كيف كان عقابك المدرسى؟

[فــيــروز]

كان فى فصلنا عمود خرسانة فى ركن الفصل وكان فيه مدرس علوم سادى بمعنى الكلمة لما يحب يعاقب واحد يقوله عايز تركب الصاروخ ولا الطائرة ,لو قاله الصاروخ فده معناه انه يتعبط على العمود وده بيكون انه يحضن العمود واتنين يشدوه من ايديه ولو قال عايز يركب الطائرة فده معناه انه يتعبط وهو متشال من اربعة ,كل واحد شايل طرف من اطرافه الاربعة,شفتم سادية اكتر من كده :huh:

شئ مرعب فعلا

على فكره .. باحس ان التخيير فى نوع التعذيب يدل على شخصيه اكثر مرضا من تلك التى تفرض العقاب على من يقع تحت يديها .. فعلا النفس البشريه دى سر كبير mc:

[Farida]

انا بقه كنت من البنات الشاطرين و الحمد لله عمرى ما اتضربت و الحمد لله مع انى كنت دايما اخاف من الضرب و اعمل الواجب و اكتب الدرس عشرين مرة لما ماما تقولى ريحى نفسك اقولها احسن اتضرب كانت مره حرارتى اربعين و مش شايفه قدامى بس المدرسه قالت لازم تكتبوا الدرس 20 مرة فماما كلمتها تستأذنها ترحمنى علشان عيانه الست قالت لها انا مش باقول الكلام ده لبنتك بنتك شاطرة الكلام ده للخايبين بس ....

كان فيه مدرس مشهور قوى فى المنيل اسمه الأستاذ شعلان ده كان تخصص ابتدائيه و كان له شقه للدروس الخصوصيه و فيها صاله كبيره جدا تاخد عشرين تلميذ تقريبا و كنا و احنا خارجين نخرج اتنين اتنين و بين كل اتنين 10 دقايق زى فيلم فى بيتنا رجل كده .....و كان الصراحه مرعب بس لما يحب يهزر يضحكنا كلنا انا كنت باحبه جدا و هو كان دايما يدللنى فى الدرس علشان شاطرة و كان التلاميذ الخايبين يمدهم بنات وولاد و اول شروط الدرس ان البنات تلبس بنطلونات علشان لما تتمدو كانت له طريقه فى المد انه يقعد الولد او البنت على الأرض قدامنا كلنا و يخليه يفرد رجله و يجيب كرسى طويل اللى من غير مسند و له قعده مدوره و يحطه على رجل اللى بينضرب و يقعد على الكرسى و هاتك ياضرب و بعد ما يضربهم ما يسيبهومش الا لما يضحكوا تانى ......و المهم الأهالى كانت راضيه و مبسوطه لدرجه شفت اب من اللى ابنه بينضرب كل يوم بيترجى الأستاذ شعلان علشان ياخد ابنه فى مجموعه كمان زائد اللى هو فيها ......

على العكس بقه افتكرت ابن خالى فى المدرسه الأعدادى كان هو و اصحابه شياطين لدرجه ان مدرس العربى لما مالقاش حل معاهم وقف فوق الكرسى و هو حايعيط و قالهم و الله لو ماسكتوا لأكون رامى نفسى من الشباك و جايبلكم مصيبه

[jbarat]

على أيامنا كان في معلم رياضيات يضرب على المؤخرة كان ينده على الطالب اللي حيتعاقب ويقله نزل البنطلون والاندر ويخليه اتنين من الصف يمسكوه ويضرب بالخرطوم على المؤخرة بقوة وتكون مؤلم جدا