اذهب إلى المحتوى
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

مش حتمسكوها يا مجلس العسكر !


Recommended Posts

يبدو أن من خطط لموقعة العباسية

يريد تكرار نفس السيناريو اليوم

RT ‎@Asadx‏: رسالة إخبارية من الأهرام الآن: مسيرة معارضة تتجه الآن لوزارة الدفاع وأخرى مؤيدة تستعد للتصدى لها

GameelaIsmail Gameela Ismail

لي المتجهين نحو الدفاع: احذر اكمنه للشرطه العسكريه معهم مسجلين متنوع في الطريق كوبري القبه و منشيه لبكري

رابط هذا التعليق
شارك

  • الردود 539
  • Created
  • اخر رد

Top Posters In This Topic

اللي اشطر منهم صفوت الشريف وكان بيلاعبهم كلهم بما فيهم الاهطل المخلوع

ايه رأيك نجيبه يحكم !

ميحكمشى ههههههههههههههههههه

على العموم الشعب اللى حينتخب ((قربه)) مقطوعه .. حتخر عليه

مادام انتخبها بكامل ارادته وبدون تزوير او تلاعب

على قلبي زي العسل :give_rose:

رابط هذا التعليق
شارك

معا لترشيح الأستاذ حازم صلاح أبو إسماعيل للرئاسة

الأستاذ حازم صلاح أبوإسماعيل:

لم ادعو للاعتصام ولن ننفرد به ، ولن نفعل شئ دون الاستعداد المطلق ، وإن شاء الله سيكون هناك بيان بالقرار النهائي الليلة

----------------------

تصريح خاص تليفونيا

تم تعديل بواسطة Om Zayd
رابط هذا التعليق
شارك

عشان ماء الوجه اعطينا للمجلس الفرصه آهو انه يستجيب للمطالب ,,

بيني وبينك هيا احدى الحسنيين

يا اما تحقيق المطالب الرائعه تفعيل قانون العزل السياسي و خارطة طريق للانتاخابات او الحشد العام

رابط هذا التعليق
شارك

حازم صلاح أبو إسماعيل

الأستاذ حازم من ميدان التحرير منذ قليل | أقولها كلمة صريحة لتكون محفوظة . نحن لن ننتظرهم بعد اليوم لحظة واحدة. الوقت الذي كان مخصصا لنقول و يقول و نرد و نتدافع هم ضيعوه بأنفسهم و جعلوه ينقضي و لابد لنا الآن من وقفة في منتهى القوة. نحن لن نعتدي أبدا على أحد و لكن صدقوني لن نجد لحظة نبذل فيها أرواحنا أفضل من هذه اللحظة التي نحن فيها

الأستاذ حازم من ميدان التحرير منذ قليل بصوت هادر يقول | إحنا خلاص مش عايزين حاجة من المجلس العسكري و هو المكلف إما إنه يلحقنا أو ميلحقناش هوه حر
رابط هذا التعليق
شارك

الاخبار - لا أدري مدى صحتها- ابتدت تنتشر ان لا مانع نعطي حصانة للمجلس العسكري شرط تسليم السلطة

والله يا فندم دده لو حصل أو حتى أُثير تبقى مصيبة

أو بمعنيى قانوني تبقى أعتراف صريح بفساد المجلس العسكري

فهذه الممارسات لم تُعرف إلا في الدول المتخلفة الديكتاتورية مثلما حدث مع بن علي لما أصدر قانون عدم ملاحقته هو أو اسرته قضائياً

بالبلدي كده ... اللي على راسه بطحه بيحسس عليها ...

والانسان الشريف عمره ما يطلب حصانة ولا ضمانات بعدم الملاحقة

رابط هذا التعليق
شارك

ده المخلوق المخلوع ده لازم يتعدم 100 مره ..

تخيلوا إن النهاردة كان هناك تظاهرات في مرسى مطروح أيضاً وكانوا رافعين مطالب من ضمنها " السماح لأبناء مطروح بالالحتاق بالكليات العسكرية أسوة بالقرار الذي أتخذ منذ أيام بقبول أبناء سينا بالكليات العسكرية "

إيه الجبروت ده ؟

وإزاي الناس دي كانت ساكته طوال 30 سنة وهما محرومين من ابسط حقوق المواطنة والانتماء ؟

رابط هذا التعليق
شارك

الجزيرة: المجلس العسكرى يدعو غدا لإجتماع عاجل مع قادة الاحزاب لبحث نقل السلطة

لأ طبعاً ... خبر جزء منه صحيح ... وجزء منه فتي صحفي

هو فعلاً هايجتمع معاهم بكره عشان يلغي المادة الخامسة ... ودمتم

لكن نقل السلطة مستحيل يحصل بالسهولة دي

رابط هذا التعليق
شارك

إحكي لنا بقى يا أحمد يا أنور شوفت إيه في الميدان وإيه ملاحظاتك والحاجات دي

ههههه

أنتا عرفت إزاي يا باشا إني رجعت أونلاين

المهم يعني الميدان النهاردة مكنشي مليان يمكن أقل مليونية عددا شوفتها

منصة حزب الوسط كانت عاملة شغل جامد و كانوا منظمين بكاسكتات و فانلات و بينظفوا مكانهم

و عصام سلطان مولع الدنيا بس معجبنيش كلامه عشان برده مصمم أخواتنا الليبراليين و العلمانين بيقنعوا المجلس يكمل و كده يعني الشيخ حازم كلامه أظرف

و جزء لحزب العدل و حاجة اسمها الإئتلاف الإسلامي و منصة الشيخ حازم ابو اسماعيل بس مكنتش اتخيل إن أنصاره قليلين كده و كذا حزب و ائتلاف مش فاكرهم

و طبعا شباب 6 أبريل باللوجو بتاعهم و فكرة جديدة بتاعت الأعلام العالية زي بتاعت الألتراس هتظهر في الصور و كمان حزب كده مش فاكر اسمه ايه مستخدم نفس الفكرة

رغم الأعداد مش مهولة بس الحماس عالي جدا بيقولوا بيفكرهم بأجواء 25 يناير الأولي

لما كتبت المشاركة الأولي كنت قاعد علي زهرة البستان

قمت عشان الحق مسيرة ماسبيرو لما قريت عليها علي تويتر و طبعا طنشت مسيرة العباسية عشان ظروف السن متسمحشي بالكر و الفر و المشي للعباسية أساسا

لحقتها علي الكورنيش

و وقفت قدام ماسبيرو طبعا ماسبيرو قدامه سلك شائك بس مكنشي فيه مدرعات و لا قوات كثيفة غالبا فوجئوا جامد

صور أمام ماسبيرو

1ss1_13174150832.jpg

1ss1_13174150843.jpg

1ss1_13174150864.jpg

و الضباط زي ما أنتم شايفين كده كانوا واقفين مبيردوش و لا بيعملوا حاجة

و الهتافات ، الشعب يريد تطهير الإعلام ، أهم أهم أهم الكدابين أهم ، يسقط حكم العسكر ، عسكر يحمي ميحكمشي ، البس بدلة البس بوكسر يسقط يسقط حكم العسكر ،،، آلخ

و رفعولهم الجزم و آلخ و كانوا معجبين أووي بهتاف حنروح و نقول لمين ضباطنا *******

و ساعة كده و قرروا يرجعوا للميدان عشان بدأت بوادر إحتكاك أو حسوا إن فيه حد بيتحرش

و كان فيه عيال عبيطة كده مصممة تشتم الضباط

كان موجود في المسيرة نوارة نجم ، الصراحة أنا كنت بأتهمها إنها بتمثل أنها هبلة زي ما شعبان عبد الرحيم بيمثل إنه عبيط بس تقريبا هيا فعلا هبلة

نوارة نجم

1ss1_13174150875.jpg

دخول المسيرة الميدان مرة آخري

1ss1_13174155931.jpg

رجعنا الميدان لقينا الشيخ حازم أبو اسماعيل عامل حركة جامدة جدا

1ss1_13174155952.jpg

جه متأخر و الميدان كله اتلم عليه و اشعل الحماس في الجماهير و قال كلام كتير المهم فيه إنه ضد اللي راحوا العباسية و إنه لا ينوي الإعتصام اليوم و كلام تاني كتير ممكن تعرفه من المواقع عشان نسيت

و الناس كانت متجاوبة جدا معاه و اشعل حماسها رغم إن معظم المتظاهرين مكنوش سلفيين

و شباب 6 ابريل زي ما باين في الصورة كانوا محتشدين بأعلامهم قدامه بس مرة واحدة أختفوا ، رغم إنه كان بيثني عليهم في خطابه

شعب التكنولوجيا ، بيصور الشيخ حازم بالموبايل و الآي فون و الآي باد و كل الوسائل هههههههه

1ss1_13174155963.jpg

من الطرائف في خطاب الشيخ حازم ، الناس كانت بتقاطعه بهتاف ( يسقط حكم العسكر ) قالهم معلهشي يا جماعة قولوا (( إن شاء الله ))

و في الآخر قال ما معناه إنه بيتكلم بصفته مواطن و مش عايز أي مكسب شخصي و مشي

أنا دلوقتي بكتب من علي زهرة البستان يمكن أرجع ابص بصه و مشي

لحد ما مشيت مكنشي فيه غير خيمة الإعتصام دي

1ss1_13174150811.jpg

حاجة اسمها إتحاد المستقلين من أجل مصر ، شكلهم عمال أو حاجة زي كده

و كانوا خايفين أووي بيقولوا الجيش هيطحنا

و الشيخ حازم قال في خطبته إنه مش هيعتصم بس مش هينتظر للجمعة القادمة

و آسف علي ردائة الصور موبايل تعبان و الدنيا ليل

رابط هذا التعليق
شارك

الاخبار - لا أدري مدى صحتها- ابتدت تنتشر ان لا مانع نعطي حصانة للمجلس العسكري شرط تسليم السلطة

والله يا فندم دده لو حصل أو حتى أُثير تبقى مصيبة

أو بمعنيى قانوني تبقى أعتراف صريح بفساد المجلس العسكري

فهذه الممارسات لم تُعرف إلا في الدول المتخلفة الديكتاتورية مثلما حدث مع بن علي لما أصدر قانون عدم ملاحقته هو أو اسرته قضائياً

بالبلدي كده ... اللي على راسه بطحه بيحسس عليها ...

والانسان الشريف عمره ما يطلب حصانة ولا ضمانات بعدم الملاحقة

عصام سلطان من شوية كان بيقول اننا لازم نتكلم بصراحة

و ان المجلس قلقان يتعمل فيهم زي مبارك

و طلب ان الناس تتناقش في الموضوع ده و المهم تسليم السلطة

رابط هذا التعليق
شارك

الوقت مش في صالحنا ... انا باتكلم هنا على اللي الشهر الجاي ومش عارفين لسه راسنا من رجلينا ....

وبالتالي موضوع إلغاء قانون الطواريء .. وتعديل قانون الإنتخابات ... ووضع جدول زمني واضح لتسليم السلطة

كل ده لازم يتم بدون مماطلة ولا تسويف ولا كلكعه

وإلا كل القوى السياسية تعلن صراحةً سحب الثقة من المجلس العسكري .. ونتصرف إحنا بقى

على فكرة ... اوعى الشيطان يوز المجلس العسكري ويفتكروا نفسهم مجلس قيادة ثورة أو جبهة إنقاذ ..

هم حيا الله جزء من الجيش المصري .. قفز على الكراسي بشكل غريب .. أو بشكل مدبر من المجحوم عشان يوقعنا فيهم ... ما هو الثعبان مش ممكن يموت كده بسهولة ... فهو يلدغ حتى وهو يلفظ أنفاسة الأخير

لكن بإذن الله هانفوت عليه الفرصة ... وهايفضل المصريين يحترموا جيشهم

لكن جيشهم مين ؟

جيشهم اللي بيحميهم مش اللي بيحكمهم

فرق كبير جداً بين الإتنين

رابط هذا التعليق
شارك

و ان المجلس قلقان يتعمل فيهم زي مبارك

ما أختلفناش ...

اللي قلقان ده يبقى عامل مصيبة وخايف .....

وأسف ده ترسيخ لمباديء لمواقف قادمة تجعل حياتنا ضبابية

يعني لو صدر لهم حصانة .. وأكتشفنا إنهم عاملين بلاوي

إيه اللي ضمنني إن الرئيس القادم هو كمان يطلب حصانة وعدم ملاحقة قانونية ؟

رابط هذا التعليق
شارك

انشئ حساب جديد او قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
×
×
  • أضف...