اذهب إلى المحتوى
محاورات المصريين

في حاجه بتتم أنا مش قادر افهمها ... إنسحاب منصور حسن من سباق الرئاسة


Recommended Posts

أنا باعترف إني ما بقتش فاهم حاجه

وحاسس إن البلد بقت عبارة عن حتة لحمه الكل بيشد فيها وبيحاول يستأثر بأكبر نصيب منها

وإحنا الشعب عامل زي اليتيم اللي بيحضر فرح ناس أكابر وواقف يا عيني غلبان في زاوية ومستني حد يعطف عليه بأي لقمة او بواقي اكل حمضان حتى

النهاردة اعلن الرئيس التوافقي اللي طلعوا به السما إنه بينسحب من سباق الرئاسة إحتجاجاً على الأوضاع السياسية الحالية

اللي هي إيه لا مؤخذه يا عم منصور ؟

قصدي هي كانت حلوه إمبارح فرشحت نفسك وبقت كخه النهاردة وعشان كده إنسحبت ؟

طيب .. من إسبوع طلع علينا الأخ جودة عبد الخالق وزير التموين وقال إنه قرر يخوض إنتخابات الرئاسة عشان مصر ومش عارف إيه والكام بوء المحفوظين دول .. أول إمبارح طلع تصريح وقال إنه لن يشارك في هذه المهزلة التي تُجرى الان

!!!!!!!!!!!!!!

الأسبوع الماضي كتبت إن كل الناس عماله تجري وتجيب توكيلات وتعمل مؤتمرات إلا الرئيس التوافقي منصور حسن لا طالع له حس ولا خبر

الاخوان حلفوا من سنة واكتر يمين طلاق تلاته وراس المرشد الكبير إنهم لن يدفعوا بمرشح رئاسي .. او حتى يدعموا أي مرشح من الموجودين ... وأي نائب هايقل عقله ويرشح حد هايتنفخ .. وعشان كده فصلوا أبو الفتوح وصبوا عليه اللعنات

دلوقت مدخلين خيرت الشاطر مركز تأهيل و SPA وعمالين يحموا فيه ويزوقوه عشان ينزلوه رئيس ... بعد ماكان أقصى طموحهم إنه يبقى رئيس وزرا ويسموه خيرت الجنزوري

وقبل ما يدوسوا إنتر . راحت الجماعات السلفية منقطة وقالت إنها ستدعم خيرت الشاطر لو الاخوان رشحوه

حد فاهم حاجه ؟

والبلد دي راحيه على فين ؟؟؟؟؟؟؟؟؟؟؟؟؟؟؟؟

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

لأ لأ .. ده كده أستوت قوي قوي قوي والاحداث بتتلاحق بشك غريب وعجيب وكله قبل خطاب مشمش بدقائق

الان اعلن مرشح فلول اخر الإنسحاب

محمود الشريف وزير التنمية المحلية أيام مبارك أعلن هو أخر الإنسحاب

في ثاني الانسحابات من سباق الرئاسة المصرية في غضون ساعات أعلن الدكتور محمود شريف، وزير الإدارة والتنمية المحلية الأسبق، تراجعه عن الترشح للانتخابات الرئاسية.

وقال الدكتور شريف في اتصال هاتفي مع "بوابة الأهرام" إن انسحابه من الانتخابات الرئاسية يرجع إلى احتياج الانتخابات للانفاق المالي الباهظ، مضيفا أن عملية شراء التوكيلات أفسدت المنافسة الانتخابية.

وأكد أنه لا علاقة لقراره بانسحاب منصور حسن من سباق الرئاسة

مين فاكر سباقات الجري للمسافات الطويلة اللي كانت في التسعينات واوائل 2000 وكان مسيطر عليها عالمياً المغاربة والجزائريين ؟؟؟

كانوا بيعملوا حاجه عجيبة قوي ... ينزلوا واحد إسمه " أرنب السباق " واحد منهم يفتح على الرابع في الأول .. فيسحب وراه بعض المتسابقين العبط .. ويجروا معاه او جنبه لما يتقطع نفسهم .. في نفس الوقت في واحد تاني من نفس فريق الأرنب بيفضل لابد في الدره وبيجري بطريقة معينة وييجي في لحظة معينة من الخلف للامام بسرعة الصاروخ .. ويلاقي الناس اللي قدامم جابوا جاز ومش قادرين يجروا رجلهم بعد ما الأرنب خلاهم يخلصوا البنزين بدري بدري .. وبكده يفوز وهو مستريح

فهل ما يحدث الأن هو كذلك ؟؟؟؟

تعمل شوشرة .. ورئيس توافقي ومنصور حسن ومش عارف مين .... عشان تشغل الناس ونلاقي واحد لا عالبال ولا عالخاطر ججه وبرشت على كرسي الرئاسة ( نزل بالبراشوت يعني ) ؟

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

السلام عليكم ورحمة الله وبركاته

اظن والله اعلم انهم لم يستطيعوا الحصول على نسبة التوكيلات ومش قادرين يخدوا تاييد 30 عضو

الملاحظ ان فى ناس كتيرة عشمتهم وخالوا بيهم زى حزب الوفد والاخوان المسلمين كما انهم ليسوا معروفين وليس لهم شعبية

والا من باب اولى شفشق يخلع هو كمان ويوسع للى جاى لان له شعبية مع الناس الغلابة الطيبين نسبة الى احمد الطيب اللى عملوا موتمر فى بلدهم وكان بيدعموه وكذلك الفلول وابناء مبارك

تحياتى

بدأ الاسلام غريبا وسيعود غريبا كما بدأ فطوبى للغرباء

" اللهم انى اشكو اليك ضعف قوتى و قلة حيلتى و هوانى على الناس انت رب المستضعفين و انت ربى الى من تكلنى؟ الى بعيد يتجهمنى ؟ ام الى عدو ملكته امرى؟! ان لم يكن بك على غضب فلا ابالى اعوذ بنور وجهك الذى اضاءت له الظلمات و صلح عليه امر الدنيا و الاخرة من ان تنزل بى غضبك او يحل على سخطك لك العتبى حتى ترضى و لا حول ولا قوة الا بك"

قادم قادم يا إسلام حاكم حاكم يا قرآن

رابط هذا التعليق
شارك

من غير براشوت يا احمد بيه

لو انت قاعد ف مدرجات الدرجة التالته

هتلاقي عمر سليمان بيسخن خلف المرمى .. وخمسة من المجلس السمكري بيجروا وراه يدوا له تعليمات اللحظة الاخيرة

ياريت نراجع تصريحات عمر سليمان مع السي ان ان وقت الثورة

وبالمرة طالما هنراجع

بص على تعليقات اللواء الملا قدس الله سره لصحيفة الجارديان

المجلس العسكري صاحب الكلمة النهائية في مين سيضع الدستور .

اللواء الملا للجارديان ميزانية الجيش ستبقي بعيدة عن رقابة البرلمان .

اللواء الملا للجارديان : البرلمان لا يمثل المجتمع المصري ولا يمكن ان نترك له العنان

اللواء الملا للجارديان : الشعب لن يسمح للاغلبية البرلمانية بتغير الميزات الاساسية للشعب

شكراً سيادة التائب .. وبناء عليه

رابط هذا التعليق
شارك

لأ لأ .. ده كده أستوت قوي قوي قوي والاحداث بتتلاحق بشك غريب وعجيب وكله قبل خطاب مشمش بدقائق

الان اعلن مرشح فلول اخر الإنسحاب

محمود الشريف وزير التنمية المحلية أيام مبارك أعلن هو أخر الإنسحاب

في ثاني الانسحابات من سباق الرئاسة المصرية في غضون ساعات أعلن الدكتور محمود شريف، وزير الإدارة والتنمية المحلية الأسبق، تراجعه عن الترشح للانتخابات الرئاسية.

وقال الدكتور شريف في اتصال هاتفي مع "بوابة الأهرام" إن انسحابه من الانتخابات الرئاسية يرجع إلى احتياج الانتخابات للانفاق المالي الباهظ، مضيفا أن عملية شراء التوكيلات أفسدت المنافسة الانتخابية.

وأكد أنه لا علاقة لقراره بانسحاب منصور حسن من سباق الرئاسة

مين فاكر سباقات الجري للمسافات الطويلة اللي كانت في التسعينات واوائل 2000 وكان مسيطر عليها عالمياً المغاربة والجزائريين ؟؟؟

كانوا بيعملوا حاجه عجيبة قوي ... ينزلوا واحد إسمه " أرنب السباق " واحد منهم يفتح على الرابع في الأول .. فيسحب وراه بعض المتسابقين العبط .. ويجروا معاه او جنبه لما يتقطع نفسهم .. في نفس الوقت في واحد تاني من نفس فريق الأرنب بيفضل لابد في الدره وبيجري بطريقة معينة وييجي في لحظة معينة من الخلف للامام بسرعة الصاروخ .. ويلاقي الناس اللي قدامم جابوا جاز ومش قادرين يجروا رجلهم بعد ما الأرنب خلاهم يخلصوا البنزين بدري بدري .. وبكده يفوز وهو مستريح

فهل ما يحدث الأن هو كذلك ؟؟؟؟

تعمل شوشرة .. ورئيس توافقي ومنصور حسن ومش عارف مين .... عشان تشغل الناس ونلاقي واحد لا عالبال ولا عالخاطر ججه وبرشت على كرسي الرئاسة ( نزل بالبراشوت يعني ) ؟

ههههههههههههه

عاجبنى قوى الحكاية دى

﴿ قال رسول الله صلى الله عليه وسلم
كلمتان خفيفتان على اللسان ثقيلتان فى الميزان حبيبتان الى الرحمن


24556918.jpg

nX0pp2.png
رابط هذا التعليق
شارك

بالنسبة للعم منصور

كان متوقع ان الجماعة اياها ستدعمه

لذا و دائما من تتبناه الجماعة تقوم عنه بكل شئ

الان سيبذغ نجم جديد فى سماها

لذا لن تدعمه فالاولى الانسحاب

طبعا كلُ كشر عن انيابه ( الاخوان و العسكرى )

لذا الكل يفسح الطريق لهم و لا يشترك

لان كلاهما سيستخدم الشعب درعا و نصيرا له

لكن هل ما زال للاخوان رصيد فى الشارع

اللى النهاردة بفلوس بكرة حيبقى ببلاش

طيب هل ستنتخبوا خيرت الشاطر لو نزل الانتخابات

" ربي أوزعني أن أشكر نعمتك التي أنعمت علي وعلى والدي وأن أعمل صالحا ترضاه وأصلح لي في ذريتي إني تبت اليك وإني من المسلمين "

رابط هذا التعليق
شارك

انتظروا عسكريا اخر

سيكون هو وقود الثورة القادمة

نحياتي

تفاءلوا بالخير تجدوه

بعضا مني هنا .. فاحفظوه

رابط هذا التعليق
شارك

بالنسبة للعم منصور

كان متوقع ان الجماعة اياها ستدعمه

لذا و دائما من تتبناه الجماعة تقوم عنه بكل شئ

الان سيبذغ نجم جديد فى سماها

لذا لن تدعمه فالاولى الانسحاب

طبعا كلُ كشر عن انيابه ( الاخوان و العسكرى )

لذا الكل يفسح الطريق لهم و لا يشترك

لان كلاهما سيستخدم الشعب درعا و نصيرا له

لكن هل ما زال للاخوان رصيد فى الشارع

اللى النهاردة بفلوس بكرة حيبقى ببلاش

طيب هل ستنتخبوا خيرت الشاطر لو نزل الانتخابات

السلام عليكم ورحمة الله وبركاته

رفض شورى جماعة الاخوان المسلمين العرض المقدم من الجماعة بترشيح المهندس خيرت الشاطر لخوض انتخابات الرئاسة

ويتم البحث عن مرشح جديد

تحياتى

بدأ الاسلام غريبا وسيعود غريبا كما بدأ فطوبى للغرباء

" اللهم انى اشكو اليك ضعف قوتى و قلة حيلتى و هوانى على الناس انت رب المستضعفين و انت ربى الى من تكلنى؟ الى بعيد يتجهمنى ؟ ام الى عدو ملكته امرى؟! ان لم يكن بك على غضب فلا ابالى اعوذ بنور وجهك الذى اضاءت له الظلمات و صلح عليه امر الدنيا و الاخرة من ان تنزل بى غضبك او يحل على سخطك لك العتبى حتى ترضى و لا حول ولا قوة الا بك"

قادم قادم يا إسلام حاكم حاكم يا قرآن

رابط هذا التعليق
شارك

بمناسبة حكاية أرنب السباق

وبانتظار إن الجماعة توضع ... قصدي تحدد مين مرشحها المحترم

يفترض - نظرياً يعني - ان ترشيح السيد عمر سليمان (نلم نفسينا بقى بدل ما نتعلق) يلغي ترشيح السيد

السيد

اللواء

الفريق

شفيق بلوفر - سوري يا أونكل القافية تحكم ومش مهم اتعلق

الكلام ده نظري .. ولا أنا بأحلم أحلام يقظه

مش مفروض الجوز يترشحوا لانهم هيفتتوا أصوات - المواطنين الشرفاء - ورابطة روكسي عباسية غمره .... عبود عبود عبود

مفروض واحد يتنازل للتاني

هو فيه إيه

رابط هذا التعليق
شارك

حنظله

أبشرك يا مان

الفريق عُمر سليمان إنسحب نهائياً .. والإعلان الرسمي غداً

حد فاهم حاجه ؟

إوعى حد يضرب ترامادول - تيمو - ويقولي : والله شكلها في الاخر هاترسى على مشمش ( المشير ) وهاتبجى وجعه مربربة بطين ومرار طافح

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

الاخوان حلفوا من سنة واكتر يمين طلاق تلاته وراس المرشد الكبير إنهم لن يدفعوا بمرشح رئاسي .. او حتى يدعموا أي مرشح من الموجودين ... وأي نائب هايقل عقله ويرشح حد هايتنفخ .. وعشان كده فصلوا أبو الفتوح وصبوا عليه اللعنات

دلوقت مدخلين خيرت الشاطر مركز تأهيل و SPA وعمالين يحموا فيه ويزوقوه عشان ينزلوه رئيس ... بعد ماكان أقصى طموحهم إنه يبقى رئيس وزرا ويسموه خيرت الجنزوري

وقبل ما يدوسوا إنتر . راحت الجماعات السلفية منقطة وقالت إنها ستدعم خيرت الشاطر لو الاخوان رشحوه

حد فاهم حاجه ؟

والبلد دي راحيه على فين ؟؟؟؟؟؟؟؟؟؟؟؟؟؟؟؟

في خبر النهاردة في جريدة الوفد اتمني يكون صحيح ، ان البلتاجي قال انهم مش حيدعموا حد اخواني و حيختاروا واحد من المرشحين الموجودين

وأكد البلتاجي أن الجماعة ملتزمة بما أعلنته بعدم تقديم مرشح للانتخابات الرئاسية، مشيرا إلى أن شورى الإخوان سيناقش اسم المرشح الذي ستدعمه الجماعة من بين الشخصيات التي أعلنت عن عزم الترشح.

http://www.alwafd.org/أخبار-وتقارير/13-الشارع%20السياسي/184816-البلتاجى-المشير-سيجتمع-بقيادات-الأحزاب

تم تعديل بواسطة ام سلمي

رَبَّنَا اغْفِرْ لِي وَلِوَالِدَيَّ وَلِلْمُؤْمِنِينَ يَوْمَ يَقُومُ الْحِسَابُ

رابط هذا التعليق
شارك

حنظله

أبشرك يا مان

الفريق عُمر سليمان إنسحب نهائياً .. والإعلان الرسمي غداً

حد فاهم حاجه ؟

إوعى حد يضرب ترامادول - تيمو - ويقولي : والله شكلها في الاخر هاترسى على مشمش ( المشير ) وهاتبجى وجعه مربربة بطين ومرار طافح

اعتقد السبب انهم بينسحبوا لصالح مرشح فلول واحد -قد يكون شفيق مثلا - علشان اصوات الفلول كلهم تروح له

القرضاوي لسة قايل كدة امبارح في رسالته للاخوان ،

يا ريت كنا نعمل كدة احنا كمان

تم تعديل بواسطة ام سلمي

رَبَّنَا اغْفِرْ لِي وَلِوَالِدَيَّ وَلِلْمُؤْمِنِينَ يَوْمَ يَقُومُ الْحِسَابُ

رابط هذا التعليق
شارك

لأ لأ .. ده كده أستوت قوي قوي قوي والاحداث بتتلاحق بشك غريب وعجيب وكله قبل خطاب مشمش بدقائق

الان اعلن مرشح فلول اخر الإنسحاب

محمود الشريف وزير التنمية المحلية أيام مبارك أعلن هو أخر الإنسحاب

في ثاني الانسحابات من سباق الرئاسة المصرية في غضون ساعات أعلن الدكتور محمود شريف، وزير الإدارة والتنمية المحلية الأسبق، تراجعه عن الترشح للانتخابات الرئاسية.

وقال الدكتور شريف في اتصال هاتفي مع "بوابة الأهرام" إن انسحابه من الانتخابات الرئاسية يرجع إلى احتياج الانتخابات للانفاق المالي الباهظ، مضيفا أن عملية شراء التوكيلات أفسدت المنافسة الانتخابية.

وأكد أنه لا علاقة لقراره بانسحاب منصور حسن من سباق الرئاسة

مين فاكر سباقات الجري للمسافات الطويلة اللي كانت في التسعينات واوائل 2000 وكان مسيطر عليها عالمياً المغاربة والجزائريين ؟؟؟

كانوا بيعملوا حاجه عجيبة قوي ... ينزلوا واحد إسمه " أرنب السباق " واحد منهم يفتح على الرابع في الأول .. فيسحب وراه بعض المتسابقين العبط .. ويجروا معاه او جنبه لما يتقطع نفسهم .. في نفس الوقت في واحد تاني من نفس فريق الأرنب بيفضل لابد في الدره وبيجري بطريقة معينة وييجي في لحظة معينة من الخلف للامام بسرعة الصاروخ .. ويلاقي الناس اللي قدامم جابوا جاز ومش قادرين يجروا رجلهم بعد ما الأرنب خلاهم يخلصوا البنزين بدري بدري .. وبكده يفوز وهو مستريح

فهل ما يحدث الأن هو كذلك ؟؟؟؟

تعمل شوشرة .. ورئيس توافقي ومنصور حسن ومش عارف مين .... عشان تشغل الناس ونلاقي واحد لا عالبال ولا عالخاطر ججه وبرشت على كرسي الرئاسة ( نزل بالبراشوت يعني ) ؟

اظن ان مستوي ذكاء العسكري والاخوان مش ممكن يوصل لدرجة الارانب :)

ولية متقولش ان منصور حسن و محمود الشريف فشلوا انهم يجمعوا توقيعات النواب او يجمعوا توكيلات وانسحبوا بكرامتهم احسن ليهم,

خاصة بعد فشل بلونات الاختبار بتاعة الرئيس التوافقي

تم تعديل بواسطة ماستر

ليس من المهم اين نقف، ولكن من الضرورى معرفه فى اى اتجاة نسير

رابط هذا التعليق
شارك

بمناسبة حكاية أرنب السباق

وبانتظار إن الجماعة توضع ... قصدي تحدد مين مرشحها المحترم

يفترض - نظرياً يعني - ان ترشيح السيد عمر سليمان (نلم نفسينا بقى بدل ما نتعلق) يلغي ترشيح السيد

السيد

اللواء

الفريق

شفيق بلوفر - سوري يا أونكل القافية تحكم ومش مهم اتعلق

الكلام ده نظري .. ولا أنا بأحلم أحلام يقظه

مش مفروض الجوز يترشحوا لانهم هيفتتوا أصوات - المواطنين الشرفاء - ورابطة روكسي عباسية غمره .... عبود عبود عبود

مفروض واحد يتنازل للتاني

هو فيه إيه

منذ فترة قرأت تقرير يتفق مع رأيك يا استاذ حنزله,

وكانت الاشارة فى التقرير ان الخارجية الامريكية تعد لواء طيران سابق (احمد شفيق) حتى يكون خليفة مبارك،

الفرصة جت ليهم دلوقتى انه الكل يوسع لية الطريق ويتجمع كل اصوات الفلول + العسكري + اللصوص ويركزوا فى اتجاة واحد،

ان شاء الله ربنا يخيب ظنهم وهيفشل شفيق زى عادته ويغور فى دهية هو ومعه العسكري

تم تعديل بواسطة ماستر

ليس من المهم اين نقف، ولكن من الضرورى معرفه فى اى اتجاة نسير

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...