"محاورات المصريين" موديل 2005

[amostafa]

انا عندى شويه افكار و اقتراحات للموقع ,كانت بتظهر لما كنت بكتب او بقرأ موضوع او باضيف مشاركه , و اكيد كل و احد مننا مره علىالاقل قال فى نفسه "يا سلام لو ممكن الواحد يعمل الحاجه دى على الموقع ;) كانت تبقى أستاذه " او "إده !! البتاعه دى مفروض تعمل كذا مش كذا " ,, من الحجات إللى فاكرها دلوقتى :

• يا ريت يكون فى شريط عناوين تانى ,اسمه مثلا, جديد "مواضيعك المفضله" ,يكون وظيفته تماما مثل "»أخبرني بجديد هذا الموضوع«" ,فمع الاميل اللى بيتبعت لى عن المشاركات الجديده فى المواضيع المفضله ,يظهر اسم الموضوع فى الشريط ده,,,, و بالتالى الشريط العلوى يكون فيه كل المواضيع الحديثه او المعدله ,و الشريط الجديد يكون فيه كل المواضيع المفضله للعضو الحديثه او المعدله .
  
• ليه مافيش إلا "تعديل" للمداخله او الموضوع إلى دخلها العضو !! ليه مافيش "حذف" ؟؟
  
• الإيموشنز (الصور التعبيرية ) عايزه تتروش شويه.
  
• ليه مايكونش لكل عضو مساحه خاصه (5 او 10 ميجا) علشان يعمل upload لصور ,برامج او files ممكن تنفع بقيه الاعضاء.
  
• لما بختار موضوع موجود فى شريط العناوين ,و الموضوع يفتح و اقرأ اخر مشاركه فيه ,ليه الموضوع ما بيتشلش من شريط العنويين!!! حتى بعد معمل رفريش كذا مره !! الحكايه دى بتخلينى كل 15 دقيقه ,افتح نفس الموضوع (لأانه لسا وجود فى الشريط) ظنا منى ان فى رد او مشاركه جديده ! بس مابلقيش حاجا جديده.
  

و عندى ملاحظات تانيه ,بس مش فاكرها دلوقتى ,,,,, يا ريت إللى عند ملاحظه او اقتراح او اى شىء لتجديد و تحسين و تهذيب الموقع ممكن يضيفها ...

و يا ريت الساده المشرفيين ياخدو الملاحظات و الإقتراحات فى عين الإعتبار و يطلعولنا "محاورات المصريين" موديل 2005. :D

تم تعديل 12 ديسمبر 2004 بواسطة amostafa

[فــيــروز]

[*]الإيموشنز (الصور التعبيرية ) عايزه تتروش شويه.

فعلا

محتاجين مجموعة ايموشنز جديده :D

[Modest]

وياريت تُضاف ميزة الاشتراك التلقائي في الموضوعات اللي العضو بيكتب فيها سواء كان هو من بدأ الموضوع أو قام بالرد .. إن أمكن طبعاً

[mwefy]

[*]لما بختار موضوع موجود فى شريط العناوين ,و الموضوع يفتح و اقرأ اخر مشاركه فيه ,ليه الموضوع ما بيتشلش من شريط العنويين!!! حتى بعد معمل رفريش كذا مره !! الحكايه دى بتخلينى كل 15 دقيقه ,افتح نفس  الموضوع (لأانه لسا وجود فى الشريط) ظنا منى ان فى رد او مشاركه جديده ! بس مابلقيش حاجا جديده.

صح 100%

[فــيــروز]

وياريت تُضاف ميزة الاشتراك التلقائي في الموضوعات اللي العضو بيكتب فيها سواء كان هو من بدأ الموضوع أو قام بالرد .. إن أمكن طبعاً

يعنى ايه اشتراك تلقائى؟ :D

[Handicraft]

الرد السريع موجود فى ابواب وأبواب لأ

[Cleo]

بالنسبة للشكل:

أقترح أولا تغيير اللوجو أو جعل ألوان علم مصر إما براقة جدا أو water mark لأن لونها الحالى شاذ جدا عن باقة ألوان الموقع.

بالنسبة للمضمون:

أقترح إضافة باب الأرشيف على أن تقوم الإدارة بتحديثه من وقت لآخر وتخرج علينا بين الحين و الحين بكنوز الماضى. ممكن كل إسبوعين يعرض الأرشيف مثلا موضوعين من القدامى.

بالنسبة للإدارة:

أقترح أن تعيد الإدارة نظر فى موضوع منع انتقاد الإدارة و منع الاعتراض. ممكن يمنع الاعتراض بشكل حاد أو انقلابى، لكن برضه يحق للمواطن حق الاعتراض (إذا كانت الحكومة بتسمح بيه..!!) :D

[ragab2]

ياسيدى

الإيموشن اللى مش موجود اكتب بدله .. وش كذا

واحنا هانعرف

واهو يمشى الحال

[Modest]

وياريت تُضاف ميزة الاشتراك التلقائي في الموضوعات اللي العضو بيكتب فيها سواء كان هو من بدأ الموضوع أو قام بالرد .. إن أمكن طبعاً

يعنى ايه اشتراك تلقائى؟ :D

الاشتراك التلقائي يعني بمجرد كتابتك للموضوع أو القيام بالرد على أي موضوع تصبحي مشتركة فيه و بالتالي ييجي لك إخطار على البريد بوجود رد على نفس الموضوع... يعني الأساس في الموضوع هو الإخطار البريدي للمواضيع اللي بدأتيها أو اللي رديتي عليها و بدون أن تطلبي الاشتراك بعد كتابة الموضوع و هذا "في رأيي" شيء منطقي و أعتقد موجود في بعض المنتديات ;)

[فــيــروز]

ايوه يا موديست بس دى حاجه صعبه جدا وممكن تملأ صندوق البريد الخاص بالاعضاء .. :P

انا فاكره فى منتدى من المنتديات اشتركت فيه ببريد الكترونى حقيقى وباستخدمه بصفه يوميه وكان فيه الخاصيه دى .. كنت فعلا كل يوم ابعت استغاثه :D اقول لهم يبطلوا يبعتوا لى اعلام بريدى خصوصا انى اخترت عدم الاعلام لان صندوق البريد بيتملى .. ;)

[emmyyy]

خاصيه Downloadالمواضيع

ساعات بيبقي في مواضيع نفسي احتفظ بيها او عايزه اقراءها كلها مره وحده و انا مش Online

[move]

ممكن??

[Lighthouse]

خاصيه Downloadالمواضيع

ساعات بيبقي في مواضيع نفسي احتفظ بيها او عايزه اقراءها كلها مره وحده و انا مش Online

[move]

ممكن??

الخاصية دي موجودة بالفعل ياايمي

شوفي

في نهاية صفحة اي موضوع ستجدي زر مكتوب عليه خيارات

عند الضغط على هذا الزر ستفتح لك قائمة بها ثلاث اختيارات لتنزيل الموضوع منها خيار لطبع الموضوع وخياران لحفظه على جهازك واحد على شكل هتمل والتاني في ملف وورد

يمكنك اختيار الطريقة التي تودين بها حفظ الموضوع

:angry: :D lo::

[emmyyy]

ميرسي كتيرLight

:angry:

[Modest]

ايوه يا موديست بس دى حاجه صعبه جدا وممكن تملأ صندوق البريد الخاص بالاعضاء ..  mf(

انا فاكره فى منتدى من المنتديات اشتركت فيه ببريد الكترونى حقيقى وباستخدمه بصفه يوميه وكان فيه الخاصيه دى .. كنت فعلا كل يوم ابعت استغاثه  mfb: اقول لهم يبطلوا يبعتوا لى اعلام بريدى خصوصا انى اخترت عدم الاعلام لان صندوق البريد بيتملى ..  ngh:

شوفي يا ستي

هي الفكرة إنك تلاقي الردود بسهولة على موضوع مهم تكوني كتبتي فيه و راغبة في إنك تتابعيه لإن ممكن المشاركات تكون كتير و الموضوعات كتير و تلاقي الموضوع راح في الرجلين و مش لاقياه بسهولة ... و بالنسبة لموضوع الإيميل ممكن تعملي إيميل كبير يكون خاص بالمحاورات (أظن مش خسارة في المحاورات :D ) و يكون POP3 علشان ييجي لك على الـoutlook اللي ممكن يكون شغَّال طول ما انتي أونلاين و يستقبل الإيميلات بدون مجهود و لا إضاعة وقت و كمان مسح الرسائل فيه طبعاً من أسهل ما يمكن و لايستغرق أكثر من ثواني. :)

و من وقت للتاني يمكنك الدخول على لوحة التحكم الخاصة بك في المحاورات و إلغاء الموضوعات اللي فقدتي الرغبة في متابعتها..

تم تعديل 13 ديسمبر 2004 بواسطة Modest

[Modest]

فيه شيء تاني .. معلش استحملونا ... و هو عند ورود إخطار بريدي بوجود رد على أحد الموضوعات يقوم الرابط الموجود بالإخطار بفتح الموضوع من أوِّله حتى و لو كان الموضوع 10 صفحات!!! .. ألا يمكن إرسال رابط للـ New Post مثل الروابط الموجودة بالشريط المتحرك أعلى الصفحة؟ ... توفيراً للوقت و حتى يمكن الاطلاع على الموضوع بدءاً من الردود الجديدة بدلاً من فتحه من أول صفحة ثم الانتقال يدوياً للمشاركات الجديدة؟

[amostafa]

بالنسبة للشكل:

أقترح أولا تغيير اللوجو أو جعل ألوان علم مصر إما براقة جدا أو water mark لأن لونها الحالى شاذ جدا عن باقة ألوان الموقع

صح :lol: ال Look and Feel محتاجين نظره ,البانر إللى فوق مثلا محتاج يتملى شويه , ده 80 %منه فاضى ....

[ragab2]

اقتراحى

أن يكتب اسم آخر صاحب رد بعد عنوان الموضوع فى الشريط الدائر

مثل بعض المنتديات

[amostafa]

اقتراحى

أن يكتب اسم آخر صاحب رد بعد عنوان الموضوع فى الشريط الدائر

مثل بعض المنتديات

اده !! هو المشرفيين بيقترحو برضو :D !!! زينا زيهم !!! انا فاكر ان المشرف ده اقترحاتو اوامر و تنفز !!! دانتو طلعتو غلبانين زينا el memebers. :o

هو احنا هانفضل نقترح كده كتيير ... مفيش حد يبل رقنا بكلمتيين :lol: ,زى "انشاء الله هانعمل حساب المقترحات دى فى الخطه الخمسيه اللى جايه" او "الميزانيه لا تمسح" ... او حجات م ندى cr((:

[Set_Amina]

انا من مؤيدي اقتراح موديست

بصراحة انا باكتب في موضوع وبالتأكيد باحب اعرف الموضوع مين رد عليه ومين قال ايه، انما من كتر المواضيع والله اكبر مش باقر ولا حاجة، من كترها بلاقي نفسي لا عارفة انا كتبت في ايه ولا مين رد عليا ولا مين ماردش

ساعدوني والنبي انتوا عارفين الست امينة بقى وحوستها الكبيرة في المنتديات الفخيمة ذات المواضيع المتعددة والكثيرة :lol:

[Modest]

[*]الإيموشنز (الصور التعبيرية ) عايزه تتروش شويه.

بدل ما نعيب على الحكومة (إدارة المحاورات) في كل حاجة ممكن نشارك بنفسنا

فيه برنامج عندي سبق أن أرسلته لبعض أصدقائنا الأفاضل هنا و أخيراً وجدت له رابط ليمكن لمن يرغب في تحميله و استخدامه لوضع الكثير من السمايليز الجميلة.

البرنامج اسمه GetSmile و يمكن تحميل أحدث نسخة من هنــــــــــــــا

يوجد بداخل الملف المضغوط "بالإضافة إلى البرنامج" ملف آخر عبارة عن موَلِّد لبيانات التسجيل.

بعد فك الضغط عن الملف و عمل setup للبرنامج على الكمبيوتر سيطلب بيانات التسجيل.. قم بتشغيل الملف Keymaker.exe وانسخ البيانات التي ستظهر وألصقها بالمكان المطلوب حتى يتم تسجيل البرنامج و لتصبح النسخة كاملة.

أرجو الإنتباه أنه يجب عليك نسخ كااااامل البيانات من الـ Keymaker.exe حتى إذا ظهرت أقواس في بيانات التسجيل يجب نسخها أيضاً.

أمثلة للسمايليز الموجودة بالبرنامج: