اذهب إلى المحتوى
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

ناخبة ترد على وقوف جماعة الحرية والعدالة امام اللجان


Recommended Posts

استاذ عادل..صباح الخير . اولا اشكر حضرتك على المجاملة التي لا استحقها.. ثانيا انا حادخل في الموضوع علطول . الموضوع مش موضوع اقتناع لكن موضوع حقائق و احصائيات ..انا لا اتكلم عن عن نتائج المرحلة الاولي انا اتكلم بصورة عامة عن المناخ و الخلفية السياسية التي تمت فيها الانتخابات. ال 65% الاميين ينقسموا لجزئيين الاغلب فيهم هو امي القراءة و الكتابة و الجزء الباقي امي الثقافة( اللي هو خرج من المدرسة بدري و تعلم حرفه). في فرنسا يوجد ما يقرب من 3 % اميين و لكن المقصود بالامية هناك هو الجهل بكيفية استخدام الكومبيوتر و الانترنت. في مقولة بتقول ( 3 ليس لهم راي الجائع, المغرور و الخائف) و ال 3 نماذج بصراحة شفناهم في الفيديو بتاع الاستاذ محمد. سخصيا..اعتقد ان الانتخابات كانت يجب ان تاتي كاخر مرحلة في التحول نحو الديمقراطية من بعد وضع دستور يحدد هوية و مبادي الدولة من ناحية الحقوق و المواطنة. لكن تخبط المجلس العسكري سياسيا هو الذي اوصلنا لما نحن فيه..انتخابات بين احزاب غير متكافئة, انتخابات في اجواء احتقان طائفي, انتخابات يشوبها عدم النزاهة و اخيرا المجلس العسكري حيصطدم بالاغلبية.

بالنسبة للتيار الاسلامي فانا لست ضد حزب الحرية و العدالة . انا فقط ضد اللعب على وتر الدين او استغلال حاجة الاخرين تحت مسمي عمل الخير لان الخير حسابه عند ربنا مش تحت قبة المجلس و اخيرا لان الخير لازم يكون للكل مش للمسلم بس. و بالتالي انا ضد اي حزب يعمل كدة بقول تاني اي حزب.

احترم راي الدكتور ياسر في ترشيحه لحزب النور فهو اختيار عن قناعة. لكن بالمقابل في اصوات كتير اوي اخدها الحزب بالترهيب او بالتشويه او باللعب على وتر الدين..يعني اولا عندنا في بلدنا شوفت مؤتمر للحريه و العدالة اما النور فكانت منابر الجوامع هي منابره و لم اري مؤتمر شعبي واحد. الترهيب و كمثال شوف الاخ بدء كلامه مع المذيع ازاي و كمان حصل مع البقال اللي قدامنا لما سالني (حنتخب مين و بالنقابل سالته قالي اي حد غير النور . دة من يومين واحد جالي و قالي انت بتبيع سجاير قلتله اه قالي متبعيش السجاير تاني هنا فرد عليه البقال و قاله ابقي تعالى انت و اديني 400 جنيه كل شهر بدالهم). طبعا الصيغة دي شفناها متكررة في تصريحات لكثير منهم على وسائل الاعلام زي تصريحات الشيخ عبد المنعم الشحات و اللي اعتقد كانت السبب الرئيسي في نتجة الاعادة و تصريحات ياسر برهامي وعن تكفير المسحيين و تصريحات د/ عادل العزازي عن ان الديمقراطية هي كفر بالله ( و هي الديمقراطية التي اتت بهم لصناديق الاقتراع).

اخيرا يبقي ان الانظمة الديكتاتورية السابقة ستبقي المسئولة عن التجريف الثقافي و السياسي و المعيشي للمصريين و كنتيجة لذلك انهار الانتماء الوطني و حل محله الانتماء الديني.

الخلاصة ارفض شراء الاصوات بزجاجة زيت و كيسين سكر.

انما لو كانت فخدة ضاني ....يبقي فيه كلام تاني...تحياتي

ياراجل مش تقولي كدة م الأول

غالي و الطلب ضاني smile.gif

كلامك أنا مقتنع بيه تماما و صراحة كلام مترتب و هادي كالعادة .. و مش عايز اطول عليك .. بسبب إن الكلام دلوقتي متأخر لو حسبناه على الفرضية اللي قولتها لأننا خلصنا المرحلة الأولى .. المشكلة في اننا لما نتكلم على الشعب إنه لسة مش مستعد للانتخابات من غير ما ندرى بنردد مقولة الشعب غير مستعد للديموقراطية ..

انا عايز أمسك في نقط الاتفاق أكتر من الاختلاف احتراما لرأيك و لشخصك .. و أرجوك تعذر الشعب إنه بيسمع للي بيكلمه عن الدين لأنه مش لاقي حد يكلمه عن حاجة تانية ..

رابط المشاركة
شارك

ما هي العلاقة بين شاي ( العروسة ) واخدلي بالك .. و الموضوع التاني بتاع السيكوسيكو tongue.gif

طيب استر على أخوك ، لازم الصياح ده يعني

انت كده عملت له مشكلة.

حاتحلها ازاي بقى؟

أقول لك ، هو مش قصده شاي العروسة

هو يقصد شاي " العرسة ، بس انت عارف الواو والتاء المربوطة لازقين في بعض فانكتبت عروسة غصب عنه وخلي الطابق مستور

لا اله الا الله يعنى انا بانكش الراجل وبدارى عليه

الاقى المنتدى كله خد باله :unsure::unsure::unsure:

ده انتم قاعدين مخصوص للراجل ومستنيين له

هو انا قلت الموضوع التانى ده مش هايعدى على خير الحمد لله لم اشارك به

المواضيع دى نهايتها اكياس وتلاجات وحاجات كده

رابط المشاركة
شارك

انشئ حساب جديد او قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
×
×
  • أضف...