اذهب الي المحتوي
ArabHosters
Masrawy Abroad

ما هو أفضل مكان للسكن بالقاهرة وبكام؟

Recommended Posts

يا ريت السادة الخبراء ممن يقطنون أو حجزوا بالفعل في مناطق بالقاهرة يعرفونا ايه أحسن مكان تسكن فيه في القاهرة (تكون حتة هادية الله يكرمكم - يعني مش وسط البلد مثلا)...وايه العيوب والمميزات

ولو بقى تكون المعلومات مدعومة بالاسعار يكون في الجون وخير إفادة...

هل يوجد مشاريع جديدة اتفتحت للحجز والتعاقد...زي مشاريع الشيخ زايد وما حولها وحدائق المهندسين وزايد ريزيدنس؟

mc:

كليو: أنا سامع انك في التجمع الخامس...ايه ظروفه ده؟ nosb:

شارك هذه المشاركه


رابط المشاركه
شارك
كليو: أنا سامع انك في التجمع الخامس...ايه ظروفه ده؟  nosb:

التجمع الخامس (والأول و الثالث) أو ما يعرف بالقاهرة الجديدة... عبارة عن تجمعات سكنية فوق هضبة المقطم (الهضبة الوسطى)...

أولا المبانى كلها عبارة عن دور أرضى و بالكتير 3 أدوار فوقه بس... مساحات كتير للفيلات... وده بيخللى الكثافة السكانية قليلة، وبالتالى مفيش زحام..

طبعا مدارس الأطفال ال5 نجوم مفيش أكتر منها... وكمان السبع نجوم سوبر دىلوكس :o زى البريطانية الدولية، و خلافه...

المكان بما أنه صحراوى و مرتفع فالجو أكتر من رائع صيفا ومفيش رطوبة خااااالص... الشتا بس برد حبتين

المسافة مش بعيدة أوى من مصر الجديدة و مدينة نصر...

يعنى بينك و بين الحى العاشر 10 دقايق.. بينك و بين أرض الجولف فى مصر الجديدة أو بينك و بين المعادى 20 دقيقة . يعنى أنا كمصر الجديداوية طول عمرى كسبت إنى كمان قربت من المعادى اللى كنت باعتبرها غربة... :blink:

الأمن هنا عالى جدا... وتلاقى بتوع الأمن على طول رايحين جايين... برضه النظافة فى الأماكن اللى مافيهاش عمليات بناء مستواها مقبول جدا...

مستوى جيرانك و الناس اللى حواليك مش شرط يكون أرستقراطى، لكن هتلاقى حد أدنى مقبول من المستوى الاجتماعى..

الهدوء و راحة الأعصاب مش هاقولك عليهم.

بالنسبة للعيوب..

العيب الرئيسى هو قلة الخدمات يعنى سوبر ماركت محترم فيه طلبات الأسبوع مثلا أو كدة... كله على قد كام بقال على قدهم... وده باتغلب عليه بإنى أجيب طلبات البيت و أنا راجعة من الشغل من أى سوبرماركت كويس فى مصر الجديدة..

تانى عيب.. هو إنه لازم يكون لكل بيت 2 سيارة على الأقل لأن المواصلات شبه معدومة، ولو لقيت مواصلات بتكون مليانة عمال و فواعلية وكدة.. يعنى لازم سيارة لك و سيارة للمدام..

الأسعار مش غالية.. (أظن 1000 جنيه المتر) علما إن المنطقة مستقبلها كويس.. أما مصر الجديدة و مدينة نصر فالمستويات الاجتماعية برضه ابتدت تنزل جامد، و عشان تلاقى حاجة مستواها محترم ممكن تدخلك فى 1500 أو 2000 جنيه المتر ده غير الزحام الرهيب (يعنى عباس العقاد و مكرم عبيد و شارع النزهة والثورة وروكسى و الكوربة على طول واقفين)... يبقى تشترى راحة بالك بفرق السعر ;)

ربنا يوفقك و يجعلها عتبة مبروكة عليك.. mc:

شارك هذه المشاركه


رابط المشاركه
شارك
المسافة مش بعيدة أوى من مصر الجديدة و مدينة نصر...

وكيف نذهب لنرى التجمع الخامس

هل عن طريق المقطم أم عن طريق الدائرى والحى العاشر

وهل يتوفر فيها شقق صغيرة

حيث أفكر بحجز شقق احتياطى للأولاد

شارك هذه المشاركه


رابط المشاركه
شارك
المسافة مش بعيدة أوى من مصر الجديدة و مدينة نصر...

وكيف نذهب لنرى التجمع الخامس

هل عن طريق المقطم أم عن طريق الدائرى والحى العاشر

وهل يتوفر فيها شقق صغيرة

حيث أفكر بحجز شقق احتياطى للأولاد

ممكن تاخد الحى العاشر لحد أخره من عند موقف الأوتوبيسات، تطلع منه على الدائرى وبعديت تدخل شمال من فوق النفق التانى...

فيه الطريق اللى أنا بفضله هو طريق السويس/ الدائرى... يعنى حضرتك تاخد طريق السويس و تدخل يمين كأنك رايح جى دبليو ماريوت.... تكمل على طول... تاخد أول نفق.... و بعدين تدخل شمال من فوق النفق التانى...

فيه طريق تالت من عند مقابر مدينة نصر بس أنا مش حافظاه أوى... عموما ممكن هشام عبد الوهاب ياخد حضرتك فى جولة هناك لأن كلها كام شهر بإذن الله ويبقى جارنا هناك :blink:

هاتنورنا يا دكتور mc:

شارك هذه المشاركه


رابط المشاركه
شارك

كليو...على رأي حشيش ....اسمحيلي أقولك يا عمتي :blink: ;) (بهزر)

شكرا على سرعة الاستجابة والضمير في الرد....

هي منطقة حلوة جدا للمرتبط بمصر الجديدة....بيلاقيها مش بعيدة...ولكني من سكان الشمال الفقير (مش الفايكينج) فحاسس انها بعيدة عن أهلي والقهوة اللي اتربيت فيها... mc:

مش المنطقة دي اللي ها يكون فيها المقر الجديد للجامعة الأمريكية؟

التجمع الخامس في المنطقة الشرقية من القاهرة أو البر الشرقي للنيل .... يا ترى رأي الناس بتوع البر الغربي ايه....(منطقة 6 أكتوبر وتوابعها)؟

على فكرة أنا واحد من الناس اللي بتحب تستخدم الجهات الأصلية في تحديد الاتجاهات لأن ده الصح (ها تلاقي الصعايدة بيستعملوا الاتجاهات حلو اوي احسن من أهل بحري).....

في أمريكا الشمالية...الشوارع فيها شرق وغرب وشمال وجنوب...

وممكن لو ها تقابل واحد في ناصية تقاطع ....بتقوله مثلا ها اقابلك في الكورنر الشمالي الغربي.... أو الجنوبي الشرقي من التقاطع ...وبتلاقيه فاهمها بسهولة اوي

إحنا في مصر شوارعنا خلطبيطة والعيب مش على الناس لاننا ما اتعلمناش حاجة زي كده....

شارك هذه المشاركه


رابط المشاركه
شارك

سكان الرحاب

سكان القاهرة الجديدة

سكان الشروق

سكان الأحياء الجديدة بمدينة نصر

سكان الشيخ زايد

سكان 6 أكتوبر

سكان حدائق الأهرام

سكان حي الأشجار وبيفرلي ودريم ومينا وعب الجيزة

سكان الطريق الصحراوي

إنتوا فين يا جماعة؟

شارك هذه المشاركه


رابط المشاركه
شارك
كليو...على رأي حشيش ....اسمحيلي أقولك يا عمتي  cl:  :D  (بهزر)

أولا حرام جدا ومن غيرا للائق إنك تتقول على أخوك و زميلك حشيش... :lol:

حشيش عمره ما قال يا عمتى.... mfb:

حشيش بيقول "يا خالتى" mfb:

وإنت بأة و حشيش محرومين من المصروف لغاية أخر السنة fsh::

عقلى الباطن: أنا كان إيه اللى خلانى أتسحب من لسانى و أقوله يرجع يكتب تانى  ;)
تم تعديل بواسطة Cleo

شارك هذه المشاركه


رابط المشاركه
شارك

شكرا يا مصراوى انك فتحت الموضوع دا :lol: , جزاك الله خيرا ...

ارجوكو يا جماعه ,الموضوع دا مهم جدا بالنسبه لكل المغتربين , اغلبنا اتغرب اصلا علشان يكون نفسه و يشترى شقه , منزل او فلا ....

ارجو انكم ما تبخلوش علينا بخبرتكم عن المناطق اللى ذكرها مصراوى او اى منطقه من المناطق الجديده ...

و 1000شكر و جزاكم الله خير الجزاء

شارك هذه المشاركه


رابط المشاركه
شارك

رغم أننى لست من سكان أكتوبر - الا أننى قد زرتها كثيراً ..

أعتقد أنها من أفضل الأماكن للسكن فى مصر ..

مدينة جديدة بها كل الخدمات ..

كثافة سكانية معقولة – يعنى مش صحرا !!

وسائل مواصلات لمعظم ميادين القاهرة ..

طرق مرصوفة و مبانى جديدة و جميلة ..

طريق محورى مباشر للمدينة ..

أما عن الأسعار هناك ..

فعذراً ليس لدى فكرة واسعة ...

و لكن المدينة تضم العديد من الأحياء لذلك يوجد الكثير من الاختيارات ..

شارك هذه المشاركه


رابط المشاركه
شارك
ممكن تاخد الحى العاشر لحد أخره من عند موقف الأوتوبيسات، تطلع منه على الدائرى وبعديت تدخل شمال من فوق النفق التانى...

شكرا جزيلا

لهذا الوصف الوافى وأعرف هذه المنطقة وهى قريبة من سوق السيارات ومساكن صقر قريش بعد انبى

ولنا الشرف الكبير لمجاورة ست الكل كليو والإخوة الكرام بالقاهرة الجديدة

تحياتى

شارك هذه المشاركه


رابط المشاركه
شارك

سمعت ان في حته اسمها المنصوريه بيقولوا عليها حلوه

و طبعا السليمانيه سمعت انها تحفه

التجمع الخامس بيقولوا قدامها سنتين او تلاته بس الحق اشتري علشان المناطق دي بتفكرني بقصه مدينه نصر من 30 سنه

المتر ايامها كان بقرش

دلوقتي ...............................

:lol: mfb: mfb:

شارك هذه المشاركه


رابط المشاركه
شارك

إنتوا بتتكلموا عن حتشتشى؟

طب أنا ها اوريكوا ..

6 أكتوبر ..

أجمل مدينة جديدة فى مصر ..

تصميم جميل جدا

شوارع واسعة جدا .. وكل طريق له محور بديل لتجنب التكدس فى المستقبل ..

ما فيهاش إشارة مرور واحدة .. وده لاعتمادها أسلوب متطور فى التخطيط ..

أعلى من القاهرة بحوالى 80 متر (أعتقد الرقم صحيح) .. وهو ما يتسبب فى وجود جو جاف جدا صيفا وتلجججججج فى الشتا :lol:

بقت زححححححمة أخيرا .. نتنيجة افتتاح المحور وتطوير المدخل الآخر من مدينة افتتاج الإعلامى .. ونتيجة إنشاء مشروعات جديدة عديدة على جانبى الطريق..

المواصلات الداخلية شاملة التاكسيات موجودة وبكثرة ...

أقصى ارتفاع خمسة أدوار ...

كمية مساجد غير طبيعية .. يعنى بين كل مسجد ومسجد مسجد .. بالإضافة لكنيسة ضخمة جدا جدا ..

20 دقيقة من ميدان لبنان .. 25 دقيقة من ميدان الرماية ..

فيها مستشفيات 5 نجوم مرورا بكل النجوم وحتى المستشفيات الحكومية ..

مدارس بكل الأنواع .. من أول 7000 دولار لحد 300 جنيه فى السنة ..

قريبة جدا من هايبر ماركت الهوارى الجديد (10 دقايق)

بها كذا سوبر ماركت جملة (شوب رايت وآخرين) ..

سعر متر الأرض يبدأ من 400 إلى 800 جنيه حسب المكان ..

بها كل المستويات .. بدءا من الأحياء الشعبية مرورا بمتوسطى الدخل والفيلات الخاصة ... إلخ

تصدر لها مجلة شهرية تحتوى الجديد من أخبارها ..

نادى 6 اكتوبر الرياضى أحد اكبر نوادى مصر من حيث المساحة .. محترم جدا .. والتطوير مستمر .. والاشتراك (مؤقتا) 8000 جنييه بس .. يا بلاش

إيه تانى ؟

إيه تانى؟

لما افتكر هاجى اقول

شارك هذه المشاركه


رابط المشاركه
شارك
إنتوا بتتكلموا عن حتشتشى؟

طب أنا ها اوريكوا ..

6 أكتوبر ..

أجمل مدينة جديدة فى مصر ..

تصميم جميل جدا

شوارع واسعة جدا .. وكل طريق له محور بديل لتجنب التكدس فى المستقبل ..

ما فيهاش إشارة مرور واحدة .. وده لاعتمادها أسلوب متطور فى التخطيط ..

أعلى من القاهرة بحوالى 80 متر (أعتقد الرقم صحيح) .. وهو ما يتسبب فى وجود جو جاف جدا صيفا وتلجججججج فى الشتا  cld:

بقت زححححححمة أخيرا .. نتنيجة افتتاح المحور وتطوير المدخل الآخر من مدينة افتتاج الإعلامى .. ونتيجة إنشاء مشروعات جديدة عديدة على جانبى الطريق..

المواصلات الداخلية شاملة التاكسيات موجودة وبكثرة ...

أقصى ارتفاع خمسة أدوار ...

كمية مستجد غير طبيعية .. يعنى بين كل مسجد ومسجد مسجد .. بالإضافة لكنيسة ضخمة جدا جدا ..

20 دقيقة من ميدان لبنان .. 25 دقيقة من ميدان الرماية ..

فيها مستشفيات 5 نجوم مرورا بكل النجوم وحتى المستشفيات الحكومية ..

مدارس بكل الأنواع .. من أول 7000 دولار لحد 300 جنيه فى السنة ..

قريبة جدا من هايبر ماركت الهوارى الجديد (10 دقايق)

بها كذا سوبر ماركت جملة (شوب رايت وآخرين) ..

إيه تانى ؟

إيه تانى؟

لما افتكر هاجى اقول

على فكره أقصى إرتفاع ثلاثه أدوار فقط وليس خمسه

سؤال سريع لو عندك فكره ، كم يبلغ سعر المتر فى المتوسط فى منطقه غرب سوميد ؟ طبعا كله بالتنازل لأنها بيعت بالكامل

شارك هذه المشاركه


رابط المشاركه
شارك
على فكره أقصى إرتفاع ثلاثه أدوار فقط وليس خمسه

سؤال سريع لو عندك فكره ، كم يبلغ سعر المتر فى المتوسط فى منطقه غرب سوميد ؟ طبعا كله بالتنازل لأنها بيعت بالكامل

إزاى؟

دا انا ساكن هناك cld:

أقصى ارتفاع خمسة ادوار .. انا مُصر

أنا كلامى كان عن مدينة 6 اكتوبر شخصيا وبوجه عام .. يعنى منطقة الأحياء السكنية وليس التحابيش اللى حواليها (زايد ريزيدنس .. بالم هيلس .. إلخ) ..

أنا عدلت المداخلة السابقة وبها الأسعار

شارك هذه المشاركه


رابط المشاركه
شارك

على فكره أقصى إرتفاع ثلاثه أدوار فقط وليس خمسه

سؤال سريع لو عندك فكره ، كم يبلغ سعر المتر فى المتوسط فى منطقه غرب سوميد ؟ طبعا كله بالتنازل لأنها بيعت بالكامل

إزاى؟

دا انا ساكن هناك cld:

أقصى ارتفاع خمسة ادوار .. انا مُصر

أنا كلامى كان عن مدينة 6 اكتوبر شخصيا وبوجه عام .. يعنى منطقة الأحياء السكنية وليس التحابيش اللى حواليها (زايد ريزيدنس .. بالم هيلس .. إلخ) ..

أنا عدلت المداخلة السابقة وبها الأسعار

آسف على اللبس

أنا أقصد تحديدا وبالضبط المنطقه من أول ميدان جهينه إلى مبنى جهاز مدينه 6 أكتوبر

هل لديك أى فكره لو سمحت عن أسعار غرب سوميد ؟

شارك هذه المشاركه


رابط المشاركه
شارك
فين بالضبط إللى ب400 وفين إللى ب800 ؟

لو كان عندك وقت ، بدون تثاقل

أولا يا شرقية يا اخويا (شوف معنى الكلام cld: )

ما فيهاش "تثاقل" ولا حاجة (أنظر السطر عاليه)

السعر حسب المكان .. يعنى أبو 800 جنيه هاتلاقيه فى قلب أكتوبر حول الجامعة والمطاعم والكافيهات ... إلخ

بالحى السابع والثامن والأول والثانى ..

أما السعر القل ففى مناطق مطًرًفة شويتين .. خلف الأحياء السكنية أو فى امتدادها ..

عموما دى معلومات "ضبابية" شوية .. ولو عايز المعلومات الأكيدة .. إدينى شوية وقت ..

شارك هذه المشاركه


رابط المشاركه
شارك
أكون والله شاكر جزيل الشكر لو قدرت تعرف حاجه عن ـ ولو متوسطات وتراوحات ـ أسعار غرب سوميد

شوف سعادتك ...

أولا أنا أرفض هذا الأسلوب فى المناقشة .. cld:

خاصة من إنسان ذكر أمامى أكثر من 100 مرة وكلهم كانوا بالخير ..

الحقيقة أنا باكلمك وأنا كلى عشم وحاسس إنى أعرفك من زمان بعد الكلام اللى اتقال عليك قدامى ..

أرجو اعتبارى أخ أصغر .. أو أكبر انا لا أدرى .. ولكن أرجوك

أرجوك

إرفع التكليف شوية .. ده مش كويس على صحتى .. fty::

عموما جارى البحث ..

شارك هذه المشاركه


رابط المشاركه
شارك

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • محاورات مشابهه

    • الشيخ الشعراوي (للتعريف به)

      مولده وحياته العلمية ولد محمد متولي الشعراوي في 15 أبريل عام 1911م بقرية دقادوس مركز ميت غمر بمحافظة الدقهلية بمصر، وحفظ القرآن الكريم في الحادية عشرة من عمره. في عام 1922م التحق بمعهد الزقازيق الابتدائي الأزهري، وأظهر نبوغاً منذ الصغر في حفظه للشعر والمأثور من القول والحكم، ثم حصل على الشهادة الابتدائية الأزهرية سنة 1923م، ودخل المعهد الثانوي الأزهري، وزاد اهتمامه بالشعر والأدب، وحظي بمكانة خاصة بين زملائه، فاختاروه رئيسًا لاتحاد الطلبة، ورئيسًا لجمعية الأدباء بالزقازيق، وكان معه في ذلك ال

      في هدى الإسلام

    • حالة رخصة السياقة فى حالة الرجوع باقمة جديدة

      سلام عليكم ياجماعىة لو سمحتم لو حد كان اقامة وخرج ورجع باقامة تانية ايه ظروف الرخصة القديمة الا كانت معاه انا سمعت س س قبل كده بيقول بيروح يعمل تحديث بيانات من غير امتحان لكن انا سالت معق قالى لازم تروح ويعمملولك امنتحان تحديد مستوى تانى حد مر بنفس التجربة ده ممكن يفدنا شكرا

      في المغتربين المصريين - egyptian expatriates

    • ما معنى أن الأمن مستتب ؟ … عن كفر حكيم و ما حولها اتكلم

      سؤال من فرط بديهيته  صعب ان تجد له إجابة بالورقة و القلم … في بلادنا لم يخطر على بالنا و لا مرة أن هناك  شك في أن الأمن مستتب هذه في ذاتها نعمة يجب ان نشكر الله عليها  اقصى ما حدث فيما يتعلق باستتاب الامن هو حالات أقرب إلى الفولكلورية  مثل خط الصعيد و السفاح و ادهم الشرقاوي و هذه نفخ فيها الاعلام  و لكن  لكن كبيرة جدا … ظهر و يظهر ما يخل بهذه البديهية الي عشنا عليها  اجيالا وراء اجيال لا يمكننا تصور عدم استتاب الامن هذه الايام  ظهر ما يشبه العصابات المسلحة  التي تسطو على الاراضي بسطوة السلا

      في موضوعات جادة

    • تحديث جديد لبرمجيات محاورات المصريين .. التحديث الجديد يعطينا قفزة جديدة في الأداء

      البرمجيات الجديدة تعد بسرعة عالية جدا في تحميل الصفحات  مما يجعلنا نقارب سرعة و كفاءة مواقع مثل الفيسبوك و التويتر  تم أمس تحديث البرمجيات نفسها في محاورات المصريين. التجربة ودها ستبين لنا  هل هي قفزة نوعية في الأداء  ...  في هذه المرة قدمت شركة البرمجيات آلية سهلة جدا لتحديث البرمجيات  ..... دعونا نجرب البرمجيات الجديدة

      في عالم الكومبيوتر والأنترنت

    • مشاريع مصر نافذة لكل من يحلم بمشروع مستقل و يودع الوظيفة

      من سنوات هنا في محاورات المصريين كان السؤال الذي يتردد  هو كيف اودع الغربة او اودع الوظيفة و ابدأ مشروعي الخاص … أو معي معي مائة الف جنيه و ابغي الاستقلال. و كانت البدايات دائما تبدأ بمشروعات من الصندوق الاجتماعي او شراء فكرة مشروع و دراسة جدوى جاهزة من الانترنت ، و لم تكن معظم هذه المحاولات موفقة  إذ كان الصندوق الاجتماعي لا يقدم الدعم الفني و المالي بسهولة و كان غالبا ما يرفض دعم المبتدئين.  الآن تغير الوضع تماما مع مبادرة  مشاريع مصر إذ أصبحت نافذة تشارك معك مشروعك من البداية  … انهم لا ينتظر

      في الملتقى العام لزوار محاورات المصريين

×
×
  • اضف...