الفوضى الرياضية هي الحل

[محمد عبدالعزيز]

يسقط المجلس العسكرى السفاح

يسقط المجلس العسكرى السفاح

يسقط المجلس العسكرى السفاح

[أحمد محمد]

دلوقتي علي قناة ألاهلي نادر السيد بيقول أن في 38 حالة وفاة بين جماهير الاهلي

أللي بيحصل دا مدبحة

مستحيل يكون اللي ببيحصل دا صدفة أو تصرف عابر

بالتاكيد فعلاً في مخطط أن دا كان يحصل

[أحمد محمد]

جريمة جديدة للمجلس العسكري

فين مدير أمن بورسعيد أو وزير الداخلية فين المشير

اللي بيحصل دلوقتي مدبحة للألتراس

[mekkawy]

وزير الداخلية ... ما بيردش

محافظ بورسعيد ... ما بيردش

مدير الأمن ...... ما بيردش

كلااااااااااااااااب

و الله ثورة ثورة و مالهاش غير كدة

[أبو العز]

أعتقد المشكلة الرئيسية اننا محتاجين تغيير الشعب ممكن نجيب شعب من ماليزيا او الصين او حتى من افريقيا على الأقل ح يكون عندهم أدب والأهم من ده كله يكون بيفكر ينهض ببلده مش عمالين نتخانق على الاخوان والليبرالين وماسبيروا والكورة والالتراس والاهلى وكان هى دى مشاكلنا الحقيقية وناسيين ان احنا فى وضع اقتصادى يرثى له

الجنيه مرشح للهبوط امام الدولار ممكن يوصل سبعة وتمانية جنيه وسوف ينعكس ذلك علينا سلبا بزيادة التضخم وارتفاع الاسعار ودى تقارير دولية مش من عندى والله

واحنا ولا فى دماغنا عندنا اولويات تانية اهم

البقاء لله

تم تعديل 1 فبراير 2012 بواسطة أبو العز

[ابراهيم عبد العزيز]

الجبهة السلفية بمصر

لا أعلم أي أمن هذا الذي يترك الجماهير تنزل لأرض الملعب ؟؟

أين الداخلية ؟؟

بل أين الجيش حامي حمى البلاد ؟؟!!

أين الجيش ليحمي الجماهير من القتل ؟؟!

أم أن الجيش وظيفته الوحيدة الآن قتل المتظاهرين السلميين في محمد محمود ومجلس الوزراء ؟؟!!

إنا لله وإنا إليه راجعون .. وحسبي الله ونعم الوكيل

أيها الأخوة الكرام يا من تتمسكون ببقاء المجلس العسكري في السلطة مخافة الفوضى

الذي نراه الأن من سطو مسلح إنتشر في البلاد , وما نراه اليوم في بورسعيد من مهزلة بكل المقايس وقتلى يتردد الأن أن العدد وصل الى 38 قتيل وإصابات بالعشرات وكل هذا في غياب تام للداخلية والجيش !! وما رأيناه طوال الأشهر الماضية في مواقع مسرح البالون وماسبيرو ومحمد محمود ومجلس الوزراء , بماذا نصف هذه الأوضاع ؟؟؟

أهي فوضى أم إستقرار وأمن ؟؟؟؟

هل رأينا الإستقرار الموعود ؟

وبعد كل هذا هل مازلتم متمسكون بمقولة ( يا جماعة مجتش على اربع شهور نصبرهم عشان نلتزم بالخطة الموضوعة ) أمام من يطالبون بنقل السلطة فورا لرئيس منتخب حتى يُصلح ما يمكن إصلاحه ؟؟؟؟

هل مازال الوقت ليس له حساب ؟؟ وهل مصر تحتمل أربعة أشهر أخرى على هذا المنوال ؟؟

تم تعديل 1 فبراير 2012 بواسطة ابراهيم عبد العزيز

[mekkawy]

و الله العظيم أقل واجب محاكمة عاجلة لكل من:

الكلب المحافظ

الكلب مدير الأمن

الكلب وزير الداخلية

و إستقالة فورية للحكومة الفاشلة

و الشعب باة منه لمجلس العار و الشنار

[raouf]

عالبركة

حريق فى استاد القاهرة

مبروك يا رجالة البلد بتولع

حسبى الله ونعم الوكيل

[mekkawy]

رسمياً عن وزارة الصحة و نقلاً عن قناة الأهلي: 40 قتيل و 70 مصاب

و أظن أنه لا يزال العدد قابل للزيادة

[mekkawy]

اسف .. دكتور في مستشفى ببورسعيد: الوفيات حوالي 51 حالة و إنا لله و إنا إليه راجعون

[أحمد محمد]

مدير مستشفي في بورسعيد يصريح علي قناة ألاهلي أن حالات الوفاة تقارب الخمسين قتيل

غير أن الاصابت خطيرة و هناك ناس بين الحياة و الموت يعني هتزيد حالات الوفاة

حسبي الله و نعم الوكيل في المسئول علي هذة المجزرة

مين المسئول علي الذبحة دي

[raouf]

على فكرة رغم توقفى على التعليق على الاحداث

بس ده كان هيكون مصير مجلس الشعب واعضاءه امبارح لولا حمايته

بس اللى يفهم ويعقل

كملوا كملوا ثورة وادوا العسكر والفلول فرصة

ثورة ثورة حتى خراب مصر

لا اله الا الله

تم تعديل 1 فبراير 2012 بواسطة raouf

[أحمد محمد]

على فكرة رغم توقفى على التعليق على الاحداث

بس ده كان هيكون مصير مجلس الشعب واعضاءه امبارح لولا حمايته

بس اللى يفهم ويعقل

كملوا كملوا ثورة وادوا العسكر والفلول فرصة

ثورة ثورة حتى خراب مصر

لا اله الا الله

يا استاذ اللي بيحصل دا ملهوش غير أن لازم المجلس العسكري دا يرحل فوراً

مجلس سفاح مجموعة من الكلاب المتعطشة للدماء

لازم الثورة تكمل حتي رحيل المجلس السفاح و الرحيل لوحدة مش كفاية لازم يكون في عقاب و محاكمة بجد لهم

يسقط يسقط حكم العسكر السفاح

حتي ماتش كورة يحولة لمدبحة

أنشاء الله الثورة هتكمل و هتنجح

يسقط يسقط حكم العسكر

[mekkawy]

الباشا وزير الداخلية في اجتماع مهم .. يا جماعة اجتماع مهم بأة و خلاص

اللي مات يستنى و اللي اتخطف يتنيل و المصاب يصبر شوية الباشا في اجتماع مهم يا جماعة

[محمد عبدالعزيز]

يا نهار أسود

73 وفيات لغاية دلوقتى

دى مذبحة

حسبى الله ونعم الوكيل

[ابراهيم عبد العزيز]

صراحة أمر يثير الحيرة

بعض الأخوة كما لو كان يصعب عليهم أن يقتنعوا أن هناك خلل وقصور في إدارة البلاد حاليا سواء أمنيا أو إقتصاديا أو إجتماعيا , فيلجأون للحديث عن المشكلة الموجودة في سلوكيات الشعب !!!

نعم ندرك أن هناك مشكلة موجودة في السلوكيات العامة

لكن نفس هذا الشعب بنفس سلوكياته طوال عشرات السنوات الماضية لم تحدث منه مثل هذه المجزرة في مبارة كرة قدم ؟؟

مالكم تتحدثون كما لو أن هذه الحدث معتاد ومكرر ؟

من المسئول عن غياب الأمن أيها الأخوة ؟

تم تعديل 1 فبراير 2012 بواسطة ابراهيم عبد العزيز

[وطني حر]

لا حول ولا قوه الا بالله

180 حاله اختناق ولسا في الطريق تقريبا 300

عدد الوفيات 68 قتيلا .

في رقبـــــه مــين ... استاذ القاهره بيولع ...

قد لا اتفق مع الاخوه بابعاد المجلس العسكري خصوصا في هذه الفتره الحرجــه .. .. لسبب واحد . لان فلول النظام السابق لا زالت بتحكم البلد .. فاي رئيس او وزير لن يستطيع اداره البلد بسهوله . سيواجه تمثيليات ومسرحيات هزليه مقرفــه ...

لا يزال اشلاء النظام هي الي بتحكم . لا بد من تطهير البلد منهم , قبل اقاله المجلس العسكري ..

النائب العام .. مدراء الامن في المحافظات .. اعاده تشكيل المحافظين ... الرقابه الاداريـه . .

[moamana]

امال ليه محصلش ده فى مبارة الاهلى و المحلى و اول ما بدا شغب فضوا الملعب فى ربع ساعة من غير ما اى شخص يموت من الامن او من المشجعين او اصابات

ازاى الامن يفتح صفوفه بمنتهى السهولة للبورسعيدين يحتكوا بالالتراس الاهلاوى

ديه كانت حركة متعمدة

و بعدين هى الطيارات مبتظهرش غير لحسنى و لنقله من المركز للمحاكمة

الموضوع مدبر مدبر مدبر

[رضوي]

حسبنا الله ونعم الوكيل

منتهى الهمجية من المشجعين

ومنتهى السلبية والفوضوية والاستهبال من الامن

لابد من محاسبة المسئول ........ مباراه زي دي كان المفروض تتأمن كويس جداً ......... ومن المنتظر ان مباراه زي دي يكون فيها مشاكل ....... يعني تبقى متأمنه كويس لكني مش عارفة اوصف اللي حصل بصراحة بلفظ منصف

[se_ Elsyed]

انا مصاب بأنهيار ومش قادر أتلم على نفسي

في إيه ؟

جالكم كلامنا من أكتر من 9 شهور او 10 شهور لما قولنا إن عندما تعاقب البريء أمام محكمة عسكرية بدون ان تعرف السبب .. وتُبريء المجرم القاتل امام محكام مدنية .. يبقى توقع اي شيء في المجتمع ؟

عندما تُخصص طائرة خاصة يومياً لمجرم قاتل .. وتُنكل بمن يقول أي .. يبقى توقع ما يحدث الان

عندما توفي 3 وجيات غذائية يومية من أرقى الفنادق لمجرمين محبوسين وتجعلهم يرتدون أفخر الثياب وارقى البرفانات وتؤدى لهم التحية العسكرية ... يبىق توقع ما يحدث

عندما تكون يدك مرتعشة وتقول : أصل لو عملت كده منظمات المجتمع المدني هاتهاجمني ... يبقى توقع ما يحدث ؟

عندما تُعين وزير هزيل زي العيسوي أكثر من 8 شهور ويعيث الفاسدون في الأرض فساداً وتمتلأ البلد أسلحة وفوضى وكأنه أتى لهدف معين .. فتوقع ما يحدث ؟.

عندما نطالب بمحاكة عسكرية لشخص يقول : لو ما تحققتش عادلة ناجزة وعادلة ... فالناس هاتاخد حقها بإيدها .... فتوقع ما يحدث ؟

عندما لا تستطيع أن تحمي او تحرس مباراة كرة القدم ... فيكف ستحمي دولة باكملها ؟

عندما يتم التنكيل بالشعب المصري بأكلمة ويقول رئيس الوزراء بالامس بعضمة لسانة إن لأكثر من 9 شهور لم يكن هناك أمن في مصر فتمر هذه الجملة كأن شيء لم يكن وكأن على الشعب أن يدفع ثمن ثورتة ويتم تأديبة ومده على رجلية ... فتوقع ما يحدث ؟

عندما لا نستمع إلى الصراخ بإن المجلس العسكري خربها ... فتوقع ما يحدث ؟

عندما نقول يا ناس يا هو الطرف الثالث هو الفوضى المتعمدة ..

الطرف الثالث هو ما لخضه شعب محافظة الشرقية بالأمس والناس قرأت الكلام وكأن شيء لم يكن لما بيسألوا الناس اللي قتلوا إتنين بلطجية أول إمس وعلقوهم في أعمدة النور وبرر الناس هذا وقالوا بمنتهى الشياكة والإيجاز : ما هو مبقاش في عدل في البلد .. وبالتالي كل واحد لازم ياخد حقه بإيده

وعندما يتشدق الفسدة من القضاة ويقولوا : أرفعوا أيديكم عن القضاء .. والشعب كله يجد محاكمات هزلية تستمر سنين بدون ان يأخذ المظلوم حقة أو يعاقب الجاني ... ... فتوقع ما يحدث ؟

وعندما نقول إن القضاء العادل هو كده واللي مش عاجبه يضرب راسه في الحيط ونلاقي كل واحد بقى قاضي نفسه ... ونسمع عن حوادث مؤسفة مثل خطف 25 مهندس صيني بيعملوا فين يا جماعة ؟

هههههههههههه ضحك بسخرية ... بيعملوا في أحد مصانع الأسمنت المملوكة للقوات المسلحة في سيناء .. ويتم مفاوضة المجرمين النهاردة ونوعدهم إننا هانفرج عن إرهابيين ومهربين من البدو وإحنا أسفين .. يبقى ألبسوا يا شعب

وعندما أرى كل ساعتين بلطجة وقطع سكة حديد .. واسبوعين كاملين ..

أسبوعين يا ظلمة يا مجلس الفساد يا بتاع مبارك ياللي بتأدبنا

أسبوعين وموظفي الري في قنا يحتجزوا رهائن أجانب في 10 بواخر سياحية بالنيل ويهددوا بإغراق الصعيد بأكملة لو ما أتثبتوش في الوزارة ..

وماحدش قال لهم إنتوا بتعملوا إيه

عندما نرى قوات 777 والصاعقة تهاجم مكاتب المجتمع المدني اللي يمكن ما فيهش نفر او إتنين .... ويعملوا شو كده زي راقصين البالية

ونجد مسلحين لأكثر من 10 ساعات بيضربوا قسم العريش بالمدافع وما فيش طيارة حربية تعمل إسقاط لكوماندوز وتروح في 5 دقائق تخلص الليلة

وعندما نجد محطات الغاز يتم تفجيرها 10 مرات ... 10 مرات بدون أن يقوم المجلس بتركيب كاميرا بخمسة جنيه عشان تشوف مين اللي بيعمل كده

وعندما يحمي المجلس الفلول ويلغي قانون العزل السياسي ويدافع عنهم ويحتويهم ويوصلهم لاعلى المراكز زي فايزة أبو النجا اللي بالمصادفة من بورسعيد .. ونرى باعيننا من أفسدوا البلد يرتعون في وسطنا

جالكم كلامي ؟ أين المخابرات العامة .. أين المخابرات الحربية .. أين امن الدولة وملفاته عن المخربين أو المجرمين .. كيف أيها السادة أن نصمت عن مرافعة النيابة في محاكمة الكلب مبارك لما قالوا إن ما فيش ولا جهة ساعدتهم بل أخفوا عنهم معلومات زي المخابرات وجهاز أمن الدولة قبل أن يُحل ... فتمر علينا هذه الكلمات عادي جداً

كيف نأمن أيها السادة لجهاز مخابرات كان يقوده عمر سليمان ؟

كل ده وعاوزين حالة من الأستقرار والامن تعم البلد ؟