اذهب الي المحتوي
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

أُس المصايب .. خـــمــيــس الخــســيــس


Recommended Posts

392279_288748261175715_149863078397568_924575_118877395_n.jpg

أعرفكـوا بـيا .. أنا شـاب سيس

مناضل كيبوردى..بدرجة رئيس

براوِغ ... بناوِر

بجادِل .. بحاوِر

وِبضرب..وِبهرب..كتعلب خبـيـث

وإسمِى وكِنايتى..خميس الخسيس

أعرفكوا بيا .. أنا مِــسخنــــاتـــى

أنا مِــهيجــاتــى..أنا مـِـولــعــاتى

بَلِف .. وِبَدور .. وِبَحلِب فى تور

وعايزك تِفـَرقَع .. ودمــك يفـور

وعايزك يا خِينا..فى إيـدى عجينه

وتِحرق فى نفسك..وتوصل ليأسك

وتغضب بسـرعه .. وتبـدأ تثـــور

واعرفكوا بيا....خميس الخسيس

أعرفكوا بيا .. بحــب الحــرايـق

وبارع وماهر.. فى قلب الحقايق

أرارى حـويـط .. لِـسانى سَلِـيـط

وراقِد .. وكامِن .. وبيرى غويط

ولو تحـرجونى .. ولو تكشفونى

بصنعِة لطافه .. وِظُرف وخَفافه

حَكَبَر .. حَنَفَض..وحَعمِل عـبـيط

واعرفكوا بيا...خميس الخسيس

أعرفكوا بيا ...تَخَصُص هجايِص

وعالنِت قاعد .. بَــ حَرَك عرايس

أقول (لليمين) .. يجاوبوا(أمين)

كَخاتِم فى صابعى .. ومِتبرمَجين

صاحِبكم زعيم..وداهيه .. ولئيم

وحالِف يا عسكر.. أحَرَض أَدَبَر

وحَقلِب عليكوا .. الناس أجمعين

خُلاصة الكـلام .. مِسَيطَر تمـام

وإسمى وكنايتى..خميس الخسيس

***شكرا واجب للاخت الفاضلة ((الزهراء )):clappingrose: صاحبة الفكرة****

رابط المشاركه
شارك

للأسف الشديد بعض مما يطلق عليهم لفظ (ناشطه/ناشط سياسى ) من سلاله خميس الخسيس

سلاطة و زفارة لسان مع قله عقل و بلطجة نماذج ممتازة للاستعمال من الاعداء

ربنا يخلصنا منهم ...

رابط المشاركه
شارك

تحية كلها لموهبتك النادرة سيدي

شكرا لك على الشعر المعبر

قصيدة ولا أروع .. يسلم فمك وقلمك ودماغك الحلوة دى ماشاء الله

يارب يتلموا بقى انا مش عارف اشتغل ..

ياريت تسمحلى أنسخها على الفيسبوك عشان فى خمايس كتير هناك .. وهاحط اسمك تحتها طبعاً

رابط المشاركه
شارك

للأسف الشديد بعض مما يطلق عليهم لفظ (ناشطه/ناشط سياسى ) من سلاله خميس الخسيس

سلاطة و زفارة لسان مع قله عقل و بلطجة نماذج ممتازة للاستعمال من الاعداء

ربنا يخلصنا منهم ...

الخطر الاكبر من وجهة نظرى ..لو خميس الخسيس مقتنع فعلا باللى بيعمله .. وبيكون فعلا بيحب مصر .. يعنى ميكونش مأجور أو عميل ..لا شخاص او جهات ما ,, لا .. بل يكون فعلا مؤمن انه بيدافع عن قضية عادله .. ومستعد عشان نُصرة قضيته .. انه يضحى بالنفيس والغالى من أجلها((اى شئ الا نفسه ودمه وروحه طبعا)) .. وعشان كده مش بيهمه الدماء اللى بتسفك . او الارواح اللى بتزهق ..فى سبيل نجاح الثوره .. وده طبعا مبدأ وفكر فاسد ..

وممكن نقول ان خميس الخسيس ..معمول له غسيل مخ ..من خميس أخر .. خميس أكثر ((خِسه)) وجبن ونداله .. خميس الاخر ده اكيد مش بيحب مصر ..واكيد بيعمل كده لمصلحة ..او لغرض ما فى نفس يعقوب ..

وممكن يكون خميس الخسيس ..ذات نفسه.. من الفلول .. ولابس قناع الثورى الشريف المتحمس .. وبيحاول يشوه الثورة فى نظر الناس .. عبر تسخين الثوار .. والزج بهم فى مواجهات مع الجيش .. وفى نفس الوقت يقلب الرأى العام عليهم .. ويحول صورتهم الذهنيه لدى الناس .. من ثوار اطهار .. الى بلطجيه اشرار ..

وممكن يكون خميس الخسيس (( مستورد)) .. يعنى شغل مخابرات اجنبيه محض .. وانتوا عارفين .. حبايبنا كتير .. والطمعانين فى ارضنا وخيرنا كتير

من الاخر تعددت ((الخساسه)) ..وخميس واحد

رابط المشاركه
شارك

جميله اوي يا تونسي رغم انك خبطت فيي الثوار لكن مش مشكلة هو الشعر كده

احتمال ارد عليها بنفس الوزن والقافيه والشطر بس عكس المضمون طبعا :happy:

تحيتي لموهبتك

و يارب تقدر توظفها لصالح الثوره مش للفلول

رابط المشاركه
شارك

جميله اوي يا تونسي رغم انك خبطت فيي الثوار لكن مش مشكلة هو الشعر كده

احتمال ارد عليها بنفس الوزن والقافيه والشطر بس عكس المضمون طبعا :happy:

تحيتي لموهبتك

و يارب تقدر توظفها لصالح الثوره مش للفلول

انا لا يمكن اخبط فى ثائر حسن النيه ..حمل روحه على يده ((إعتقادا)) منه ان ما يفعله فى صالح وطنه .. ونزل ليتظاهر او يعتصم ,,, ساختلف معه كما اختلف معك الان .. وسأحاول بكل الطرق منعه .. ولكنى لن أخونه .. بل سأبكى عليه بقلبى عندما يحدث له مكروه .. فهو ليس عدوى.. ولن يكون أبدا من وجهة نظرى خميس الخسيس .. وأسحب هذا عليك اخى العزيز تيمور .. مادمت شخصية معروفه للجميع اسما ومكانا وعملا .. ولا تختبئ وراء سكرين .. ونزلت بنفسك الى الميدان لتتظاهر وتعتصم .. وتعرض نفسك للموت فى ظل الفوضى والهرج والمرج ((رغم ننى ارفض هذا حتى الان وبشده)) فلا يمكن ابدا ان انعتك بخميس الخسيس .. وزى ما قلتلك قبل كده معاك انت بالذات انا بجيبها على بلاطه

وعلى رأى اللى قال (( اللى هو انا برده ههههههههههههه))

خميس دا واد جبان

مبينزلش الميـــدان

فى ساعة الجد .. يعنى

بيهرب .. كالفيران

اما انت يا تيمور

راجل شجاع جسور

بالحق والانصاف

وبرغم الاختلاف

مقدرش اقول يا صاحبى

إنك أبدا خميس

بالنسبة لمسالة الفلول وذكرك انى موظف نفسى لخدمتهم .. ليه لا .. كل شئ جايز ..وممكن اكون ذات نفسى مضلل ومضحوك عليا .. فى فيلم ماتريكس فيه جملة اتقالت على لسان احد ابطال الفيلم استوقفتنى ..ولسه بترن فى عقلى لغاية النهارده .. وهى ((كل منا عميل محتمل )) و ممكن اغيرها ويفضل المعنى صحيح ل (( كل منا خميس محتمل)) ,, يعنى ممكن انا ذات نفسى اكون خميس الخسيس وانا مش حاسس هههههههههههه .. عادى ,, لو حد قاللى كده مش حزعل .. اهم حاجه الثقه فى النفس .. مع الاعتذار للاعلان الشهير

بالنسبه للقصيده اللى حترد بيا عليها ممكن اساعدك فى مطلعها

أعرفكوا بيا .. مِـــرَكِـــز دماغى

أواجه .. أحارب .. أزيح كل طاغى

وإسمى وكنايتى ..تيمور المراغى

رابط المشاركه
شارك

مسافر

ومش حابب ادخل من التليفون

الخط صغير وانت كبير

واعمل ايه اجبرتنى

الله الله الله ياتونسي

جميل ما جادت به قريحتك

والاجمل هو احساسك ياصحبي

ولى عود يليق وقدرك ومكانتك

سلمت

رابط المشاركه
شارك

لو اسمينا الصقور ' لكان الانسب تيمور

رابط المشاركه
شارك

على راسي والله يا تونسي

وعلى راسي يا طائر

كل كلمات الثناء لن توفي امتناني

وربنا يقدرني واكون عند حسن ظنكما وظن الجميع يارب

رابط المشاركه
شارك

تحية كلها لموهبتك النادرة سيدي

شكرا لك على الشعر المعبر

والشكر موصول لكى اختى الفاضلة على الكايكاتير المعبر .. والفكرة النزقه التى حثتنى على الكتابه:give_rose: .. بلاش بس حكاية الموهبة النادره دى ..عشان متغرش اكتر منا مغرور .. ومحدش يعرف يكلمنى بعد كده ههههههههههههههه

رابط المشاركه
شارك

تحية كلها لموهبتك النادرة سيدي

شكرا لك على الشعر المعبر

قصيدة ولا أروع .. يسلم فمك وقلمك ودماغك الحلوة دى ماشاء الله

يارب يتلموا بقى انا مش عارف اشتغل ..

ياريت تسمحلى أنسخها على الفيسبوك عشان فى خمايس كتير هناك .. وهاحط اسمك تحتها طبعاً

أنا شكلى كده حنضم لحزب الوسط بما إنى مِتصيت فى الفيس بوك على حسه هههههههههههههههه .. والبركه فيك أخى الفاضل عصام .. انت والاخت العزيزه ..بنت يومى ((بينك روز)) .. بس لا لا .. انا بهزر فى حكاية الانضمام للحزب ((اى حزب)) ... انا شايف ان الشاعر مفروض يظل حر طليق .. لا يحد تحليقه اى اجواء مقيده لطيرانه .. وبعدين انا عصفور بحب اتنقل بين الاغصان .. والازهار .. ومليش فى الاستقرار .. مينفعش خالص اكون راجل حزبى .. تانى يوم يا اما ح انشق عن الحزب .. او حنطرد منه شر طرده هههههههههههههههه

طبعا على الرحب والسعه .. تستخدم القصيدة كما يحلو لك .. وتراه صحيحا .. المهم حقى الادبى.. وإسمى هههههههههههه

بالنسبة لخميس .. بتمنى ضميره يصحى .. ويبطل يحرض الناس عمال على بطال .... ويحاول يحشد الناس .. ولكن فى الوقت والمكان والظروف المناسبه .. ((وبعيد عن مصالحه الخاصه)).. بما فيه النفع للبلد.. و للناس ..وكذلك برضا الرأى العام .. لانه بتحريضه الغير واعى .. وسباحته ضد التيار .. بيتسبب فى موت ناس بريئه .. كل ذنبها انها بتحب البلد اكتر من نفسها ,, وصدقت خميس .. خميس اللى ذنب الناس البريئة دى فى رقبته .. بالاشتراك طبعا مع القتلة الفعليين ... اللى منهم بيتعمد القتل فعلا .. واللى منهم اللى بيدافع عن نفسه .. وعن مؤسسات وأمن بلده .. لكن يظل خميس هو السبب الرئيسى فى موت او اصابة الثوار ... لانه هو اللى حرضهم على ان يدخلوا قفص الاسود الجائعه .. بينما هو وراء ((سكِرِينُه)) ..يضحك ضحكته الشيطانية الصاخبه .. فرحا وسعيدا بمشاهد الفوضى والعنف والقتل .. التى كان يسعى لها .. وتحققت بالفعل للاسف بفضل جهوده التحريضيه

حقيقى سعيد جدا بكلامك ورأيك فى القصيده .. والحمد لله أن قدرنى على صيغتها ونظمها بهذا الشكل الذى لاقى الاستحسان .. ويارب يقدرنى دايما على الكتابة بما يلقى قبولكم ا

تم تعديل بواسطة محمود البصيلى
رابط المشاركه
شارك
  • 3 weeks later...

القصيدة راااااائعة و الاروع منها احساسك يا ابن يومي

و طبعا القصيدة اترشقت على الفيس عندي من اول ما شوفتها

:closedeyes:

و تحت منها مكتوب

شاعري المفضل محمود البصيلي

و ربنا ينتقم من كل خميس خسيس

اللهم آمين

رابط المشاركه
شارك

مسافر

ومش حابب ادخل من التليفون

الخط صغير وانت كبير

واعمل ايه اجبرتنى

الله الله الله ياتونسي

جميل ما جادت به قريحتك

والاجمل هو احساسك ياصحبي

ولى عود يليق وقدرك ومكانتك

سلمت

أشكرك دائما وابدا صديقى العزيز :give_rose: .. وشاعرنا الاكثر رهافة وحس:clappingrose: .. على تواجدك وتعليقك .. الذى دائما ما يكون مميز .. ودائما ما يصب فى صالحى .. وهى مسئولية تقع على عاتق قلمى .. الذى يسعى جاهدا دؤوبا .. ليحقق ما تأملوه فيه

مع خالص حبى وتقديرى واحترامى لشخصك الغالى:give_rose:

رابط المشاركه
شارك

للرفع

اللهم انتقم من كل خميس خسيس واجعل كيده في نحره

آمين ... آمين ... آمين

شكرا يا نوران على رفع القصيده:give_rose: ,.. من زحمة الاحداث والموضوعات .. وبسبب بعدى قليلا عن الكتابه فى السياسه ..نسيت القصيده دى خالص هههههههههههههههههههه

طبعا اتمنى ان رسالتى من القصيده دى تكون وضحت ووصلت .. أنا بأكد تانى اننى لا أضع خميس الخسيس .. مع الثوار الحقيقيين... فى سله واحده .. والزجل اللى جاى ده .. واللى نزلته كمداخله فى موضوع اخى الفاضل دكتور ياسر ((اخويا يا ثاير)) .. يعتبر زيادة توكيد .. حيث نظمت قائلا

أخويا يا ثاير .. يا رمز الفِـدا

يا عاشق لوطنك.. لأبعد مدى

بحــق الإخــوه.. بنادى عليك

ياريتك يا خـويا .. تلبى النِـدا

بنادِى .. وبقُلَك.. بِصِدق .. وضمير

بـــحـــبـــك ... برغم اختلافنا الكبير

ولكن سامحنى.. معاك مش حـَ اسير

الوضع فـ بلدنا .... ياخويا .. خطير

وخايف عليها :egyflag: تـضيـع..تنكـسـر

و دمــك مـعـاهـا .. كـده يـروح هدر

وطبعا .. كــلامــى .. دا وجهة نـظـر

بـقـولها .. وبَعِيدها .. بـكـل الصــور

وتِفضَل أخــويا .. كِدا .. أو كِدا:give_rose: :give_rose:

ونِفضَل حبايب .. ومحناش عِدا:clappingrose: :clappingrose:

أخــويـا يا ثاير .. يا رمــز الفِـدا

تم تعديل بواسطة محمود البصيلى
رابط المشاركه
شارك

للرفع

اللهم انتقم من كل خميس خسيس واجعل كيده في نحره

آمين ... آمين ... آمين

شكرا يا نوران على رفع القصيده:give_rose: ,.. من زحمة الاحداث والموضوعات .. وبسبب بعدى قليلا عن الكتابه فى السياسه ..نسيت القصيده دى خالص هههههههههههههههههههه

طبعا اتمنى ان رسالتى من القصيده دى تكون وضحت ووصلت .. أنا بأكد تانى اننى لا أضع خميس الخسيس .. مع الثوار الحقيقيين... فى سله واحده .. والزجل اللى جاى ده .. واللى نزلته كمداخله فى موضوع اخى الفاضل دكتور ياسر ((اخويا يا ثاير)) .. يعتبر زيادة توكيد .. حيث نظمت قائلا

أخويا يا ثاير .. يا رمز الفِـدا

يا عاشق لوطنك.. لأبعد مدى

بحــق الإخــوه.. بنادى عليك

ياريتك يا خـويا .. تلبى النِـدا

بنادِى .. وبقُلَك.. بِصِدق .. وضمير

بـــحـــبـــك ... برغم اختلافنا الكبير

ولكن سامحنى.. معاك مش حـَ اسير

الوضع فـ بلدنا .... ياخويا .. خطير

وخايف عليها :egyflag: تـضيـع..تنكـسـر

و دمــك مـعـاهـا .. كـده يـروح هدر

وطبعا .. كــلامــى .. دا وجهة نـظـر

بـقـولها .. وبَعِيدها .. بـكـل الصــور

وتِفضَل أخــويا .. كِدا .. أو كِدا:give_rose: :give_rose:

ونِفضَل حبايب .. ومحناش عِدا:clappingrose: :clappingrose:

أخــويـا يا ثاير .. يا رمــز الفِـدا

يسلم قلم حضرتك يا أستاذ محمود

تحياتي وتقديري

رابط المشاركه
شارك
  • 1 year later...

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.

سجل دخولك الان
  • محاورات مشابهه

    • التفكير الخايب .. هو سبب المصايب !!!

      المقال التالى تصدر الصفحة الأولى بجريدة الوفد " النعمانى " عدد اليوم " الخميس " .. وصدقونى أول ما شفته .. جيت على لسانى كلمه " تهجيص ".. فإذا كانت صحافتنا واعلامنا حيفضل كده بهذا التخلف .. ويجر وراه ملايين من أبناء الشعب الغلبان .. يبقى احنا فعلا نستاهل اللى احنا فيه ...؟!!!!!!!! ************ عملاء واشنطن في قلب القاهرة في قلب قاهرة المعز.. ومن أرقي احيائها.. تحولت السفارة الأمريكية إلي أكبر وكر للتجسس علي مصر.. التجسس علي مؤسسات الدولة عن طريق عملاء أمريكان.. التنصت علي »دبة النملة«..

      في موضوعات جادة

×
×
  • اضف...