اذهب إلى المحتوى
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

الاخوان ... أو الحرية والعدالة ( فكر جديد )


se_ Elsyed

Recommended Posts

مواطنون يقطعون السكة الحديد بالإسماعيلية لغياب الخبز والبوتاجاز

يعني مثلا ناس زي دي هايتسجنو كام شهر عشان عملوا مظاهر بيطالبو بتوفير الخبز والبوتاجاز

ولا هاتقولهم روجو بغلو الامن قبلها بكام يوم واعملو اعلان في الجرائد وباقي الشروط التعجيزية

من المؤكد ان ادار التموين عارفه ان فيه مشكلة في هذه المنطقة بخصوص الغاز والخبز وماعملوش حاجة وقامت مظاهرة يبقى المسؤول هما مش المواطنين

ولو مش عارفين يبقى يورونا عرض كتافهم

ولو ماحلوش المشكلة حتى وصلت لما وصلت اليه يبقى يستاهلو محاكمة وجزاءات رادعة مش نجاز ونسجن المواطن اللي عمل مظاهرة

قطع الطريق وتعطيل مصالح الناس ليس تظاهرا، بل قطع طريق وبلطجة شعبية

اللي عايز يتظاهر يذهب ويتظاهر أمام جهة الاختصاص بدون منع الموظفين من اداء اعمالهم أو سد أبواب ومداخل وطرقات.

ماهو انت يا استاذ محمد واضح انك ما جربتش يعني ايه مافيش عيش او بوتجاز او تقف طابور طويل وصل احيانا ل 12 ساعة عشان تمول عربيتك النصف نقل عشان تشوف اكل عيشك

لما ناس وعلى فكر مش بلطجية يوصل بهم الامر انهم يقطعو طريق او سكة حديد عشان رغيف عيش او انبوبة بوتجاز وبعد كده تقولي مالهمش حق وكان الاجدر لهم يعملو كذا وكذا

اللي ايده في المية مش زي اللي ايده في النار

عشان كده بنقول ان السبب مش في قطع الطريق ولكن في اللي تسبب ان المواطن يشق هدومه ويفعل الخطأ ويقطع الطريق

لما المشاكل تبقى في العيش لا تسألني عن النتائج

رابط هذا التعليق
شارك

بالله عليكم إفتكروا الكلمتين دول كويس

الإخوان بقيادة سياسيهم معدومي الخبرة واللي إتغروا .. خلاص قطعوا شوط لا بأس به في مشوار السقوط .. مش قولت لكم إنهم طبقوا تجربة الحزب الوطني .. بس من الأخر

عارفين حصل إيه النهاردة ؟

كان في إجتماع للجنة التاسيسية للدستور .. واللي حضروا بس 69 شخص .. ومع ذلك طلع الكتاتني وقال إيه ؟

ماضون في كتابة الدستور .. والمنسحبون امامهم فرصة حتى الثلاثاء القادم ثم سنطبق عليهم اللوائح ..

وبس كده

وكأن الأزهر .. والكنيسة ... ووزارة الخارجية ... والمحكمة الدستورية العُليا و و و و

كل دول بقوا أعداء الوطن وإنسحابهم لا يثمثل أي شيء للبيه الكتاتني ورفاقة

وكأن لسان حالهم بيقول " خليهم يتسلوا "

رابط هذا التعليق
شارك

ماما حلوه

#رصد | #تأسسية_الدستور | الكتاتنى : الجمعية التأسيسية لن تضع الدستور وحدها، فالشعب المصرى سيكون له دور كبير فى عملية وضع الدستور عن طريق الموقع الالكترونى وانتقال الجمعية لكل المناطق الجغرافية لأخذ رأى كافة الشرائح المجتمعية فى الاعتبار، وسيتم نشر كل وسائل الاتصال الممكنة بين الجمعية والشعب المصرى على الموقع

والله ؟

طب ما تسرح الناس دي وتديهم عرقهم وتسيب الشعب هو اللي يكتب الدستور عن طريق المواقع التوماتيكية ؟

رابط هذا التعليق
شارك

امال فين قانون تجريم المظاهرات امام الحشود المجتمعة الان في ميدان التحرير من الاخوان وذيولهم من السلفيين

لماذا لم يقم الصول باخطار جهات الامن والحصول على موافقة لهذه المظاهرة وتقديم كبشي فدا لجهات الامن لذبحهم وقت اللزوم ولماذا لم يخطر جهات الامن بهدف المظاهرة

انتم مفكرين اننا بننسى

انسو

لماذا تعطلون عجلة الانتاج وتعطلون المرور في ميدان التحرير وتغلقون المحال التجارية

تم تعديل بواسطة eslam elmasre
رابط هذا التعليق
شارك

امال فين قانون تجريم المظاهرات امام الحشود المجتمعة الان في ميدان التحرير من الاخوان وذيولهم من السلفيين

لماذا لم يقم الصول باخطار جهات الامن والحصول على موافقة لهذه المظاهرة وتقديم كبشي فدا لجهات الامن لذبحهم وقت اللزوم ولماذا لم يخطر جهات الامن بهدف المظاهرة

انتم مفكرين اننا بننسى

انسو

لماذا تعطلون عجلة الانتاج وتعطلون المرور في ميدان التحرير وتغلقون المحال التجارية

هو مافيش اجابات ولا ايه

ولا القانون ده هايتعمل ضد اي مظاهرات تكون في عهد الاخوان لما يستولو على الحكم وما يطلعوش منه ولا بالطبل البلدي

اغلبية بتعمل مظاهرة

حاجة تكسف والله

رابط هذا التعليق
شارك

  • 2 weeks later...

يا رجالة يا رجالة

جرنان الحرية والعدالة اول ما أترشح أبو سلميان قال إنه هايفضح دوره في جريمة قتل المتظاهرين .. فاكرين ؟

وأستنينا الفضيحة ونشر الغسيل

لكن الظاهر بابا المرشد قال لهم " عيب يا ولاد .. ستر الولايا واجب برضوا "

رابط هذا التعليق
شارك

يا رجالة يا رجالة

جرنان الحرية والعدالة اول ما أترشح أبو سلميان قال إنه هايفضح دوره في جريمة قتل المتظاهرين .. فاكرين ؟

وأستنينا الفضيحة ونشر الغسيل

لكن الظاهر بابا المرشد قال لهم " عيب يا ولاد .. ستر الولايا واجب برضوا "

عيب يا أولاد

إحنا مش بنحب الصناديق السودة تتفتح واللي فيها يطلع

رابط هذا التعليق
شارك

  • 2 weeks later...

الأخ الكتاتني كتب شهادة ميلاد رسمية للحزب الوطني الجديد في أخر جلسة من جلسات مجلس الشعب ... فقبل أن يأخذ التصويت على رفع الجلسات لمدة إسبوع عشان قال إيه بيضغط على الحكومة ... وأهو أتضحت الفضيحة وكان السبب إنه عاوز الأشاوس يتفرغوا لمساندة الأستبن ويلفوا وراه في الأفراح والليالي الملاح

ورجع في الغرف المغلقة على حسب كل ممثلي الأحزاب وخصوصاً حزب النور والمستقلين بإنه أجتمع بهم في البرلمان بعد رفع الجلسة ليعتذر لهم عدة مرات على تسرعة وعلى رفع الجلسة بدون أخذ التصويت ....

إستفدنا إيه إحنا بقى ؟

وعاوز حد يقول لي فرق واحد بينه وبين فتحي سرور ؟؟

وما هذا الكبر والبطر وتغليب المصلحة الخاصة على مصلحة الوطن كله ؟

الوطن اللي بيولع دلوقت والبيه مديهم أجازة أسبوع .. ومش هايشيلوا الحكومة وهايرجع مدلدل راسه يوم الاحد القادم .. وطظ في البلد

رابط هذا التعليق
شارك

إستفدنا إيه إحنا بقى ؟

وعاوز حد يقول لي فرق واحد بينه وبين فتحي سرور ؟؟

الفرق أن فتحي سرور كان معلم وكان بيعرف يدير الجلسة

الكتاتني لسه تلميذ وماسك " ألفة " على تلاميذ مبتدئين كان كبيرهم يطلع على المنبر يخبط له كلمتين وهو عارف ان مفيش حد لا حيقاطعه ولا حيرد عليه

رابط هذا التعليق
شارك

الوطن اللي بيولع دلوقت والبيه مديهم أجازة أسبوع

الاستاذ الفاضل سي السيد

انا متضايقة جدا من السكوت علي اللي بيحصل عند وزارة الدفاع من الجميع

لكن لاجل الحق ، هو البرلمان كان حيعمل لهم ايه؟

وحتي الجلسات لو ما كانتش اتعلقت كانت حتفيد في ايه طالما تحصيل حاصل والحكومة

ما بتنفذش اي حاجة وبتاخد سلطتها من العسكري ؟

يعني الكل كان بيقول انه برطمان و ما لوش لازمة ومكلمة وووووووو

دلوقتي لما حيتعلق الجلسات اسبوع بقي تصرف غلط جدا لان البرلمان مهم و الاسبوع

ده اسبوع فاصل ؟

و لو كان علي التأسيسية فاللجنة التشريعية اللي حتحدد المعايير ما علقتش عملها يعني

ما فيش تعطيل للدستور

التشريعية ترفض تعليق جلسات استماع معايير التأسيسية

تحياتي

رابط هذا التعليق
شارك

انشئ حساب جديد او قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
×
×
  • أضف...