اذهب إلى المحتوى
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

هل يصلح الإخوان والسلفيين لحكم مصر؟


Alshiekh
 مشاركة

Recommended Posts

الإخوان المسلمين منفردين أو متحالفين مع التيارات السلفية هل يصلحون لحكم مصر؟

أنا أتكلم عن الفصيلين سواء كانوا متحالفين معا أو منفردين أو حتى أي من أعضائهم بصورة فردية ، هل يصلح أي منهم لحكم مصر؟

نعم يصلحون ..منفردين او متحالفين ..

ولكنني أتحدث عن التوجه الظاهر ( الإسلامي ) للمرشح أو المرشحين سواء كان ذلك لفرد أو لحزب.

التوجه الاسلامى للمرشح سيرجح كفته سواءا كان فرديا أو مندمجا للحزب مع مراعاة ان المنهج هو المقصود

وليس من سيطبقه فالخطأ في التطبيق لا يسقط المنهج بل يسقط صاحبه فقط ..

فسقوط البلكيمى مثلا يعود عليه فقط ..إلا لهواة التضخيم و التصيد الذين يريدون إقصاء جماعة بأكملها

لأخطاء فردية ..

الإستفتاء على التعديلات الدستورية، حيث ظهر جليا إستغلال الدين والتدليس الديني لحشد الجماهير للتصويت بنعم لنصرة دين الله، او لنصرة الاسلام وكانت النتيجة كما نعلم جميعا، خروج الملايين لتنفيذ اجندة الاخوان والسلفيين وليس لنصرة الاسلام كما أوهموهم

على فكرة مش كل الناس اللى قالوا نعم كانوا بحشد من الاخوان و السلفيين .. كثيرون جدا ذهبوا فقط للدفاع عن المادة

الثانية وهذا يدل على توجه الأغلبية .. ومش معنى إنى قلت نعم أبقى تابع للإخوان والسلفيين ومادام الخيارين

( نعم ) و ( لا ) كانا مفتوحين للجمييييييع .. فأعتقد من الليبراية احترام آراء من صوتوا وليس وصفهم بخارجين

لتنفيذ أجندات ما ..

رأينا ذلك عندما حشدوا الجماهير ضد الثوار فشيطنوا الثوار وشيطنوا 6 ابريل وشيطنوا البرادعي وكل القوى السياسية التي لاتسير في تيارهم، مستغلين في ذلك طيبة الجماهير وحبها للدين ورجاله.

تعميم مرفوض ..

تباينت آراء الناس عامة و الإسلاميين خاصة في الثوار و 6 إبريل و البرادعي ..

سأعطى لحضرتك مثال واحد فقط ..

أبو إسماعيل الذى أطلق عليه هنا ( المحامى الكاذب ) كان لآخر الوقت في قلب الثوار .. وحزن لانسحاب البرادعي وأثنى عليه

و كان دائم الاشادة ب 6 إبريل ..

ولكن للأسف عين الرضا عن كل عيب كليلة لكن عين السخط تبدي المساويا ..

رأينا ذلك في مليونيات إظهار القوة والتي لاتحتاج منهم سوى 24 - 48 ساعة لحشد الانصار من شرق البلاد الى غربها ومن شمالها لجنوبها والاتوبيسات تحت ايديهم.

مش عارف بصراحة دا ميزة و لاعيب يعنى !!

أليس من حقهم كغيرهم حشد المليونيات ؟؟

وما ذنبهم إن كان مؤيديهم ومحبيهم بالملايين , فلا يحتاجون إلا لتلك 24 - 48 ساعة فتجد استجابة فورية وملايين في الميادين ؟؟

رأينا ذلك في إنتخابات مجلس الشعب وكيف أنهم إستخدموا كل الوسائل قانونية

ليس من حق أحد ان يلومهم على تلك الوسائل القانونية .. مش كدة ؟؟

وغير قانونية لتوجيه البسطاء بالاضافة لانصارهم للفوز بأغلبية مقاعد البرلمان.

لأ هنا بقى ستوب ..

كانت فين الاحزاب المنافسة لاثبات تلك الوسائل المزعومة الغير قانونية ؟؟

رأينا ذلك عندما قرر شباب الثورة والحركات الثورية التوجه لمجلس الشعب لتقديم مطالب للمجلس حيث تصدي انصار الاخوان وبعض السلفيين للثوار لمنعهم من الوصول للمجلس.

وهل المطلوب أن أعطى الفرصة لكل شاب ثائر ان يذهب للبرلمان لتقديم طلباته للأعضاء يدا بيد ؟؟!!

وما أدرانا بهوية ذلك الشاب الثائر ؟؟ وكيف اتأكد من حسن نية كل الشباب الثائر في الشارع ؟؟

ألم يقتل الشيخ عفت وهو في قلب الثوار ؟؟

أليست هناك قنوات معروفة لتقديم الطلبات لأعضاء البرلمان ؟؟

رأينا ذلك عندما صرحوا بأنه لاشرعية للميدان وان الشرعية الوحيدة للبرلمان

اوفقك في خطأ هذا التصريح ..

ولكن التجربة أثبتت أن البرلمان بافتقاده لسلطة تنفيذية نزيهة لن يستطيع

أن يقدم الكثير ..

يتبع

تم تعديل بواسطة الدكتور ياسر
رابط هذا التعليق
شارك

رجاء من الإخوة الفاضل ممن يستخدموا لفظ متأسلم

هل من الممكن توضيح معنى كلمة متأسلم الشائعة الاستخدام في وقتنا الحاضر واطلاقها على العديد من الناس؟

وبالطبع طالما متأسلم إذن هو ليس مسلم

وعلى حد علمي البسيط ان المتأسلم هو من يدعي الإسلام أو المنافق

ده مجرد رد على اطلاقهم على الليبرالي صفات تعني الكفر او الانحلال او الفساد و ما شابه و هو امر غير صحيح

كما ان اطلاق اسم الإسلامي عليهم سيعني ان غيرهم غير مسلم و هذا خطأ

ولي سؤال آخر

هل فعلا لايوجد علاقة بين الاسلام والسياسة؟

وهل معنى عدم ظهور نموذج ناجح لدولة اسلامية في العصر الحديث أنه لا يمكن ان يظهر هذا النموذج ليوم الدين؟

ما حدث مؤخرا مجرد دليل يثبت صحة وجهة نظرنا كما ان عدم وجود النموذج الناجح على مدار قرون عديدة يضعنا في حيره في كيفية تطبيق ماهو غير معلوم

و بالتالي من حقنا ان نرفض ما نجهله..بل ما يجهله الجميع بما فيهم الاسلاميين او المتأسلمين

وشكرا

جاوبت حضرتك بين سطورك بالاحمر

تحياتي

أشكرك أستاذ زوهيري على ردك

وبمنتهى الأمانة أنا مش برد كنوع من أنواع الجدال وخلاص ولكن لتوضيح بعض الأمور

فمصطلح علماني أو ليبرالي أو اشتراكي أو شيوعي موجود من زمان غير موضوع متأسلم

بس أحب أوضح للعلم فقط وأنا غير متأكد من المعلومة اللي حصلت عليها منذ قليل أن كلمة متاسلم تعني الدخول في الاسلام

أما عن غياب الدولة الاسلامية الناجحة لعدة قرون فهذا ليس له علاقة بالحكم مسبقا بالفشل على آي نموذج لدولة تحت قيادة اسلامية وسنرى في المستقبل القريب إن شاء الله بزوغ دول اسلامية على قائمة الدول الأقوي اقتصاديا أو عسكريا أو علميا

تحياتي لحضرتك

رابط هذا التعليق
شارك

الناس مش عايزه دوله مدنيه .. والقطنه .. قصدى الديموقراطيه مبتكدبش ..وعن نفسى مقدرش حاليا اجيب على السؤال اللولبى ((هل الاخوان والسلفيين يصلحوا لحكم مصر)) لانهم ببساطه مخدوش فرصتهم كامله ((وفى ظل ظروف طبيعيه صحيه)) .. وهما يستحقوا ياخدوا فرصتهم للاخر ((رغم كل السلبيات اللى ظهرت منهم خلال و بعد الثوره و اللى فندها الاستاذ محمد)) .. لانهم تم اختيارهم من قبل الشعب ..ونا بحترم إرادة الشعب ...اى شعب بيقرر مصيره بنفسه .. ولو حنقعد نقطم فيهم((الاخوان والسلفيين)) من دلوقتى ولاحقا من غير اتاحة الفرصه لهم ..يبقى البلد دى من الاخر مش حتقوم لها قومه .. أو حترجع تانى تتحكم بالحديد والنار.. والعكسر والمسكر والفسكر((وعلى أسوء من ذى قبل بفراسخ)) .. وساعتها حيبقى فعلا ولا يوم من ايامك يا مبارك وبمناسبة اللى ميتسماش حطرح سؤال لولبى أخر .. لو تم تخييرك بين حكمين فقط لا غير ((حكم الاخوان او حكم سوزان )) ايهما تختار ؟ .. لان بديل الاخوان والسلفيين ببساطه يا فلول يا عسكر .. وخاصة بعد انسحاب البرادعى من الساحه كحامل لواء الدوله المدنيه واحد رجالات الثوره

ينفع أقول أخي البورسعيدي بدلا من أخي الفاضل؟

ممكن أقولها على سبيل المداعبة، وليس التمييز.

ولكن عندما أقول الاخوان المسلمين ( باستخدام اداة التعريف الالف واللام " الـ " ) فهي تعني أن ماليسوا من الاخوان المسلمين فهم من غير المسلمين، وكذلك الحال مع السلفيين.

هل تتذكر صبحي صالح، الذي اعتبر الاخواني والاخواني أعلى من غيرهم، وانه رباهم على خصال عشرة، وان تقسيم البنات او السيدات عنده هو " أخت " أو " واحدة من على الرصيف "؟

ما علينا

ليس لدي أي إعتراض على أن يكونوا قد حازوا على أغلبية ( بغض النظر عن الوسائل التي إستخدموها للحصول على تلك الأغلبية والتي عاونهم في استخدامها نظام الحكم الحالي للتأكيد للعالم على مقولة " أنا أو الإخوان " )،

أعتراضي على أن يستخدم أصحاب الأغلبية تلك الأغلبية لمواجهة معارضيهم، ولمخالفة القانون، وقد رأينا ذلك بوضوح في المواقف التي نوهت عنها والتي نسيت أن أضيف لها قيام انصار ابو اسماعيل بتكسير منصة فريق لا للجمعية التأسيسية الاخوانية السلفية.

إعتراضي ليس على الاغلبية التي يمكن ان تتغير مع الوقت ومع زيادة خبرة الناخبين بما يعيشونه من أحداث، ولكن يزعجني كثيرا هو إندفاع مؤيدي التيارين من المتعصبين الذين اعلن بعضهم عن استعداده للإستشهاد في سبيل الدفاع عن ترشح الاستاذ المحامي.

أزعجني كثيرا هو الشعارات التي ترددت بأنهم سيختارون ابو اسماعيل حتى لو كان امريكاني، إزعجني تقديس الاشخاص.

أزعجني كثيرا الاساليب الصبيانية والعبارات التي استحدثت في عالم السياسة مثل ، موتوا بغيظطم، والصراخ على قدر الألم والغيرة والحسد" والتي في رأيي لاتختلف عن عبارات " فلفل شطة واصحن بن وولع نار " والتي لاتصدر غالبا إلا عن نساء الاحياء الشعبية،

علشان كده وعلشان مؤيدي التيارات المتأسلمة فأنا لا أرى أنهم يصلحون لحكم أو إدارة بلد بحجم ووضع مصر.

ربما بعد حل التنظيمات والجماعات وبعد مرور عشرة سنوات ، أقول ربما تكون رؤيتهم قد تغيرت وتكون أفكارهم قد تحررت من أفكار العمل السري ويكونوا قد تعلموا فن السياسة والإدارة السياسية، ووقتها ربما تختارهم الاجيال التي ستكون معاصرة لهم، أما الآن فالوقت مبكر جدا لتوليهم حكم وادارة مصر.

رابط هذا التعليق
شارك

رجاء من الإخوة الفاضل ممن يستخدموا لفظ متأسلم

هل من الممكن توضيح معنى كلمة متأسلم الشائعة الاستخدام في وقتنا الحاضر واطلاقها على العديد من الناس؟

وبالطبع طالما متأسلم إذن هو ليس مسلم

وعلى حد علمي البسيط ان المتأسلم هو من يدعي الإسلام أو المنافق

ده مجرد رد على اطلاقهم على الليبرالي صفات تعني الكفر او الانحلال او الفساد و ما شابه و هو امر غير صحيح

كما ان اطلاق اسم الإسلامي عليهم سيعني ان غيرهم غير مسلم و هذا خطأ

ولي سؤال آخر

هل فعلا لايوجد علاقة بين الاسلام والسياسة؟

وهل معنى عدم ظهور نموذج ناجح لدولة اسلامية في العصر الحديث أنه لا يمكن ان يظهر هذا النموذج ليوم الدين؟

ما حدث مؤخرا مجرد دليل يثبت صحة وجهة نظرنا كما ان عدم وجود النموذج الناجح على مدار قرون عديدة يضعنا في حيره في كيفية تطبيق ماهو غير معلوم

و بالتالي من حقنا ان نرفض ما نجهله..بل ما يجهله الجميع بما فيهم الاسلاميين او المتأسلمين

وشكرا

جاوبت حضرتك بين سطورك بالاحمر

تحياتي

أشكرك أستاذ زوهيري على ردك

وبمنتهى الأمانة أنا مش برد كنوع من أنواع الجدال وخلاص ولكن لتوضيح بعض الأمور

فمصطلح علماني أو ليبرالي أو اشتراكي أو شيوعي موجود من زمان غير موضوع متأسلم

بس أحب أوضح للعلم فقط وأنا غير متأكد من المعلومة اللي حصلت عليها منذ قليل أن كلمة متاسلم تعني الدخول في الاسلام

أما عن غياب الدولة الاسلامية الناجحة لعدة قرون فهذا ليس له علاقة بالحكم مسبقا بالفشل على آي نموذج لدولة تحت قيادة اسلامية وسنرى في المستقبل القريب إن شاء الله بزوغ دول اسلامية على قائمة الدول الأقوي اقتصاديا أو عسكريا أو علميا

تحياتي لحضرتك

و الله لو زي تركيا كده يبقى يا اهلا و سهلا و نتمناها قبلك

اما نماذج افغانستان و الصومال و باكستان و السودان و ايران يبقى لا اهلا و لا سهلا و تغور الدوله بلا وداع

رابط هذا التعليق
شارك

بالضبط

عايزين المتأسلمين يجيبولنا نموذج واحد سليم و ناجح نقدر نحكم عليه و نقتنع به

طيب انا مش من المتأسلميين وعاوز ارد

الدولة العربية الإسلامية .. انشائها رسول الله صلى الله عليه وسلم

دولة الخلافة الاسلامية

حلو

و بعدين ؟

إيه اقرب نموذج ناجح للدوله دي؟

من كام سنه او من كام قرن كان فيه نموذج ناجح سليم للدوله دي ؟

ايران

طيب متقول لينا على سر النجاح فى ايران الى الان وكيف تدير البلاد

انته عارف الاول الخمينى وصل ازاى للدوله الدينيه

وصل بعد ثورة شعب من قبل المخابرات المركزيه على طائرة فرنسيه امريكيه الصنع

وطالما اخترت النموزج ده تعالى نتكلم عنه بوضوح

الثورة الايرانيه اتحولت بقدرة قادر الى ثورة شيعيه صرف . هدفها تقسيم البلاد والعباد وضرب السنه والشيعه فى بعض والاتنين مع الوهابيه

ونفس المخابرات ال اودت بحياة البكرى فى العراق من اجل وصول صدام للحكم

واشتغلت الخطه بين الاتنين عشان يخلصوا على بعض وكانت النتيجه . اكثر من مليون مسلم قتل بين سنى وشيعى

ده غير اكثر من 400 مليار انفقت هدرا على الحروب بين الاتنين والمستفيد معروف

وانتهت الحرب الداميه بينهم بعد خسارة فادحه للاتنين

تعالى بقى نشوف الوضع قبل وبعد الخمينى بالصور

ثوانى

رابط هذا التعليق
شارك

الإخوان المسلمين منفردين أو متحالفين مع التيارات السلفية هل يصلحون لحكم مصر؟

اي حد هيمشي بالبروسيدر هيوصل

اي حد هيخترع و يجرب .... يبقي جاي يلعب

الايدلوجيات ملهاش علاقة بالصلاحية للحكم ولا لآ

الحكم اصله مدني ... لا ديني ولا عسكري

حتي رسول الله صلي الله عليه و سلم سماها المدينة

رابط هذا التعليق
شارك

رأينا ذلك من انصار أبو إسماعيل بدءا من جمع استمارات التأييد التي لم يكن لها أي داع في ظل حصوله على تأييد أكثر من 30 عضوا من البرلمان،

ظن أبو إسماعيل أنه بال160 ألف توكيل التى جمعها سيقطع الطريق على التزوير في الانتخابات

ولم يدر أن ما هو مدبر له أكبر من ذلك بكثير ..

وانتهاءا بالحشود أمام المحكمة وامام مقر لجنة انتخابات الرئاسة وماهو حادث الآن من اعتصامات وتهديدات لكل مصر.

حضرتك تستخدم الآن نفس اللغة التى أنكرها الكثيرون من قبل على الإسلاميين حين كانوا يعترضون على الاعتصامات و يعتبرونها

تهديدا لكل مصر ..

رأينا ذلك في تحول مؤيدو ابو اسماعيل بعد الاستبعاد إلى خيرت الشاطر ثم بعد استبعاده هو الآخر تم التحول إلى محمد مرسي

أعتقد أنهم أحرار فيمن يؤيدون .. وليس بالضرورى أن يختاروا مرشحي حضرتك ليثبتوا تحضرهم وعدم انسياقهم ..

رأينا ذلك في مليونية الاخوان والسلفيين يوم 13 ابريل والتي دعوا اليها في أقل من 48 ساعة وجاءهم المدد من الاقاليم وكأنها حربا مقدسة

رأينا ذلك في مليونية 20 ابريل وكيف أن الحشود جاءت من كل صوب وحدب وكأنهم جنود منظمين تحت الطلب.

أعتقد أن تلك الحشود التى تأتى من كل صوب هي أكبر دليل على ثقل الفصيلين و ان نتائج البرلمان

تعكس بوضوح نبض الشارع .. أليس كذلك :)

وأيضا عندما أرادوا شيطنة المجلس العسكري والوقوف ضده بعد نزول عمر سليمان لسباق الترشح للرئاسة

وهل المطلوب منهم هنا هو الانتظار ومباركة نزول سليمان ؟؟

نعم صبروا و انتظروا وصدقوا العسكر في البداية ولكن لكل حدث حديث ..

وأخيرا رأينا تخاذلهم عن النزول لو جائت الدعوة من الثوار الحقيقيين او من احد فصائل الثوار.

بعد رؤيتي لكل هذا التعصب والجاهزية للتضحية في سبيل الجماعة أو التيار ، وفي نفس الوقت لانرى سوى التخاذل لو جاء النداء والاستغاثة من غير جماعتهم كما حدث في محمد محمود وماسبيرو ومجلس الوزراء،

على فكرة .. الفترة التى تتحدث عنها كانت فتنة حقيقية اختلط فيها الحق بالباطل و أستطيع أن أجلب الآن مداخلات لحضرتك تنتقد فيها

الثوار وتقف فيها بجوار المجلس العسكرى .. وانا هنا لا اعتب عليك بل كان هذا حالى انا شخصيا في كثير من الأحيان ..

حتى شوف حضرتك كمثال مداخلتك الرائعة ( حقيقة ) في موضوع ماسبيرو ..

مشكلة كنيسة أو دار ضيافة أسوان تعتبر مشكلة قرية ، مشكلة لها علاقة بجهة الإدارة في محافظة أسوان والموضوع تنظيمي من الأساس.

حتى بعد التصرف الخاطئ من الأهالي هناك ، فلايزال الموضوع في إطاره المحلي ولم يكن أن يتجاوز حدود القرية، سواء بتقديم المعتدين للقضاء أو بتقديم من زوروا المستندات -كما تؤكد جهة الإدارة- إلى القضاء أيضا.

لماذا خرج أقباط القاهرة ولماذا خرج أقباط الإسكندرية في مظاهرات ضد الحكومة؟

لماذا يصر الأقباط على إعتبار نفسهم كيان منفصل عن المجتمع المصري؟ وهل بعد تصرفهم هذا نلوم السلفيين عندما يحشدون أنفسهم في ربوع مصر على قضية سلفي في مكان ما؟

هل مقبول إذا قتل صعيدي في الأسكندرية أن يهب صعايدة مصر لنجدته؟ وبالمثل الشرقاوي والمنوفي والبحراوي ، ونعود لنظام العصبيات القبلية مرة أخرى ونعيد التاريخ وعقارب الساعة إلى الوراء.

لماذا يصر المسيحيين أو معظمهم على إعتبار أنفسهم جالية أو طائفة داخل وطنهم؟

متى يتخلصون من هذا المنطق السقيم ويعيشوا بصفة المواطن المصري وليس بصفة الأقلية أو الجالية؟

لماذا لايتصرفون كتصرف معظم المسلمين المعتدلين الذين رفضوا ويرفضون أي مساس بما يخص معتقد الآخر قام أو يقوم به قلة جاهلة أو متطرفة والذى نفعله جميعا هنا في المحاورات وفي الشارع وفي معظم مدن وبلات مصر.

زهقنا من هذا الأسلوب ، مصر أمانة في أعناقنا جميعا ، بلاش نتصرف كالحمقى وبلاش ندور على مايفتت وحدتنا.

حرام ... حرام

تم تعديل بواسطة الدكتور ياسر
رابط هذا التعليق
شارك

916738354.jpg

602511312.jpg

775370353.jpg

دى مش شوارع لندن ولا باريس سيادتك

دى ايران قبل وصول الخمينى ليها

دى الشوارع

تعالى نشوف الايرانين انفسهم قبل برده وصول الخمينى ليهم على طائرته البيونج

يتبع

رابط هذا التعليق
شارك

أعتقد إن التجربة هي المحك الأول والاخير

والعاقل هو من يُغير من نفسه عندما يوضع في تجربة حقيقية

بمعنى ... حتى لو كان طايش او عنده ربع ضارب وهو على البر ... فعشان يثبت للناس إنه قدها وقدود يبقى لازم يغير من تفكيره ويًُصبح أكثر تعقلاً لما يتولى موقع مسئولية

وبالرغم من إختلافي الكبير من الاخوان والسلفيين لما نزلوا ساحة السياسة لأنهم لسه بيتعلموا ... وادينا كلنا شوفنا أداءهم الباهت حتى الان في مجلس الشعب اللي ساعات باحس إني باتفرج على حضانة أطفال ..

إلا إنهم سيكتسبون الخبرة مع مرور الوقت وسيُصبح تركيزهم أكثر على القضايا الهامة ... لأنهم لو ما عملوش كده .. فلا التاريخ هايرحمهم .. ولا الصندوق الإنتخابي هايرحمهم

وبجد انا معجب بتطور الأداء السياسي للسلفيين اللي مُصرين يبقى لهم مكان تحت الأضواء ... ومش معجب بغرور الإخوان اللي فاكرين نفسهم أدراجية ومقطعين السمكة وديلها

عشان كده أنا ما أقدرش أقول نعم او لا إلا أما أشوف أداء سياسي بعد اخذ الفرصة كاملة وبدون ضغوط لحظية ووقتية ....

وبعدين ما احنا جربنا القومية والأشتراكية في عهد أبو خالد ... وجربنا البزرميطية الأنفتاحية مع السادات .. وجربنا المهلبية المتحجرة مع مبارك ... تيجي بقى لحد القوى ذات المرجعية الإسلامية وتبقى كُخه ؟ ده مش عدل طبعاً

أيوه إحنا مش فيران تجارب ... لكن يظل إختيار الناس مهما كان وبغض النظر عن أساسه .. هو الفيصل ....

وفي الدولة المحترمة المفروض ما حدش بياخد كرت اخضر عشان يعيش معانا على طول زي ما عمل المخلوع

يعني ما عجبنيش مجلس الشعب ذو الأغلبية الإخوانية السلفية ... يبقى 5 سنين وإقلب ..

ما عجبنيش رئيس عامل فيها درويش وانصاره عاملينه راسبوتين ... يبقى 4 سنين وإقلب ...

رابط هذا التعليق
شارك

ينفع أقول أخي البورسعيدي بدلا من أخي الفاضل؟

ممكن أقولها على سبيل المداعبة، وليس التمييز.

ولكن عندما أقول الاخوان المسلمين ( باستخدام اداة التعريف الالف واللام " الـ " ) فهي تعني أن ماليسوا من الاخوان المسلمين فهم من غير المسلمين، وكذلك الحال مع السلفيين.

هل تتذكر صبحي صالح، الذي اعتبر الاخواني والاخواني أعلى من غيرهم، وانه رباهم على خصال عشرة، وان تقسيم البنات او السيدات عنده هو " أخت " أو " واحدة من على الرصيف "؟

ما علينا

ليس لدي أي إعتراض على أن يكونوا قد حازوا على أغلبية ( بغض النظر عن الوسائل التي إستخدموها للحصول على تلك الأغلبية والتي عاونهم في استخدامها نظام الحكم الحالي للتأكيد للعالم على مقولة " أنا أو الإخوان " )،

أعتراضي على أن يستخدم أصحاب الأغلبية تلك الأغلبية لمواجهة معارضيهم، ولمخالفة القانون، وقد رأينا ذلك بوضوح في المواقف التي نوهت عنها والتي نسيت أن أضيف لها قيام انصار ابو اسماعيل بتكسير منصة فريق لا للجمعية التأسيسية الاخوانية السلفية.

إعتراضي ليس على الاغلبية التي يمكن ان تتغير مع الوقت ومع زيادة خبرة الناخبين بما يعيشونه من أحداث، ولكن يزعجني كثيرا هو إندفاع مؤيدي التيارين من المتعصبين الذين اعلن بعضهم عن استعداده للإستشهاد في سبيل الدفاع عن ترشح الاستاذ المحامي.

أزعجني كثيرا هو الشعارات التي ترددت بأنهم سيختارون ابو اسماعيل حتى لو كان امريكاني، إزعجني تقديس الاشخاص.

أزعجني كثيرا الاساليب الصبيانية والعبارات التي استحدثت في عالم السياسة مثل ، موتوا بغيظطم، والصراخ على قدر الألم والغيرة والحسد" والتي في رأيي لاتختلف عن عبارات " فلفل شطة واصحن بن وولع نار " والتي لاتصدر غالبا إلا عن نساء الاحياء الشعبية،

علشان كده وعلشان مؤيدي التيارات المتأسلمة فأنا لا أرى أنهم يصلحون لحكم أو إدارة بلد بحجم ووضع مصر.

ربما بعد حل التنظيمات والجماعات وبعد مرور عشرة سنوات ، أقول ربما تكون رؤيتهم قد تغيرت وتكون أفكارهم قد تحررت من أفكار العمل السري ويكونوا قد تعلموا فن السياسة والإدارة السياسية، ووقتها ربما تختارهم الاجيال التي ستكون معاصرة لهم، أما الآن فالوقت مبكر جدا لتوليهم حكم وادارة مصر.

حقول لحضرتك وجهة نظرى المحايده كواحد ((بيتفرج)) على اللى بيحصل .. انا شايف ان من مصلحة التيارات الليبراليه .. او اى تيارات سياسيه اخرى .. انهم يتيحوا الفرصه كامله للاخوان والسلفيين ((سياسيا)) .. يعنى يتركوهم يقضوا فترتهم الانتخابيه بالطول وبالعرض .. ولو ثبت فعلا كلام حضرتك ..وانهم لا يصلحوا فعلا .. الناس مش حتنتخبهم تانى ((الا فى حالة واحده)) لو انتم كتيارات سياسيه ليبراليه او خلافه .. ما ستجمعتوش قواكم وقدمتم المشروع االسياسى البديل للاخوان والسلفيين .. اللى ممكن يخلى جموع الشعب تثق فيكم ويسلموكوا الامانه .. لو ده محصلش منكم خلال الاربع خمس سنين الجايين .. ساعتها الناس حتنتخبهم تانى .. وتالت .. ورابع .. لحد ما يحصل تلات حاجات .. يإما ينجحوا فى قيادة مصر نحو الامان والنهوض بها لمصاف الدول المحترمه اقتصاديا واجتماعيا .. يا إما الناس ينتخبوكوا انتوا وتقيموا دولتكم المدنيه .. يا إما واحد ديكتاتور ابن حرام ينتهز فرصة التخبط والانهيار والفوضى ..وينط على الحكم والشعب ..ويسقينا المر تانى فى الميه اللى بنشربها وفى الهوا اللى بنتنفسه

اضافه للتوضيح .. الناس مش عايزه دوله مدنيه لانها مش فاهمه اساسا يعنى ايه دوله مدنيه ههههههههههههههههه .. لان مفيش تعريف محدد لها او متميز

تم تعديل بواسطة محمود البصيلى
رابط هذا التعليق
شارك

639765400.jpg

386262371.jpg

مين يصدق ان دول نساء ايران قبل وصول الطائرة البوينج

ايه ال حصل بعد كده

تعلى نشوف

يتبع

تم تعديل بواسطة Folana
حذف صور لا تليق
رابط هذا التعليق
شارك

433600252.jpg

البسى ياحجه انتى وهى وهى من غير نفس ولا صوت

359945340.jpg

نساء بتضرب نساء تابعه للشرطه الايرانيه وال تخالف هاتك يادق فيها

755048218.jpg

هنا بيضربوا النساء على ضرب النساء بتقنيه عاليه

451495100.jpg

دى معامله النساء فى ايران بعد البوينج

تعالوا نشوف عملوا ايه بقى فى الشباب

يتبع

رابط هذا التعليق
شارك

مهو كده لغايه دلوقتى عنب وتين وزى الفل محدش قال اى حاجه

مش تصبر بقه نشوف ايه ال حصل بعد كده

باين السهرة اليوم عند اخوى محمد

ماشى الحال

يتبع

تم تعديل بواسطة Folana
رابط هذا التعليق
شارك

مهو كده لغايه دلوقتى عنب وتين وزى الفل محدش قال اى حاجه

مش تصبر بقه نشوف ايه ال حصل بعد كده

باين السهرة اليوم عند اخوى محمد

ماشى الحال

يتبع

يا عم الله يرضى عليك

ديننا دين الوسطية

لا إفراط ولا تفريط

يعني لا نسمح بالهبل

ولا نسمح بالضرب والكهربا وخلق جيل من المنافقين

بس وخلصت العملية

تم تعديل بواسطة Folana
رابط هذا التعليق
شارك

411201735.jpg

اسمعى يابت انتى . انتى تلبسى الحجاب بالصورة ال احنا عاوزينها مش بمزاج اهلك وإلا هنطلع البلاء الازرق على جتتك

نخش على الشباب

949052198.jpg

بدء التكفير وحفلات الاعدام الجماعى باسم الدين برده

317210659.jpg
578486372.jpg

والباقى معروف

خاض بالبلاد حروب بعدها مع العراق على شط العرب استمرت اكثر من ثمانى سنوات

وضرب اقتصاد البلدين والعناد الشخصى وتصفيه الحسابات بين البعض

وال يتنفس يتعدم

الحقيقه نموزج هايل للدوله الدينيه ال آتت بكل ده فجأة على رؤس العباد

هى دى ايران سيادتك ال بتستشهد بيها

ممكن نموزج اخر لو سمحت

رابط هذا التعليق
شارك

التاريخ ما بيكذبش .. وليس دفاعاً عن ايران أو إتهاماً للعراق

والباقى معروف

خاض بالبلاد حروب بعدها مع العراق على شط العرب استمرت اكثر من ثمانى سنوات

ده كذب تاريخي وبصراحة مش لاقي كلام اقولة

إرجع للتاريخ يا متعب وإنت هاتعرف إن صدام إستغل إعدام الثورة الإيرانية للطيارين المتعاطفين مع نظام الشاة .. وقام بمهاجمة إيران ومحاولة الإستيلاء على منطقة شط العرب التي تُعتبر المنفذ الرئسيس للعراق على الخليج العربي ... لكن إيران إستعادت قوتها بسرعة وأستمر الامر سجال إلى أن تنازل صدام الله يسامحة عن شط العرب لهم بجرة قلم وكأن شيء لم يكن .. والضحايا والثكالى اللي بالالاف يروحوا في ستين الف داهية

اما صور المشانيق دول فلا نعرف ملابسات تنفيذ الحكم فيهم ....

ومع ذلك أنا ضد كل ما يحدث في إيران من حكم الملالي وأيات الله وتجويع الشعب وتوجية كل الميزانية لكروش رجال الدين او للتسليح

عشان كده الله يرضى عليك بلاش تستخف بعقولنا ولا تأتي لي بتجربة لها ظروفها الخاصة وألياتها ... إلخ وتحاول أن تُسقطها على شيء لم يحدث في مصر

رابط هذا التعليق
شارك

إذا نزل مؤمن وكافر إلى البحر فلا ينجو إلا من تعلم السباحة ..فالله لا يحابى الجهلاء .. فالمسلم الجاهل سيغرق والكافر المتعلم سينجو .. د/مصطفي محمود

فنجحاح او فشل الاخوان والسلفين مرتبط بقدرتهم على الادارة والتنظيم فى ظروف ملائمة علشان نقدر نحكم على ادائهم مش فى ظروف زى الزفت زى اللى احنا فيها دى

ثانيا الاخوان والسلفين هيبقى هدفهم تطبيق النظام الاسلامى

سواء بتطبيق نظام الاقتصاد الاسلامى اللى بيشهد كل خبراء الاقتصاديين بيشهدو بانه انجح واقوى الانظمه الاقتصاديه فى العالم وبالذات بعد الازمه العالميه اللى فاتت

او بترسيخ تعاليم واخلاق رسولنا الكريم بين الناس وانا بقول ترسيخ مش فرض" زى ما قال الغنوشى فى تونس احنا مش عاوزين نخلى الشعب التونسى منافقين

"

فياريت طالما الشعب بيقول كلمته وبيقول احنا عاوزين الناس دى يبقى اهل الديموقراطيه ميبقوش اول كافر بيها لو مجتش فى صالحهم

رابط هذا التعليق
شارك

لا طبعا يا استاذ زوهيرى .. انا كتبت ايران على سبيل المزاح .. فايران من اشد الدول قمعية قى العالم

وبخصوص الصور يا استاذ متعب اللى تاعب نفسك وعمال تدور على صور عالنت فعاوز اقولك حاجة

لى اصدقاء ايرانيين . واعلم منهم جيدا ان بايران حرية ارتداء الملابس وكثير من البنات بلبسون البنطالون ويكشوف شعرهم ولا يتعرضون

لاى مضايقة .

رابط هذا التعليق
شارك

التاريخ ما بيكذبش .. وليس دفاعاً عن ايران أو إتهاماً للعراق

والباقى معروف

خاض بالبلاد حروب بعدها مع العراق على شط العرب استمرت اكثر من ثمانى سنوات

ده كذب تاريخي وبصراحة مش لاقي كلام اقولة

إرجع للتاريخ يا متعب وإنت هاتعرف إن صدام إستغل إعدام الثورة الإيرانية للطيارين المتعاطفين مع نظام الشاة .. وقام بمهاجمة إيران ومحاولة الإستيلاء على منطقة شط العرب التي تُعتبر المنفذ الرئسيس للعراق على الخليج العربي ... لكن إيران إستعادت قوتها بسرعة وأستمر الامر سجال إلى أن تنازل صدام الله يسامحة عن شط العرب لهم بجرة قلم وكأن شيء لم يكن .. والضحايا والثكالى اللي بالالاف يروحوا في ستين الف داهية

اما صور المشانيق دول فلا نعرف ملابسات تنفيذ الحكم فيهم ....

ومع ذلك أنا ضد كل ما يحدث في إيران من حكم الملالي وأيات الله وتجويع الشعب وتوجية كل الميزانية لكروش رجال الدين او للتسليح

عشان كده الله يرضى عليك بلاش تستخف بعقولنا ولا تأتي لي بتجربة لها ظروفها الخاصة وألياتها ... إلخ وتحاول أن تُسقطها على شيء لم يحدث في مصر

كذب تاريخى ازاى يافندم

الحروب ال خضها العراق مع ايران كانت كلها للاهداف شخصيه والسبب المعلن هو شط العرب ولكن ماخفى كان اعظم

ان الصهيونيه العالميه هى المخطط الرئيسى ليها عشان الخلاص من الاتنين وتجارة السلاح وكانت بتنفذ بالامر المباشر بين الطيارين الشيعى والسنى

وايه الحصل بعد كل هذا الخراب وضرب اقتصاد البلدين ده غير المليون شهيد والعداء مازال مستمر

بالفعل حصل التنازل عن شط العرب زى ما قلت من قبل صدام . أذن المسئله ملهاش علاقه بشط العرب من اصله

المخطط تقوم حرب بين الاتنين . واضعاف قوتهم العسكريه بل وتدميرها لصالح اسرائيل المدلله

والاغرب ان القوتين بيعدوا الاتنين فى التصنيع العسكرى الطب يعنى

والسؤال هنا .

هل تعرض احداهما للاسرائيل ووجهوا اسلحتهم العسكريه الفائقه الى تل ابيب يوما ما

او تم تحرير القدس ولا اكتفى الاتنين بالشعارات واشتغاله الشعوب

صدام نفسه لما انضرب المفاعل النووى العراقى فى التمانينات اصدر قرار فى مجله الف باء العراقيه بان لو اسرائيل اثبتت انها لها دور فى ضربه سيجعل النار تأكل نصف اسرائيل .

وعلى النقيض كان مفهم الفلسطينين انه حامى الحمى والدرع القوى ليهم وانه قادر على اباده اسرائيل

ولم يفعلها

فقط فى حرب الخليج اراده تبديله بعد ما دوره انتهى بالنسبه ليهم وبعد احتلال الكويت ضرب اسرائيل بالفعل بكام صاروخ اسكود وقع نصهم فى البحار بالصواريخ المضاده . وساعتها رفضت اسرائيل تشترك فى حرب الخليج بالامر المباشر واكتفت بحق الدفاع وقام بالمهمه مكانها قوات التحالف

ومازال السؤال العنترى ليهم محل استغراب

لما لم يوجهوا الاتنين اسلحتهم للقضاء على اسرائيل . اليس افضل من مواجهه بعضهم البعض واحتلال بلاد اخرى لم تكن فى حسابات احد غير انها ايضا تصفيه حسابات بين صدام وآل صباح لغلطهم فى شرف الماجده العراقيه

واشتركت مصر ايضا فى الليله عشان تطلع بنصيب الاسد من نفس الحرب وكلهم باعوا صدام ايضا بالامر المباشر

مصر ياسيدى الفاضل اول من تصدت للحرب البريه بالفرقه الرابعه هى والفرقه التانيه البريطانيه وكانه الاستعراض من قبل مبارك بارسال الفرقه الرابعه التى تعد من اكبر الفرق واقواها على مستوى العالم ومعروف عنها الرؤيا الليليه وما الى ذالك ونفس الشىء بالنسبه للفرقه التانيه البريطانيه التى فجرت الخطوط الاماميه للعراق ومن ثم الهجوم والاحتلال

واحتلت العراق بالفعل بعدها وايضا تحالف معهم الاخوان ضد الشعب العراقى وتحالفوا مع المحتل

أذن احنا ادام مخططات بتم بالامر المباشر والشعوب تنتظر الشعارات العنتريه ليس الا

هى دى مش حقائق موثقه

يبقى فين هنا الكذب التاريخى ؟ !!!!

ومع ذلك أنا ضد كل ما يحدث في إيران من حكم الملالي وأيات الله وتجويع الشعب وتوجية كل الميزانية لكروش رجال الدين او للتسليح

امال انته مختلف فى ايه

واى نموزج ناجح من وجه نظرك طالما ان ده لو ظروفه الخاصه على حد قولك

رابط هذا التعليق
شارك

386262371.jpg

معلش اسمحوا لي بتعليق خارج الموضوع تماما

بس بجد مندهشة

البنت اللي في النص دي مش جينفر انيستون ؟؟؟ :blink:

و الاخ اللي ع الشمال ده محمود ياسين؟؟؟ :unsure:

رابط هذا التعليق
شارك

انشئ حساب جديد او قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة

×
×
  • أضف...