أفكار غير تقليديه للعيديه

[مغتربة]

كل سنه و حضراتكم طيبين

العديه من التقاليد الجميله المرتبطه بالاعياد

لكن كل سنه بنديها للاطفال بنفس الشكل مفيش تغيرطيب ايه رايكم نغير شويه

دى شويه افكار مبتكره لتقديم العيديه للاطفال

سهله و بسيطه لكن ان شاء الله تفرحهم قوى

1- عمل اشكال من الفلوس

قبل ما نديهم الفلوس نشكلها على اشكال بسيطه مركب طياره مسدي كدا يعنى

و يا حبذا لو على شكل الطفل بيحبه و متعلق بيه اكيد هيفرح فيه اكتر

زى كدا

2- نغلف بيها حبه الوكولا قبل ما نديهالهم

و احنا عارفين ازاى الاطفال بتحب الشوكولا

3- نلفها لهم على شكل خاتم و بدل ما نديهالهم نلبسهالهم فى صباعهم

اكيد هيفرحوا بيها اكتر خصوصا البنات

4- نلفها حوالين ورده جميله و نديهالهم

5- نجيب اظرف صغنونه كيوت كدا و نحط ليهم فيها الفلوس

لسه فى افكار تانيه كتير فى المداخله القادمه باذن الله

[مغتربة]

6- نلفها و نلزقها بحليات ورقيه من الى بتتباع فى المكتبات

7- نجيب علب من الصغنونه باشكال مختلفه سواء دباديب او اى شكل من الى بيحبها الاولاد و نحط ليهم العديه فيها

8- نجيب السلال المصنوعه من الورق او الكوريشه و نحط ليهم العديه فيها

و نقدمها زى ما هى كل واحده لوحدها او نحطهم كلهم فى طبق تقديم كبير

زى كدا

10- نجيب الاكياس الاورجنزا الصغيره و نحط فيها العديه مع الملبس او الشوكولا او مكسرات من الى بيحبها الاطفال و نزينها بشرايط ملونه و ممكن كمان فى اكياس قماش صغيره

تاااااااااااابع

[مغتربة]

11- نحط الشوكولا فى صندوق صغير و نلف عليه العديه بشكل جميل

12- الأكواب الصغيرة التي تقدم عادة في حفلات الصغار من أبسط التغليفات وهي غير مكلفة... ضعي فيها الحلوى والهدية وغلفيها بورق السولفان..

13- عمل قطار العديه و لصقه على الحائط بهذا الشكل

ناتى ببطاقات مزخرفه و نلصق عليها الفلوس ثم نلضمها كلها فى شريط اورجنزا و نثبته على الحائط

14- عمل شجره العديه بمتطلبات قليله تحضر كلها من المكتبات

15- عمل عقد العيديه

نضع العيديه فى القطع البلاستيكيه الصغيره التى على شكل بيضه و نلضمها كلها بشريط بحيث تكون عقد

[Dreamwithme]

أفكار جميلة وجديدة بس أنا شخصيا لم أحب الأفكار في المداخلة الأولي

اللي فيها إننا نعمل أشكال من الفلوس لأني بصراحة شايفة إنها ممكن تكون امتهان للنعمة اللي ربنا أنعم بها علينا

والأطفال ممكن يبقوا عايزين يعملوا كده بعد كده بأي فلوس

لكن حبيت جدا الأفكارفي المداخلة الثانية وهي لف الفلوس ووضعها في باسكيت أو أكياس ملونة

أفكار لطيفة وغير تقليدية

شكرا جزيلا مغتربة وعيد سعيد عليكي يارب وفي انتظار العيدية منك :P

[مغتربة]

16- وضعها فى البيضه البلاستكيه القابله للفتح (بيضه كيندر ) ثم لصقها على بطاقه معايده

17- من الممكن استخدام علب الحلوة القديمة مع بعض الاقمشة المتبقية

لديك وعمل سلة ووضع البيض داخلها او الهدايا بعد وضع النقود داخل البيضة

18- نضعها فى الكره الشفافه مع بعض الشموع و قصاقيص الورق

19 - عمل عش عصفوره ووضعهم فيها

الطريقة

نحضر بلونة وننفخها بالحجم المطلوب

ونلف عليها خيط صوف بهذة الطريقة

بعد الانتهاء من لف الخيط يجب اضافة شئ مهم

لتماسك الشكل

لك خيرين

اما استخدام الخيط وهو مبلل بالماء المضاف الية نشاء

وتركة حتى يجف بعد اللف

او رش غراء ابيض سريع مخفف بالماء بواسطة الرشاش

وتركة حتى يجف

نجهز العش بالقش البلاستك

ثم نضع دباديب صغيره على شكل طيور و معهم العدايا

20- وضعها فى فازه مع ورد مجفف

[مغتربة]

أفكار جميلة وجديدة بس أنا شخصيا لم أحب الأفكار في المداخلة الأولي

اللي فيها إننا نعمل أشكال من الفلوس لأني بصراحة شايفة إنها ممكن تكون امتهان للنعمة اللي ربنا أنعم بها علينا

والأطفال ممكن يبقوا عايزين يعملوا كده بعد كده بأي فلوس

لكن حبيت جدا الأفكارفي المداخلة الثانية وهي لف الفلوس ووضعها في باسكيت أو أكياس ملونة

أفكار لطيفة وغير تقليدية

شكرا جزيلا مغتربة وعيد سعيد عليكي يارب وفي انتظار العيدية منك :P

اهلا حبيبتى

لسه فى افكار كتير

و باذن الله كلها تعجبك

و العديه توصل لغايه باب البيت عندك يا قمر

[عبير يونس]

جميل جدا

أفكار هايلة بجد

و زي دريم عجبتني المداخلة التانية اوي خصوص كيس الاورجانزا

كعادتك يا جميل تتحفينا بكل ما هو جميل

كل سنة وانتي جميلة

[مغتربة]

21- عمل بوكيه ورد من الورق الكوريشه و تكون الزهور عباره عن حلوى او شوكولا مغلفه بالسلوفان و ننثر النقود بين البوكيه

22- عمل جراب من الورق او القماش ووضع الفلوس فيه و تعليقه على باب حجره الصغير

23- وضع النقود داخل بالونات و نفخها بواسطه المنفاخ ثم جمعها معا بشكل محبب للصغار

24- وضعها فى محافظ صغيره

25- عمل الفلوس قرطاس يلف فيه اما حلوى للصغار و اما ورده رقيقه

[مغتربة]

جميل جدا

أفكار هايلة بجد

و زي دريم عجبتني المداخلة التانية اوي خصوص كيس الاورجانزا

كعادتك يا جميل تتحفينا بكل ما هو جميل

كل سنة وانتي جميلة

كل سنه و انت بخير و صحه و سعاده

و الحمد لله ان الافكار عجبتكم

و ان شاء الله هدور تانى و لو لقيت افكار تانيه هحطها

كل سنه وانت بسعاده

[زهرة الجبل]

إيه الجمال ده كله يا مغتربه

التوبيك ده فيه شوية بهجه و نشوى غير طبيعيه

تعرفي أنا نفسي في إيه دلوقتي ؟

نفسي أرجع صغيره تاني و نفسي أشوف جدتي الله يرحمها

كانت لازم تكون هي أول واحده تدينا العيديه و إحنا صغيرين

العيديه مرتبطه معايا في تفكيري بجدتي الله يرحمها

رغم إن كان في أعمامي و أخوالي و ماما و بابا طبعا و ناس تانيه كتير

بس مش عارفه ليه أكتر عيديه كنت بفرح بيها عيدية جدتي الله يرحمها

كانت رغم كبر سنها و عدم خروجها من البيت .. لكن كانت حريصه جداً إنها تطلب من حد من أخوالي يغير لها فلوس من البنك جديده مخصوص للعدايا

يمكن أكتر حاجه فكرتني بيها دلوقت إنها هي الوحيده إللي كانت بتعمل حاجه شبه أفكارك الجميله دي

كانت بتدينا العيديه و معاها ملبس و شيكولاته و بومبوني و حاجات كده كلها ألوان و بهجه و تشوفيها تحسي بفرحة العيد

لسه كأني شايفاها و هي بتفتح دولابها و ضهرها لينا و إحنا كلنا لهفه و ترقب و منتظرين اللي هتديهولنا بفارغ الصبر

كانت ايديها بتخرج من الدولاب مليانه حاجات ملونه كنا بنفرح بيها أكتر من العيديه

فاكره الممناديل القماش البناتي بتاعة زمان المطرزه من عالطروف زي الدانتيل كده و مطرز عليها ورود؟

ساعات كانت تشتري المناديل دي و تلف لنا العيديه مع البونبوني و الملبس والحلويات كل واحد في منديل من دول

و ساعات كانت تديهالنا منغير المناديل

غيرها كان بيدينا العيديه كده بنكنوت و خلاص

الله يرحمها و يغفر لها و يجعل مثواها الجنه

قولوا آمين

و مره تانيه تسلم إيديكي يا مغتربه عالتوبك الجميل ده

و إن شاء الله هحاول أشوف لي فكره منهم أطبقها السنه دي و أنا بدي العيديه لولادي

كلهم أفكار أحلى من بعض لكن هقول لك عملت منهم إيه

و يمكن أصور اللي هعمله و أجيبه في التوبيك ده إن شاء الله

تحياتي

[م تيمور المراغي]

افكار مبتكرة وقمة في الروعه

الدماغ دي لازم تستفيد بيها البلد

كل سنه وانتم طيبين

[مغتربة]

إيه الجمال ده كله يا مغتربه

التوبيك ده فيه شوية بهجه و نشوى غير طبيعيه

تعرفي أنا نفسي في إيه دلوقتي ؟

نفسي أرجع صغيره تاني و نفسي أشوف جدتي الله يرحمها

كانت لازم تكون هي أول واحده تدينا العيديه و إحنا صغيرين

العيديه مرتبطه معايا في تفكيري بجدتي الله يرحمها

رغم إن كان في أعمامي و أخوالي و ماما و بابا طبعا و ناس تانيه كتير

بس مش عارفه ليه أكتر عيديه كنت بفرح بيها عيدية جدتي الله يرحمها

كانت رغم كبر سنها و عدم خروجها من البيت .. لكن كانت حريصه جداً إنها تطلب من حد من أخوالي يغير لها فلوس من البنك جديده مخصوص للعدايا

يمكن أكتر حاجه فكرتني بيها دلوقت إنها هي الوحيده إللي كانت بتعمل حاجه شبه أفكارك الجميله دي

كانت بتدينا العيديه و معاها ملبس و شيكولاته و بومبوني و حاجات كده كلها ألوان و بهجه و تشوفيها تحسي بفرحة العيد

لسه كأني شايفاها و هي بتفتح دولابها و ضهرها لينا و إحنا كلنا لهفه و ترقب و منتظرين اللي هتديهولنا بفارغ الصبر

كانت ايديها بتخرج من الدولاب مليانه حاجات ملونه كنا بنفرح بيها أكتر من العيديه

فاكره الممناديل القماش البناتي بتاعة زمان المطرزه من عالطروف زي الدانتيل كده و مطرز عليها ورود؟

ساعات كانت تشتري المناديل دي و تلف لنا العيديه مع البونبوني و الملبس والحلويات كل واحد في منديل من دول

و ساعات كانت تديهالنا منغير المناديل

غيرها كان بيدينا العيديه كده بنكنوت و خلاص

الله يرحمها و يغفر لها و يجعل مثواها الجنه

قولوا آمين

و مره تانيه تسلم إيديكي يا مغتربه عالتوبك الجميل ده

و إن شاء الله هحاول أشوف لي فكره منهم أطبقها السنه دي و أنا بدي العيديه لولادي

كلهم أفكار أحلى من بعض لكن هقول لك عملت منهم إيه

و يمكن أصور اللي هعمله و أجيبه في التوبيك ده إن شاء الله

تحياتي

ميرسى حبيبتى على كلامك الجميل

رحم الله جدتك تعيشى و تفتكريها بكل خير

فعلا فى ناس بتمر فى حياتنا بتكون طاقه بهجه و سعاده لكل الى حواليهم

الناس دى يمكن بتصرفات بسيطه جدا

بتقدر انها تلون حياتنا بلون الفرحه

يمكن لانهم بيهتموا قوى بينا فبيعرفوا ازاى يسعدونا

هستنى تطبيقاتك و انا متاكده انها ان شاء الله هتكون بروفيشنال

كل سنه و انت و الاسره الكريمه بخير وسعاده

و عيد سعيد عليكم باذن الله

[مغتربة]

افكار مبتكرة وقمة في الروعه

الدماغ دي لازم تستفيد بيها البلد

كل سنه وانتم طيبين

اشكر حضرتك

لكن من باب الامانه لازم اقول ان اغلب الافكار انا نقلاها من النت بحذافيرها

كل عام و حضرتك و الاسره بخير