ياترى ايه رد فعلك أمام الموقف ده؟؟؟

[عبير يونس]

بس بجد اتفاجأت أن موضوع الطرد بقميص النوم ده منتشر كده هههههههههههههه

ده انا فاكرة اني جبت لكم سبق صحفي

هو ده جزء من ثقافتنا و الا ايه بالضبط؟؟؟

و ياترى ده مدلوله ايه يعني من وجهة نظر رجالية

يعني الرجل بيبقى عايز يفضحها يعني؟؟؟

و الا بيوصل رسالة انها ما عادتش تهمه ؟؟؟

طيب و يا ترى فكر في ابنائه و الفضيحة دي؟؟؟

ما فكرش ان ممكن الجيران يقولوا انها ست بطالة مثلا ؟؟؟

أو انه شافها في وضع غير لائق مثلا؟؟؟

تقدرى تقولى جزء من ثقافتنا وتقدرى تقولى ان الشيطان لما يتمكن من الواحد ممكن يخليه يعمل اى حاجه انا كنت الاول بتعصب بشكل غريب وكنت بعمل حاجات غريبه وكانت بتسبب العصبيه الزائده دى فى خسارة ناس للابد لانى كنت بعك الدنيا وبعدين واحد قالى يابنى انت لما تتزوج هتبقى كارثه لازم تتعود انك تتحكم فى اعصابك وتمسك نفسك وحتى لو اتعصبت لازم يكون ليك حدود متسبش نفسك للشيطان

والحمد لله مع التدريب بقي لي حدود فى العصبيه

الناس اليى بتعمل كده فى الست تقريبا بتبقى خارجه عن الوعى وبتكون فاقده الوعى وقت حدوث المشكله ولو ادى لنفسه فرصه انه يتحكم فى نفسه عمره ما هيعمل كده لكن هنعمل ايه واحد سلم دماغه للشيطان يبقى يلبس بقى ويشيل .

تحياتى

عنبو

حتى انت يا عنبو

حا تقول ساعة شيطان

طب ما اللي بيقتل و العياذ بالله برضه بيبقى الشيطان اللي متحكم

ايه اللي يخللي راجل يعمل كده في مراته غير شماعة الشيطان دي

الشيطان بيضخم اللي في دماغنا احنا

مش هو اللي بيديلنا أفكار

هو بس بيزيّن فكرتنا احنا و يخلليها سهلة التنفيذ

يعني الفكرة موجودة عندنا

و لا تدل إلا على احتقار دفين للمرأة و الرغبة العميقة في اذلالها

و اللي هو بالطبع جزء كبير جدا و متضخم من ثقافتنا

و ده شيء طبيعي

في مجتمع يقهر بعضه بعضا

كل واحد بيقهر اللي تحته الأضعف منه

و زي ما هو مستسلم للأقوى منه

بيبقى منتظر من الأضعف منه الاستسلام أيضا

[شرف الدين]

الفاضلة / عبير

بعد قراءة القصة أصابتني الحيرة .. بماذا أنصح هذه المرأة ؟

هل أنصحها بالطلاق من هذا الرجل ( وعذرا على أنني سميته رجلا فهو لا يعرف من الرجولة شيئا ). أم أنصحها بالتريث والصبر سيما في حالة وجود أطفال ...

مشكلة الزواج الكبرى تكون في وجود الأطفال ..

لي قريب ( قريب إلى قلبي جدا ) هو طبيب قام بتطليق زوجته ( للأسف أنها هي الأخرى أيضا طبيبة ).. بعد خلافات ومشاكل هائلة قامت خلالها الزوجة الدكتورة باستدعاء زوجها الطبيب مدرس الجامعة المساعد إلى قسم الشرطة والنيابة بتهمة تبديد القائمة .. وبلاوي كثيرة ... وكاد أن يحكم عليه بالسجن .. لولا ستر الله ..

المهم في المسألة أن هناك طفلا بينهما .. هذا الطفل الآن يعيش مع أمه بحكم القانون عندما يأتي لزيارة أبيه في البيت تجهش والدة قريبي وزوجها بالبكاء بمجرد رؤيته.

فالطلاق في حالة وجود الأطفال هو عملية حسابية معقدة لها أكثر من شق .. ولا يمكن النصيحة فيها كنموذج واحد يتم تطبيقه على الجميع .. فإن كانت المرأة لديها القدرة على التحمل من أجل إبقاء البيت مفتوحا والحفاظ على الأطفال بين أمهم وأبيهم .. فبها ونعمت ، وإن لم يكن لها القدرة على هذا .. فلها كامل الأحقية – ولا يمكن لومها أبدا - في طلب الانفصال عن شبه الرجل هذا .. الذي يقبل على عرضه وعرض أولاده أن يرى الناس أمهم بهذه الحالة.

للأسف الغضب يعمي النفوس.

وأما بخصوص تساؤل مدام عبير .. لماذا على المرأة عبء الحفاظ على البيت وحدها .. فباختصار .. لأنه من المفترض أن المرأة هي دائما الأكثر عاطفة وحنانا ( ولو أن هذا تبدل كثيرا الآن ) .. ورغبة في الحفاظ على الأبناء .. فأقوى غريزة عند المرأة هي غريزة الأمومة.. وربما لهذا السبب جعل الله حق الأم ثلاثة أضعاف حق الأب.. فعلى قدر أهل العزم تأتي العزائم .. وعلى قدر الإكرام من الله عز وجل يكون التكليف.

هل تعرفون الدكتورة الفاضلة / سعاد صالح .. بالتأكيد الكل يعرفها .. كان زوجها يضربها في سنين الزواج الأولى ( بيضربها بالاقلام – والله أعلم هل الموضوع تخطى الاقلام ولا لأ ) وهي الدكتورة بالجامعة . هي نفسها حكت هذا وسمعته منها بأذني .. ومع ذلك صبرت ونتج عن صبرها أن هدى الله لها زوجها وأكرمها الله بأسرة ناجحة بكل المقاييس ..

أما بخصوص القصة التي ذكرتها مدام سلوى .. فبحق .. واأسفاه.

تم تعديل 2 فبراير 2012 بواسطة شرف الدين

[عنبو]

بس بجد اتفاجأت أن موضوع الطرد بقميص النوم ده منتشر كده هههههههههههههه

ده انا فاكرة اني جبت لكم سبق صحفي

هو ده جزء من ثقافتنا و الا ايه بالضبط؟؟؟

و ياترى ده مدلوله ايه يعني من وجهة نظر رجالية

يعني الرجل بيبقى عايز يفضحها يعني؟؟؟

و الا بيوصل رسالة انها ما عادتش تهمه ؟؟؟

طيب و يا ترى فكر في ابنائه و الفضيحة دي؟؟؟

ما فكرش ان ممكن الجيران يقولوا انها ست بطالة مثلا ؟؟؟

أو انه شافها في وضع غير لائق مثلا؟؟؟

تقدرى تقولى جزء من ثقافتنا وتقدرى تقولى ان الشيطان لما يتمكن من الواحد ممكن يخليه يعمل اى حاجه انا كنت الاول بتعصب بشكل غريب وكنت بعمل حاجات غريبه وكانت بتسبب العصبيه الزائده دى فى خسارة ناس للابد لانى كنت بعك الدنيا وبعدين واحد قالى يابنى انت لما تتزوج هتبقى كارثه لازم تتعود انك تتحكم فى اعصابك وتمسك نفسك وحتى لو اتعصبت لازم يكون ليك حدود متسبش نفسك للشيطان

والحمد لله مع التدريب بقي لي حدود فى العصبيه

الناس اليى بتعمل كده فى الست تقريبا بتبقى خارجه عن الوعى وبتكون فاقده الوعى وقت حدوث المشكله ولو ادى لنفسه فرصه انه يتحكم فى نفسه عمره ما هيعمل كده لكن هنعمل ايه واحد سلم دماغه للشيطان يبقى يلبس بقى ويشيل .

تحياتى

عنبو

حتى انت يا عنبو

حا تقول ساعة شيطان

طب ما اللي بيقتل و العياذ بالله برضه بيبقى الشيطان اللي متحكم

ايه اللي يخللي راجل يعمل كده في مراته غير شماعة الشيطان دي

الشيطان بيضخم اللي في دماغنا احنا

مش هو اللي بيديلنا أفكار

هو بس بيزيّن فكرتنا احنا و يخلليها سهلة التنفيذ

يعني الفكرة موجودة عندنا

و لا تدل إلا على احتقار دفين للمرأة و الرغبة العميقة في اذلالها

و اللي هو بالطبع جزء كبير جدا و متضخم من ثقافتنا

و ده شيء طبيعي

في مجتمع يقهر بعضه بعضا

كل واحد بيقهر اللي تحته الأضعف منه

و زي ما هو مستسلم للأقوى منه

بيبقى منتظر من الأضعف منه الاستسلام أيضا

انا مبقولش انه معذور ولا بلتمس له عذر بدليل انا قولت طالما سلم دماغه للشيطان يبقى يلبس بقى انا بقول ان فعلا الشيطان لما بيسيطر على الواحد ممكن يخليه يعمل اكتر من كده . ولكن فى نفس الوقت مالوش عذر لان الواحد لازم يتحكم فى اعصابه وانفعاله والا يبقى ليس عليه حرج ويتعامل معاملة المجانين وخلصت هذا ما قصدته

مهو مش كل واحد يعمل كارثه يجى يقول ساعة شيطان وانا اسف لاء مينفعش وزى لما قالوا ان الراجل بيرتبط من لسانه واليى عمل حاجه لابد ان يتحمل عواقبها

تحياتى

عنبو

[عبير يونس]

عنبو باشا

ما قلتش انك بتبرر فعله

انا باتناقش في الدوافع اللي تدفع حد يعمل كده في مراته

و هل ممكن علاجها و الا لا

[طبيبة بالخارج]

ما تحكيه حضرتك للأسف ليس بنادر الحدوث و لكني صادفت موقف مشابه له بالفعل مع قريبة لي و كان رأيي هو الانفصال بالرغم من وجود أبناء للخوف عليهم و على حالتهم النفسية

لأن للأسف الرجل الذي يفعل ذلك مع زوجته مهما كان السبب فلن يتوقف عنه بل سيزيد لأنه يتعود على الأمر و يصبح شيء طبيعي بالنسبة له و مهما اعتذر و تأسف فسوف يتكرر

و البنون من الأبناء غالبا سيكبرون صورة من والدهم و سيعاملون زوجاتهم في المستقبل بنفس الطريقة لأنهم لم يعرفوا غيرها أو على الأقل تعلموا انها طريقة مقبولة

[بركة]

أولا باب موضوعات خفيفة إزاي .. امال الموضوعات التقيلة بتبقى عامله ازاي لما دي خفيفة

ثانيا ندخل في الموضوع

حسبي الله ونعم الوكيل

واضح ان الموضوع كبير جدا ..

ايه اللي يخللي زوج يخرج عن شعوره الى هذه الدرجة .. أو بتفسير اخر يوصل بيه الجبروت لكده

واضح إن الكيل طفح من ايه الله أعلم .. أو بتفسير آخر ايه اللي وصلها هي الى ان تمادى ووصل لهذا

هذا العنف الشديد يعني عجز شديد أو شعور بالعجز .. هل هو مقهور أوغلبه دين ولا يرى نفسه كبيرا في عينيها فانتقم لكرامته

و بتفسير آخر كم تتحمل هي من نسبة خطأ في حقه او في حق نفسها ... ام انه هو المجنون او المريض

أصل يطردها بقميص النوم تعني حاجات كتير جدا

ايه اللي بيحصل بينهم بالظبط .. واضح جدا ان حياتهم ينقصها العقل والحوار

على فكرة احساسي بيقوللي ان الراجل ده كمان عايش مع الست دي عشان الولاد وبس

واضح جدا انه صبر نفسه لكي يحدث مع الايام انصلاح للاحوال ولم يحدث " ولا التمس له اي عذر ولكني احاول ان افسر "

الاتصال بينهم يبدو انه منعدم من زمن ..

الاستجابه لمنغصات كل طرف من الاخر تكاد لا تراعى

الخ

[rewsha]

ممكن سؤال؟

اشمعنى الخلافات كلها بتبقى بالليل والزوج يضرب زوجته ويطردها بقميص النوم؟

هوه النقاش اللي بيؤدي للضرب والطرد مابيحلاش الا بالليل ؟

طب لو الزوجه عارفه رد فعل زوجها وجربته قبل كده

(مش ممكن تتصرف بعقل شويه وتهدي الموضوع لحد النهار مايطلع وبعدين تبقى تسيب هيه البيت بنفسها بدل الطرد في نص الليل والفضايح)

انا باتكلم من منطلق انها كل مره بتيجي على نفسها علشان الاولاد وبترضى تعيش مع نفس الزوج اللي عمل فيها كده

يبقى تيجي على نفسها من الاول وتمنع حدوث هذا الخلاف في نص الليل

انا عارفه ان كلامي مش هاينطبق على كل الحالات زي ما الاخ عنبو تفضل وقال

[rewsha]

اعرف واحده لسه حاكيه لوالدتي عن ان زوجها اتخانق معاها في نص الليل وطردها بقميص النوم برضو

(واضح يا عبير ان موضوع قميص النوم ده بقى حاجه عاديه)

بس هذه الشخصه بتقول ان زوجها بيتعاطى والعياذ بالله (برشام ومخدرات)

وهيه عارفه كده.وانه لما بيفوق بينكر اي حاجه من اللي عملها

طب في الحاله دي (الحل ايه)

هنا بقى عرفنا السبب واذاعرف السبب

عرف الحل

في الحاله دي اما الزوجه هاتقبل الوضع على ما هو عليه (لان مالهاش متوى تاني غير بيت زوجها)

ولانها هاتتعود على كده

او لو ليها متوى تاني يبقى تنفصل من الاول

علشان العواقب ماتبقاش اكتر من كده

_____________________________

[rewsha]

عاوزه كمان اقول ان رد فعل كل واحده بيكون غير التانيه

يعني ده بيعتمد على ثقافة الزوجه وظروفها(النفسيه والماديه) ومدى تحملها وطريقة تربية اهلها ليها وشخصيتها

[عبير يونس]

ما تحكيه حضرتك للأسف ليس بنادر الحدوث و لكني صادفت موقف مشابه له بالفعل مع قريبة لي و كان رأيي هو الانفصال بالرغم من وجود أبناء للخوف عليهم و على حالتهم النفسية

لأن للأسف الرجل الذي يفعل ذلك مع زوجته مهما كان السبب فلن يتوقف عنه بل سيزيد لأنه يتعود على الأمر و يصبح شيء طبيعي بالنسبة له و مهما اعتذر و تأسف فسوف يتكرر

و البنون من الأبناء غالبا سيكبرون صورة من والدهم و سيعاملون زوجاتهم في المستقبل بنفس الطريقة لأنهم لم يعرفوا غيرها أو على الأقل تعلموا انها طريقة مقبولة

أو العكس

ربما يصبحون خانعين لزوجاتهم تماما

المهم انهم لن يكونوا أسوياء على أية حال

[عبير يونس]

أولا باب موضوعات خفيفة إزاي .. امال الموضوعات التقيلة بتبقى عامله ازاي لما دي خفيفة

ثانيا ندخل في الموضوع

حسبي الله ونعم الوكيل

واضح ان الموضوع كبير جدا ..

ايه اللي يخللي زوج يخرج عن شعوره الى هذه الدرجة .. أو بتفسير اخر يوصل بيه الجبروت لكده

واضح إن الكيل طفح من ايه الله أعلم .. أو بتفسير آخر ايه اللي وصلها هي الى ان تمادى ووصل لهذا

هذا العنف الشديد يعني عجز شديد أو شعور بالعجز .. هل هو مقهور أوغلبه دين ولا يرى نفسه كبيرا في عينيها فانتقم لكرامته

و بتفسير آخر كم تتحمل هي من نسبة خطأ في حقه او في حق نفسها ... ام انه هو المجنون او المريض

أصل يطردها بقميص النوم تعني حاجات كتير جدا

ايه اللي بيحصل بينهم بالظبط .. واضح جدا ان حياتهم ينقصها العقل والحوار

على فكرة احساسي بيقوللي ان الراجل ده كمان عايش مع الست دي عشان الولاد وبس

واضح جدا انه صبر نفسه لكي يحدث مع الايام انصلاح للاحوال ولم يحدث " ولا التمس له اي عذر ولكني احاول ان افسر "

الاتصال بينهم يبدو انه منعدم من زمن ..

الاستجابه لمنغصات كل طرف من الاخر تكاد لا تراعى

الخ

شيء بديهي يا بركة

عندما يتم استخدام العنف فالاتصال مقطوع بالطبع

سواء بين زوجين او بين الآباء و الأبناء أو بين أي اثنين في أي علاقة كانت

لفتت نظري جزئية انه لا يشعر أنه كبير في عينيها

و هو شيء بالطبع لا يقبله أي رجل

ربما هو أيضا ضحية لسوء تربية و عقد نفسية

و ربما - كملايين المصريين- رأى أباه يتعامل بنفس الطريقة مع أمه

و مما لا شك فيه أنه يعاني من مفاهيم مغلوطة عن طرق التعامل مع الآخرين و كيفية التعبير عن الغضب

نستطيع لو أردنا أن نوجد له ما يملأ صفحات من المبررات

و لكن

تبقى جريمته اللاانسانية

و آثارها على زوجة مقهورة ليست ندا له في القوة البدنية و بحكم الشرع أسيرته و أبناء كل ذنبهم انه أبوهم!!!

و لا أعفيها من نسبة خطأ في حق نفسها

فمهما كانت نيتها سليمة للحفاظ على الابناء

فهي كانت أضعف كثيرا من اتخاذ قرار مبكر بالانفصال بعد الطفل الأول و قبل أن يصبحوا " أبناء"

و عندما تسألينها لماذا لم يحدث ذلك

تقول انه كان سيحرمها من ذلك الطفل و لم تتحمل هي مجرد الفكرة

كما أنها كملايين غيرها كانت ترتعب من حمل لقب " مطلقة "

في مجتمع لا يرحم و أول من سيذيقها المر هم أهلها بكل اسف !!!

فاستمرت بغباء تحاول الحفاظ على بيت و تركته يعلو و هو بدون أساس!

تبا للخوف

يدفع لكثير من المهالك !!

[عبير يونس]

ممكن سؤال؟

اشمعنى الخلافات كلها بتبقى بالليل والزوج يضرب زوجته ويطردها بقميص النوم؟

هوه النقاش اللي بيؤدي للضرب والطرد مابيحلاش الا بالليل ؟

طب لو الزوجه عارفه رد فعل زوجها وجربته قبل كده

(مش ممكن تتصرف بعقل شويه وتهدي الموضوع لحد النهار مايطلع وبعدين تبقى تسيب هيه البيت بنفسها بدل الطرد في نص الليل والفضايح)

انا باتكلم من منطلق انها كل مره بتيجي على نفسها علشان الاولاد وبترضى تعيش مع نفس الزوج اللي عمل فيها كده

يبقى تيجي على نفسها من الاول وتمنع حدوث هذا الخلاف في نص الليل

انا عارفه ان كلامي مش هاينطبق على كل الحالات زي ما الاخ عنبو تفضل وقال

هههههههههههههه

انتي عسل يا روشة

و ليه افترضتي ان ده حصل في نص الليل ؟؟

ما هو في سيدات بيقعدوا بقمصان النوم بالنهار عادي يعني :)

هو الحل

ان الست تفضل بهدومها كاملة في كل الأوقات تحسبا لمواقف زي دي :unsure:

ههههههههههههههههههههههههههه

آسفة اني بأضحك

بس بجد هم يضحك و هم يبكي

هو الطرد نفسه مؤلم جدا

و يترك آثار نفسية رهيبة

يكفي أنها لن تشعر بعدها بأي أمان

و لا شعوريا لن تشعر أبدا أنه بيتها

الطرد بقميص النوم دي مضايقاني اوي

يعني ممكن لو بني آدم

يديها على الأقل فرصة تغير هدومها

يعني لو مش عايزها للدرجة دي

يبقى يخرج بالمعروف زي ما دخل بالمعروف

يعني أتصور أن الموقف ده يليق فقط بعاهرة أتى بها من الشارع ليقضي حاجته ثم تغادر

و حتى العاهرة لن تسمح له أن يطردها بقميص النوم :blink:

[mekkawy]

كلام تيمور صحيح

هي عملت ايه عشان يعمل معاها كدة ؟

نجاوب السؤال و بعدين نقول تنفصل ولا لأ

مع إن هو له حساب تاني خاااااااالص عشان كدة حرام ولا يلمسها أصلاً

عملت ايه بس يا ميكو .. بتقولك شرخ في اليد وتجمع دموي وقميص النوم

تخيل اقصي حاجة الست ممكن تعملها في جوزها وشوف رد الفعل المناسب ليها هيكون ايه

ده حيوان في شكل انسان .... مهما الست عملت فيه عمر ما يكون ده تصرف او رد فعل ابدا من اي راجل

على فكرة دي المرة دي يعتبر ما ضربهاش ومسك نفسه

وايه يعني تجمع دموي في العين ده حاجة بسيطة وحتروح

ده كان قبل كده اداها بوكس في عينيها و منظرها اتشوه يجي شهر كده

و عشان ما نظلمش ما طلعش شرخ

راحت المستشفى امبارح و الدكتور قال لها تمزق في وتر الأصبع الخنصر و كلها أسبوعين و تبقى كويسة

:closedeyes:

تعليق السيدة الأخرى

احمدي ربنا ده قريبتي حصل لها قطع بقى مش تمزق و عملت عمليات و كانت حكاية

دي ساعة شيطان يا حبيبتي

ماتفرحيش الشيطان فيكم

البصة في وش ولادك

بالدنيا و ما فيها

:blink:

سؤالي

هوحد مفروس زيي من الردود دي

والا انا لوحدي اللي حانشل ؟؟؟

لا حضرتك كلنا هننشل .. زي ما قال ماجد ده مش راجل

انا مش متخيل راجل يمد ايده على واحدة ست عامة و على اهل بيته خاصة

مش متخيل لو دي بنتي أو أختي هأعمل فيه ايه .. أقل واجب هأقتله و بعدين نتفاهم

الواحد له سنين متجوز ميفتكرش اصلاً انه زعق في زوجته فضلاً عن الضرب و الشتيمة و قلة الأدب

دول اشباه رجال ليس الا و انا عندي مبدأ

لا لأنصاف الحلول .. يا عيشة محترمة يا بلاش .. بــــــــس كدة بدون اي اعتبارات

و الأبناء لا هم أول ولا اخر ابناء يعيشوا بين زوجين منفصلين

[لماضة مصرية جدا]

الطرد بقميص النوم دي مضايقاني اوي

يعني ممكن لو بني آدم

يديها على الأقل فرصة تغير هدومها

يعني لو مش عايزها للدرجة دي

يبقى يخرج بالمعروف زي ما دخل بالمعروف

يعني أتصور أن الموقف ده يليق فقط بعاهرة أتى بها من الشارع ليقضي حاجته ثم تغادر

و حتى العاهرة لن تسمح له أن يطردها بقميص النوم :blink:

السلام عليكم و رحمة الله و بركاته

طب ماذا ذا حدث ده في غربة

بلد غريبة

ومحدش يعرف فيها حد

و برضه يعمل نفس التصرف؟؟؟؟

مش عارفة ليه و انا بقرا الموقف اللي قولتيه في اول مداخلة يا عبير جه في ذهني الاية القرآنية "و أخذن منكم ميثاقا غليظا"

ميثاق يعني حاجة تتوثق بين الطرفين...مش مجرد بس رباط لانه ممكن ينحل بسهولة

لكن ده ميثاق يعني كذا رابط فوق بعض

و ربنا وصفه بالغليظ.....يعني اقوي من انه يتفك بالسهولة دي

و اصل الميثاق لان "أفضي بعضكم إلي بعض"

الافضاء مش بس العلاقة الخاصة اللي بيتجرد فيها كل طرف مش بس من ثيابه لا بيتجرد من مخاوفه...بيتجرد من شكه ان اقرب الناس ممكن يؤذيه...التجرد من حذره ان الغدر ممكن يكون اقر بمما يتخيل...التجرد من اوقات بنرتدي يها الاقنعة علشان نمشي مصالحنا في الدنيا....لكن هنا مع "شريكي" مش ممكن هتعامل بنفس المنطق الملتوي اللي بتفرضه عليا الدنيا في وقت ما

انا مش هقدر اشترك معاكم في جزئية هو مين السبب لان دايما بيبقي عندي قناعة خاصة جدا ان الراجل ومراته مهما اعلنوا من اسباب....هما بس الاتنين اللي عارفين ايه اللي حصل و محدش غيرهم هيعرف ده

انا بس هعلق علي جزئية الناس "المطبطباتية"

مش هلتمس ليهم العذر لاني هفترض حسن النية من الاول انها بتفكر تبني البيت مع انها بتهد بني آدم

و لا هقول ان بعض الناس اجبن من انهم يقولوا رايهم بصراحة و يتحملوا عاقبة ده لان للاسف بيبقي مع المطبطاتية فيه متلازم معاهم نوع تاني من الناس و اللي هو ال "شماعاتية" و الاتنين نموذج للخضوع والاستسلام

يعني واحدة تطبطب عليا و انا استسلم لرأيها...مهماكانت حالة الضعف الانساني اللي بمر بيها....بس انا في الاستسلاممرحلة عاجزة اني اواجه نفسي اني غير قادرة اني اخد قرار بمفردي من غير كلمات الطبطبة و التشجيع من الاخرين و اللي قطعا هتنقلب تبقي لوم و عتاب ليهم و تحميلهم المسئولية في حالة الفشل الجديد و اللي قطعا هيحصل تااااااااني و تالنت و رااااااابع

اللي مش ممكن اسامحها في الموقف ده و يمكن اكون قاسية عليها

هي الست نفسها

لانها اول واحد بتطبطب علي روحها و يتعجز روحها و بتفضل تشدها لتحت و بتفضل تستعذب السادية من قبل شخص غير سوي

مش هتكلم عن التضحيات علشان الاسرة...لاني مش مقتنعة ايه الاطفال اللي ممكن يطلعوا مع اب و ام مشوهين للدرجة دي

اللي بيغظني بس ان الست مبتاخدشي موقف

يعني فعلا حتي لو قررت انها تكمل لصالح الابناء...مبتاخدشي موقف و تلاقيها ممكن ترجع "تنام" مع نفس الشخص السيكوباتي دوت تاني

و ترجع تلتمس ليه مليون عذر

اللي بيوجعني انها مبتتوجعشي لروحهااللي انكسرت في موقف مهين زي ده

انا مش هستني ان اهلي ياخدولي حقي

انا ممكن و انا في بيته و قدام عينه المفروض اخد حقي

قد يكون ده كلام نظري...او شخصي....بحتي

بس انا مقتنعة اني غالية علي نفسي جدا جدا جدا

و اذا العلاقة اللي ابتغي بيها اني اخش الجنة هتخليني "ارخص " قدام نفسي

يبقي اخد موقف

و موقف يليق بيا كبني آدم قبل اي حاجة تانية

و دي وجهة نظر

يا رب يعافينا و يبعد عننا اللي بنسمعه و ميخليناش في يوم جزء منه بشكل او باخر

[لماضة مصرية جدا]

السلام عليكم و رحمة الله و بركاته

بالنسبة لموقف ماما سلوي

الحقيقة مش عارفة اتصرف اكبر من قدرتي علي الفهم و التحليل و الاستيعاب

بس اعتقد ان "تيتة" هي اللي في ايدها الحل و الربط

هي اللي تقدر تحاجي علي الاحفاد و تحميهم قبل ما تحمي الجد

الحاجة التانية مش ممكن يكون عنده مرض محتاج يتعالج...يمكن يكون نوع من "الذهان" اضطراب في الشخصية و التكتم و اعتبار الموضوع اخلاقي بحت مش هيفيد

متهايلي تيتة تقدر تسيطر عليه و تخضعه لطبيب نفسي

و في نفس الوقت تداوي احفادها.....بالكثير جدا من الحب

و برضه مش عارفة

[بركة]

التربية للبنت كمان عليها عامل كبير جدا

قدامي امثله كثيرة

صديقة لي تربت على ان كرامتها فوق كل شئ واذا بها تطلق لان زوجها لم يتحمل رفضها لتغير اخلاقه

و أخرى تحملت وتحملت الى ان اصلح الله حاله فهي كانت تحبه وغابت عنه في بيت اهلها فتره كافيه حتى استعاد رشده

واخرى تقف لنفسها لانها لم يكن لها بيت اهل واعتقد انها وفقت من الله في احكام السيطرة على انفعالاته المسموح بها من الاول

واخرى احبته وتمسكت بحقها في معامله جيدة مع الايضاح من وقت لاخر في اوقات الصفاء بأن ما يحدث ماهو الا صورة كريهه لحياة لا يرتضونها وكان انسانا ففهم مع الايام

الضعف الانثوي الشديد والخضوع ماهو الا نموذج تلقائي لرد الفعل من نساء لم يرين نماذج تعقل الحقوق وتأخذها بحزم وأدب ..

تم تعديل 4 فبراير 2012 بواسطة بركة

[عبير يونس]

طب ماذا ذا حدث ده في غربة

بلد غريبة

ومحدش يعرف فيها حد

و برضه يعمل نفس التصرف؟؟؟؟

طب ما هو الست دي معانا هنا في الغربة

و حتى لما كانوا في مصر كان بيحبسها و يمنعها ترد على اهلها في التيلفون

اخوها قالها لها صريحة

انا ما يعجبنيش الحال ده

صلح ما باصلحش

عايزة تسيبيه اقف جنبك و اجيبلك كافة حقوقك

انما الحال ده ما ينفعش

و طبعا الرعب من مواجهة المجتمع كمطلقة

كان بيخرسها

مش عارفة ليه و انا بقرا الموقف اللي قولتيه في اول مداخلة يا عبير جه في ذهني الاية القرآنية "و أخذن منكم ميثاقا غليظا"

ميثاق يعني حاجة تتوثق بين الطرفين...مش مجرد بس رباط لانه ممكن ينحل بسهولة

لكن ده ميثاق يعني كذا رابط فوق بعض

و ربنا وصفه بالغليظ.....يعني اقوي من انه يتفك بالسهولة دي

و اصل الميثاق لان "أفضي بعضكم إلي بعض"

الافضاء مش بس العلاقة الخاصة اللي بيتجرد فيها كل طرف مش بس من ثيابه لا بيتجرد من مخاوفه...بيتجرد من شكه ان اقرب الناس ممكن يؤذيه...التجرد من حذره ان الغدر ممكن يكون اقر بمما يتخيل...التجرد من اوقات بنرتدي يها الاقنعة علشان نمشي مصالحنا في الدنيا....لكن هنا مع "شريكي" مش ممكن هتعامل بنفس المنطق الملتوي اللي بتفرضه عليا الدنيا في وقت ما

مؤكد نفسيتها اتدمرت

و اهتزت ثقتها تماما بسبب كم الغدر اللي تعرضت له

غالبا الشخصية دي و نظرا لاستكمالها المشوار معاه

بتبقى خلاص تعودت على الغدر

و بتتعايش معه

زي ما كنا مستسلمين للنظام السابق كده هههههههههههههه

و لما بتتصالح معاه

بترجع تآمن له تاني عادي جدا

:blink:

اللي مش ممكن اسامحها في الموقف ده و يمكن اكون قاسية عليها

هي الست نفسها

لانها اول واحد بتطبطب علي روحها و يتعجز روحها و بتفضل تشدها لتحت و بتفضل تستعذب السادية من قبل شخص غير سوي

مش هتكلم عن التضحيات علشان الاسرة...لاني مش مقتنعة ايه الاطفال اللي ممكن يطلعوا مع اب و ام مشوهين للدرجة دي

اللي بيغظني بس ان الست مبتاخدشي موقف

يعني فعلا حتي لو قررت انها تكمل لصالح الابناء...مبتاخدشي موقف و تلاقيها ممكن ترجع "تنام" مع نفس الشخص السيكوباتي دوت تاني

و ترجع تلتمس ليه مليون عذر

في الحتة دي بقى

انا سألتها نفس السؤال

و بصراحة لا أتجرأ أسأل حد كده

بس كنت مستغربة فعلا

ازاي تفضي إليه تاني بعد اللي بيعمله فيها

ردت بمنتهى الوضوح

انها متقدرش تقول لا

بتأمن شره

خصوصا انه بيعتدي عليها بدون سبب حقيقي

تخيلي لما ترفضه بقى :unsure:

اللي بيوجعني انها مبتتوجعشي لروحهااللي انكسرت في موقف مهين زي ده

مين قالك ما بتتوجعش

لو شفتي دموع القهر في عينيها و هي بتحكي

ممكن متقدريش تنامي تاني

يعني تقدري تقولي عليها عايشة فعلا في دور الرهينة عند ناس كفرة ملهمش ملة و لا دين

يا رب يعافينا و يبعد عننا اللي بنسمعه و ميخليناش في يوم جزء منه بشكل او باخر

آمين

آمين

آمين

[باهى الطائر الحزين]

اويحسب نفسه رجلا

هذا الخنثى !!

يستقوى على إمرأه

وانى لأعده فى الأنثى

بل "والله" لتأنف منه الأنثى ^