التحليل النفسي لما بعد الثورة

[احمد رضوان]

بعد مرور سنة تقريباً على ثورة سلمية، بس من طرف واحد، وعنيفة أحياناً ودموية أحياناً تانية من الطرف التاني.. وبعد 30 سنة ويمكن 60 ويمكن اكتر من كدة بكتير من الاعتداءات علينا وعلى حقوقنا على كل شكل ولون: من أول حقنا في مجرد الحياة لحد حقنا في حياة حرة كريمة بتتوفر فيها المواصفات القياسية للحياة اللي تليق بمقامنا كبني آدمين، واجب نسأل سؤال ونرد عليه: بعد كل دة احنا جرى لنا إيه؟!!! وايه نوع العلل النفسية اللي اتربت عندنا طول السنة اللي فاتت وطول السنين اللي فاتت وايه أعراضها وايه خطورتها وهل هي عاهات مستديمة ولا اعراض زايلة وازاي هنواجهها وازاي ممكن نخف منها ونشد حيلنا من بعدها وياحبذا لو نقدر نكون صاغ سليم؟!!! كل ديه اسئلة تجاوبنا عليها: الدكتورة/ منال عمر: اخصائي الصحة النفسية

http://www.youtube.com/watch?v=zFj3AbkAS7g&feature=player_detailpage

[Dreamwithme]

شكرا جزيلا يا أستاذ أحمد علي الفيديو ده

فعلا فعلا لقاء رائع كنت هأزعل قوي لو ما اتفرجتش عليه

بيفسر حاجات كتير وكلام كتير الواحد بيسمعه

كان نفسي أعطي حضرتك نقطة خضرا لكن رصيدي خلص

أتمني إن كل الناس تتفرج علي اللقاء

[احمد رضوان]

العفو DreamWithMe

فعلا الفيديو هام جداً لأن الشعب المصري قطاع كبير منه يعاني الآن امراض ما بعد الثورة وجميل أن نجد مبادرة من الأطباء النفسيين لتقديم الدعم والمساعدة مجاناً من خلال برنامج التأهيل النفسي ، وأتصور أن نجاح الثورة في تغيير روح المصريين نجاح رائع يكفي روح المباردة عند الجميع

وللجميع ملخص الحلقة هو ان اي مصري عايش الثورة سواء حضر أحداثها وشارك فيها أو تأثر بها يجب ان يراقب في نفسه أعراض لمرض نفسي يسمى كرب ما بعد الصدمة وأطباء برنامج التأهيل مستعدون لتقديم العلاج مجاناً على الأرقام التالية مهما طالت فترة العلاج

01095755255

01099449225