الجيش المصرى مظلوم ! حقيقة ماحدث فى ماسبيرو

[ابو محمود]

لتكن مداخلتى الاخيرة لك يا استاذ جوناثان ولتعلم انى لا أكرة المسيحيين لانى مسلم

فى نهاية مداخلاتى معك انصحك بالاتى عندما يخطأ اخى لا أكابر وأحاول ان ابرءة من الخطأ لانى اصنع منة مخطيء

اذا زهب رجل قتل ابنة خطأ لقاتل ابنة لا يعنى ذلك انة قتل نفسة او هو القاتل هناك فرق

فى النهاية اتمنى ان تندمل الجراح ولا تحدث ثانية المشكلة فى ان هناك من داخل المسيحيين مستفيد بل ويراهن على ان تبقى الدولة كما هى قبل مبارك وصدقنى دة كلام مسلم عايش وسط مسيحيين تحياتى ليك وتمنياتى لكم بالتوفيق

مصر تسع الجميع المهم ان نكون حقآ مقتنعين من داخلنا اننا اصحابها جميعآ وليس فريق منا يستضيف فريق عندها ستجدها تساع الجميع

مهما بلغت قسوة اولادها او بعضهم عليها

[ام سلمي]

يا ريت تشوفوا الفيديو ده فيه معلومات عن نتايج تقرير تقصي الحقائق الخاص باحداث ماسبيرو

http://www.youtube.com/watch?v=y180wUyyJ5o&feature=related

[se_ Elsyed]

يا ريت تشوفوا الفيديو ده فيه معلومات عن نتايج تقرير تقصي الحقائق الخاص باحداث ماسبيرو

http://www.youtube.com/watch?v=y180wUyyJ5o&feature=related

يااااااااااااه يُحي العظام وهي رميم ...

ميييييين ؟ تامر إبن أمين

وحشتنا يا راجل يخرب بيت فقرك

بإختصار .. تامر كان بيشيش مع بتوع لجنة تقص الحقائق .. وقالوا له : فيك مين يكتم السر يا طموره ؟ إحنا هانبخ لك بكل اللي حصل إنت لوحدط بس إوعى تجيب سيرة لحد

وعشان هو بيعشق فوزاير رمضان .. فالبيه لبس القضية لمين بقى ؟

بسم الله الرحمن الرحيم :

عندك إتنين شخصية عامة ( ممدوح حمزه و جورج أسحق )

وعندك واحد حركة سياسية شبابها هما اللي نفذوا وقتلوا المسيحيين وجنود الجيش ( تميور منهم طبعاً بما إنه في مصر دلوقت ... ده أنت هاتتنفخ يا تيمو ... و 6 إبريل مش محتاجه كلام )

والعربية المدرعة اللي هرست حوالي 15 واحد كان سارقها شاب لابس تي شيرت أحمر ( يا لهوي لا يكون ألتراس أهلاوي هههههههه )

بس الغريبة ... هو لما سرق المدرعة راح بيها فين ؟ أيوه يعني زمانها إتسلكت على وكالة البلح ولا إيه النظام

--------

تعليقي بقى

أقسم بالله لو إسم أبويا نفسه جه في الموضوع ... وكانت هناك تحقيقات عادلة ليست سرية بحجدة دواعي امنية وبالتالي ممنوع النشر فيها .... لو أبويا نفسه مُدان فلن أحزن طالما أخطأ

وبالتالي كل ما نطلبة كشعب مصري وناس بسطاء شافوا الأحداث وشافوا التسخين وشافوا الضحايا ...

كل ما نطلبه هو تحقيقات عادلة وشفافة لا تنحاز لأحد

ومن أخطأ فيجب ان يأخذ عقابة

لكن قيل وقال .. وإن الجاني كان اول حرف من أسمه لام ألف على شين والحكاوي دي .. لا تخصني ولا أقتنع بها

وكفاية بقى أحسن زهقنا

يعني احداث موقعة الجمل .... تعتييييييييييييييييييم

قتل اللوا البطران ......... تعتيييييييييييييم

أحداث ماسبيرو وحرق الكنائس اللي إتكررت كذا مرة ....... تعتييييييييم

أحداث العباسية وكذا مره يحدث طحن في ميدان التحرير ... تعتييييييييم

أحداث السفارة .... رجل اعمال هو اللي مول وكان واقف بعربيته وعمال يوزع فلوس على العيال اللي أقتحمت السفارة ...

وكل كلام البهوات المسئولين بيدور حول الصوابع الخارجية والإيدين الداخلية والفلول وأم الخلول وكلام فاضي لا يقنع طفل .. وما فيش ضافر إتمسك وأعترف وكل الأعترافات والادلة إتنشرت للناس عشان يعرفوا من هم أعداء الثورة الحقيقيون

[engmido]

أحداث ماسبيرو وحرق الكنائس اللي إتكررت كذا مرة ....... تعتييييييييم

أحداث العباسية وكذا مره يحدث طحن في ميدان التحرير ... تعتييييييييم

أحداث السفارة .... رجل اعمال هو اللي مول وكان واقف بعربيته وعمال يوزع فلوس على العيال اللي أقتحمت السفارة ...

ماهو هو ده اللى فارسنى....نفسى اعرف ايه قصة التعتيم دى