اذهب إلى المحتوى
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

صور محطة مصر بعد التجديد تحففففففففففففففففففففففففففففه


se_ Elsyed
 مشاركة

Recommended Posts

قام وزير النقل بأفتتاح محطة مصر ( باب الحديد ) أمس بعد تجديدات وصلت تكلفتها إلى 170 مليون جنية

بصراحة أنا أنبهرت من الشياكة والعراقة بصراحة

ومن المعروف إن سكة حديد مصر هي ثاني اقدم سكة حديد في العالم

306454_219361884797026_136134886453060_586189_1822272273_n.jpg

310171_219361974797017_136134886453060_586191_818289905_n.jpg

297526_219361754797039_136134886453060_586185_969333399_n.jpg

رابط هذا التعليق
شارك

بس ...

أصل

يعني

إيه فايدة إني أصرف مبلغ ضخم زي ده .. وبعد كده أستخسر وأوفر ولا أتعاقد مه شركة نظافة متحرمة بحيث احاسبها حساب الملكين لو قصرت .. وكمان أتعاقد مع شركة امن خاصة بدل العساكر الغلابة اللي بيقفوا عديمي الحيلة هناك

فبالتالي الصرح الجميل ده محتاج إدارة قوية وحازمة ... ونسيبنا بقى من الإستجداء ونداءات العطف وإن دي حاجه جميلة وملكنا كلنا ولازم نحافظ عليها .... معليش الكلام ده مش بياكل معايا انا شخصياً

لابد ان تكون هناك عقوبات مشددة لكل واحد يتعمد يسيء لهذا المكان ويستهبل ويرمي مخلفات او قاذورات أو حتى يدخن بداخله ....

ولابد ان يكون هناك تشديد على ظاهرة الباعة الجائلين المنتشرين في المحطات والمسيئة لمنظر مصر

ولابد ان تكون هناك خطة للاهتمام بالقطارات ونظافتها وامانها ... يا فرحتي عندي محطة حلوه قوي قوي .. لكن واقف فيها قطار تحس إنه قطار نقل مواشي مش نقل بني أدمين

خصوصاً لما نعرف إن القطارات بتنقل يومياً حوالي 4 مليون راكب

ومع ذلك هيئة السكة الحديد بتقول إنها بتخسر مبالغ فادحة .... طبعاً من السرقة والاهمال واللامبالاة

والله يعوض علينا في مليارات الرخصة التالتة للمحمول اللي مبارك وكلابه سرقوها على حس تطوير السكة الحديد ولا شوفنا تطوير ولا نيلة على دماغه

رابط هذا التعليق
شارك

إيه فايدة إني أصرف مبلغ ضخم زي ده .. وبعد كده أستخسر وأوفر ولا أتعاقد مه شركة نظافة متحرمة بحيث احاسبها حساب الملكين لو قصرت .. وكمان أتعاقد مع شركة امن خاصة بدل العساكر الغلابة اللي بيقفوا عديمي الحيلة هناك

كده انت جبت الخلاصة

كل حاجة بتبدأ حلوة ومبهرة وبيضيعها الاهمال

رابط هذا التعليق
شارك

استنى كده عليها اسبوع و انت تلاقى الرخام الحلو ده مخلوع من مكانه و الحيطه عليها شخابيط على رأى الحاجه الفاضله نانسى عجرم شخبط شخايط و هتلاقى الحراميه فكوا ال يقدروا يفكوه ....

على العموم بلاش نبص لنص الكوبايه الفاضى خلينا متفائلين شويه نقول كده انها هتصمد نضيفه قد شهر كده مش اسبوع......

رابط هذا التعليق
شارك

استنى كده عليها اسبوع و انت تلاقى الرخام الحلو ده مخلوع من مكانه و الحيطه عليها شخابيط على رأى الحاجه الفاضله نانسى عجرم شخبط شخايط و هتلاقى الحراميه فكوا ال يقدروا يفكوه ....

على العموم بلاش نبص لنص الكوبايه الفاضى خلينا متفائلين شويه نقول كده انها هتصمد نضيفه قد شهر كده مش اسبوع......

يعني إنتي راجعه بعد فترة غياب يا ام ليلى عشان تعقديني في حياتي وتخليني أشرب صبغة يود ؟

موشكرين يا ستي .. ولعلمك ... إكسبريس طنطا مش هايطلع النهاردة

رابط هذا التعليق
شارك

حاجة تحفة بصراحة..أنا كل ما كنت أعدي عليها في آخر أجازتين ألاقيهم لسه شغالين..لحد ما افتكرت انهم هيوقفوا الشغل فيها خلاص..

تسلم إيدك يا ريس

و فعلا زي ما انت قلت..لازم يكون فيه عقود نظافة محترمة..وإلزامية..بس لازم معاها كمان حاجة مهمة..وهي تجديد القطارات نفسها..

مش لازم دلوقتي يعني..بس مفيش مانع ان كل كام شهر يغيروا قطر من الموجودين دلوقتي..بصراحة القطارات الموجودة دلوقتي عاوزة ضرب النار..و تقريبا كل القطارات ما عدا الدرجة الأولي و المكيفة..مافيهاش حاجة اسمها حمامات..الحمامات فيها تحولت لمكان عادي جدا الناس بتهرب فيه من الزحمة اللي موجودة في القطر..ولما كنت أعدي عليه و أنا بتنقل بين العربيات..كنت ألاقي الناس واقفة تشكي همومها لبعض هناك..و تقريبا مافيش باب للحمام ده كمان..وده بيخلي العلاقات الاجتماعية تزيد..لأن اللي جوه واقف بيرغي مع اللي بره و الحياة ميت فل..

رابط هذا التعليق
شارك

تحفة معمارية بالفعل , وشىء يسعدنا جدا وأحسنت الحكومة فيه

المهم أن يتم الحفاظ على الوجه الحضاري للمبنى , فنحن في مصر كما قال الأخوة قبلي تنقصنا ثقافة ( خدمة ما بعد البيع ) إن جاز لي التعبير

فهذا المبنى يحتاج لصيانة دورية , ويحتاج لشركة نظافة على أعلى مستوى للإهتمام به

ومهم جدا أيضا اللمسات الأخيرة لهذا الإنجاز , فنحن في مصر ينقصنا ( الفنش ) , يعني غير منطقي بعد هذا التجديد المبهر أن نجد الموظفين في الداخل يديرون المكان بنفس العقلية الروتينية البيروقراطية المتبلدة التي كانت موجودة قبل التجديد , نتمنى أن يتم الإستعانة بموظفين جدد لهذا المبنى سواء في الإستعلامات أو في حجز التذاكر أو في التفتيش أو أو إلخ يكونون من الشباب المتعلم والمثقف ويتميز بالأناقة فى المظهر واللباقة في الكلام.

تم تعديل بواسطة ابراهيم عبد العزيز
رابط هذا التعليق
شارك

فعلا تحفة معمارية

لكن مش حتركب خالص مع القطارات المخلعة بتاعتهم و لا حتى مع شكل الديزيلات العتيقة

هو احنا شاطرين بس فى الديكورات ... لكن الحاجة اللى حتريح الناس ... طز فيها

كنت اتمنى يتصرف نص المبلغ فى التجديد و النصف الاخر فى قطارات احدث و توفير عناصر الامان لها على طول الخطوط

تحياتى

رابط هذا التعليق
شارك

املي ان الناس ( حتستحرم ) تبهدل الروعه دي كلها

غير كده والله يبقى خساره فينا

رابط هذا التعليق
شارك

ماشاء الله

دي محطة مصر اللي في رمسيس بتاعتنا دي ؟؟؟

بجد جميلة جداً وتوووحفة جامدة

بس ماينفعش خالص تبقى بالروعة دي والاقي القطارات اللي داخلة فيها من ايام احمس مخلعة ومتربة وحالتها حالة

وماينفعش برده انها تكون تحفة معمارية عصرية وحصرية وقطار الساعة 10 المتجه الي اي حتة يطلع 10.5 او القطار المتوقع وصوله في تمام ال 12 يوصل في تمام 1

دي فخامة بتحملهم مسئولية كبيرة جدا...... يارب يكونوا ادها ويارب نحافظ عليها

رابط هذا التعليق
شارك

الإدارة يا جماعة زي ما بنقول مليون مره مش معناها إنك بتخترع العجلة من أول وجديد او بتخترع .. لأ

الإدارة هي الثواب والعقاب وإسناد الأمر لأهله

عشان كده عشان أي مشروع أو فكرة تنجح يبقى لازم تبقى هناك إدارة محترمة ... وهناك مُساءلة .. وده للأسف وبأقول للأسف دور مجلس الشعب اللي المفروض يبقى محترم

يعني الـ 500 عضو بتوع مجلس الشعب المفروض إنهم يقراوا زينا كده ... وبالتالي لما يعرفوا إن تجديد المحطة إتكلف 170 مليون جنيه .. يبقى أكتب ده في ورقة وأحتفظ به .. وأجي بعد 6 شهور مثلاً وأنا كنائب عن الشعب أزور المحطة .. ولو وجدت اي تقصير او تخريب .. يبقى من حقي أشنق وزير النقل ورئيس هيئة السكة الحديد

بالإضافة إلى إن عضو مجلس الشعب اللي لا يشعر بالشعب ويكتفي بركوب المرسيدس ووجود حراسة حوله في الرايحه والجاية وما فيش في مره يغلط ويركب قطار عادي مش مكيف ويشوف العذابات اللي بيتعرض لها الملايين يومياً .. يبقى لا يستحق أن يكون متحدثاً بإسم الشعب

هل تعلمون أيها السادة إن جميع تذاكر .. واخدين بالكم جميع تذاكر السكك الحديد خلصت قبل إجازات العيد الكبير بأسبوعين ؟؟؟

يعني عذاب ما بعده عذاب للناس اللي عاوزه تسافر من القاهرة وتروح تعيد مع أهلها

وبالتالي مطلوب تطوير دائم لهذه المؤسسة الحيوية في البلد

ومطلوب كما نطالب دائماً عقول إدارية غير تقليدية .. يعني تقدر تعمل من الفسيخ شربات ... وتجيب القرش من الهوا ( بالحلال طبعاً )

يعني دلوقت إتعمل مول كبير في المحطة ... طب فيها إيه لما نعمل كمان كذا كوفي شوب شيك ... ومطاعم ( والف فرنشايز عندنا يتمنوا كده ) ونعمل محلات او بارتيشن صغيرة كتيرة ونأجرها .... ونعمل حمامات كتيرة نظيفة وأدمية .... ونعمل مكاتب تأجير سيارات ... ومكاتب ممثلة للفنادق ... ومكتبات ... إلخ

كل ده سيدر دخل وربح على الدولة .. بس أبوس طراطيف صوابعهم نبعد عن إدارة الدولة لمثل هذه الأفكار ... يعني نكتفي إن الأفكار دي تُطرح في مزادات علنية وشفافة ... وبشروط جزائية وبمدد محددة .

رابط هذا التعليق
شارك

كنت اتمنى ان نهتم بعقول البشر اكثر مما نهتم بالحجر

ولكن للاسف

يعني مش فلوس تطوير شكلها كانت اتصرفت على شراء او تطوير نظام يقلل من الحوادث او تطوير الخدمة

وماذا عن باقي المحطات ولا لأن دي محطة العاصمة وعلشان السياح ينبسطوا

ربنا يهدي

رابط هذا التعليق
شارك

انشئ حساب جديد او قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة

×
×
  • أضف...