اخبار خفيفة

[yasovinas]

صباح الخير ياشباب اسمجوا لي ان انقل لكم ثلاث اخبار ظريفة لفتت نظري اليوم

الخبر الاول يقول :

احتجاجات لتاجيل اعدام قرده

الحكاية ايه يا جماعة ليه هيعدموا القرده اكيد مجرمين

الموضوع ان حديقة حيوان في فنلندا عايزة تجدد بيت القرود عندها فطبعا دورت على مكان تاني تنقل فيه الجماعه دول مش لاقيين !!!

ولا حتى في خيم الايواء السريع اللي عندنا

المهم قالوا خلاص بدل وجع الدماغ وعلىراي زكي قدرة (عادل ادهم ) الاصبع اللي يوجعني اقطعه الجماعه قررو يعدموا القرود دي فطبعا الناس اللي قلبها رهيف صعب عليها القرود المسكينة دي تتقتل فعملوا موقع على الانترنت يسجلوا استنكارهم ورفضهم لاعدام القرود وعجبي

يعني حتى ما حصلناش القرود

الخبر التاني بقى بيقول ايه

انتحار جماعي عبر الانترنت

7 اشخاص يابانيين (4ولادو3بنات ) يفترض انهم اتعرفوا على بعض عن طريق الانتنت قرروا ينتحروا انتحار جماعي فخدوا بعضهم في سيارة ووقفوا في موقف في قمة احد الجبال في منطقة مش عارف اسمها ايه وجابو لهم منقدين فحم ولعوهم وقفلوا السيراة تمام وكمان غطوها (مين بقى اللي غطاها؟؟؟؟)

وفضلوا يشموا ثاني اكسيد الكربون لغاية لما اتكيفوا وودعوا الدنيا

ايه رايكم تيجو نعملها

الخبر الثالث

واد عفريت عنده 15 سنة عمل مزاد على الانترنت لبيع اجهزة الكترونيه ولم من الهبل مبلغ 80الف دولار (تخيلوا 80الف دولار بقى بكام في مصر دلوقت)

والجميل انه اخذ الفلوس وراح يتفسح ليموزين بسواق وراح هو واصدقاءه فندق فخم في نيويورك ودلع نفسه

وشايفين البجاحه كل ما يعمل له مصيبه ولا يروح مكان يبعت للهبل اللي اخد فلوسهم عمل ايه بالفلوس

عيال ما لهاش حل