اذهب إلى المحتوى
محاورات المصريين

هل سقط نظام القذافي وأسرته؟


Alshiekh

Recommended Posts

الحمد لله

تحررت ليبيا من الطاغية وأولاده

ولحقت باخوانها مصر وتونس

الأن : هل تكون الدبلوماسية المصرية على مستوى الحدث وتقوم بتوطيد علاقة مصر مع النظام الليبي الجديد , على أساس تكاملي بين البلدين قائم على الاحترام المتبادل ؟؟

هل تكون الدبلوماسية المصرية على المستوى المأمول وتملأ الفراغ فى ليبيا التي تعتبر العمق الاستراتيجي الغربي لمصر , أما تترك الساحة لأمريكا والغرب واسرائيل فارغة ؟؟

22a6e3c5-9edb-4f2a-8ffd-d5374f952097.jpg

رابط هذا التعليق
شارك

الحمد لله

تحررت ليبيا من الطاغية وأولاده

ولحقت باخوانها مصر وتونس

الأن : هل تكون الدبلوماسية المصرية على مستوى الحدث وتقوم بتوطيد علاقة مصر مع النظام الليبي الجديد , على أساس تكاملي بين البلدين قائم على الاحترام المتبادل ؟؟

هل تكون الدبلوماسية المصرية على المستوى المأمول وتملأ الفراغ فى ليبيا التي تعتبر العمق الاستراتيجي الغربي لمصر , أما تترك الساحة لأمريكا والغرب واسرائيل فارغة ؟؟

اتفق معك

اعمار ليبيا سيحتاج الكثير من التكاليف بعد ان هدمها الجدافي طيلة اربعين سنة من الظلم والقهر

تخيل ليبيا بمقدراتها وبترولها لو واحد تعب شوية يروح مستشفي في مصر او تونس ولو واحد عايز يعلم ابنه صح بردوا يروح مصر او اوروبا

اري ان مصر اولى باعمار ليبيا من الغير ولديها شركات تستطيع اكمال العملية بنجاح وتحويل ليبيا الي دولة متطورة ومتحضرة

(.....إِنْ أُرِيدُ إِلاَّ الإِصْلاَحَ مَا اسْتَطَعْتُ وَمَا تَوْفِيقِي إِلاَّ بِاللّهِ عَلَيْهِ تَوَكَّلْتُ وَإِلَيْهِ أُنِيبُ) (هود : 88 )



رابط هذا التعليق
شارك

المعركه لم تنتهى بعد

نعم هى شارفت

و لكن يجب الا يامن احد مفاجات اللحظات الاخيره

مازالت هناك جيوب لم تتطهر فى طرابلس حتى و ان صغرت

و اهمها باب العزيزيه

لم يلقى القبض على معمر القذافى بعد

لا اعلم لما انتابنى شعور بالاستعجال فى حصد الغنائم

عند قواد الثوار الذين تم استضافتهم الامس و اليوم على الشاشات الاخباريه

لا اعلم لما شعرت بالقلق عندما سمعت مصطفى عبد الجليل رئيس المجلس الوطنى الانتقالى و هو يتحدث على العربيه

و يرد على سؤال حول طلب التفاوض الذى عرضه المتحدث الرسمى باسم الحكومه

فكان رده انه يقبل التفاوض بان يستسلم القذافى و ابناؤه و هو سيوفر لهم ممر امن للخروج من ليبيا

بينما فى الشريط الاخبارى كل الاخبار عن قاده الثوار انها تريد محاكمه القذافى

لا اريد ان اسميها بوادر اختلاف فى الرؤى فى وقت شديد الحرج

و لكن اشعر ان سيناريو محمد نجيب قابل للتكرار مره اخرى فى ليبيا

مصطفى عبد الجليل شخص محترم و لكنه ليس بالشخص القوى الذى يفرض الرضوخ على كافه الكتائب الثوريه

و السيطره عليهم تحت لواء واحد

لانهم قادمون من مشارب عده و لاهداف مختلفه و لكن ما ربط بينهم طيله تلك الفتره

الهدف المشترك

ادعو الله ان تمر ليبيا من تلك المحنه و تخرج منها اقوى و اكثر تنظيما

EjGPv-c584_381280136.jpg

ما اجمل الانوثه عندما تمتطى صهوه الحياه

رابط هذا التعليق
شارك

ده شغل الهواه بقى

امبارح عملوا فيها جناتل - جمع جنتل - وما رضيوش يقبضوا على محمد القذافي إبنه الكبير وطلع عمل مسكين فيها ... لحد ما الكتائب المعفنة هربوه النهاردة وأختفى ... حاجه تقرف بصراحة

-------

بالمناسبة : مصر أعترفت بالمجلس الأنتقالي النهاردة

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

مراسل الجزيرة : إعتراض صاروخ سكود تم إطلاقة من مدينة سرت

يخرب بيتك يا بعيد إنت لسه فيك نفس ؟

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

مراسل الجزيرة : إعتراض صاروخ سكود تم إطلاقة من مدينة سرت

يخرب بيتك يا بعيد إنت لسه فيك نفس ؟

ما هى سرت و سبها لسه مدخلهاش الثوار

EjGPv-c584_381280136.jpg

ما اجمل الانوثه عندما تمتطى صهوه الحياه

رابط هذا التعليق
شارك

مراسل الجزيرة : إعتراض صاروخ سكود تم إطلاقة من مدينة سرت

يخرب بيتك يا بعيد إنت لسه فيك نفس ؟

ما هى سرت و سبها لسه مدخلهاش الثوار

ما انا عارف بس جاب منين الصواريخ دي ؟

أنا خايف كمان أحسن تحصل عمليات إنتحارية من باب يا روح ما بعدك روح ويستخدم الاسلحة الكيماوية اللي كان قارفنا بها وصارف عليها كل فلوسه

ربنا ياخده أخذ عزيز مقتدر

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

مراسل الجزيرة : إعتراض صاروخ سكود تم إطلاقة من مدينة سرت

يخرب بيتك يا بعيد إنت لسه فيك نفس ؟

ما هى سرت و سبها لسه مدخلهاش الثوار

ما انا عارف بس جاب منين الصواريخ دي ؟

أنا خايف كمان أحسن تحصل عمليات إنتحارية من باب يا روح ما بعدك روح ويستخدم الاسلحة الكيماوية اللي كان قارفنا بها وصارف عليها كل فلوسه

ربنا ياخده أخذ عزيز مقتدر

رغم ان الواحد متخوف جدا من السيناريو ده..بس للأسف الشديد ده شيء متوقع ووارد جدا..

لأن الموضوع ماجاش فجأة ولا جه في يوم وليلة..ده الدنيا كلها كانت متابعة تقدم الثوار خطوة بخطوة لحد ما وصلوا طرابلس..ممكن اتفاجئنا بالطريقة السهلة اللي دخلوا بيها طرابلس..لكن كنا عارفين بإذن الله انهم هيدخلوا..عشان كده وارد جدا انه عامل حساب اللحظة دي..و مأمن نفسه قبل ما يدخلوا بكتير..وربنا يستر ويلطف بإخواننا هناك..الراجل فعلا ممكن زي ما قلت يا سين يعمل أي حاجة انتحارية..لأنه عارف انه يا إما هيموت في القتال..يا إما لو اتقبض عليه..هيتنفخ و بعدين هيتقتل برضه..فأكيد طبعا هيختار القتل فقط..من غير نفخ

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))

رابط هذا التعليق
شارك

هالة المصراتي

بطلة الفيديوهات المجنونة

بتاعة التبني

واشهار المسدس لحظة اعتقالها

http://www.youtube.com/watch?v=mIyPQXIiK4w&feature=related

رابط هذا التعليق
شارك

فيديو يظهر فيه سيف الاسلام حرا

http://www.youtube.com/watch?v=yEo-Yi5qDG8

مجرد وصول الثوار لطرابلس ده حسم الامر

لو القذافي واولاده كانوا يقدروا يحرقوا ليبيا كانوا حرقوها

رابط هذا التعليق
شارك

مش عارف ليه بعد ظهور الولا سيف الاسلام امبارح..افتكرت حاجة قرأتها من يومين..وهي عن مقتل عبد الفتاح يونس

و كيف أنه و بعد مقتله مباشرة تقدم الثوار بخظوات سريعة جدا نحو طرابلس...ووجدت أن هناك من يشكك في الأخ عبد الفتاح ده أساسا..و منهم من قال أنه كان عميلا للقذافي بداخل المعارضة..و الثوار هم من قاموا بقتله..لذلك تقدموا كثيرا بعد مقتله..و حاجات كده كتير عمال أقرأها خليتني بصراحة شاكك في حاجات كتير كتير بتحصل هناك..

واحد من المجلس الانتقالي .. اللي كان في الجزيرة اول امبارح لما كانت الجزيرة بتكلم محمد ابن القذافي..و الراجل كان ناقص يحلف بالطلاق للثوار ان محمد ده طلب الأمان و انه مالوش دعوة تقريبا بأي حاجة..و ياريت ما حدش ييجي ناحيته..و تاني يوم الراجل هرب...

وامبارح الواد سيف الاسلام طلع و بيقول انا ما اتقبضش عليا ولا أي حاجة..و البت عيشة سين سين حاطط عينه عليها و عاوز يأدبها..

حد فاهم حاجة؟

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))

رابط هذا التعليق
شارك

أنا أقول لك يا عطار بغض النظر عن عيشه ( اللهم إني صايم )

كتر خير اللي الثوار بيعملوه قوي قوي قوي لأنهم قوات غير نظامية واللي بيحصل معاهم ده معجزة نظراً لإفتقارهم للخبرة القتالية أصلاً ... ونظراً لإن الأسلحة التقيلة والبلاوي كانت مع الزفت القذافي

فاللي حصل إن هناك تضارب في الأخبار ... ويكفي إنك تعرف إن الإتصالات بين طرابلس وبنغازي حيث مركز قيادة الثوار تكاد تكون مقطوعة ...

لكن إختباء القذافي وعياله في باب العزيزيةأعتقد ده نعمة من ربنا وهايسهل على الثوار كتير بدول ما كانوا يهربوا إلى مناطق مفتوحة .. فهما كده زي الجرذان اللي دخلت المصيدة برجليها ...

بمناسبة الفيران ... كان في يابو العطاطير فار مجنن أهلي في البلكونة من كام يوم .. روحت حاطط له المصيده وفيها الطعم تحت جُنح الظلام ... الولا عُمر خارج تاني يوم العصر لقى القتيل جوه المصيدية وشكله إتقفش بالليل .. تخيل من الحر والولعة بتاعت الرياض ومن 7 أو 8 ساعات عى الأكثر .. القتيل إتحمص من الحر والشمس .؟

شوفت بقى مصيرالقذافي هايبقى إيه ؟

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

رويترز : دخول الثوار مجمع باب العزيزية .

BreakingNews Breaking News

Reuters reporters see Libyan rebels enter Muammar Gadhafi Bab Al-Aziziya compound, firing into air inside compound in celebration - @Reuters

رابط هذا التعليق
شارك

فرحه ما بعدها فرحه

رفع على الثورة على بيت القذافي داخل باب العزيزية .. والجميع إما هرب أو مات تحت وطاة الضربات من كل مكان

ويكفي أن نعرف معسكر الحق من معسكر الباطل حينما سمعنا اليوم كلمة سر الهجوم وهي " التكبيرات بكل مساجد طرابلس "

ما شاء الله ... اللهم تمها على خير

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

الكاميرات الان داخل خرابة القذافي اللي كان بيقول منها زنجا زنجا

والله الراجل ده هايوحشنا .. مين هايضحكنا ويزغزغنا

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

الراجل مصطفى عبد الجليل رئيس المجلس الإنتقالي شخص ترتاح عندما تراه لله في لله كده

اليوم صرح بأن محاكمات رؤوس النظام السابق والمتورطون في قضايا فساد ستتم بشفافية ووفقاً لإجراءات قانونية تماماً وأن أول واحد سيت تقديمة للمحاكمة هو

مصطفى عبد الجليل ... يعني هايسلم نفسه

لإنه عمل كوزير في السابق لمدة 4 سنوات

وهو على استعداد لتطبيق القانون عليه إذا تم إثبات أي فساد عليه

تحية عطرة لهذا الشخص المحترم

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...