووووس

احباط رهيب

عامة لو اكتملت النتيجة بهذا الشكل يكون فيه اعادة بين مرسي وشفيق

تكون الكرة في ملعب الاخوان

لازم يثبتوا للشعب ان مرسي سيكون رئيسا للمصريين وليس الاخوان فقط

لازم يشاركوا الناس في السلطة

صباحي وأبوالفتوح لازم يكون ليهم دور طبقا لشعبيتهم الواضحة

لازم يكون فيه تساوي بين الاخواني وغير الاخواني

لازم نحس ان مرسي هو رئيسنا كلنا

مش بس كلام لأ فعل ووعود علشان يقدروا ياخدوا أصوات أبوالفتوح وصباحي

أقول هذا علما باني سانتخب مرسي حتي لو لم يحدث جميع ما سبق

رابط هذا التعليق
شارك

أما بخصوص ليه حصل كده

للاسف فيه ناس كرهت الثورة بسبب غياب الأمن المتعمد وبسبب نقص التعليم والظروف الاقتصادية الطاحنة

وفيه ناس كرهت الاسلاميين بسبب تصرفات بعض الاسلاميين وكذلك تضخيمها من الاعلام

والمسيحيين معظمهم اتوحدوا علي شفيق في حين الاسلاميين والثوريين اتصارعوا وفتتوا أصواتهم

بالرغم من حزني من موقف المسيحيين بس ألتمس لهم بعض العذر من كتر ما سمعوه من تصريحات عنترية

رابط هذا التعليق
شارك

واحد عنده 67 سنة بيعيط على قناة الجزيرة وبيقول يعني أستغفر الله العظيم انتحر دلوقت واموت كافر بعد التضحيات دي وييجي شفيق

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

دا شى طبيعى

بعد حمله التشوية الاعلامى للاسلاميين و بالذات الاخوان

فى اى حدث هما خونه ؟

و طبعا الحمله دى ادت الى اصابه العديد بالاخوانوفوبيا

واللى طالت حتى د ابو الفتوح

انا توقعت كدة ز قلت لناس كتير ان جزء كبير من انصارة و امام الصندوق سيصيبه عدوى الاخوانوفوبيا و هيختار حمدين

و بكدة يبقى حمدين و ابو الفتوح برررررررررره

يا ريت ناجل خلافاتنا و نعرف ان الفاسد هيولع فى البلد

اداره البلد بنفس النهج القمعى بعد التحول فى مصر صعب

لو شفيق جة مصر داخله على مرحله دموية

امن الدوله اللى كان بس مهمته قمع الاسلاميين و كان باقى الحركات لا خطر منعا

هيكون اكثر عنفا تجاة حركات مختلفة مش تيار ةاحد زى زمان

و طبعا شفسق لازم يكافا حبايبة من البلطجيه و الفاسدين و المرتشين و بقايا الحزب الوطنى

يعنى دوله اكثر فساد

مع تحياتى للاستقرار

رابط هذا التعليق
شارك

اللى حصل ان الثوره فقدت التعاطف الشعبى .. حقيقه مره جدا جدا .. وعدم مواجهتها والاعتراف بها حيزيد الطين بله .. الثوره نجحت فقط فى خلع المخلوع وإنهاء كابوس الثوريث .. وده انجاز كبير من وجهة نظرى.. غير كده .. ملهاش انجازات ملموسه تذكر .. اللهم الا مجلس الشعب المثار حوله لغط وتحفظات من ادائه الكرتونى .. يعنى ممكن نصنفها ثوره ((فشنك)) لو شفيق نجح فى الاعاده .

اللى حصل اننا تفرغنا وانشغلنا و تفننا فى كره الاخر والتحقير منه .. بينما كان العسكر والفلول والاعلام يلعب على الشعب ((الحصان الرابح)) فكان ما كان

تم تعديل بواسطة محمود البصيلى

اللهم أرنا الحق حقا و ارزقنا اتباعه

و أرنا الباطل باطلا و ارزقنا اجتنابه

آمين آمين آمين

رابط هذا التعليق
شارك

انا على فكرة محضر اللكمية .. وأي حد هايكلمني تاني عن برنامج او فريق رئاسي .. هاديله بالبوكس في مناخيرة

عُمركم شوفتوا مرشح بدون برنامج وبيقول فريقي الرئاسي هو خبرتي وللأسف الثورة قامت وإن معركة الجمل هي مجرد تهجيص ومع ذلك ياخد كل تلك الأصوات ؟

قد اعذر من انذر .

قلنا كدة وقلتوا اطلعوا من البلد...وادينا طلعنا .!!!!

(وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً)

[النساء : 93]

رابط هذا التعليق
شارك

قد اعذر من انذر .

اللي حصل إن ... فرد .... يعني إيه فرد ....يعني واحد لوحده ......لا معاه جماعة ولا تنظيم ولا منتم لأيدلوجية معينة ....ولا عنده قنوات ..... بل بالعكس القنوات الفضائية والمنابر الإعلامية ومواقع التواصل الاجتماعي عليه نازلة فيه سب ولعن وتهزيئ وسخرية واستهزاء ليل نهار ... حنى في ملابسة ...... ويتعرض لقوانين إقصائية ثم يرجع ...... هذا الفرد يحقق إنجازا بحصوله على ملايين الأصوات ويدخل في جولة الإعادة من غير تزوير ...... هل هو أحسن أم أن منافسه أساء ؟!!!......اختاروا يا أولي الألباب ... وقولوا الحقيقة وأصلحوا قبل فوات الأوان ....

547696_297464540344456_122623601161885_637668_570423396_n.jpg

عاجل : حملة الفريق احمد شفيق تعلن رسميا الاعادة مع محمد مرسى وتنشر صورة الفريق احمد شفيق وعلامة النصر تحت عنوان :-الحمدلله كما ينبغي لجلال وجهة و عظيم سلطانه مبروك لكل من لم يقنط من رحمة الله

مبروك لكل من تحمل السب و التكفير و الاهانه و الجدال و التخوين

مبروك لكل من تمسك بقضيته , وتمسك بالامل رغم تثبيط الاخرين

مبروك لكل من تحدى , و تصدى

متسمرووون , مقاتلووون ... متوكلووووووووووووووووون

لا أستطيع أن أنكر إن خطابه أفضل مما نقرأه للكثيرين

تم تعديل بواسطة tarek hassan

هل يمكن أن أكتب كلاما مثاليا 

أو أن اصل لمثالية كلامي 

ولا يوجد كلام مثالي 

ولا مثالية لمتكلم

 

رابط هذا التعليق
شارك

قد اعذر من انذر .

اللي حصل إن ... فرد .... يعني إيه فرد ....يعني واحد لوحده ......لا معاه جماعة ولا تنظيم ولا منتم لأيدلوجية معينة ....ولا عنده قنوات ..... بل بالعكس القنوات الفضائية والمنابر الإعلامية ومواقع التواصل الاجتماعي عليه نازلة فيه سب ولعن وتهزيئ وسخرية واستهزاء ليل نهار ... حنى في ملابسة ...... ويتعرض لقوانين إقصائية ثم يرجع ...... هذا الفرد يحقق إنجازا بحصوله على ملايين الأصوات ويدخل في جولة الإعادة من غير تزوير ...... هل هو أحسن أم أن منافسه أساء ؟!!!......اختاروا يا أولي الألباب ... وقولوا الحقيقة وأصلحوا قبل فوات الأوان ....

547696_297464540344456_122623601161885_637668_570423396_n.jpg

كلام حضرتك غير دقيق

شفيق ليس فرد

شفيق هو ورقة الحزب الوطني الرابحه

شفيق ليس فرد

شفيق وراه النظام السابق كله

شفيق لم يكن ليتعرض لقوانين إقصائيه و يعود كما تفضلت إلا لأنه هو القشه التي أراد لها النظام السابق أن تقسم ظهر الثوره

شفيق لو كان بالوصف اللي حضرتك وصفته مكانتش الثوره قامت أصلاً

و لا هو حضرتك مش معانا إن في ثوره قامت ؟ بغض النظر عن إنها للأسف شكلها يعني

كده بعد ما قامت .. نامت

بس معلش .. مش معنى ان دي تكون النتيجه .. إننا نضحك على روحنا بقى و نقول فرد و لوحده و نصدق إنه سوبر شفيق

لا هو لا سوبر شفيق .. و لا تصدره ده كان ممكن يكون طبيعي لو لم يكن مدعوماً و مسنوداً و عارف بيلعب و مين وراه

صحيح كلنا قصرنا .. لكن ده مش معناه إنه الملاك المنزل

تم تعديل بواسطة زهرة الجبل

n4hr_13490737523.jpg

رابط هذا التعليق
شارك

قد اعذر من انذر .

اللي حصل إن ... فرد .... يعني إيه فرد ....يعني واحد لوحده ......لا معاه جماعة ولا تنظيم ولا منتم لأيدلوجية معينة ....ولا عنده قنوات ..... بل بالعكس القنوات الفضائية والمنابر الإعلامية ومواقع التواصل الاجتماعي عليه نازلة فيه سب ولعن وتهزيئ وسخرية واستهزاء ليل نهار ... حنى في ملابسة ...... ويتعرض لقوانين إقصائية ثم يرجع ...... هذا الفرد يحقق إنجازا بحصوله على ملايين الأصوات ويدخل في جولة الإعادة من غير تزوير ...... هل هو أحسن أم أن منافسه أساء ؟!!!......اختاروا يا أولي الألباب ... وقولوا الحقيقة وأصلحوا قبل فوات الأوان ....

547696_297464540344456_122623601161885_637668_570423396_n.jpg

كلام حضرتك غير دقيق

شفيق ليس فرد

شفيق هو ورقة الحزب الوطني الرابحه

شفيق ليس فرد

شفيق وراه النظام السابق كله

شفيق لم يكن ليتعرض لقوانين إقصائيه و يعود كما تفضلت إلا لأنه هو القشه التي أراد لها النظام السابق أن تقسم ظهر الثوره

شفيق لو كان بالوصف اللي حضرتك وصفته مكانتش الثوره قامت أصلاً

و لا هو حضرتك مش معانا إن في ثوره قامت ؟ بغض النظر عن إنها للأسف شكلها يعني

كده بعد ما قامت .. نامت

بس معلش .. مش معنى ان دي تكون النتيجه .. إننا نضحك على روحنا بقى و نقول فرد و لوحده و نصدق إنه سوبر شفيق

لا هو لا سوبر شفيق .. و لا تصدره ده كان ممكن يكون طبيعي لو لم يكن مدعوماً و مسنوداً و عارف بيلعب و مين وراه

صحيح كلنا قصرنا .. لكن ده مش معناه إنه الملاك المنزل

ما الحل من وجهة نظرك .... هل الحل هو إطلاق المزيد من النكات الساخرة بشفيق والسخرية من البلوفر بتاعه ..... ولا الحل نقوم بثورة جديدة على اختيار ناس مصريين له ....أو الحل إننا نستمر ونستمر في تحقير قطاع عريض من الشعب المصري انتخبه ....الحل إننا نقول اللي انتخبوه جهلة وحمقي ومرتشين وفيهم ناس كتير غلابة سئموا من لغة التهديد والوعيد بقيام ثورات واحتجاجات ومظاهرات ... اللي أنا متأكد منه إن اليومين الجايين هتتغير مفاهيم كتيرة وينبغي ألا نقف محلك سر ... وينبغي أن ننتهي عن لغة سئمها الناس ونجحت بامتياز في تنفير عامة الشعب ... في النهاية هذه رسالة مع يقيني بنجاح المرسي في جولة الإعادة ولكن علينا أن نستفيد

تم تعديل بواسطة tarek hassan

هل يمكن أن أكتب كلاما مثاليا 

أو أن اصل لمثالية كلامي 

ولا يوجد كلام مثالي 

ولا مثالية لمتكلم

 

رابط هذا التعليق
شارك

اللى حصل من وجهة نظرى إننا طردنا الخبرات اللى عندها رؤية وفاهمة يعنى إيه ثورة وفاهمة يعنى إيه إجراءات ما بعد الثورة عشان الثورة تحقق أهدافها وقلنا عليهم عاوزين يركبوا على السلطة وخلاص.

وقمنا ضحكنا على نفسنا وسلمنا الثورة للب النظام اللى قامت الثورة ضده وقلنا هم دول اللى هيحققوا أهداف الثورة اللى هى من ضمن أهدافها التخلص من سيطرتهم على الحكم.

باختصار يعنى مشينا بمنهجية الفهلوة بتاعتنا المعتادة ورفضنا نتحرك وفق منهج وأسلوب علمى عشان ده كلام مكتوب فى الكتب بس بناخد به شهادات أكاديمية ونطلع نقوله فى التلفزيون عشان الناس تصفق لنا وتقول علينا نخبة وخلاص, إنما نننفذه ونطبقه فى حياتنا لا عيب طبعاً.

نعمل إيه بقى؟

بصراحة مش عارف دلوقتى, الواحد لسه حاسس إنه فى كابوس ومش قادر أفكر.

وللأسف الاختيارات مفيهاش حاجة تسر القلب كده, لأن مشكلة مصر الحقيقية هى سيطرة العسكر على الحكم, ومن وجهة نظرى لا شفيق ولا مرسى ممكن يمشوا فى طريق تقليص سلطات العسكر حتى التخلص منهم.

بدون مبالغة، اللي ناقص عشان نفهم، إن المشير يطلع في بيان على الهوا وفي ايده السلاح ويقول: أيوة يا شعب احنا الطرف التالت، واحنا اللي ورا موقعة الجمل وماسبيرو والعباسية (1) والسفارة الإسرائيلية ومسرح البالون ومحمد محمود ومجلس الوزراء وبورسعيد والعباسية (2)، عايزين حاجة يا شعب؟

shawshank

رابط هذا التعليق
شارك

من وجهة نظرك .. ماذا حدث في إنتخابات الجولة الاولى ليصل الحال إلى هذا المشهد ؟

من وجهة نظري أنه ليس هذا هو السؤال الأنسب الآن

خاصة في هذا الظرف الحرج جداً من حيث ضيق الوقت و خطورة الموقف

أعتقد السؤال الأنسب الآن هو :

من وجهة نظرك ما الذي يجب أن نفعله حتى نخرج من هذه الأزمه و حتى لا نقع في هذا الفخ

صحيح لازم نعترف كلنا إن (( المدفونه كسرت المحرات )) لكن حتى هذه الحقيقه يجب أن نختزنها قليلاً و نلتفت لما يجب عمله و بعدين نبقى نعود لها فيما بعد لنعتبر منها و نتعلم الدرس

ما يجب عمله الآن هو أننا نطبق قاعدة أنا و أخويا على إبن عمي و أنا و إبن عمي عالغريب

أتوسل كل من هم ضد الإخوان .. أتوسلكم و أرجوكم .. إوعوا رفضكم للإخوان ينسيكم ما معنى عودة النظام السابق مره أخرى

و أرجو كل من هم في منطقه وسطيه .. أرجوكم كفايه نخوف الناس في المرحله الحاليه من مرسي

أرجوكم حاولوا تتعاملوا مع الأمر الواقع .. هذه هي المعطيات التي نملكها الآن و دي حقيقه

عن نفسي محمد مرسي لم يكن أبلغ آمالي من الثوره .. لكنه أصبح كذلك الآن بسبب الأمر الواقع الذي أصبحنا جميعاً فيه

أرجو كل من ينوي المقاطعه .. إنتبهوا فالمقاطع الآن هو أسوء و أدل من اللذين أعطوا صوتهم في الجوله الأولى للفلول

شفيق أخذ بالجزمه في وشه و كان رد فعله إنه إبتسم و قال ده مجرد خلاف في وجهات النظر و كمل إللي بيعمله .. و أدينا شوفنا وصل لفين

مانجيش إحنا بقى ناخد بشفيق في وشنا نقوم نربط الفوطه الصفرا عالعداد و نقول خلاص لحد هنا و هنقف .. و نسيب الجمل بما حمل لمدبر موقعة الجمل

أرجوكم جميعاً إتوحدوا شويه اليومين دول بس

ياما قلنا التحزب و التعصب هيودينا في داهيه .. يا ريت منفضلش عباد للعصبيه لحد ما نرجع عبيد للنظام الفاسد تاني

يا رب نفوق و نتعظ و نعرف إن لو كان في لحظه فارقه في الثوره دي كلها من وقت قيامها لحد الآن فمفيش أهم من اللحظه إللي إحنا فيها دلوقت

يا نلحق الباقي .. يا نموت بالحيا .. و ساعتها و الله حتى الموت هيبقى خساره فينا

n4hr_13490737523.jpg

رابط هذا التعليق
شارك

دي كارثة ...

ده مش قلم على الوش

ده قفا وبيطرقع

تخيلوا شفيق يكتسح مرسي في محافظة الشرقية اللي هي حصن حصين ومغلق بالضبة والمفتاح للاخوان حتى من أيام مبارك ؟

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

لما اتكلمنا وقلنا وعدنا وصرخنا من أول ايام الثورة وف عز ما العالم كله كان بيبص علينا ويقول اتعلموا من المصريين ..

لما تنحى ( الرئيس السابق ) وقالوا ..( تخلى ) ..لكنه لم يتنحى ..

بدأنا ندرك ابعاد اللعبة القادمة ...اللعبة اللى توقعنا انها قادمة لامحالة ..

وقلنا..وقيل لنا من المخلصين .

لابد تقوم ثورة على كل شئ ولابد ان ( تقتلع ) جذور الفساد ...ونبدأ صفحة جديدة ..

لاتثقوا الا بأنفسكم ..

و..

محدش سمع الكلام.

وسلمتوا القط مفتاح الكرار ..

و..

قلنا ....يجرى التحضير لشفيق ..

ومحدش صدق ...

وكانت تتم السخرية علنية ..( حتى ان احدهم قال ) ...كلام حريم وهو معقول ده يحصل ؟؟

طيب...

قلنا..طيب..

والميه تكذب الغطاس ..

خللوا بالكم...بلاش تفرقة ....كله بيترتب على نار هادية ..

المداخلات موجودة وبتواريخ قديمة ....ولله الحمد محدش يقدر يقول انه كذب.

اذن ..

ايه اللى حصل ؟؟؟

مشيوا بمبدأ........فرق تسد.

وبداءوا هم يشتغلوا على ميه بيضا ..

حلو الكلام؟؟؟

عاوزين انتخابات؟؟.........اليكم انتخابات..

عاوزين اسلاميين؟؟.......اليكم اسلاميين..

كل اللى انتم عاوزينه احنا تحت امركم ......

و..

للأسف ..

للأسف الشديد...

اتضح ان فعلالالالالالالالا.......دود المش منه فيه .

ويبقى لدينا أمل واحد بحق يوم الجمعة وبركته..

ربنا قادر على كل شئ ....والتغيير يأتى من عنده سبحانه وتعالى .

ويارب الناس تتغير ..ويارب تكون الاعادة بين ( المفروض علينا ) وبين حمدين ...وهو اقل الضررين .

لكن مرسى ؟؟؟ يعلم الله وحده ......من يتبع..!!!!

ودمتم..

جمعة مباركة عليكم جميعا...

(إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ))[الرعد:11]

(وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً)

[النساء : 93]

رابط هذا التعليق
شارك

ما الحل من وجهة نظرك .... هل الحل هو إطلاق المزيد من النكات الساخرة بشفيق والسخرية من البلوفر بتاعه .....

لا خالص .. مش هو ده الحل .. و لا الحل انك تصور للناس إن معدش في حلول غير ده

ولا الحل نقوم بثورة جديدة على اختيار ناس مصريين له ....أو الحل إننا نستمر ونستمر في تحقير قطاع عريض من الشعب المصري انتخبه

ربنا لا يقدر .. حضرتك ليه ماشي على سطر و سايب سطر ؟ ليه ناسي إن في جوله تانيه إن شاء الله لازم نشوف هنعمل فيها إيه

مش صح إني أصور لكل اللي بيقرأ كلام حضرتك إن دي نهاية المطاف .. لو كان مطلوب نستفيد زي ما جاء في آخر كلمه من مداخلتك يبقى لازم اتدارك الأمر حالاً

مش أقعد أخوف الناس من الثوره الثانيه و كأني بقول يا شفيق يا الدم

....الحل إننا نقول اللي انتخبوه جهلة وحمقي ومرتشين وفيهم ناس كتير غلابة سئموا من لغة التهديد والوعيد بقيام ثورات واحتجاجات ومظاهرات

هو رغم إن الإقتباس اللي فوق ده صحيح إنما كمان مش الحل إني أقعد اردده ..

الحل يجب أن يكون عملي مش شفوي .. الحل يجب أن يكون بالعقل .. بالتوحد .. بتوحيد الصفوف .. بإدراك الخطر علشان نضمن التمكن من التصدي له

الحل في إجهاض محاولات الإحباط و إفشال محاولات التثبيط .. الحل في إدراك إن الدنيا لسه ماضاعتش قوي .. صحيح على وشك .. إنما نقدر نتداركها

.... اللي أنا متأكد منه إن اليومين الجايين هتتغير مفاهيم كتيرة وينبغي ألا نقف محلك سر ... وينبغي أن ننتهي عن لغة سئمها الناس ونجحت بامتياز في تنفير عامة الشعب ... في النهاية هذه رسالة مع يقيني بنجاح المرسي في جولة الإعادة ولكن علينا أن نستفيد

هو ده الحل .. لكن يجب تنقيته من عوامل الإحباط و التعتيت و كذلك من عوامل تعظيم الكارثه و تضخيمها

و لا تهوينها على فكره

لكن يجب أن نعطي لك أمر حجمه الطبيعي .. علشان مانتركش ورانا (( مدفونه )) تانيه .. ترجع تاني و تكسر لنا (( المحرات ))

هو ده الحل

n4hr_13490737523.jpg

رابط هذا التعليق
شارك

دي كارثة ...

ده مش قلم على الوش

ده قفا وبيطرقع

تخيلوا شفيق يكتسح مرسي في محافظة الشرقية اللي هي حصن حصين ومغلق بالضبة والمفتاح للاخوان حتى من أيام مبارك ؟

أوعى تقول إنه اكتسح قرية العدوة، محافظة الشرقية مسقط رأس المرسي كمان

تم تعديل بواسطة tarek hassan

هل يمكن أن أكتب كلاما مثاليا 

أو أن اصل لمثالية كلامي 

ولا يوجد كلام مثالي 

ولا مثالية لمتكلم

 

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...