اذهب الي المحتوي
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

ليه بنزعل بعض ؟؟


Recommended Posts

أعتقد أن الهدف من إنشاء تلك المحاورات هو تبادل الحوار و الآراء بين أعضاء هذا المنتدى الكريم ..

لاحظت إننا بنكون حلوين أوي مع بعض طول ما إحنا متفقين kis)- ونقعد نبعت لبعض ورد و كلام زى العسل :D

ما اعرفش بصراحة إيه اللى بيحصل ده لما بنختلف ..يا نهاااار أبيض ..

هجوم و صواريخ و مدافع وناقص نمسك في خناق بعض bsh:)

وبعدين لما حد بيزعل بنقوله إوعى تزعل أنا مش بهاجمك إنت n2&( إنت زي الفل :yes: أنا بهاجم رأيك بس .. أصله بصراحة زى الزفت :tease:

يعنى هو ماينفعش نختلف وكل واحد يقول رأيه بالراحة من غير ما يزعل التانى i*:

يا جماعة إحنا كلنا إخوة و كل واحد ليه عقليته و آراءه و خبراته في الحياه .. ممكن والله نختلف ونتناقش من غير تجريح fty::

هي بس عايزة شوية صبر وتأنى في الرد .. مش لازم نرد واحنا غضبانين md2:

ومش دايما اللى بيتقال ينفع يتصلح أو يتنسي بسهولة ..

على العموم أنا قلت اللي عندي و اللى عنده كلمه طيبة يقولها .. وتصبحوا على خير yaw:

رابط المشاركه
شارك

عندك حق انا كان نفسى افتح موضوع زى دة

لان ساعات الواحد بيخش يتكلم فى موضوع وكلة بيدى رئية

ولكن فجأة يطلعلك واحد ينرفزك بكلة تحرق دمك

حاجة تعصب بجد

ربنا يهدى ومتتحولش من محاورات المصريين الى محاورات الشعانين

رابط المشاركه
شارك

ماهو حضرتك بتزعل من بعض الناس لما تحتد عليك بالكلام

لكن تعمل ايه في واحد بيكفرك عيني عينك وبالصريح والفم المليان ولا يتورع من ذلك ويصر على كلامه ويعيده ويكرره ولا يتراجع عنه

متوقع انك تسمي عليه وتقولي اصبر عليه واحتسب عند الله ولك الاجر والثواب

كل واحد فينا طاقة وله مرارة

تحياتي لحضرتك

رابط المشاركه
شارك

يسلم موضوعك يا دكتور ياسر :clappingrose:

الحقيقه والواقع بيقول ان الناس ((بعض الناس)) مش بيزعلوا بس .. لكن ممكن ياخدوا منك موقف اساسا .. ونظام بقى ((من ليس معى فهو ضدى)) ... لما بتختلف معاهم ..وممكن يتحول الامر معاهم لشخصنه .. ظاهره كانت ..او خفيه .. او يتطور الامر لاستعلاء وفوقيه .. انا عن نفسى .. اقسم بالله انى عمرى ما زعلت من حد اختلف معايا فى الراى .. او حتى هاجم وجهة نظرى او استهجنها ... انا ممكن بس اضايق لو حد تطاول فى رده على (شخصى ).. او قل أدبه .. لكن غير كده عندى رحابة صدر حقيقيه للاختلاف ولتقبل النقد .. ليه بقى .. لانى مقتنع اقتناع تام ان محدش عنده .. او يملك مفاتيح الحقيقه المطلقه.. مهما كان حجم معرفته واطلاعه وخبراته الحياتيه .. وبسحب قناعتى دى على نفسى اولا ..

على فكره انا لم اعانى من هذا الموضوع كثيرا .. لكنها رؤية قد تكون خاطئه او مغاليه

رابط المشاركه
شارك

وبعدين لما حد بيزعل بنقوله إوعى تزعل أنا مش بهاجمك إنت n2&( إنت زي الفل :yes: أنا بهاجم رأيك بس .. أصله بصراحة زى الزفت :tease:

حلوة اوى يا دكتور :give_rose:

ما هو لازم البعض يغلف عصبيتة الشديدة و غروره بلباس شيك من الحوار الراقى :happy:

يسلم موضوعك يا دكتور ياسر :clappingrose:

الحقيقه والواقع بيقول ان الناس ((بعض الناس)) مش بيزعلوا بس .. لكن ممكن ياخدوا منك موقف اساسا .. ونظام بقى ((من ليس معى فهو ضدى)) ... لما بتختلف معاهم ..وممكن يتحول الامر معاهم لشخصنه .. ظاهره كانت ..او خفيه .. او يتطور الامر لاستعلاء وفوقيه ..

للأسف البعض يعطينا الدروس فى اسلوب الحوار و قبول الاخر و الاختلاف فى الراى لا يفسد للود قضية و هو أول شخص لا يلتزم بهذا الكلام عندما يجد من يعارض افكارة و تجد وجهه الحقيقى قد ظهر و هو غرور و استعلاء و احساس غير حقيقى بالاهمية و الفهم و ان الاخر لا يفهم

و عموما أنا لى ملاحظتان يا دكتور :

1- إن دى طبيعة الحياة انك تقابل كل نماذج البشر بمختلف الطباع و الاراء

2- إن فعلا ممكن زميل يقول كلام فج يصادم قيم دينية او أخلاقية - إتهام بدون بينة - كلام مستفز ..الخ و فعلا فى هذه الحالة يكون البادى اظلم

رابط المشاركه
شارك

بقيت اعمل حاجه عشان ما ازعلش او ازعل حد

لما حد يكتب رأي او مداخلة تحرق الدم بجد

او انه يعتدي عليا شخصيا و يحول الكلام لشخصي

ما بقيتش ارد في ساعتها

عشان اهدى و اعرف ارد كويس

باخرج من التوبيك فورا و اعمل اي حاجه تروق دمي

و بعدين ارجع ارد بهدوء شوية

لاني لقيت الدنيا بصراحة مش مستاهلة حرقة دم

و كل واحد فينا عنده في حياته اللي مكفيه

فا ما يبقاش كمان الوقت اللي بيقضيه على النت يتحرق دمه او يتعصب كمان

رابط المشاركه
شارك

عندك حق انا كان نفسى افتح موضوع زى دة

لان ساعات الواحد بيخش يتكلم فى موضوع وكلة بيدى رئية

ولكن فجأة يطلعلك واحد ينرفزك بكلة تحرق دمك

حاجة تعصب بجد

ربنا يهدى ومتتحولش من محاورات المصريين الى محاورات الشعانين

هو دة اللى بيحصل معايا برضه .. بصراحة مشكلة fty::

ايه رأيك ممكن نسميها برضه (( مشاجرات المصريين ))

أهه الواحد يبقى مستعد وهو داخل هناوعامل حسابه mf_p:

رابط المشاركه
شارك

ماهو حضرتك بتزعل من بعض الناس لما تحتد عليك بالكلام

لكن تعمل ايه في واحد بيكفرك عيني عينك وبالصريح والفم المليان ولا يتورع من ذلك ويصر على كلامه ويعيده ويكرره ولا يتراجع عنه

متوقع انك تسمي عليه وتقولي اصبر عليه واحتسب عند الله ولك الاجر والثواب

كل واحد فينا طاقة وله مرارة

تحياتي لحضرتك

هو احنا عندنا أغلى من لا إله إلا الله يا أستاذ إسلام ؟؟

أنا رأيي إن اللى بيكفر واحد دة مش بيزعله بس ..دة بجد بيقتله gjy::

تم تعديل بواسطة الدكتور ياسر
رابط المشاركه
شارك

يسلم موضوعك يا دكتور ياسر :clappingrose:

الحقيقه والواقع بيقول ان الناس ((بعض الناس)) مش بيزعلوا بس .. لكن ممكن ياخدوا منك موقف اساسا .. ونظام بقى ((من ليس معى فهو ضدى)) ... لما بتختلف معاهم ..وممكن يتحول الامر معاهم لشخصنه .. ظاهره كانت ..او خفيه .. او يتطور الامر لاستعلاء وفوقيه .. انا عن نفسى .. اقسم بالله انى عمرى ما زعلت من حد اختلف معايا فى الراى .. او حتى هاجم وجهة نظرى او استهجنها ... انا ممكن بس اضايق لو حد تطاول فى رده على (شخصى ).. او قل أدبه .. لكن غير كده عندى رحابة صدر حقيقيه للاختلاف ولتقبل النقد .. ليه بقى .. لانى مقتنع اقتناع تام ان محدش عنده .. او يملك مفاتيح الحقيقه المطلقه.. مهما كان حجم معرفته واطلاعه وخبراته الحياتيه .. وبسحب قناعتى دى على نفسى اولا ..

على فكره انا لم اعانى من هذا الموضوع كثيرا .. لكنها رؤية قد تكون خاطئه او مغاليه

كلامك حكم يا أستاذى .. واضح إن حضرتك طيب جدا و صدرك رحب ما شاء الله ... أنا برضه لاحظت الكلام المظلل بالأحمر دة .. مش عارف إيه بصراحة اللى بيحصل دة .. مع إن الأمر أبسط من كدة بكتير .

تحياتى لحضرتك

تم تعديل بواسطة الدكتور ياسر
رابط المشاركه
شارك

وبعدين لما حد بيزعل بنقوله إوعى تزعل أنا مش بهاجمك إنت n2&( إنت زي الفل :yes: أنا بهاجم رأيك بس .. أصله بصراحة زى الزفت :tease:

حلوة اوى يا دكتور :give_rose:

ما هو لازم البعض يغلف عصبيتة الشديدة و غروره بلباس شيك من الحوار الراقى :happy:

يسلم موضوعك يا دكتور ياسر :clappingrose:

الحقيقه والواقع بيقول ان الناس ((بعض الناس)) مش بيزعلوا بس .. لكن ممكن ياخدوا منك موقف اساسا .. ونظام بقى ((من ليس معى فهو ضدى)) ... لما بتختلف معاهم ..وممكن يتحول الامر معاهم لشخصنه .. ظاهره كانت ..او خفيه .. او يتطور الامر لاستعلاء وفوقيه ..

للأسف البعض يعطينا الدروس فى اسلوب الحوار و قبول الاخر و الاختلاف فى الراى لا يفسد للود قضية و هو أول شخص لا يلتزم بهذا الكلام عندما يجد من يعارض افكارة و تجد وجهه الحقيقى قد ظهر و هو غرور و استعلاء و احساس غير حقيقى بالاهمية و الفهم و ان الاخر لا يفهم

و عموما أنا لى ملاحظتان يا دكتور :

1- إن دى طبيعة الحياة انك تقابل كل نماذج البشر بمختلف الطباع و الاراء

أنا موافقك تماما يا أستاذ طارق و خصوصا في الجزئية دى ..بس عندى سؤال :

إذا كنت أنا عصبى و حاد الطباع .. إيه ذنب الناس اللى بيتحاورو معايا يعنى ؟؟

احنا يدوب كل علاقتنا ببعض من خلال هذا المنتدى .. وتقريبا مفيش أى معرفة شخصية بينا وبين بعض إلا بين القليل من الأعضاء ..

إنت ممكن تستحملنى غيرك مش هيقدر و خصوصا إن الكلام بيبقى على العام و على عينك يا تاجر.

وعلى فكرة أنا بتكلم على اللى بيحصل على العام أمال إيه اللى بيحصل في الخاص bag): .. ربنا يحفظنا

رابط المشاركه
شارك

شكرا على الموضوع الجميل يا أخ ياسر

المشكلة يا اخ ياسر هي ثقافة مجتمع بالكامل ونحن جميعنا جزء من هذا المجتمع ونحمل امراضه إلا من رحم ربي وقليلا ما هم

من ليس معي فهو ضدي , هذه هي المشكلة

وغالبا الحوار يتحول لمشادات عندما يقوم احد المحاورين بالهجوم على شخص من امامه

اعتقد أننا لو وجهنا انتقادنا للرأي نفسه مهما كان النقد فلن تكون هناك أي مشكلة , واعتقد ان أي شخص معتدل لن يغضب من انتقاد رأيه مهما كانت قوة النقد طالما أن النقد لم يمسه كشخص

وانا فى رأي أن للحرية حدود بما فيها حرية الحوار , وليس هناك شيىء اسمه الحرية المطلقة

احب أسأل سؤال :

على سبيل المثال عندما يدخل احدا بمداخلة فيها تعدي على الدين أو فيها شىء كفري ( وهذا الحمد لله لا يحدث فى محاورات المصرين ولكني اتكلم بشكل عام ) , واحد المحاورين أخذته الغير على دين الله فرد ردا قويا وقاسيا على الطرف الاخر , فهل فى هذه الحالة نلومه ونقول له انت لا تؤمن بثقافة الاختلاف فى الرأي ؟

أيضا عندما يدخل احد بمداخلة يقوم فيها بنعت الشعب المصري كاملا بنعوت لا تليق , واحد المحاورين اخذته الحمية ورد عليه وكان رده قويا , فهل نلومه ونقول له هذه حرية شخصية ويجب عليك أن تتقبل الرأي الاخر ؟

رابط المشاركه
شارك

بقيت اعمل حاجه عشان ما ازعلش او ازعل حد

لما حد يكتب رأي او مداخلة تحرق الدم بجد

او انه يعتدي عليا شخصيا و يحول الكلام لشخصي

ما بقيتش ارد في ساعتها

عشان اهدى و اعرف ارد كويس

باخرج من التوبيك فورا و اعمل اي حاجه تروق دمي

و بعدين ارجع ارد بهدوء شوية

لاني لقيت الدنيا بصراحة مش مستاهلة حرقة دم

و كل واحد فينا عنده في حياته اللي مكفيه

فا ما يبقاش كمان الوقت اللي بيقضيه على النت يتحرق دمه او يتعصب كمان

بالله عليكى يا مدام pink ينفع الكلام دة .. الواحد جي هنا عشان يقضي وقت لطيف بينه و بين زملاؤه يقوم يتحرق دمه :protest:

على الفكرة الحل اللي بتقوليه ده عين العقل .. فعلا أثناء الغضب بيعمى البصر و القلم معا :happy:

وكتير بنندم على كلام قلناه أثناء غضبنا .. ومش دايما الإعتذار بيبقى كفاية..

رابط المشاركه
شارك

أنا موافقك تماما يا أستاذ طارق و خصوصا في الجزئية دى ..بس عندى سؤال :

إذا كنت أنا عصبى و حاد الطباع .. إيه ذنب الناس اللى بيتحاورو معايا يعنى ؟؟

احنا يدوب كل علاقتنا ببعض من خلال هذا المنتدى .. وتقريبا مفيش أى معرفة شخصية بينا وبين بعض إلا بين القليل من الأعضاء ..

إنت ممكن تستحملنى غيرك مش هيقدر و خصوصا إن الكلام بيبقى على العام و على عينك يا تاجر.

وعلى فكرة أنا بتكلم على اللى بيحصل على العام أمال إيه اللى بيحصل في الخاص bag): .. ربنا يحفظنا

دى مشكلة الانسان العصبى يا دكتور مش مشكلتك انت :give_rose:

رابط المشاركه
شارك

شكرا على الموضوع الجميل يا أخ ياسر

المشكلة يا اخ ياسر هي ثقافة مجتمع بالكامل ونحن جميعنا جزء من هذا المجتمع ونحمل امراضه إلا من رحم ربي وقليلا ما هم

من ليس معي فهو ضدي , هذه هي المشكلة

وغالبا الحوار يتحول لمشادات عندما يقوم احد المحاورين بالهجوم على شخص من امامه

اعتقد أننا لو وجهنا انتقادنا للرأي نفسه مهما كان النقد فلن تكون هناك أي مشكلة , واعتقد ان أي شخص معتدل لن يغضب من انتقاد رأيه مهما كانت قوة النقد طالما أن النقد لم يمسه كشخص

وانا فى رأي أن للحرية حدود بما فيها حرية الحوار , وليس هناك شيىء اسمه الحرية المطلقة

احب أسأل سؤال :

على سبيل المثال عندما يدخل احدا بمداخلة فيها تعدي على الدين أو فيها شىء كفري ( وهذا الحمد لله لا يحدث فى محاورات المصرين ولكني اتكلم بشكل عام ) , واحد المحاورين أخذته الغير على دين الله فرد ردا قويا وقاسيا على الطرف الاخر , فهل فى هذه الحالة نلومه ونقول له انت لا تؤمن بثقافة الاختلاف فى الرأي ؟

أيضا عندما يدخل احد بمداخلة يقوم فيها بنعت الشعب المصري كاملا بنعوت لا تليق , واحد المحاورين اخذته الحمية ورد عليه وكان رده قويا , فهل نلومه ونقول له هذه حرية شخصية ويجب عليك أن تتقبل الرأي الاخر ؟

بص يا أستاذى .. الرد بالمنطق و الحجة و الدليل أ قوى من أي شيء .. أمال هي فايدة الإ شراف و التقارير إيه .. ولو كل واحد هياخد حقه بإيده

هنايبقى نغير اسمها معلش زى ما قلت للأستاذ جو ..وبعدين على فكرة ممكن الحكاية تبقى أمر نسبى .. في ناس بتبالغ بجد في تفسير كلامك و بتحمله

أكبر من حجمه .. و كلامك لو بجد فيه تعدى على الدين أو كفر و العياذ بالله أو نعت للشعب المصري كله بما لايليق .. صدقني مش هيختلف عليه

اتنين ..

أنا هفكرك يا أستاذى بقصة جميلة ..

جاء أبو الوليد وهو رأس من رؤوس الكفر يعرض على النبي صلى الله عليه وسلم المال والجاه و السلطان على أن يترك دعوته .. فيه أكتر من كدة يا

أستاذ إبراهيم ؟؟ أهو كافر صريح بيعرض على النبي صلى الله عليه وسلم رشوة صريحة .. هل بقى النبي صلى الله عليه وسلم أخذته العزة وقاله امشي يا

كافر يا مشرك .. لا والله .. أمال قال إيه ؟؟

قال .. أفرغت يا أبا الوليد ؟؟؟ إذا فاسمع منى .. فما زاد إلا أن قرأ آيات بينات من صدر سورة فصلت .. ثم قال هذا ما عندي يا أبا الوليد

فانظر ماذا ترى .. فعاد أبو الوليد إلى قومه بوجه مختلف غير الذى ذهب به ..

يا أستاذ إبراهيم .. لقد أمر الله نبيه موسى باللين مع فرعون الكافر الأكبر الذي قال (( أنا ربكم الأعلى )) فقال (( فقولا له قولا لينا ))

معتقدش يا أستاذ إبراهيم أنه يوجد في المحاورات من هو أحسن من موسى عليه السلام أو من هو أسوأ من فرعون الكافر الأكبر.

صدقنى يا أستاذ إبراهيم أنا مؤمن تماما بقول النبي صلى الله عليه وسلم (( ما جعل اللين في شئ إلا زانه وما نزع من شئ إلا شانه ))

تحياتى لك دائما .. :clappingrose:

تم تعديل بواسطة الدكتور ياسر
رابط المشاركه
شارك

بقيت اعمل حاجه عشان ما ازعلش او ازعل حد

لما حد يكتب رأي او مداخلة تحرق الدم بجد

او انه يعتدي عليا شخصيا و يحول الكلام لشخصي

ما بقيتش ارد في ساعتها

عشان اهدى و اعرف ارد كويس

باخرج من التوبيك فورا و اعمل اي حاجه تروق دمي

و بعدين ارجع ارد بهدوء شوية

لاني لقيت الدنيا بصراحة مش مستاهلة حرقة دم

و كل واحد فينا عنده في حياته اللي مكفيه

فا ما يبقاش كمان الوقت اللي بيقضيه على النت يتحرق دمه او يتعصب كمان

برافو عليكي يا ريم

ده حل كويس وعملي bv:-

لان بعد نص ساعه ، من المداخله اللي تحرق الدم ، الواحد بيلاقي إنه كان ممكن يكتب رده بطريقه أحسن ويقول اللي عاوزه كله من غير ما يعك

وبعد كام ساعه ، من حرقة الدم ، بتلاقي ان الدنيا بقت أحسن ، وساعتها الرد بيكون أحسن و أحسن والأفكار مترتبه أكتر

وربنا يرزقنا جميعا الصبر والحلم وسعة الصدر

ويبارك لك في مريم ... آمين :give_rose:

رابط المشاركه
شارك

عايزة أضيف خمس نقط

1 - هو ما ينفعش اللي يختلف مع حد يقول له ، مثلا : مع احترامي لحضرتك انا مختلف معاك في رأيك في كذا وكذا .... بالراحه وبهدوء كده؟؟

2 - أي حد عايز اللي قدامه يخاطبه كويس ، لازم هو كمان يكون اسلوبه كويس

3- غير الحده والعنف في الرد ، التهكم علي رأي الآخر ومحاولة الانتقاص من عقله مثلا بتضايق جدا برضو

4 - البادي أظلم طبعا

5- اللي بيجرح أو بيهين أو بيحتد علي زميله ، بصراحه بيسيء لنفسه الأول ، لإن الانسان الخلوق مهما اختلف مع حد في الرأي ، بيحافظ دايما علي اسلوبه المهذب في الحوار

تحياتي

رابط المشاركه
شارك

قبل اي شيء يجب ان نتفق

اولا سياسة المنتدى لا تسمح بمواضيع الالحاد والمسيئة للديانات السماوية وانا واحد من الناس لا احبذ تواجدي في اماكن تسمح بذلك وحدث ان انسحبت من منتديات كانت تسمح بتلك المواضيع لانني مؤمن بان العالم الافتراضي مليء بكافة الاطياف وكل واحد وما يحب يتعامل مع اماكن توجهاته و يميل اليه

ثانيا اذا اتفقنا على اولا يبقى من البديهي ان هذا المنتدى يحتوي افكار ادني من الالحاد والاساءة للاديان السماوية ويحتوي افكارا محدودة بسقف لا يمكن ان يتعداه احد

ثالثا المواضيع التي تحدث المشاحنات هي المواضيع الدينية والى حد ما السياسية مؤخرا بعد حدوث الثورة وقبلها كانت الخلافات السياسية تكاد تكون معدومة وبمجرد حدوثها انقسم المحاورين الى مؤيد ومعارض وبينهما يؤيد شيء ويعارض شيء لكن ظل الحوار في اطار الاختلاف وإن كان هناك تخوين فئة لاخرى كان في اطار ضيق والاخوة المشرفون تكفلوا الى حد ما في ازالة هذه المخالفات

يبقى لنا الموضوعات الدينية والتي دائما ما يحدث فيها الخلاف والتي قد تصل الى التفسيق او التكفير احيانا لماذا ؟

لان هناك فئة من المتحاورين تعتقد ان وجودها في هذا المنتدى من باب الجهاد والدفاع عن دين الله ويعتقدون انهم بذلك يأخذون حسنات لكن الحقيقة انهم يدفعون حسنات لغيرهم لماذا؟ لانهم للاسف يحاورون مسلمون مثلهم لان المنتدى لا يسمح بعرض المواضيع الالحادية او يحاورون مسيحيون مؤمنون بدين سماوي وبوجود اله اي ايضا لديهم سقف لا يمكن ان يتعدوه

كل واحد ونيته فمثلا انا وجودي في هذا المنتدى او غيره هو الاستفادة من اراء الغير والتعلم منهم لكن عندما اشاهد من يفسر ايات الله بطريقة خاطئة ويظن انه من الواجب عليه ان يكون غليظ مع الغير نسى ان الغلظة ما يجب ان تكون الا مع الكافرين وليس اي كافرين بل المعتدين منهم فقط ومأمور ان تجير الكافر اذا لجأ اليك

هو يظن ان يجاهد في سبيل الله

لكن مفهومي للجهاد بالكلام هو الحكمة والموعظة الحسنة اما من يعيش الدور ويظن انه المسلم الوحيد في هذا المنتدى فقد ساء ظنه وخسر عمله

والمسلم لا يكون سباب او شتام الا اذا تعرض لظلم بين ففي هذه الحالة سكوته ينم عن ضعف ومطلوب منه ان ينزع هذا الظلم ويصرخ في من ظلمه

رابط المشاركه
شارك

انا الحمد لله مبزعلشى حد خااااااااااالص

:)

حتى شوف التقيمات الخضرة الى عندى

وصلت لحد كام

139

:)

في الحقيقة يا استاذ محمد أنا بجد زعلان منك ..

فأنا أرى أن لك مطلق الحرية في أن تحب مبارك كما تشاء فهذا شأنك ؟؟

ولكن أن تستهين بشعورنا بتلك الصورة.. لدرجة أن تجلب لنا أغنية بعنوان (( كدنا العوازل )) .. فبصراحة هذا سائني كثيرا ..

وحتى إن كنت تعنى بها محامييى أهالى الشهداء فهذا ليس مبررا لأنهم يمثلوننا جميعا..

رابط المشاركه
شارك

انا الحمد لله مبزعلشى حد خااااااااااالص

:)

حتى شوف التقيمات الخضرة الى عندى

وصلت لحد كام

139

:)

في الحقيقة يا استاذ محمد أنا بجد زعلان منك ..

فأنا أرى أن لك مطلق الحرية في أن تحب مبارك كما تشاء فهذا شأنك ؟؟

ولكن أن تستهين بشعورنا بتلك الصورة.. لدرجة أن تجلب لنا أغنية بعنوان (( كدنا العوازل )) .. فبصراحة هذا سائني كثيرا ..

وحتى إن كنت تعنى بها محامييى أهالى الشهداء فهذا ليس مبررا لأنهم يمثلوننا جميعا..

ياستاذ ياسر

انا مقدرشى على زعلك خالص

بس انته لم تتفهم قصدى

خذها قاعدة

(( من يشمت فى الموت من لا يموت ))

ونحن كلنا سوف نموت

فيكف اشتمت فى احد او حتى اتجنى علية

انا فقط

عندما اتيت بفيديو (( كيدنا العزال ))

هذا لمحاميين الحق المدنى (( اصحاب التوك شوة ))

هؤلاء ياستاذ ياسر

يضيعون حق الشهداء وهم يعلمون ذلك

ولعلم حضرتك ياستاذ ياسر اى محامى معاه كرنية نقابة المحاميين يحق لية انه يكون مدعى بالحق المدنى

وللأسف هم يضيعون حقوق الشهداء ....

وياستاذ ياسر الممثل العام عن الشعب هيا النيابة العامة

ام دور المدعيين بالحق المدنى فهو ضيف فى المحكمة

والتى تباشر الأجراءات هيا النيابة العامة فقط

اماانا شخصيا ادعوا الله ان يرحم اهالى الشهداء الذين ماتوا فى المظاهرات وليس الذين ماتوا امام اقسام الشرطة

وادعوا الله ان يصبرهم اهلهم

هذا كل ماعندى

:)

رابط المشاركه
شارك

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.

سجل دخولك الان
×
×
  • اضف...