# بشرى قريبة باذن الله حول جمارك السيارات #

[Abu Reem]

بسم الله الرحمن الرحيم

منذ فترة ذكرت بعض الاقتراحات في احد الموضوعات هنا ايام كثرة الحديث عن الازمة الاقتصادية وتقلص الاحتياطي الدولاري ، منها ان يتم السماح للمصريين بالخارج بادخال سياراتهم ايا كان نوعها الى مصر نظير مبلغ مقظوع بالدولار...يترواح بين 3000 الى 5000 دولار دون قيود على الموديل ومسألة اول مالك للسيارة

- يبدو اننا بصدد سماع اخبار جيدة الفترة القادمة عن موضوع الجمارك....لدي بعض الاخبار ان هناك دراسة لموضوع يتعلق بجمارك سيارات المغتربين..خلاصته:

- ان يقوم من يرغب بانزال سيارة الى مصر بوضع وديعة بالدولار = 10000 دولار في حساب مصلحة الجمارك..وبالتالي يسمح له بادخال سيارة الى مصر وليس شرطا ان يكون المالك الاول وليس شرطا تكون نفس سنة التملك هي نفس سنة الموديل...ولكن طبعا سيوضع حد اقصى لموديل السيارة حتى لا يتم ادخال سيارات قديمة

- طبعا هناك بعض التفاصيل مازالت تدرس حول كيفية حساب الجمرك..والذي سيتم خصم قيمته من ثمن الوديعة..وحول استرداد باقي ثمن الوديعة..من حيث هل يسمح في اي وقت باسترداد الوديعة او ما تبقى منها او انه مسموح في اي وقت ان يتم الاسترداد

- مبدئيا ساحاول ان احصل لكم على الاخبار...اولا بأول...المهم ان الامور بدأت تتحرك..وهذا شيء جيد للغاية

[se_ Elsyed]

مش قادر أصدق بصراحة

أصل الجمارك ممكن تشتغل بشعار

ليه تهلب أقل .. لما ممكن تهلب أكتر

يعني 5000 دولار كلام فارغ يعني 30 الف ج ... في حين إنهم بيشفطوا أضعاف هذا المبلغ يومياً

بشكل عام ... الطريق الأخر موجود وقدام عيني ههههههههههههههههههههههههههههههههههههههه بأشوف عربيات بتتسلك داخل مصر بـ 10 بواكي مصري ... + الجمرك كمالك أول على صاحب السيارة طبعاً ... وإنت طبعاً مش مالك اول ... لحد 1600 سي سي ... أصل حتى لو بقوا ملايكة وعملوا النظام ده .. فمستحيل يسمحوا للسيارات اللي فوق 1600 وبيعتبروا فخمه إنها تدخل كده بسهولة ...

وخلي شغل التلات ورقات هو اللي يسود

يعني أنزل السوق دلوقت أشتري حاجه إلنترا محترمه أو أوبترا موديل 2008 أو 2009 بـ 12 الف ريال ... وادفع للراجل 10 الاف مصري .... ويظبط هو الورق كمالك أول ... ووانا قاعد في الرياض باحتسي شاي الخامسة مساءً مع الانجليش كيك ... تتجمرك لها في مصر بحوالي 20 أو 25 الف ج وتدخل بإسم حد من قرايبي اعمله توكيل هنا .... وسلام عليكم

بس انا مش باعمل كده طبعاً لان لا تاجر ولا يحزنون لكن شايف الحكومة المستغلة وصلت الناس لفين ...

[Abu Reem]

ركز معايا يا ابو عمر..قول بس يامسهل

خد بالك انا باقول وديعة ب (10000 دولار) مش 5000 ، يعني الشرط الاساسي انك تكون حاطط وديعة ب 10.000 شوف بقى كام مغترب نفسه ينزل بسيارة على مزاجه دون قيود

احسب انت 10000 دولار في كام مصري عاوز كده....وشوف الفوائد...

خد بالك ان المعلومات انه سيتم فتح مدة معينة ( عدة اشهر فقط) لفتح باب وضع الودائع...وبعدها من الممكن لمن وضع الوديعة ان ينزل السيارة اللي هوه عايزها...لكن بعد فترة من انتهاء غلق باب وضع الوادئع ب 5 اشهر...تتقريبا..يعني الاول لازم الفلوس تشتغل شوية....

- المسألة فيها تفاصيل كتير...بس اتوقع انها هاتحل ازمة كبيرة لدى عدد كبير من المصريين وايضا ستحل ازمة الاحتياطي المصري..او ازمة الدولار

- وبعدين خد بالك ان ممكن جمرك السيارة يتعدى مبلغ الوديعة وبالطبع ستدفع الفرق...

- لكن المهم انك سيكون عندك خيارات لشراء سيارة مستعملة 4 × 4 مثلا...وهذا امر جيد..غير ان طريقة احتساب الجمرك على هذه الموديلات سيكون ليس كالوضع الحالي

[Abu Reem]

بأشوف عربيات بتتسلك داخل مصر بـ 10 بواكي مصري ... + الجمرك كمالك أول على صاحب السيارة طبعاً ... وإنت طبعاً مش مالك اول

تفتكر كام واحد بيعمل حكاية التسليك دي....وطبعا خد بالك انها رشاوي..والبلد يمكن لا تستفيد من هذه الطريقة

- لكن تخيل بقى ان بدل ما الطرق الملتوية دي بتتم ...وهي قطعا لا تدر دخل كبير للدولة ..تخيل بقى لو مليون واحد وضع وديعة ب 10000 دولار..خلال ال 3 شهور التي سيفتح فيها الباب...كده بقى عندك 10 مليارات دولار ياباشا دخلت الدولة وانت برده قاعد سايب ايدك وبتحتسي الشاي مع الانجيلش كيك..برده...

- عشرة مليارات بدون مجهود...واكيد هناك من ستكون جماركه اعلى من قيمة العشرة الاف دولار...تخيل بقى الحسبة ممكن تطلع كام....وبرده انت تستفيد والدولة تستفيد...وهذا لن يمنع برد اي مسائل تتم بطريقة غير قانونية....يعني كل الطرق ماشية..

- لكن بالنظام الغبي المتخلف السابق..هو حارم ملايين المصريين من الاستفادة وفي نفس الوقت...حارم نفسه بغباء من مليارات بدون اي مجهود...

قول يارب بس

تم تعديل 19 مارس 2012 بواسطة Abu Reem

[se_ Elsyed]

لكن المهم انك سيكون عندك خيارات لشراء سيارة مستعملة 4 × 4 مثلا...وهذا امر جيد

عشان ما نبنيش قصور في الهواء والناس تتعشم أكتر من اللازم

أتحدى إن موضوع الـ 4*4 ده يحصل .. أو الموديلات العالية وكله مقابل وديعة بـ 60 الف فقط !!!

فخلينا نحلم على قدنا ونقول الموديلات اللي أقل من 1600 سي سي تبقى مبلوعه شويه

على العموم الموضوع ده عامل زي السحابة السواد اللي كل سنة تظهر في نفس الميعاد

وخلي بالك الموضوع تحكمة امور كثيرة منها الطرق المنيلة في مصر .. ومنها حيتان صناعة السيارات في مصر .. ومنها الإتفاقية اللي مع دول الإتحاد الأوروبي اللي تقريباً على 2018 هاتسمح للسيارات الاوروبية بدخول مصر بدون جمارك .. وبرضوا باتكلم عن الفئات الصغيرة

لكن إذا كان على حصيلة الدولارات والنقد ... فلها حلول كثيرة جداً منها تسهيلات بتملك الأراضي للمصرين بالخارج .. مش الهبل اللي بيعمله وزير الإسكان وبيفتكرنا راكبين فيل وبينضحك علينا

[Abu Reem]

عشان ما نبنيش قصور في الهواء والناس تتعشم أكتر من اللازم

أتحدى إن موضوع الـ 4*4 ده يحصل .. أو الموديلات العالية وكله مقابل وديعة بـ 60 الف فقط !!!

فخلينا نحلم على قدنا ونقول الموديلات اللي أقل من 1600 سي سي تبقى مبلوعه شويه

ياعزيزي مش قصور في الهوا...دي سياسية جمارك...هتعود على الاقتصاد بالنفع...وهذا لن يمنع ايضا من ان ترى قوانين مماثلة مثلا بخصوص الاراضي....

- وبعدين انا بقول لك 10000 وديعة ..هذا هو الشرط..اما مبلغ الجمرك فممكن ان يكون اقل او اعلى من هذا المبلغ

- يعني لو جبيت عربية مثلا 4 ×4 مستعملة وطلع جماركها اعلى من مبلغ الوديعة ستدفعه..بس اكيد مش هيكون زي ما تدفع جمارك لنفس العربية لو انت المالك الاول او موديل جديد..

- وبعدين السيارات الـ 4 ×4 في منها 2000 سي سي و 2500 يعني زي السيارات السيدان ايضا فهي ليست معجزة يعني

- اما لو المسألة علشان فقط السيارات 1600 سي سي فهذا ليس منطقيا بالمرة لان هذه السيارات اساسا جماركها في متوسط 45 الف جنيه..فيبقى ايه فايدة ال 10000 دولار..طبعا لأ المسألة ليست من أجل سيارت ال 1600 سي سي فقط

تم تعديل 19 مارس 2012 بواسطة Abu Reem

[se_ Elsyed]

وإحنا نكره

دي تبقى الف ليله بيضا والواحد ينزل 15 عربية 4*4 ونعمل سباقات فورملا ون

يعني نجمع حبايبنا اللي مالهمش في العربيات .. وكل واحد نبرز له بريزة كبيرة ريالات ( 10 بواكي مقفولين ) وننزل عربية هامر بإسمه ... ونبيع ونعيش ونقب على وش الدنيا بقى

[Abu Reem]

وإحنا نكره

دي تبقى الف ليله بيضا والواحد ينزل 15 عربية 4*4 ونعمل سباقات فورملا ون

يعني نجمع حبايبنا اللي مالهمش في العربيات .. وكل واحد نبرز له بريزة كبيرة ريالات ( 10 بواكي مقفولين ) وننزل عربية هامر بإسمه ... ونبيع ونعيش ونقب على وش الدنيا بقى

همتك بقى....في الحوار حول هذا الامر....لكي يأخذ حقه من النقاش

- لكن خد بالك ان لو انت هتنزل اكثر من سيارة معناه لازم تضع مبلغ الوديعة....لكل سيارة..بس انا لسه لا اعرف هل مسموح لكل واحد بأكثر من سيارة ام لا....هذا غير ان الفترة التي سيسمح فيها بهذا هي على حد علمي 3 شهور تقريبا..فمن سيضع مبلغ الوديع خلال هذه الفترة هو فقط الذي سيسمح له بذلك..بعد غلق الباب...غير مسموح...

يعني الموضوع له تفاصيل..بس الكويس في الامر انه المياه الراكده تحركت..ولو حصل اقبال على هذا الامر سيكون جيد جدا...بس المهم ان تكون الشروط وطريقة احتساب الجمارك..مجدية..وان شاء الله اتوقع هذا

[raouf]

الموضوع ناقشته شخصيا مع القنصل المصرى وفى وجود نقيب عام المهتدسين اثناء زيارته للدمام

وكنت محضوظا انى كنت فى لقاء مصغر ضم المستثمرين فى المنطقة الشرقية

المهم ان الموضوع فعلا يتم مناقشته جديا الان

والموضوع تصاعدى بمعنى

1600 سى سى الوديعة ستكون

10000 دولار لمده عشر ستوات

2000 سى سى ستكون

20000 دولار

اكثر من 2000

30000

والمدة 3 سنوات

وعلى حسب كلام الدكتور حسن لاشين ان مجلس الشعب هايناقش القانون مباشرة بعد الانتهاء من الدستور

[good person]

الموضوع ناقشته شخصيا مع القنصل المصرى وفى وجود نقيب عام المهتدسين اثناء زيارته للدمام

وكنت محضوظا انى كنت فى لقاء مصغر ضم المستثمرين فى المنطقة الشرقية

المهم ان الموضوع فعلا يتم مناقشته جديا الان

والموضوع تصاعدى بمعنى

1600 سى سى الوديعة ستكون

10000 دولار لمده عشر ستوات

2000 سى سى ستكون

20000 دولار

اكثر من 2000

30000

والمدة 3 سنوات

وعلى حسب كلام الدكتور حسن لاشين ان مجلس الشعب هايناقش القانون مباشرة بعد الانتهاء من الدستور

يعنى اية وديعة 10 سنوات و ادفع الجمارك كمان و امتى... انا مش فاهم

[raouf]

يعنى اية وديعة 10 سنوات و ادفع الجمارك كمان و امتى... انا مش فاهم

يا استاذنا

اولا مش هاتدفع جمارك هاتدخل سيارة بدون جمارك

بس اللى هاتدفعه المبالغ المذكورة هاتسيبها فى البنك 3 سنوات فقط ثم تستردها مرة ثانية

ارجو ان تكون الفكرة وصلت

[Abu Reem]

يعنى اية وديعة 10 سنوات و ادفع الجمارك كمان و امتى... انا مش فاهم

يا استاذنا

اولا مش هاتدفع جمارك هاتدخل سيارة بدون جمارك

بس اللى هاتدفعه المبالغ المذكورة هاتسيبها فى البنك 3 سنوات فقط ثم تستردها مرة ثانية

ارجو ان تكون الفكرة وصلت

لا يارؤوف....الكلام ده غير دقيق..ازاي يعني مفيش مبلغ هاتدفعه....يعني ازاي مثلا يجمعوا 10 مليار وديعة...ويجي الناس بعد 3 سنوات يسحبوا ال 10 مليار دولار مرة واحدة..دي تبقى مصيبة...

- انا بس منتظر لما اجمع المعلومات الكاملة..وبعدين ابقى انزلها..بس المهم هذا الاقتراح يتم الانتهاء من تنقيحه..واقراره بعد ذلك...بس اكيد فيه جمارك او مبلغ سيتم دفعه من خلال الوديعة نفسها...وليس الامر مجرد وضع وديعة لمدة 3 سنوات

تم تعديل 19 مارس 2012 بواسطة Abu Reem

[raouf]

لا يارؤوف....الكلام ده غير دقيق..ازاي يعني مفيش مبلغ هاتدفعه....يعني ازاي مثلا جمعوا 10 مليار وديعة...ويجي الناس بعد 3 سنوات يسحبوا ال 10 مليار دولار..دي تبقى مصيبة...

- انا بس منتظر لما اجمع المعلومات الكاملة..وبعدين ابقى انزلها..بس المهم هذت الاقتراح يتم الانتهاء من تنقيحه..واقراره بعد ذلك...زبس اكيد فيه جمارك او مبلغ سيتم دفعه من خلال الوديعة نفسها...وليس الامر مجرد وضع وديعة لمدة 3 سنوات

شوف يا ابو ريم الكلام ده من فم راجل مسئول

- الوديعة 3 سنوات فلو كان متوسط الفائدة 6-8% يعنى 25% يعتبروا مدفوعين

- ثانيا فاضل ضريبة المبيعات والنولون وغيرهم ودول بيعدوا 20% كمان

- ثالثا فيه حظر على بيع السيارات او توكيلات عليها لمدة 5 سنوات

- رابعا وده المهم الموضوع مش معمول علشان خاطر عيونا الموضوع معمول سبوبة لجمع دولارات لانقاذ البلد من الانهيار والدليل ان انت قلت ان الموضوع لفترة مؤقته

موضوع البنزين بقى والعربيات الاكبر من 1600 حله سيتم اعلانه قريبا وهو لكل سيارة مهما كان حجمها بونات ب1200 لتر سنويا قيمتها 1200 جنيه

طبعا بعد استهلاكها سيتم شراء البنزين بالسعر العالمى يعنى اللتر ب5 جنيه

تركب عربية 900 سى سى وتمشى على قدك بال1200 لتر يا مرحبا

نركب عربية 5700 سى سى وتخلصهم فى شهرين براحتك برضوا

تم تعديل 19 مارس 2012 بواسطة raouf

[mamdowh]

لا يارؤوف....الكلام ده غير دقيق..ازاي يعني مفيش مبلغ هاتدفعه....يعني ازاي مثلا جمعوا 10 مليار وديعة...ويجي الناس بعد 3 سنوات يسحبوا ال 10 مليار دولار..دي تبقى مصيبة...

- انا بس منتظر لما اجمع المعلومات الكاملة..وبعدين ابقى انزلها..بس المهم هذت الاقتراح يتم الانتهاء من تنقيحه..واقراره بعد ذلك...زبس اكيد فيه جمارك او مبلغ سيتم دفعه من خلال الوديعة نفسها...وليس الامر مجرد وضع وديعة لمدة 3 سنوات

شوف يا ابو ريم الكلام ده من فم راجل مسئول

- الوديعة 3 سنوات فلو كان متوسط الفائدة 6-8% يعنى 25% يعتبروا مدفوعين

- ثانيا فاضل ضريبة المبيعات والنولون وغيرهم ودول بيعدوا 20% كمان

- ثالثا فيه حظر على بيع السيارات او توكيلات عليها لمدة 5 سنوات

- رابعا وده المهم الموضوع مش معمول علشان خاطر عيونا الموضوع معمول سبوبة لجمع دولارات لانقاذ البلد من الانهيار والدليل ان انت قلت ان الموضوع لفترة مؤقته

موضوع البنزين بقى والعربيات الاكبر من 1600 حله سيتم اعلانه قريبا وهو لكل سيارة مهما كان حجمها بونات ب1200 لتر سنويا قيمتها 1200 جنيه

طبعا بعد استهلاكها سيتم شراء البنزين بالسعر العالمى يعنى اللتر ب5 جنيه

تركب عربية 900 سى سى وتمشى على قدك بال1200 لتر يا مرحبا

نركب عربية 5700 سى سى وتخلصهم فى شهرين براحتك برضوا

سبق أن قلت إن الحداية ما بترميش كتاكيت فى موضوع زى ده من أيام بطرس غالى والحكومه عمرها ما هاتنصف المغتربين فى موضوع السيارات وهى بتعتبر المغترب الفرخة اللى بتبيض لهم دهب, وعلى الرغم من كده عمرها ما هاتكون فى صفه, نفس العقلية القديمة عمرها ما هاتتغير

[raouf]

سبق أن قلت إن الحداية ما بترميش كتاكيت فى موضوع زى ده من أيام بطرس غالى والحكومه عمرها ما هاتنصف المغتربين فى موضوع السيارات وهى بتعتبر المغترب الفرخة اللى بتبيض لهم دهب, وعلى الرغم من كده عمرها ما هاتكون فى صفه, نفس العقلية القديمة عمرها ما هاتتغير

لا يا ممدوح باشا هو الموضوع مبدءه فيد واستفيد لانك فعلا هاتكون متميز عن اللى عايش فى مصر لانه هايدفع الجمارك كاملة

شخصيا هو حل مقبول بس اعتقد ان اكثر من سيستفيد به اللى نازل نهائى

لانى لو عايش بره هاجمد مثلا 30 الف دولار تمن سيارة + 30 الف دولار وديعة يعنى 00 3 الف جنيه

اما لونازل نهائى فالحسبة تختلف قليلا

ويعدين احنا كلامنا على العربيات الكبيرة اما ال1600 فامرها سهل وصفقة رابحة

[se_ Elsyed]

هي وديعة 3 سنين ولا 10 سنين ؟

وبعدين عفواً يا رؤوف .. ويا أبا ريم .. هو القانون ده بيتناقش بين ناس قاعدة على القهوة في ركن كده في السر ؟. ولا المفروض هناك جهات رسمية وتشريعية بتعمل الكلام ده وبيبقى مُعلن ؟

[Abu Reem]

هي وديعة 3 سنين ولا 10 سنين ؟

وبعدين عفواً يا رؤوف .. ويا أبا ريم .. هو القانون ده بيتناقش بين ناس قاعدة على القهوة في ركن كده في السر ؟. ولا المفروض هناك جهات رسمية وتشريعية بتعمل الكلام ده وبيبقى مُعلن ؟

الوديعة 3 سنين...ولكن اللي اعرفه ان هناك مبلغ للجمرك..وليس كما قال رؤوف ستسترد الوديعةك كاملة بعد نهاية الفترة..الموضوع مطروح للنقاس والبحث عن طريق الشئون القانونية في عدد من الوزارات...وهناك اشياء لا يجب الاعلان عنها قبل..ان يتم الانتهاء من دراستها..وبعد ذلك طرحها.....

لانك كما تعرف اذا طلع خبر...وانتشر ثم لم يتحقق او لم يتم الموافقة عليه..بتكون هناك مشكلة....

- الاخبار اللي عندي هي تقدر تقول تسريبات من علاقات شخصية.بي....وان كان وارد حتما ان يكون هناك اعلان عن هذه المقترحات..هنا او هناك...مفيش حاجة بتستخبى..

بس انشاء الله..نأمل ان يتم الموضوع لان حتما مصلحة للمغترب وايضا مصلحة للدولة

[لونا]

الخبر موجود على هذا الموقع بتاريخ 9 مارس 2012

رحبت وزارة المالية بالمبادرة التي قدمتها الجالية المصرية بالسعودية، والتي تهدف لضخ نحو ٠١ مليارات دولار في الاقتصاد المصري، من خلال تقديم وديعة بقيمة ٠١ آلاف دولار لحساب مصلحة الجمارك لمدة عام أو عامين، مقابل إلغاء شرط المالك الأول للسيارة وشرائها في نفس عام الصنع عند دخول سيارة صاحب الوديعة البلاد بغرض الإفراج الجمركي عنها.. علي أن يتم رد باقي مبلغ الوديعة بعد انتهاء مدتها إذا زاد عن قيمة الرسوم الجمركية. ويدرس ممتاز السعيد وزير المالية حاليا مذكرة بتفاصيل المبادرة والشروط التي وضعتها مصلحة الجمارك لتطبيقها والتي يستفيد منها نحو ٤ ملايين مصري يعمل بالخارج .وقال أحمد فرج سعودي وكيل أول وزارة المالية رئيس مصلحة الجمارك: إن هذه المبادرة وجدت ترحيباً شديداً من الوزارة، وتم تشكيل لجنة تضم ممثلين لوزارات المالية والداخلية والنقل والصناعة والتجارة الخارجية لوضع ضوابط لها حتي لا يتم إغراق البلاد بملايين السيارات خلال فترة وجيزة، وقال ان الضوابط تتضمن تطبيق المبادرة لمدة ٣ أشهر فقط، يتم خلالها تقديم الودائع علي أن يتم بعدها بستة أشهر بدء دخول سيارات أصحاب الودائع.

وأضاف سعودي ان ممثلي وزارتي الداخلية والنقل وافقوا علي المبادرة، وقالوا: إن الحالة المرورية وشبكة الطرق تتحمل دخول السيارات التي ستدخل ضمن المبادرة.. بينما يتم حاليا استطلاع رأي وزارة الصناعة والتجارة الخارجية لمعرفة مدي تأثير تطبيق المبادرة علي صناعة السيارات المحلية، والوكلاء والمستوردين.

تم تعديل 20 مارس 2012 بواسطة لونا

[good person]

يعنى اية وديعة 10 سنوات و ادفع الجمارك كمان و امتى... انا مش فاهم

يا استاذنا

اولا مش هاتدفع جمارك هاتدخل سيارة بدون جمارك

بس اللى هاتدفعه المبالغ المذكورة هاتسيبها فى البنك 3 سنوات فقط ثم تستردها مرة ثانية

ارجو ان تكون الفكرة وصلت

شكر ا رءووف ع الرد

ايلى فهمته من كلام حضرتك ان تترك وديعة فى بنك معين بـأسم الجمارك لمدة محددة و لا تحصل انت على اية فوائد من هذا البنك و تحصل الجمارك مثلا على هذه الفوائد .

يعنى كده كان الجمارك تأخد منل الجمارك بالتقسيط

ولا ايه رايك

[raouf]

يعنى اية وديعة 10 سنوات و ادفع الجمارك كمان و امتى... انا مش فاهم

يا استاذنا

اولا مش هاتدفع جمارك هاتدخل سيارة بدون جمارك

بس اللى هاتدفعه المبالغ المذكورة هاتسيبها فى البنك 3 سنوات فقط ثم تستردها مرة ثانية

ارجو ان تكون الفكرة وصلت

شكر ا رءووف ع الرد

ايلى فهمته من كلام حضرتك ان تترك وديعة فى بنك معين بـأسم الجمارك لمدة محددة و لا تحصل انت على اية فوائد من هذا البنك و تحصل الجمارك مثلا على هذه الفوائد .

يعنى كده كان الجمارك تأخد منل الجمارك بالتقسيط

ولا ايه رايك

بالظبط كده