ظهور السيدة العذراء بين الحقيقة والخيال

[د هشام ابراهيم]

صراحة برضه مستغرب من الموضوع ده ...تاني موضوع أدخله النهارده و القاني مش فاهم فيه إيه

السادة و السيدات الأفاضل صراحة لا أجد معني لمناقشة حقيقة ظهور السيدة مريم ما دمنا رضينا ألا نمس الأديان أو المعتقدات

صبرا قليلا و دعني اشرح وجهة نظري و رزقي علي الله

السيدة مريم العذراء ليها مكانة خاصة في قلوبنا جميعا و كرمها الاسلام بما لا يدعي مكان للشك في علو مقامها عن نساء الأرض جميعا لا خلاف علي ذلك ......

- لكن مكانتها أيضا في المسيحية خاصة جدا فهي أعلي من كل القديسين و الملائكة علي حد فهمي كما انها لها أن تشفع للمؤمنين ..... تجلي السيدة مريم اعترفت به الكنيسة الكاثوليكية كما اعترفت بها الكنيسة الأرثوذكسية سابقا و جميعنا نعلم الدور التي تلعبه الكنيسة في حياة اتباعها

- البابا شنودة ...أعلي سلطة دينية في البطريركية المرقصية أيضا آمن علي ظهورها .....جميعنا نعلم قدسية رجال الدين و الكهنوت في العقيدة المسيحية

أنا شخصيا لا أعتقد و لا أصدق بظهور السيدة مريم و لكن هذا لا يعطيني الحق في التهكم علي معتقدات الغير أو وصفها باي صفة سلبية

نقطة براجماتية بحتة ...لو كان أكتر المشتركين مقتنعين حقا بان الموضوع كله لعبة لالهائنا عن الأحداث الجارية فمن الواضح اننا جميعا وقعنا في الفخ

تحياتي للجميع

[جيمي]

نقطة براجماتية بحتة ...لو كان أكتر المشتركين مقتنعين حقا بان الموضوع كله لعبة لالهائنا عن الأحداث الجارية فمن الواضح اننا جميعا وقعنا في الفخ

وده اللى انا مستغرب له .. انا متاكد ان كل المشتركين فاهمين الخدعه .. مش قصدي طبعا ظهور السيده العدرا او عدمه ... الخدعه الاكبر يا ساده .. والعجيب ان الكل استشهد بتاريخ نظام حكم العسكر فى اختراعهم الحيل والاكاذيب وتضليل الغلابه .. واللى انا حزين واسف عليه .. بعض الردود من اخوه افاضل كنت احسبهم يبادلو بعضهم مشاعر المحبه والاقيهم فجاه وكان فى احقاد دفينه .. وحزين من سرعة استفزاز المشاعر .. ناحية الشقاق والخصام .. اكتر من استفزازها ناحية الاصلاح ... وشوف مثلا عدد القراءات لموضوع مندثر حاليا زي .. ايه اللى يخليني اختار البرادعي رئيسا لمصر ... او موضوع زي قائمه باسماء المرشحين لرئاسة مصر وبين عدد القراءات لموضوع زي ده .. كان راي عضو فاضل زي سكوربيون او التونسي او احمد سيف .... وكلهم من عقلاء الوسطيه ... كفيلا بانهاء المساله ... ساعتها تعرف بس باننا شعب يسهل تضليله

[ابو محمود]

مادخل الدين او قدسية العقيدة فيما هو يناقش هنا ؟؟؟

جميعنا لابد ان نتفق على ان السيد كاتب الموضوع لم يشر الى العقائد او التدخل فى معتقد ما ...

لكننا جميعآ لابد ان نحترم العقل البشرى ونحن فى الالفية الثالثة كيف نترك عقولنا مغيبة يتحكم بها بعضآ من الناس ؟؟

رغم اسلامى فأنا لا أرضى ان يهان او تهان عقيدة للأخر كما لا أرضى ان تهان عقيدتى ؟

اما النقاش حول التخلف والسحر والضحك على البسطاء بالموالد والكرامات فنحن كعقلاء ومثقفين نأبى ان يكون بيننا من يرعى التخلف والرجوع الى الجهل فى اثبات نظريتة او معتقدة ايآ كان مسلم او مسيحى او يهودى

العلاقة بين العقائد تحفظها علاقاتنا العاقلة نعم نختلف فى تطبيق كيف نعبد الله عز وجل فمنا من يؤمن بالله ومنا دون ذلك فهى حرية كانت لزامآ على كل مسلم يؤمن بوجود الخالق الذى اتاح لكل البشر ان تشرق عليهم انوارة فمنهم من اقتبس من نورة ومنهم من يحرم نفسة من فيض عطاءة

الجميع لابد ان يناقش كيفية الخروج من مأذق التخلف الذى اتى بمصر الى سبنسة قطار التقدم ومن المرجح ان هناك سر دفين أدى الى تلك الاحداث ...

مصر التى يتاجر بها الجميع من الرياضيين والمنتفعين والسياسيين حتى اهلها تعلمو النفاق والكذب وتصديق الخرافات وعدم الاحتكام للعقل والمنطق رغم ان معظم اهلها متدينين ؟؟

وجاءت حادثة كظهور السيدة العظيمة مريم لتعرفنا حقيقة انفسنا وكيف اننا كثير منا خاوية عقولهم ..

ولو سألنا انفسنا لماذا هذا الضجيج لاكتشفنا اننا نكرة مريم حتى نتخذها لعبة ولهو ...

النقاش فى موضوع يمس العقيدة شيء والنقاش والبحث فى تصديق الاحلام والظواهر شيء اخر وكيف بالله عليكم نناقش شيء لم نراة ثابتآ او ظاهرآ الا وهج من نور وكم تمنيت ان تكون مريم ؟؟

ياسادة الان مصر لا تحتاج الى ظهور مريم او اى شيء لة قدسية عظيمة ...فمصر تحتاج ان نكون جميعآ مثل مريم والمسيح ابنها علية السلام وكسائر انبياء الله عليهم الصلاة والسلام

ان نكد ونعمل ولا نترك مصرنا جميعآ تغرق فى فساد جميعنا مسؤل عنة ياسادة ان مصر ملكآ لنا جميعآ اكنا مسلمين او مسيحيين الجميع تكالب عليها اما هارب منها او مفسد فيها انها تغرق ونحن نبحث لها عن طوق نجاة فوجدناة فى ظهور لا يفيد و لايشفى من جوع

اعزائى المسلمين والمسيحيين مصركم مريضة ومرضت بكم وانتم من يقدر على شفائها مصر تنزف دمآ وتكاد تقول لكم انى مشرفة على الموت كمدآ لقد خذلتموها وتركتو الجهل يعشش على ربوعها داخل العقول والامية سوس ينبش فى جسدها والفساد والانحلال يخنق رئتيها فحكمو عقولكم جميعآ فلسنا فى سراع الا مع الجهل والتخلف الذى اصابنا

[Alshiekh]

اليكم بعضا من التجليات والمعجزات حول العالم

أضعها أمامكم بدون تعليق

[arora]

صراحة برضه مستغرب من الموضوع ده ...تاني موضوع أدخله النهارده و القاني مش فاهم فيه إيه

السادة و السيدات الأفاضل صراحة لا أجد معني لمناقشة حقيقة ظهور السيدة مريم ما دمنا رضينا ألا نمس الأديان أو المعتقدات

صبرا قليلا و دعني اشرح وجهة نظري و رزقي علي الله

السيدة مريم العذراء ليها مكانة خاصة في قلوبنا جميعا و كرمها الاسلام بما لا يدعي مكان للشك في علو مقامها عن نساء الأرض جميعا لا خلاف علي ذلك ......

- لكن مكانتها أيضا في المسيحية خاصة جدا فهي أعلي من كل القديسين و الملائكة علي حد فهمي كما انها لها أن تشفع للمؤمنين ..... تجلي السيدة مريم اعترفت به الكنيسة الكاثوليكية كما اعترفت بها الكنيسة الأرثوذكسية سابقا و جميعنا نعلم الدور التي تلعبه الكنيسة في حياة اتباعها

- البابا شنودة ...أعلي سلطة دينية في البطريركية المرقصية أيضا آمن علي ظهورها .....جميعنا نعلم قدسية رجال الدين و الكهنوت في العقيدة المسيحية

أنا شخصيا لا أعتقد و لا أصدق بظهور السيدة مريم و لكن هذا لا يعطيني الحق في التهكم علي معتقدات الغير أو وصفها باي صفة سلبية

نقطة براجماتية بحتة ...لو كان أكتر المشتركين مقتنعين حقا بان الموضوع كله لعبة لالهائنا عن الأحداث الجارية فمن الواضح اننا جميعا وقعنا في الفخ

تحياتي للجميع

هو ده كلام الناس العاقلة

طالما لم نتتدخل فى شؤونكم ونناقش اى شىء يخصكم

ولم يتم فتح اى موضوع بواسطة اى مسيحى لمناقشة اى شىء من الامور الاسلامية

فمن اللائق المعاملة بالمثل

ولا انتم صلحتم كل شىء فى البلد

ومافضلكمش غير المسيحيين اللى تاعبكم قوى انهم بيشوفوا العدرا

لم نطلب منكم التصديق او التأييد فموقفكم معروف

لكن الاتهامات بالتخلف والرجعية وتنصيب انفسكم قضاة علينا

ليس له اى مبرر

وعجبى

[Alshiekh]

وإليكم المزيد من التجليات والمعجزات حول العالم

أضعها أمامكم بدون تعليق

[Alshiekh]

وإليكم المزيد من التجليات والمعجزات حول العالم

أضعها أمامكم بدون تعليق

[Nassarlink]

نقطة نظام يا جماعة .. نهدي اللعب شوية و نرجع لفكرة الموضوع نفسها ... لأننا كده دخلنا في طريق غلط مش مفيد ابدآ ...

وحتي لا يدخل الموضوع في طريق غلط

كان المفروض اللي يفتح الموضوع ده هو أنت Scorpion

وتعرّف الناس انك مسيحي وتبحث عن الحقيقه

وفي نفس الوقت في باب شئون مسيحيه

ولك الحريه في تسميه الموضع بلاسم اللذي تريده

واعتقد انك كنت هتسميه تجلي العذراء بين الحقيقه و خيال

وكنت هتشوف ساعتها مشاركات اقوي من كده من المسيحيين

وكان كل واحد عنده رأي كان هيقوله بدون شعور بالسخريه من حد

او رفع درجه الاحتقان بالشكل ده

بدل ما احنا عمالين نلف في دائره مغلقه

اعذرني اني قطعت كلامك

نصّار

[se_ Elsyed]

ماشى يا سيدى احنا ناس مدروشة وبنؤمن بحاجات محصلتش

انتم زعلانين ليه؟؟؟؟؟؟؟

ايه اللى تاعبكم بس

حد داس لكم على طرف

احنا افعالنا هبلة (ومتشكرين عليها بالمناسبة )

مالكم انتم ؟؟

ايه اللى انتم عايزينه

حد ضركم فى حاجة

اللى عاوز يصدق اهلا وسهلا مش عاوز براحتك محدش غصبك

عارفه اللي تاعبني إيه بجد ؟

نغمة إنتم .... وإحنا

كم مرة في الأستاد اثناء متابعة مباراة لفريقنا .... 100.000 مشاهد علي استعداد علي القسم و باقتناع تام صادق ان ما شاهدوه كان فاول مليون في الميه .... و لكن بعد انتهاء المباراة و الريبلاي نكتشف انه لم يكن فاول و لا يحزنون و لكن يبقي الأمر علي ما كان عليه هو فاول و خلاص ... لأن هذا هو فريقهم .. و لأنهم داخلهم يريدونه ان يكسب .. و رغبتهم العميقة تلك تصل الي درجة اقتناع جماعي بانهم رأوا شيئآ ربما لم يحدث بالفعل

حمد الله عالسلامه يا خويا .... اخيراً خرجت من المعتقل وجاي سخن علينا ؟

كنت فين لما انضربنا في يالجزاير ؟

حبيبي ابو كامل ..

وهل اقتناعي بالفاول أستطاع أن يُغير حقيقة إنه غير صحيح ؟

يعني لو شوفتها في الريل بتاع ده وعرفت إنه مش فاول .. اعيش في الوهم وأقول لأ فاول وهو كده وما حدش يقول لي معليش وسماح ؟

وإنت بنفسك أهو اشرت إلى إن الموضوع ممكن يكون تهيئه نفسيه لا اكثر وإن زي ما قلت لو طيارة عدت من فوق الكنيسة الكل هايهلل ويهيص ويقنع نفسه إنه ظهور

أنا شخصيا لا أعتقد و لا أصدق بظهور السيدة مريم و لكن هذا لا يعطيني الحق في التهكم علي معتقدات الغير أو وصفها باي صفة سلبية

يبقى انت ما قريتش الموضوع كويس يا دكتور

لإن للمره المليون بنعيد ونكرر إن ده ليس من صلب الديانة المسيحية ولكنه تهيؤات ..

واللي عنده غير كده بالدليل من الأنجيل والقرآن ... ياريت يعرضه بكل حب

أما إثارة سؤال من عينة : إنتو زعلانين ليه ؟

ايوه الأنسان صاحب العقل لازم يزعل لما يلاقي الاف - مسلمين ومسيحين بالمناسبة - منساقين وراء فكره لا تودي ولا تجيب ويتعلقوا بوهم مثل إن العذراء نزله لتخلصهم من الظلم ...

ويا ترى أنا اللي صح وكلللللللللللللل الالاف دي غلط ؟

ايوه غلط

والله بالصدفة لسه أول أمبارح متفرج على برنامج أعتقد على ديسكفري او ناشونال جيوجرافيك ... طبعاً دول ما يقصدوش يعرضوا البرنامج في هذا التوقيت ... يعني هي جت كده معاهم ....

الموضوع ببساطة ....... معبد هندوسي في الهند والاف مؤلفه واقفه طابور طووووووووووووووووووووويل ..

ليه ؟

عشان في تمثال صغير لبقرة .... صغير قوي ..لكنه تمثال معجزه ... آه والله . وكل واحد ماسك معلقه .. وفي ناس واقفه بتبيع لبن - سبوبه محترمه وانتعاشه لشركة حهينه - قدام المعبد يقوم مديله شويه في كسروله كده ... وييجي عليه الدور ... يشرب التمثال بالمعلقة اللي بيشرب بشراهه ...

الله أكبر ... أفرحي يا فوزيه ... البقرة بتحب الملهبية ...

ولما أسمع إن 3 مليون شيعي زاروا كربلاء امبارح عشان يعوروا نفسهم بالكرابيج والكلام ده في تلك المساخر ..

يبقى هما صح وأنا غلط ؟

لكن حاسب

هل يستطيع أي شخص ان يتحدث عن صلاة المسيحيين في الكنائس ... او الحج لبيت المقدس ... او صلاة المسلمين او حجهم .... وكلها من صلب العقيدة ..... ؟

طبعاً لأ

إنما نتحدث عن أشياء يرفضها العقل وليست من صلب أي دين وينساق وراءها الغلابة ... عشان كده كل الكنائس اللي حصل فيها الموضوع ده كانت في احياء شعبييه اهلها بيصدقوا أي حاجه حتى لو قولنا لهم في فراخ في الجمعية دلوقت ...

وعفواً

حتى لو رجل دين مهما كان إتكلم واكد .. يبقى من حقي اناقشة ..... كما قلت إن قبل ما أكتب الموضوع بيوم أستمعت بوداني وشوفت بعيني قسيس في المجلس الملي الأعلى بيؤكد وقرب يحلف بالطلاق ان السيدة العذراء بقى لها سنة كاملة ومازلت بتظهر للناس في البوسنة والهرسك ... بس مش طيف كده .. لا ده ظهور ظهور يعني .. بس الغريبة إنها ما بتظهرش كل يوم الا لأربع أشخاص بس ( الكوتا كده يعني )

هل هذا كلام يعدي بالساهل يا سادة يا عقلاء ؟

ويبقى المفروض لو أنا مسيحي أقول له آه أمين هي بتظهر فعلاً بقى لها سنه ورجعت للحياة تاني ؟

---------------

حتى النماذج التي ساقها العزيز محمد عن ظهور إسم الله على وددن طفل ... ولا سوري طيف من الأطياف في مؤخره معزه ...

إيه ده ؟

إيه اللي إحنا فيه ده

وهل الله يحتاج إلى مثل هذا لنؤمن بوجوده وقدرته ؟

وهل العذراء تحتاج إلى أن تكون حمامه او رسمه عشوائية على حلة طبيخ عشان نؤمن بطهارتها ومحبتها في قلوبنا ؟

وهل كل ثانية بنعيشها جميعاً هي مش معجزة من ربنا في حد ذاتها ؟

يكفي بس النفس اللي داخل وخارج مننا اللي لو اتكتم .. خلاص الأنسان مات ..

عفواً ..انا كصاحب عقل يؤمن بالله وملائكته ورسله .. لن أصمت ضد أي ممارسات جاهله مسلمه كانت ام مسيحية ....

[حسام يوسف]

أبوعمر سي السيد باشا

تحياتي لمداخلتك الأخيرة

وأحب أأكد على تألمى لنغمة احنا وأنتم

وخايف ان ييجي يوم نقول أغنية أم كلثوم بين المسلمين والمسيحيين اللى كان اعلام أنور بيجيبها فى معرض سلام مصر واسرائيل

"مهما كنا

ومهما كنتم

السلااااااااااااااااااااااااااااااااااااام"

الحاجة التانية المشاركة الرائعة للفاضل محمد الخاصة بدلائل وظهورات وأسماء الله على نباتات وشجر

لو تذكروا منها صورة لا اله الا الله محمد رسول الله

واللى رسمها فنان من ابداع خياله

وجات دار الاعتصام المسلمة المتطرفة وقالت فيلم كامل عليها ان قال غابة فى ألمانية الشجر خد فيها الشكل ده ولما أسلم ناس كتير

فالسطات الألمانية الحاقدة على الاسلام قفلت الغابة قدام الزوار خوفا من انتشار الاسلام

المفروض أننا ضد تغييب العقل فى أى ملة

ولسنا ضد ملة بعينها

صباحكو سكر

[se_ Elsyed]

نقطة نظام يا جماعة .. نهدي اللعب شوية و نرجع لفكرة الموضوع نفسها ... لأننا كده دخلنا في طريق غلط مش مفيد ابدآ ...

وحتي لا يدخل الموضوع في طريق غلط

كان المفروض اللي يفتح الموضوع ده هو أنت Scorpion

وتعرّف الناس انك مسيحي وتبحث عن الحقيقه

وفي نفس الوقت في باب شئون مسيحيه

عفواً يا نصار

يعني لو واحد لفت نظره موضوع مثل هذا .. ليس دينياً ولكنه موضوع ثقافي بحت ... يروح لاغي عقله او مسلفه لسكوربيون بصفته مسيحي ويقول له : فكر إنت بدالي عشان الحزازيات ؟

أبداً

مش هايحصل ...

---------------

في الإعتداء الاخير على احد الكنائس المسيحية العام الماضي واللي قام به مجموعة من الجهلاء بعد أستفزاز من بعض المسيحيين داخل الكنيسة اللي كانوا بيصروا على دق الأجراس أثناء أداء كل صلاة للمسلمين في المسجد الملاصق للكنيسة فحصل اللي حصل بمنتهى الجهل والعشوائية ...

قرأت تعليقات كتير ومنها منتدى او موقع مسيحي ... قرأت فيه عجب العجاب وعرفت ناس كتير بتفكر إزاي من عينة :

- أنا متأكد إن ماما العدرا مش هاتسيبنا وهاتنزل تنتقم منهم .

- هي حرب إتكتبت علينا ولازم نكملها

وعلى الجانب الاخر المسلم هناك جهلاء وكدابين زفه لا لهم في الدين ولا بيركعوها حتى وبينساقوا وراء الهيصه ..... لا ننكر هذا ..

اما دُعاة إن كل واحد يخليه في حاله ويشوف الخزعبلات بعينه ويسكت .... فهذا تفاقهم للازمة العقلية ... واللي بينادوا بكده .. لا يلومون إلا إنفسهم عندما تحدث تلك الكوارث الناتجه عن الجهل ...

[Nassarlink]

نقطة نظام يا جماعة .. نهدي اللعب شوية و نرجع لفكرة الموضوع نفسها ... لأننا كده دخلنا في طريق غلط مش مفيد ابدآ ...

وحتي لا يدخل الموضوع في طريق غلط

كان المفروض اللي يفتح الموضوع ده هو أنت Scorpion

وتعرّف الناس انك مسيحي وتبحث عن الحقيقه

وفي نفس الوقت في باب شئون مسيحيه

عفواً يا نصار

يعني لو واحد لفت نظره موضوع مثل هذا .. ليس دينياً ولكنه موضوع ثقافي بحت ... يروح لاغي عقله او مسلفه لسكوربيون بصفته مسيحي ويقول له : فكر إنت بدالي عشان الحزازيات ؟

أبداً

مش هايحصل ...

---------------

ما انا وضحت قبل كده وجهة نظري وقولت

مادام البابا شنوده قال رأيه في الموضوع ده وموافق عليه

يبقي الموضوع بقي ديني بحت وليس ثقافي بتاتا

تفرق في ايه بالنسبه ليك يا سي السيد وجود الظاهره دي في الانجيل او عدم وجوده

هو انت اصلا مؤمن باللي في الانجيل كله علشان تعترض علي عدم ذكر التجلي والظهور في الانجيل

طب ما واحد مسيحي بقي يجيلي ويقول لي ان صلات التسابيح بدعه علشان مش مذكوره في القرآن وانها وارده في حديث ضعيف او موضوع

نصّار

[حسام يوسف]

معلش يا نصار

مش كل ما يقوله البابا شنودة ندرجه تحت قداسة معتقدات دينية مسيحية

قال حاجات كتير قبل كدة وممكن جدا مسلمين ومسيحيين يختلفوا معاه فيها

[Nassarlink]

معلش يا نصار

مش كل ما يقوله البابا شنودة ندرجه تحت قداسة معتقدات دينية مسيحية

ده بالنسبه لي كمسلم

لكن بالنسبه للمسيحيين اعتقد ان الامر فيه اختلاف

ولو انا معترض علي ما يقوله البابا ممكن نبعتله رساله الي مسئول

أمال الباب ده الاداره فتحته ليه !

[عنبو]

Nassarlink مشاركة بتاريخ اليوم, 11:30 AM

مادام البابا شنوده قال رأيه في الموضوع ده وموافق عليه

يبقي الموضوع بقي ديني بحت وليس ثقافي بتاتا

والله الراجل ده بيقول كلام زى الفل وزى العسل

الله ينور ياباشا

ياجماعه الله يخليكم نفهم الاول عقيدة الغير وبعدين نتكلم معاهم علشان منجرحش حد

مينفعش اتكلم عن العقيده المسحيه بفهمى للعقيده الاسلاميه

ثانياً بجد لازم نفتح توبيك جديد على الحساسيه بين المسلمين والمسحين لان ده امر واقع بجد ويجب مناقشته بكل صراحه

شكراً

[الترجمـان]

ثانياً بجد لازم نفتح توبيك جديد على الحساسيه بين المسلمين والمسحين لان ده امر واقع بجد ويجب مناقشته بكل صراحه

بتفق مع دعوة الأخ محمد العنبي واتمنى ان تفكر إدارة الموقع بشكل جدي في إنشاء قسم خاص يتعلق بالشؤون المسيحية وتكون نافذه على اسلوب حياتهم بمنظور اوسع كما قال الأخ نصار ...

كما ارحب بالأخوه الذين انضموا حديثا

واتمنى ان يشاركونا حياتنا وحياتهم ويعطونا الفرصه في طوي تلك الصفحة من سوء الفهم ..

وكل عام وانتم بكل البخير والسعاده والطمأنينه....

[abaomar]

ثانياً بجد لازم نفتح توبيك جديد على الحساسيه بين المسلمين والمسحين لان ده امر واقع بجد ويجب مناقشته بكل صراحه

بتفق مع دعوة الأخ محمد العنبي واتمنى ان تفكر إدارة الموقع بشكل جدي في إنشاء قسم خاص يتعلق بالشؤون المسيحية وتكون نافذه على اسلوب حياتهم بمنظور اوسع كما قال الأخ نصار ...

كما ارحب بالأخوه الذين انضموا حديثا

واتمنى ان يشاركونا حياتنا وحياتهم ويعطونا الفرصه في طوي تلك الصفحة من سوء الفهم ..

وكل عام وانتم بكل البخير والسعاده والطمأنينه....

السلام عليكم

الاخوه الكرام جزاكم الله خيرا

.اخى الترجمان

بجد انا حزين على المنحى الذى اخذه الموضوع .

من البدايه و بعض زملاءنا المسيحيين يصر على ان مجرد مناقشه الموضوع يعتبر قدحا فى العقيده المسيحيه

و خصوصا ممن يتخذون العلمانيه شعارا و حريه الرأى منهجا ..

و اكد كل المشاركين على الجانب الاخر و خصوصا س س صاحب الموضوع على البعد عن العقيده و ما فيش فايده

(طالما جاب سيره دراع مرسى يبقى خلاص ) وش سعيد صالح فى المشاغبين ..

.

لا يا زملاءنا الاعزاء ما هكذا تورد الابل ..

الانكى من هذا اننا فى النهايه نتكلم عن حساسيه بين الطرفين ..

ما للمسلمين و هذا الموضوع ..هل المطلوب فقط ان نشاهد و لا نعلق ...هل هذه هى الحريه و الديمقراطيه المنشوده .

.

اخى الحبيب منذ اكثر من عامان كان لنا موضوعا رائعا بهذا الخصوص و كان كاتبه ايضا الاخ س س و تناقشنا فيه طويلا للوصول

الى اساب الفتنه و الحساسيه ارجو قراءته جيدا و ليعرف كل من الطرفين اين يقف .

http://www.egyptiantalks.org/invb/?showtopic=46679

تم تعديل 28 ديسمبر 2009 بواسطة abaomar

[أحمد سيف]

واتمنى ان تفكر إدارة الموقع بشكل جدي في إنشاء قسم خاص يتعلق بالشؤون المسيحية وتكون نافذه على اسلوب حياتهم بمنظور اوسع كما قال الأخ نصار ...

شخصيا لست متحمسا لوجود قسم للشؤون المسيحية في المنتدى ... وإلا فإننا سنكون مساهمين في تكريس حالة العزلة والانقسام بين الأعضاء ... المسلمين يكتبون في قسم هدى الإسلام والمسيحيين في قسم الشئون المسيحية ولا يقرأ طرف منهم للآخر.

بل وأدعو الى حذف باب هدى الإسلام لأن الكثيرين يعترضون على تناول الموضوعات الدينية من جانب غير المتخصصين ... وأرى أن يتم استبداله بقسم للحوار الأيديولوجي بين جميع الفرق والمدارس الفكرية دون أن يكون مقصورا على مرجعية معينة سواء كانت دينية أو غيرها ... يمكن أن يكون اسمه (أيدولوجيات وأفكار ونظريات) ... ما يميزه عن باب موضوعات جادة هو الابتعاد عن متابعة الأحداث اليومية والتركيز على القضايا الفكرية والفلسفية العامة.

مجرد رأي

[miramikhail]

أولا أنا علقت فى الأول خالص بس هى فية نقطة بس هى سبب المشكلة بالنسبة للأخوة المسلمين وهو أن الكنيسة الأورثوذكسية و الكنيسة الكثالوكية تؤمن بشفاعة القديسين أما الكنيسة البروتوستانتية فلا تعترف بذلك فدة من ضمن معتقدات الكنيسة الثابت لنا و عشان كده حصل الردود الشديدة دية.

أما موضوع أوربا و أمريكا بتريقوا فده كلام يمكن تفسيرة وده طبعا لأن معظم الأمريكان ينتمون للكنيسة البروتوستانتية و التى لا تؤمن بالقديسين ولا بوضع العذراء والكثير منهم بدون دين وده مش شتمه على فكرة عادى يعنى تسأل حد أنت أية يقولك نو ريلجين .

و يتبع

[myusername]

أولا أنا علقت فى الأول خالص بس هى فية نقطة بس هى سبب المشكلة بالنسبة للأخوة المسلمين وهو أن الكنيسة الأورثوذكسية و الكنيسة الكثالوكية تؤمن بشفاعة القديسين أما الكنيسة البروتوستانتية فلا تعترف بذلك فدة من ضمن معتقدات الكنيسة الثابت لنا و عشان كده حصل الردود الشديدة دية.

أما موضوع أوربا و أمريكا بتريقوا فده كلام يمكن تفسيرة وده طبعا لأن معظم الأمريكان ينتمون للكنيسة البروتوستانتية و التى لا تؤمن بالقديسين ولا بوضع العذراء والكثير منهم بدون دين وده مش شتمه على فكرة عادى يعنى تسأل حد أنت أية يقولك نو ريلجين .

و يتبع

سيدتى الفاضلة,

أحييك بشدة على قولك رأيك فى هذا الامر.. و توضيح ما لا نراه!

ربما كل ما نحتاجه هو بعض التوضيح..لا أكثر, و لا أقل.

تم تعديل 28 ديسمبر 2009 بواسطة myusername