اذهب إلى المحتوى

تحريم الإنترنت علي المرأة


moody00x
 مشاركة

Recommended Posts

هنا وجدت نص الفتوي وهي صادرة من الشيخ عثمان الخميس وليس سعد الغامدي ولكن يبدو انه علم بها من خلال رده المغتضب الذي اوردتموه سابقاً

فتوى الشيخين عثمان الخميس وسعد الغامدي في تحريم الانترنت على المرأة بسبب خبث طويتها ولايجوز لها فتحه إلا بحضور محرم مدرك لعهر المرأة ومكرها، نسأل الله الثبات!

بسم الله الرحمن الرحيم

والحمد لله رب العالمين وبعد،

فإن النساء مخلوقاتٌ كسائر مخلوقات الله، لكن فيهنّ ضعفاً بيّناً وهوى يأخذهن صوب الحرام إن لم تجعل الضوابط الشرعية قائمة في المجتمعات التي يقمن فيهن. وحكم دخول المرأة للإنترنت حرام حرام حرام. ففي هذه الشبكة من مواضع الفتنة ما قد لا تتمكن المرأة بضعف نفسها على مقاومته. ولا يجوز الدخول لها على مواقع الشبكة ما لم يكن برفقتها أحد المحارم الشرعيين ممن يعرفون بواطن النساء ومكرهن وضعفهن أمام الجنس والهوى، كما قد فصّل ذلك فضيلة الشيخ سعد الغامدي في فتوى طويلة مدعومة بالأدلة الشرعية الثابتة.

كتبه/ عثمان الخميس.

رابط هذا التعليق
شارك

الأخ الفاضل "مواطنين" ، أنا مش عارف الموقع اللي إنت جبت منّه الفتوى دي يبقى إيه ، ممكن تحط ال url بتاعه بس. أصل أنا شاكك إن الموضوع كله مختلق.

رابط هذا التعليق
شارك

ده كده مزيد من البلبله ، بلبله فى بلبله وخلاص ، هو ده الهدف

وأنا شخصيا لم أعد أفهم ماهو الموضوع بالضبط ، ولكن فقط ما أشعر به أنه موضوع مختلق ومصطنع بخبث شديد من أحمد رجب مثلما إصطنع من قبل موضوع فتوى سلام المرأه على الرجل

بصراحه طريقه مفتعله وإصطياد فيه تنطع وتلكع بصوره مستفزه

وأحقر مافيه أنه يفتح الباب على مصراعيه لكل من أراد أن يقذف الدين بحجر ، حجر الإستخفاف والتسطيح والأى كلام والسلام ومناحه ويشبع فيها السيد رجب لطم

ده رأيى إللى أقصد به نفسى فقط ولا ألزم به حد غيرى ولا أعنى به أى حد خارج نطاق الآدمى إللى كتبه ، لأنى بصراحه طفح بى الكيل ولم أعد أطيق هذه الترهات

والله أعلم

رابط هذا التعليق
شارك

الأخ  الفاضل "مواطنين" ، أنا مش عارف الموقع اللي إنت جبت منّه الفتوى دي يبقى إيه ، ممكن تحط ال url  بتاعه بس. أصل أنا شاكك إن الموضوع كله مختلق.

عزيزي

هنا الرابط للموقع

http://ummanas.netfirms.com/in.wo.htm

موضوع مبرك او غير مفبرك لا اقدر ان اجزم فيها

مع خالص تحياتي

رابط هذا التعليق
شارك

عزيزي

هنا الرابط للموقع

http://ummanas.netfirms.com/in.wo.htm

موضوع مبرك او غير مفبرك لا اقدر ان اجزم فيها

مع خالص تحياتي

مين قال إن الرابط ده رابط لموقع ده مجرد رابط لصفحة htm معمول لها free hosting ممكن أى حد يعملها ويكتب فيها اللى هو عايزه :lol:

يعنى مين الأصدق الصفحة دى ولا تكذيب الشيخ عثمان الخميس فى موقعه المعتمد

سبحان الله

رابط هذا التعليق
شارك

معلش ياجماعة أنا حقول رأيى وعارف إنه مش حيعجب ناس كتير... الإنترنت بقدر ما لها من فوائد لها من مضار كما تعلمون جميعاً....لا يختلف إثنان منا فى ذلك....ومن مضارها أنها سهلت ويسرت العلاقات المحرمة بين الرجل والمرأة وأقصد هنا غرف الشات وليس مواقع الحوار الراقى التى يرتادها المثقفين من الجنسين.....الفتى والفتاة عبر مواقع الشات بالصوت والصورة يتحدثون فى كافة المواضيع بكل حرية وبلا حسيب أو رقيب وفى أحيان كثيرة يتطور هذا النوع من العلاقات من مجرد حوار من خلف شاشة الكومبيوتر إلى لقاء فى مكان عام ثم فى مكان خاص والباقى معروف طبعاً....هذا والله أعلم
رابط هذا التعليق
شارك

  وفى أحيان كثيرة يتطور هذا النوع من العلاقات من مجرد حوار من خلف شاشة الكومبيوتر إلى لقاء فى مكان عام ثم فى مكان خاص والباقى معروف طبعاً....هذا والله أعلم

انت تعرف انك كده يا أستاذ حشيش حرمت الاختلاط فى الأماكن العامة .. :P

لأنك حطيته كدرجة من درجات الإثم .. وما تدرج من الإثم فهو إثم ..

السعودية حرمت الاختلاط فى الأماكن العامة .. وحتى لما بنروح أنا والأولاد لمدينة ترفيهية ( للعوائل ) غالباً بتتفرج عليا :D وأنا اللى باركب اللعب

مرة رحنا لمدينة ترفيهية فى العيد وجت الهيئة وطبعا باظ اليوم ومراتى معرفتش تركب ولا لعبة معايا ( ممنوع ركوب النساء لأى لعبة تماما ) ..

قولت للراجل .. يا أخ مراتى ركبت معايا قبل العصر .. اشمعنى دلوقتى ممنوع ..

قال فى هيئة ( هيئة الأمر بالمعروف والنهى عن المنكر ) وبيعملولنا مشاكل .

قولت له : يعنى الستات تروح تولع فى نفسها بقى وخلاص :lol:

الصراحة قولت الكلام ده عشان مراتى متزعلش وابقى قولت اللى فى نفسها تقوله

لكن انا عارف انه لا هايقدم ولا هيأخر ..

وانا عن نفسى باحب نظام الرياض فى كل شئ ..وعارف ان فى مدن ترفيهية للسيدات والاطفال فقط .. لكن ولا مرة راحوا .. ايه الفايدة من الترفيه اذا مكناش مع بعض ..

بس أرجع واقول ان الممارسات الغلط اللى شافتها الهيئة من ناس قبل كده هى اللى خلتهم يمنعوا ركوب النساء لهذه الألعاب مع الرجال ( ايش عرفه انها مراتى !! )

وطبعا فى باقى الاماكن العامة فى السعودية الحجاب أوالنقاب او حتى الخمار بيحلوا باقى مشاكل الاختلاط ..

أما فى الانترنت .. فالكلام فيها بين الرجال والنساء من وراء حجاب بالفعل .. rs:

وعشان نحدد ايه الغلط ونمنعه عن نفسنا ( رجالة وستات ) :

فانا ( واعتبروها فتوى ) باحرم على ( الراجل والست ) انه يكلم الجنس الآخر الأجنبى عنه باستعمال كاميرا .. فهذا أسرع طريق للمعصية .. وحكمها حكم الخلوة بالضبط ..

وتشات المايك ممكن يجر لما سبق .. لكنه مش حرام .. اذا التزمت المرأة بعدم ترقيق الصوت أو الخضوع بالقول ( يعنى الضحك والمياصة والحاجات دى ) .

وتشات الماسنجر بالكتابة فيه خلوة برضو .. والشيطان شاطر أوى فيه ..

اما تشات الكتابة زى الموقع ده وغيره .. فاللى يقول بحرمانيته .. أخذق عنيه rs:

يعنى المرأة مسموح لها فى وجهة نظرى بكل ما هو مسموح للرجل من دخول للمواقع ( الجيد والردئ وكله فى الآخرة بحسابه ) وتبادل الأراء فى المنتديات

أما تحريم الانترنت عليهن تماما فهو حكم بالاعدام على النساء rs: B)

رابط هذا التعليق
شارك

الخلوة فى رأييى لها أشكال عديدة .. وقد تكون الإنترنت - كما تفضل الأخوة الزملاء وأوضحوا - أحد أشكالها ..

ولكن التعليق الذى أود أن أضيفه هو .. إن الأنترنت ما هى إلا إحدى وسائل الاتصالات المتعددة الموجودة حاليا والتى لم تكن موجودة من 10 أو 15 سنة ..

فإذا اتفقنا على أن التشات على الإنترنت خلوة إذا فالتشات عن طريق المحمول .. خلوة أيضا ..وكذلك التشات من خلال اى وسيلة اتصالات قد تظهر فى المستقبل القريب ..

وإذا كان هدف تكنولوجيا الاتصالات الحديثة والمتطورة هو أن تصل بك لمرحلة التحدث من خلال وسيلة ما بالشكل الأقرب للشكل المادى للاتصال .. لازدادت الأمور تعقيدا كلما تقدمنا للأمام ..!!!

وإذا وضعنا تكنولوجيا الاتصالات جانبا .. فقياسا على هذا يكون عدة "إيميلات" يتم تبادلها بينى وبين إحدى البنات أو السيدات - بصرف النظر عن مستوى العلاقة - يمكن الحكم عليها أيضا بانها خلوة ... وهكذا

الفكرة - من وجهة نظرى - تتلخص فى أن "التشات" فى حد ذاته يجب أن يخضع للمعايير الدينية والأخلاقية الشخصية التى يفرضها علينا الدين وتفرضها علينا الأعراف والتقاليد... وهذا هو الفيصل لأننا فى طريقنا لمواجهة طوفان من وسائل الاتصالات الحديثة جدا والمتطورة والذى ستبدو الفتاوى الدينية أمامها كنوع من الرجعية والتجمد الفكرى ..

وكاستنتاج عام وقياسا على هذا .. إذا أخضعنا "التشات" للمعايير الدينية والأخلاقية الاشخصية.. ورأينا فى هذا الحل .. أصبح لزاما علينا أن نُخضع باقى تصرفاتنا واستخداماتنا للأدوات المستخدمة أثناء ممارسة حياتنا اليومية لنفس المعايير .. وأعتقد أن النتيجة التى سنتوصل إليها هى التعامل فى حدود الدين والتقاليد الصحيحة وفى نفس الوقت مسايرة التطور العصرى والتكنولوجى والتمتع بالفكر المرن والمتفتح ...

وبالمناسبة .. أستطيع ان اقول ان تلك هى المعادلة التى لم يستطع الغرب التوصل إليها والعمل بها وهو الجمع بين المادية والعقيدة!

رابط هذا التعليق
شارك

كلام صحيح مية المية يا إسو العظيم ( يا أخى تواضع شوية :rolleyes: ) ..

ما عدا حتة المحمول دى ,, الكلام فى المحمول مش خلوة إلا اذا كنت انت منفرد واللى بتكلمك منفردة ( حالة الماسنجر اللى انا قولت عليها ) ,, وهنا الشيطان بيكون شاطر أوى أوى ,,

ولو واحدة طلبتنى غلط فى النمرة وفهمتها انها غلطانة وطولت هى فى الكلام بتتصنف كفاضية فى نظرى وباقفل فى وشها .. اما لو واحدة اعرفها وفى نفس الوقت مش من محارمى ففى قواعد للدين تحكم كلامها وكلامى .. ومحدش يقدر يحرم عليها تكلمنى فى الموبايل إلا اذا كنا بندردش ( أى كلام ) واحنا الاثنين منفردين .. ( دى بداية علاقة بكل تأكيد ) .. وهى دى الخلوة اللى ممكن جدا تتحقق فى الماسنجر ..

خلص الكلام ..

رابط هذا التعليق
شارك

طب وليه دايماً ننظر الى الإستغلال السئ للأشياء . . .

مثال :

احدى زميلاتي سافرت للسعودية للعمل هناك ، أحيانا تحتاج لسؤالي عن أشياء او طلب كتب لإرسالها إليها . .. خد عندك عذاب التحدث عن طريق ال SMS حتى نصل لنهاية المطلوب . . و كل ده ليه . . لأنه ممنوع في المكان القيمة به دخول النساء محال الInternet ولو لإرسال e-mail . . ايشي خيال ياناس . . . ونعم التخلف . .

رابط هذا التعليق
شارك

طيب لو الانترنت حرام عشان الخلوة...

يبقى ليه حرام على الستات بس؟؟؟؟ ما يبقى حرام على الرجالة كمان..!!!

هو فى جريمة الزنا والعياذ بالله الحد بيقام على الست بس ولا الست و الرجل كمان؟؟ :P

رابط هذا التعليق
شارك

ماحدش هنا فى الموضوع كله .. وافق على الكلام الفارغ المنقول ده ..

ومحدش من اللى اتكلموا فى الموضوع وافق على الفتوى الموضوعه دى ..

واللى عيب على الستات .. عيب على الرجالة .. محدش قال حاجة غير كده يا جماعة ..

وزميلتك يا ميتالكا لو عندها جهاز كومبيوتر وخط تليفون تقدر تدخل على النت طبعاً ..

معرفش انت تقصد ايه بالمكان المقيمة فيه ..

دلوقتى الموبايلات الجديدة ( او البوكيت بى سى زى بتاعى :lol: ) بتدخل النت زى ما نت عايز فى اى مكان ...

ايه المشكلة بس ؟!!!!!

والخلوة لو محدش عايز يفهمها .. ولا يهمكم .. متفهموهاش .. :P

عادى يعنى ..

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة

  • المتواجدون الآن   0 أعضاء متواجدين الان

    • لايوجد أعضاء مسجلون يتصفحون هذه الصفحة
×
×
  • أضف...