هل هذا العقد مناسب !!!

[sayedkhaled]

اولا انا معى بكالوريوس تجارة خارجية سنة 2009 عندى 23 سنة ودخلت سوق العمل فى مجال مختلف وهو مبيعات المعدات الثقيلة (مهندس مبيعات) وأكتسبت بفضل الله خبرة فى هذا المجال خلال عملى بأحدى الشركات الكبرى المتخصصة فى هذا المجال فى مصر وراتبى حاليا بالبدلات 3700 جنيه ,

منذ فترة شركة سعودية كبرى متخصصة فى هذا المجال قامت بالأتصال بى لرغبتهم فى ضمى لشركتهم

بعدها جاء وفد ممثل عن هذه الشكرة الى مصر لعمل المقابلات وبالفعل قاموا بعمل المقابلة معى

ومنذ اسبوع قاموا بالأتصال بى ليخبروننى ان اجهز نفسى للسفر وارسلو لى العرض على الميل الخاص بى وهو كالتالى :

راتب اساسى :4000 ريال

بدل سكن :1333 ريال

بدل سيارة :1330 ريال ( علما بأنهم سيشترون لى سيارة وسخصمون قسطها من هذا البدل 900 ريال )

علما بأنه سيكون هناك عمولة 2% عن كل عملية انفذها

تأمين طبى : لى وللزوجة واثنين اولاد

تذاكر 1هاب وعودة سنويا : لى وللزوجة واتنين اولاد

الأجازة السنوية : شهر مدفوع الأجر

مدة العقد : سنتين قابلة للتجديد مدة مماثلة

وطلبوا منى تجهيز جواز سفر بمهنة مطابقة للتأشيرة (فنى ميكانيكا) علما بأنه لا يوجد مشكلة فى هذا الموضوع حيث انهم سيرسلوا العقد الى المكتب المسئول عن التأشيرة فى مصر وسيكون موثق ويمكننى بهذا العقد تغيير المهنة فى مكتب تأمينات العاملين بالخارج

هل هذا العقد مناسب ؟؟

هل ستمكننى هذه التأشيرة من استقدام زوجتى ؟؟

تكلفة السكن فى السعودية ( جدة ) على ان يكون متوسطا وسأكون لوحدى فى البداية ؟؟؟

تكلفة المعيشة فى جدة لى وحدى ؟؟

ارجوا من اهل الخبرى افادتى هل هذا العقد يستحق الغربة

[مروان]

كله تمام ما عدا مسمى التاشيرة

لو يقدروا يرسلوا تاشيرة بمسمى اعلى يبقى كويس

مثل محاسب او مندوب مبيعات

وفيه حاجات لازم تتاكد منها قبل السفر

1- ما هو نطاق الشركة احمر ولا اصفر ولا اخضر

2- الكفيل وسمعته ومعاملته لموظفيه

3- المكان فين في جدة بالضبط

وربنا يوفقك

واتمنى من باقي الاخوة افادتك

[sayedkhaled]

كله تمام ما عدا مسمى التاشيرة

لو يقدروا يرسلوا تاشيرة بمسمى اعلى يبقى كويس

مثل محاسب او مندوب مبيعات

وفيه حاجات لازم تتاكد منها قبل السفر

1- ما هو نطاق الشركة احمر ولا اصفر ولا اخضر

2- الكفيل وسمعته ومعاملته لموظفيه

3- المكان فين في جدة بالضبط

وربنا يوفقك

واتمنى من باقي الاخوة افادتك

شكرا يا باشا على ردك

من ناحية مسمى اعلى صعب شوية بيقولولى فى مشاكل فى التأشيرات

ناط الشركة مش عارف ازاى اعرفوا !!

الكفيل محترم جدا ومن اكبر الشركات فى السعودية فى المجال دا

المكان طريق المدينة الرئيسى

[sayedkhaled]

فين يا اهل الخبرة الردود !!!

[مروان]

بص يا سيد خالد

اللي يقدر يفيدك في موضوع النطاقات هو الفاضل خالد شحاته هنا بالمنتدى

ارسله رقم كفيلك او رقم اقامة احد الموظفين بالشركة وهو يقدر يقولك

عموما لو قدروا يطلعوا لك التاشيرة يبقى هم بالنطاق الاخضر

لان الاحمر والاصفر ممنوعين من الاستقدام

النطاق الاخضر معناه تجديد اقامتك بيسر وسهولة وتغيير المهنة بلا مشاكل

الاحمر والاصفر لا والتجديد من تحت التربيزة

عموما تاشيرة فني كان ليها استقدام وزيارة الوقت مش عارف لسه لها الحق ده ولا لا

عموما اسالهم عن امكانية تغيير المهنة بعد قدومك

اسال الله ان ييسر لك امورك

وتيجي بالف سلامة وتنور اللملكة وتنضم لقائمة المغتربين في الارض

[hakeem]

بالنسبة للمهنه فنى والاستقدام وخلافه فمحدش يقدر يفتى واستاذ خالد موجود ..استنى رأية.

وعموما موضوع النطاقات دى مش صعب اوى زى ما كنت مفكر عادى يعنى الامور بتتظبط باى طريقه وبتعلى للاخضر ..

بنود العقد الراتب وخلافه بردوا مقدرش افيدك فيها لان معرفش هل فى فرق كبير بين جده والرياض ولا عادى واحد..بس للامانة لو انا فى مكانك مكنتش مسافر واكتفى بال3700 فى مصر وخلاص..والراى الاول والاخير ليك طبعا واسمع باقى الاراء لانى لسه جديد هنا..طبعا هتقول انى مجبتش جديد وكل حاجه استنى واسمع راى الناس..اللى اقدر افيدك بيه لو تجيب رقم اقامه حد من شركتك او رقم حدود او حتى رقم جوازه ممكن اشيكلك من عندنا على نطاقها ايه..

[الفقير الى الله]

اخى الفاضل

مش هقولك غير سافر وتوكل على الله

عقدك كويس وهتاخد خبرة زيادة فى السعودية وهتقوى السى فى خصوصا ان لسة سنك صغير ربنا يوفقك

[moshtaak]

اخى الفاضل

مش هقولك غير سافر وتوكل على الله

عقدك كويس وهتاخد خبرة زيادة فى السعودية وهتقوى السى فى خصوصا ان لسة سنك صغير ربنا يوفقك

عقد جيد جدا بالنسبة لسنك وبالتوفيق

[sayedkhaled]

بجد شكرا جدا لكل اللى رد عليا وانا نويت وتوكلت على الله , بس محدش فادنى فى السكن نظاموا ايه هناك لو لوحدى ولو بعد فترة جبت زوجتى , وتكاليف المعيشة فى جدة بالنسبة للقاهرة تفرق اد ايه !!!

[sayedkhaled]

مفييييش اى حد يفيدنى فى موضوعى تانى !!!

[sayedkhaled]

ايه يا جماعة فين الردود

[geeemooo]

ايه يا جماعة فين الردود

اخى الكريم توكل على الله العقد مبدئيا مناسب وخصوصا انك لسة فى بداية حياتك اما بالنسبة لمسمى التأشيرة مدام بتقول ان الشركة كبيرة تقدر تغيرلك مهنة بسهولة لما توصل ان شاء الله وبالنسبة للمعيشة فى جدة غالية شوية حاول تسكن فى مناطق اقل مستوى معيشة وده هاتعرفه لما توصل بالسلامة نصيحتى ليك توكل على الله واخلع من مصر فى الظروف دى ولو كان حتى راتبك اعلى من 3700 جنيه مش هاتعرف تعمل اى حاجة لأولادك ربنا يتولى الناس الى فى مصر برحمته

هنا الحياه سهلة شوية وبسيطة ولو عاوز تصرف هاتصرف ولو عاوز توفر قرشين هاتوفرهم انت وطبيعة شخصيتك الخلاصة تعالى مستانيينك تنور السعودية وماتنسناش فى شوية فولية وسمسمية وحلاوة المولد عشان مافيش هنا ههههههه

[sayedkhaled]

ايه يا جماعة فين الردود

اخى الكريم توكل على الله العقد مبدئيا مناسب وخصوصا انك لسة فى بداية حياتك اما بالنسبة لمسمى التأشيرة مدام بتقول ان الشركة كبيرة تقدر تغيرلك مهنة بسهولة لما توصل ان شاء الله وبالنسبة للمعيشة فى جدة غالية شوية حاول تسكن فى مناطق اقل مستوى معيشة وده هاتعرفه لما توصل بالسلامة نصيحتى ليك توكل على الله واخلع من مصر فى الظروف دى ولو كان حتى راتبك اعلى من 3700 جنيه مش هاتعرف تعمل اى حاجة لأولادك ربنا يتولى الناس الى فى مصر برحمته

هنا الحياه سهلة شوية وبسيطة ولو عاوز تصرف هاتصرف ولو عاوز توفر قرشين هاتوفرهم انت وطبيعة شخصيتك الخلاصة تعالى مستانيينك تنور السعودية وماتنسناش فى شوية فولية وسمسمية وحلاوة المولد عشان مافيش هنا ههههههه

شكرا يا جييييمو على اهتمااامك وردك وانا بأذن الله فى اخر الأجراءات وعلى اول شهر 5 هسافر ان شاء الله , وعنيا ليك يا باشا فى السمسمية وحلاوة المولد بس قولى انتا قاعد فى جدة ولا فين ؟؟؟