•°¤♥ افتكري و اوعي تنسي ... النهاردة عيد ميلاد جالاكسي ♥¤°•

[عبير يونس]

كل سنة وانتي طيبة يا جالاكسي

نفتقد وجودك بيننا

[capitshino]

كل سنة واختنا جلاكسى بخير .

[لماضة مصرية جدا]

السلام عليكم و رحمة الله و بركاته

طب منكن نبذة عن الاخت جالاكسي...(هو انا غبت عن المحاورات و لا انتو عندكو محاورات تانية غير اللي انا عارفاها)

طب بلاش حدش يبعت اي اتنين عساكر...قصدي اي اتنين من جروبي يوصلوا التهنئة و لا ايه

طب و ع العموم

كل سنة و انتي طيبة يا استاذ...استاذة جالاكسي

بنتك...التايهة

لماضة بنت أبو لماضة

كفر مبيسالشي عليا ابدا

[م تيمور المراغي]

على حد علامي فوق المتوسط اللي هو بعد الاعدادية بسنتين فالجالاكسي ده موبيل او تاب مش بنت

عموما امرنا لله

كل سنه وانتي طيبه يا ست الكل

[عماد حمدي]

كل عام و حضرتك بألف خير

و عقبال 100 عام سعادة و راحة بال و هدوء و سكينه و تقضيهم كلهم علي بعضهم كدا في طاعة الله :)

[زهرة الجبل]

لا و الله زعلت منكم

حد ميعرفش جلاكسي ؟

دي جالاكسي دي كانت شيكولاتاية المنتدى

صديقه عزيزه .. الصيدلانيه خفيفة الظل ... المثقفه جداً .. القريبه من الجميع .. وحشتني جداً هنا في المحاورات

جالاكسي إحدى عضوات المنتدى من الجيل الجميل

الظاهر إن الموضوع فعلا بقى أجيال

جلاكسي من جيل شهد و أماني و قرنفله و ناش و فيروز و بدريه و لولا

كلهن عضوات فاضلات رغم غيابهن عن المنتدى لكن لم و لن يغبن عن الذاكره

بعض موضوعات جلاكسي

رحله إلى مكتبة الأسكندريه

شـــخـــبـــط شـــخـــابـــيـــط

كيف تخطط لحياتك..(للدكتور صلاح الراشد)ومكتبه تنميه بشريه

لماذا نقرأ..؟وكيف وماذا تقرأ؟

نــظــرات

الموضوع ده بقى يعطينا فكره عن العلاقات الجميله التي تكونت بين العضوات في المحاورات .. داخل الشبكه على النت و أيضاً في الواقع

يوم في ضيافة أماني و تيتو

جلاكسي ...

كل سنه و إنتي طيبه يا أجمل شيكولاتايه

و يا رب أشوفك في المحاورات تاني

أنا عارفه إن وقتها أصبح مش ملكها كالسابق .. لكن كلنا تزوجنا و أنجبنا و لسه بنجد الوقت للمحاورات

قلتي إيه يا أم علي ؟

و لا يعني لازم نستأذن الأستاذ علي ؟

كل سنه و إنتي طيبه مره أخرى

و يا رب كل سنه نقولهالها و هي بكل الخير

و مش هنسى طبعاً أقول لك بجد تسلم إيديكي يا عبير

و شكراً لأنك أعطيتيني الفرصه أكلم جلاكسي عالمحاورات

و أثبت لها إن مش أنا بس إللي فاكراها هنا

و مش أنا بس إللي بتمنى أشوفها هنا تاني

تحياتي

أم كريم