ناخبة ترد على وقوف جماعة الحرية والعدالة امام اللجان

[raouf]

وبرضوا لا تعليق ومجدش يقولى انها من الاخوان

http://www.youtube.com/watch?v=IA_JzlhIZJ4&feature=related

[Alshiekh]

طيب شوف ده يا استاذ raouf

http://www.youtube.com/watch?v=blmx_xwXz84

[عادل أبو عمر]

وبرضوا لا تعليق ومجدش يقولى انها من الاخوان

http://www.youtube.com/watch?v=IA_JzlhIZJ4&feature=related

أقولك يا رؤوف أنا شايف إيه في الفيديو

بس من غير زعل بقعة زيت ع الورقة إللي في إيديها ...

(اوعى ترجع تعيد الفيديو .. أزعل منك بجد )

[عادل أبو عمر]

طيب شوف ده يا استاذ raouf

http://www.youtube.com/watch?v=blmx_xwXz84

شايف في الفيديو ده

إن الإخوان و السلفيين عرفوا يوصلوا للمواطن البسيط جوة النجوع و القرى ..

وغيرهم اكتفى بالفضائيات وبالفيس بوك و مقدرش حتى يقول للناس عن شكل الرمز الانتخابي الخاص بيه

شايف إن الناس الغلابة دي اللي واضح إنهم ( عمال فاعل ) مستحيل يكونوا هم السبب الرئيسي في فوز الإخوان في الفيوم

مستحيل أقتنع ...

لأن مستحيل يكون غالبية اللي انتخبوا في القاهرة و اسكندرية و المحافظات و كثير من المصريين المغتربين ..... عمال فاعل ..

معقول 66 % من الناخبين في مصر ... عمال فاعل

مع كل الاحترام لهذه المهنة الشاقة جدا ( عمال الفاعل) و ناسها الطيبين على راسي ..

وأعتقد إن أعضاء البرلمان الجاي ده بإذن الله و كل المصريين لازم يشتغلوا بهمة ومرجلة عمال الفاعل .. عشان نبني مصر

[Alshiekh]

شايف في الفيديو ده

إن الإخوان و السلفيين عرفوا يوصلوا للمواطن البسيط جوة النجوع و القرى .. وغيرهم اكتفى بالفضائيات وبالفيس بوك و مقدرش حتى يقول للناس عن شكل الرمز الانتخابي الخاص بيه

جميل جدا يا أستاذ عادل وجهد يشكروا عليه إنهم قدموا الخدمة دي للناس الغلابة دول ، ولكنها لم تكن خدمة لوجه الله ، بل كانت خدمة مغلفة بعدم الأمانة.

يعني مثلا لما انزل محطة السكة الحديد وانا لسه جديد في البلد ، ماينفعش أسأل واحد عن مكان أنزل فيه يقوم موديني عند قرايبه علشان يأخذوا اللي معايا ( صوتي ) مستغلين جهلي بالمدينة وبقانون المدينة وأنظمتها.

وانت تعلم ان الدعاية الانتخابية تتوقف تماما قبل الانتخابات بـ 48 ساعة ويجب الا يتواجد المروجون للمرشحين او الاحزاب في محيط دائرة الانتخابات.

لو كانوا عايزين يخدموا البسطاء كما يدعون ، كان يرشده فقط إلى مكان اللجنة وليس كما كانوا يفعلون حتى مع المتعلمين بتحميلهم امانة التصويت للفانوس والكرة في دائرة المنتزة مثلا على سبيل المثال.

واعتقد أن الكل يعلم أن الاخوان والسلفيين جيشوا رجالهم ونسائهم للوقف عند اللجان لتوزيع الفلايرز حاملين معهم أجهزة اللابتوب لتقديم الخدمة الدعائية لمرشحيهم ، وأتمنى ألا يصبح هذا الأسلوب من علامات الإنتخابات المصرية في المستقبل ، لان ببساطة ممكن كل المرشحين والاحزاب تنتهج نفس النهج الذي أعتبره نهجا مصريا خالصا وحق براءة إختراعه محفوظ لحزبي النور والعدالة والحرية والتيارات السلفية وتنظيم الإخوان المسلمين.

[jonathan]

طيب شوف ده يا استاذ raouf

معقول 66 % من الناخبين في مصر ... عمال فاعل

مع كل الاحترام لهذه المهنة الشاقة جدا ( عمال الفاعل) و ناسها الطيبين على راسي ..

وأعتقد إن أعضاء البرلمان الجاي ده بإذن الله و كل المصريين لازم يشتغلوا بهمة ومرجلة عمال الفاعل .. عشان نبني مصر

استاذ عادل ..بالتاكيد ان ال 66% مش عمال فاعل لكن 65% من الشعب المصري امي و 40% تحت خط الفقر..تفتكر نسبة الاميين سياسيا في الحالة دي ممكن تكون كام؟؟

[عادل أبو عمر]

شايف في الفيديو ده

إن الإخوان و السلفيين عرفوا يوصلوا للمواطن البسيط جوة النجوع و القرى .. وغيرهم اكتفى بالفضائيات وبالفيس بوك و مقدرش حتى يقول للناس عن شكل الرمز الانتخابي الخاص بيه

جميل جدا يا أستاذ عادل وجهد يشكروا عليه إنهم قدموا الخدمة دي للناس الغلابة دول ، ولكنها لم تكن خدمة لوجه الله ، بل كانت خدمة مغلفة بعدم الأمانة.

يعني مثلا لما انزل محطة السكة الحديد وانا لسه جديد في البلد ، ماينفعش أسأل واحد عن مكان أنزل فيه يقوم موديني عند قرايبه علشان يأخذوا اللي معايا ( صوتي ) مستغلين جهلي بالمدينة وبقانون المدينة وأنظمتها.

وانت تعلم ان الدعاية الانتخابية تتوقف تماما قبل الانتخابات بـ 48 ساعة ويجب الا يتواجد المروجون للمرشحين او الاحزاب في محيط دائرة الانتخابات.

لو كانوا عايزين يخدموا البسطاء كما يدعون ، كان يرشده فقط إلى مكان اللجنة وليس كما كانوا يفعلون حتى مع المتعلمين بتحميلهم امانة التصويت للفانوس والكرة في دائرة المنتزة مثلا على سبيل المثال.

واعتقد أن الكل يعلم أن الاخوان والسلفيين جيشوا رجالهم ونسائهم للوقف عند اللجان لتوزيع الفلايرز حاملين معهم أجهزة اللابتوب لتقديم الخدمة الدعائية لمرشحيهم ، وأتمنى ألا يصبح هذا الأسلوب من علامات الإنتخابات المصرية في المستقبل ، لان ببساطة ممكن كل المرشحين والاحزاب تنتهج نفس النهج الذي أعتبره نهجا مصريا خالصا وحق براءة إختراعه محفوظ لحزبي النور والعدالة والحرية والتيارات السلفية وتنظيم الإخوان المسلمين.

أرجو لو تفضلت أستاذي العزيز بمناداتي "عادل" فقط وحضرتك أولى وأحق بالاحترام والتقدير ...

مثال السكة الحديد فيه طرف واحد في استقبال ذلك "الغريب " حضرتك مقتنع بانه هو الإخوان .. و غير حضرتك مقتنع إنه من حزب المصريين الأحرار .. ودول عندهم فيديوهات زيت و دول عندهم فيديوهات كنتاكي .. و لكن نتيجة الانتخابات أثبتت أن غالبية الشعب ليست بهذا السفه في بيع صوته بزجاجة زيت أو وجبة كنتاكي ..

الشعب نفسه رد على هذه الاتهامات و بإذن الله أسقط هذا الشعب من يريد وانجح من يريد .. ببلاش ... لأن الحقيقة التي أعلمها أن أحدا لم يعرض عليه شيئا من الأصل ..

في النهاية أعلن أني متفق مع حضرتك تماما في ان ما ذكرته عن مخالفة القانون الخاص بالدعاية الانتخابية هو خطأ و لا و لن أبرره حتى أي مسمى .. لأننا بنقول عاوزين ناس تبني .. همتك معانا أستاذي وحاول ترجع تنشط موضوع حزب المصريين الأحرار لأن المرحلة الثانية خلاص بدأت بالفعل للمغتربين

تحياتي

[Om Zayd]

حاملين معهم أجهزة اللابتوب لتقديم الخدمة الدعائية لمرشحيهم ، وأتمنى ألا يصبح هذا الأسلوب من علامات الإنتخابات المصرية في المستقبل ، لان ببساطة ممكن كل المرشحين والاحزاب تنتهج نفس النهج الذي أعتبره نهجا مصريا خالصا وحق براءة إختراعه محفوظ لحزبي النور والعدالة والحرية والتيارات السلفية وتنظيم الإخوان المسلمين.

على فكرة انا سمعتها كفكرة من المستشار الخضيري في التليفزيون قبل الانتخابات

[Om Zayd]

بالمناسبة امام لجنتي او بالقرب منها كان هناك من يدعو للكتلة و من يدعو للحرية و العدالة

[عادل أبو عمر]

طيب شوف ده يا استاذ raouf

معقول 66 % من الناخبين في مصر ... عمال فاعل

مع كل الاحترام لهذه المهنة الشاقة جدا ( عمال الفاعل) و ناسها الطيبين على راسي ..

وأعتقد إن أعضاء البرلمان الجاي ده بإذن الله و كل المصريين لازم يشتغلوا بهمة ومرجلة عمال الفاعل .. عشان نبني مصر

استاذ عادل ..بالتاكيد ان ال 66% مش عمال فاعل لكن 65% من الشعب المصري امي و 40% تحت خط الفقر..تفتكر نسبة الاميين سياسيا في الحالة دي ممكن تكون كام؟؟

الفاضل jonathan

ردي على حضرتك هو نفس الرد من نفس الرسم

لو افترضنا ان نسبة الأمية 65 % في الفيوم

فهل نسبة الأمية في القاهرة و الاسكندرية و المغتربين 65 %

وبشكل عام هل حضرتك مقتنع إن 65 % من الملايين اللي نزلوا وشوفناهم في المرحلة الأولى ... أميين ؟؟

ملحوظة أخيرة و هي رجاء .. أن تزيد من تواجدك معنا لأن مشاركاتك بالفعل تتميز بالعقل و الهدوء ..

تحياتي

عادل

[أبو يمنى]

أقولك يا رؤوف أنا شايف إيه في الفيديو

بس من غير زعل بقعة زيت ع الورقة إللي في إيديها ...

:)

يجب التعامل مع هذه المخالفات بصرامة في المرحلتين القادمتين .

واصدار قانون ينص على الفصل بين الزيت والسياسة .

[الدكتور ياسر]

بالتأكيد لا اوافق أن نأخذ أصوات البسطاء مقابل زجاجة زيت أو عبوة سكر ولكن تلك أحداث فردية و تشترك فيها

معظم الأحزاب على الساحة بشكل أو بآخر و يجب التصدى بكل قوة لكل تلك الممارسات .

ولكن هل هي ظاهرة عامة وتمثل عامة الأصوات ؟

كلا بالطبع فالكثيرون و الكثيرون جدا من الشرفاء أعطوا أصواتهم دون مقابل .

وأنا والحمد لله اخترت اليوم قائمة النور و مرشحي الحرية و العدالة في الفردي

ولا انتظر بالتأكيد أى مقابل من أحد :)

[عادل أبو عمر]

ولا انتظر بالتأكيد أى مقابل من أحد :)

شكرا لمداخلة حضرتك القيمة يا دكتور ياسر

ياريت حضرتك تفضل معانا شوية ...

الكنترول هيبلغ حضرتك أقرب منفذ لاستلام السكر و الزيت بتوعك .. و شكرا لحسن تعاونكم معنا

[raouf]

جميل جدا يا أستاذ عادل وجهد يشكروا عليه إنهم قدموا الخدمة دي للناس الغلابة دول ، ولكنها لم تكن خدمة لوجه الله ، بل كانت خدمة مغلفة بعدم الأمانة.

يعني مثلا لما انزل محطة السكة الحديد وانا لسه جديد في البلد ، ماينفعش أسأل واحد عن مكان أنزل فيه يقوم موديني عند قرايبه علشان يأخذوا اللي معايا ( صوتي ) مستغلين جهلي بالمدينة وبقانون المدينة وأنظمتها.

وانت تعلم ان الدعاية الانتخابية تتوقف تماما قبل الانتخابات بـ 48 ساعة ويجب الا يتواجد المروجون للمرشحين او الاحزاب في محيط دائرة الانتخابات.

لو كانوا عايزين يخدموا البسطاء كما يدعون ، كان يرشده فقط إلى مكان اللجنة وليس كما كانوا يفعلون حتى مع المتعلمين بتحميلهم امانة التصويت للفانوس والكرة في دائرة المنتزة مثلا على سبيل المثال.

واعتقد أن الكل يعلم أن الاخوان والسلفيين جيشوا رجالهم ونسائهم للوقف عند اللجان لتوزيع الفلايرز حاملين معهم أجهزة اللابتوب لتقديم الخدمة الدعائية لمرشحيهم ، وأتمنى ألا يصبح هذا الأسلوب من علامات الإنتخابات المصرية في المستقبل ، لان ببساطة ممكن كل المرشحين والاحزاب تنتهج نفس النهج الذي أعتبره نهجا مصريا خالصا وحق براءة إختراعه محفوظ لحزبي النور والعدالة والحرية والتيارات السلفية وتنظيم الإخوان المسلمين.

يا استاذ محمد

الاخوة ردو ا

وانا بارضوا هارد بطريقة مختلفة

هافترض جدلا ان الاخوان خالفوا التعليمات وعملوا دعاية امام الانتخابات صح ؟

طيب هل لم تقم باقى التحالفات بنفس الشىء ؟ اكيد قاموا

هاثبت لك كمان فى كل لجنة وامامها هناك مندوب من الكتلة كمثال

هل تتوقع ان مندوب الكتلة او مناديب باقى التحالفات شافوا حاجة زى كده هايسكتوا مثلا ؟

بلاش هل تتوقع ان يمنعهم الادب والالتزام بالقوانين من القيام بالمثل ؟

صدقنى يا سيدى فيه مثل قديم كنا بنقوله واحنا طلبه

وهو حجة البليد مسح التخته

اكيد ليس حضرتك المقصود ولكن الاحزاب التى تهاجم الحرية والعدالة

بدلا من مهاجمتهم راجعوا اخطاءكم واصلحوها

واتمنى منك قراءة هذا الموضوع والرد عليه

My link

[الدكتور ياسر]

الكنترول هيبلغ حضرتك أقرب منفذ لاستلام السكر و الزيت بتوعك .. و شكرا لحسن تعاونكم معنا

يارب يخليك يا يا أستاذ عادل بس بسرعة عشان التموين عندنا مقصر و لو كمان 2 بكو من شاى العروسة يبقى تمام التمام :)

[jonathan]

استاذ عادل..صباح الخير . اولا اشكر حضرتك على المجاملة التي لا استحقها.. ثانيا انا حادخل في الموضوع علطول . الموضوع مش موضوع اقتناع لكن موضوع حقائق و احصائيات ..انا لا اتكلم عن عن نتائج المرحلة الاولي انا اتكلم بصورة عامة عن المناخ و الخلفية السياسية التي تمت فيها الانتخابات. ال 65% الاميين ينقسموا لجزئيين الاغلب فيهم هو امي القراءة و الكتابة و الجزء الباقي امي الثقافة( اللي هو خرج من المدرسة بدري و تعلم حرفه). في فرنسا يوجد ما يقرب من 3 % اميين و لكن المقصود بالامية هناك هو الجهل بكيفية استخدام الكومبيوتر و الانترنت. في مقولة بتقول ( 3 ليس لهم راي الجائع, المغرور و الخائف) و ال 3 نماذج بصراحة شفناهم في الفيديو بتاع الاستاذ محمد. سخصيا..اعتقد ان الانتخابات كانت يجب ان تاتي كاخر مرحلة في التحول نحو الديمقراطية من بعد وضع دستور يحدد هوية و مبادي الدولة من ناحية الحقوق و المواطنة. لكن تخبط المجلس العسكري سياسيا هو الذي اوصلنا لما نحن فيه..انتخابات بين احزاب غير متكافئة, انتخابات في اجواء احتقان طائفي, انتخابات يشوبها عدم النزاهة و اخيرا المجلس العسكري حيصطدم بالاغلبية.

بالنسبة للتيار الاسلامي فانا لست ضد حزب الحرية و العدالة . انا فقط ضد اللعب على وتر الدين او استغلال حاجة الاخرين تحت مسمي عمل الخير لان الخير حسابه عند ربنا مش تحت قبة المجلس و اخيرا لان الخير لازم يكون للكل مش للمسلم بس. و بالتالي انا ضد اي حزب يعمل كدة بقول تاني اي حزب.

احترم راي الدكتور ياسر في ترشيحه لحزب النور فهو اختيار عن قناعة. لكن بالمقابل في اصوات كتير اوي اخدها الحزب بالترهيب او بالتشويه او باللعب على وتر الدين..يعني اولا عندنا في بلدنا شوفت مؤتمر للحريه و العدالة اما النور فكانت منابر الجوامع هي منابره و لم اري مؤتمر شعبي واحد. الترهيب و كمثال شوف الاخ بدء كلامه مع المذيع ازاي و كمان حصل مع البقال اللي قدامنا لما سالني (حنتخب مين و بالنقابل سالته قالي اي حد غير النور . دة من يومين واحد جالي و قالي انت بتبيع سجاير قلتله اه قالي متبعيش السجاير تاني هنا فرد عليه البقال و قاله ابقي تعالى انت و اديني 400 جنيه كل شهر بدالهم). طبعا الصيغة دي شفناها متكررة في تصريحات لكثير منهم على وسائل الاعلام زي تصريحات الشيخ عبد المنعم الشحات و اللي اعتقد كانت السبب الرئيسي في نتجة الاعادة و تصريحات ياسر برهامي وعن تكفير المسحيين و تصريحات د/ عادل العزازي عن ان الديمقراطية هي كفر بالله ( و هي الديمقراطية التي اتت بهم لصناديق الاقتراع).

اخيرا يبقي ان الانظمة الديكتاتورية السابقة ستبقي المسئولة عن التجريف الثقافي و السياسي و المعيشي للمصريين و كنتيجة لذلك انهار الانتماء الوطني و حل محله الانتماء الديني.

الخلاصة ارفض شراء الاصوات بزجاجة زيت و كيسين سكر.

انما لو كانت فخدة ضاني ....يبقي فيه كلام تاني...تحياتي

[ابو محمود]

الكنترول هيبلغ حضرتك أقرب منفذ لاستلام السكر و الزيت بتوعك .. و شكرا لحسن تعاونكم معنا

يارب يخليك يا يا أستاذ عادل بس بسرعة عشان التموين عندنا مقصر و لو كمان 2 بكو من شاى العروسة يبقى تمام التمام :)

اللي انا اعرفة ان الاحزاب ذات التوجة الاسلامى بتفرق عبوات زيت ماركة البركة وشاي ماركة الشيخ الشريب

احنا اسفين يا دكتور دة اللي موجود عندنا حاليآ ممكن تقبل بس فى اثناء الأدلاء بالاصوات لكن ممكن اوصف لك ناس بتفرق وجبات كنتاكى وهبر لحمة ودة مشكوك في انة مش مكتوب علية طريقة الذبح ههههههههههههههههههههههههههههههه

[raouf]

الكنترول هيبلغ حضرتك أقرب منفذ لاستلام السكر و الزيت بتوعك .. و شكرا لحسن تعاونكم معنا

يارب يخليك يا يا أستاذ عادل بس بسرعة عشان التموين عندنا مقصر و لو كمان 2 بكو من شاى العروسة يبقى تمام التمام :)

اشمعنى شاى العروسة يا دكتور ياسر ؟

ليبتون ما ينفعش ؟

;) :P ;)

[عادل أبو عمر]

الكنترول هيبلغ حضرتك أقرب منفذ لاستلام السكر و الزيت بتوعك .. و شكرا لحسن تعاونكم معنا

يارب يخليك يا يا أستاذ عادل بس بسرعة عشان التموين عندنا مقصر و لو كمان 2 بكو من شاى العروسة يبقى تمام التمام :)

اشمعنى شاى العروسة يا دكتور ياسر ؟

ليبتون ما ينفعش ؟

;) :P ;)

وهنا أخونا رؤوف لفت نظرنا لحاجة تاهت عننا

و كان لازم نوجه سؤال مباشر للدكتور ياسر

السؤال بيقول : علل

ما هي العلاقة بين شاي ( العروسة ) واخدلي بالك .. و الموضوع التاني بتاع السيكوسيكو

[Alshiekh]

ما هي العلاقة بين شاي ( العروسة ) واخدلي بالك .. و الموضوع التاني بتاع السيكوسيكو

طيب استر على أخوك ، لازم الصياح ده يعني

انت كده عملت له مشكلة.

حاتحلها ازاي بقى؟

أقول لك ، هو مش قصده شاي العروسة

هو يقصد شاي " العرسة ، بس انت عارف الواو والتاء المربوطة لازقين في بعض فانكتبت عروسة غصب عنه وخلي الطابق مستور