اذهب إلى المحتوى
محاورات المصريين

مش حتمسكوها يا مجلس العسكر !


Recommended Posts

6e2ff3120f8124d6535f788bf845fffb%D8%A7%D9%84%D9%85%D8%AC%D9%84%D8%B3-%D8%A7%D9%84%D8%B9%D8%B3%D9%83%D8%B1%D9%89.jpg

اما المجلس بتاعنا ده طلع لعيب بشكل؟؟؟

فهم الشعب انه معاه ضد مبارك ...

وفهم مبارك انه معاه ضد الثورة..

وفهم الإخوان انه معاهم ضد الفلول و الأحزاب..

وفهم السلفيين انه معاهم ضد الكفار..

وفهم الثوار انه مع مدنية الدولة و المبادئ الفوق دستورية ضد الإسلاميين..

وفهم الفلول انه معاهم ضد التغيير؟؟

وفهم بتوع التغيير انه معاهم ضد الفلول..!

و سابهم يطحنوا بعض احلي طحن..

وبعد ما قعدهم كلهم علي حجره رماهم كلهم في الزبالة

و خلا الناس تتحايل عليه انه يمسك الحكم و يعلن الطوارئ لإنهم فقدوا الثقة في كل دول !!

ملعوووووبه يا مجلس

بس على مين ,,

ياللي فوق السبعين !

المجد لولادك المخلصين ...

رابط هذا التعليق
شارك

  • الردود 539
  • البداية
  • اخر رد

أكثر المشاركين في هذا الموضوع

أكثر المشاركين في هذا الموضوع

الصور المنشورة

التوبيك ده مافيهوش بقى حكاية سلفيين وليبراليين

كلنا نتوحد لكشف مخطط العسكر للبقاء على حكم البلاد

لو طلع كلامي غلط \ ويارب يطلع غلط \ يبقى خير وبركه وحعلنها مع نهاية الاتخابات والشهاده بنزاهتها \ بغض النظر عن الفائز \ اني غلطت ومابفهمش وكل اللي يرضيكم لكن

حتى يحل هذا اليوم

عاوزين عينينا تبقى في وسط راسنا

ومش احنا الي نتقرطس يا مجلس العسكر !

هارش !

المجد لولادك المخلصين ...

رابط هذا التعليق
شارك

انا توحدت من قبلك يا تيمور

انا دلوقتي عاوز الانتخابات باسرع ما يمن

تجيب اخوان تجيب فلول نبقى نشيلهم الدورة اللي بعدها

عايزة تبكي ياما على حالي؟؟

ابكي على حالي وشوفي ملامحي

ابكي على حالي وانا جندي مقتول برصاص الصهاينة على الحدود

ابكي على حالي لما هان عليهم دمي وتعب جدود الجدود

ابكي على حالي لما مدوا ايدهم لليهود

ابكي على حالي في الوضع الحالي

رابط هذا التعليق
شارك

انا توحدت من قبلك يا تيمور

انا دلوقتي عاوز الانتخابات باسرع ما يمن

تجيب اخوان تجيب فلول نبقى نشيلهم الدورة اللي بعدها

وانا معاك

مين كمان !

المجد لولادك المخلصين ...

رابط هذا التعليق
شارك

انا توحدت من قبلك يا تيمور

انا دلوقتي عاوز الانتخابات باسرع ما يمن

تجيب اخوان تجيب فلول نبقى نشيلهم الدورة اللي بعدها

لا والله

يا استاذ بقالنا شهور بنقول كدة

اهم خطوة حاليا التحول لدولة ديمقراطية

مش مهم مين اللى يكسب الانتخابات او مين اللى هيخسر

للاسف البلد كل يوم بتصرفات البعض بتقرب من احد خيارين

اما حرب اهلية

او

دولة عسكرية

و انا شايف ان فية العديد من الناس اللى كانت فى قلب الاحداث يوم 28 ( ناس عادية غير منتمية لاحزاب لا دينية ولا غيرة ) اصبحوا نادمين و لو الجيش اعلن احكام عرفية حالية كثير هيايدوة

منهم لله اللى كانوا السبب

رابط هذا التعليق
شارك

زي ما قلتلك يا باشمهندس في الموضوع التاني

كون المجلس يحكم بنفسه وش كده ده مستبعد جدا جدا جدا

في ظل الزخم الثوري ،،، شبه مستحيل ده يحصل

ده الناس عندها طاقة بتكسر سفارات و تتسلق عمارات و تعلم علي وزارات

الخوف مما وراء الستار ،،،

أتمني إن أيا من القوي السياسية لا يخون الثورة و لا يقبل علي نفسه إنه يلعب دور المحلل

03zjkty10.jpg

رابط هذا التعليق
شارك

كاريوكي - مطلوب زعيم - اغنيه ممنوعه من النشر لانها مش عاجبه اللي ماسكين البلد - اسبكم معاها

http://www.youtube.com/watch?v=wNY48B2esE8&sns=fb

المجد لولادك المخلصين ...

رابط هذا التعليق
شارك

وانت يا شعب الفلول انت

لو ما استرجلتش كده وصحيت من الغفله دي والله في سماه لاسيبك تلبس وحتلبس صح ,,

المجد لولادك المخلصين ...

رابط هذا التعليق
شارك

الكلام صح تماما المجلس ناويها وواضحة تماما

من اول ما بدا الاستفتاء على الدستور

و محدش يقولى لا اصله عارف انه مش هيقدر لان الثورة و رجالتها

الجيش اساسا بيفكروا بطريقة واحدة من ايام عبد الناصر و انه هو الوريث الشرعى و الحامى الاصلى لمصر

و اللى يتكلم مع اى قيادى كبير فى الجيش هيفهم كده و كونه مش عايز تغير حقيقى فى البلد و كونه اتعامل معانا بنفس طريقة مبارك يثبت انه مش هيفهم و لا يتغير

ازاى افهم شخص فوق السبعين عسكرى ان طول عمره افكاره غلط اعتقد ان ده المستحيل بعينى و عشان كده انا متوقعة يا ثورة تانية بس المرة ديه مش سلمية خالص و مش مقتنعة ان الجيش هيقدر يسيطر عليها

و الا كانوا سيطروا على ليبيا او سوريا

ربنا يستر و يفوقوا من الغيبوبة الفكرية اللى هم فيها

رابط هذا التعليق
شارك

بالله شوفوا نفس الفيلم اللي اتعمل علينا امبارح اتعمل من خمسين سنه !

http://www.youtube.com/watch?v=F5VzIR2akio&feature=player_embedded

المجد لولادك المخلصين ...

رابط هذا التعليق
شارك

الخدعه المزدوجه اللي اتعملت امبارح بصراحه نقله نوعيه

نسيب المتظاهرين يقتحموا السفاره ونذيع على العالم كله منظرهم ده عشان المجتمع الدولي يقول عليهم بلطجيه ومجرمين بعدين ننقض عليهم بمنتهى القذاره نجرح الف ونقتل 3 ونشفي صدور الداخليه والامن المركزي منهم ,,

بس زي ما ربنا اداكم عقول اعطا غيركم عقول انضف بتدرس وتحلل وتحشد و تصعد حينما ياتي الوقت المناسب

وهو آت لامحاله لان الله لا يهدي كيد الخائنين

المجد لولادك المخلصين ...

رابط هذا التعليق
شارك

وانت يا شعب الفلول انت

لو ما استرجلتش كده وصحيت من الغفله دي والله في سماه لاسيبك تلبس وحتلبس صح ,,

السلام عليكم..

حضرتك تقصد مين؟ يعنى تقصد الشعب اللى بتقولوا عليه حزب الكنبة.. ولا تقصد الفلول اللى بيشاركوا فى ضرب اهالى الشهدا و بيتخذوا موقف فعلى - مش مجرد كلام - ايا ما كان؟

اصل لو حضرتك تقصد الناس اللى بتقولوا عليهم حزب الكنبة, فدى تبقى اهانة للشعب المصرى فى مجمله.

رابط هذا التعليق
شارك

اللي بيحن للنظام القديم انه يرجع وبيكره الثورة والثوار

المجد لولادك المخلصين ...

رابط هذا التعليق
شارك

بقترح دخول الكليات العسكريه والشرطه السنه الجايه يكون اعلى من 90%

ادينا شوفنا ال 50% مجموع عمل في البلد ايه

المجد لولادك المخلصين ...

رابط هذا التعليق
شارك

شهادة المشير اليوم سوف تحدد مصيره في الايام المقبله

فهى شهادة حاسمة ليس لمبارك فقط وإنما لموقف المشير أيضا

فالشعب قد تاب عن عبادة الاصنام

المجد لولادك المخلصين ...

رابط هذا التعليق
شارك

طب و احنا هنعرف هو هيقول ايه ازاى؟ المحاكمة سرية :closedeyes: و حتى مش اى محامى هيدخل.. هيحددوا مين اللى يدخل و مين اللى ميدخلش.

اكيد الاخبار حتتسرب بطريقه او باخرى ,,

الشهاده دي بالذات مستحيل تستخبى ده اذا ما تسربش فيديو ليها كمان

المجد لولادك المخلصين ...

رابط هذا التعليق
شارك

بقترح دخول الكليات العسكريه والشرطه السنه الجايه يكون اعلى من 90%

ادينا شوفنا ال 50% مجموع عمل في البلد ايه

أؤيد هذا الاقتراح علشان متبقاش كلية اللي مش لاقي كلية و متبقاش معتمدة على الواسطة فقط و ميبقاش اللي داخلها داخل علشان يغطي نقط الضعف اللي عنده من نقص المجموع و خلاافه و يقعد يطلع عقده على الناس،

و علشان تبقى كلية قمة و التنافس فيها بحسن معاملة الجمهور من عقول واعية لأبنائها و يكون التفاضل بينهم في الترقيات و العلاوات بمقياس مدى حسن التعامل مع الشعب و تأدية كافة حقوقه و حفظها و احترامها،

و بكده تتحسن العلاقة اللي اتدمرت بين الشعب و الشرطة و .. طبعاً تغيير نوعية ضابط الشرطة ابو 50% بآخر من ابو 90% داه لوحده كفيـــــــــــــــــــــــــــــــــــل بإحداث ليس طفرة في العلاقة بين الشعب و الشرطة بل ايضاً ربما إحداث سكتــــــــــــــــــــــــــــــــــــــــة قلبية لمن أراد تدمير هذه العلاقة لقيادة البلد لما هي فيه الأن من فوضى،

أتمنى من كل قلبي تطبيق هذا و رفع المجموع المطلوب للالتحاق بكلة الشرطة إلى 90% أو أكثر .. و الله فيه ناس محترمة كانت تحب تدخل كلية الشرطة من منطلق وطني و كانت مجتهدة و مجموعها كبير و قدراتها العلمية عالية (يعني دخلوا كليات قمة و نجحوا بعد ذلك) و عاوزة تخش عن حب لكن تم استبعادهم لاسباب غير منطقية و تم قبول اشخاص من أصحاب ال 50% لكنهم على هوى النظام.

فكرة أكثر من رائعة .. و هتحل المعادلة الصعبة بين الشعب و الشرطة بدون اي مجهود .. فقط دخلوا الناس المحترمين دول كلية الشرطة و ارفعوا لهم مرتباتهم باعتبارها كلية قمة .. و اعطوهم حقهم مقابل الخطر اللي بيتعرضوله في ضبط الأمن و هما مش حيقصروا مع الشعب لأن دول ناس معندهمش عقدة من نقص المجموع أو أي عقدة نقص أخرى.

يا رب داه يحصل .. و نشوف شعب مصر و شرطة مصر أيد واحدة .. آمين.

رابط هذا التعليق
شارك

أحداث 9/9

تأجيل شهادة المشير؟؟؟؟؟

حد فاهم حاجة

اللهم إنى أعوذ بك من أن أشرك بك شيأ أعلمه وأستغفرك لما لا أعلمه

http://www.islamway.com/bindex.php?section...;scholar_id=109

رابط هذا التعليق
شارك

أحداث 9/9

تأجيل شهادة المشير؟؟؟؟؟

حد فاهم حاجة

المجلس بيقرطسنا عادي

حد ليه شوق في حاجة !!

المجد لولادك المخلصين ...

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...