اذهب إلى المحتوى
محاورات المصريين

كيف كان عقابك المدرسى؟


MuslimaEgyptian

Recommended Posts

عارف ان سى السيد ح يحدفنى بحاجة بعد ما طلعنا كلنا من الأوائل ..

بس والله أنا كنت كدة (فى ابتدائى بس !! ) و كنت عامل فيها الواد الفتك بتاع كل الانشطة ...

يعنى موسيقى تلاقى ... pp:

شرطة شغال ... me0:

كشافة ما يضرش ... ax:

و ده طبعاً كان محققلى شهرة لا بأس بها ... gsm::

لحد ما جه اليوم الموعود

يا ريتهم كانوا عصيتين ع الماشى !!!

أو تذنيبة و لو على طريقة ابو غريب !!!!

لكنها كانت "عبطة" !!!

و لمن لا يعرف ما هى "العبطة" فحسب موسوعة التعذيب البريطانية :

هى نوع من انواع الأذى الجسدى و فيها تعدى على منطقة شديدة الخصوصية بالضرب بالعصا !!!

طيب ليه و علشان ايه ... قاللك المسواة فى الظلم عدل ... (مين ابن الـ .... اللى قال كدة !! )

و على الملأ !!! على سارى العلم !!! وسط الطابور ...

و طبعاً الفضيحة كانت بجلاجل ... :)

لكنى اعتبرتها – طبعاً – دفعة للأمام و وقفة مع النفس !!!!

و هى كانت وقفة لانى ما كنتش قادر اقعد !!!! mf)

أحاول إحراقَ كلِ النصوصِ التي أرتديها.

فبعضُ القصائدِ قبْرٌ،

وبعضُ اللغاتِ كَفَنْ.

وواعدتُ آخِرَ أنْثى...

ولكنني جئتُ بعد مرورِ الزمنْ...

...

! !

من قصيدة " متى يعلنون وفاة العرب؟؟"

لنزار قبانى

رابط هذا التعليق
شارك

  • الردود 62
  • البداية
  • اخر رد

أكثر المشاركين في هذا الموضوع

أكثر المشاركين في هذا الموضوع

بجد يا استاذ س س؟ mf)

طب ايه علاقة التربية القومية بالكيمياء؟ :)

يا باشا عبرنى,الله يكرمك

تم تعديل بواسطة محمد شلبى
رابط هذا التعليق
شارك

طب مين من رجاله المنتدى إللى هايحكى لنا ذكرياته مع التربيه العسكريه فى ثانوى ؟؟؟؟؟

أنا لا يمكن ها أنسى طول عمرى ضابط ـ مقدم ـ كان إسمه عادل...... ومش ها أقول إسمه الثانى لحسن حد يكون يعرفه أو قريبه هنا ، كنا طلاب فى ثانوى والمفروض العسكريه دى حاجه علشان تعلمنا الخشونه ولكن سياده المقدم كان بدون مبالغه يتعامل معنا مثلما يتعامل مع عساكر القوات الخاصه فى الوحده بتاعته ، كان معتز جدا بصوته الأجش الجهورى وفمه كان والله فى لحظه غضبه يتحول لمترليوز شتائم وسباب من أقذع وأحط الأنواع ، لدرجه إنى أفتكر له لحد دلوقت لحظه صفاء مع نفسه كان بيحاول يكلمنا فيها كأخ أكبر فقال آيه قرآنيه وفى الحال أعقبها بتفسيره الخاص وقال وهو يريد أن يغرس فينا الخشونه لازم ياولاد تبقوا رجاله بجد مش رجاله ولاد (******* :) ، أعوذ بالله من لسانه) وقالها بكل هدوء وكأنه الحكيم لقمان بيعظ إبنه ، أستغفر الله العظيم ، لايمكن هاأنسى فلسفته فى التعامل مع أى طالب مشاغب كان يحط راسه براسه ويقول كلمه رددها كثير "برمجه بأه إحنا ملوك البرمجه"

كان على إيامنا لبس العسكريه عامل زى لبس بتوع الأنابيب زمان ، لونه رصاصى غامق ، وكانوا ساعات يصروا إن من ضمن التدريبات يخلونا نزحف على التراب فيترتب على كده إننا نروح زى بتوع الأنابيب بالضبط

ويوم ضرب النار ـ قال يعنى ـ لن أنسى إسم البندقيه ، كان إسمها موريس 500 مللى ، وكان فيه ناس زى إسماعيل ياسين والله أول مايمسكوها تلاقى المكان كله إتكهرب ، خلى الفوهه للأرض ياطالب ، إنبطحواااا ، ثااااااابت

كانت أيام

المهم إنى لما حصلت على البكالوريوس فوجئت بيهم حاجبين النتيجه فى لوحات العرض بتاعتى أنا وعشرات غيرى فرحنا نسأل ليه قالوا لازم تخلصوا دوره عسكريه ثلاث أسابيع الأول ، وكانت برضه ذل وفى عز الصيف

تم تعديل بواسطة Sharkiah

بسم الله الرحمن الرحيم ـ وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْراً أَن يَكُونَ لَهُمُ الْخِيَرَةُ مِنْ أَمْرِهِمْ وَمَن يَعْصِ اللَّهَ وَرَسُولَهُ فَقَدْ ضَلَّ ضَلَالاً مُّبِيناً ـ صدق الله العظيم

رابط هذا التعليق
شارك

بجد يا استاذ س س؟ :angry:

طب ايه علاقة التربية القومية بالكيمياء؟ <_<

يا باشا عبرنى,الله يكرمك

إنت لسه فاكر يا محمد يا شلبي ؟

إيه غريبة دي إن مدرس تربية قومية يبقى بيدرس كيميا لحد ما يجيبوا مدرس كيميا ؟ ... يا عم انا بأضحك معاك .. واعوذ بالله إني اكون مُدرس ..

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

وانا في الأبراهيمية الثانوية قبل ما تبقى عسكرية كان عندنا وكيل رهيب اسمه على فوزي النظرة منه تسحر على رأي محمد فوزي كل ما فيه غليظ صوته ,قلبه,شنبه,كف ايده يعني م الآخر هولاكو المهم في يوم م الأيام كان في واحد غايب م الجماعة اللي جنب الشباك اللي ع الشارع وبيشوفو البنات الحلوين وهم ماشيين وهوب رحت ناطط ع المكان ومتبت فيه أوووووووووم لجل البخت الأسود يفط لنا عم علي فوزي ومعه عصا غليظه ويقول : مين بقى اللي رمى عليً الزبالة امبارح وانا مروح طبعا محدش رد لأن اللي راميها كان الأخ اللي قعدت انا مكانه !! مش حتردوا طب كل الجماعه اللي جنب الشباك يطلعولي بره وهاتك ياضرب وهاتك ياتلطيش لما خلانا جميعا ولا اللي خارجين م المعتقل

رابط هذا التعليق
شارك

وانا في الأبراهيمية الثانوية قبل ما تبقى عسكرية كان عندنا وكيل رهيب اسمه على فوزي النظرة منه تسحر على رأي محمد فوزي  كل ما فيه غليظ صوته ,قلبه,شنبه,كف ايده يعني م الآخر هولاكو المهم في يوم م الأيام كان في واحد غايب م الجماعة اللي جنب الشباك اللي ع الشارع  وبيشوفو البنات الحلوين وهم ماشيين وهوب رحت ناطط ع المكان ومتبت فيه أوووووووووم لجل البخت الأسود يفط لنا عم علي فوزي ومعه عصا غليظه ويقول : مين بقى اللي رمى عليً الزبالة امبارح وانا مروح طبعا محدش رد لأن اللي راميها كان الأخ اللي قعدت انا مكانه !! مش حتردوا طب كل الجماعه اللي جنب الشباك يطلعولي بره وهاتك ياضرب وهاتك ياتلطيش لما خلانا جميعا ولا اللي خارجين م المعتقل

يا خبر ابيض ع البخت laugh.giflaugh.gif

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك

انا حصل والله مره معايا حاجه شبه دي كنت مره قاد وواحد صاحبي غاب فقعد مانه جنب الشباك اتاري لجل حظي الاسود ان الواد صاحبي ده كان كل يوم بيشتم العيال بتوع المدرسه اللي جانبنا فا العيال اليوم ده راحو جايبين طووب وطاخ طاخ طاخ في الحته اللي هو كان قاعد فيها وكاننصيبي يوميها غرزتين في نافوخي بسبب كميه الازاز الغير طبيعيه <_<

اذا لم تستحي فأفعل ما شئت

رابط هذا التعليق
شارك

يعني سبحان الله كلنا كنا ملايكة

وولاد ستين في سبعين المدرسين دول مخلوقات متحجرة القلب وعندهم ميول حيوانية وعقد نفسية وسفاحين يا حرام

يا ناس بلاش افترى مين فيكم ما كانش شيطان صغير في المدرسة

عايز كل واحد يقول الحق عمل ايه في المدرس بتاعه

Yasso.gif

رابط هذا التعليق
شارك

يعني سبحان الله كلنا كنا ملايكة

وولاد ستين في سبعين المدرسين دول مخلوقات متحجرة القلب وعندهم ميول حيوانية وعقد نفسية وسفاحين يا حرام

يا ناس بلاش افترى مين فيكم ما كانش شيطان صغير في المدرسة

عايز كل واحد يقول الحق عمل ايه في المدرس بتاعه

من الطبيعي أن يكون الاطفال في السن المُبكرة زائدي النشاط ( شُقاي ) ...

كما إنه من الطبيعي أن يعرف من يعمل في مهنة التدريس بإن هناك فروق فردية بين التلاميذ أو الطلاب .. يعني عنده تلميد هاديء وآخر مشاغب وشقي ... وعنده تلميذ غبي وأخر ذكي ( هات الكاميرا هنا يابني وركز على النوع الآخراني)

لذا فمن الواجب ان يتحلوا بالصبر وطول البال وبالتالي يُراعوا تلك الفروق عندما يتعاملوا مع هذا النشء ...

لكن كثير ممن لدينا على العكس .. فهو يعامل الأطفال الصغار و كأنهم شباب او رجال مكتملي النمو ... وحتى في طريقة العقاب التي لا ننكرها ولا نطالب بوقفها .. فهو يعاقب هؤلاء وكأنه يعاقب حيوان لا إحساس لديه .. ده حتى الأديان كلها طالبتنا بالرفق بالحيوان ...

إذاً فنحن نريد الوسطية .... يعني لا نطالب بوقف العقاب وبالتالي يتجرأ الطالب على المدرس ولا يحترمه ..

ولا نطالب بوجود عقاب قاسي كعقاب الحيوانات وبالتالي ينشأ لدينا جيل جبان يخاف من خياله ولا يستطيع التحدث خشية العقاب...

وأيضاً لابد أن تكون هناك رقابة من وزارة التعليم على أداء المدرسين وبالتالي إتخاذ إجراءات رادعة ضد هؤلاء الوحوش الكاسرة الذين يُفرطون في إستخدام أساليب العقاب الغير أدمية.. وليس فقط كما نرى ونضحك من تلك العقوبات الهذيلة التي تتوقف على النقل إلى مدرسة آخرى أو منطقة آخرى ...

وأيضاً الطالب المشاغب لابد أن يتم التنبيه على أولي امره مرة وآخرى ونحاول ان نصلحه نفسياً وإذا لم يستجب ففي النهاية لا مجال إلا أن نتخذ ضده إجراء رادع أيضاً ...

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

بعد إذنكم في نقطة عايز اتكلم عنها بمناسبة المدارس العسكرية ... اللي بأسميها بتسميتها الصحيحة ... وهي العبيطة ... وإلا أي حد من الموجودين يقول لي فائدة واحده منها غير تضييع الوقت والعبط والفلوس كمان ..

كنت في احد المدارس الثانوية العسكرية .. وده كان لحد اخر سنة أولى وبعد كده لغوا فيها العسكرية ...

وشوفت بعيني الملابس المخذية العبيطة اللي بيسلموها لنا والتي ينفقوا عليها آلاف وبينهبوا على حسها آلاف طبعاً ...

ومافيش طالب ثانوي طبعاً شايف نفسه وإبن ناس وحتى لو كان إبن مش عارف مين .هايرضى يلبس تلك الأثمال البالية وملابس البلياتشو ...

فلا المقاسات مظبوطة ولا الخامات جيدة وبصراحة الواحد ما يرضاش يستخدمها خيشة يمسح بها البلاط في بيتهم ... كله كوم والحذاء ( البياده ) كوم تاني فإنت وحظك يعني لو ما طلعتش مقاسك تبقى من المحظوظين لو الفردتين طلعوا شمال او طلعوا يمين ... وآهو كله مفيد عشان الكلو ...

وكانت النتيجة إن كل طلاب المدرسة إن مارمتش تلك الزبالة في الزبالة ... بيروحوا عاملين - وأنا معاهم - حلقة نار كبيرة وراميين فيها البتاعات دي ونفضل نلف حواليها زي الهنود الحمر .... هوو هاها هاها هوو هاها ( من فيلم البحث عن نيمو اللي عمر مشغلهولي ليل نار لحد ماطلع لي زعانف وبقيت شبة سمك المرجان)

وفي الأخر كنا بنشتري لبس على حسابنا بنطلون أزرق وقميص لبني ...

ويقولك البلد مديونة والفلوس مش عارفين بتروح فين ...

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

بعد إذنكم في نقطة عايز اتكلم عنها بمناسبة المدارس العسكرية ...

هى ليه الناس كانت بتدخل مدارس عسكريه اصلا !! :blink:

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك

بعد إذنكم في نقطة عايز اتكلم عنها بمناسبة المدارس العسكرية ...

هى ليه الناس كانت بتدخل مدارس عسكريه اصلا !! :blink:

يعني .. ساعات كنا بنبقى فاضيين فالواحد بيقول لنفسه يا واد بدل ما تدخل الجيش ما تشوفه فيديو أحسن :P

يا ست الكل ماتنوا كنتوا في مدارس بنات يعني كبيركم إقتصاد منزلي وزبادي ومربة جزر ... أو يوم ما تتمعظموا قوي بتتعلموا غرزة رجل الغراب أوتريكو ...

مش في حاجة إسمها التوزيع الجغرافي .. وكان حظنا المهبب بييجي في المدارس اللي فيها نظام عسكري ؟

يعني كنا بندخل ثانوية عامة ورافعين شعار " إما النصر أو الشهادة "

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

على الاقل رجل الغراب لها فايده .. بدل البنادق اللى بتضرب لوحدها اللى كنتم بتتمرنوا عليها دى :blink:

طيب يا ترى توزيع الطلبه على المدارس دى كان بيدل على انه شاطرين ولا خيبانين؟ :P يعنى كان الطلبه بيقبلوا عليها جامد عشان يقولوا انهم فى مدرسه عسكريه وكده يعنى ولا كانوا بيهربوا منها؟ outtahere.gif

تم تعديل بواسطة فــيــروز

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك

على الاقل رجل الغراب لها فايده .. بدل البنادق اللى بتضرب لوحدها اللى كنتم بتتمرنوا عليها دى  :blink:

طيب يا ترى توزيع الطلبه على المدارس دى كان بيدل على انه شاطرين ولا خيبانين؟  :P يعنى كان الطلبه بيقبلوا عليها جامد عشان يقولوا انهم فى مدرسه عسكريه وكده يعنى ولا كانوا بيهربوا منها؟ outtahere.gif

يا ستي إقبال إيه ؟

هو أحنا كنا داخلين عرض مسرحي ؟

التنسيق والتوزيع الجغرافي هو اللي كان بيودينا مع إتجاه الريح .. يعني مُسيرين ولسنا مُخيرين ...

فيروز من ساعت ماعدت الخمس بواكي مداخلات وبقى فهمها مش ولابُد )

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

فيروز من ساعت ماعدت الخمس بواكي مداخلات وبقى فهمها مش ولابُد )

فعلا :P

لم اتخيل ان الموضوع باين كده :blink:

بعد الخمس بواكى اصبت باكتئاب محاوراتى وشكله الكرسى بتاع الطفشان ده فيه حاجه بتطفش الناس vmp:

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك

مش هاتصدقوا لو قلت لكم اني ما ضربتش ولا مرة في المدرسة، اصل انا بقى كنت في حصص المواد اللي انا ضعيفة فيها تلاقيني اروح اقعد في اخر صف في ركن بعيد هادي، واحط راسي في الدرج يعني افضل باصة في الدرج لحد ما الحصة تخلص، اول ما تخلص تلاقيني نطيت زي الفوريرة امارس شقاوتي وتنطيطي، المهم مرة كنت باقلد مدرسة (ودي كانت هوايتي) واثناء ما انا باقلدها والطالبات فطسانين من الضحك واذا بالمدرسة تدخل الفصل وانا مش شايفاها ولكني لقيت الصمت مخيم على الفصل وكأن البنات اتخرسوا ولما لقيت المدرسة مستنية لما سيادتي تخلص الفقرة التمثيلية حسيت ساعتها اني وقعت في قاع النيل في عز فيضانه، المهم انها برضه ما ضربتنيش لكنها طردتني وصممت على عدم رجوعي الا مع ولي امري.

شوفتوا ازاي ان الجبن احيانا بينفع وبيحمي من الضرب؟؟

بس على فكرة زي ما كتير منكم قالوا ان فكرة الضرب في حد ذاتها اما بتربي جبن عند الطفل لمحاولته تلاشيها او بتعودة على انه يتهان وان كرامته تتجرح

وربنا على المفتري fsh::

إن خوفت ماتقولشي وإن قولت ما تخافشي
رابط هذا التعليق
شارك

مش هاتصدقوا لو قلت لكم اني ما ضربتش ولا مرة في  المدرسة،

إيه ده غريبة ؟

يعني ماقولتليش قبل كده يا أمونة إنك كنتي في مدرسة ؟

وبعدين هو زماننننننننننننننننن كان في مدراس ؟... قصدي يعني كان في حاجة غير الكتاتيب والخواجات اللي بيدرسوا للناس في البيوت ... :blink:

دي دُعابة جانبية لتلطيف جو الضرب والقسمة والتلطيش والحاجات دي ...

س س ناظر مدرسة خليل باباز الثانوية بنات التي وضع حجر أساسها الخديوي عباس حلمي - آطال الله بقاءه -

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

س س ناظر مدرسة خليل باباز الثانوية بنات التي وضع حجر أساسها الخديوي عباس حلمي - آطال الله بقاءه -

يا عم سيد اهو دلوقت واحد يطلع يقولك انت عامل فيها جدو ومن ايام الخديوي وانت عندك 15 سنة

بس بصراحه بصراحه يا ابو السيد مش عارف ليه عندي احساس انك كنت شقى ولبط جدا في ثانوي

انا اذكر كان عندنا مدرس اسمه الرافعي مش بتاع زمان هو مدرسنا برضه لسمه الرافعي وكان يدخل الحصة يقوم مقوم اول الواد اللي في اول تختة في النص ويقعد هو على التختة ويقلع الشبشب (اه والله كان بييجي المدرسه بشبشب) ويحط رجليه على الكرسي وهات يا شرح وكلام وطبعا كان لسانه فالت منه جينا في يوم وكنا شلة شياطين في الفصل وده كان في ثاني ثانوي وجلس واحد منا قدامه وخلاه بيحكي وقام ساحب قرده من الشبشب ومزحلقها للي وراه لغاية ما فوجئت بيها عندي وانا اخر الصف وبجوار الشباك من خوفي لا يلاقيها تحتى فمت راميها من الشباك

وطبعا يومها الفصل كله اتعاقب بس هو كمان المدير سمعه كلمتين يستاهلهم

Yasso.gif

رابط هذا التعليق
شارك

كان عندنا فى الابتدائى شوية مدرسين اعتقد الآن انهم كانوا من الجستابو

كان فيه مدرس كان عامل وتد فى الحيطة على ارتفاع 3 متر ويروح رافع العيل يا عينى اللى طوله نص متر ويقوله امسك الوتد بايديك والا هتقع على الارض وممكن يسيبه كده ربع ساعة او نص ساعة وده ابشع عقاب شفته فى حياتى

كان فى فصلنا عمود خرسانة فى ركن الفصل وكان فيه مدرس علوم سادى بمعنى الكلمة لما يحب يعاقب واحد يقوله عايز تركب الصاروخ ولا الطائرة ,لو قاله الصاروخ فده معناه انه يتعبط على العمود وده بيكون انه يحضن العمود واتنين يشدوه من ايديه ولو قال عايز يركب الطائرة فده معناه انه يتعبط وهو متشال من اربعة ,كل واحد شايل طرف من اطرافه الاربعة,شفتم سادية اكتر من كده :blink:

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...