اذهب الي المحتوي
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

الإنترنت و الأمراض النفسية


Recommended Posts

لا أحد ينكر مزايا شبكة المعلومات الدولية "الانترنت" فى سهولة البحث عن المعلومات و التواصل بين أشخاص يعيشون فى بلدان بعيدة.

فمثلا نحن هنا فى محاورات المصريين قد كونا علاقات صداقة و ودد قوية بين الأعضاء و بعض... ومنهم من أصبحت صداقتهم حميمة... ثم أدى الأمر أننا خرجنامن وراء الشاشات للقاءات على أرض الواقع.

ولكن للإنترنت مساوئ عديدة (غير فاتورة التليفون)... منها أنها تؤدى إلى نوع من الإدمان لاستخدامها... فنجد الشخص يهمل كل شئون حياته ويتفرغ للاتصال بالشبكة..

ويقال أن هذا النوع من الإدمان يؤدى غالبا إلى الاكتئاب و تقطيع روابط العلاقات الواقعية مثل الأسرية و الصداقات وخلافه.

هل ثبت أن هناك أمراضا يتسبب فيها إدمان الإنترنت مثل الاكتئاب مثلا؟؟

هل تؤدى الحياة فى عالمين منفصلين أحدهما فى الواقع و الأخر خلف الشاشة لنوع من الفصام؟؟

أفيدونا أفادكم الله...

:angry:

رابط المشاركه
شارك

الموضوع ده جميل جدا

فعلا انا من الناس اللى عندهم ادمان للنت بشكل فظييييييع

ويمكن ده زاد قوى بعد اما ركبت ال ADSL

وممكن مخرجش مع اصحابى وافضل قاعد ع النت بالساعات

انا من ساعة اما ركبت خدمة ال ADSL وانا مبتفرجش ع الدش نهائيااااااااا

بس مش عارف هل ده له اضرار ولا لا ؟؟

رابط المشاركه
شارك

أعتقد

أن طول الجلوس أمام الشاشة لمتابعة المواقع على الإنترنت يؤدى الى اجهاد العين وجفافها وربما ضعف البصر

هذا عدا مشاكل العمود الفقرى من كثرة الجلوس منتبها وعلى وضع واحد وخاصة الفقرات القطنية

وهذا ما لاحظته على الأقل

أما الأعراض النفسية فهى فعلا الميل الى تقصير مقابلة الغير والتكلم معه سواء هذا الغير ضيف أو من العائلة والأهل

رابط المشاركه
شارك

نعمممممممممم :angry: هذا صحيح الى حد بعيد

خاصة فى البدايه .. ويمكن ان يكون تاثيره اكبر على الناس ذوى الميول الانطوائيه او الغير اجتماعيين .. فيكون النت متنفس لهم للاندماج بحريه بالطريقه التى يحبونها فى الوقت الذى يختاروه

ورغم ان هذا يكون شئ مبهر فى بدائة التعامل مع النت الا انه له آثار سيئه جدا اذا وصلت بالانسان الى الاستغناء عن حياته الحقيقيه من اجل حياه اخرى .. لن اقول انها مزيفه وانما غير حقيقيه .. ليس لان اطرافها يريدون خداع بعضهم البعض وانما لان النت عالم غير مكتمل لا تسمح بما يسمح به التعامل الحقيقى من معرفه كامله للاشخاص و الناس على حقيقتهم دون زواق .. وهذا قد يؤدى بالبعض الى الشعور بالصدمه عند ظهور الاشياء و الاشخاص على حقيقتهم ..

على الجانب الآخر النت لها فوائد عظيمه .. يكفى اننا من خلال موقع مثل المحاورات يتسنى لنا ان نتحدث فى امور قبل ان تناقشها وسائل الاعلام نفسها .. وهذا يتيح لنا فيما بعد ان نناقشها مع اصدقائنا و معارفنا بصوره افضل .. وده شئ مفيد و جميل ..

رابط المشاركه
شارك

انتى يا كليو فتحتى موضوع كان شاغل تفكيرى من مدة .... أنا أصبحت بقضى وقت كتير جدا أمام الكمبيوتر .... و بالتحديد فى الأنترنت .... و بالذات منذ أشتركت فى المحاورات .... ( منذ ييجى ستة أشهر )

ما علينا من تعب نتيجة كثرة الجلوس فى وضع واحد , و أجهاد العين ....

و لكن تواصلى مع الأخرين , أقصد المحيطين بى قد أختصر بشكل كبير ...

طبعا ده بيختلف من شخص لأخر

لكن بالنسبة لى المحاورات أصبحت نوع من الأدمان ...

أصبح وقت فراغى غير كافى لأشباع نهمى لقراءة كامل المداخلات و كتابة تعليقات .. و بالذات حينما تتحقق رؤيتنا للأحداث ..... و تثبت الأيام أننا هنا كنا على حق و على صواب ... و أننا نتحلى بشجاعة يفتقدها الأخرون ....

ونمت و تكونت بيننا روابط و مشاعر أكثر بكثير من علاقاتنا بأناس نراهم كل يوم و نتواصل معهم فى الحياة...

خروج أفكارى من محبسها ليقرأها و يتفاعل معها أخرون هى قيمة فى حد ذاتها غير متوافرة بأى طريقة أخرى ....

لست من المؤمنين بصدمة عدم توافق الأفكار و الرؤى مع الأنسان الحقيقى فى شكلة المادى ... سوف تتوافق الصورة الفكرية مع الشكل المادى بلا أى تعارض و بدون الحاجة لأى زواق مع هذا التقارب و المعايشة اليومية ..

يمكن تخاريف .... لكن ده اللى أنا حاسس بيه

  • أعجبني 1
رابط المشاركه
شارك

إبنتى العزيزة كيلوبطة

لقد أحسنتى صنعاً بفتح هذا الموضوع الهام حتى نتمكن نحن المتخصصون من توضيح الأضرار الناجمة عن الجلوس لفترات طويلة أمام الإنترنت :angry: .... فبالإضافة لما تفضل به الأخوة والأخوات أحب أن أنبه وأدق ناقوس الخطر أن طول الجلوس فى وضع واحد على المقعد أمام الشاشة يضعف البصر ويفتر الهمة ويقلل النخوة ويقطع الخلف ويسبب الصداع وارتفاع الضغط والبول السكرى وأبو سمرة السكرة وشكراً stnd:: ......

حشيش

أديب ومفكر

رابط المشاركه
شارك
نعمممممممممم stnd:: هذا صحيح الى حد بعيد

خاصة فى البدايه .. ويمكن ان يكون تاثيره اكبر على الناس ذوى الميول الانطوائيه او الغير اجتماعيين .. فيكون النت متنفس لهم للاندماج بحريه بالطريقه التى يحبونها فى الوقت الذى يختاروه

..

ايه ده

هو ده بالزبط

عرفتى منين :angry:

رابط المشاركه
شارك
.... و بالذات منذ أشتركت فى المحاورات ....

نفس الحكاية

وده بردو انا شايف انه له سبب شخصى بالنسبة لى

وهو انى هنا بلاقى ناس بتربطنى بيهم افكار مشتركة او بيتكلمو فى حاجات انا بكون بدور على حد اناقشه فيها او بكون محتاج اني اعرف اراء الناس حول موضوعات معينة وانى اتناقش معاهم واستفيد منهم وده صعب جدااااا انى الاقيه بين الشباب اللى فى سني فى الواقع

لانى فشلت فى الواقع انى الاقى حد يفكر معاية فى اللى بفكر فيه وانى اتناقش مع حد فى الموضوعات اللى بفكر فيها فلقيت المحاورات والنت عموما متنفس ليه وبيحل لى المشكلة اللى عندى

ومشتكرين جدا ومنجلكمش فى حاجة وحشة ابداااا :angry:

تم تعديل بواسطة mohamed
رابط المشاركه
شارك

بالفعل مرت على كل الأعراض التىشكوتكم كلكم منها..

وأظن أننا بما أننا منتبهين لها، فقد يكون خطرها علينا محدودا وخاصة أننا نعتبر إلى حد كبير أسوياء..

ولكن كل ما شكونا منه جميعا هو أمراض اجتماعية.. يعنى الفتور فى العلاقات الواقعية أو الانطوائية وهكذا..

أنا أتحدث عن أمراااااض نفسيةقد تكون خطيرة على الشخص أو المحيطين به.. مثل الاكتئاب الشديد المرضى، أو الفصام مثلا، أو او ما نسميه أحلام اليقظة أو "الحياة فى الوهم".

مسلمة مصرية.... أبو حلاوة... إلحقونا هنا..!!! lo::

رابط المشاركه
شارك

الموضوع ده يعاني منه الجميع ، و له درجات تصل الى الانطواء و التوحد و الاكتئاب ، و انصح الجميع على تنمية نشاطاتهم العادية من تنزه و التعرض للشمس و ترك العادات المرتبطة بالكومبيوتر كي لا تتفاقم حالتكم ..

انا مدمن كمبيوتر بدرجة كبيرة و اعيش حياة Vertual (مش عارف ليها وصف دقيق بالعربي) و معناها اني بدل ما اتصل باصحابي اعيد عليهم ابعث لهم ايميل و بدل ما افتح التليفزيون اول ما اوصل البيت .. افتح الكمبيوتر ، و بدل ما اجيب جرائد بأقراهم على النت .. و بما اني طفشان بره مصر ، فحياتي الاجتماعية ضعيفة جداً على عكس حياتي ال Vertual مليانه بالاصدقاء ال Vertual : براسلهم و اكلمهم ..

اما الموسيقى ، فلا اسمعها الا على الكمبيوتر ..

لو وصلتم الحالة دي يبقى اكيد عندكم اكتئاب .....زيي !!!

جربوا الامتحان ده و شوفوا كده عندكم قد ايه من "الملل الرقمي" او ال E BORE :

يا ترى كم منكم يعيش حياة Vertual زيَ ؟؟

و بمناسبة ال Vertual : في هونج كونج قررت شركة عمل تجربة جديدة : Vertual Girl Friend او الخليلة الاليكترونية و هي عبارة عن خدمة على الموبيل للرجال فقط - كبداية - و يقوم المشترك بأختيار ال Girl Friend اللي تعجبه و و يختار صفاتها و بالهداية و الزهور و طبعاً كله بحسابه ...

http://news.bbc.co.uk/2/hi/asia-pacific/3591856.stm

اتمنى انى ما اوصلش للحالة دي و لا اتمنهاها لأحد ..

الحقوا نفسكم !

رابط المشاركه
شارك

أقتباس : كليو كتبت

أنا أتحدث عن أمراااااض نفسيةقد تكون خطيرة على الشخص أو المحيطين به.. مثل الاكتئاب الشديد المرضى، أو الفصام مثلا، أو او ما نسميه أحلام اليقظة أو "الحياة فى الوهم".

هى ممكن توصل لكدا rs:

طب لو الواحد يقدر يبتدى ينسحب من النت واحدة واحدة ..... ممكن يعرف ؟؟؟ lo::

فى حل تانى ..... احنا نتفق مع الأستاذ عادل أبو زيد يقفل الموقع يومين فى الأسبوع ..... جمعة وسبت مثلا , أو خميس و جمعة .... brth)

كدا نرجع فرش و عندنا أشتياق للكتابة و القراءة .... rs:

أجازة العيد الأسرة اشترطت على ان نذهب الى الأسكندرية .... الشرط الثانى أن نترك اللاب توب فى القاهرة .. lo::

رابط المشاركه
شارك
انا مدمن كمبيوتر بدرجة كبيرة و اعيش حياة Vertual (مش عارف ليها وصف دقيق بالعربي) و معناها اني بدل ما اتصل باصحابي اعيد عليهم ابعث لهم ايميل و بدل ما افتح التليفزيون اول ما اوصل البيت .. افتح الكمبيوتر ، و بدل ما اجيب جرائد بأقراهم على النت .. و بما اني طفشان بره مصر ، فحياتي الاجتماعية ضعيفة جداً على عكس حياتي ال Vertual مليانه بالاصدقاء ال Vertual : براسلهم و اكلمهم ..

اما الموسيقى ، فلا اسمعها الا على الكمبيوتر ..

لو وصلتم الحالة دي يبقى اكيد عندكم اكتئاب .....زيي !!!

انا بعيش بنفس الطريقة دى تقريبا رغم انى مش متغرب ولا حاجة

الجرائد

الموسيقى

التواصل مع الاصدقاء

وايضا اول اما بدخل البيت او اصحى من النوم بجرى ع الكمبيوتر

lo:: brth)

والسبب فى ده هو فشلى الذريع فى العلاقات الاجتماعية lo::

بس حالة الاكتئاب دى بتروح وتيجى

ساعة تروح وساعة تيجى rs:

بس بقى فى نقطة تانية عاوز اقولها وانا بعانى منهاوكذلك كتير من الناس اللى اعرفهم

ان الواحد بيتكلم مع الناس اللى يعرفهم من خلال الشات بطريقة طبيعية جداااااا بس لما بيتقابلو فى الحقيقة مبيبقوش كده خااااااالص

وانا هنا بتكلم عن الناس اللى ليها سابق معرفة ببعض

يعنى مثلا زمايلى فى الكلية بنتكلم ع النت كتير جدا وواخدين على بعض جدا بس من خلال النت فقط

لو شفنا بعض فى الحقيقة ممكن نحلق لبعض ومنسلمش ولا كأننا نعرف بعض !!!!!!!!!!!! rs:

رابط المشاركه
شارك

الموضوع يحتاج إلى بحث و ليكن على الإنترنت و بالتأكيد هناك معلومات مفصلة عن التأثيرات السلبية للإنترنت.

من قراءاتى أستطيع القول أن الخطر يأتى من الظلام أو من التواصل مع الآخرين فى السر تماما مثل الحياة العادية.

معظم الأخطاء التى قرأت عنها تأتى من إقامة علاقة شخصية خاصة (مثل الشات) مع شخص مجهول على الإنترنت و عندئذ يخضع للإبتزاز أو الإقتناع بأفكار غريبة أو قد يشارك فى جريمة ما !.

و أيضا نستطيع إضافة التعامل مع المواد الإباحية من ضمن أخطار الإنترنت.

الجانب الإيجابى أرى أن الإنترنت هى الحل الأمثل للتواصل و الإنخراط فى الحياة العامة و قد عرضت أن تتم الممارسة الحزبية من خلال الإنترنت بطريقة شبيهة لمحاورات المصريين حيث يستطيع الناشطين المشاركة فى الوقت الملائم بالنسبة لهم ... و كلنا نعرف مدى الجهد المطلوب حتى لدعوة أعضاء إتحاد الملاك للإجتماع لمناقشة مسائل متعلقة بالصيانة.

و أكرر عبارتى الإفتتاحية أن الموضوع فى حاجة إلى بحث.

رابط المشاركه
شارك

انا مدمن كمبيوتر بدرجة كبيرة و اعيش حياة Vertual (مش عارف ليها وصف دقيق بالعربي) و معناها اني بدل ما اتصل باصحابي اعيد عليهم ابعث لهم ايميل و بدل ما افتح التليفزيون اول ما اوصل البيت .. افتح الكمبيوتر ، و بدل ما اجيب جرائد بأقراهم على النت .. و بما اني طفشان بره مصر ، فحياتي الاجتماعية ضعيفة جداً على عكس حياتي ال Vertual مليانه بالاصدقاء ال Vertual : براسلهم و اكلمهم ..

اما الموسيقى ، فلا اسمعها الا على الكمبيوتر ..

لو وصلتم الحالة دي يبقى اكيد عندكم اكتئاب .....زيي !!!

انا بعيش بنفس الطريقة دى تقريبا رغم انى مش متغرب ولا حاجة

اهلاً يا زُمُل !!!

و اضح ان اخرتنا Vertual Girl Friend !!!!

و بمناسبة ال Vertual : في هونج كونج قررت شركة عمل تجربة جديدة : Vertual Girl Friend او الخليلة الاليكترونية و هي عبارة عن خدمة على الموبيل للرجال فقط - كبداية - و يقوم المشترك بأختيار ال Girl Friend اللي تعجبه و و يختار صفاتها و بالهداية و الزهور و طبعاً كله بحسابه ...

http://news.bbc.co.uk/2/hi/asia-pacific/3591856.stm

انا حزرتك lo::

تم تعديل بواسطة Tafshan
رابط المشاركه
شارك
نعمممممممممم :P هذا صحيح الى حد بعيد

خاصة فى البدايه .. ويمكن ان يكون تاثيره اكبر على الناس ذوى الميول الانطوائيه او الغير اجتماعيين .. فيكون النت متنفس لهم للاندماج بحريه بالطريقه التى يحبونها فى الوقت الذى يختاروه

..

ايه ده

هو ده بالزبط

عرفتى منين cl:

ربما لانى مررت بهذه الحاله جدا .. الادمان ثم العلاج الاجبارى و اعراض الانسحاب :D

انا بدات الدخول على النت عام 98

كنت فى البدايه خيبه جدا جدا و اقصى ما اعرفه هو ان افتح الميل بتاعى

اشتركت فى موقع تعارف وصداقات كان عامله زملائى حيث كنت ادرس ..

النت فى هذا الوقت كانت مثل مصباح علاء الدين .. السحرى الذى يريك العالم كله وانت جالس فى مكانك !! يمكنك من الحديث مع ناس لا يمكن ان تراهم او تلتقى بهم فى الحياه

وكما يحدث للكثيرين اصبحت النت ادمان بالنسبة لى .. حتى بعد ان بدات اشتغل .. كان فعلا يوم سيئ جدا هذا اليوم الذى تتعطل فيه الانترنت فى مكان العمل حيث انه لم يكن لدى وصله فى البيت .. وكان اكثر شئ يزعجنى تعطل برامج التشات وعلى راسها ICQ .. ييييه كانت ايام وحشه جدا .. ثم حدثت مشاكل قرر بعدها مكان العمل اغلاق كل برامج التشات بلا استثناء ..

كان فعلا شئ يشبه الادمان الذى تجد نفسك فجاه مضطر للعلاج منه .. الحمد لله الامور اتظبطت معى بعد فتره .. الظريف انى اما انتقلت لمكان جديد به فرصه للتشات كنت مثل من يشاهد مدخنا بعد فتره من الامتناع عن التدخين و يتخوف من الاندماج معه خوفا من العوده مره اخرى .. لكن من وقتها الانترنت و الارتباط بها اصبح نوعا ما تحت السيطره

من كتاب "تجربتى مع الادمان" تاليف فيروز نعمان

رابط المشاركه
شارك

هو النت فعلا ادمان :P

بس ممكن السيطرة عليه

انا ابتديت النت والمنتديات منذ فترة طويلة جدا

وكان اول شيئ اعمله عندما استيقظ افتح الكمبيوتر

وعندما ادخل البيت حتى قبل ان اكل افتح الكمبيوتر cl:

بمرور الوقت تعودت ان ابتعد عن النت حتى وصل بي الامر لان يكون الكمبيوتر امامي بالايام ولا افكر حتى في فتحه

هييييييييييييييه اياااااااااااااااااااام

:D

رابط المشاركه
شارك

لاحظت في مصر بالذات ان النت عامل زي مغارة علي بابا

ممكن تلاقي كلللللللللللل حاجا واي حاجا

وهيا ادمان ومدعى للأكتئاب

اتذكر واحدا زميلتي من ع النت والدها اتوفى

تاني يوم وفاته قالتلي بالحرف

انا بضرب نفسي مييييييييييييييت ضربة لآن والدي كان يوقلي يا بنتي سيبي النت وتعالي اقعدي معايا وانا اقوله حاضر لكن النت تاخدني و الوقت يضيع لحد ما يدخل ينام

لو كنت اعرف انه ها يتوفى كنت سبت النتتتتتتت خالص وقعدت معاه rs:

الجمله دي اثرت فيا جدااااااااا

لآن دا موقف بيتكرر مع ناس كتييييير جدا منا

ممكن اهلهم يكونوا جنبهم نقوم نسيبهمونقعد ع النت لآشباع رغباتنا الخاصة

سواء من علم او ثقافة او حتى تحاور

الشعب المصري يعز الرغغغغغغي اووووووي

لو قعدت مع شخص واحد ها ترغي ساعة ساعتين بالكتير والكلام ها يخلص لآنه طرفين بعقلين بس

انما في النت في 876347863876 شخص و 784673846 عقل يعني الحوار ممكن يمتد لألاف الساعات..دي فكرة رقم 1

فكرة 2

لاحظت ان اييييييييييي انسان عنده مشكلة عاطفية ما يجري على النت لتعويض "النقص" اللي عنده

على اعتبارها وسيلة شرعية

شفت ستات متجوزين كتير لكن اجوازهم مش مدينهم حقهم من المشاعر و الكلام العاطفي ف تلجأ للنت عشان تعمل شات مع كذا واحد يسمعوها كلام حلو يشبع رغبتها كأنثى تبحث عن من يعطيها مشاعر حب

على اعتبار انها مجرد حروف وهما بعيد عن بعض فهي وسيلة امنة اجتماعيا ونوعا ما مش غلط الكلام دا " في نظرهم"

نفس الكلام ينطبق على رجل متزوج مراته مش عاجباه او مهملاه او حتى عينه زايغه

صحيح الموضوع ممكن يتطور ويقعوا في المحظور

انما البداية بتكون زي ما قلت

فكرة رقم 3 بقى

دول الناس ال مثيرين للشفقة

ودول شفت منهم كتيييييييييير اووووووي

ناس تدعي انها متشردة او اهلهم مطلقين او انهم مرضى سرطان او او او ايييييييييي حاجا

لمجرد انهم عاوزين حد يطبطب عليهم ويقولهم يا حراااااااام

معلش حبايبي ربنا معاكوا احنا جنبكم

ودول بيصعبوا عليا اوي الصراحا

لانهم غالبا بيكونوا ضحايا لاسرتهم اللي مهملة الأهتمام بيهم

او ضحايا لآفكار مرضية داخلهم هما شخصيا وبيكونوا بجد محتاجين مساعدة

ف النت هنا في مصر استخدامها الأعظم بيكون شااااااااات وتفريغ شحناااااااااااااااااااات (حلو بيت الشعر دا :D )

رابط المشاركه
شارك

اسمحولي اشارك معاكم ف الموضوع المهم ده...

انا برضه زي ناس كتير مريت بتجربة ادمان النت او بالاصح ادمان منتديات للحوار ..كنت عضو في احد المنتديات المصريه لمدة 3 سنين تقريبا و كانت علاقتنا انا و اصدقائي هناك قويه و متينه جدا ولازالت الحمد لله ..

كنت اول ما باجي الشغل ادخل المنتدي اشوف الردود الجديده و اعلق عليها .. و بعد الشاي اجي اشوف يمكن حد رد على الردود بتاعتي .. و بعد كده اعمل حاجه ف الشغل و بعدين اقول ..اه كده فات وقت كتير اكيد ف يمليون رد .. و بعد شويه ارجع ابص تاني.. وقبل مااروح ابص تاني .. :rolleyes:

لحد ما المنتدى اتقفل خالص .. فعلا كنت متدايقه جدا و مخنوقه

و كأن حاجه مهمه ناقصاني .. برغم اني لازلت على اتصال بنفس الاصدقاء بس برضه المنتدى و النت و الحياه اللي كنا بنعيشها لحد ما قربنا من بعض جدا ليها طعم تاني ..

الحمد لله انا تقريبا دلوقتي خفيت خلاص من الادمان ده وكانت اول حاجه اعملها اني بعد ما سمعت عن المنتدى هنا " حوارات المصرين " اشتركت معاكم و قريبا جدا هتلاقوا كل اصدقائي من المنتدى القديم بقوااعضاء معانا هنا ..

علشان نرجع تاني للادمان القديم .. :)

و بالمناسبه .. اسمحولي اسجل اعجابي بمنتداكم هنا و اوعدكم انكم تتعرفوا على مجموعه متميوه جدا من الاعضاء الجدد..

رابط المشاركه
شارك
لا أحد ينكر مزايا شبكة المعلومات الدولية "الانترنت" فى سهولة البحث عن المعلومات و التواصل بين أشخاص يعيشون فى بلدان بعيدة.

فمثلا نحن هنا فى محاورات المصريين قد كونا علاقات صداقة و ودد قوية بين الأعضاء و بعض... ومنهم من أصبحت صداقتهم حميمة... ثم أدى الأمر أننا خرجنامن وراء الشاشات للقاءات على أرض الواقع.

ولكن للإنترنت مساوئ عديدة (غير فاتورة التليفون)... منها أنها تؤدى إلى نوع من الإدمان لاستخدامها... فنجد الشخص يهمل كل شئون حياته ويتفرغ للاتصال بالشبكة..

ويقال أن هذا النوع من الإدمان يؤدى غالبا إلى الاكتئاب و تقطيع روابط العلاقات الواقعية مثل الأسرية و الصداقات وخلافه.

هل ثبت أن هناك أمراضا يتسبب فيها إدمان الإنترنت مثل الاكتئاب مثلا؟؟

هل تؤدى الحياة فى عالمين منفصلين أحدهما فى الواقع و الأخر خلف الشاشة لنوع من الفصام؟؟

أفيدونا أفادكم الله...

:rolleyes:

كليو

بعد التحية

علي فكرة عايز اوضحلك حاجه يمكن تكون غايبة عنك

(( عالم النت مش عالم خيالي ولا عالم الاحلام و الاوهام زي مسيادتك بتقولي ))

دة عالم واقعي هوا و الواقع حاجه واحدة .

و كون أنه بيلهي الفرد عن حياته و عن أسرته دي بتكون فروق فردية بين شخص و الأخر

و الشخص اللي يهمل كل شئوون حياته و يقعد على النت دة شخص أصلا غير سوى ممكن اي حاجة تانية تلهيه لو مافيش نت اصلا . (( و فيه منهم كتير :D ))

رابط المشاركه
شارك

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.

سجل دخولك الان
  • محاورات مشابهه

    • القول الفصل في وصفات العلاج على الإنترنت

      تتعدد الوصفات العلاجية على الانترنت و تتفاوت هذه الوصفات من علاج الصداع و تصل لعلاج الأمراض المزمنة مثل السرطان بأنواعه و تقدم هذه الوصفات عادة مسبوقة بأسماء رنانة ، وكثيرا ما ترتكن هذه الوصفات إلى نظرية المؤامرة التي تحيكها شركات الأدوية التي تعمل على حجب وصفات بلدي تغني عن الأدوية غالية الثمن.  و قبل ظهور الانترنت. كان هناك المجلات الطبية مثل مجلة الدكتور… الاصل و الصح ان تلجأ للطبيب من أجل النصيحة الطبية … عدا ذلك فلا تؤمن عقباه .

      في استشارات طبية و نفسية

    • هل العلاج النفسي عن طريق الإنترنت مجدي ؟

      برلين- د ب أ  نشر فى : الثلاثاء 16 يناير 2018 - 10:21 ص | آخر تحديث : الثلاثاء 16 يناير 2018 - 10:21 ص يزدهر سوق العلاج النفسي عبر الإنترنت في السنوات الأخيرة، ولكن هل مثل هذه الوسائل تجدي نفعا؟ يقدم مستوصف شوين الخاص، والذي له أفرع في ألمانيا وبريطانيا، برنامجا تجريبيا يسمى «مايند دوك MindDoc»، ويمكن العثور على هذه المنصة العلاجية الموجودة منذ أوائل ديسمبر الماضي عبر الإنترنت، ويتطلب الانضمام إلى البرنامج مقابلة شخصية. يقول برنارد باكس، رئيس برنامج «مايند دوك» إنه بإمكان

      في مختارات من الصحف

    • دواء ال Arcalion لتحسين الذاكرة و الحالة النفسية

      سمعت عن هذا الدواء و انه مفيد في حالات ضعف الذاكرة  و التوذتر و اظنه من فصيلة فيتامين ب ، و هو يباع بدون روشتة. ترى هل ممكن تفيدونا بتجربتكم   هل فعلا في يفيد في حالة ملاحظة ضعف الذاكرة  - الضعف العادي و ليس الزهايمر مثلا

      في استشارات طبية و نفسية

    • موقع خدمات السجل المدني على الإنترنت

      https://cso.gov.eg/NetServices من هذا الموقع يمكنك التواصل و الحصول على الخدمات الإليكترونية من وزارة الداخلية  توصيل حتى باب البيت. تابع الموقع يتم إضافة خدمات جديدة بين الحين و الآخر.

      في خدمات عامة

    • قوانين "ترويض" الإنترنت حق للوطن و المجتمعات

      الإنترنت  أو الشبكة العنكبوتية إنجاز كبير للعلم ننعم به جميعا ، و لكن  لكن كبيرة جدا تم إستغلالها في كل ما هو رديئ بدءأ من إرتياد و تطوير المواقع الإباحية حتى تخطيط و تنفيذ الجرائم الخسيسة بدءا من تجارة و توزيع المخدرات حتى قتل و إغتيال النساء و الأطفال و هم صائمون و يصلون. و ترسخت تقاليد في العالم الغربي بعناوين براقة مثل حرية التعبير و حقوق الإنسان و ضرورة حماية الخصوصية و في بلادنا هناك  الحرج الشديد من مجرد الإقتراب من هذه القيم  ... أذكر في حوار مع السيد منير فخري عبدالنور منذ سنوات طو

      في مختارات من الصحف

×
×
  • اضف...