تشريعية .....سمعت فين الكلمة ديه قبل كده

[moamana]

طبعا انا مبسوطة جدا جدا اننا بقى عندنا مجلس شعب بيتخانق مع بعضه و بيتناقش مع بعضه لان ديه الديموقراطية و هى بصراحة شىء جميل لكن انا سمعتكلمة قبل كده مش عارفه فين..............تشريعية...........تشريعية ......تشريعية .......اد ديه كانت سلطات مجلس الشعب اللى ذلونا بيها فى الانتخابات و قالولنا انها هتحل مشاكل البلد

طيب سؤال برئ هل النواب عارفين الكلمة ديه و له فيه حد قالهم ان سلطاتهم كلامية ....و ده بمناسبتان ان الحمد لله اننا على ابواب الجلسة العاشرة يا اخوانى لمجلس الشعب

الحمد لله الذى لم يتوانى الى الان فى شيئان الخناق الديموقراطى و لجان تقصى الحقائق و على فكرة انا هنا لا انتقده بل بالفعل مبسوطة لان هذان الامران شيئان جيدان لكن ان جئنا للواقع فهم ليسوا شيئا جلل لاننا على ابواب المناسبة الثانية و هى الاضراب العام او الافلاس العام بعض 3 اشهر على الاكثر

انا احب الكلام كمصرية جدا لكن فى الايام الجميلة اللى احنا عايشنها اسبوعان كانوا هيفرقوا كثير لو استغلوا بشكل افضل

يعنى مثلا اصدار تشريع يلزم الجنزورى باشا انه يبدا تطبيق الحد الاعلى و الادنى للاجور اللى الله يكرمه كتبه و المجلس وافق عليه و ميعاد تطبيقه فى علم الغيب

او كان ممكن قبل ما كل المصايب ديه تحصل يتفضلوا فى اول جلستين يعلنوا عن تشكيل لجنة زفت خبراء لاعادة هيكلة الشرطة اللى الكل عارف انها المصيبة الكبرى من اول يوم و يصدروا تشريع بذلك

او كان ممكن الله يكرمهم يصدروا تشريع بانشاء لجنة لاسترداد اموالناالمهربة من الخارج

بلاش انا ظالمة و مفترية يصدروا تشريع او قانون بتاميم اموال احمد عز و بقية العصابة لان الاموال و المشاريع اللى فى مصر معتقدش هتفرق معاهم اوى و تسيبلهم حساباتهم اللى فى الخارج

و مصر الان فى اشد الحاجة الى اى مليم

بجد انا تعبت اى شخص فى الغربة يعرف اد ايه الوقت هنا مهم لدرجة انهم هناكثير ميقبلوش المتقدم الى العمل الا لو كان ساكن جنب الشغل.....او يوفروله سكن جانبه و احنا ثورة قايمة و بلد بتضيع و شباب بيموت و سمعونا قسم شخص شخصو خناقات و تفاهات شخص شخص .......امتى هيكون للوقت عندنا حساب ...امتى المجلس هيبدا يختزل الوقت و يبدا بالفعل فى اصدار التشريعات ...زو الا احنا لازم نستنى مجلس الشورى و بعدين الرئاسة و الدستور و يحينى و يحيك المولى

تحياتى لمجلس شعب فاضى ياكل هولزززززززززززززز و يهرج