اذهب إلى المحتوى
محاورات المصريين

الاخوان ... أو الحرية والعدالة ( فكر جديد )


se_ Elsyed

Recommended Posts

من حيث المبدأ لا مانع من - بل يجب - تقنين حق التظاهر لنفصل بين التعبير السلمى عن الرأى من جهة والفوضى والبلطجة (الفكرية والجسدية) من جهة أخرى

سمعت (طشاش يعنى) عن الاعتراضات على مشروع القانون .. بس أنا شايف هجوم على المشروع بدون ما نعرف هو الاعتراض على القانون كله ولا على مواد معينة

مفيش حد شاطر كده يجيب لنا نص المشروع علشان نعرف احنا بنتناقش أو بنتناقر على إيه بالظبط ؟

مجرد انه يقترح حبس من يتظاهر بدون ابلاغ الجهات المختصة لهو امر مرفوض جملة وتفصيلا

الاخوان مفكرين نفسهم وصلوا لمرحلة الحزب الوطني في ادارة البلاد ومفكرين نفسهم ممكن يمررو قوانين معينة دون ارادة الشعب

ادينا شوفنا حكم الادارية العليا برفض مبدأ فيفتي فيفتي بتاع رجال الاعمال والتجار وبتوع الكعك والتورته والجاتوه

فيه فرق يا حاج ابو محمد بين تجريم وتنظيم المظاهرات

أى قانون يا أستاذ إسلام بيبقى فيه عقوبة لمن لا يلتزم بيه

واديك شفت بنفسك .. مولانا راجل القانون بيضرب قانون منع الدعاية فى دور العبادة باللى فى رجله

حيفيد بإيه قانون بدون عقوبة لمن يخالفه .. حنعتمد على إننا كلنا حلوين وشطار وحنسمع الكلام؟

ياريت بس حد يجيب لنا نص المشروع .. لأنى لا أعتقد إن الاعتراض هو على معاقبة اللى يطلع مظاهرة بدون إخطار مسبق

انا باقول تنظيم حق التظاهر وليس تجريم

واعطيت مثال لذلك واعطي مثال اخر

طبعا كلنا عايشين المظاهرات الفئوية اليومية من قطع طرق ووقف العمل

فيها ايه لما نقول لاي حد عايز يعبر عن غضبه وهو سلاح يستخدمه الضعيف في التعبير عن غضبه او الظلم الواقع عليه

نقول له قبل ما تعمل مظاهرة اخطر الجهة التي ستتظاهر عليها قبلها باسبوع مثلا وفي هذه الحالة الجهة ستكون مطالبة بالنظر لطلبات هؤلاء المتظاهرين وبحثها والتفاوض مع زعماء المتظاهرين للوصول الى حلول وسط ومنعها بتنفيذ طلباتهم او جزء يرضيهم

اما في حالة عدم الاتفاق فتكون هذه الجهة مطالبة بابلاغ الامن وليس من سيقومون بتلك المظاهرة وذلك لتأمينها وتأمين المتظاهرين من المخربين والعابثين

اما انه يقول سجن وحبس لمن لا يبلغ بالمظاهرة واعلان في الجرايد وعجين الفلاحة ونوم العازب فده بيفكرني فعلا بنظام مبارك

اما بالنسبة لحازم فماتلومش عليه لانه يشاهد اصحاب الاغلبية في مجلس الشعب يخالفون القانون والشرعية بوجه مكشوف

فهم يتكلمون بلسان جماعة محظورة قانونا وصدر لها قرارين حل لها ورغم ذلك لهم مقار ومرشد وادارة ومجلس شورى ومكتب ارشاد وهيكل تنظيمي يتكلمون بلسانه في الصحافة والاعلام بكل انواعه

(.....إِنْ أُرِيدُ إِلاَّ الإِصْلاَحَ مَا اسْتَطَعْتُ وَمَا تَوْفِيقِي إِلاَّ بِاللّهِ عَلَيْهِ تَوَكَّلْتُ وَإِلَيْهِ أُنِيبُ) (هود : 88 )



رابط هذا التعليق
شارك

  • الردود 52
  • البداية
  • اخر رد

أكثر المشاركين في هذا الموضوع

أكثر المشاركين في هذا الموضوع

نقول له قبل ما تعمل مظاهرة اخطر الجهة التي ستتظاهر عليها قبلها باسبوع مثلا وفي هذه الحالة الجهة ستكون مطالبة بالنظر لطلبات هؤلاء المتظاهرين وبحثها والتفاوض مع زعماء المتظاهرين للوصول الى حلول وسط ومنعها بتنفيذ طلباتهم او جزء يرضيهم

اما في حالة عدم الاتفاق فتكون هذه الجهة مطالبة بابلاغ الامن وليس من سيقومون بتلك المظاهرة وذلك لتأمينها وتأمين المتظاهرين من المخربين والعابثين

مش فاهم الجزء ده يا أستاذ إسلام .. ليه بتنقل عبء "الإبلاغ" للجهة اللى حتطلع المظاهرة ضدها ؟

طيب ونفرض - جدلا - إن هى حتكون المسؤولة .. طيب إيه الاجراء لو ما "بلغتش" .. نقول لها ما تعمليش كده تانى :)

نحن فى حالة حرب لم يخض جيشنا مثلها من قبل
فى الحروب السابقة كانت الجبهة الداخلية مصطفة
تساند جيشها
الآن الجيش يحارب الإرهاب وهناك من يطعنه فى ظهره
فى الحروب لا توجد معارضة .. يوجد خونة

تحيا مصر
*********************************
إقرأ فى غير خضـوع
وفكر فى غير غـرور
واقتنع فى غير تعصب
وحين تكون لك كلمة ، واجه الدنيا بكلمتك

رابط هذا التعليق
شارك

نقول له قبل ما تعمل مظاهرة اخطر الجهة التي ستتظاهر عليها قبلها باسبوع مثلا وفي هذه الحالة الجهة ستكون مطالبة بالنظر لطلبات هؤلاء المتظاهرين وبحثها والتفاوض مع زعماء المتظاهرين للوصول الى حلول وسط ومنعها بتنفيذ طلباتهم او جزء يرضيهم

اما في حالة عدم الاتفاق فتكون هذه الجهة مطالبة بابلاغ الامن وليس من سيقومون بتلك المظاهرة وذلك لتأمينها وتأمين المتظاهرين من المخربين والعابثين

مش فاهم الجزء ده يا أستاذ إسلام .. ليه بتنقل عبء "الإبلاغ" للجهة اللى حتطلع المظاهرة ضدها ؟

طيب ونفرض - جدلا - إن هى حتكون المسؤولة .. طيب إيه الاجراء لو ما "بلغتش" .. نقول لها ما تعمليش كده تانى :)

استاذ ابو محمد

مفيش مظاهرة بتطلع من الباب للطاء

اكيد فيه جهة مسؤولة عن خطأ او ظلم وقع على المتظاهرين

كده بأه يبقى هما المسؤولين عن المظاهرة وعن حلها واتنقلت مسؤولية المظاهرة لهم لانهم كان يجب ان يحلوها

بصراحة

ماشفتش مظاهرة ولو حتى فئوية المتظاهرين ماكنش ليهم حق فيها وبيثبت لي كل مرة ان الناس دي مظلومة فعلا او وقع عليهم ظلم بطريقة او باخرى

يبقى المسؤول هو المتظاهر بشأنه يبقى اصبحت مشكلته هو وهو الوحيد اللي يحلها

(.....إِنْ أُرِيدُ إِلاَّ الإِصْلاَحَ مَا اسْتَطَعْتُ وَمَا تَوْفِيقِي إِلاَّ بِاللّهِ عَلَيْهِ تَوَكَّلْتُ وَإِلَيْهِ أُنِيبُ) (هود : 88 )



رابط هذا التعليق
شارك

مواطنون يقطعون السكة الحديد بالإسماعيلية لغياب الخبز والبوتاجاز

يعني مثلا ناس زي دي هايتسجنو كام شهر عشان عملوا مظاهر بيطالبو بتوفير الخبز والبوتاجاز

ولا هاتقولهم روجو بغلو الامن قبلها بكام يوم واعملو اعلان في الجرائد وباقي الشروط التعجيزية

من المؤكد ان ادار التموين عارفه ان فيه مشكلة في هذه المنطقة بخصوص الغاز والخبز وماعملوش حاجة وقامت مظاهرة يبقى المسؤول هما مش المواطنين

ولو مش عارفين يبقى يورونا عرض كتافهم

ولو ماحلوش المشكلة حتى وصلت لما وصلت اليه يبقى يستاهلو محاكمة وجزاءات رادعة مش نجاز ونسجن المواطن اللي عمل مظاهرة

(.....إِنْ أُرِيدُ إِلاَّ الإِصْلاَحَ مَا اسْتَطَعْتُ وَمَا تَوْفِيقِي إِلاَّ بِاللّهِ عَلَيْهِ تَوَكَّلْتُ وَإِلَيْهِ أُنِيبُ) (هود : 88 )



رابط هذا التعليق
شارك

فاكر يا إسلام مبدأ " إدفع ثم أعترض " ؟

أهي هاترجع تبقى كده

إتحبس الأول وإتنفخ .. وبعدين نسمع لك إنت كنت عاوز تقول إيه

أما الموضوع الرومانسي اللي بتتكلم عنه بتاع : طب وفين قانون محاسبة المسئولين اللي خلوا الناس تطلع من هدومها وتتظاهر .. فزي ما قولت لك .. ده منتهى الرومانسية

سيتعمد البعض أن يخلط بين حق التظاهر .. وقطع الطرق وتعطيل المرافق العامة .... كنوع من أنواع الكوكتيل اللي في الخلاط يعني

تخيل حتى دي كمان بيصوروها لنا على إنها رجس من عمل الشيطان والشعب الغلبان الباقي مش عارف حاجه

على سبيل المثال ... أنا عن نفسي ضد أي قطع طرق أو تعطيل مصالح

وأتضايقت جداً من اللي عمله أهل دمياط من قطع الطريق الدولي لعدة أسابيع

لكن لما عرفت السبب قولت ده من حقهم ييجوا يقطعوا رقبة كل مسئول من أول المشير وإنت نازل كده

فلما أعرف إن بقى لهم سنة خاطبوا طوب الأرض عن العصابة اللي موجودة عندهم واللي أسبوعياً بتقتل أو تخطف حد من اهالي القرية اللي بيتصدوا لهم وعاملين لجان شعبية والشرطة بتقول لهم مع نفسكم إتصرفوا

فأخر ما زهقوا من الضحايا قطعوا الطريق ..

بالله عليكم يا اصحاب العقول ... ده نسميه إيه ؟

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

فاكر يا إسلام مبدأ " إدفع ثم أعترض " ؟

أهي هاترجع تبقى كده

إتحبس الأول وإتنفخ .. وبعدين نسمع لك إنت كنت عاوز تقول إيه

أما الموضوع الرومانسي اللي بتتكلم عنه بتاع : طب وفين قانون محاسبة المسئولين اللي خلوا الناس تطلع من هدومها وتتظاهر .. فزي ما قولت لك .. ده منتهى الرومانسية

سيتعمد البعض أن يخلط بين حق التظاهر .. وقطع الطرق وتعطيل المرافق العامة .... كنوع من أنواع الكوكتيل اللي في الخلاط يعني

تخيل حتى دي كمان بيصوروها لنا على إنها رجس من عمل الشيطان والشعب الغلبان الباقي مش عارف حاجه

على سبيل المثال ... أنا عن نفسي ضد أي قطع طرق أو تعطيل مصالح

وأتضايقت جداً من اللي عمله أهل دمياط من قطع الطريق الدولي لعدة أسابيع

لكن لما عرفت السبب قولت ده من حقهم ييجوا يقطعوا رقبة كل مسئول من أول المشير وإنت نازل كده

فلما أعرف إن بقى لهم سنة خاطبوا طوب الأرض عن العصابة اللي موجودة عندهم واللي أسبوعياً بتقتل أو تخطف حد من اهالي القرية اللي بيتصدوا لهم وعاملين لجان شعبية والشرطة بتقول لهم مع نفسكم إتصرفوا

فأخر ما زهقوا من الضحايا قطعوا الطريق ..

بالله عليكم يا اصحاب العقول ... ده نسميه إيه ؟

الناس اللي بتخرج في مظاهرات دي ناس فاض بيها وعملوا كل اللي في استطاعتهم وذهبو للباشوات في مكاتبهم واتذللو لطوب الارض عشان نظرة عطف وشفقة

ماهو ايه اللي يخلي انسان يقطع طريق او يقفل مصلحة حكومية لانه مش بلطجي ولا حاجة لكن له طلب وطلب هو يشعر انه من حقه والمسؤول ودن من طين وودن من عجين وكان لازم يعمل كده عشان البارد يقعد معاه ويشوف طلباته

يبقى عم الصول الاول يطلع قانون يحاكم المسؤول المتقاعس عن تأدية عمله بدال ماهو ماسك في اللي سلخ وساب اللي دبح

(.....إِنْ أُرِيدُ إِلاَّ الإِصْلاَحَ مَا اسْتَطَعْتُ وَمَا تَوْفِيقِي إِلاَّ بِاللّهِ عَلَيْهِ تَوَكَّلْتُ وَإِلَيْهِ أُنِيبُ) (هود : 88 )



رابط هذا التعليق
شارك

مفيش حد شاطر كده يجيب لنا نص المشروع علشان نعرف احنا بنتناقش أو بنتناقر على إيه بالظبط ؟

قولت كدة بردو والله

الأمر لم يرتقى بعد للطرح والمناقشة والإنزعاج

تم تعديل بواسطة الغريب

ehm448.gif

رابط هذا التعليق
شارك

طيب مش فى الدول المتقدمة فيه حاجة قانون يعنى بينظم المظاهرات بطريقة لا تجعل فرصة للتخريب ولا كلام من ده

يعنى مثلا بتوع النقل العام عاملين اضراب عشان يخلوا مكافأة نهاية الخدمة 100 شهر ( كانوا عملوا قبل كده عشان يزودوا المرتبات وزادت)

طيب بلاش دى

فى اعقاب الثورة على طول لو حد يفتكر بتوع البنوك .. البنووووووك

طلعوا وعهايزين يزيدوا ومش عارف اصل مفيش عدالة

طيب بالله عليكم بتوع التربية والتعليم والصحة يروحوا يموتوا نفسهم

اعتقد ان كان الكلام صحيحا اساسا يبقى الغرض منه تنظيم الموضوع الى ان يثبت العكس

﴿ قال رسول الله صلى الله عليه وسلم
كلمتان خفيفتان على اللسان ثقيلتان فى الميزان حبيبتان الى الرحمن


24556918.jpg

nX0pp2.png
رابط هذا التعليق
شارك

طيب مش فى الدول المتقدمة فيه حاجة قانون يعنى بينظم المظاهرات بطريقة لا تجعل فرصة للتخريب ولا كلام من ده

يعنى مثلا بتوع النقل العام عاملين اضراب عشان يخلوا مكافأة نهاية الخدمة 100 شهر ( كانوا عملوا قبل كده عشان يزودوا المرتبات وزادت)

طيب بلاش دى

فى اعقاب الثورة على طول لو حد يفتكر بتوع البنوك .. البنووووووك

طلعوا وعهايزين يزيدوا ومش عارف اصل مفيش عدالة

طيب بالله عليكم بتوع التربية والتعليم والصحة يروحوا يموتوا نفسهم

اعتقد ان كان الكلام صحيحا اساسا يبقى الغرض منه تنظيم الموضوع الى ان يثبت العكس

فرق كبير بين التظاهر للتعبير عن رأي ما ..

وبين الإضراب او الإعتصام أو تعطيل العمل

هما لحد دلوقت بيتكلموا عن التظاهر فقط وفيه نفخ وخلع اظافر وشغل أمن دولة

ما بالك لو إتكلموا عن الإضرابات اللي بالمناسبة حق مشروع وشوف دول أوروبا وأمريكا نفسها بدون إستثناء كل شويه إضرابات والحكومة بدل ما تنفخ حد .. لأ بتسمع للناس وبتحاول تحل المشاكل قبل أن تتفاقم

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

ظلمت الرجل يا سي السيد فبنود هذا القانون المقترح ليست من بنات أفكاره .. كل ما قام به

هو تجميعها بالرغم من انه لا يوافق علي بعضآ من تلك البنود !!!

لا غرابة بالطبع في تصريحات مماثلة فهذا هو الطبيعي .. اليس صبحي صالح هذا وهو صاحب تصريح زواج الإخواني من الإخوانية كي ينجبوا النسل الأرقى...

لا أعرف اذا كان هناك منكم .. و بالأخص من الزملاء الذين يدافعون بأسلحة مشرعة عن اي عضو برلماني متدثر بعباء الدين مهما كانت كلماته او افعاله او مقترحاته .. فكلها لا يأتيها الباطل ا[دآ .. و انما اعداء الأسلام هم من يهولون و يحاربون الفضيلة القادمة .. لا أدري اذا كان هناك من شاهد اللقاء الذي حاصره فيه خالد منتصر في محاورة تلفزيونية و ادعى أنه لم يكن يعلم بأمر هذه المحاورة ولا بوجود الدكتور منتصر فيهامن الأساس !! ... إلا أن المذيعة سارعت إلى تكذيبه مؤكدة أنه كان يعلم لأنها كانت شخصيآ جالسة بجوار معدة البرنامج أثناء الاتفاق مع صالح.

والآن بعد أن أصبح له كرسيا في البرطمان .. او دعونا نسميه "المكلمة" بما أن البرطمان يثير غضب الفاضل رؤوف ... فقد اتحفنا بتحفة قانونية من النوع الشديد السمية وهو قانون تنظيم التظاهر المذكور هنا ... الذي أثار ضجة كبيرة ورفضا من بعض أعضاء البرلمان أنفسهم.. دعت الأخ صالح إلى التنصل من مشروع القانون وحتى من صفته كنائب برلمان. فقد ادعى أنه مجرد "مُجَّمِع" للقانون وليس صانعا له! وكأنه بوسطجي يسعى بين النواب في الخير... و أخوة آخرين يستعملونه في تمرير قوانين فاشية كمخلب قط .. و هذا ليس غريبآ عنه فلق تم تجربتها بمحاولته التملص من تصريحاته العنصرية في مقابلتهالشهيرة المذكورة سابقآ.

الخلاصة .. لا جديد تحت الشمس .. فالمثل المصري يقول "هي عادتهم و الا حيشتروها " كلام الإخوان يمتزج فيه العسل بالسم حتى لا تكاد تفقه منه شيئا لأنه يعني كل المتناقضات في نفس الوقت.

لنرجع الي موضوعنا و نتأمل في شغل الحواة الذي يحتويه مشروع هذا القانون والذي جلب العار على من قدموه .. هذا اذا كان لديهم مشاعر بحق

يشترط القانون أن يقوم منظمي المظاهرة أو الاجتماع بإخطار الجهات المختصة قبل المظاهرة بثلاثة أيام على الأقل أو 24 ساعة إن كان الأمر يتعلق باجتماع انتخابي.

لو تذكرتم سادتي نفس الأقتراح حاول الحزب الوطني المنحل تمريره في مشروع مشابه قبل الثورة .. ولكن أقل استبدادا من مشروع صالح... ولقي مقاومة عنيفة من المدافعين عن حقوق الإنسان .. بل و كانت هناك بعض الأصوات الإخوانية المناهضة له في ذلك الزمان الذي ولى. ويبدو أن أصحاب الأغلبية في البرلمان الذي يهذي أكثر مما يتكلم بما يُعقل لم يكتفوا بموقفهم المتخاذل تجاه قضية الشهداء ودعمهم المريب للمجلس العسكري و الداخلية .. وإنما أرادوا أن يكونوا أداة تشريعية تمارس بها الأجهزة الأمنية قمعها باسم القانون.

القانون المقترح يلزم منظمي الاجتماع أو المظاهرة بتحديد مكان وزمان وموضوع المظاهرة وكأنه اعتراف مسبق يقر به المنظمون كي يستخدم ضدهم فيما بعد.. وكله بالقانون.

أي أن ينظم البعض مثلا مظاهرة تندد بحكم العسكر .. فقبل التظاهر يجب ان يكتبوا إلى العسكر نريد تنظيم مظاهرة ننادي فيها باسقاط ولي نعمتكم !!!.

وطبعا لأننا نعيش في أفضل عالم ممكن حيث ترفرف العصافير الملونة وتتمايل الفراشات فوق الورود مع النسيم العليل.. فإن أجهزة الأمن ستوافق بالطبع باسم احترام حرية التعبير عن هذا النوع من المظاهرات.

كما أن الطلب يجب ان يكون شاملآ "بخلاف ورقة الدمغة " معلومات مفصلة عن الداعي إلى المظاهرة وتحديد اثنين نائبين له.. حتى يتمكن الأمن من قطع الرؤوس أولا بأول وتحميل مسؤولية التخريب ( والذي لابد وأن يحدث على يد مأجورين وبلطجية الداخلية) على عاتق هذه الأسماء.

وبالطبع هناك عقوبة... أهناك عناق بدون قبل ؟؟ الحبس ستة أشهر لمن يشارك في مظاهرة بدون تصريح أو مظاهرة رفضها الأمن. أي أن كل من يجرؤ على فتح فمه بما لا يعجب النظام سوف يقطع لسانه.. وسوف يجر الجميع إلى السجن. والعجيب أن الغرض الأعم من تنظيم مظاهرات هي التنديد بشيء ما أو الدعوة لتغيير ما. ومن الصعب تخيل كم سيكون عدد المظاهرات التي ستحصل على رضا الأجهزة الأمنية وفق قانون كهذا.

السؤال الذي أعرف اجابته مقدمآ هل الإخوان بتقديمهم لهذا المشروع الفضيحة يقدمون الشكر إلى الشعب الذي وثق فيهم وتمنى أن يشهد حرية وكرامة وعدالة على أيديهم؟

هل يكرسون بهذا لدولة فاشية استبدادية وهو أمر يتسق مع منهجهم ومبادئهم الأساسية ؟

هل هذه واحدة من خطوات تأسيس دولة العسكر-إخوان التي بدأت معالمها تتضح رويدا رويدا؟ وهل سحبهم الاعتراف بوليدهم غير الشرعي هذا هو حرص منهم على البقية الباقية من شعبيتهم أم أنها مناورة؟

الأكيد و الواضح و الطبيعي أن أداء الإخوان داخل البرلمان بعيد عن الحرص على تأسيس أي قواعد لدولة ديمقراطية تتمتع بسيادة القانون.

كل اللي حيلتي زمزمية أمل... و إزاي تكفيني لباب القبر


"صلاح جاهين"


رابط هذا التعليق
شارك

إمبارح على فكرة وفي حركة جريئة وقوية .. قام النائب ممدوح إسماعيل - بتاع الأذان .. فكرينة ؟ - بتمزيق أوراق مشروع القانون في قلب المجلس إعتراضاً على سفاهته وظلمه اللي فاق ما كان على عهد المخلوع وفي عز قانون الطواريء

السلام عليكم روحمةالله وبركاته

والله العظيم عمل كده ياسى السيد بجد اكيد بجد صح انا مش مصدق نفسى

السلفيين خرجوا ياناس من عباية الاخوان

كده اقدر اقول ياسادة فى امل فى مجلس الشعب اللى جاى ان شاء الله هنبقى اغلبية وهنبقى اغلبية وهنبقى اغلبية

الاخوان ينهارون يضعون حد يصدق انهم يحاولوا يرضوا كل التيارات السياسية ويحاربوااخوانهم السلفيين ولا كانهم موجودون ولا كانهم ليهم عازة والكلمة من الكتور الكتاتنى بالقطارة

بس الراجل ده دكر دكر دكر سلفى يااخوانا سلفى بجد

مش زى السلفيين التانين اللى مش عارفين حاجة كل ماصحابهم الاخوانجى يصقفوا وراهم ده باسوا مصطفى بكرى ياراجل ده كنت بتجنن ساعتها ليه يعنى

رجع من القدس معاه مفاتيح اورشليم

تحياتى

تم تعديل بواسطة الباحث عن الحقيقة

بدأ الاسلام غريبا وسيعود غريبا كما بدأ فطوبى للغرباء

" اللهم انى اشكو اليك ضعف قوتى و قلة حيلتى و هوانى على الناس انت رب المستضعفين و انت ربى الى من تكلنى؟ الى بعيد يتجهمنى ؟ ام الى عدو ملكته امرى؟! ان لم يكن بك على غضب فلا ابالى اعوذ بنور وجهك الذى اضاءت له الظلمات و صلح عليه امر الدنيا و الاخرة من ان تنزل بى غضبك او يحل على سخطك لك العتبى حتى ترضى و لا حول ولا قوة الا بك"

قادم قادم يا إسلام حاكم حاكم يا قرآن

رابط هذا التعليق
شارك

كلها أدوار معدة سلفآ .. و كلآ يقوم بدوره علي أفضل وجه ..

و لا أجد في ذلك شرآ .. بل خيرآ .. لأنه يظهر حقيقتهم بصورة اسرع ... و يوفر علينا كثيرآ من الوقت ...

كل اللي حيلتي زمزمية أمل... و إزاي تكفيني لباب القبر


"صلاح جاهين"


رابط هذا التعليق
شارك

اليوم الأربعاء هو يوم تاريخي في علاقة الإخوان والسلفيين بالشعب المصري كله

فاليوم أول إجتماع للجنة التاسيسية للدستور اللي إنسحب منها الكثيرون ولسه الإنسحابات بتتوالى

ومع ذلك أصروا على عقد الإجتماع .. وأصروا على المُضي قدماً في مخططهم للإستئثار بكتابة الدستور وكأنها سبوبة وكرسي لا يُمكن أن ينازعهم عليه أحد ...

والحجة - سمعتها إمبارح بودني على كل القنوات - : عادي هانختار من الأسماء الإحتياطية وهانكمل لأن اللي إنسحبوا والمعترضين هما الليبراليين والعلمانيين .. اقسم بالله سمعت بودني دي إمبارح من قيادات حزب النور بالذات

يعني عشان بتعترض على مهزلة إختيار أعضاء اللجنة تبقى كافر ومعادي للإسلام .. وده فيلم حمضان عرفناه من مارس الماضي لما اللي قال لأ لترقيع الدستور بقى كافر ومصيره جهنم .. واللي قال نعم المفروض كان يروح الجنة بس مش عارفين هو فين دلوقت

هو نفس كِبر الحزب الوطني ... هي نفس مقولة " خلوهم يستلوا "

لكن الغريب إن الأخوان والسلفيين بدأوا من الاخر .. قصدي من حيث أن أنتهى الحزب الوطني

فإحقاقاً للحق وهي ليست ميزة فيهم لأنهم كانوا حرامية كلهم .. فإن الحزب الوطني قعد اول 20 سنة لم تكن فيه ظاهرة التوريث والعند واضرب دماغك في الحيط هي السائدة .. وكانوا بيعملوا الفساد في الخباثة

اما اخر 10 سنوات فكانت عبارة عن دعارة سياسية... يعني هاعمل اللي يعجبني واللي مش عاجبه يضرب راسه في الحيط ويتسلى ... وانتهت بالسقوط العظيم

اما الان فمن يعتقد نفسه أنه الاغلبية يفعل ذلك ولم يتعلم من دروس الماضي ويعاند ويكابر ظناً منه أنها ستدوم له أو إنه لمجرد إنه فاز بنسة 46 % في إنتخابات ما يبقى كده خلاص الـ 100 سنة القادمة ستكون خالصةً له

للمرة المليون .. إيه جاب إعتراضي أنا كشخص مصري عادي أقسم بالله العظيم لا أنتمي إلى أي تيار .. اعترض على عدم ضم علماء اجلاء زي مجدي يعقوب أو غنيم او الباز او مصطفى السيد ... وعدة مئات من الأسماء الاخرى .. ما هو سر إستبعادهم من لجنة كتابة الدستور ؟

ما هو سر إستبعاد كل من يعمل في مجال حقوق الإنسان في جمعيات رسمية ومشهرة ولها مواقف وطنية شريفة حققت ما لم نكن نحلم به وزي ما قولت لكم على سبيل المثال إن من الجمعيات دي من إنتزع لنا حق التصويت والمشاركة في الحياة السياسية كمصريين مغتربين ؟

ولو إعترضت على عدم ضم أي مدرس من ضمن مليون ونصف مدرس على مستوى مصر كلها .. ابقى كافر وعلماني واحارب الإسلام ؟

ولو إعترضت على عدم ضم أي فلاح يتكلم بإسم ملايين الفلاحين الغلابة .. أبقى كافر ؟

ولو إعترضت على عدم ضم أي حد بيُمثل إتحاد الصناعات في مصر .. أبقى كافر ؟

ما هذا الجبروت والكبر والعنجهية ؟

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

لا والنكتة كمان يا سى السيد إيه؟

كان واحد منهم امبارح بيقول أصل كرامة البرلمان تهان لو حد تدخل فى اختياراته وشغله!!!

الجماعة مش واخدين بالهم ولا إيه من القفيان اللى نزلت عليهم من الحكومة والمجلس العسكرى ولا كان فى كرامة ولا يحزنون؟

ولا هما بيمارسوا عادتهم فى إنهم يسيبوا الحمار ويتشطروا على البردعة زى كل مرة؟

بدون مبالغة، اللي ناقص عشان نفهم، إن المشير يطلع في بيان على الهوا وفي ايده السلاح ويقول: أيوة يا شعب احنا الطرف التالت، واحنا اللي ورا موقعة الجمل وماسبيرو والعباسية (1) والسفارة الإسرائيلية ومسرح البالون ومحمد محمود ومجلس الوزراء وبورسعيد والعباسية (2)، عايزين حاجة يا شعب؟

shawshank

رابط هذا التعليق
شارك

الكتاتني رئيس لمجلس الشعب ،،، الكتاتني رئيس للجنة التأسيسية للدستور !!!

الكتاتني رئيس لمركز شباب الحبانية

لو عندكم منصب فاضي قولنا نبعتلكم الكتاتني

03zjkty10.jpg

رابط هذا التعليق
شارك

لما نشوف المعترضين علي الجمعية التأسيسية و نلاقي ان اللي كان بيترافع امبارح ضدها هو يحي الجمل ، وان امثال مرتضي منصور من المعترضين عليها

نعرف ان الجمعية التأسيسية ماشية صح

رَبَّنَا اغْفِرْ لِي وَلِوَالِدَيَّ وَلِلْمُؤْمِنِينَ يَوْمَ يَقُومُ الْحِسَابُ

رابط هذا التعليق
شارك

لما نشوف المعترضين علي الجمعية التأسيسية و نلاقي ان اللي كان بيترافع امبارح ضدها هو يحي الجمل ، وان امثال مرتضي منصور من المعترضين عليها

نعرف ان الجمعية التأسيسية ماشية صح

ويا ترى الـ 30 اللي إنسحبوا من اللجنة . برضوا من العنية دي ؟

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

لما نشوف المعترضين علي الجمعية التأسيسية و نلاقي ان اللي كان بيترافع امبارح ضدها هو يحي الجمل ، وان امثال مرتضي منصور من المعترضين عليها

نعرف ان الجمعية التأسيسية ماشية صح

ويا ترى الـ 30 اللي إنسحبوا من اللجنة . برضوا من العنية دي ؟

الاستاذ الفاضل سي السيد

انا الحقيقة ما اعرفش اللي انسحبوا كلهم علشان اقدر احكم ، انا كلامي كان بخصوص الجمل و مرتضي منصور

لكن علي الاقل اعرف ان حمزاوي مثلا قرر يعمل استطلاع علي صفحته لاهل الدايرة بتاعته في انه يستمر ، او ينسحب ، او يستمر و لو ماعجبوش الدستور ينسحب ،

وتقريبا النتيجة كانت الاختيار التالت ومع ذلك ما اخدش براي الاغلبية و انسحب !!!!!

عصام سلطان ما انسحبش من اللجنة هو بس ترك الاجتماع النهاردة علشان اختلاف في الاولويات اللي يبدؤا بيها

و ابو حامد و احزاب زي المصريين الاحرار و الوفد انسحبوا ، بلاش اقول رايي انا فيهم ، اسيب لحضرتك الحكم

تحياتي

تم تعديل بواسطة ام سلمي

رَبَّنَا اغْفِرْ لِي وَلِوَالِدَيَّ وَلِلْمُؤْمِنِينَ يَوْمَ يَقُومُ الْحِسَابُ

رابط هذا التعليق
شارك

مواطنون يقطعون السكة الحديد بالإسماعيلية لغياب الخبز والبوتاجاز

يعني مثلا ناس زي دي هايتسجنو كام شهر عشان عملوا مظاهر بيطالبو بتوفير الخبز والبوتاجاز

ولا هاتقولهم روجو بغلو الامن قبلها بكام يوم واعملو اعلان في الجرائد وباقي الشروط التعجيزية

من المؤكد ان ادار التموين عارفه ان فيه مشكلة في هذه المنطقة بخصوص الغاز والخبز وماعملوش حاجة وقامت مظاهرة يبقى المسؤول هما مش المواطنين

ولو مش عارفين يبقى يورونا عرض كتافهم

ولو ماحلوش المشكلة حتى وصلت لما وصلت اليه يبقى يستاهلو محاكمة وجزاءات رادعة مش نجاز ونسجن المواطن اللي عمل مظاهرة

قطع الطريق وتعطيل مصالح الناس ليس تظاهرا، بل قطع طريق وبلطجة شعبية

اللي عايز يتظاهر يذهب ويتظاهر أمام جهة الاختصاص بدون منع الموظفين من اداء اعمالهم أو سد أبواب ومداخل وطرقات.

--

{وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ}(11){اَلَا إِنَّهُمْ هُمُ الْمُفْسِدُونَ وَلَكِنْ لَا يَشْعُرُونَ}(12)وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ أَلَا إِنَّهُمْ هُمُ السُّفَهَاءُ وَلَكِنْ لَا يَعْلَمُونَ}(11)

new-egypt.gif

ذو العقل يشقى في النعيم بعقله *** وأخو الجهالة في الشقاوة ينعم
***************
مشكلة العالم هي أن الحمقى والمتعصبين هم الأشد ثقة بأنفسهم ، والأكثر حكمة تملؤهم الشكوك (برتراند راسل)
***************
A nation that keeps one eye on the past is wise!A
A nation that keeps two eyes on the past is blind!A

***************

رابط القرآن كاملا بتلاوة الشيخ مصطفى إسماعيل برابط ثابت مع رابط للقراءة
***************
رابط
القرآن كاملا ترتيل وتجويد برابط ثابت مع رابط للقراءة
***************
رابط سلسلة كتب عالم المعرفة

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...