اذهب الي المحتوي
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

جمهور«المصري» يشتبك مع قوات تأمين القناة بعد محاولة اقتحام مكتب الإرشاد


Recommended Posts

طبعا خبر مثل هذا لا يمكن وضعه فى باب الرياضة .. فهو موضوع جاد .. بل وفى منتهى الجدية

مالذى حدث لمحاولة اقتحام مكتب الارشاد ؟

ما علاقة مكتب الارشاد بقرارات اتحاد الكرة ؟

ما علاقة قناة السويس بالنادى المصرى للألعاب الرياضية سوى أنه فى مدينة بورسعيد مدخل القناة

فقط الآن سمعت عن 13 مصابا ووفاة صبى فى الثالثة عشر من عمره "برصاصة" ... نعم ؟ .. برصاصة ؟ .. يعنى رصاصة "القوات المسلحة" ماتجيش إلا فى صبى ؟

ماذا يريد المصريون بمصر ؟

اليوم سمعت وزير التموين يتحدث عن بعض شركات البترول كمفتعل لأزمة الوقود !!!!!!! .. وسمعت من مصدر لا أدعى أنه موثوق .. أن بعض "تناكر الوقود" تسكب حمولتها فى الصحراء

ماذا يريد المصريون بمصر ؟

جمهور«المصري» يشتبك مع قوات تأمين القناة بعد محاولة اقتحام مكتب الإرشاد

اندلعت اشتباكات عنيفة بين جماهير بورسعيد وقوات الجيش التي تقوم بحماية الممر الملاحي لقناة السويس عقب فرض اتحاد الكرة المصري عقوبات على النادي البورسعيدي، الجمعة.

وحاولت جماهير النادي البورسعيدي اقتحام مقر مكتب الإرشاد بالقناة لكن قوات الجيش تصدت لهم وقامت بإطلاق قنابل الغاز لتفريقهم، مما دفعهم للاتجاه لقطع طريق المعديات التي تربط بورسعيد ببورفؤاد وبالفعل سرت أنباء عن توقف حركة المعديات.

وأطلقت قوات الجيش قنابل الغاز المسيل للدموع لإبعاد المتجمهرين عن المبنى التابع لقناة السويس.

وهتف نحو 5 آلاف متظاهر ضد المجلس العسكري واتحاد الكرة والنادي الأهلي، فيملا أكد شهود عيان حدوث عدة إصابات جراء الاختناق من استنشاق الغاز.

وعاقب اتحاد الكرة النادي المصري البورسعيدي بحرمان فريقه الأول من المشاركة في أنشطة الاتحاد لمدة موسمين وحظر إقامة مباريات في استاده لمدة ثلاث سنوات بعد أسوأ كارثة رياضية تشهدها البلاد.

وقتل أكثر من 70 شخصا وأصيب المئات في أحداث شغب وقعت باستاد المصري في بورسعيد عقب مباراة الفريق أمام ضيفه الأهلي في الأول من فبراير الماضي.

وكان النائب العام قد أحال 75 متهما للمحاكمة في قضية مقتل المشجعين من بينهم تسعة من قيادات الشرطة واثنان من مسؤولي النادي المصري

رابط المشاركه
شارك

تخيل يا عم أبو محمد لما يكون اللي بيهدد ويتوعد بالويل والثبور وعظائم الامور لو حصل حاجة للنادي المصري بعد المذبحة

هم الـ 4 اعضاء بتوع محافظة بورسعيد ؟

تخيل لما يصل تهديد بعض المهاوييس بإعلان إنفصال المحافظة عن مصر وإنتخاب رئيس مستقل ؟

رابط المشاركه
شارك

خلينا نشهد العالم يا سين سين

آدى البدايات لاستفزاز الجيش علشان البلد تولع

وآدى الجمهور بيستفز الجيش وبيدعوهم انهم "يموتوهم" .. شوف واسمع

رابط المشاركه
شارك

تخيل يا عم أبو محمد لما يكون اللي بيهدد ويتوعد بالويل والثبور وعظائم الامور لو حصل حاجة للنادي المصري بعد المذبحة

هم الـ 4 اعضاء بتوع محافظة بورسعيد ؟

تخيل لما يصل تهديد بعض المهاوييس بإعلان إنفصال المحافظة عن مصر وإنتخاب رئيس مستقل ؟

نحن فى حاجة إلى جيش من الأطباء النفسيين لإعادة تأهيل هؤلاء المرضى .. بعد علاجهم من الهلاوس السياسية التى تخلط الحابل بالنابل .. البدرى فرغلى يسارى معروف .. باقى الأربعة أعتقد إن كلهم من الأخوان .. لا أقصد "الأخوان المسلمين" .. بل أقصد "الأخوان المذنبين" :blush2:

رابط المشاركه
شارك

أنا باتابع الأخبار

بصراحة حاجة مقرفة

مش حاكتب تانى على الأقل هذه الليلة

وإنت أنتظرني حضرتك بكرة إن كان لنا عُمر في موضوع أعتقد إنه هايكون قنبلة بإذن الله

رابط المشاركه
شارك

حضرتك خدت بالك الفيديو عنوانه إيه ... الجيش المصري يرفع السلاح في وجه البورسعيدية

ياترى مين من مصلحته يقلب الحقيقة بالشكل ده وناس تنقل الفيديو و تقلب الحقيقة ؟؟

وليه الجيش هو الطرف المدان في كل الأحداث .. حتى قبل أن تبدأ ؟؟؟

تم تعديل بواسطة عادل أبو عمر
رابط المشاركه
شارك

دول مش جمهور المصرى .. ولا بيعبروا عن اهل بورسعيد ..دول شوية همج ورعاع وحمقى واغبياء وعديمى التربيه والدين والاخلاق والوعى وعاطلين عن العمل ... دول مش بنى ادمين اصلا اللى يعملوا كده عشان لعبه تحولت بالفعل الى دين جديد وبلا ادنى مبالغه منى ..هولاء ما جناه مبارك ونظام حكمه .. هم قنابله الموقوته .. وألغامه المزروعه بمعظم انحاء الوطن .. ويبدو ان وقت الانفجارات قد حان بعد أن التهبت الاجواء وسخنت .. ربنا يعدى الايام اللى جايه على خير .. عشمانين فى رحمتك يا رب

تم تعديل بواسطة محمود البصيلى
رابط المشاركه
شارك

دول مش جمهور المصرى .. ولا بيعبروا عن اهل بورسعيد ..دول شوية همج ورعاع وحمقى واغبياء وعديمى التربيه والوعى وعاطلين عن العمل ... دول مش بنى ادمين اصلا اللى يعملوا كده عشان لعبه تحولت بالفعل الى دين جديد وبلا ادنى مبالغه منى ..هولاء ما جناه مبارك ونظام حكمه .. هم قنابله الموقوته .. وألغامه المزروعه بمعظم انحاء الوطن .. ويبدو ان وقت الانفجارات قد حانت بعد أن التهبت الاجواء وسخنت .. ربنا يعدى الايام اللى جايه على خير .. عشمانين فى رحمتك يا رب

الموضوع مش بور سعيد - النوعية دي موجودين في كل محافظة في مصر .. .. الموضوع بقى سلوكيات ووعي مننا إننا نعرف نشوف الحقيقية و نتعامل مع الأحداث من زاويتها الطبيعية وهي الحقيقة ...

تم تعديل بواسطة عادل أبو عمر
رابط المشاركه
شارك

دول مش جمهور المصرى .. ولا بيعبروا عن اهل بورسعيد ..دول شوية همج ورعاع وحمقى واغبياء وعديمى التربيه والوعى وعاطلين عن العمل ... دول مش بنى ادمين اصلا اللى يعملوا كده عشان لعبه تحولت بالفعل الى دين جديد وبلا ادنى مبالغه منى ..هولاء ما جناه مبارك ونظام حكمه .. هم قنابله الموقوته .. وألغامه المزروعه بمعظم انحاء الوطن .. ويبدو ان وقت الانفجارات قد حانت بعد أن التهبت الاجواء وسخنت .. ربنا يعدى الايام اللى جايه على خير .. عشمانين فى رحمتك يا رب

الموضوع مش بور سعيد - النوعية دي موجودين في كل محافظة في مصر .. .. الموضوع بقى سلوكيات ووعي مننا إننا نعرف نشوف الحقيقية و نتعامل مع الأحداث من زاويتها الطبيعية وهي الحقيقة ...

الحقيقه اخى العزيز عادل ان اغلبنا فعلا فقد الوعى ... ومحتاجين ((عودة الوعى)) مع الاعتذار لتوفيق الحكيم

الحقيقه ان بورسعيد من أهم .. إن لم تكن هى أكثر محافظات مصر أهميه ...وخصوصا الاهميه الجغرافيه والاستراتيجيه والاقتصاديه .. واكتسبت اهميتها من كونها اولا فى مقدمه قناة ملاحيه دوليه سببت لمصر متاعب كثير بسبب مطامع استعماريه .. وهى بدون ادنى شك اول اهداف بنى صهيون .. الى جانب انها جزيره تعوم على بحر من الغاز الطبيعى .. مش حتصدقنى لما اقولك انى بدفع فى السنه بحالها فقط حوالى خمسين جنيه فاتورة غاز طبيعى .. مع العلم انى هنا فى انجلترا فاتورة استهلاكى اسبوعيا تقترب من 100 مصرى اى حوالى 10 استرلينى .. طبعا الى جانب انها منطقه حره او كانت

اللى عايز اقوله .. ولا معظم البورسعيديه حاسين بقيمة وقدر ومكانة بلدهم .. ولا الحكومه والمسئولين حاسين بده.. ولا اغلب الناس حاسه بده ... فقدان الاحساس .وزيادة التبلد ..ادى الى فقدان الوعى لدى الناس .سواء دهماء او مثقفين ((الا قليلا)) ..

والله العظيم اللى بيحصل ده كارثه نستحق عليها لعنات الرب ان تنصب علينا .. أ ونركل بلادنا ركلة جماعيه لنقذف بها الى غياهب هوة سحيقه بسبب لعبة تسمى كرة القدم؟ .. الا لعنة الله على القوم الجاهليين

رابط المشاركه
شارك

و مين قال ان السبب كرة القدم؟؟؟

دي مجرد واجهة لتنفيذ خطط معينة

طول عمر الكورة موجودة في مصر

و عمرما كان فيها مشاكل

الا من ايام المخلوع الاخيرة و تحديدا خديعة ماتش الجزائر

للأسف الناس تم شحنها بطريقة غير طبيعية

ومحدش بقى طايق التاني

شعب على شرطة على بلطجية على جيش

كله مش طايق كله

و طول ما احنا بالنفسية دي

عمر ماحيكون فيه تغيير للأفضل أبدا

بل استمرار في الانحدار

كلنا مسؤلين عنه

كلنا

رابط المشاركه
شارك

أصدرت رابطة التراس جرين ايجلز "مشجعي فريق المصري البورسعيدي" بيانا ورد عبر صفحتها الرسمية على موقع التواصل الاجتماعي "فيس بوك" هذا نصه :

لقد استطاع المجلس العسكرى ان ينصب المسرح ويجلس للفرجة فهنيئا لهم لقد استطاعوا احداث الفرقة وزرع الفتنة كانت مباراة بالنسبة لهم الكنز الغائب الذى يبحثون عنه منذ بداية الثورة ولم يجدوه الا فى ارض بورسعيد وكانت افضل أرض خصبة للفتن .

لقد اختلط الحابل بالنابل والجميع يتكلم ولا يترك وقت للصمت لرؤية الواقع فلتذهب الكرة للجحيم اذا كان الجميع يتمسك بموقفة ولا نترك مجال للعقل ليتكلم ويترجم الى اين نحن ذاهبون .

يحدث الان امور مريبة امام قبة قناة السويس من عدم وجود شرطة او جيش مع انها كانت متواجدة بالصباح.

لقد تأزم الموقف هناك ولقد اعلنا انسحابنا من امام استاد بورسعيد فو رؤيتنا لامور مريبة.

"لا حول ولا قوة إلا بالله "

http://www.kooora.com/?n=164766

رابط المشاركه
شارك

أصدرت رابطة جماهير التراس أهلاوي بيانا للرد على قرارت الاتحاد المصري لكرة القدم بشأن مذبحة بورسعيد عبّرت فيه عن رفضها التام لتلك القرارت.

وفيما يلي "نص البيان" حسبما جاء في صفحتهم على موقع التواصل الاجتماعي (فيس بوك):

إذا كان سكوتنا خلى الناس تفتكر انه ضعف يبقى شيطان خايب ولعب بعقولكم وكلامنا موجه لكل واحد افتكر انه هيقدر يموت القضية او يغير مسارها من حكومة لا تعرف الا عقلية النظام البائد فى حل المشاكل بأسلوب المتخلفين عقلياً , او اعلام قذر لا يعرف الا اسلوب الدعارة الاعلامية , او قاتل فاجر قتل ودبح وطلع النهاردة يطالب بكل بجاحة بحقوق !!

فات 52 يوم واحنا بنطالب بالحق العادل ولا كسرنا ولا خربنا وقولنا فى ناس محترمة لسا عندها ضمير ممكن تريح قلوب امهات الشهداء وقلوبنا بأبسط الحقوق التى لم ولن تعوض عن خسارة ابنائهم واخواتنا ولكن واضح ان الصوت العالى هو اللى ليه الغلبة فى البلد واني لما انزل واكسر واقطع طريق يتعملى حساب ودة مكنش هدفنا ولا فكرنا عشان احنا لينا حق وبنخاف عالبلد وعلى مصلحتها ولكن بعد القرارات الهزيلة الظالمة التى صدرت من اتحاد الفساد ومن مجلس الوزراء اللى وعد نواب القتلة بالحفاظ على النادى المصري على حساب دم 74 شهيد

بس من النهاردة مفيش عقل قولوا علينا بلطجية مدمنين عملاء مجانين احنا اى حاجة ممكن تقولها بس احنا هنبقى مجانين عشان الحق يرجع بالقانون أو بدراعنا ولكم حرية الاختيار

احنا اصحاب حق واصحاب القضية وشوفنا الموت بجانب الشهداء وعندنا استعداد نموت عشان الحق يرجع واذا كان اللى ماتوا 74 ممكن فى اى وقت العدد يتضاعف ..

وبناءاً عليه:

1- نطالب بمحاكمة خاصة وعاجلة لكل من شارك فى الجريمة سواء دبر لها او شارك فيها او نفذها مهما كان منصبه او سلطته والا نختذل المتهمين فى المقبوض عليهم فنحن لا نستطيع تكذيب اعيننا التى رأت الالاف فى الملعب تشارك فى المذبحة اما بالقتل او الشروع فيه او حتى المشاهدة والتصوير والذى يندرج تحت بند التستر على الجريمة

2- هبوط النادى المصرى وتجميد جميع الانشطة الرياضية لمدة ثلاث سنوات وفى حالة خروج اى فريق للنادى المصرى فى اى درجة او مرحلة سنية خارج المدينة لا يلوم احد الا نفسه

3- عدم عودة النشاط الرياضى بالنسبة للدرجة الاولى الممتاز لحين استرجاع حق الشهداء بالكامل , وليس لنا اى علاقة بباقى مسابقات الدورى فى الدرجات الادنى

لذلك قررنا التواجد امام اتحاد الكرة الفاسد الجبان الذى تملى عليه القرارات من جهات اعلى شاركت فى المجزرة بحجة اللوائح والقوانين الذى اصدر القرارات الهزيلة فقررنا ايقاف اى نشاط لاتحاد الكرة حتى صدور احكام القصاص والقرارات العادلة لذلك سيبدأ الاعتصام امام اتحاد الكرة يوم الاحد الموافق 25/3/2012 الساعة 11 صباحاً

وعلى جميع اهالى الشهداء و افراد المجموعة واولتراس ديفلز وجمهور الاهلى واحرار مصر وكل من له حق الاستعداد للتواجد والاعتصام حتى يتم تنفيذ المطالب

البيان هدية مننا للاعلام كمادة خصبة للحديث عنه وحشو البرامج فى الايام القادمة وزى ما اتعودنا منكم هتقولوا مين دول عشان يهددوا او يتكلموا بالطريقة ديه زى اسلوبكم المعتاد لارضاء الحاكم وهتقولوا بلطجية ومخربين بس احنا القشة الى هتقطم ضهر الفساد

ومن يريد التصدى لغضب الاولتراس واصحاب الحق واهالى الشهداء من جهات عليا نعتبرها شركاء فى الجريمة نتمنى وجودكم امامنا والعاقبة على من ابتدى

الحق راجع لاصحابه لا محالة

إتفضلوا شوفوا يا جماعه البلد وصلت لايه ..

رابط المشاركه
شارك

بورسعيد حاليا ومنذ الامس فى حالة إكتئاب عامه .. جميع من حادثتهم من اهلى واصدقائى فى حالة حزن عميق وألم وإنكسار جزعا وهلعا على مدينتهم الحبيبه .. المحلات مغلقه .. دخان القنابل المسيله للدموع يخنق اجواء المدينه الصغيره .. طلقات الرصاص تدوى .. اصبحت بورسعيد مدينة للاشباح .. بعد أن كانت مزار تسوق .. يحج إليه ويفد المصريين من كل فج عميق .. يوجد فقط تجمعات امام المناطق الحيويه.. لمصلحة من هذا .. ومن يوجه هولاء الصبيه الطائشين الموتورين .. لله الأمر من قبل ومن بعد

رابط المشاركه
شارك

لا حول و لا قوة إلا بالله العلي العظيم

النار تحت الرماد .. و النفخ فيها مستمر

أنا فعلا مش هقدر اصدق غير اهالي بورسعيد نفسهم او من على اتصال حقيقي بهم

و غالبا هما كمان مش هيكونوا محيطين بكل أبعاد الموضوع

حسبنا الله و نعم الوكيل

رابط المشاركه
شارك

مصر كلها مفتقدة للحكماء

في وقت هي في أشد الحاجة لوجود حكماء

من رأيناهم وسمعناهم على الشاشات يثيرون الشغب والإعتراضات في بورسعيد ... ليسوا هم البورسعيدية الذين يهتف بهم الشاعر والفرغلي ...

ليسوا هم البورسعيدية الذين نشأنا نروي بطولاتهم وقصصهم ونفتخر بهم ...

من نراهم .. هم صيع .. وأشخاص هاملون ... همت عقولهم وغيبت ...

التعرض لأي من مرافق الدولة ... هو جرم كبير يجب أن يواجه بمنتهى القسوة بغرض الردع

فما بالك بالمرافق الهامة والحيوية

ما يحدث في بورسعيد .. عوضاً على أنه يملأ الدنيا بالفوضى .. إلا أنه يصب في صالح كل فرقاء الوطن ...

كل طرف من أطراف الوطن سيجد فيه غايته ..

وسيجد مادة ثرية تخدم مصالحة

أي من كان

فلول ... إخوان ... سلف ... ليبراليين .. الثورة مستمرة ... الثورة الله يرحمها ... كل الناس ...

رابط المشاركه
شارك

ده مش مخطط لاسقاط مصر زى ما بيقولوا

ومش ممكن نطلق عليه التسميه دى الان

لسبب بسيط لان بالفعل مصر سقطت وال اسقطها المجلس العسكرى بمباركه من كافه فئات الشعب

الشعب بارك المجلس العسكرى وبيدين بعضه وبارك الفلول وبيدين بعضه وبارك عكاشه وبيدين بعضه وبارك المخططات الاسرائيليه وبيدين بعضه وبارك الاخوان والتيارات الدينيه وبيدين بعضه وبارك بعضه وبيدين بعضه

وال افتعلوا كل ده بعيد عن حسابات الشعب

خلاص يبقى محدش يتكلم وال بيحصل فى الشعب المصرى حلال

وشريحه هايله من الشعب بعشرة جنيه فقط بيطلع يخرب ويعمل انه شعب

ولو اعطيته ميت جنيه عشان يصلح بيرفض الاصلاح . غاوى فساد وزل وانكسار وجهل . ادمنهم

والخطه مش بس سقوط مصر . الخطه اكبرمن كده انها مش ممكن تقوم ليها قومه تانى وبرده تحت مباركه من الشعب

خلاص يبقى محدش يتكلم وكل ال طلع من الشباب لرفض الزل والانكسار عليه الان الانضمام لفئات الشعب العريضه دى والشرفاء دول

عاوز دوله ليها سياده وتحترم حقوق الانسان .ودوله قانون . يبقى تترك مصر والدول على اقفى مين يشيل

الشباب بيحارب فئات عريضه من الشعب عشان النهوض بمصر . بيحارب جهل وتفشى فساد داخلى وخارجى وبيحارب منظومه كامله متكامله من الفساد وانضم للمنظومه دى كل الفئات المعدومه من الشعب المصرى وال قامت عشانهم الثورة

واول ناس حطت اديها فى ايد الفساد هما الناس دى . وهما نفسهم ال حاربوا الثورة

ناس واقعه من الدور الرابع . رفضت انها تعيش بكرامه وحريه وادميه وعشقت تبعيه الفساد

ال قام بالثورة بشوات البلد ياحج

واقل واحد من الشباب ال قاموا بالثورة عايش عيشه ملوك . مش محتاج الثورة من اساسه

بس عملوها عشان الناس دى ال حاربتهم فى النهايه وراحوا بعشرة جنيه فقط عملوا توكيلات لعمر موسى لتنصيبه رئيس للجمهوريه

وهما نفسهم ال اتهموا التحرير انه بيقبض ولو متأكدين من الادعاءات دى كانوا هما اول ناس تروح تنام فى التحرير ومتخرجشى منه

بس ناس عشقت التدليس والقزارة والزل والخنوع والانكسار

وعلى الشباب الان انه يخلع منهم ويسلمهم تسليم اهالى للمنظومه الفساد تفعل ما تراه فيهم بكل حريه

وعلى الشباب برده انه ينتخب عمر موسى معاهم ويعيد النظام تانى ليهم طالما عشقوه بالشكل ده

والف هنا وشفى عليهم

الجريمه الوحيده الان هى المطالبه بالاصلاحات وتغير منظومه الفساد واى شىء اخر مش مهم

رابط المشاركه
شارك

دول مش جمهور المصرى .. ولا بيعبروا عن اهل بورسعيد ..دول شوية همج ورعاع وحمقى واغبياء وعديمى التربيه والوعى وعاطلين عن العمل ... دول مش بنى ادمين اصلا اللى يعملوا كده عشان لعبه تحولت بالفعل الى دين جديد وبلا ادنى مبالغه منى ..هولاء ما جناه مبارك ونظام حكمه .. هم قنابله الموقوته .. وألغامه المزروعه بمعظم انحاء الوطن .. ويبدو ان وقت الانفجارات قد حانت بعد أن التهبت الاجواء وسخنت .. ربنا يعدى الايام اللى جايه على خير .. عشمانين فى رحمتك يا رب

الموضوع مش بور سعيد - النوعية دي موجودين في كل محافظة في مصر .. .. الموضوع بقى سلوكيات ووعي مننا إننا نعرف نشوف الحقيقية و نتعامل مع الأحداث من زاويتها الطبيعية وهي الحقيقة ...

هون على نفسك يا أ/ محمود ليس هؤلاء هم كل أهالي بورسعيد و لا كل مشجعي النادي المصري

كما قال أ/ عادل في كل مدينة يوجد مثل هؤلاء .. و الحق على من رباهم و نفخ فيهم .. ممن يسمون أنفسهم بالإعلام الرياضي

و الإعلام منهم بريء

بالضبط كما ربت وزارة الداخلية البلطجية لاستخدامهم عند الحاجة

ربنا يحفظ مصر

تم تعديل بواسطة لونا
رابط المشاركه
شارك
مصر كلها مفتقدة للحكماء

في وقت هي في أشد الحاجة لوجود حكماء

اللي بيحص في مصر . حاله فوضي . حاله فقدان القائد . اتخيل الي بيحصل في مصر زي ما بيحصل لاي اسره في ظل عدم وجود والدهم .

حاله الفوضي . حاله سوء اداره الموارد . الاولاد مش لاقين حاجه ياكلوها والعيش مرمي . النور مقطوع . والاجهزه الكهربايه شغاله . اصوات التلفزيون عالي . واحد نايم والثاني صاحي .حاله فوضي لكن علي مستوي دوله

مصر مفتقده للحكيم ... من هو الحكيم ... في نظري الحكيم من كان مؤهلا للرئاسه ورفضها . الحكيم هو من يؤثر مصلحه الجماعه علي مصلحته الشخصيه

كان مممكن البردعي يكون حكيم مصر . لو لم يترشح للرئاسـه . لكن اما وقد ترشح فهو ورقه احترقه .

نريد تضحيه من الكبار وليس من الشباب

تضحيه الناس الكبار تكون باتاحه الفرصه للجيل الشاب . وليس لمزاحمته .

رغم كل ما يحصل . اعود وااكد انه قرب الفرج . كلها اشهر وتنجلي الغمه . على الاقل يكون هناك رئيس ومرجعيه . وكان الله في عون من يكون اول رئيس بعد الثوره .

لست ضد عمر سليمان رغم ما يقال عنه في تولي رئاسه مصر .

رابط المشاركه
شارك

انضم إلى المناقشة

يمكنك المشاركة الآن والتسجيل لاحقاً. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.

زوار
أضف رد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

×
×
  • اضف...