اذهب الي المحتوي
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

عاجل : وزير الداخلية يُقر توزيع عصابة طُره على 5 سجون مختلفة


Recommended Posts

خطوة ف الاتجاة الصحيح....وكل خطوة محتاجة كم من الشهداء عشان تتحقق .. هى دى عادة المجلس العسكرى

ولكن لسه كتير من الخطوات اهمها المحاكمة العاجلة و تطهير الاعلام والداخلية والقضاء..... عشان تبقى المحاكمة لهل قيمة

رابط المشاركه
شارك

مش عاوز اسد نفسكم بس افراد العصابة بينهم تواصل عن طريق المحمول و النت و مع اتباعهم فى الخارج

الاجراء ده معتقدش انه هيجيب نتيجة ايجابية طول ما فى قيادات الشرطة القديمة اللى ماشية بنظام فيها لا خفيها

النتيجة اللى هتحصل اننا هندفع فلوس اكتر فى تامين البهاوات و نقلهم لقاعة المحكمة

رابط المشاركه
شارك

وياتري اتوزعوا بس ؟؟؟ ولسة معاهم كافة وسائل الاتصال المتاحة ؟؟؟

ولا اتمنعت عنهم ؟؟ وبقى كل واحد فيهم في سجن انفرادي بجد ؟؟؟ بدل طره كلب اللي كانوا فيه دة ؟؟؟

لأن لو دة ماحصلش يبقى ماعملناش حاجة الا تشتيت الحراسة بدل ماكانت كلها متمركزة في طره هتتوزع وتكلفنا نفقات من خزائن الدولة اللي بقت كلها بتتصرف على الحراسات ومعاشات الوزراء :(

رابط المشاركه
شارك

وياتري اتوزعوا بس ؟؟؟ ولسة معاهم كافة وسائل الاتصال المتاحة ؟؟؟

ولا اتمنعت عنهم ؟؟ وبقى كل واحد فيهم في سجن انفرادي بجد ؟؟؟ بدل طره كلب اللي كانوا فيه دة ؟؟؟

لأن لو دة ماحصلش يبقى ماعملناش حاجة الا تشتيت الحراسة بدل ماكانت كلها متمركزة في طره هتتوزع وتكلفنا نفقات من خزائن الدولة اللي بقت كلها بتتصرف على الحراسات ومعاشات الوزراء :(

معاكي في كلامك يا رضوي انت وأستاذ طارق

لإن لو العصابة دي معاها وسائل للإتصال من نت وموبايل يبقي القرار ده بيضحكوا علينا بيه مش أكتر

غير الخسارة المادية طبعا

رابط المشاركه
شارك

لم يعد يأتي هذا التلاعب بنتيجة مع غضب الشارع المصري

رأس المشير

ولا فصال في هذا المطلب

هذا ما لمسته من الشارع

الكيبورد موضوع مختلف

يفرقوا بينهم .. يلبسوهم بمبرز .. يجيبولهم العفريت .. كله كلام فارغ

فين الحيزبون رئيسة العصابة

فين الاعدام

فين النائب العام المتلاعب في كل قضية أو يركنها ف الدرج

فاكرين لما الشارع هاج ورجعوا قبضوا على ابراهيم كامل ورجعوا سربوه تاني

فاكرين لما كنا نقبض على بلطجية الميدان ونسلمهم للجيش

ثم نكتشف انهم بنفسهم بيعذبوا اخواتنا في معتقلات الجيش

كل ده كلام فارغ والمجلس العسكري عارف انه بيماطل وبيكسب وقت

ومجلس الشعب بيلاعبنا بلعبة الوقت برضه والجدول الزمني

بيوعدنا بالاستقرار والجنة بعد نهاية يونيو

وكام مصري لازم يموت عشان ده يحصل

رابط المشاركه
شارك

ده اجراء امني مش مقصود بيها ارضاء الثوار ولكن احترازا للدعوات التي تصاعدت بالتوجه الى طره والقصاص من المجرمين ,,

رابط المشاركه
شارك

أتفق مع أخي العزيز طارق مصري في رأيه

ففي حالة توفر وسائل الإتصال المختلفة بين أيديهم كما تردد في وسائل الإعلام أكثر مرة كأجهزة التليفون والحاسب المحمولة , فهذا القرار فقط لإمتصاص الغضب الشعبي بعد مجزرة بورسعيد , ولن يُضيف جديدا

لكن في نفس الوقت أقول أن هذا القرار يُحسب صدوره للبرلمان لأنه من دعى إليه , أما طريقة تنفيذه ومدى جود ثغرات تسمح بإتصالهم مع بعضهم حتى بعد فصلهم فهي مسئولية الداخلية ولا يقلل ذلك من الخطوة الطيبة التي قام بها البرلمان .

رابط المشاركه
شارك

لما نشوف اخرتها وان كنت ارى ان كله محصل بعضه يعنى سلموها دلوقتى مسلموهاش دلوقتى فرقوا العصابة ... معرفش حطوهم مع بعض

حصل شوية قلق وحركات من عينة بورسعيد و كنيسة مش عارف ايه وماسبيرو و..و...و...و...و..

يظل فى الاخر سؤال وماذا بعد تسليم السلطة؟؟ او ماذا ينوى المجلس العسكرى ان يفعل اذا لم يكن ينتوى فعلا تسليم السلطة؟؟

هل يرضى سنطاوى وشركاه ان ياخدوا تعليمات من حمدين صباحى او حازم ابو اسماعيل ؟؟؟؟؟

وهل الدنيا هاتمشى حلوة وزبادى فى الخلاط ؟؟ ولا هايبقى فى فيه قرف وحوادث مفتعلة من اياها على اساس قلقلة حكم الرئيس الجديد ؟؟

والتحرير موجود وحق التظاهر مكفول .. والى القاء فى ثورات اخرى ؟؟؟

حد يناقشنى

رابط المشاركه
شارك

ده اجراء امني مش مقصود بيها ارضاء الثوار ولكن احترازا للدعوات التي تصاعدت بالتوجه الى طره والقصاص من المجرمين ,,

لا يا استاذ تيمور ده استجابة لقرار لجنة الامن القومي امبارح بإمهال الداخلية 24 ساعة لفصل رموز النظام ونقل مبارك طرة

لجنة الدفاع والأمن القومي تمهل الداخلية 24 ساعة للفصل بين نزلاء طره

اللجنة طالبت بنقل المخلوع لطره والتحفظ على زوجته وحملت الداخلية المسئولية الكاملة عن مجزرة بورسعيد

أمهلت لجنة الدفاع والأمن القومى بمجلس الشعب اللواء محمد ابراهيم وزير الداخلية 24 ساعة فقط للفصل بين أعضاء الحزب الوطنى المنحل ونجلى الرئيس المخلوع جمال وعلاء مبارك وعددا من الوزارة السابقين المحبوسين بسجن طره .

وكانت لجنة الدفاع والأمن القومي قد حملت وزارة الداخلية المسئولية الكاملة عن مجزرة بورسعيد التي أسفرت عن 75 شهيدا ومئات المصابين, كما حملتها مسئولية كافة أحداث العنف والانفلاتات الأمنية التي تحدث في مصر بصفتها صاحبة المسئولية فيما يتعلق بأمن وأمان المواطنين.

يذكر أن اللجنة تقدمت بعدة اقتراحات كان أبرزها تكليف قضاة مستقلين وأعضاء النيابة العامة للتحقيق في الأحداث التي جرت في الفترة الأخيرة, وكذلك دعوة بعض أعضاء المجلس العسكري لمناقشته حول الأحداث, بالإضافة للتشديد على ضرورة نقل الرئيس المخلوع حسنى مبارك إلى سجن طره بهدف تهدئة الرأي العام وإصدار قرار من النائب العام بالتحفظ على زوجته .

http://elbadil.net/لجنة-الدفاع-والأمن-القومي-تمهل-الداخل/

رابط المشاركه
شارك

اصدار اللواء محمد إبراهيم وزير الداخلية قرارا بتوزيع رموز النظام السابق على خمسة سجون مختلفة، قام قطاع مصلحة السجون بوضع خطة لتوزيع المذكورين على السجون المختلفة.

وتقرر وضع نجلي الرئيس السابق علاء وجمال مبارك بملحق سجن المزرعة، ووزير الإعلام الأسبق أنس الفقي ورئيس اتحاد الإذاعة والتليفزيون الأسبق أسامة الشيخ بسجن القناطر رجال، كما تقرر إيداع وزير البترول الأسبق المهندس سامح فهمي ورئيس

اتحاد العمال السابق حسين مجاور ورجل الأعمال علاء أبو الخير وكل من عبد الرحمن عقل وإيهاب العمدة ومحمود لطيف سجن شديد الحراسة والذي يطلق عليه سجن العقرب.

وبالنسبة لبقية رموز النظام السابق وفي مقدمتهم أحمد عز وصفوت الشريف وزكريا عزمي وأحمد فتحي سرور فيتم حاليا دراسة إيداعهم في سجون داخل القاهرة لم تحدد بعد، وإن كان من المرجح نقلهم إلى ليمان طرة أو سجن المرج العمومي أو أبو زعبل.

رابط المشاركه
شارك

ده اجراء امني مش مقصود بيها ارضاء الثوار ولكن احترازا للدعوات التي تصاعدت بالتوجه الى طره والقصاص من المجرمين ,,

اميل لرأيك يا تيمور

الاجراء لحمايتهم

و ليس ارضاء للشعب

رابط المشاركه
شارك

لم يعد يأتي هذا التلاعب بنتيجة مع غضب الشارع المصري

رأس المشير

ولا فصال في هذا المطلب

هذا ما لمسته من الشارع

الكيبورد موضوع مختلف

يفرقوا بينهم .. يلبسوهم بمبرز .. يجيبولهم العفريت .. كله كلام فارغ

فين الحيزبون رئيسة العصابة

فين الاعدام

فين النائب العام المتلاعب في كل قضية أو يركنها ف الدرج

فاكرين لما الشارع هاج ورجعوا قبضوا على ابراهيم كامل ورجعوا سربوه تاني

فاكرين لما كنا نقبض على بلطجية الميدان ونسلمهم للجيش

ثم نكتشف انهم بنفسهم بيعذبوا اخواتنا في معتقلات الجيش

كل ده كلام فارغ والمجلس العسكري عارف انه بيماطل وبيكسب وقت

ومجلس الشعب بيلاعبنا بلعبة الوقت برضه والجدول الزمني

بيوعدنا بالاستقرار والجنة بعد نهاية يونيو

وكام مصري لازم يموت عشان ده يحصل

فعلا راس المشير هي الحل...لازم نطالب برأس المشير علشان تاني يوم يترك لنا السلطة وفوقها بوسة كمان

.....ده انت كده بتقول له اقعد اوعى تمشي..

على فكرة انتشر اوي على النت..بين الناس ان من يطالب الان برأس المجلس العسكري والمشير بيبقى عاوز المجلس يقعد..في الحكم..

نكاية في فوز الاسلاميين وسيطرتهم الفترة الماضية

اوعى تكون منهم ياحج حنظلة...؟؟؟؟

تم تعديل بواسطة Abu Reem
رابط المشاركه
شارك

يتوزعو في سجون القاهره او في سجن واحد مش فارقه . لانهم سيلقون نفس المعامله او حتي معامله اقسي ...... . لان دا مش هنشوفه قدامنا ..

انا عايز اشوفهم نازلين من عربيه السجن ونازلين للمحكمه . وهما متكلبشين بالحديد ف ايديهم .. دا اقوي سجن . عشان نصدق انهم متهمين جايين من سجن .؟؟؟

رابط المشاركه
شارك

مش فارقه كتير يقعدو في سجن واحد أو يتفرقو علي كام سجن

يعني مش هيفرق برتو طرة عن برتو أبوزعبل ههههه

هتكون نفس المعاملة و التميز لهم و هيفضل أمين الشرطة يقدم فنجان الشاي لأحمد عز و هيكون معاهم برضو نفس وسائل الاتصال من موبايل و لاب توب

و المسألة في نظام القضاء اللي بيتحاكموة بة مش أنهي برتو يقيمو فية

و كمان المشكلة مش في اللي جوة لكن المشكلة في اللي برة

يعني لية لغاية دلوقتي مجتش سيرة سوزان ثابت ولا هي كان كل جرائمها الكام مليون اللي رجعتهم و خلاص كدة بقت ذمتها نضيفة و مفيش عليها أي مشاكل تاني

اللي برة هما اللي بيحركو كل حاجة مش اللي بيتفسحو في السجن و المحكمة

رابط المشاركه
شارك

أعتقد إن هذه الحطوة مجرد تهدئة لجماهير غاضبة و تريد الكيد و خلاص... لأن ببساطة من كانوا يستطيعون تحريك جماعات تحدث هذه الإضطرابات المزعومه من محابسهم... لا يستطيع بعد المسافة بينهم أن يوقف إتصالاتهم

أعنى لو كانوا يقدروا يتصلوا بالجموع الهايلة فى الخارج و يحركوهم كده كموج البحر فلن يعجزهم إتصالهم ببعض... هذا على فريضية أنهم هم الذين يحركوا هذه الإضطرابات... فرضية من وجهة نظرى موغله فى السذاجة

يتبقى ... أن يمكن الحفاظ عل حياتهم بعد التفرقة... يعنى ما يتقتلش منهم حد.... أو نفاجأ بإنه أصابه جلطة ولا نقطة شلته و أفقدته الذاكرة والقدرة على الكلام و أيضا منع هروبهم ... كلهم أو بعضهم.... و هذا هو ما أتوقعه فى الفترة القادمة... ساعتها نشوف القوى التى أرادت التفرقة و بالتالى عدم إكتمال المحاكمات... و ياريت ساعتها ما تعمرش بيت

أتمنى أن أكون مخطىء فى إعتقادى...

رابط المشاركه
شارك

زغريطي يا أم عماد ... احمد عز معاه أيباد

اه والله

في إتصال تليفوني لرئيس قطاع السجون في مصر أكد بكل فخر إن السجن بيتفتش تفتيش مفاجيء كل فترة .. وعلى سبيل المثال لسه ظابطين أيباد مع أحمد عز في زنزانته

ههههههههههههههههههههههههههههههه

رابط المشاركه
شارك

مبارك يهدد بالإنتحار لمنع نقله إلي طرة

هدد الرئيس المخلوع حسنى مبارك بالانتحار فى حالة تنفيذ القرار الصادر من وزير الداخلية بنقله إلى مستشفى سجن مزرعة طرة،

وطلب مبارك من الحراسة المكلفة بحراسته أن يبلغوا الأطباء بتهديده وأنه كما قال: «هجيب لكم مصيبة دولية سودا».

http://www.dostor.org/crime/12/february/6/69192

رابط المشاركه
شارك

مبارك يهدد بالإنتحار لمنع نقله إلي طرة

هدد الرئيس المخلوع حسنى مبارك بالانتحار فى حالة تنفيذ القرار الصادر من وزير الداخلية بنقله إلى مستشفى سجن مزرعة طرة،

وطلب مبارك من الحراسة المكلفة بحراسته أن يبلغوا الأطباء بتهديده وأنه كما قال: «هجيب لكم مصيبة دولية سودا».

http://www.dostor.org/crime/12/february/6/69192

يارب يطلع راجل مره في حياته ويعملها ....

----------

بس أنا أطمنت بصراحة لما فرقوا بين الاختين هناء وشرين وحطوا كل واحد في سجن إنفرادي

هههههههههههههههههههههههههههه

لكن فين ؟

ومازال التثبيت مستمر يا شعب مصر .. ملحق سجن المزرعة أيها السادة على الحسب الوصف الدقيق للومانجي قديم دخل السجن 100 مرة وهو أيمن نور .. عبارة عن فيلا دوبلكس كانت مخصصة زمان لمدير السجن .. ولما عملوا له سكن جديد تم تخصيص هذا الملحق لجهاز امن الدولة .. كانت بتستقطب فيه القيادات الإسلامية - المتعاونة - العصافير .. الجواسيس يعني .. وبيعاملوا أحسن معاملة في التسعينات .. لدرجة إن عائلتهم كانوا بيقيموا معاهم وبيبقى عندهم لأحسن وأعلى الإمكانيات .. في مقابل الإعتراف على زملاءهم ... وكما قلت فهو جزء تابع لأمن الدولة ... وعبارة عن فيلا من دورين .. كل دور 4 غرف .. وحديقة كبيرة مجهزة ....

يا بختك يا عم جمال إنت وعلاء يا ولاد المبختة

رابط المشاركه
شارك

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.

سجل دخولك الان
  • محاورات مشابهه

    • وجهة نظر مختلفة فى كل ما حدث مع .....بياع الفريسكا ..المتفوق

      تحية طيبة للجميع... كلنا سمعنا ورأينا. .ما حدث فى الأيام الأخيرة ..مع الشاب المكافح الذى يبيع الفريسكا فى الساحل الشمالى فى الاسكندرية.. سمعنا...و/الأغلبية حصل لها...انبهار/...وتسابقت كووول القنوات لأخذ  أحاديث مع الشاب المتفوق.. ووصل الأمر. . إلى....مقابلته مع وزير التعليم ..//شخصياااا//.. و...الكل عرض مساعدته... حتى الدولة...خيرته.//تحب تتعلم فين...؟ هنا؟..والا برة؟ تحب تروح كلية طب أهلية وإلا طب اسكندرية؟// طيب... حتى ...مين و.معرفش ايه...من بلد عربى..عرض تس

      في التعليم و العمل - education & employment issues

    • عصابة نيللي كريم (١٠٠وش) الضحك حتى الإغماء

      يظهر دول فرقة فنية جديدة   بس مش معقولة  القصة خطيرة  تشدك لآخر دقيقة دي اذيعت في رمضان يا ريت  تجيبونا  حاجة منها

      في موضوعات خفيفة

    • مغامرات عصابة "حساس"

      قريبآ علي هذه الشاشة.. رائعة الأدب العالمي الكوني اليونيفيرسي الفظيعة... مغامرات عصابة "حساس" ملخص ما سبق بعد استيلاء الجامعة الأمريكية علي"كلية بهية الخاصة" و القبض علي بعض الطلاب بتهمة الشيوعية الهمبكية… و القبض علي الباقي منهم في المحاولة الفاشلة التي حاولوا بها القيام بأنقلاب في دولة"نفاقستان" المجاورة…تركت شلة الأصدقاء الدراسة و قرروا القيام بأول مشروع عملي… فأنشأوا شركة "حساس أعلانات ليميتد" للأعلانات…. و حاولوا تسويق غسالة فول أوتوماتيك تعمل بالمانافيللة.. و لكن فكرة اعلا

      في دعوة للأبتسام

    • الاستبراء من البول … كيف يكون هذه الأيام مع وجود الملابس الداخلية

      عفوا سادتي فانا عضو قديم بمحاورات المصريين و لم اجد الا هذه الوسيلة لاناقش مسألة الاستبراء من البول بصراحة و ليس مع مشايخ ليس لديهم الا المنقول اكيد كلكم قرأتم او سمعتم بحديث منسوب للرسول عن اثنان يعذبوب في القبر و ليس لشيء كبير أحدهما لم يكن يستبرء من بوله  مما قرأت ان ذلك يكون بحشو الذكر بالقطن ! ومنها من وصف طريقة عصر الذكر بعد التبول و هذا الأخير رفضه ابن تيمية الفقيه المتشدد بقوله انك كلما عصرت الذكر اتت مزيد من القطرات مثلما يحدث عند حلب الشاة  طبعا هناك كثير من الاحكام عن ا

      في  فى الثقافة و العلم

    • أرغب فى بيع و توزيع منتجات شركات أجنبية ..

      الموضوع باختصار ان واحد عايز يبقى الوكيل لمتاجر موجوده فى امريكا عجباه و حاسس ان ممكن ان سوقها يمشى فى المنطقه بس هوه لا يفقه شيىء فى الموضوع من اساسه لكن حابب جدا يجرب علشان كده انا عايزه حد يفيدنى فى الموضوع ده يعنى انهى الافضل الوكاله و لا حق الامتياز و علشان يطلب يبقى وكيلهم لازم الاول يكون عنده شركه و لا لا و ايه هيه الحاجات الى يخلى باله منها كويس اثناء التفاوض معهم و اهم شروط الوكاله الى لازم يراعيها و متوسط التكلفه لشراء الوكالات او حقوق الامتياز دلوقتى ايه و هل ممكن ما يخدش ا

      في مسائل إقتصادية - economic issues

×
×
  • اضف...