استشارة عاجلة : هل حد جرب قيادة الجراند تيريوس? وهل لها عيوب?

[عصام أبوالفتح]

اخوانى الكرام

عايز رأيكم من فضلكم فى السيارة الجراند تيريوس السبعة مقاعد دفع ثنائى

عايز اعرف اهم عيوبها ومشاكلها وياريت عن تجربة مشاهدة او قيادة

السيارة فى نظرى انسب واحدة للاستعمال ثم انزالهل مصر وانا وجارى بنفكر فى شرائها

المشكلة انه مفيش تست درايف لها وده خلانى قلقان شوية

ضرورى تردوا على لان فى عرض بينتهى مع ديسمبر للصيانة المجانية حتى 60 الف أو 3 سنوات

وشكرا جزيلا

[م تيمور المراغي]

انا عندي تيريوس 2 GLX من سنة 2008 وممتازه العربيه مافيهاش اي مشاكل وليس لي اي تحفظات عليها بس هات لون فاتح لان الاسود في الصيف بيخزن الحراره

انا كنت فتحت توبيك في منتدى نايل موتورز لو تحب تفاصيل اكتر

http://www.nilemotors.net/Nile/40424-a.html

http://www.nilemotors.net/Nile/24864-glx.html

[abaomar]

انا عندي تيريوس 2 GLX من سنة 2008 وممتازه العربيه مافيهاش اي مشاكل وليس لي اي تحفظات عليها بس هات لون فاتح لان الاسود في الصيف بيخزن الحراره

انا كنت فتحت توبيك في منتدى نايل موتورز لو تحب تفاصيل اكتر

http://www.nilemotors.net/Nile/40424-a.html

http://www.nilemotors.net/Nile/24864-glx.html

السلام عليكم

حبيبى تيمور

يهمنى ياتيمور تقول لى عن سحب العربيه و هى على الطريق

لأنها 1500 سي سي و عزمها اتذكر 105 حصان و هل عندما يكون معك

حموله تقيله فى رحله مثلا بيؤثر ذلك عليها ام لا و اسعار القطع فى مصر

و بالمناسبه

اللينك الاول بيتكلم عن ساويرس فى2008 وقتها

و انت اشدت به ساعتها و ابتديت تحبه يا ترى رأيك إيه الان بعد فضيحه قضيه التجسس

و دعوته للتدخل الغربى فى مصر .

تم تعديل 26 ديسمبر 2011 بواسطة abaomar

[عصام أبوالفتح]

انا عندي تيريوس 2 GLX من سنة 2008 وممتازه العربيه مافيهاش اي مشاكل وليس لي اي تحفظات عليها بس هات لون فاتح لان الاسود في الصيف بيخزن الحراره

انا كنت فتحت توبيك في منتدى نايل موتورز لو تحب تفاصيل اكتر

http://www.nilemotor...le/40424-a.html

http://www.nilemotor.../24864-glx.html

شكراً على ردك يا تيمور ربنا يكرمك ويباركلك فيها .. وبالنسبة للون انا ناوى على الابيض ان شاء الله ( العيال هايموتوا على الأحمر العنابى ) لكن اقنعتهم .bsh:)

الموضوع اللى فى نايل موتورز ممتاز ربنا يخليك

ولسه حالاً دكتور فى جامعة الملك سعود مشكر لى فيها جدا جدا.

تم تعديل 26 ديسمبر 2011 بواسطة عصام أبوالفتح

[الغريب]

شكراً على ردك يا تيمور ربنا يكرمك ويباركلك فيها .. وبالنسبة للون انا ناوى على الابيض ان شاء الله ( العيال هايموتوا على الأحمر العنابى ) لكن اقنعتهم .bsh:)

أبيض مين يا عم :blink:

أسمع كلام العيال

أو أسمع كلام عمهم الغريب وهات لون ذهبي أو فضي ، ومبارك عليك مقدما :)

[abaomar]

السلام عليكم

يا هندسه مبروك مقدما بإذن الله

ممكن حد من اصحاب الخبره يقول لى على موضوع قوه سحب العربيه و تحملها مع وجود حموله

لإن ده سبب ترددى فى شرائها

هنا المكيف شغال على طول و الكبارى هنا او مصر محتاجه عزم معقول فهل ده مؤثر ام لا ؟و جزيتم خيرا

انا اسال لان منتدى السيارات لا يفتح معى

تم تعديل 26 ديسمبر 2011 بواسطة abaomar

[raouf]

يا حج عصام ما انا شرحت ليك الموضوع وراى خبيييييير فى السيارات

شكلك مش بتسمع الكلام

[abaomar]

يا حج عصام ما انا شرحت ليك الموضوع وراى خبيييييير فى السيارات

شكلك مش بتسمع الكلام

السلام عليكم

رسينى يا رؤوف الله يكرمك لأنى رحت عندهم و اخدت عرض سعر و باقى انى اكمل الإجراءات

[se_ Elsyed]

التريوس العادية الخمس مقاعد صناعة ياباني كامل

التريوس الجراند 7 مقاعد .. تجميع أندونيسي وناس من تويوتا نفسها نصحوني بعدم شراءهم زمان

الإتنين 1500 سي سي .... يعني حتى ام 5 مقاعد لو راكب فيها 5 أشخاص ومعاكم شنط مثلاً يبقى العزم هايبقى ضعيف

ما بالنا 7 مقاعد .. لأ واللي بيزود من ضعف العزم إن فيها مكيف خلفي كمان غير الامامي ... يبقى بيتهيألي ساعتها هاتزحف على الأرض

وكمان الكنبة اللي ورا تحس إنها لازقه في اللي قدامها فبتخلي العربية ضيقة أكتر ... وكمان الكنبة اللي ورا لما بتتفرد فبتلغي شنطة العربية وما بيكونش في مكان يخليك تحط أي حاجه

[se_ Elsyed]

ضرورى تردوا على لان فى عرض بينتهى مع ديسمبر للصيانة المجانية حتى 60 الف أو 3 سنوات

ده عرض نصب علني ... لإن جدول الصيانة هو كده بالفعل ومش محتاج عروض خاصة او مغرية !!!!

والعرض الحقيقي بيبقى في هدية مع أي سيارة تيريوس تشتريها من عبد اللطيف جميل بيديك تليفزيون أل سي دي 32 إنش

أما الصيانة بشكل عام عند أي وكيل .. فحدث ولا حرج .... النصب زي الكتاب ما بيقول في صفحة 413

فالمفروض إن على الاقل أجرة الإيد العاملة بتبقى مجانية .. أو مرة على الزبون ومره على التوكيل زي ما كان تقريباً لحد سنة 2007

لكن اليابان من ساعة الازمة الإقتصادية من 4 سنوات شالت إيدها من الموضوع .. وبقى التوكيل يلبس كل حاجه للعميل

فمثلاً عشان تروح تغير زيت كل 5 الاف كيلو زي الدستور ما بيقول وده حق لكل مواطن ... فبتلاقي نفسك دافع بالصلاتو على الحبيب ما لا يقل عن 300 ريال كل مرة ... لما تصرخ وتقول ليه يا جدعان .. ده أنا لو روحت أي محطة خدمة " بترومين " وكل اللي شغالين عندهم فلبينيين مدربين على أعلى مستوى .. ودلعوا العربية وخلوها تقول بابا وماما وتتشقلب وتعمل حركات كمان .. بياخدوا 90 ريال ....

يقول لك : أصل لو في عامل في التوكيل قال للعربية سلامو عليكم ... فبيحسبوا عليك 200 ريال هي أجرة العامل في الساعة أضف عليها قيمة الزيت ولو في فلتر هايتغير يبقى إدفع يا حلو ..

ولو الموضوع خد كسر من الساعة التانية فبيحسبوا عليك 200 ريال تانية .. غير تكلفة أي قطعة غيار اخرى

يبقى فين مجانية التعليم هنا ؟

المجانية بتنفع في العيوب التي يُمكن أن تظهر في السيارة أثناء فترة الضمان .. ودي قليلة في السيارات اليابانية بصراحة

[الغريب]

الإتنين 1500 سي سي ....

مش معقولة :blink:

أنا مصدقتش والله وقولت يمكن سقط سهوا ، لكن أتأكدت من المعلومة

بصراحة 1500 سي سي ضعيف جدا على حجم (وزن وأبعاد) السيارة

[se_ Elsyed]

وبما إن معايا تيريوس 5 مقاعد من 2008 .. وماشية الحمد لله كويس لكن باعاني من موضوع السحب عشان الـ 1500

فانني والنصحية لله ...

انصح كل شاب وكل فتاة عاوز يتشري عربية في حدود 1600 سي سي .. إنه اولاً ما يشمش كوله تحت كوبري الملك الصالح

وثانياً .. إنه يفكر جدياً في الكيا كارينز الجديدة ... 1600 سي سي .... وتحفة معمارية .... وواسعة وبنت حلال ... ومش رشه دواخل ... وتقريباً نفس سعر التريوس ... ومغرقة مصر دلوقت زي ما بيكونوا بيفرقوها في الجمعيات

[se_ Elsyed]

وأخيراً : إوعى حد يضحك عليك بموضوع إن التيريوس دفع رباعي فبتبقى حلوه

ده كذب ...

لأن الشغل الطبيعي بتاعها إنها دفع ثنائي ... اما لو غرست ولا حاجه في رملة وإنت طالع بتصطاد غزلان في الصحرا ... ففي زرار ف يالتابلوه بتدوسه عشان تتحول إلى دفع رباعي

وبالتالي ممكن تقضي عمرك كله ما نغير ما تصطاد دكر بط حتى .. وبالتالي لا تستخدم الدفع الرباعي ولا تعرف بيروحوا له منين

[se_ Elsyed]

الإتنين 1500 سي سي ....

مش معقولة :blink:

أنا مصدقتش والله وقولت يمكن سقط سهوا ، لكن أتأكدت من المعلومة

بصراحة 1500 سي سي ضعيف جدا على حجم (وزن وأبعاد) السيارة

اخوك مش كوفتجي يا رؤوف .. أنا عارف بأقول إيه ودي سقطة من اليابان بصراحه

[عصام أبوالفتح]

ضرورى تردوا على لان فى عرض بينتهى مع ديسمبر للصيانة المجانية حتى 60 الف أو 3 سنوات

ده عرض نصب علني ... لإن جدول الصيانة هو كده بالفعل ومش محتاج عروض خاصة او مغرية !!!!

والعرض الحقيقي بيبقى في هدية مع أي سيارة تيريوس تشتريها من عبد اللطيف جميل بيديك تليفزيون أل سي دي 32 إنش

أما الصيانة بشكل عام عند أي وكيل .. فحدث ولا حرج .... النصب زي الكتاب ما بيقول في صفحة 413

فالمفروض إن على الاقل أجرة الإيد العاملة بتبقى مجانية .. أو مرة على الزبون ومره على التوكيل زي ما كان تقريباً لحد سنة 2007

لكن اليابان من ساعة الازمة الإقتصادية من 4 سنوات شالت إيدها من الموضوع .. وبقى التوكيل يلبس كل حاجه للعميل

فمثلاً عشان تروح تغير زيت كل 5 الاف كيلو زي الدستور ما بيقول وده حق لكل مواطن ... فبتلاقي نفسك دافع بالصلاتو على الحبيب ما لا يقل عن 300 ريال كل مرة ... لما تصرخ وتقول ليه يا جدعان .. ده أنا لو روحت أي محطة خدمة " بترومين " وكل اللي شغالين عندهم فلبينيين مدربين على أعلى مستوى .. ودلعوا العربية وخلوها تقول بابا وماما وتتشقلب وتعمل حركات كمان .. بياخدوا 90 ريال ....

يقول لك : أصل لو في عامل في التوكيل قال للعربية سلامو عليكم ... فبيحسبوا عليك 200 ريال هي أجرة العامل في الساعة أضف عليها قيمة الزيت ولو في فلتر هايتغير يبقى إدفع يا حلو ..

ولو الموضوع خد كسر من الساعة التانية فبيحسبوا عليك 200 ريال تانية .. غير تكلفة أي قطعة غيار اخرى

يبقى فين مجانية التعليم هنا ؟

المجانية بتنفع في العيوب التي يُمكن أن تظهر في السيارة أثناء فترة الضمان .. ودي قليلة في السيارات اليابانية بصراحة

النقطة دى بالذات لأنها مهمة جدا سألت عنها فى اكثر من فرع و اتصلت بالصيانة نفسهم وكلهم اتفقوا ان الصيانة المجانية معناها ان مفيش اجرة يد عاملة .. فقط القطع الاستهلاكية عليك

[الغريب]

الإتنين 1500 سي سي ....

مش معقولة :blink:

أنا مصدقتش والله وقولت يمكن سقط سهوا ، لكن أتأكدت من المعلومة

بصراحة 1500 سي سي ضعيف جدا على حجم (وزن وأبعاد) السيارة

اخوك مش كوفتجي يا رؤوف .. أنا عارف بأقول إيه ودي سقطة من اليابان بصراحه

محسوبك الغريب

بصراحة فعلا كيا كارينز رائعة للغاية ، عيبها الوحيد أنها شوية قريبة من الأرض إنما عربية تقيلة

والكيا بشكل عام جاية وعاملة شغل كويس في السوق المصري وهنا في الكويت كمان

يكفي أنك تعرف أن كيا إرتفعت مبيعاتها 700% في أخر سنة في الشرق الأوسط

ويكفي كمان أن العبدلله معاه كيا :)

[عصام أبوالفتح]

شكراً على ردك يا تيمور ربنا يكرمك ويباركلك فيها .. وبالنسبة للون انا ناوى على الابيض ان شاء الله ( العيال هايموتوا على الأحمر العنابى ) لكن اقنعتهم .bsh:)

أبيض مين يا عم :blink:

أسمع كلام العيال

أو أسمع كلام عمهم الغريب وهات لون ذهبي أو فضي ، ومبارك عليك مقدما :)

الله يبارك فيك يا غريب .. الاحمر عجبنى برضو .. بس حاسس انها مؤامرة عشان يستولوا على العربية بدرى بدرى :closedeyes:

لكن الفضى اللى انت حاطط صورته ده والذهبى مبيشدش انتباهى خالص

[عصام أبوالفتح]

السلام عليكم

يا هندسه مبروك مقدما بإذن الله

ممكن حد من اصحاب الخبره يقول لى على موضوع قوه سحب العربيه و تحملها مع وجود حموله

لإن ده سبب ترددى فى شرائها

هنا المكيف شغال على طول و الكبارى هنا او مصر محتاجه عزم معقول فهل ده مؤثر ام لا ؟و جزيتم خيرا

انا اسال لان منتدى السيارات لا يفتح معى

وعليكم السلام يا ابوعمر .. والله يبارك فيك

الدكتور اللى كلمنى عليها شاريها من شهر ( الجراند ) وعجباه جدا وقالى انه متعود ميشدش وميجريش ومبزودش عن ال 120 لو معاه 7 افراد وادائها بالمعايير دى مناسب له جدا

لو من خمس سنين سألتنى مش هاقتنع بكلامه .. لانى كنت لسه فى سن الجرى والشد والغرز والحركات

وراحت منى جولف تشليح بسبب الموضوع ده

لكن دلوقتى العظمة كبرت والعيال الحمد لله كبروا وخليها على ربك بس :closedeyes:

وبافكر يعنى ... بافكر مبيعش الأوبل عشان لما اشتاق للشد والساوند سيستم ابقى اخدلى بيها لفة :wub: .. ولو ان ساهر بيجبر الواحد على الاعتزال

[Mr MAGED]

أستاذ عصام .. انت مرتبط انها تكون اقل من 1600 سي سي عشان تنزلها مصر ولا مش فارقة معاك ؟؟

انا شخصيا مافكرتش ابدا انزل عربية مصر من برة .. لو جيت تحسبها هتلاقيها قريبة كتير من بعضها

عارف ان بيكون فيه فرق في المواصفات بين اللي بينزل الخليج واللي بينزل مصر

بس لو انت مقرر خلاص تخرج نهائي وتنزل مصر ساعتها هاكون موافقك ..

لكن لو مكمل ان شاء الله في السفر ولسة محددتش هتنزل مصر امتي يبقي احسن متربطش نفسك

ولو عايز حاجة اكبر واقوي واوسع والسعر قريب .. انصحك بالفورشنر

هيا 2700 سي سي وسواء دفع رباعي او ثنائي . بصراحة ممتازة واستهلاكها للبنزين اقتصادي جدا لان فيه منها 4 سيلندر

وهيا تويوتا برضه يعني قطع الغيار والصيانة رخيصة واكيد ماسكة سعر لو حبيت تبيعها تاني

ربنا يوفقك ان شاء الله

[عصام أبوالفتح]

يا حج عصام ما انا شرحت ليك الموضوع وراى خبيييييير فى السيارات

شكلك مش بتسمع الكلام

ماتقول ياعمنا .. احنا لما اتكلمنا كنا لسه فى التصفيات و الخيارات مفتوحة .. لكن دلوقتى فى النهائى

الثبات بقى عالى جدا حسب مستخدمى الموديلات الجديدة والعربية وطيت عن الاول واضافوا عليها تحسينات كثير قعد الدكتور يقولى عليها لكن للاسف مبحفظش اى حاجة ميكانيكا .. شكلها حاجات كويسة يعنى

انا ريزلت اورينتد .. فالمهم انها بقت ثابته دلوقتى اكثر من زمان