اذهب الي المحتوي
ArabHosters
se_ Elsyed

ظهور السيدة العذراء بين الحقيقة والخيال

Recommended Posts

دا تعليق البابا شنودة على الموضوع

البابا شنودة يؤكد ظهور السيدة العذراء

الخميس، 24 ديسمبر 2009 - 13:24

البابا شنودة الثالث بابا الإسكندرية

كتب جمال جرجس ومنى نادر

أعلن البابا شنودة الثالث، بابا الإسكندرية، أمس الأربعاء فى عظته الأسبوعية الأولى عقب رحلة علاجه الأخيرة بالولايات المتحدة، أنَّ ظهور العذراء الأخيرة بكنيسة بالوراق حقيقة واضحة شاهدها الآلاف من المسلمين والمسيحيين أرثوذكس أو كاثوليك، وقال إن إنكار البعض لها لا يعنى أنها لم تتجلَ، مقرراً إصدار بيان رسمى عن الكنيسة خلال الأسبوع المقبل يؤكد ظهور العذراء.

وأضاف أنَّ العذراء اعتادت أن تتجلى أولاً للمسلمين ليحملوا راية التبشير بظهورها، وهو ما سبق وأن حدث فى الزيتون، وتكرر أيضاً فى الوراق حسب قوله، مشيراً إلى أنَّ المسلمين يمجدون العذراء ويقدسونها ربما أكثر من طوائف مسيحية أخرى.

واعتبر أن ظهور العذراء يعد تأكيداً على أنها هى التى تجمع بين قطبى الأمة فى الوقت التى تحاول فيه الأيادى المفسدة، على حد قوله، التفرقة بينهم، وأشاد بشهادة راعى كنيسة الدوبارة الإنجيلية عن حقيقة الظهور.

وأوضح "أقول لمن ينكرون الظهور من باب أنه لم تَرِد عنها إشارة بالإنجيل أنَّ الكتاب المقدس تحدَّث عن الأمور التى وقعت فى القرن الأول للمسيحية وعصر الرسل، أما الباقى فلم يذكره الإنجيل، لأنها جاءت بعد زمن كتابته"، لافتاً إلى وقوع الكثير من العجائب بعد نزول الكتب السماوية لم تذكرها هى، وإنما ذكرها التاريخ.

وشكر البابا اهتمام الإعلامى عمرو أديب بالقضية واحترامه لمعتقدات الأقباط أثناء تناوله لها، مشيرا إلى أنَّ الشخص الذى لا يؤمن بالعذراء ولا بشفاعتها فهى أيضاً تمنعه من رؤيتها، لأنه لا يستحق ذلك، أما العذراء فهى، على حد وصفه، حبيبة لنا وحبيبة لمصر، جاءت إليها أثناء طفولة المسيح وقضت ثلاث سنوات ونصف فهى، كما يقول، تشتاق لمصر بين الحين والآخر.

واختتم البابا عظته بتأكيده على الاستمرار شخصيا فى دراسة الظهور، وإعلان بيان رسمى صادر عنه شخصياً خلال هذا الأسبوع، أما جموع الشعب المسيحى فقال لهم "استمروا فى فرحكم وتهليلكم وإيمانكم".

بصراحه لا تعليق لى على تعليقه

لكن لا اخفى ايضا تعجبى مما لونته باللون الاحمر

و اترك لكم انتم التعليق

شارك هذه المشاركه


رابط المشاركه
شارك

تخلف تخلف تخلف , الناس دي بتفكر ازاي . انا ماقصدش طبعا اخواتنا المسيحيين لان فيه مسلمين كمان مصدقين الموضوع

انا زعلان عالمصريين والحال اللي اصبحوا فيه , هيحصل فينا ايه تاني اكتر من كده

شارك هذه المشاركه


رابط المشاركه
شارك

التخلف ليس له علاقة بالدين ...

منذ سنتين تقريباً ظهر من يقول أن هناك شجرة في طريق اسماعيلية عليها لفظ الجلالة .. وتجمع الآلاف حول الشجرة .. وصوروها بالموبايلات .. ونقل التليفزيون .. والعاشرة مساء .. وتسعون دقيقة ... والقاهرة اليوم ... الخ الخ الخ ..

لن ننتهي من تلك الخرافات مادام الجهل والتخلف يسكن عقولنا ..

كل سنة وانتم جميعاً بألف خير

شارك هذه المشاركه


رابط المشاركه
شارك
السلام عليكم

الحقيقة انا مش عارف المعترضين والناقدين معترضين على ايه وزعلانين ليه

ليه بنفترض دائما اننا اوصياء على اﻻخرين خصوصا فى اﻻمور التى تتعلق بالعقيدة

ماحدث ليس بجديد ، ولم يضر احد فما وجه اﻻعتراض اذن ؟

وسواء كنا مسلمون او مسيحيون ، فاتركوا الناس يعتقدون كيفما يشاءون

اتفق معك تماما يا استاذ محمد

كل واحد حر يؤمن بالي هو عاوزه ...

مش علشان حد فينا مش مصدق ان السيدة العذراء ظهرت يبقي من حقه انه يمنع الاخرين انهم يصدقوا

ليه في اصوات بتقول انه يزجد شك ان المقصود بذلك تبشير أو نشر الارثوذكسية و تثبيتها امام الكنائس الكاثوليكية و الانجيلية، الكلام دا غير صحيح ...الموضوع ابسط من كدة يا جماعة ...بلاش ندي الموضوع اكبر من حجمه

شارك هذه المشاركه


رابط المشاركه
شارك

كل الفيديوهات اللى شفتها مش واضحه تماما .. على فكره... سؤال يعنى الى اللى شافوها او حتى سمعوا من اللى شافوها .. هل هى ظهرت بتتحرك .. والا ظهرت كصوره ثابته .. وهل الصوره اللى ظهرت بيها صوره مجسمه وواقعيه لها . ام هى الصوره المرسومه لها والمتعارف عليها ((والتى هى من وحى خيال الرسام التى رسمها ولا تعبر بالقطع عن شكلها الحقيقى منذ 2009 سنه )) اصل يعنى لو ظهرت كصورة ثابته ومرسومه يبقى الموضوع ده فبركه :blush2: .. والا ايه يا أحباب .. يا ذوى الألباب :roseop:

شارك هذه المشاركه


رابط المشاركه
شارك

على فكره انا ضد وصف تصديق البسطاء.. سواء مسلمين او مسيحيين .. وانسياقهم وراء اى خرافه بانه هبل او اى لفظه سلبيه .. لان الناس دى جاهله ومضلله .. و ذنبهم فى رقبة اخوانا الاحباب ذوى الألباب po:: .. واللى مفروض انهم يوعوهم ويفهموهم ..

المهم

خلينا نحرج بشئ مفيد من الموضوع ده :lol: .. الا وهو تقنية الهولو جرام .. انا معرفش عنها كتير .. انما هى تقنيه ببساطه تتيح انك تشوف الاخرين بشكل مجسم واقرب للحقيقه وعن بعد .. ويمكن تكون التقنيه دى هى اللى استخدمت فى موضوع ظهور العذراء

اللى عايز يستزيد عليه انه يكتب الكلمه فى اى موقع بحث فيديوى .. وانا هنا حجيب فيديو من السى ان ان بتاعة شعبان عبد الرحيم وفيها مثال واضح للتقنيه دى ولو ان كتير من المعلقين مش مصدقين ان ده حقيقى

http://www.youtube.com/watch?v=thOxW19vsTg

شارك هذه المشاركه


رابط المشاركه
شارك
على فكره انا ضد وصف تصديق البسطاء.. سواء مسلمين او مسيحيين .. وانسياقهم وراء اى خرافه بانه هبل او اى لفظه سلبيه .. لان الناس دى جاهله ومضلله .. و ذنبهم فى رقبة اخوانا الاحباب ذوى الألباب :lol: .. واللى مفروض انهم يوعوهم ويفهموهم ..

ما بالك بقى إذا كان ذوي الاباب مشتركين في المهرجان ده ويهللوا معاهم لأسباب يعلمها الله ؟؟؟؟؟؟

شارك هذه المشاركه


رابط المشاركه
شارك

أنا حبيت أرد مش عن موضوع الوراق فقط و لكن عن ظهورات السيدة العذراء :

أولا الظهور بتاع سنة 1968 ده من الظهورات المسجلة عالميا بمعنى تم التأكد منه تماما و مش من الكنيسة القبطية فقط

ثانيا أن ظهورات السيدة العذراء فى بلاد كتير غيرنا مش أحنا بس و ظهورات مسجلة (أنا شفت الفيلم اللى بيحكى على الظهورات المسجلة فى جميع أنحاء العالم مش مصر س) وعلى فكرة ده عشان الظهور يبقى من الظهورات المسجلة ده موضوع مش سهل.

ثالثا أنا أعتقد أن كل واحد حر يعتقد بما يريد و مش ممكن حقول لحد من المسيحين العدرا تظهر فى مكان و مش حيروح وده مش تبشير ولا حاجة يعنى لأن أنا عارفة أن فية حديث أو فى القرأن ما معناه أن الشياطين ممكن تتمثل صورة أى حد ألا الرسول على ما أعتقد و أعذرونى أنى طبعا مش حافظة النص فسهل أوى رد الأخوة المسلمين على ده موضوع التشكيك ده كل واحد و أعتقاده و أنا ورغم انى بعتبر نفسى علمانية لكن أنا مؤمنة بظهور العذراء و هى لها مكانه خاصة جدا عندى وزى ماقال أحد الزملاء نتيجة لتجارب شخصية ليا

شارك هذه المشاركه


رابط المشاركه
شارك
أنا حبيت أرد مش عن موضوع الوراق فقط و لكن عن ظهورات السيدة العذراء :

أولا الظهور بتاع سنة 1968 ده من الظهورات المسجلة عالميا بمعنى تم التأكد منه تماما و مش من الكنيسة القبطية فقط

ثانيا أن ظهورات السيدة العذراء فى بلاد كتير غيرنا مش أحنا بس و ظهورات مسجلة (أنا شفت الفيلم اللى بيحكى على الظهورات المسجلة فى جميع أنحاء العالم مش مصر س) وعلى فكرة ده عشان الظهور يبقى من الظهورات المسجلة ده موضوع مش سهل.

ثالثا أنا أعتقد أن كل واحد حر يعتقد بما يريد و مش ممكن حقول لحد من المسيحين العدرا تظهر فى مكان و مش حيروح وده مش تبشير ولا حاجة يعنى لأن أنا عارفة أن فية حديث أو فى القرأن ما معناه أن الشياطين ممكن تتمثل صورة أى حد ألا الرسول على ما أعتقد و أعذرونى أنى طبعا مش حافظة النص فسهل أوى رد الأخوة المسلمين على ده موضوع التشكيك ده كل واحد و أعتقاده و أنا ورغم انى بعتبر نفسى علمانية لكن أنا مؤمنة بظهور العذراء و هى لها مكانه خاصة جدا عندى وزى ماقال أحد الزملاء نتيجة لتجارب شخصية ليا

يا سيدتى الفاضلة.. ايمانك بظهورها هذا امر يخصك, و نحن نحترمه بشده - بغض النظر عن مدى منطقيته.

حريتك فى اعتقاد ما تشائين هى حرية قد منحها الله لك.. و ليس لاحد فضل عليك فى هذا غير الله.

ربما وضع المسيحيين فى مصر يعطيهم بعض المميزات, لانهم اهل مصر.. و لكن تظل الحرية مقيدة بحرية الاخرين... و بحرية المجتمع أيضا و مبادئه. من حقك ان تعبدى من تشائين.. و لكن ليس من حقك ان تروجى لما تعبدين بصورة زائدة عن الحد! و ليس من حقك ان تشغلى بال المجتمع بما تفعلين!

اما عن موضوع التشكيك.. فصدقينى التشكيك يأتى من المنطق قبل ان يكون من الدين! لقد قرأت مقالة فى جريدة لوس أنجلوس تايمز.. و هى جريدة واسعة الانتشار فى كاليفورنيا و امريكا.. و كان المقال عن الظهور فى الوراق و عن "تخلف المصريين البؤساء" اللذين يبحثون عن اى متنفس لحل مشاكلهم.. و حزنت كثيرا لما قرأته.

و عموما.. لو تحول كل المسلمين الى المسيحية.. فان هذا لن يضر الله فى شىء, و لو تحول كل المسيحيين الى الاسلام, فإن هذا لن يغنى الله بشىء!

اتمنى الا تكون قد ضايقتك بعض التعليقات.. و اتمنى ان تظلى بخير و سعادة. و كل سنة و انتى طيبة.

تم تعديل بواسطة myusername

شارك هذه المشاركه


رابط المشاركه
شارك
على فكره انا ضد وصف تصديق البسطاء.. سواء مسلمين او مسيحيين .. وانسياقهم وراء اى خرافه بانه هبل او اى لفظه سلبيه .. لان الناس دى جاهله ومضلله .. و ذنبهم فى رقبة اخوانا الاحباب ذوى الألباب :lol: .. واللى مفروض انهم يوعوهم ويفهموهم ..

ما بالك بقى إذا كان ذوي الاباب مشتركين في المهرجان ده ويهللوا معاهم لأسباب يعلمها الله ؟؟؟؟؟؟

انا اكتر شئ اثار حفيظتى وبلبلنى وازعجنى قمة الانزعاج ..ان ارى فى احد الكليبات وهو موجود بالموضوع هنا وهو لعمرو اديب مع احد كبار رجال الدين المسيحى معرفش اسمه وهو بيؤكد موضوع الظهور ده ..وانه السنه اللى فاتت العذرا تجلت له داخل الكنيسه على اضواء الشموع !!!! ... وكمان التصريح اللى اشك فيه من الانبا شنوده بيؤكد فيه ظهورها ايضا ..

شارك هذه المشاركه


رابط المشاركه
شارك

تصرحيات البابا شنوده لم تكن تصريحات لجرائد أو وسائل إعلام

لكنها كانت ضمن حديث الأربعاء اول أمس .. وسمعته بنفسي يؤكد الظهور .....

ولا تعليق

---------

الاهم من ذلك

هل تحتاج العذارء مريم إلى الظهور لكي يزيد إيماننا نحن المسلمون والمسيحيون .؟

مره أخرى

لم نشاهد مثل هذا التحرك اللي بعشرات الألوف في قضايا تهمنا وتهم بلدنا اللي راحت في داهيه على أيدي الأوباش ..

لكن مع ذلك خرجت تلك الألوف لتجري وراء خرافه وتهيؤات ... وكل واحد راح تلك الاماكن لو حلفت له على الميه تجمد .. هايأكد لك إنه رآها على شكل حمامه ولا على شكل نور ..... لغنه مُهيء نفسياً لذلك ... ولو شاف طيارة إيرباص معديه فوق الكنيسة .. فهايوهم نفسه إنها السيدة العذراء ...

شارك هذه المشاركه


رابط المشاركه
شارك
وانا على فكرة شفت الظهور بنفسى ولكن عمرى مهقنع حد بدة

ربنا يهدى

الاخت الفاضلة جيسيكا .. تحية طيبه وكل عام وحضرتك بخير :sad:

أقسم لك بالله .. أننى لم أطرح تساؤلى بدافع التهكم او السخرية .. وانما بدافع السعى وراء الحقيقه وراء هذا الظهور .. ومن هذا المنطلق .. وبناءا على تصريحك اعلاه برؤيتك للسيدة مريم العذراء .. وبما أنكى شاهدة عيان ..فأننى أطرح عليكى التساؤل ثانية الذى طرحته من قبل .

سؤال يعنى الى اللى شافوها او حتى سمعوا من اللى شافوها .. هل هى ظهرت بتتحرك .. والا ظهرت كصوره ثابته .. وهل الصوره اللى ظهرت بيها صوره مجسمه وواقعيه لها . ام هى الصوره المرسومه لها والمتعارف عليها ((والتى هى من وحى خيال الرسام التى رسمها ولا تعبر بالقطع عن شكلها الحقيقى منذ 2009 سنه ))

تساؤل يغذيه ويدعمه حب المعرفة والسعى وراء الحقيقه .. فلا تحرمينى وتحرمينا من الاجابه عليه بالله عليكى .. عسى ان تكونى رسول العذراء .. لتبلغى عنها بالمنتدى

هذا وأهيب بالاخوة والاخوات أن نتحاور بالتى هى أحسن .. وان يكون الحوار فى صلب الموضوع .. بعيدا عن الحوارات الجانبيه التى من شأنها ان تؤدى الى غلق الموضوع .. كما يحدث عادة فى مثل الموضوعات الشائكة والمشابهة لهذا الموضوع

وفى انتظار شهادتك اختى الفاضله :blush2:

شارك هذه المشاركه


رابط المشاركه
شارك
عيب

عيب إني أجي أتصل ببرنامج أو أكتب واقول إني دي خرافه وعيب كده ... فجآه يتحول الموضوع لمعاداة السامية وأنت تُثير الفتنة الطائفية .... إحنا شعب واحد ونسيج واحد حرام عليك ... سيبونا في حالنا بقى ...

يا نهار إسود ... مين جاب سيرة فتنه وفاتن ونسيج وهدوم ؟

زي ما قلت لكم حاسس إن الموضوع فخ .. واللي يقرب منه يا ويله ... وبالتالي عشان أبقى حلو وكويس لازم أدخل أقول أيوه حصل والعدرا بتظهر في المناطق الشعبية .. حتى بالمرة بتقول لهم أنا جايه الوراق أو شبرا عشان ينتظروها ...

الموضوع طبعا حريه شخصيه

اللي عاوز يصدق براحته

و اللي عاوز يرفض براحته كمان

و لكن

اتفق معك استاذ سي السيد

ان انكار الموضوع يسبب حساسيه شديده

بقي شبه الهولوكوست

اللي ينكره يبقي مثير للفتنه

و لا يجوز انكاره

و اللي مش شايف انها العذرا يبقي معندوش ايمان

او بيكره المسيحيين

شارك هذه المشاركه


رابط المشاركه
شارك
اتفق معك استاذ سي السيد

ان انكار الموضوع يسبب حساسيه شديده

بقي شبه الهولوكوست

اللي ينكره يبقي مثير للفتنه

و لا يجوز انكاره

و اللي مش شايف انها العذرا يبقي معندوش ايمان

او بيكره المسيحيين

كلام حضرتك جميل جدا جدا...

و عشان كده قلت اتمنى ان نتعلم ثقافة الاختلاف و التباين.

طبيعى جدا ان العلمانى لا يصدق ما أؤمن به.. و انا لا اصدق ما يؤمن به البوذى, و هكذا... لان هذه هى طبيعة الاختلاف بين الناس... و الا كانوا كلهم هيبقوا على دين واحد طالما انهم متفقين!!!

شكرا جزيلا على ردك.

شارك هذه المشاركه


رابط المشاركه
شارك

انا شايف ان

زي ما انا مش موافق ان حد مسيحي يتدخل في شئون دينيه اسلاميه بحته بشكل غير متخصص

وينقض افعال او اعمال او معتقدات اسلاميه بحته

زي مثلا الكرامات الخاصه باولياء الله الصالحين

زي احمد البدوي مثلا

لان ممكن واحد مسيحي يقولي ايه الهبل اللي بيعمله المسلمين دول في الموالد

ورغم عدم موافقتي لما يفعله هؤلاء

مش هوافق بردو ان حد من خارج المسلمين ينتقض هذه الافعال

اعتقد ان بردو مش من حق المسلمين انهم يناقشوا موضوع ظهور السيد مريم العذراء بلنسبه للمسيحين

وان موضوع زي ده كان افضل يفتحه واحد مسيحي

وان يناقشه المسيحيين فيما بينهم علي صفحات المنتدي

وإلا تحول الموضوع الي مسار غير اللذي فتح من اجله

مش عارف الرأي ده هيزعل حد مني ولا لاء

شارك هذه المشاركه


رابط المشاركه
شارك
انا شايف ان

زي ما انا مش موافق ان حد مسيحي يتدخل في شئون دينيه اسلاميه بحته بشكل غير متخصص

وينقض افعال او اعمال او معتقدات اسلاميه بحته

زي مثلا الكرامات الخاصه باولياء الله الصالحين

زي احمد البدوي مثلا

لان ممكن واحد مسيحي يقولي ايه الهبل اللي بيعمله المسلمين دول في الموالد

ورغم عدم موافقتي لما يفعله هؤلاء

مش هوافق بردو ان حد من خارج المسلمين ينتقض هذه الافعال

اعتقد ان بردو مش من حق المسلمين انهم يناقشوا موضوع ظهور السيد مريم العذراء بلنسبه للمسيحين

وان موضوع زي ده كان افضل يفتحه واحد مسيحي

وان يناقشه المسيحيين فيما بينهم علي صفحات المنتدي

وإلا تحول الموضوع الي مسار غير اللذي فتح من اجله

مش عارف الرأي ده هيزعل حد مني ولا لاء

لا كلام حضرتك مظبوط و جميل.. لكن الموضوع له ابعاد تانية - بالنسبة لى عالاقل.

اولا: الجرايد الامريكية و الاوروبية هزئتنا بسبب الموضوع ده.. و ممكن اجيب لحضرتك الكلام اللى بيتقال على المصريين فيها.

ثانيا: عليك ان توجه هذا الكلام الى من يتصلوا بالبرامج.. و يقولوا ان السيدة مريم ظهرت, و من يشغلوا بالنا من خلال البرامج.

هو احنا عرفنا منين؟ مش عشان هما - بتوع البرامج - اللى قالولنا برضه ولا ايه؟

شارك هذه المشاركه


رابط المشاركه
شارك
اولا: الجرايد الامريكية و الاوروبية هزئتنا بسبب الموضوع ده.. و ممكن اجيب لحضرتك الكلام اللى بيتقال على المصريين فيها.

طب ما هم بيقولوا علينا كلام كتير

اشمعني الموضوع ده اللي كرامتنا وجعتنا بيه

ثانيا: عليك ان توجه هذا الكلام الى من يتصلوا بالبرامج.. و يقولوا ان السيدة مريم ظهرت, و من يشغلوا بالنا من خلال البرامج.

وفي الحاله دي ممكن نبعت رساله في باب رساله الي مسئول

ونطلب منه التوضح

شارك هذه المشاركه


رابط المشاركه
شارك
انا شايف ان

زي ما انا مش موافق ان حد مسيحي يتدخل في شئون دينيه اسلاميه بحته بشكل غير متخصص

وينقض افعال او اعمال او معتقدات اسلاميه بحته

زي مثلا الكرامات الخاصه باولياء الله الصالحين

زي احمد البدوي مثلا

لان ممكن واحد مسيحي يقولي ايه الهبل اللي بيعمله المسلمين دول في الموالد

ورغم عدم موافقتي لما يفعله هؤلاء

مش هوافق بردو ان حد من خارج المسلمين ينتقض هذه الافعال

اعتقد ان بردو مش من حق المسلمين انهم يناقشوا موضوع ظهور السيد مريم العذراء بلنسبه للمسيحين

وان موضوع زي ده كان افضل يفتحه واحد مسيحي

وان يناقشه المسيحيين فيما بينهم علي صفحات المنتدي

وإلا تحول الموضوع الي مسار غير اللذي فتح من اجله

مش عارف الرأي ده هيزعل حد مني ولا لاء

انت عايز الصراحة

لو المسيحيين قالوا على اللى بيحصل فى الموالد (هبل) يبقى معاهم حق

مش دى الحقيقة ياناس

الجنون يبقى عقل ويتقال عليه من الدين!

والدين عمره ماقال نستعبط ونبتكر حاجات من خيالنا ونكذب لا عند المسلمين ولا عند المسيحيين ولا عند اى بشر

كلنا عارفين الحقيقة لكن بعض الناس بيغمضوا ويعملوا كده وكده يعنى

كل واحد على قد عقله

وعموما لو الكلام ده هيريح ويقفل الموضوع ونخلص

يبقى ماشى

بتوع الموالد عندهم حق فعلا لما يقعدوا يلفوا هيدخلوا فى حالة من التواصل الروحى بسبب غياب العقل ويبقوا زى الفل

تم تعديل بواسطة Scorpion

شارك هذه المشاركه


رابط المشاركه
شارك
انا شايف ان

زي ما انا مش موافق ان حد مسيحي يتدخل في شئون دينيه اسلاميه بحته بشكل غير متخصص

وينقض افعال او اعمال او معتقدات اسلاميه بحته

زي مثلا الكرامات الخاصه باولياء الله الصالحين

زي احمد البدوي مثلا

لان ممكن واحد مسيحي يقولي ايه الهبل اللي بيعمله المسلمين دول في الموالد

ورغم عدم موافقتي لما يفعله هؤلاء

مش هوافق بردو ان حد من خارج المسلمين ينتقض هذه الافعال

اعتقد ان بردو مش من حق المسلمين انهم يناقشوا موضوع ظهور السيد مريم العذراء بلنسبه للمسيحين

وان موضوع زي ده كان افضل يفتحه واحد مسيحي

وان يناقشه المسيحيين فيما بينهم علي صفحات المنتدي

وإلا تحول الموضوع الي مسار غير اللذي فتح من اجله

مش عارف الرأي ده هيزعل حد مني ولا لاء

انا شخصيا موافقة جدا

وبعدين انتوا شاغلين بالكوا قوى ليه كده بظهور السيدة مريم ولا لأه

وعاملين حساب قوى للصفحات الاجنبية ليه؟؟؟؟؟؟؟؟؟؟؟؟؟؟؟

انا رأيى تبطلوا كلام فى الموضوع ده وتنسوا......................................ز :roseop:

شارك هذه المشاركه


رابط المشاركه
شارك

منذ ان بدء الموضوع وانا اتابعه وارفض استدراجنا الى مناقشات عقيمة لا تودى ولا تجيب

لان الظهور حقيقة واقعة يشهد عليه الاف اراد البعض ام لم يريد

واللى مش مصدق يخطف رجليه لغاية هناك ويشوف زى االلاف اللى شافوا

وياريت يطلعلنا او يظبطلنا المصباح الهالوجينى ولا ايه اللى بتقولوا عليه يبقى كتر خيره

وياريت يقولنا لما ظهرت فوق امتر من 10 كنائس فى القاهرة يوم الثلاثاء الماضى

كان المصباح فوق انهى واحدة بالضبط؟؟؟؟

اخيرا تحية احترام للناس المنصفة اللى دايما كتابتها تعبر عنها وهم الاستاذ محمد المشرف واختنا princessوالاستاذ الفاضل نصار

وهنسيب اللى عاوز يتهمنا بالجهل والتخلف يفعل مايريد

(طوبى لكم اذا طردوكم وعيروكم وقالوا عنكم كل شر من اجلى كاذبين

افرحوا وتهللوا لان اجركم عظيم فى السماوات

لانهم هكذا طردوا الانبياء الذين كانوا قبلكم)

تم تعديل بواسطة arora

شارك هذه المشاركه


رابط المشاركه
شارك

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • محاورات مشابهه

    • التخسيس حلم الجميع في مصر و العالم

      في التليفزيون و في الشوارع  عدد لا متناهي من الإعلانات عن مستحضرات تدعي حرق الدهون و عن مراكز طبية تقوم ب شفط الدهون ما سبق كان استهلالا لابد منه زمان  جدا درسنا في النصوص قصيدة في الغزل في مرأة "ممتلئة" تقول : غراء فرعاء مصقول عوارضها … تمشي الهوينى كما يمشي الوجي الوحل كأن مشيتها لبيت جارتها …  مر السحابة لا ريث و لا عجل هذا كان من مقاييس الجمال  من مئات السنين  و حتي أواخر القرن الماضي …  في وقتنا هذا نموذج الجمال - للمرأة - هو غصن البان  …  كما اتصور أنا  زمان  

      في  فى الثقافة و العلم

    • كورال "أهل المغنى" والمايسترو حسام سمير و10 سنوات من احياء التراث

      مايسترو و معلم موسيقى محترف وعازف عود من الطراز الأول عاشق للتراث محترف في اخراج الطاقات الفنية ممن لم يتصوروا يوما أنهم قد يمسكون مايكروفون ويغنون على مسرح أمام جمهور تصاحبهم فرقة موسيقية محترفة أحد صناع الجمال في مصر يعيدك لأجواء الستينات الميلادية ورقيها بدأ الكورال في عام 2009 بالكبار ثم كورال الأطفال ثم دمج كل الأعمار معا في منظومة تضج بحمال الصوت والروح داخل الفرقة الجميع متحابون ولا ينافس احد إلا نفسه ليتفوق عليها من أداء جميل لأجمل هذا المايسترو الفنان يشبه "الجواهرجي" 

      في الفنون

    • شراء ارض فى برج العرب الجديدة

      انا بفكر اشترى ارض فى برج العرب الجديدة  فى الحى الرابع او الخامس و عاوز اعرف مميزات المنطقة و الأماكن الفيلات الكويسة.  سمعت ان الشراء عن طريق التوكيلات لو القطعة عليها اقساط . هل شراء الأرض عن طريق التوكيلات مضمون ولا فيه منه قلق. ايه مستقبل المدينة و هل فى تطورات شغاله. 

      في موضوعات جادة

    • رسالة لمن بلغ العقد السادس

      مقالة رائعة للأستاذ منير توفيق عبارة عن مجموعة نصائح لمن بلغ العقد السادس من عمره  ، وجدتها تستحق النشر لتعم الفائدة بين الفئة المخاطبة،  وإليكم هذه النصائح المفيدة عسى الله أن ينفع بها الجميع : 1 –حاول أن تكون أنيقا و نظيفا دائما ، فجمال الشباب قد زال ، لذا عليك أن تنتبه لنفسك، و تهتم بها، و تحسن صورتك بالأناقة و حسن الخلق . 2 – حتى تكون عندك حياة صحية ، حاول المشي كثيرا، فهو رياضة الكبار في السن، و لا ترهق نفسك، فإذا تعبت فارتاح، ثم واصل حتى تنهي حصتك، و لا تزد عن نصف ساعة كل يوم، تن

      في موضوعات شخصية

    • إفتتاح قناة السويس الجديدة 6 أغسطس

      فى السادس من أغسطس القادم، وبعد عام من بدء تنفيذ المشروع .. وبحضور زعماء وقادة من مختلف قارات العالم، يفتتح الرئيس عبد الفتاح السيسى، قناة السويس الجديدة، أهم مشروع قومى مصرى عالمى، تم تنفيذه بتمويل وأيدى مصرية خالصة، أشرف عليها خير أجناد الأرض القوات المسلحة المصرية. ويعتبر مشروع قناة السوييس الجديدة ، مشروعا عملاقا للتنمية يرتبط به عشرات المشروعات الكبرى الأخرى صناعيا وزراعيا ومشروعات خدمية دولية تجعل من المنطقة الشرقية مركزا لحركة التجارة العالمية.    قلنا حنحفر وآدي احنا حفرنا قناة ا

      في موضوعات جادة

×
×
  • اضف...