الرصاص الحي و الخرطوش في مواجهة المعتصمين أمام وزارة الدفاع

[Om Zayd]

تعليق رااااائع من أخ سلفي من أنصار حازم:

كنا كل شوية نرد على نفس الاتهامات لما نكلم أي حركة ثورية، الاتهامات كانت دايما تكون: "انتو سيبتونا في محمد محمود" "انتو بعتوا الثورة" الخ وكنا نقولهم لا مش احنا هناك فرق .. الجميل إن ربنا قدر الأحداث دي عشان يشوف الكل الرد عملي .. نفس اللي باعوا الثوار يوم محمد محود هما اللي بيبيعونا دلوقتي في العباسية .. والاهم ان الكل يعرف اننا كنا من اللي اتباعوا في محمد محمود معاهم وكان فيه شهيد اسمه مصطفى من حازمون في أحداث محمد محمود

[ام سلمي]

فيديو لاحد البلطجية ضرب المصور بالخرطوش اثناء التصوير ،

الضرب في اخر الفيديو

http://www.youtube.com/watch?v=HCNbrC1cWMc

[Om Zayd]

د باسم خفاجي

‎- إلى العباسية للمساعدة بما أستطيع لكف الأذى عن ابناء مصر. أنا لم أؤيد الاعتصام هناك .. ولكن كرامتي كرجل تأبى أن أرى ما يحدث لأبناء مصر هناك من قتل .. على يد مجرمي النظام .. ثم أجلس هنا أحدثكم عن الحكمة.

- الحديث عن الحكمة يبدأ عندما يتوقف القتل والضرب والاجرام .. وتتوقف الدولة المجرمة عن استخدام البلطجية والقتلة في حل مشكلاتها السياسية .. وعندما يصحو الشرفاء والعلماء ليكفوا الأذى عن شعب مصر .. عندها .. نتحدث عن الحكمة.

- أوقفوا الأذى أولا .. أوقفوا الدولة المجرمة أولا. المكان اللائق الان هو أن نذهب لننصر اخواننا ونكف عنهم الأذى. انتصروا على انفسكم وعلى خوفكم وكفوا الأذى عن المظلومين .. ولا زلت أرى الاعتصام هناك خطأ .. ولكني لن أقف متفرجا على أخوتي وهم يقتلون. مكاننا هو هناك لنكف عنهم الأذى. سلام

د باسم خفاجي

في 29 أبريل 2012م

[ام سلمي]

صورة القناص

[وطني حر]

الثوره بعدت عن مسارها الصحيح . اصبحت عصابات الثوره . العسكر وعدو بتسليم السلطه . عايزين ايه تاني ..؟

الي مسترخص دمه وبايعه للعصابات . .... مش مستحميلنهم الشهرين ...؟

عصابه ابو اسماعيل . وعصابه البرادعي . وعصابه 6 ابريل ,عصابه عكوشه . كل من رفض مطالبه طلع باعتصام . .. .

لابد ان يكون هناك تنظيم للمظاهرات وسن تشريعات تحفظ مقدرات البلد . ووضع خطوط حمراء لردع من يتجاوزها

تم تعديل 29 أبريل 2012 بواسطة وطني حر

[tarek hassan]

كنت أعيب على بعض القوى السياسية على أنهم يقومون بالمظاهرات الاعتصامات والإضرابات .... لأسباب مختلف عليها لما ينتج عنها من ضحايا وإصابات وأضرار

ثم ها أنا ذا أقوم بـــ

- مظاهرات من أجل تحصيل حاصل ( وهو رحيل المجلس العسكري )

- مظاهرات من أجل باطل أريد تمريره ... أو مظاهرات لطلب شيء غير شرعي وغير قانوني

- مظاهرات من غير سبب ... والمظاهرات من غير سبب .....................................

كم أنا مخادع ... كم أنا مضلل ..... كم أنا متعد ..... استحل الشهادة بضرب المسلمين بعضهم لبعض من أجل نفسي ولا أبالي بالدماء والناس هتموت هتموت

http://www.youtube.com/watch?v=vf1gL4Ovkv0&fb_source=message

تم تعديل 29 أبريل 2012 بواسطة tarek hassan

[ام سلمي]

قناص تاني

[ابو محمود]

معلهش ممكن اكون مش عارف اتكلم بس قريت كلمات شايف انها تنطق عن ما بداخلى فحبيت اعرفكم بيها

_لا تشتم حركة كفايه....فحين كنت تستمع الي أغنية اخترناك كانوا في الشارع ينادون كفايه لأول مره في تاريخ مصر

_لا تشتم الإخوان ......فعندما كنت تذهب للامتحان في التاكسي كانوا يأتون للجنة في سيارة الترحيلات

_لاتشتم 6 أبريل ....فعندما كنت تخاف أن... تمر أمام أمن الدوله كانوا يتظاهرون هناك ويشتمون ظباط الأمن بلا خوف

_لا تشتم السلفيين ....فعندما كنت تدخن الشيشه علي القهوه كانوا عاكفين في المساجد يدعون الله أن يصلح أحوالك وأحوال البلد

_ماتشتمش خالص وانتقد بموضوعيه ومنهجيه وأدب

.. كن داعيه خير واعلم أن البذاءه ليست من الإسلام في شيء :)

باسم يوسف

[Om Zayd]

- مظاهرات من أجل تحصيل حاصل ( وهو رحيل المجلس العسكري )

ليته كان كذلك

ليته كان كذلك

[Om Zayd]

بالمناسبة ..فيديو توزيع المياه.. كان على الجنود و ليس المتظاهرين

فقط زجاجة واحدة وجدت طريقها ليد الفتاة

[ام سلمي]

كنت أعيب على بعض القوى السياسية على أنهم يقومون بالمظاهرات الاعتصامات والإضرابات .... لأسباب مختلف عليها لما ينتج عنها من ضحايا وإصابات وأضرار

ثم ها أنا ذا أقوم بـــ

- مظاهرات من أجل تحصيل حاصل ( وهو رحيل المجلس العسكري )

- مظاهرات من أجل باطل أريد تمريره ... أو مظاهرات لطلب شيء غير شرعي وغير قانوني

- مظاهرات من غير سبب ... والمظاهرات من غير سبب .....................................

كم أنا مخادع ... كم أنا مضلل ..... كم أنا متعد ..... استحل الشهادة بضرب المسلمين بعضهم لبعض من أجل نفسي ولا أبالي بالدماء والناس هتموت هتموت

الاستاذ الفاضل طارق حسن

احنا ضحكنا علي نفسنا كتير بموضوع ان المجلس حيسلم السلطة

من قبل الاعتصامات و البلد كل يوم في حرايق ليه ؟، برضه حنقول المجلس ما لوش دعوة

و السولار اللي بيترمي في اللملاحات بحماية الشرطة برضه المجلس مالوش دعوة؟

طب لو الحكومة هي السبب ، البرلمان قالوا يقيلوها المجلس رفض ليه ؟

طب شفيق اللي رجع غصب عن الكل ليه ؟

طب ليه كل ما حد يعتصم يطلع عليهم بلطجية ؟

هما البلطجية دول مش يروحوا يشوفوا ضحية يسرقوه ،

واللا قتلهم المعتصمين ده بيكسبهم ايه ؟

الرويني امبارح هدد المعتصمين و رفضوا انهم يمشوا ، البلطجية طلعوا بالليل ليه؟

هل البلطجية دول متطوعين مثلا ، وليه دايما وجودهم بيبقي في مصلحة العسكر

حتي لو المعتصمين روحوا دلوقتي ، ما اعتقدش العسكر حيسيبوا السلطة فعلا

حيحرقوا البلد اكتر ، وحيزوروا الانتخابات و لو الناس اعترضت

علي التزوير حيبعتوا البلطجية يضربوهم بالخرطوش برضه

ساعتها حنقول للناس روحوا و اصبروا 4 سنين كمان ؟

الوضع بقي خطير بجد ، و المواجهة جاية جاية مهما اخرنا فيها

ربنا يحفظ مصر

تم تعديل 29 أبريل 2012 بواسطة ام سلمي

[التونسى]

نعترف الأول بالخطأ ((اللى كان بناء على حسن نيه )).. بتوع ((لا)) كان عندهم بعد نظر((انا مش منهم)) .. وبتوع ((نعم)) حسبوها غلط .. او يمكن مفهموش الموضوع من أساسه((انا منهم)) ..

إعترفنا خلاص وإعتذرنا .. نفكر بقى بسرعه فى حلول للهروب من المأزق ده .. مركبتنا بتغرق ..وأسماك القرش المتوحشه المنتظره فى نهم ولهفه وتلمظ .. مش حتفرق بين اخوانى وليبرالى .. او سلفى وعلمانى .. العسكر كشر عن أنيابه أكثر وأكثر .. وبيغامر بمبدأ (( مفيش عندى حلول .. أنا طبعا فلول .. ويا قاتل يا مقتول))

الحل ايه يا جماعه .. نسلم ونطاطى ونرضى بالامر الواقع .. والا ....... .. والا ايه بالضبط ؟ نغامر احنا كمان ؟ .. ونقلبها (.......) مش مطاوعنى كيبوردى انى اكتبها .. لكنى مستاء مستاء مستاء مما يفعله العسكر ..ولكنى مازلت لم أفقد عقلى بعد ..رغم غضبى العارم

تم تعديل 29 أبريل 2012 بواسطة محمود البصيلى

[tarek hassan]

كنت أعيب على بعض القوى السياسية على أنهم يقومون بالمظاهرات الاعتصامات والإضرابات .... لأسباب مختلف عليها لما ينتج عنها من ضحايا وإصابات وأضرار

ثم ها أنا ذا أقوم بـــ

- مظاهرات من أجل تحصيل حاصل ( وهو رحيل المجلس العسكري )

- مظاهرات من أجل باطل أريد تمريره ... أو مظاهرات لطلب شيء غير شرعي وغير قانوني

- مظاهرات من غير سبب ... والمظاهرات من غير سبب .....................................

كم أنا مخادع ... كم أنا مضلل ..... كم أنا متعد ..... استحل الشهادة بضرب المسلمين بعضهم لبعض من أجل نفسي ولا أبالي بالدماء والناس هتموت هتموت

الاستاذ الفاضل طارق حسن

احنا ضحكنا علي نفسنا كتير بموضوع ان المجلس حيسلم السلطة

من قبل الاعتصامات و البلد كل يوم في حرايق ليه ؟، برضه حنقول المجلس ما لوش دعوة

و السولار اللي بيترمي في اللملاحات بحماية الشرطة برضه المجلس مالوش دعوة؟

طب لو الحكومة هي السبب ، البرلمان قالوا يقيلوها المجلس رفض ليه ؟

طب شفيق اللي رجع غصب عن الكل ليه ؟

طب ليه كل ما حد يعتصم يطلع عليهم بلطجية ؟

هما البلطجية دول مش يروحوا يشوفوا ضحية يسرقوه ،

واللا قتلهم المعتصمين ده بيكسبهم ايه ؟

الرويني امبارح هدد المعتصمين و رفضوا انهم يمشوا ، البلطجية طلعوا بالليل ليه؟

هل البلطجية دول متطوعين مثلا ، وليه دايما وجودهم بيبقي في مصلحة العسكر

حتي لو المعتصمين روحوا دلوقتي ، ما اعتقدش العسكر حيسيبوا السلطة فعلا

حيحرقوا البلد اكتر ، وحيزوروا الانتخابات و لو الناس اعترضت

علي التزوير حيبعتوا البلطجية يضربوهم بالخرطوش برضه

ساعتها حنقول للناس روحوا و اصبروا 4 سنين كمان ؟

الوضع بقي خطير بجد ، و المواجهة جاية جاية مهما اخرنا فيها

ربنا يحفظ مصر

لا إله إلا الله : استاذتنا الفاضلة : أم سلمى ...

تنبأتي كثيرا فيما كتبتي .... ... وأنا وأنت لا نعلم ....( وَمَا تَدْرِي نَفْسٌ مَاذَا تَكْسِبُ غَدًا وَمَا تَدْرِي نَفْسٌ بِأَيِّ أَرْضٍ تَمُوتُ إِنَّ اللَّهَ عَلِيمٌ خَبِيرٌ.)

هل يمكن نبني أحكامنا على الظنون حتى لو كانت صحيحة ؟

استعملتي الحاء ( الغيبية ) كثيرا ... والجيم مرتين ............بدون يقين أو برهان

سلطة إيه اللي إحنا خايفين عليها وبنشجع الشباب يروحوا يموتوا أنفسهم عليها ..... إحنا طلاب سلطة وهنموت علشانها كمان .. أبدا ...... إحنا بنتوجه لمصلحة أشخاص قاعدة في بيوتها ومحافظين على أولادهم كويس وبيلعبوا بأولاد الناس ..... هل دا هو القانون الإسلامي اللي إحنا كنا بنسعى علشان نطبقه .... هو دا القانون ... دماء .. اقتحام ... اعتصام ... قلب نظام ... انتزاع السلطة .... هي دي الطريقة .. هو دا المنهج .... حتى لو الهدف نبيل ... أتمنى أكون غلطان إن هدف البعض ليس الخوف على السلطة ولكن البعض يصرح بأشياء أخرى

http://www.facebook....v=3912398772457

من أقوال احمد دومة بمناسبة هذة المظاهرة : التضامن مع معتصمي وزارة الدفاع واجب ثوري ووطني ...بعيداً عن انتماءاتنا وأفكارنا واعتقد يجب ان يقول : وبعيداً عن ايضاً اخلاقننا

http://www.youtube.com/watch?v=mQhQ6cCC0c4&feature=youtu.be

تحياتي

تم تعديل 29 أبريل 2012 بواسطة tarek hassan

[Om Zayd]

ترى ما هى علة الساكتين هذه المرة عن مجزرة الأمس و الجالدين لضحاياها بسياط ألسنتهم

ما هى الصفة أو الجريمة التى سترموهم بها هذه المرة لتبرروا حرمانهم حتى من تعاطفكم أو دعائكم

هل اختلافكم مع مطالبهم السلمية علة كافية لترضوا بما حدث لهم

أم ستقولون ايضا هذه المرة انهم اناركيون او مندسون او ماسونيون

او لعلهم كانوا مرتدين عباءات بكباسين فاستحقوا بذلك فى رأيكم ان يسحلوا

هلا رحمتموهم إن لم تنصروهم ؟؟!!

دكتور محمد على يوسف

[Om Zayd]

إنت .. أيوة بكلمك! .. انت فرحت عشان قتلوا مينا دانيال .. صح؟؟ ... ومحاولتش تعرف بأي ذنب قتلوه .. أصلوا مسيحي !!

وإنت .. أيوة أيوة بشاور عليك . فرحت لما قتلوا الشباب الطاهر في محمد محمود وعروا البنات .. أصلهم ليبراليين صح؟؟

وانت ياللي هناك... كنت فرحان برضه لما نفس النظام ده قتل الإرهابي سيد بلال ... أصله سلفي بدقن .. والنظام قتلوا عشان كده !!

وإنت فرحان أكيد دلوقتي .. أكيد؟؟ .. اصلهم بيقتلوا في اللي نازلين عشان ابو اسماعين وعايزين يرجعوه دراع !! ... بتتمنى يخلص الطرفين على بعض عارف .. ده كلامك صح؟؟

قاتل الله العبودية في قلب البعض .. صار يستلذ بقتل البعض الآخر .. إذا كنت صديق اليوم فأنت لا محالة عدو الغد .... الطغاة لا دين لهم

[se_ Elsyed]

مجلس الشعب أخد حتت دين قفل النهاردة

كنت باتغدا وقولت اشوف رجالتنا عملوا إيه بعد ما عدت المُهلة بتاعت إستقالة الحكومة

لقيت الكتاتني علق إنعقاد جلسات المجلس لمدة إسبوع إحتجاجاً على عدم رد المجلس العسكري واللي خدها من قصيرها ومنع أعضاء الحكومة إنهم يروحوا البرلمان النهاردة .. واضرب راسك في الحيط يا كتاتني .... والجماعة جابوا ضرافها وروحوا .

[Om Zayd]

البلطجية اللي مسكوهم و عالجوهم على الجزيرة مباشر مصر الآن

من مولهم؟؟؟؟؟؟؟؟؟؟؟

تم تعديل 29 أبريل 2012 بواسطة Om Zayd

[Om Zayd]

العثور على عضو 6 أبريل وبعض الشباب بالصحراء قبالة طريق الفيوم بعد خطفه من اعتصام الدفاع .

عثرت شباب 6 أبريل على عمرو ياسين عضو الحركة ملقى بالصحراء قبالة طريق الفيوم.

وقال أحمد الطيار منسق مجموعة الزيتون للحركة أنه تلقى إتصال هاتفي من عمرو قال له أن بعد خطفه أمس ألقاه من بالسيارة في طريق الفيوم بالصحراء بعد أن تم سرقة كل متعلقاته وهو الان في طريقه للعودة .

ويذكر أن قد اختطف عمرو ياسين عضو الحركة بمجموعة الزيتون وسط أحداث إشتباكات صباح اليوم في محيط وزارة الدفاع .

وقالت الحركة على الصفحة الرسمية لها على موقع التواصل الاجتماعي ( فيس بوك ) ” أن آخر اتصال به كان مع إسلام كمال عضو المجموعة يقول خبر اختطافه ومعه شباب سلفيين مخطوفين ومتجهين لصلاح سالم ولم ترد أية أخبار عنه بعد ذلك” ..

[محمد عبدالعزيز]

الواحد مش قادر يفرح بإن فى ناس ابتدت تفهم, لأنه للأسف بعد دفع ثمن غالى جداً من دم الشباب اللى ضحوا بنفسهم وضياع وقت طويل جداً كنا ممكن نبنى فيه مصر بجد.

ولكن أن تأتى متأخراً خيراً من ألا تأتى أبداً.

وزى ما قالت الأخت الفاضلة أم سلمى: "المواجهة جاية جاية مهما أخرنا فيها"

دى الحقيقة اللى لازم كلنا نفهمها ونفهم كمان إننا أقوى بوحدتنا من أى عسكر, بس المهم تقديم المصلحة العامة على المصلحة الخاصة وتصفية القلوب فعلاً من ناحية الأطراف الأخرى, والإقرار بأن الجميع ضد العسكر وهدفهم الأول والأخير مصلحة الوطن بدون تخوين ولا اتهام بالعمالة أو التمويل من الخارج أو محاربة الدين.

يمكن ده ابتدى يحصل فى الاعتصام أمام وزارة الدفاع دلوقتى وربنا يكرمنا ونرجع إيد واحدة تانى.

أعتقد دلوقتى أهم حاجة نتفق كلنا على انتخاب رئيس مؤقت قبل وضع الدستور, ونتفق كلنا على رحيل العسكر نهائياً من المشهد السياسى بعد انتخاب الرئيس, ثم يتم اختيار لجنة الدستور بحيث يكون فيها توازن عشان نكتب دستور لكل المصريين.

للأسف وضع البرلمان حالياً مربك جداً, وده طبعاً بسبب الطريق الضلمة اللى احنا اختارناه فى البداية, سمعت الدكتور جابر نصار أكتر من مرة بيقول إن البرلمان حينتهى دور الانعقاد بتاعه فى 30 يونيو ويصبح فى أجازة لحد شهر نوفمبر, وبكده يبقى الرئيس الجديد مطلق الصلاحيات ويبقى السلطة التشريعية والتنفيذية مع بعض خلال الفترة دى.

وضع سئ طبعاً لو الرئيس ده كان من الفلول أو طرطور للعسكر... يعنى حتى سكة الانتخابات مش مضمونة بدون التوافق.

والله الواحد فعلاً متلخبط ومش لاقى حل غير إننا نعيد السنة زى ما قال عبدالحليم قنديل قبل كده, ياريت نفكر مع بعض كلنا بصوت عالى يمكن نوصل لحل.

[se_ Elsyed]

أعتقد دلوقتى أهم حاجة نتفق كلنا على انتخاب رئيس مؤقت قبل وضع الدستور

زي كلامنا ما أتحقق بالحرف من زمان .. وتحديداً من نوفمبر

بأقول لك يا محمد

إنسى يا عمرو

طنطاوي راسه وألف بيادة قديمة ليتم وضع الدستور قبل بدء إنتخابات إعادة الرئاسة .. تخيل ؟

يعني

by hock or crock

يعني تتشقلبوا ... تتحفلطوا تتبألطوا .. مانيش ماشي يوم 30-6 إلا وأنا في بطني بيادة صيفي ومطمن على مستقبل سبوبتي اللي جوه الجيش ...

يعني يعرف وضعه إيه في الدستور .. ويعرف هو هايؤدي التحية العسكرية لمين .. ويعرف صلاحيات الحج اللي جاي جديد إيه والدنيا تبقى واضحة للعسكر .. فهمتني ؟

الأخ الكتاتني النهاردة عمل الأرنب المقموص وجاب ضراف مجلس الشعب لمدة أسبوع وطظ في الشعب كله وفي القوانين واللجان وفي الكل كليلة ... بالمناسبة النواب المحترمين اللي خايفين على مصر فعلاً .. عاملين إضراب دلوقت على القرار اللي خده النهاردة واللي أقسم بالله شوفت بعيني مالحق يشوف موافقون ولا مش موافقون وقفل المجلس بالمفتاح ومشي ...

وإمبارح طنطاوي قال له طظ فيك وفي مجلسك - زي ما قولنا بالحرف إن مجلس الشعب ولا البتاع اللي بدل ما الناس تقعد على القهوة يقوموا رايحين يقعدوا في مجلس الشورى .. كل ده ولا بيقدم ولا يأخر وكبيره يعمل الثانوية العامة سنة واحده - ... وعمل إجتاع مع رؤساء الاحزاب إمبارح وحضر عصام العريان فقط من الحرية والعدالة... وقسم توزيعة اللجنة الدستورية وقال لهم تعملوا الدستور ما بين الإنتخابات الاولي وإنتخابات الإعادة ياض إنت وهو .. بدل ما تسعة أستعد جاهزة وأدوركو مكتب وكتاب الله

يعني دستور سوتيه عشان يبقى خفيف على المعدة

وده جزات اللي ما بيشربش اللبن ويسمع الكلام

لما كان في إيدينا نخلص عليهم في نوفمبر ولحد يناير ويبقى عندنا مجلس رئاسي لمدة 6 شهور أو يسلم السلطة للأخ الكتاتني او يبقى عندنا مجلس محايد لا إنتماءات حزبية لديه ولا مصلحة إنتخابية تتم في ظله إنتخابات الرئاسة والدستور

ربنا يستر ... لان الوقت المتبقي قليل .. ودي معركة حياة أو موت للعسكر ..