اذهب إلى المحتوى
محاورات المصريين

فوقواااااااااااااا ........... يرحمكم الله


pink rose

Recommended Posts

يوم الانتخابات كنت في غاية الفرحة و السعادة

لاني حاسة انها ان شاء الله هاتكون اول خطوة في اننا نكون بلد متحضرة

بس للاسف تقريبا الفرحة دايما مش بتدوم

بعد ما خلصوا يومين الانتخابات و بدأ الشغل بقى على النت

حاجه مش قادرة اصدقها بجد

هي دي الناس اللي كانت واقفة في الطوابير سوا لا تعرف مين فيهم

سلفي و لا ليبرالي و لا اخوان و لا علماني و لا الناس العادية اللي مالهاش توجه

هي دي الناس اللي كانت واقفة غنى فقير متوسط الحال

اتقلب المشهد الجميل اللي شوفناه لحرب خايبة

كل واحد ماشي يشتم و يتكلم على التاني

مالكم ما انتوا كنتوا كويسين

خير حصلكم ايه ما انتوش طايقين بعض ليه؟

كل او اغلب اصحابي على الفيس شغالين على نغمة واحدة صب كل اللعنات على التيار الاسلامي

انا خايفة يطلع التيار الاسلامي هو السبب في حرب فيتنام و احنا ما نعرفش

ارجوكم ارجوكم ارجعوا لعقلكم و لموا بعض

حابوا على بعض لاننا في الاول و الاخر مالناش غير بعض

احلى تعليق قريته على الفيس هانقله ليكم هنا

يا ريت لو حد لقى نفسه من ضمن المذكورين يراجع نفسه قبل فوات الاوان

عشان المرارة اللي قربت تنفجر بسبب المتخندقين المتعصبين الذين لا يرون إلا عبر نظارتهم الضيقة فقط لازم نقول كلمتين :

لو حضرتك عايز تنكمش في الغيبوبة بتاعتك و تصدق خيالات إن الإخوان كانوا في السفينة الفضائية 80سنة و أول ما الثورة نجحت نطوا عليها و فازوا في البرلمان لأنهم سحروا دماغ الناس بإشعاع فضائي ، فهذا حقك لكن لا تنتظر من أحد أن يحترم رأيك و لا أن يقبل تفكيرك .

و لو حضرتك عايش جوه الكهف و مش طايق تشوف بنت مش محجبة و لا مسيحيين و مقتنع إن الليبراليين هيخلعوا الحجاب عن والدتك ، فهذا حقك أيضا ، لكن لا تنتظر منا أن نأبه به أو حتي نسمعه . آه نصيحة : أرجو أن تأخذ الست الوالدة معاك علي الكهف قبل ماحد يقلعها الحجاب .

و لو حضرتك قررت إنك تبقي عنصري يحتقر السلفيين ، و شايف إنهم كالعملاق المتخلف عقليا لازم يتم عزله في حلقات الدروشة و المتاحف الإعلامية فقط ، عشان أونكل عادل إمام يلاقي حد يتريق عليه في أفلامه و يجعل منه مادة سخرية ، و مش قادر تتقبل أنهم يدخلوا العمل السياسي و يبدأوا يتعلموا و يختلطوا بالناس ، فهذا حقك لكن لا تغضب حين نطلب لك شرطة مكافحة العنصرية .

و لو حضرتك عايش خيالات الجهاد الأعظم بأنك تنقلب علي آلية تداول السلطة لتحكم حكما أبديا يمكنك من تطهير مصر من الفاسقين و الكفار و أصحاب الديانات الأخري لما توصل البرلمان ، فهذا حقك و لكن لا تبكي حين تجد نفسك مسحولا علي نقالة العسكر ، و بتنفذ أحلامك في السجن الحربي ، و ستكتشف ساعتها أن معركتنا كانت مع الاستبداد و العسكر مش مع الكفار و الأقباط .

من الآخر كده ، هي دي مصر ، فيها كل الأطياف و الأشكال و مش مطلوب إننا نبقي شبه بعض و لا بنفس التفكير و الاجتهاد . و إما أن نتعلم العيش معا و إما سنفني معا كالأغبياء

تم تعديل بواسطة pink rose
رابط هذا التعليق
شارك

انا متاكد ان في ناس كتير ستقرأ هذا الاقتباس ، وهناك كثيرين بالفعل يعلمون ان ما يحدث. من تخوين وتشويه للفكر المخالف هو امر قد يأتي بنتائج عكسية وي

ويؤثر بطريقة سلبية على المجتمع ولكن المشكلة ليست في القراة لكن المشكلة في ان هناك. اناس قد ختم على قلوبهم واصبحوا لا يرون الا انفسهم

ومبارك ابسط مثال على ذلك فطالما الشعب تحدث وتكلم وترجاه وتصحه لكنه ختم على قلبه ومات ضميره

ومعظم وزراؤه ومستشاريه ورجاله واصدقائه ساروا على نهجه ولم يفهموا !!! لان الضمير مات والقلب والعقل ختم عليهم

هذه هي المصيبة .... ربنا يستر ويهدي

7looo.comd8cb1a261f.gif

مشكلتهم ليست في الدستور اولا ..ولا في نسبة اعضاء اللجنة التأسيسية ولا في كفاءة المرشح الرئاسي.!!!! كل مشكلتهم هي لا...لكل ما هو اسلامي أولا ، وثانيا ، وثالثا ً، فهم لا يرضون الا بأن يروا كل الاحزاب الاسلامية خلف اسوار السجون..!!

رابط هذا التعليق
شارك

لو لم يكن هناك صراع على هذه الاصوات من التيار الديني

وتشويه لبقية التيارات أمامهم

ما كنت رأيت ما رأيت

على فكرة كل الشباب التحرير لا يستغربون النتيجة

ولا يهتمون بها أصلا كما نهتم هنا

بصراحة كل يوم بتعلم منهم

عندك مثلا نوارة بتقول

يا رب مقاعد المجلس تبقى قد مقاعد الاستاد وتاخدوها كلها اهو ممدوح شاهين قالكم بلوها واشربوا ميتها

3124851553_1_3_fhGx3Ju9.jpg

رابط هذا التعليق
شارك

لو لم يكن هناك صراع على هذه الاصوات من التيار الديني

وتشويه لبقية التيارات أمامهم

ما كنت رأيت ما رأيت

على فكرة كل الشباب التحرير لا يستغربون النتيجة

ولا يهتمون بها أصلا كما نهتم هنا

بصراحة كل يوم بتعلم منهم

عندك مثلا نوارة بتقول

يا رب مقاعد المجلس تبقى قد مقاعد الاستاد وتاخدوها كلها اهو ممدوح شاهين قالكم بلوها واشربوا ميتها

مصر ليست ميدان تحرير او عباسية مصر اكبر من كدة

بس لما مصر تنادى شرفاءها انجدونى يبقى الشرفاء لازم ينزلو زى ما نزلو مع الشباب وعملو ثورة اتحفت العالم ... الفارق كبير جدآ بين من يبنى ومن يريد الهدم لمجرد انة فاشل

لا تقلق من تدابير البشر، فأقصى ما يستطيعون فعله معك هو تنفيذ إرادة الله .

رابط هذا التعليق
شارك

بس معلشى ماح صلش ان حد من الاسلاميين انتقد احد او هاجم احد

حتى المهاجمين والمنتقدين دول من صدمتهم بصراحة .. ماهو كان النجاح صادم بصراحة

تقوله فى تزوير فى الانتخابات دى ...يقولك لأ .. طب فى ايه

مش هى الديمقراطية وصناديق الاقتراع والكلام الكبير ده اللى فلقونا بيه

تم تعديل بواسطة engmido
﴿ قال رسول الله صلى الله عليه وسلم
كلمتان خفيفتان على اللسان ثقيلتان فى الميزان حبيبتان الى الرحمن


24556918.jpg

nX0pp2.png
رابط هذا التعليق
شارك

انا مصرية مسلمة يعنى غصبا عنكم تيار اسلامى تفكيرى ليبرالى متعاطفة جدا مع حقوق الاقباط و متعايشة مع السلف

انا لا اخوان و لا سلف و لا ليبراليه علمانية انا مصرية\

و نفسى الكل يبطل يهاجم اساسا محدش ينجح بالتشويه لان ده بيقى نجاح فاشل فترته قصيرة الناس مصيرها تقوم و تفهم انك شوهت الحقيقة و نصبت عليها عشان تنجح

بيتحب مصر كفا ية لوم و تقريع و هيا الى العمل

الاخوان انتم مش عمليين يلا الى البرلمان

الليبراليين يلا فيه دستور و ادمغة فاضية لازم تتملى و تتعلم تناقش و تحاور

الاقباط محدش يتنازل عن حقه

السلف ...................

احنا مش السعودية عايزين نبقى احسن منها ممكن

رابط هذا التعليق
شارك

الانتخابات دي كانت لازم فعلا تتعمل في معادها

عشان كانت الناس بقت قلوبها على بعضها من تاني وروح الثورة رجعت لاجسادهم

فكده الناس بقت ميت فل واربعتاشر .... اتفرقو واتخانقو .. والله يرحم الشهيد

قال الله تعالى في حديث قدسي

( أنا عند ظن عبدي بي فليظن بي ما شاء........... )

نستطيع تغيير حياتنا بهذا الحديث من الان

مع الأخذ بالأسباب............

رابط هذا التعليق
شارك

انا ضد الاحكام المسبقه و تعميمها خصوصا لما يكون التواصل بين الطرفين ضعيف او شبه معدوم وبقول دايما لو حصل خير يبقى كذا ولو حصل شر يبقى كذا وده ردي في كل المداخلات تقريبا ,,

الشطاره انك تفتح قنوات اتصال مع مخالفيك وبعد كده تقرر ان كنت حتحبه او حترفضه ,,

المجد لولادك المخلصين ...

رابط هذا التعليق
شارك

الصراحة موضوع كويس

رغم إن حزبك أطحن في معركة الإستقطاب و دفع الثمن غالي

عموما أنا هأعمل زيكم و أكتب موضوع تحليلي عن الإنتخابات

بس هأكتبه من واقع التجربة الحقيقية في الإنتخابات

03zjkty10.jpg

رابط هذا التعليق
شارك

بسم الله الرحمن الرحيم

لا ننكر ان نتيجة الانتخابات كانت تقريبا غير متوقعة في اغلبها ولكن ما رأيناه في التلفاز وما قرأناه في الصحف هو الطاظمة الكبري ؛سرعان ما اشعلوها حربا ضروس بين فئات المجتمع وكأننا قبائل متفرقة آتية من الشتات -لا سمح الله-

فعلا مشهد الطوابير والاقدام على الانتخابات مفرح ستظل الذاكرة تختذنه الى ما لا نهايةوالنتيجه لا يمكن ان تكون صعبه:اولا نحن لم نجرب الفائزين من قبل ولا نعلم يقينا كيفية تناولهم شئون الدولة

ثانيا الشباب الذي ثار من قبل ووجود ميادين التحرير في كافة مدن الحروسه يبعث على الإطمئنان

ة محسن

أي ان لا دستور سوف يكتب دون رضا الشعب ولا قرار يرفض من قبلنا سوف ينفذالمارد خرج من القمقم ومحال ان يعود اليه الحين.

لكن ما يزعجني ما شاهدته بعد النتخاب مباشرة :

شوادرامام المدارس (انا اسكن بين ثلاث مدارس ) بها ناس من حزب معين وورق الدعايه واخذ الذاهبين ودفعهم دفعا لإختيار مرشحين بعينهم.

سمعت من ناس ثقة ولا اشك في قولهم سيده بسيطة من -عزبةمحسن _عندما سألتها هل ذهبت الى الانتخابهم ؟قالت بكل بساطه وعفوية :لا لقد جمعوا البطاقات منا وراحواهما

اكثر فهما من ابيس قالت لقد طلبوها مني ولم اوافق

لذا لا اريد ان اطفيء مصباح العرس الإنتخابي وعفا الله عن ما سلف يجب ان تتلاشى هذه الاخطاء فيما بعد.

سومه

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...