"الجنزورى" يرد على مطالب سحب الثقة فى مؤتمر صحفى بعد قليل

[se_ Elsyed]

يعقد الدكتور كمال الجنزورى، رئيس مجلس الوزراء، مؤتمراً صحفياً هاماً بعد قليل، وذلك بمقر الحكومة المؤقت فى مدينة نصر، لإعلان موقف الحكومة من مختلف القضايا التى أثيرت فى الآونة الأخيرة، وعلى رأسها إخلاء سبيل الأمريكان المتهمين فى قضية التمويل الأجنبى، والرد على مطالب نواب البرلمان بسحب الثقة من الحكومة.

كان "الجنزورى" عقد اجتماعاً صباح اليوم للجنة الوزارية الاقتصادية، حضرها وزراء التخطيط والمالية والعدل والطيران المدنى والتنمية المحلية والتأمينات.

[se_ Elsyed]

المسئول ... أو حتى المدير وظيفتة تتلخص في الأساس في حل المشكلات بأساليب مبتكرة حتى لو ما عندوش ادوات

لان هو اللي لازم يخلق تلك الأدوات

وهو اللي لازم يبتكر حلول

وإلا يبقى يفرق إيه عن موظف الحكومة اللي وظيفته وهدفه في الحياة إنه يروح الشغل كل يوم الساعة 8 الصبح ويرجع الساعة 2 الضهر وكل يوم بيعمل كده وكل يوم في نفس الملل والتكرار ده

والمسئول اللي تعدي شهور وكل اللي بيعمله إنه يطلع كل يوم وكل مناسبة وكل مؤتمر يولول ويلطم خدودة ويعيد ويزيد في قضية إن العرب ما ساعدوناش وإن الكل إتخلى عندنا .. وإنه لما كان شغال هو والحج عبد الحميد جمعه في التسعينات كانت مصر احسن من كده واحلى من كده ومصر كانت اموره خالص ... ووقف الزمن به عند تلك الفترة وبالتالي ليس لديه أي رؤية ولا وضوح ولا أخذ أي قرار غير عادي نقدر نشاور ونققول له عفارم عليك فيه .. وأستمرت حالة النزيف في الإقتصاد المصري اللي كانوا في الأول بيوهموا الناس إن السبب هما الثورجية في ميدان التحرير اللي مبوظين عجلة الإنتاج ولعبوا في الجنزير والعجلة وقفت .... فمشيوا وروحوا بتوع التحرير .. ومع ذلك النزيف زاد .. والعجلة أتسرقت أساساً ... ووصل الإحتياطي النقدي حسب تقرير البنك المركزي أول إمس إلى 15.7 مليار دولار ... وهو مؤشر كارثي بكل المقاييس الإقتصادية والسياسية ... ناهيك عن الأنفلات الامني المتزايد اللي بيساعد على النزيف الإقتصادي

ومازال الفساد هو هو ... ومازالت الإضرابات والإعتصامات الفئوية هي هي

ولم نرى حتى مقشة واحده أنضربت في الفساد ..

مش عاوزين نقضي على كل الفساد في لمح البصر ... لكن يرضي مين إن أكتر من سنة تعدي دلوقت ومافيش أي قرار إقتصادي إتاخد يرضي رب العباد والعباد ؟

ومن البداية إعترض الشباب الثائر على شخص الجنزوري اللي لا يناسب مرحلة ثورية

وخرجت الأصوات التي تنادي بإعدام هؤلاء الشباب ومعاملتهم كالكلاب الضالة .. وبالفعل إتقتلوا وهما معتصمين أما مجلس الوزراء

والأن هي هي نفس الأصوات بزعامة الأخوان التي تشن حرباً شعواء على الجنزوري وتتهمه بالفضل الذريع . واللي يسمع محمود غزلان المتحدث الرسمي بإسم الأخوان وهو بيتكلم عن فشل الجنزوري يقول خلاص هايحولوا ملفه لفضيلة المفتي

هههههه دلوقت عشان ما جاش على هواهم بقى فاشل !!!

دلوقت عشان بيقلوظوها لنفسهم وعاوزين هما يشكلوا الوزارة بيتكلموا عن سحب الثقة ومش عارف إيه

صاحب الحق لا يغير رأية ولا يأيفة ويفصله على مزاجة .. وبالأمس يحرم الحلال ... ثم اليومً يحلل ما حرمه بالأمس ... لأن كده تبقى العملية أهواء ومصالح شخصية .... وبالتالي لن نثق فيمن يفعل ذلك ولا نأمن ماذي سيفعل غداً

[se_ Elsyed]

الجنزوري بيفكرني بالراجل اللي كان دمه زي العسل في مسرحية " سيدتي الجميلة " للعبقري فؤاد المهندس .. واللي كان إسمه ( عم لالو ) وطالع يعيط طول المسرحية ويقول

سرقوا السلم ... للم .. للم ... الله يسامحك يا بعضشي ياللي سرقت السلم .. للم للم

[Abu Reem]

ومن البداية إعترض الشباب الثائر على شخص الجنزوري اللي لا يناسب مرحلة ثورية

وخرجت الأصوات التي تنادي بإعدام هؤلاء الشباب ومعاملتهم كالكلاب الضالة .. وبالفعل إتقتلوا وهما معتصمين أما مجلس الوزراء

والأن هي هي نفس الأصوات بزعامة الأخوان التي تشن حرباً شعواء على الجنزوري وتتهمه بالفضل الذريع . واللي يسمع محمود غزلان المتحدث الرسمي بإسم الأخوان وهو بيتكلم عن فشل الجنزوري يقول خلاص هايحولوا ملفه لفضيلة المفتي

هههههه دلوقت عشان ما جاش على هواهم بقى فاشل !!!

يا بوعمر ، انت بتتكلم عن الجنزوري ، ايه دخل الاخوان في الموضوع ، علشان كلامك يبقى موضوعي ومفيد...مفيش داعي تدخل الاخوان او غيرهم في كل مصيبة

المفروض لو الناس عندها شوية وعي تفهم ان البرلمان كله بجميع احزابه...مفروض نقيم اداءه الفعلي بعد ذهاب المجلس العسكري....لان واضح ان المجلس العسكري مازال بيتصرف بعقلية اعطاء الاوامر..

- يعني لو كان اي رئيس وزراء موجود دلوقتي مكانش هيقدر يقول... لأ... امام مشكلة سفر الامريكان....لاننا مازلنا ليس لدينا القدرة ولا البدائل حتى نقول للامريكان لأ..ونتخلى عنهم بهذه البساطة

- البرلمان اداءه جيد حتى الان كجهة تشريعية رقابية....ولكنه مازال مكبل وسيظل مكبل حتى يغور المجلس العسكري

- اما الجنزوري...فكان لازم ياخذ فرصة حتى يتم الحكم على اداءه....وانا في رأيي هو لم يقدم جديد حتى الان...او دعنا نقول اداؤه عادي..والسبب في ده ان السلطة لم نتسلمها بعد..! وليس اي سبب اخر !!

- لكن في رأيي ايضا انه لابد له ان يستقيل لو عنده كرامة خاصة بعد موقف سفر الامريكان...غير كده يبقى...وجوده في منصبه نوع من الفساد الذي لا نقبله..

اما يستقيل لانه لا يصح ان يبقى في منصبه بعد هذا الموقف ..او يقول لنا السبب القوي الذي وراء تبعات قرار سفر الامريكان

..

اما لو ضحك علينا بكلمتين وان ابو المعز هو المخطيء ...وانتهى الموضوع على كده يبقى رأيي الموقف محتاج مليونية قوية....وفورا لاسقاط حكومته ...وايضا تحذير المجلس العسكري بأن اي تدخل في مسألة الدستور او انتخابات الرئاسة ستقابل بثورة جديدة بكل ما يترتب عليها من عنف محتمل

تم تعديل 6 مارس 2012 بواسطة Abu Reem

[se_ Elsyed]

إزاي يا ريس ؟

أومال مين كان بيطبل ويمدح في كفاءة الجنزوري لما تم الإعلان عن ترشحية لرئاسة مجلس الوزراء ؟

ومين بشيل طين ويحط على دماغه دلوقت وعاوز يشكل الوزارة ... مش الإخوان ؟

-

يعني لو كان اي رئيس وزراء موجود دلوقتي مكانش هيقدر يقول... لأ... امام مشكلة سفر الامريكان

متأكد ؟؟؟

ولا لو كان رئيس وزراء اخوانجي ؟

[se_ Elsyed]

ههههههههههههههههههههههههههههههه

ماما حلوه

فى أول تصريح للدكتور كمال الجنزورى، رئيس الحكومة، حول موقف الحكومة من قضية التمويلات الأجنبية، أكد أن قضية التمويلات الأجنبية فى يد القضاء، ولا يمكن لأى مسئول تنفيذى التدخل فى شأن القضاء المصرى، مضيفا أن مصر لم تركع ولن تركع أبدا .

وأوضح الجنزورى فى مؤتمر صحفى عقب اجتماع للحكومة، أن المخالفات التى تقوم بها الجمعيات الأهلية والمنظمات تم إحالتها للتحقيق فى أكتوبر الماضى، ومن حيث الشكل وهو حظر السفر لـ 43 متهما والإفراج عن بعضهم، قائلا "الموضوع يخص القضاء من 3 أكتوبر حتى 29 فبراير، ولا يمكن لمسئول تنفيذى أن يتدخل".

ورفض الجنزورى الإضافة أو التعليق على أسئلة الصحفيين، لكنه قال "مصر لن تركع لأحد وكررها وأن الأمر موجه لكل الدول التى حجبت التصدير لمصر، وقال مصر لن تضعف ولن تقف عند بعض الضغوط من الخارج"، وأكد "لن نقبل أى ضغوط على أداء مصر لأن مصر بلد تاريح وحضارة وعلى المستوى الشخصى وتكوينى لا يقبل الضغط".

الراجل بيخرف .. حقيقي .. لإنه لو كان صغير شويه كنت قولت غنه بيضرب ترامادول

هي فعلاً لن تركع .. لأنها سجدت أساساً وأتمرمغت في الطين كمان

[se_ Elsyed]

هو الراجل ده حقيقي .. ولا فوتو شوب ؟ ولا فتوكو بعافية ؟

[se_ Elsyed]

أنا مش قصدي أضايقكم والله

إشمعنى أنا اللي أتجلط لوحدي ههههههههههه

http://www.youtube.com/watch?v=rJe8SWuUz6Q&feature=player_embedded#!

[se_ Elsyed]

على فكرة الجنزوري من زمان معروف إنه قليل الذوق مع الإعلام وكان بينه وبينهم ما صنع الحداد

وكرر الموضوع ده مئات المرات

والنهاردة نفس الشيء ... خلص كلامه وراح واخد في وشه وماشي بمنتهى الجليطة

[moamana]

فاكرين لما كتبت تعليق انى اتخانقت مع جوزى لتاييده تعيين الجنزورى رءيس وزرا و قالى الرجل طاهر و شريف و كده

دلوقتى كل ما يشوف الجنزورى و بس ابسله يبص فى الارض و يقولى واضح ان الكرسى بيغير

ايموشن اخر شماته اخر شماته بيترسم على وشى

[hanzalah]

ممكن سؤال

هو اللي انفعل ووافق على اختيار الجنزوري كان مستني منه ايه

مستني ايه من راجل مفلس افكار ومشحط ابداع وجايب جاز

ياريت نعرف ان التفكير بطريقة احترام الكبير تصلح في قعدة عرب أو حفل عرس أو مأدبة عشاء

وليس لها أدنى علاقة بدنيا لسياسة ومصالح الخلق والامثلة في الدين والدنيا اكثر من الحصر

احترام الكبير لا نختلف عليه .. لكن تولية الاصلح والاكثر كفاءة وليس الاكثر ولاء هو القاعدة لأي عمل صحيح

يعني نختار الرجل المناسب للمهمة والمرحلة والزمن وليس الرجل المهاود حتى لو كان مبيعرفش

ولنا في أنف النائب - الذي وصفه حزبه بأنه يتمتع بأخلاق الصحابة - قدوة

[hanzalah]

[وطني حر]

مثل قديم

بصراحه الثوره تأكل ابناءها .

قد اختلف مع البعض وقد يتهمني البعض الاخــر......... لو اخواني كفرني . لو سلفي . اهدر دمي .. لو ليبرالي اتهمني بالعماله

لو من زملاء النت اتهمني بعدم الانتماء .

هي الاتهامات بكل بساطه لكل من خالف الرأي . ودي لسا حاجه جديده علي المجتمع المصري .. ويا ما هنشوف

الي انا عايز اوصل له . انا مع الجنزوري واايده بكل تصرفاته .. حتي لوكانت خطا. في نظر العامه من الشعب

فلا يوجد دوله لا تركع . ولن اسميها الركوع ولكنها مجاملات ومصالح دوليه ..

فهل يوجد دوله في العالم حاكمه امريكا؟؟ هل المانيا تقدر تقف في وجه الامريكان ؟؟؟ هل الانجليز يقدرو يعملو حاجه تضر بمصالح ماما امريكا؟؟؟

لا اقلل من شأن بلدي لكن احيانا . . لا يعتقد احدكم او يحلم ان امريكيا في العالم سيحاكم .. في مصر او في اوربا .

لكن بعض المواقف عايزا محرج فني للحروج من الازمه بطريقه تحفظ ما الوجه

ماذا لو مصر حاكمه الامريكان . ما ذا سنجني من تلك المحاكمه .. وما ذا سنخسر.. . كلنا نتذكر موقف علي صالح حين طلب فتح جبهه لتحرير غزه .. بعض الكلام للمزايده وتسجيل موقف . او عدم احساس بالمسؤوليه ؟؟

ما ذا خسر العراق من عداء الامريكان .. ما ذا خسر السودان من عداء الامريكان . السودان تعاقد مع شركات صينيه لاستراج النفط . لموقفه العدائي من الامريكان . فلا الصين قدرت ووقفت معاه . ولا هو كسب موقف الامريكان .

حسني مبارك مع الامريكان وصديقهم الحميم . علاقته بيهم هي الي جنبت مصر الكوارث . وايضا هي الي بعدت حسني عن حبل المشنقه ..

صداقه الامريكان بصفه عامه ليست شرا وليست كلها خير .. لكن اتقو الضرر . .

الاردن دوله صغيره قليله الموارد ... عشان علاقتها بالامريكان كويسه عايشه زي الفل او نص الفل

ما ذا جنت مصر من محاكمه حسني . . سيخرج براءه .. ماذا لو تم نفي حسني مبارك او كان رهن الاقامه الجبريه في شرم مثلا .

كم خسرت مصر حبس حسني ؟ ( حسني وليس علاء وجمال )

حين اقول ذلك اخذت في اعتباري ان مصر وليده ثوره . ومؤسساتها الدستوريه شبه مشلوله.وقضاؤها ليس حرا كما يجب ان يكون .

فلا تزال اياديه مكبله .حتي لو جاملنا بعضنا بان القضاء المصري نزيه ؟؟؟؟

وهناك الفلول الكثيره من داخل مصر وخارجها لهم مصالح في مصر متعدده سؤال سياسيه او مصالح تجاريه الخ ....

انا مع اي قرار يهدي النفوس وضد النقد للحكومه حتي لو كانت مواقفها ليست سليمه . .. ولكنني لا اتجاهل او اتنازل عن

الانتحابات المقبله . انتخابات الرياسيه .. بموعدها

[se_ Elsyed]

لا حول ولا قوة إلا بالله العلي العظيم

اخي الكريم وطني حر

والله العظيم لما أفضى شويه بس .. ادعوا لي ... هاحكي قصة التمويل من أولها

حضرتك بإختصار مش إحنا اللي عملنا هيصة وزمبليطة من الاول وتحدينا العالم وكل واحد كان راكب حصان وماسك سيف خشب بيتكلم عن إنتهاء عصر الأنبطاح ولن نركع ولن نسجد والكلام ده

ولا هل تعتقد إنهم لما عملوا الفيلم الهندي ده من الاول ما كانوش يعرفوا إنهم أمريكان وبالتالي خبطوا فيهم

أه على فكرة ... فاكر زمان قوي وأنا صغير في سنغافورة .. عفأوا واد امريكي اكل لبانة ورماها في الشارع ... فاكر طشاش كده إن عقوبته كانت الجلد .. وأمريكا هددت وتوعدت وعملت حركات .. وبرضوا الواد إتجلد ولا همهم

[عادل أبوزيد]

فقط للذكرى و التاريخ . .. . قيل أن الجنزوري إشترط أن تكون صلاحياته غير منقوصة ليقبل رئاسة الحكومة