اذهب إلى المحتوى
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

الاخوان ... أو الحرية والعدالة ( فكر جديد )


se_ Elsyed

Recommended Posts

لم أنصطدم بهم كثيراً لأنني أعلم معنى حب السُلطة ومعنى قتال من يسعة للسلطة لكي يحتفظ بسلطتة .. والدليل هو وقوفه في صف المجلس العسكري والتحدث بإسمه .. وليس أكثر من محاربة الكون كله عند تعيين حكومة كمال الجنزوري ونظم المدائح والقصائد به وبكفاءته حتى تمر سبوبة مجلس الشعب بسلام وأمان ... والجميع رأى إن عندما أستتب لهم الأمر .. ها هو كمال الجنزوري وحكومته أصبحوا بالنسبة لهم الشيطان الأعظم .. والان بيعملوا عمليات تجميل لخيرت الشاطر لتولي منصب الوزارة .. بل ذهبوا لأبعد من ذلك وهناك أصوات تنادي بالدفع به كرئيساً للجمهورية في الإنتخابات القادمة

وكانت ثالثة الأثافي بالأمس ... في مشروع القانون الذي تقدم به جهبذ القانون الخاص بهم وهو صبحي صالح

وهو لا يحتاج إلى أي كلام .. وأريد منكم التعليق الذي يُرضي الله أولاً لأننا سنُسأل عن ذلك ايها السادة

537514_316073655113483_237675699619946_798884_949947240_n.jpg

على فكرة القانون إترمى في وشهو وأثعيد مره أخرى بعد غضب عارم من معظم الاعضاء اللي مش لا مؤخذه إسم على مسمى حُرية وعدالة ... ورجع مرة أخرى للجنة التشريعية

ولأمانة الكلمة .. حد يجيب لي فرق ولو واحد في المليون بين هذه القوانين المقترحة المكتوبة الان والاخرى التي كانت غير مكتوبة ويطبقها النظام البائد عن طريق أمن الدولة

لكي الله يا مصر ...

لكن إحنا صاحيين .. ولما يكون مين فبرضوا مكملين بإذن الله وهانُسقط اي حد بيبص للبلد على إنها سبوبة أو نهيبة أو قماشة بيفصلها على مقاسة

رابط هذا التعليق
شارك

إمبارح على فكرة وفي حركة جريئة وقوية .. قام النائب ممدوح إسماعيل - بتاع الأذان .. فكرينة ؟ - بتمزيق أوراق مشروع القانون في قلب المجلس إعتراضاً على سفاهته وظلمه اللي فاق ما كان على عهد المخلوع وفي عز قانون الطواريء

رابط هذا التعليق
شارك

''صالح'' لمصراوي: لم اتقدم بمشروع لتنظيم المظاهرات.. وكل الدول تقنن الاحتجاجات

نفي صبحي صالح، وكيل لجنة الشئون الدستورية والتشريعية بمجلس الشعب، ما أثير حول قيامه بتقديم مشروع لتنظيم الاعتصامات والتظاهر ، مؤكدا انه قام فقط بعرض المشروعات التي تم تقديمها علي اللجنة كعمل اداري بصفته وكيل اللجنة.

وقال "صالح" في تصريحات خاصة لـ"مصراوي" " لا أنا ولا حزب الحرية والعدالة تقدمنا بمشروع خاص بهذا الأمر ..وما اثير عن هذا غير صحيح".

وكانت العديد من التعليقات الغاضبة قد انتشرت علي مواقع التواصل الاجتماعي، ضد مشروع القانون وضد "صالح" بعد بث بعض وسائل الاعلام معلومات حول تقديمه للمشروع.

وأضاف وكيل لجنة الشئون الدستورية والتشريعية بالبرلمان، أن اللجنة التشريعية ناقشت 7 مشروعات مختلفة في هذا الشأن تقدم بها النائب محمد العمدة، وعلي قطامش، والمنظمة المصرية للحقوق الانسان والمجلس القومي الانسان واللواء عادل عفيفي.

وأوضح أن اللجنة انتهت إلي دعوة مقدمي المشروعات للاجتماع مع اللجنة والاتفاق علي مشروع واحد فقط حتي يتم مناقشته، خلال اسبوعين.

وحول رؤيته لتنظيم المظاهرات قال " كل دول العالم تضع أطراً وقوانين لتنظيم المظاهرات ، وهذا المبدأ ليس محل خلاف النواب، ولكنه ستدور المناقشات حول اي نظام سوف يتم اتباعه".

رابط هذا التعليق
شارك

لأ مصداقية مصداقية يعني

زي زمان

مشاركة لا مغالبة

وغحنا ما بنفكرش في الحكومة ولا الرئاسة

على فكرة يا غريب .. كل القنوات الفضائية كانت بتتكلم عن الموضوع إمبارح .. وأستضافوا ممدوح إسماعيل اللي قطع القانون ورماه في وش صبحي صالح ..تفتكر الراجل كان بيحمل أو بيهيس ؟

وبعدين عاوزين نتفق على إتفاق وما نرجعش عنه

هو مش موقع مصراوي ولا المصري اليوم ولا اليوم السابع له مصداقية عند الكثيرين ؟

طب نعمل إحنا إيه لما يبقى له مصداقية في بعض الامور - اللي على هوانا -

ومالوش مصداقية وكخه .. في امور اخرى - اللي مش على هوانا ؟

رابط هذا التعليق
شارك

لأ مصداقية مصداقية يعني

زي زمان

مشاركة لا مغالبة

وغحنا ما بنفكرش في الحكومة ولا الرئاسة

على فكرة يا غريب .. كل القنوات الفضائية كانت بتتكلم عن الموضوع إمبارح .. وأستضافوا ممدوح إسماعيل اللي قطع القانون ورماه في وش صبحي صالح ..تفتكر الراجل كان بيحمل أو بيهيس ؟

وبعدين عاوزين نتفق على إتفاق وما نرجعش عنه

هو مش موقع مصراوي ولا المصري اليوم ولا اليوم السابع له مصداقية عند الكثيرين ؟

طب نعمل إحنا إيه لما يبقى له مصداقية في بعض الامور - اللي على هوانا -

ومالوش مصداقية وكخه .. في امور اخرى - اللي مش على هوانا ؟

لأ الموضوع مش كدة خالص

أنا فعلا كنت عاوز أعرف تفاصيل أكثر عن مشروع القانون ، وكنت عاوز أعرف هو في أي مرحلة من مراحل جدية مناقشته في مجلس الشعب

وجدت هذا التصريح وأنا أبحث عن هذه التفاصيل

أردت أن أضيفها هنا لأقول أن الأمر لم يرتقى بعد للطرح والمناقشة والإنزعاج

بالنسبة لكلامك على مصداقية الصحف

لو عاوز تسجلها عني بقى ويبقى اتفاق وتحاسبني عليها بعد كدة :

مصرواي والمصري اليوم واليوم السابع والدستور والتحرير والمصريون، هذه الصحف إيديولوجيتهم "بتنقح" عليهم ، وبالتالي لا تسلم لم ينشرونه من أخبار وبخاصة لو اشتملت على تشويه لمخالفيهم.

خد بالك أقول لك (لا تسلم) يعني أخبارهم بتكون محتاجة تدقيق وعدم إستعجال في نشرها.

تحياتي...

رابط هذا التعليق
شارك

وكانت ثالثة الأثافي بالأمس ... في مشروع القانون الذي تقدم به جهبذ القانون الخاص بهم وهو صبحي صالح

وهو لا يحتاج إلى أي كلام .. وأريد منكم التعليق الذي يُرضي الله أولاً لأننا سنُسأل عن ذلك ايها السادة

لكي الله يا مصر ...

لكن إحنا صاحيين .. ولما يكون مين فبرضوا مكملين بإذن الله وهانُسقط اي حد بيبص للبلد على إنها سبوبة أو نهيبة أو قماشة بيفصلها على مقاسة

السلام عليكم

هههههههههههههههههههههه

حلوه ثالثه الاثافى دى يا ابو الاسيان

..

ايوه كده يا ابو عمر ..عاوزينك صاحى كده على طول

تم تعديل بواسطة abaomar
رابط هذا التعليق
شارك

ما أنا ما أعتمدتش على الصحف بس يا غريب .. أنا سمعت الراجل إمبارح اللي هو يعتبر محسوب على التيار الإسلامي

أبو عمر .. ما تدلي بدلوك يا عم في الموضوع .. ولا أنت مش معانا ؟

رابط هذا التعليق
شارك

لأ ما هو حضرتك مش واخد بالك يا أم سلمى

بغض النظر عن الأسماء .... صبحي صالح أو محمد صبحي

نحن نتحدث عن مبدأ

بإعتراف الأخ صبحي صالح إن هو اللي جمع المشاريع كلها في مشروع واحد .. وخرج لنا اليخن العجب اللي حضرتك شايفاه

سيبك من الإسم وإنه حرية وعدالة أو زيت وسكر ..

إيه رأي حضرتك في مسودة القانون الجميل ده ؟

وإيه رأي حضرتك في الشخص اللي ضرب كل القوانين دي في الخلاط وخرج الإختراع ده ؟

وإيه رأي حضرتك إذا كان هو بغنتماءة الذي لا يستطيع أن يُنكره قد ذاق الامرين من النظام السابق اللي كان بيحظر إجتماع أكثر من شخص في مكان واحد وإلا يطبق عليه قانون الطواريء ؟

رابط هذا التعليق
شارك

ما أنا ما أعتمدتش على الصحف بس يا غريب .. أنا سمعت الراجل إمبارح اللي هو يعتبر محسوب على التيار الإسلامي

أبو عمر .. ما تدلي بدلوك يا عم في الموضوع .. ولا أنت مش معانا ؟

السلام عليكم

اخى و حبيبى ابو عمر

القضيه مش هنا و بس

سامحنى فى اللى هاقوله

من قبل حتى اختيار البرلمان ..ده من ايام استفتاء 19 مارس اللى فات

و انقسام المجتمع المصرى الى فسطاطين :P فسطاط نعم ابو 72 % و فسطاط لا بتاع خد معاك خمسه

من ساعتها يا ابو حميد و بدايه الظهور الواضح القوى للتيار الاسلامى و هيمنته على الساحه السياسيه و قبلها الشعبيه

الهجوم الضارى و التشويه المتعمد لهذا التيار و لو تفتكر الحوادث المنسوبه زورا و بهتانا للسلفيين

منذ حادثه الاضرحه المزعومه و قطع الاذن و غيرها الكثير مما ثبت كذبه و تورطت انت تحديدا و اكثر من مره

فى فتح مواضيع مثل تلك اعتمادا على نفس المصادر المشمومه ..اليوم السابع .. مصراوى ..المصرى اليوم ..و غيرها

..

القضيه يا احمد فى النيل ممن اختارهم الشعب باغلبيه ساحقه ..التيار الاسلامى الذى كشف

حقيقه حجم الاخرين من ليبراليين و علمانيين و يساريين و غيرهم

القضيه فى الوقوف ضد اراده الشعب و اختياره

ده يا راجل يا مؤمن الهجوم على المجلس من قبل انعقاد اول جلسه

ده صوروا واحد مغمض العينين فى المجلس و قالوا عليه نائم و ظهر بعدها انه ضرير

ده حتى لما اخطأ احد الاعضاء و قام حزبه بفصله و ارغامه على الاستقاله من المجلس نفسه فى سابقه تاريخيه

لم يخلو الامر من السخريه و الاستهزاء ..طيب يعملوا ايه

اخى الفاضل هناك عمل حقيقى داخل المجلس فى اللجان المختصه لا يتكلم عنه احد ..لماذا

بالرغم من الاشاده بذلك و على لسان عمرو حمزاوى مثلا و هو ليس من التيار الاسلامى

لماذا تحملون المجلس و عماده الاخوان و السلفيين تركه فساد 30 عاما و تريدون حلها فى ثلاثون يوما ..اى عقل هذا

لماذا ننسي ان المجلس يعمل فى ظل بواقى فسده نظام مبارك الذين يتطلب التخلص منهم وقت و حنكه

الاخوان الذين جائوا باغلبيه ساحقه و معهم السلفيين و غيرهم من التيار الاسلامى هم فى حقيقه الامر جزء من الشعب و لهم

نفس الحقوق كغيرهم فلماذا الافتئات عليهم ..هل عملوا فى ظروف مثاليه و فشلوا

انهم يمهدون الارض اولا و يحرثونها من الاسفل فلماذا عدم الصبر إذن متى سنتحمل اخطائهم و هم معرضون

كغيرهم للخطأ و ماذا سنفعل بهم وقتها

ماذا رأينا من المعسكر المضاد

افشل ممارسه و تجربه حزبيه و سياسيه فى التاريخ ..و لا نسيت يا احمد

نسيت فضائح حزب الغد الليبرالى و لا الوفد و لا التجمع و لا نواب سميحه و الكيف..اقولك ايه و لا ايه

ثم ما الذى يعيب الاخوان انهم يغيروا سياستهم من مشاركه الى مغالبه ..اليس الشعب

هو الذى اختارهم و جاء بهم

ثم الا يلفت نظرك موقف ممدوح اسماعيل و غيره

ستجد اشد المنتقدين و المعارضين هم من داخل التيار نفسه ..

يا احمد انظر للجزء المليئ من الكوب و ثق تماما ان الخير قادم على ايدى هؤلاء بإذن الله ..

تم تعديل بواسطة abaomar
رابط هذا التعليق
شارك

لله الامر من قبل ومن بعد

أقعد بعافية يابو عمر

السلام عليكم

انا عارف يا احمد ان الحقيقه بتوجع ما تزعلش منى

لكن كنت اتمنى تعقب على كلام الرجل نفسه اللى انت واخده تريقه و تتحمل نتيجه ذلك امام الله

الرجل لم يؤلف و يبتكر قوانين

هو وكيل اللجنه و تم تقديم مشاريع قوانين ..اى كانت هذه القوانين

هل يفعل مثل ايام سرور

اللى ما يعجبناش نفرمه و ما نطلعهوش

هو ادى عمله حسب متطلبات منصبه فلماذا اللوم عليه و تحميله ما لا يطيق

..

طيب يا احمد الكلام طلع كذب ها تعتذر عن تريقتك عليه ؟؟

رابط هذا التعليق
شارك

لأ ما هو حضرتك مش واخد بالك يا أم سلمى

بغض النظر عن الأسماء .... صبحي صالح أو محمد صبحي

نحن نتحدث عن مبدأ

بإعتراف الأخ صبحي صالح إن هو اللي جمع المشاريع كلها في مشروع واحد .. وخرج لنا اليخن العجب اللي حضرتك شايفاه

سيبك من الإسم وإنه حرية وعدالة أو زيت وسكر ..

إيه رأي حضرتك في مسودة القانون الجميل ده ؟

وإيه رأي حضرتك في الشخص اللي ضرب كل القوانين دي في الخلاط وخرج الإختراع ده ؟

وإيه رأي حضرتك إذا كان هو بغنتماءة الذي لا يستطيع أن يُنكره قد ذاق الامرين من النظام السابق اللي كان بيحظر إجتماع أكثر من شخص في مكان واحد وإلا يطبق عليه قانون الطواريء ؟

السلام عليكم

ماشي يا ابو عمر غضينا النظر عن الاسماء

مبدأ إيه اللى بتتكلم عليه

تنظيم المظاهرات كما اقرأ بعينى

و ما المشكله فى ذلك ..هى حاجه ابيحه لا مؤاخذه ؟؟ :P ..

هما قالوا منع التظاهر مثلا و احنا مش واخدين بالنا

هو مش فى اوروبا و الدول المتغدمه ;) بينظموا الحاجات دى برضه و لا متسابه كده سداح مداح

و بعدين اللى تقدم بطلب كده طلبه ليه

مش بسبب الفوضى و السيبان اللى حاصل دلوقتى يا ابو عمر

واحد مراته معكننه عليه و محطتش بيض فى العجه الصبح تقوم طاقه فى دماغه يروح معتصم على شريط القطر او يقفل الطريق الزراعى

زى ما بنشوف و تتقطع مصالح الناس ..طز مش مهم .. المهم نعمل منظر

و بعدين الاغرب انك تقارن بين حاجتين ما لهمش دعوه ببعض

ممارسات النظام السابق الغير مستنده على اى اساس

و مشروع قوانين ..واخد بالك مشروع قانون قابل للنقاش و الاخذ و الرد ثم ..الاهم .. الاستفتاء عليه

داخل المجلس و فى النهايه يتم اقراره بشكل حضارى متفق عليه و ليس كما يحدث ايام سيد قراره .

الموضوعيه و العدل يا احمد الله يباركلك .

رابط هذا التعليق
شارك

تنظيم المظاهرات كما اقرأ بعينى
هو مش فى اوروبا و الدول المتغدمه بينظموا الحاجات دى برضه و لا متسابه كده سداح مداح

أسف يا أبو عمر .. ما هي خلصت طالما قرأت ذلك بعينك .. يبقى لن يفيد الكلام ولو ألفنا عليه مجلدات

رابط هذا التعليق
شارك

من حيث المبدأ لا مانع من - بل يجب - تقنين حق التظاهر لنفصل بين التعبير السلمى عن الرأى من جهة والفوضى والبلطجة (الفكرية والجسدية) من جهة أخرى

سمعت (طشاش يعنى) عن الاعتراضات على مشروع القانون .. بس أنا شايف هجوم على المشروع بدون ما نعرف هو الاعتراض على القانون كله ولا على مواد معينة

مفيش حد شاطر كده يجيب لنا نص المشروع علشان نعرف احنا بنتناقش أو بنتناقر على إيه بالظبط ؟

رابط هذا التعليق
شارك

حق التظاهر يكفله الدستور والاعراف الديمقراطية ولا يمكن ان يصدر قانون يمنع او يحد من هذا الحق

لكن انا اتفق مع ضرورة تنظيم هذا الحق وليس تجريمه

مثلا لابد من اخطار المسؤول بمظاهرة ضده حتى يسارع بتحقيق مطالب المتظاهرين والتفاوض معهم وان تقوم تلك الجهة بابلاغ الامن بنفسها لكي يقوم الامن بحماية المظاهرة وليس قمعها و يحافظ عليهم من المندسين والمخربين

اما حكاية السجن واعلان في الجرايد فهذا كلام فارغ لن يحدث مجددا بمصر

كلام يذكرنا بمبارك وعصابته وترزية قوانينه امثال فتحي سرور و مفيد شهاب

كلام من مجلس مشكوك في صحته وهناك دعوى في الدستورية العليا تشكك في ثلث هذا المجلس الغير شرعي واللذي لا يمثل الشعب المصري وسيصدر هذا الحكم قريبا باذن الله لانه يستند على نفس اسباب اسقاط مجلس 87 السابق

اجعلونا نتذكركم بالخير بعد ان يتم اسقاط مجلسكم هذا

لا تسارعو بإظهار نواياكم الحقيقية التي نعلمها جيدا وكم حذرنا منها

اتقلو ماتبقوش خفاف اوي كده

رابط هذا التعليق
شارك

من حيث المبدأ لا مانع من - بل يجب - تقنين حق التظاهر لنفصل بين التعبير السلمى عن الرأى من جهة والفوضى والبلطجة (الفكرية والجسدية) من جهة أخرى

سمعت (طشاش يعنى) عن الاعتراضات على مشروع القانون .. بس أنا شايف هجوم على المشروع بدون ما نعرف هو الاعتراض على القانون كله ولا على مواد معينة

مفيش حد شاطر كده يجيب لنا نص المشروع علشان نعرف احنا بنتناقش أو بنتناقر على إيه بالظبط ؟

مجرد انه يقترح حبس من يتظاهر بدون ابلاغ الجهات المختصة لهو امر مرفوض جملة وتفصيلا

الاخوان مفكرين نفسهم وصلوا لمرحلة الحزب الوطني في ادارة البلاد ومفكرين نفسهم ممكن يمررو قوانين معينة دون ارادة الشعب

ادينا شوفنا حكم الادارية العليا برفض مبدأ فيفتي فيفتي بتاع رجال الاعمال والتجار وبتوع الكعك والتورته والجاتوه

فيه فرق يا حاج ابو محمد بين تجريم وتنظيم المظاهرات

رابط هذا التعليق
شارك

من حيث المبدأ لا مانع من - بل يجب - تقنين حق التظاهر لنفصل بين التعبير السلمى عن الرأى من جهة والفوضى والبلطجة (الفكرية والجسدية) من جهة أخرى

سمعت (طشاش يعنى) عن الاعتراضات على مشروع القانون .. بس أنا شايف هجوم على المشروع بدون ما نعرف هو الاعتراض على القانون كله ولا على مواد معينة

مفيش حد شاطر كده يجيب لنا نص المشروع علشان نعرف احنا بنتناقش أو بنتناقر على إيه بالظبط ؟

مجرد انه يقترح حبس من يتظاهر بدون ابلاغ الجهات المختصة لهو امر مرفوض جملة وتفصيلا

الاخوان مفكرين نفسهم وصلوا لمرحلة الحزب الوطني في ادارة البلاد ومفكرين نفسهم ممكن يمررو قوانين معينة دون ارادة الشعب

ادينا شوفنا حكم الادارية العليا برفض مبدأ فيفتي فيفتي بتاع رجال الاعمال والتجار وبتوع الكعك والتورته والجاتوه

فيه فرق يا حاج ابو محمد بين تجريم وتنظيم المظاهرات

أى قانون يا أستاذ إسلام بيبقى فيه عقوبة لمن لا يلتزم بيه

واديك شفت بنفسك .. مولانا راجل القانون بيضرب قانون منع الدعاية فى دور العبادة باللى فى رجله

حيفيد بإيه قانون بدون عقوبة لمن يخالفه .. حنعتمد على إننا كلنا حلوين وشطار وحنسمع الكلام؟

ياريت بس حد يجيب لنا نص المشروع .. لأنى لا أعتقد إن الاعتراض هو على معاقبة اللى يطلع مظاهرة بدون إخطار مسبق

رابط هذا التعليق
شارك

انشئ حساب جديد او قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
×
×
  • أضف...